Juan 10:1-2

Ado Jechu judi ji̧dë u̧i̧ yo̧tämi̧ cjiamȩrȩ a̧de ni̧bä chjaorëremȩdejȩrȩ pumȩ ji̧ri̧: —Danȩrȩ, tjamo̧i̧ cjiari̧ yo̧requededibe —yo̧a̧dejȩrȩ—. Oveja jidamȩ judi chjadëri̧ jidadejȩrȩ oveja pio ji̧ri̧. Ado gȩnȩpea̧rä, tutia̧rä yu̧a̧ tänȩdejȩrȩ totarea̧räpȩ, judiro̧ chjadëri̧ mo̧a̧pea̧ oa. Ado oveja jidamȩ judi totarea̧räpȩ yu̧a̧rä, jabechji̧ tjaoëri yu̧a̧dëmȩde, jabo yu̧a̧rea̧ jo̧ë yari pio judiri yu̧a̧de chjadëri̧. Jabo ja̧di dari̧ japadëmȩde garümȩ judi. Tjaoëri yu̧a̧mȩde. Uëri buë ëte yu̧a̧de garüpea̧ oa. Pumȩ chjadëdëde.