Taruparea̧ Ma̧ȩ 17
17
Ütë tjamo̧ judi ma̧ȩ yürürëremȩdejȩ Abara̧ pio ju̧i̧
1Abara̧ judi ui ji̧ra̧ri̧ goamȩpea̧mȩ oa, 99 ui goamȩpea̧mȩ oa, ma̧ȩ yürürëremȩdejȩ Jeova judi. Na̧rȩmȩrȩ ma̧ȩ yürürëremȩdejȩ ja̧di ta̧rëri̧ yo̧mȩrȩ:
—Danȩ, Ütë tjamo̧ pio judirequede. A̧dë chjäte ju chiamȩ Ütë pio judirequede. Coëma cjiari̧ cjo̧ro̧tä, co chjami̧ dari̧ cjo̧ro̧tä earequedemȩ, ca̧ ma̧ȩ pio ju̧i̧ chjadëri̧ ta̧rëdiämȩrȩ. 2Ado yo̧ë cji̧därea̧ ma̧ȩ yürürequedemȩ ano̧ mire jo̧rȩtarea̧mi̧dë ma̧ȩ oa. Danȩ, na̧ea̧ri ja̧ji̧ri̧ pio ji̧ri̧ no̧i̧dë tjamo̧parȩparequedejȩrȩ —yo̧a̧dejȩ Ütë tjamo̧ judi.
3Ado Abara̧ judi, 'Ütë tjamo̧ judi ni̧bädicoada' quëna̧mȩrȩ juchatura̧ tjätjäpë china̧därärëremȩde jibëa̧ daito oa daburäpȩ yuro. Ado ji̧dë uëri a̧de yo̧a̧dejȩ Ütë tjamo̧ judi:
4—Danȩ, cüdë yo̧a̧mi̧ japapea̧ ma̧ȩ oa yürürequedemȩ, yo̧ë cji̧därea̧ ma̧ȩ oa —yo̧a̧dejȩ—. Danȩ, na̧ea̧ri ja̧ji̧ri̧ pio judiro̧ no̧i̧dë tjamo̧pe bagapadirȩ goëje ji̧ra̧pe bagari̧. Oëra̧ti̧ a̧rȩmȩ chiriräpȩ cjo̧ro̧padirȩ. 5Ado pio ju̧i̧iä Abara̧#17:5 Abara̧ yo̧mȩ quȩ üdë Ebereo ma̧ȩde. 'Ama̧i̧ ba chia' yo̧rea̧de Ebereo ma̧ȩra̧. quȩdëmȩrenȩ yaba̧, jabo Abaraa̧#17:5 Abaraa̧ yo̧mȩ quȩ üdë, jabechji̧ Ebereo ma̧ȩde ado yo̧rea̧ chiade. Aja̧, Ebereo ma̧ȩde Abaraa̧ yo̧a̧ ji̧, jabechji̧ 'pumȩ no̧i̧dë tjamo̧ ja̧ ama̧i̧de' yo̧rea̧de. quȩra̧ pio ju̧ri̧ra̧ ano̧ mire quȩparequedemȩ. Jabechji̧ na̧ea̧ri ja̧ji̧ri̧ pio judiro̧ pumȩ buba ji̧ra̧pa tara, jabechji̧ Abaraa̧ quȩra̧ ano̧ mire quȩparequedemȩ —yo̧a̧dejȩ—. 6Danȩ, no̧i̧dë tjamo̧parȩparequedejȩrȩ na̧ea̧ri ja̧ji̧ri̧ pio ji̧ri̧. Goëje ji̧ra̧pe jäpadirȩ. Ado chiri ütëji̧ri̧rȩ cjo̧ro̧padirȩ o judiro̧ —yo̧a̧dejȩ—. 7Danȩ, na̧ Ütërequede cüdë bucho ana̧. Ado na̧ea̧ri ja̧ ji̧ri̧ pio ji̧ri̧ ja̧ Ütërequede peaja̧di bucho ana̧. Pio ju̧i̧iämȩrȩ ma̧ȩ yürürequedemȩ na̧ea̧ri ja̧ji̧ri̧ pio ji̧ri̧bo. Jabechji̧ bucho ana̧ cjiamȩ ma̧ȩ oa yürürequededibe yo̧ë cji̧därea̧ ma̧ȩ oa, tjamo̧dëpe järea̧mi̧dë ma̧ȩ oa —yo̧a̧dejȩ—. 8Ado danȩ, Canaa̧ quȩmȩ chiriräpȩ cjo̧ro̧renȩ yaba̧. Jabo jabërenȩ jabo. Chjätäti̧ cjiamȩmi̧ dari̧ cjo̧ro̧renȩ. Na̧ chiri oa tjamo̧ri̧ mitëa̧ oa goadërenȩ. Jabo pio yoa chiri chjö̧na̧i̧ oa yürüparequedemȩ davä, na̧ea̧ri ja̧ji̧ri̧ pio ji̧ri̧iäpȩmo̧bo. Tjamo̧ davä. Mȩnȩro̧ pio yoa chiri oa bucho ana̧ mitëpea̧ oa yürüparequededibe. Jabechji̧ na̧ea̧ri ja̧ji̧ri̧ pio ji̧ri̧ ja̧ Ütëparequede peaja̧di —yo̧mȩrȩ ma̧ȩ yürürëremȩdejȩ Abaraa̧ ju̧i̧ Ütë tjamo̧ judi.
Ütë tjamo̧ judi yo̧ë cji̧därea̧ ma̧ȩ pio ju̧i̧ chjiari na̧rȩrea̧ yürürëremȩde
9Ja̧dëa ji̧ Ütë tjamo̧ judi yo̧rëremȩdejȩ Abaraa̧ ju̧i̧:
—Danȩ, mȩnȩ chjadëri̧ ta̧rëdiäpea̧ chiarenȩque na̧ea̧ri ja̧ji̧ri̧ pio judiro̧borë, ji̧dë duri oa goëje ano̧ mire cjo̧ro̧paji̧ri̧ pio judiro̧borë. Tjamo̧ davä. Cüdë mȩa ma̧ȩ yürüa̧ ma̧ȩ pio ju̧i̧ chjadëri̧ ta̧rëdiäpea̧ maeade. 10Ado ma̧ȩ yürürequededibe yo̧ë cji̧därea̧ ma̧ȩ pio ju̧i̧ chjiari. Jabechji̧ nö̧tadäräri̧ ta̧rëdiäpea̧de. Tjamo̧ davä. Pio mȩnȩ, na̧ea̧ri ja̧ji̧ri̧borë nö̧tadäräri̧ ta̧rëdiäpea̧ chianȩrȩ. Ado pio ju̧i̧iä jabechji̧, oari judiro̧ nö̧tarë budoa̧ oa cjia mapea̧ chiadirȩ. 11Jabechji̧ chua yabi pio ju̧i̧ tuti budopea̧de. Jabechji̧ na̧rȩrea̧ yürürequededibe. Cüdë dibë yo̧ë cji̧däa̧ ma̧ȩ pio ju̧i̧ chjiari na̧rȩpȩade. 12Pio yaba̧ domȩri ja̧ oari bori̧ judiro̧ nö̧tarë budopea̧ maeadirȩ. Pea ara̧ judiro̧, ca̧i̧ta̧ra̧ ichiri tjarari̧ do ara̧ oa cjiaji̧ri̧ pio judiro̧, jabechji̧ budopea̧ maeadirȩ. Ja̧di dari̧ japapea̧ maeade bucho ana̧. Ado dibëa̧ bëräpȩ cjo̧ro̧ji̧ri̧ mu̧i̧tjoi̧ judiro̧ jibëa̧ bori̧ ji̧ri̧ ararä, peaja̧di budopea̧ maeadirȩ ca̧i̧ta̧ra̧ ichiri tjarari̧ do ara̧ oa cjiaji̧ri̧ judiro̧. Ado dibëa̧ mu̧i̧tjoi̧ judiro̧, mȩnȩro̧ cja̧rȩmo̧ ju̧i̧iä, na̧ea̧ri ja̧dëmȩ pio ju̧i̧iä chërera̧ gatëa̧ oa cjiaji̧ri̧ mu̧i̧tjoi̧ pio judiro̧borë budopea̧ maeadirȩ. Aja̧, ja̧di dari̧ cjo̧ro̧tä earequededibe. Mȩa nö̧ta cjo̧ro̧ji̧ri̧ judiro̧borë, na̧ea̧ri ja̧dëji̧ri̧borë budopea̧ maeadirȩ. Dibëa̧ mu̧i̧tjoi̧ chjö̧na̧i̧rȩ budopea̧ maeadirȩ. 13Cjiadiädëri̧ budoa̧ oa cjiapea̧ chia maeadirȩ ütëborë a̧dë chiquirea̧ decjiari̧, na̧ea̧ri ja̧mȩ pio judi, ado chërera̧ gatëa̧ oa cjiamȩ mu̧i̧tjoi̧ judi. Ja̧di dari̧ dibëa̧ icjara üdë ca̧ na̧rȩrea̧ pio ju̧i̧ chiapade. Tjamo̧ davä. Cüdë ma̧ȩ yürüa̧ pio ju̧i̧ chjiari na̧rȩrea̧ chiapade dibëa̧ icjara üdë, bucho ana̧ cjiamȩ ma̧ȩ pio ju̧i̧ chjiari, cüdë dibë yo̧ë cji̧därea̧ ma̧ȩ pio ju̧i̧ chjiari. 14Ado eami̧ üi̧rȩ budoa̧ oa cjiadëmȩ judi, jabechji̧ dairäpȩ tutia̧ oa cjiami̧ dari̧ cjiadiäpade cüdë ma̧ȩ yürüa̧ ma̧ȩ pio ju̧i̧ jiada̧ oaiä —yo̧mȩrȩ ma̧ȩ yürürëremȩdejȩ Abaraa̧ ju̧i̧ Ütë tjamo̧ judi.
Icha pio ju̧i̧ chjiari ma̧ȩ yürürëremȩdejȩ Abaraa̧ ju̧i̧ Ütë tjamo̧ judi
15Ja̧dëa ji̧ Ütë tjamo̧ judi yo̧rëremȩdejȩ Abaraa̧ pio ju̧i̧:
—Danȩ, na̧ iei̧ jini̧, jabechji̧ Charai quȩyi̧dëpanȩ yaba̧. Jabechji̧ ano̧ mire quȩparequedejȩ. Jabechji̧ Charai quȩyi̧rërea̧ ji̧, Chara quȩpayi̧nȩ yaba̧ —yo̧a̧dejȩ—. 16Ado danȩ, chjadëri̧ japaparequedejȩ na̧ iei̧ ji̧. Üi̧ boi̧ ararea̧mi̧ dari̧ japaparequedejȩ. Pio mȩnȩ nö̧ria̧ oa arapanȩ. Tjamo̧ davä. Chjadëri̧ japaparequedejȩ. Ado na̧ iei̧ri ja̧ji̧ri̧ pio judiro̧, jabechji̧ no̧i̧dë tjamo̧padirȩ, goëje ji̧ra̧pe bagari̧. Oëra̧ti̧ a̧rȩmȩ chiriräpȩ cjo̧ro̧padirȩ. Na̧ iei̧ri ja̧ji̧ri̧ judiro̧ no̧i̧dërë chiri ütëji̧ri̧rȩ cjo̧ro̧padirȩ —yo̧mȩrȩ ma̧ȩ yürürëremȩdejȩ Abaraa̧ ju̧i̧ Ütë tjamo̧ judi jibëa̧ iei̧ pio ji̧ chjiari.
17Pio ju̧i̧ ta̧rëa̧ oaiä Abaraa̧ judi juchatura̧ tjätjäpë china̧därärëremȩde jibëa̧ daito oa daburäpȩ yuro. Ado airi̧ cjiapea̧de. ‘Jabo cjäri̧ maquëda, 100 ui goamȩrȩ dopaquëda, a̧dë chjäte ütama̧i̧pea̧quëda, bo nö̧rirea̧mi̧dëquëda, ado ca̧ iei̧ jini̧ 90 ui goayi̧ni̧da, ütai̧ tjamo̧pea̧ni̧da, ararea̧mi̧dëni̧da’ quëna̧ jo̧rȩtamȩrȩ airi̧ cjiapea̧de Abaraa̧ judi. 18Ado ja̧di dari̧ jo̧rȩtamȩrȩ ni̧bärëremȩdejȩ Ütë tjamo̧ ju̧i̧:
—Danȩ, Ichamae pio ju̧i̧ mitëvä. Pio ju̧i̧ chjadëri̧ japajo̧ȩ. Jabechji̧ pio ju̧i̧iä ji̧ra̧pe jätäreji̧ri̧dirȩ ca̧ea̧ri ja̧ji̧ri̧ pio judiro̧ —yo̧a̧dejȩ.
19Jabo Ütë tjamo̧ judi dëbë yo̧a̧dejȩ:
—Cjäri̧ mareconȩ, Ichamae pio ju̧i̧ mitëdëpareconȩ —yo̧a̧dejȩ—. Na̧ iei̧ jini̧, Chara quȩyi̧ pio jini̧ üi̧ boi̧ arapanȩ. Icha quȩra̧ pio ju̧ri̧ra̧ quȩpaparenȩjo̧ȩ. Pio ju̧i̧ mitëpareconȩ. Ado cüdë mȩa ma̧ȩ yürüa̧ ma̧ȩra̧ pio ju̧ri̧ra̧ ma̧ȩ yürüpareconȩ peaja̧di. Pio judiri ja̧ji̧ri̧ pio ji̧ri̧bo jo̧rȩtamȩrȩ ma̧ȩ yürüpareconȩ bucho ana̧ cjiamȩ ma̧ȩ oa. 20Ado Ichamae pio ju̧i̧, peaja̧di chjadëri̧ japapareconȩ. Mȩnȩ cjo̧dëa̧mi̧ chjadëri̧ japapareconȩ na̧ ja pio ju̧i̧. Noi̧dë tjamo̧parȩparequedejȩrȩ pio judiri ja̧ji̧ri̧ pio ji̧ri̧. Ado 12 chiri ütëji̧ri̧ pio ji̧ri̧ nö̧ripadejȩrȩ peaja̧di. Ado o judiro̧ boadärärea̧mi̧dëri̧ cjo̧ro̧padirȩ Ichamae pio judiri ja̧ji̧ri̧ judiro̧. 21Jabo danȩ, Ichamae pio ju̧i̧ mitëdëpareconȩ jabo. Pio ju̧i̧ ma̧ȩ yürüpea̧ oa, pio ju̧i̧ yo̧ë cji̧därea̧ ma̧ȩ oa yürüpea̧ oa mitëdëpareconȩ. Jabechji̧ na̧ ja ju̧i̧, Icha pio ju̧i̧ mitëpareconȩ. Ado na̧ iei̧ jini̧, dëdë, arapanȩ. Cja̧rȩmȩ ui codë chjätä ëte pio yaba̧mi̧ gupënȩrä, arapanȩjȩ davä na̧ ja pio ju̧i̧ —yo̧mȩrȩ ma̧ȩ yürürëremȩdejȩ Abaraa̧ ju̧i̧ Ütë tjamo̧ judi.
Abaraa̧ judi ta̧rë ta̧rë japarëremȩdejȩ Ütë tjamo̧ ju̧i̧
22Ado Ütë tjamo̧ judi Abaraa̧ pio ju̧i̧ nö̧ta ni̧bä chjaopea̧ ji̧ cjiadiäa̧rä baärëremȩde. 23Ado pio jiro domȩ ju̧i̧iä Abaraa̧ judi budorëremȩdejȩ jibëa̧ ja oa, Ichamae quȩmȩ pio ju̧i̧. Ado judiri budoa̧dejȩrȩ jibëa̧ mu̧i̧tjoi̧ ja̧ u̧ri̧ pio ji̧ri̧, jibëa̧ bëräpȩ ara̧ pio ji̧ri̧. Ado chërera̧ gatëa̧ oa cjiaji̧ri̧ mu̧i̧tjoi̧ pio ji̧ri̧bo budoa̧dejȩrȩ. Pio jȩa nö̧ta cjo̧ro̧ji̧ri̧ oari judiro̧ chjö̧na̧i̧rȩ budoa̧ oa cjia marëreji̧ri̧dirȩ pio jiro domȩ ju̧i̧iä. Ja̧di dari̧ japamȩrȩ japadärärëremȩde Ütë tjamo̧ pio judi yo̧a̧mi̧. 24Ado Abaraa̧ judi peaja̧di budoa̧ oa cjiarëremȩde pio jiro domȩ ju̧i̧iä. Aja̧, 99 ui goamȩrȩ budoa̧ oa cjiarëremȩde. 25Ado Ichamae judi, ichi chjö̧na̧i̧ tjarari̧ ui goamȩrȩ budoa̧ oa cjiarëremȩde peaja̧di. 26Abaraa̧ judi budoa̧ oa cjiarëremȩ domȩ ju̧i̧iä peaja̧di budoa̧ oa cjiarëremȩde Ichamae judi. 27Ado judiro̧mo̧rȩdë jabo oari̧ judiro̧ chjö̧na̧i̧rȩ, Abaraa̧ pio ju̧i̧ nö̧ta cjo̧ro̧ji̧ri̧ judiro̧ ütëborë budoa̧ oa cjia marëreji̧ri̧dirȩ pio jiro domȩ ju̧i̧iä. Jibëa̧ mu̧i̧tjoi̧ judiro̧, jibëa̧ bëräpȩ ara̧ mu̧i̧tjoi̧ pio judiro̧, cja̧rȩmo̧ ju̧i̧iä chërera̧ gatëa̧ oa cjiaji̧ri̧ mu̧i̧tjoi̧ pio judiro̧borë budoa̧ oa cjia marëreji̧ri̧dirȩ, eami̧ üi̧rȩ cjiadiädëri̧.
Currently Selected:
Taruparea̧ Ma̧ȩ 17: Pume
Highlight
Share
Copy
Want to have your highlights saved across all your devices? Sign up or sign in
©2021 Global Partners, All Rights Reserved
Taruparea̧ Ma̧ȩ 17
17
Ütë tjamo̧ judi ma̧ȩ yürürëremȩdejȩ Abara̧ pio ju̧i̧
1Abara̧ judi ui ji̧ra̧ri̧ goamȩpea̧mȩ oa, 99 ui goamȩpea̧mȩ oa, ma̧ȩ yürürëremȩdejȩ Jeova judi. Na̧rȩmȩrȩ ma̧ȩ yürürëremȩdejȩ ja̧di ta̧rëri̧ yo̧mȩrȩ:
—Danȩ, Ütë tjamo̧ pio judirequede. A̧dë chjäte ju chiamȩ Ütë pio judirequede. Coëma cjiari̧ cjo̧ro̧tä, co chjami̧ dari̧ cjo̧ro̧tä earequedemȩ, ca̧ ma̧ȩ pio ju̧i̧ chjadëri̧ ta̧rëdiämȩrȩ. 2Ado yo̧ë cji̧därea̧ ma̧ȩ yürürequedemȩ ano̧ mire jo̧rȩtarea̧mi̧dë ma̧ȩ oa. Danȩ, na̧ea̧ri ja̧ji̧ri̧ pio ji̧ri̧ no̧i̧dë tjamo̧parȩparequedejȩrȩ —yo̧a̧dejȩ Ütë tjamo̧ judi.
3Ado Abara̧ judi, 'Ütë tjamo̧ judi ni̧bädicoada' quëna̧mȩrȩ juchatura̧ tjätjäpë china̧därärëremȩde jibëa̧ daito oa daburäpȩ yuro. Ado ji̧dë uëri a̧de yo̧a̧dejȩ Ütë tjamo̧ judi:
4—Danȩ, cüdë yo̧a̧mi̧ japapea̧ ma̧ȩ oa yürürequedemȩ, yo̧ë cji̧därea̧ ma̧ȩ oa —yo̧a̧dejȩ—. Danȩ, na̧ea̧ri ja̧ji̧ri̧ pio judiro̧ no̧i̧dë tjamo̧pe bagapadirȩ goëje ji̧ra̧pe bagari̧. Oëra̧ti̧ a̧rȩmȩ chiriräpȩ cjo̧ro̧padirȩ. 5Ado pio ju̧i̧iä Abara̧#17:5 Abara̧ yo̧mȩ quȩ üdë Ebereo ma̧ȩde. 'Ama̧i̧ ba chia' yo̧rea̧de Ebereo ma̧ȩra̧. quȩdëmȩrenȩ yaba̧, jabo Abaraa̧#17:5 Abaraa̧ yo̧mȩ quȩ üdë, jabechji̧ Ebereo ma̧ȩde ado yo̧rea̧ chiade. Aja̧, Ebereo ma̧ȩde Abaraa̧ yo̧a̧ ji̧, jabechji̧ 'pumȩ no̧i̧dë tjamo̧ ja̧ ama̧i̧de' yo̧rea̧de. quȩra̧ pio ju̧ri̧ra̧ ano̧ mire quȩparequedemȩ. Jabechji̧ na̧ea̧ri ja̧ji̧ri̧ pio judiro̧ pumȩ buba ji̧ra̧pa tara, jabechji̧ Abaraa̧ quȩra̧ ano̧ mire quȩparequedemȩ —yo̧a̧dejȩ—. 6Danȩ, no̧i̧dë tjamo̧parȩparequedejȩrȩ na̧ea̧ri ja̧ji̧ri̧ pio ji̧ri̧. Goëje ji̧ra̧pe jäpadirȩ. Ado chiri ütëji̧ri̧rȩ cjo̧ro̧padirȩ o judiro̧ —yo̧a̧dejȩ—. 7Danȩ, na̧ Ütërequede cüdë bucho ana̧. Ado na̧ea̧ri ja̧ ji̧ri̧ pio ji̧ri̧ ja̧ Ütërequede peaja̧di bucho ana̧. Pio ju̧i̧iämȩrȩ ma̧ȩ yürürequedemȩ na̧ea̧ri ja̧ji̧ri̧ pio ji̧ri̧bo. Jabechji̧ bucho ana̧ cjiamȩ ma̧ȩ oa yürürequededibe yo̧ë cji̧därea̧ ma̧ȩ oa, tjamo̧dëpe järea̧mi̧dë ma̧ȩ oa —yo̧a̧dejȩ—. 8Ado danȩ, Canaa̧ quȩmȩ chiriräpȩ cjo̧ro̧renȩ yaba̧. Jabo jabërenȩ jabo. Chjätäti̧ cjiamȩmi̧ dari̧ cjo̧ro̧renȩ. Na̧ chiri oa tjamo̧ri̧ mitëa̧ oa goadërenȩ. Jabo pio yoa chiri chjö̧na̧i̧ oa yürüparequedemȩ davä, na̧ea̧ri ja̧ji̧ri̧ pio ji̧ri̧iäpȩmo̧bo. Tjamo̧ davä. Mȩnȩro̧ pio yoa chiri oa bucho ana̧ mitëpea̧ oa yürüparequededibe. Jabechji̧ na̧ea̧ri ja̧ji̧ri̧ pio ji̧ri̧ ja̧ Ütëparequede peaja̧di —yo̧mȩrȩ ma̧ȩ yürürëremȩdejȩ Abaraa̧ ju̧i̧ Ütë tjamo̧ judi.
Ütë tjamo̧ judi yo̧ë cji̧därea̧ ma̧ȩ pio ju̧i̧ chjiari na̧rȩrea̧ yürürëremȩde
9Ja̧dëa ji̧ Ütë tjamo̧ judi yo̧rëremȩdejȩ Abaraa̧ ju̧i̧:
—Danȩ, mȩnȩ chjadëri̧ ta̧rëdiäpea̧ chiarenȩque na̧ea̧ri ja̧ji̧ri̧ pio judiro̧borë, ji̧dë duri oa goëje ano̧ mire cjo̧ro̧paji̧ri̧ pio judiro̧borë. Tjamo̧ davä. Cüdë mȩa ma̧ȩ yürüa̧ ma̧ȩ pio ju̧i̧ chjadëri̧ ta̧rëdiäpea̧ maeade. 10Ado ma̧ȩ yürürequededibe yo̧ë cji̧därea̧ ma̧ȩ pio ju̧i̧ chjiari. Jabechji̧ nö̧tadäräri̧ ta̧rëdiäpea̧de. Tjamo̧ davä. Pio mȩnȩ, na̧ea̧ri ja̧ji̧ri̧borë nö̧tadäräri̧ ta̧rëdiäpea̧ chianȩrȩ. Ado pio ju̧i̧iä jabechji̧, oari judiro̧ nö̧tarë budoa̧ oa cjia mapea̧ chiadirȩ. 11Jabechji̧ chua yabi pio ju̧i̧ tuti budopea̧de. Jabechji̧ na̧rȩrea̧ yürürequededibe. Cüdë dibë yo̧ë cji̧däa̧ ma̧ȩ pio ju̧i̧ chjiari na̧rȩpȩade. 12Pio yaba̧ domȩri ja̧ oari bori̧ judiro̧ nö̧tarë budopea̧ maeadirȩ. Pea ara̧ judiro̧, ca̧i̧ta̧ra̧ ichiri tjarari̧ do ara̧ oa cjiaji̧ri̧ pio judiro̧, jabechji̧ budopea̧ maeadirȩ. Ja̧di dari̧ japapea̧ maeade bucho ana̧. Ado dibëa̧ bëräpȩ cjo̧ro̧ji̧ri̧ mu̧i̧tjoi̧ judiro̧ jibëa̧ bori̧ ji̧ri̧ ararä, peaja̧di budopea̧ maeadirȩ ca̧i̧ta̧ra̧ ichiri tjarari̧ do ara̧ oa cjiaji̧ri̧ judiro̧. Ado dibëa̧ mu̧i̧tjoi̧ judiro̧, mȩnȩro̧ cja̧rȩmo̧ ju̧i̧iä, na̧ea̧ri ja̧dëmȩ pio ju̧i̧iä chërera̧ gatëa̧ oa cjiaji̧ri̧ mu̧i̧tjoi̧ pio judiro̧borë budopea̧ maeadirȩ. Aja̧, ja̧di dari̧ cjo̧ro̧tä earequededibe. Mȩa nö̧ta cjo̧ro̧ji̧ri̧ judiro̧borë, na̧ea̧ri ja̧dëji̧ri̧borë budopea̧ maeadirȩ. Dibëa̧ mu̧i̧tjoi̧ chjö̧na̧i̧rȩ budopea̧ maeadirȩ. 13Cjiadiädëri̧ budoa̧ oa cjiapea̧ chia maeadirȩ ütëborë a̧dë chiquirea̧ decjiari̧, na̧ea̧ri ja̧mȩ pio judi, ado chërera̧ gatëa̧ oa cjiamȩ mu̧i̧tjoi̧ judi. Ja̧di dari̧ dibëa̧ icjara üdë ca̧ na̧rȩrea̧ pio ju̧i̧ chiapade. Tjamo̧ davä. Cüdë ma̧ȩ yürüa̧ pio ju̧i̧ chjiari na̧rȩrea̧ chiapade dibëa̧ icjara üdë, bucho ana̧ cjiamȩ ma̧ȩ pio ju̧i̧ chjiari, cüdë dibë yo̧ë cji̧därea̧ ma̧ȩ pio ju̧i̧ chjiari. 14Ado eami̧ üi̧rȩ budoa̧ oa cjiadëmȩ judi, jabechji̧ dairäpȩ tutia̧ oa cjiami̧ dari̧ cjiadiäpade cüdë ma̧ȩ yürüa̧ ma̧ȩ pio ju̧i̧ jiada̧ oaiä —yo̧mȩrȩ ma̧ȩ yürürëremȩdejȩ Abaraa̧ ju̧i̧ Ütë tjamo̧ judi.
Icha pio ju̧i̧ chjiari ma̧ȩ yürürëremȩdejȩ Abaraa̧ ju̧i̧ Ütë tjamo̧ judi
15Ja̧dëa ji̧ Ütë tjamo̧ judi yo̧rëremȩdejȩ Abaraa̧ pio ju̧i̧:
—Danȩ, na̧ iei̧ jini̧, jabechji̧ Charai quȩyi̧dëpanȩ yaba̧. Jabechji̧ ano̧ mire quȩparequedejȩ. Jabechji̧ Charai quȩyi̧rërea̧ ji̧, Chara quȩpayi̧nȩ yaba̧ —yo̧a̧dejȩ—. 16Ado danȩ, chjadëri̧ japaparequedejȩ na̧ iei̧ ji̧. Üi̧ boi̧ ararea̧mi̧ dari̧ japaparequedejȩ. Pio mȩnȩ nö̧ria̧ oa arapanȩ. Tjamo̧ davä. Chjadëri̧ japaparequedejȩ. Ado na̧ iei̧ri ja̧ji̧ri̧ pio judiro̧, jabechji̧ no̧i̧dë tjamo̧padirȩ, goëje ji̧ra̧pe bagari̧. Oëra̧ti̧ a̧rȩmȩ chiriräpȩ cjo̧ro̧padirȩ. Na̧ iei̧ri ja̧ji̧ri̧ judiro̧ no̧i̧dërë chiri ütëji̧ri̧rȩ cjo̧ro̧padirȩ —yo̧mȩrȩ ma̧ȩ yürürëremȩdejȩ Abaraa̧ ju̧i̧ Ütë tjamo̧ judi jibëa̧ iei̧ pio ji̧ chjiari.
17Pio ju̧i̧ ta̧rëa̧ oaiä Abaraa̧ judi juchatura̧ tjätjäpë china̧därärëremȩde jibëa̧ daito oa daburäpȩ yuro. Ado airi̧ cjiapea̧de. ‘Jabo cjäri̧ maquëda, 100 ui goamȩrȩ dopaquëda, a̧dë chjäte ütama̧i̧pea̧quëda, bo nö̧rirea̧mi̧dëquëda, ado ca̧ iei̧ jini̧ 90 ui goayi̧ni̧da, ütai̧ tjamo̧pea̧ni̧da, ararea̧mi̧dëni̧da’ quëna̧ jo̧rȩtamȩrȩ airi̧ cjiapea̧de Abaraa̧ judi. 18Ado ja̧di dari̧ jo̧rȩtamȩrȩ ni̧bärëremȩdejȩ Ütë tjamo̧ ju̧i̧:
—Danȩ, Ichamae pio ju̧i̧ mitëvä. Pio ju̧i̧ chjadëri̧ japajo̧ȩ. Jabechji̧ pio ju̧i̧iä ji̧ra̧pe jätäreji̧ri̧dirȩ ca̧ea̧ri ja̧ji̧ri̧ pio judiro̧ —yo̧a̧dejȩ.
19Jabo Ütë tjamo̧ judi dëbë yo̧a̧dejȩ:
—Cjäri̧ mareconȩ, Ichamae pio ju̧i̧ mitëdëpareconȩ —yo̧a̧dejȩ—. Na̧ iei̧ jini̧, Chara quȩyi̧ pio jini̧ üi̧ boi̧ arapanȩ. Icha quȩra̧ pio ju̧ri̧ra̧ quȩpaparenȩjo̧ȩ. Pio ju̧i̧ mitëpareconȩ. Ado cüdë mȩa ma̧ȩ yürüa̧ ma̧ȩra̧ pio ju̧ri̧ra̧ ma̧ȩ yürüpareconȩ peaja̧di. Pio judiri ja̧ji̧ri̧ pio ji̧ri̧bo jo̧rȩtamȩrȩ ma̧ȩ yürüpareconȩ bucho ana̧ cjiamȩ ma̧ȩ oa. 20Ado Ichamae pio ju̧i̧, peaja̧di chjadëri̧ japapareconȩ. Mȩnȩ cjo̧dëa̧mi̧ chjadëri̧ japapareconȩ na̧ ja pio ju̧i̧. Noi̧dë tjamo̧parȩparequedejȩrȩ pio judiri ja̧ji̧ri̧ pio ji̧ri̧. Ado 12 chiri ütëji̧ri̧ pio ji̧ri̧ nö̧ripadejȩrȩ peaja̧di. Ado o judiro̧ boadärärea̧mi̧dëri̧ cjo̧ro̧padirȩ Ichamae pio judiri ja̧ji̧ri̧ judiro̧. 21Jabo danȩ, Ichamae pio ju̧i̧ mitëdëpareconȩ jabo. Pio ju̧i̧ ma̧ȩ yürüpea̧ oa, pio ju̧i̧ yo̧ë cji̧därea̧ ma̧ȩ oa yürüpea̧ oa mitëdëpareconȩ. Jabechji̧ na̧ ja ju̧i̧, Icha pio ju̧i̧ mitëpareconȩ. Ado na̧ iei̧ jini̧, dëdë, arapanȩ. Cja̧rȩmȩ ui codë chjätä ëte pio yaba̧mi̧ gupënȩrä, arapanȩjȩ davä na̧ ja pio ju̧i̧ —yo̧mȩrȩ ma̧ȩ yürürëremȩdejȩ Abaraa̧ ju̧i̧ Ütë tjamo̧ judi.
Abaraa̧ judi ta̧rë ta̧rë japarëremȩdejȩ Ütë tjamo̧ ju̧i̧
22Ado Ütë tjamo̧ judi Abaraa̧ pio ju̧i̧ nö̧ta ni̧bä chjaopea̧ ji̧ cjiadiäa̧rä baärëremȩde. 23Ado pio jiro domȩ ju̧i̧iä Abaraa̧ judi budorëremȩdejȩ jibëa̧ ja oa, Ichamae quȩmȩ pio ju̧i̧. Ado judiri budoa̧dejȩrȩ jibëa̧ mu̧i̧tjoi̧ ja̧ u̧ri̧ pio ji̧ri̧, jibëa̧ bëräpȩ ara̧ pio ji̧ri̧. Ado chërera̧ gatëa̧ oa cjiaji̧ri̧ mu̧i̧tjoi̧ pio ji̧ri̧bo budoa̧dejȩrȩ. Pio jȩa nö̧ta cjo̧ro̧ji̧ri̧ oari judiro̧ chjö̧na̧i̧rȩ budoa̧ oa cjia marëreji̧ri̧dirȩ pio jiro domȩ ju̧i̧iä. Ja̧di dari̧ japamȩrȩ japadärärëremȩde Ütë tjamo̧ pio judi yo̧a̧mi̧. 24Ado Abaraa̧ judi peaja̧di budoa̧ oa cjiarëremȩde pio jiro domȩ ju̧i̧iä. Aja̧, 99 ui goamȩrȩ budoa̧ oa cjiarëremȩde. 25Ado Ichamae judi, ichi chjö̧na̧i̧ tjarari̧ ui goamȩrȩ budoa̧ oa cjiarëremȩde peaja̧di. 26Abaraa̧ judi budoa̧ oa cjiarëremȩ domȩ ju̧i̧iä peaja̧di budoa̧ oa cjiarëremȩde Ichamae judi. 27Ado judiro̧mo̧rȩdë jabo oari̧ judiro̧ chjö̧na̧i̧rȩ, Abaraa̧ pio ju̧i̧ nö̧ta cjo̧ro̧ji̧ri̧ judiro̧ ütëborë budoa̧ oa cjia marëreji̧ri̧dirȩ pio jiro domȩ ju̧i̧iä. Jibëa̧ mu̧i̧tjoi̧ judiro̧, jibëa̧ bëräpȩ ara̧ mu̧i̧tjoi̧ pio judiro̧, cja̧rȩmo̧ ju̧i̧iä chërera̧ gatëa̧ oa cjiaji̧ri̧ mu̧i̧tjoi̧ pio judiro̧borë budoa̧ oa cjia marëreji̧ri̧dirȩ, eami̧ üi̧rȩ cjiadiädëri̧.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2021 Global Partners, All Rights Reserved