Mateu 20
20
Upurakiwaita kupixawa upe
1Nyãse iwaka ruixawa imiraita iyawe kua yepe uka iyara usuwaa yawe kuemaite usikari arama upurakiwaita ikupixawa upe.
2Umbeu ainta supe:
—Yepe ara rikuyara yepe dinyeru kuaita upurakiwaita, asui umundu aintausu ikupixawa kiti.
3Asui usu yuiri nuvi ura rame umaa amuita aintauikuntu ukara kiti, timaa nungara aintaupuraki.
4Ape umbeu ainta supe:
—Penye yuiri pesu pepuraki sekupixawa kiti, asui hapagari kuri penye sikuyara kua pepurakiwaa. Asui aintausuana.
5Asui yandara kurasi usu uwasemu yuiri upurakiwaita, asui tres ura rame usu yuiri uwasemu amuita upurakiwaita.
6Asui sinku ura rame usu yuiri uwasemu amuita aintauikuntu timaa nungara aintaupuraki, ape umbeu ainta supe:
—Marantaa peikuntu ara pukusawa, marantaa tipepuraki?
7Asui aintaumbeu ixupe:
—Tiawa usenui yande. Ape umbeu ainta supe:
—Penye yuiri pesu sekupixawa kiti.
8Asui karuka rame kua kupixawa iyara umbeu ixupe kua usaruwaa ainta:
—Resenui kuaita upurakiwaita repagari primeru kua upurakiwaa anyu aramawaa aintarakakuera asui amuita asui ate primeruwaa upuraki.
9Asui aintauri kuaita uyupiruwaita upuraki sinku ura asui uxari ainta supe yepe dinyeru aintayaweyawe.
10Asui aintauri kuaita uyupiruwaita upuraki aintarunde aintaumanduari uxari ainta supe turusu piri aintasui kuaita amuita, maa uxari ainta supe yepe dinyeru aintayaweyawe.
11Asui aintaupisika rire kua umeewaa ainta supe aintaupurungita puxi sese kua uka iyara.
12Asui aintaumbeu ixupe:
—Kuaita anyu aramawaita anyunte aintaupuraki inde arama yepe ura maa remaa ainta supe yepewasute yaneirumu yande yapurarawaita yapuraki inde arama ara pukusawa kurasi wirupi.
13Asui umbeu ixupe kua yepe aintasuiwara:
—Seanama tihamunya inde arama puxuwera. Maitaa timaa rembeu ixe arama reputari repuraki ixe arama yepe dinyeru usikasawa?
14Ape repisika neyara resuana, nyãse haputari haxari ixupe kua anyu aramawaa kuaye haxariwaa yawe inde arama.
15Maitaa tihapuderi hamunya semaaita irumu kuaye haputariwaa yawe? Maitaa puxi remaa ixe purangawaa resewara ixe?
16Asui siya kuaita uputariwaita aintarunde kitiwara ainta maa aintate aintarakakuerawara ainta, asui kuaita aintarakakuerawaraita aintate aintarunde kitiwaraita ainta.
Umbeu yuiri umanu arama kuri
17Asui Jesus usu irumu Jeruzalẽ kiti, urasu kuaita duziwaita miraita. Asui, umbeu ainta supe:
18—Kuiri yasu Jeruzalẽ kiti, ape kuri aintawentregari kua unaseriwaa umaa kua ara ainta supe kuaita saserdutita aintaruixawaita, umpinimawaita supe yuiri, asui aintauxari kuri aintauyuká ae.
19Asui aintauxari kuri ae ainta supe kuaita tiwaita judeu aintaukasuari arama ae aintausurari ae asui aintaunupa uyari kurusa rese, asui musapiri ara rire uyuiri kuri upaka.
Tiagu, Juão aintamaya upurandu Jesus
20Asui uri Jesus ipiri imembira irumu kua Zebedeu rimiriku, umunya ixupe benditu upurandu irumu maa uputariwaa.
21Asui umbeu ixupe:
—Maataa reputari seirumu? Ape unyee ixupe:
—Kuaita sembira mukuĩwaita rexari kuri aintauwapika neirumu tuixawa rame kuri inde, yepe nekatusawa sui yepe nekanyuntu sui.
22Asui Jesus umbeu:
—Timaa pekuawa mayesawataa kua pepuranduwaa seirumu, maitaa pepuderi peu kua hauwaa? Aintaunyee ixupe:
—Yapuderi.
23Asui umbeu ainta supe:
—Supiwa peu kuri seirumu; maa tihapuderi haxari pewapika sekatusawa sui sekanyuntu sui yuiri, maa aintauwapika kuri seirumu kuaita sepaya uxariwaita uwapika ape.
24Asui kuaita amuita umbuewaita deziwaita aintaipiaiwa aintaumaa ainta supe kuaita Zebedeu rairaita mukuĩwaita aintausendu irumu kua aintaupuranduwaa Jesus irumu.
25Asui Jesus usenui ipiri ainta, umbeu ainta supe:
—Pekuawate maye kuaita tiwaita judeu ruixawaita kirimbawa aintaumundu aintamiraita, asui kuaita yuiri serakuenawaita aintaumundu yuiri ainta.
26Maa pepiterupi tipuranga yawewaa, nyãse kua uputariwaa umundu ainta, urikute uajudari ainta panye.
27Kua uputariwaa umundu amuita urikute upuraki ainta supe panye.
28Iyawe kua unaseriwaa umaa kua ara timaa uri uxari aintaupuraki ixupe, maa upuraki ainta supe, umanu arama aintaresewara kuaita siyawaita uyurawa arama ainta.
Umukaturu mukuĩ sesaimawaita
29Asui aintauyuiri irumu Jeriku sui siya miraita usu irumu.
30Asui mukuĩ apigawa sesaimawaita aintauwapika pee rimbiwa upe, aintausendu irumu Jesus kua usasawawaa aintausenui ae kirimbawa:
—Inde yaneruixawa, inde Davi rimiariru pirasua remaa yande arama.
31Asui kuaita miraita siyawaita aintauyakawa ainta aintaumukiriri arama, maa kirimbawa aintausenui aintaunyee:
—Inde yaneruixawa, inde Davi rimiariru pirasua remaa yande arama.
32Asui Jesus upita upuamu usenui ainta, asui umbeu ainta supe:
—Maataa peputari hamunya penye arama?
33Aintaunyee ixupe:
—Yaneruixawa, rexari uyupirari yaneresa.
34Asui pirasua Jesus umaa ainta supe, ape uxari idedu aintaresa upe, asui aramete aintaumaawana aintaresa irumu, asui aintausu Jesus rakakuera.
Currently Selected:
Mateu 20: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
