Matye 15
15
Liloonji lin'vaanë sinkaakë
(Mak 7.1-13)
1Mu bwaawu, Sifalisyaanu i miloonji n'kaakë bëfuminë lu Yelusaleemë bëbelëmë Yeesu i kun'yufulë : 2« Mu cibilë-mbici bilaanzi byaaku bëke safulilaangë n'kaakë wuveewu ke sinkaakë siitwe? Cibilë, baawu bisë n'sukulaangë myookwaawu fanë bën'lilaangë limpa#15.2 Lik 11.38.. » 3Naandi wusë bëvutulilë : « Mu cibilë-mbici beeno luke safulilaangë lutumu lu Nzaambi mu bukulu bwiinu? » 4Nzaambi wutubë : « Cinzikë tataaku i mamaaku i wunë wun'sifë tataandi kaambofo mamaandi wufwenikini kuvoondu#15.4 Lub 20.12; Det 5.16 i Lub 21.17. . » 5Kasi beeno, lun'tubaangë, ningë muutu wun'kaambë tataandi kaambofo mamaandi : « Cinë yifwenikini kukuvaanë mu kukuvatulë, cyaawu likabu libelikulu mu Nzaambi », 6naandi wusë n'cinzikë ko tataandi#15.6 Taatë : kaambofo taatë keti mamë.. Mati bwaawu, beeno lwaviinji libuungu li Nzaambi mu kulaandë bukulu bwiinu. 7Ezayi m'bici wubikë mu beeno : bimpilë-mpiipi!
8« Mboongu baatu ayi yilë mu kun'cinzikë mu bilili,
kasi n'timaandi wuyakënë yi miinu.
9Mu buunë kwaandi baawu bëlë mu kun'kundilë mu misaambwaawu,
cibilë sinunu syaawu si baatu kwaandi vwiili.#15.9 Ezy 29.13. »
Biimë bin'vangisi muutu kukaambu kulyoomë
(Mak 7.14-23)
10Bo kwateli nkoongë, naandi wusë tubë : « Yuwaano i zikulaanu. 11Yaaku ti biimë byo bikotë mu munu muutu, byaawu bikun'vangisi kukaambu kulyoomë, vandi mëbuungu mo mëm'basikë mu munwaandi, maawu mëkun'vangisi kukaambu kulyoomë. » 12Oboobo, bilaanzi bam'belëmi, bisë n'kaambë : « Njeeyi zabisi ti libuungu lyaaku lyalwaasi Sifalisyaanu? » 13Naandi wubëvutulilë : « Cyosuku cikunu cikaambu kukunu ke Tataami, wuke ku mëyilu, mba bëcitumunë. 14Bëbiicyaanu : baawu simpofo, bën'natë simpofo. Ningë mpofo wun'natë mpofo yaandi, babë bwaali bëm'bwa mu libulu. » 15Pyeelë wusë n'kaambë : « Tuzimuninë suundu yi sasafë ayi. » 16Naandi wusë bëkaambë : « Mu lyaliili benuviinu lusë yi lyeelë kwe? 17Lusye zaabë kwe ti cyosuku cin'kotaangë mu munu muutu cin'vyokilaangë mu civumu i mu cikasiinyi cim'bumu ku ngaandë? 18Kasi, manë mëm'basikaangë mu munu, mën'fuminaangë mu n'timë i maawu mën'vangisyaangë muutu kukaambu kulyoomë. 19Cibilë mu n'timë mwaawu mën'fuminaangë simbalulu simbi : kuvoondë, kuvaalë, kuvaangë busafu kwiibë, kutubë cimbaanji cibi i kusuungë bëmesë. 20Mamoomo ma mën'vangisi muutu kukaambu kulyoomë! Yaaku ti kulya i kusukulë myooko, bya bin'vangisi muutu kukaambu kulyoomë. »
N'cyeetu mweeni wata lyaanë mu Yeesu
(Mak 7.24-30)
21Yeesu wusë botukë mbiinji beenë i wusë kweendë ku libweeti li Tiilë i Sidoonë. 22N'cyeetu musë Kanaanë#15.22 n'cyeetu awu musë Kanaanë yin'toombë kutubë ti naandi wabë wu bwaalë bu lweeku lu Feniisi. Keti kulëkaambu ba zwiifë cin'velë ve cin'vangisi kukaambu kuwu kutubilë mu Yeesu. wulëkalaangë kunë libweeti beenë, kwiisë ke naandi i wusë losukë : « A Fumu, a mwaanë Daviidë, n'fwiilë cyaali! Nduumbaami yi n'cyeetu yavwaatu ke ciluunzi cibi. Mu mpasi kweekë! » 23Kasi, naandi wusye n'vutulilë mbeembu ko. Bilaanzi byaandi kum'belëmë mu kun'loombë ali : « N'vutuli, cibilë naandi wusë m'biikë ko kulosukë mu ke tulandaangë. » 24Yeesu wusë bëvutulilë : « Miinu yifilulu kanuku vwiili kuke mëmemë mëzimbilë më mboongu Islayeelë#15.24 10.5-6.. »
25Kasi, n'cyeetu wusë kufukumë fë ntwaalë Yeesu i wutubë : « A Fumu, nzudi! » 26Yeesu wusë vutulë : « Busye fwaanë ko mu kuboongë mëmpa më baanë i kumëlakilë ke baanë bëm'bwa. » — 27« Mati cyelikë, a Fumu, mu kumonë kwaandi, baanë bëm'bwa yivaawu bën'lyangaangë biselëkiti bim'bwangaangë kusi meesë më sifumu syaawu! » 28Mu bwaawu, Yeesu wusë n'vutulilë : « Oo! A n'cyeetu ciminu cyaaku cinenë! Biikë buvangënë mu njeeyi bunë wube zolilë. » Mo mëzoolë beenë, mwanaandi kubelukë.
Yeesu wabelusi mpaapë bibeedo
29Yeesu wusë botukë foofo i wusë kweendë ku ndaambu liyaangë li Ngalilee i bunë kwamaci ku yilu moongo, naandi wusë kalë faawu. 30Nkoongë yinenë yisë kum'belëmë, baawu bëyenataangë bibolikinyi, simpofo, mëbabë, bikatë i mpaapë bibeedo bin'ka. Baawu bisë tuulë bibeedo fë ntwaalë maalu maandi i wusë bëbelusi. 31Nkoongë kusaangë yi nyeenzi bunë bamoni mëbabë make n'tubë, bibolikinyi byabelukë, bikatë byakë n'lyaatë i simpofo syakë m'monë. Baawu bësë dumisi Nzaambi Islayeelë.
Yeesu walikilë biveefi bi na bi baatu
(Mak 8.1-10)
32Yeesu, wusë telë bilaanzi byaandi i wutubë : « Cyaali mu nkoongë oyo, cibilë bilumbu bi tatu babë ke yaami i bësyeeli yi cyosuku ve ci kulya. Miinu yisë n'zolë ko kubëvutulë yi civumu mpafëlë, mu kumaangë baawu kubwa libutu mu nzilë. » 33Bilaanzi bisë n'kufulë : « Kuni tum'podi kubakilë binë tufwenikini kulikilë mboongu ayi mu ntaandu be yiiyi yi ciyumi? » 34Yeesu wusë bëyufulë : « Mëmpa mëkwa mëke yiinu? » — « Saambwali, i mwa mpooko baanë bë mbisi ». 35Oboobo, naandi wusë tumisi nkoongë kukalë fë n'toto. 36Naandi kuboongë lisaambwali li mëmpa i simbisi, kutoondë Nzaambi, kumëmukënë i kuvaanë ke bilaanzi byaandi, baawu bisë kabilë bakë booso. 37Bakë booso bisë lya i bisë kukutu. Bilaanzi bisë ntwaalë saambwali li mikutë yi waalë bitini bisobilë. 38Banë bëlya babë biveefi bi na bi bëbakëlë, kutaangë ve bëcyeetu i bibabanë. 39Bunë kwavutuli sinkoongë, naandi wusë kandëmë mu bwaatu i wusë kweendë ku libweeti li Magëdaanë#15.39 Magëdaanë : mu bisonë bimesi, Magëdala. .
Currently Selected:
Matye 15: NTVIL
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.
Matye 15
15
Liloonji lin'vaanë sinkaakë
(Mak 7.1-13)
1Mu bwaawu, Sifalisyaanu i miloonji n'kaakë bëfuminë lu Yelusaleemë bëbelëmë Yeesu i kun'yufulë : 2« Mu cibilë-mbici bilaanzi byaaku bëke safulilaangë n'kaakë wuveewu ke sinkaakë siitwe? Cibilë, baawu bisë n'sukulaangë myookwaawu fanë bën'lilaangë limpa#15.2 Lik 11.38.. » 3Naandi wusë bëvutulilë : « Mu cibilë-mbici beeno luke safulilaangë lutumu lu Nzaambi mu bukulu bwiinu? » 4Nzaambi wutubë : « Cinzikë tataaku i mamaaku i wunë wun'sifë tataandi kaambofo mamaandi wufwenikini kuvoondu#15.4 Lub 20.12; Det 5.16 i Lub 21.17. . » 5Kasi beeno, lun'tubaangë, ningë muutu wun'kaambë tataandi kaambofo mamaandi : « Cinë yifwenikini kukuvaanë mu kukuvatulë, cyaawu likabu libelikulu mu Nzaambi », 6naandi wusë n'cinzikë ko tataandi#15.6 Taatë : kaambofo taatë keti mamë.. Mati bwaawu, beeno lwaviinji libuungu li Nzaambi mu kulaandë bukulu bwiinu. 7Ezayi m'bici wubikë mu beeno : bimpilë-mpiipi!
8« Mboongu baatu ayi yilë mu kun'cinzikë mu bilili,
kasi n'timaandi wuyakënë yi miinu.
9Mu buunë kwaandi baawu bëlë mu kun'kundilë mu misaambwaawu,
cibilë sinunu syaawu si baatu kwaandi vwiili.#15.9 Ezy 29.13. »
Biimë bin'vangisi muutu kukaambu kulyoomë
(Mak 7.14-23)
10Bo kwateli nkoongë, naandi wusë tubë : « Yuwaano i zikulaanu. 11Yaaku ti biimë byo bikotë mu munu muutu, byaawu bikun'vangisi kukaambu kulyoomë, vandi mëbuungu mo mëm'basikë mu munwaandi, maawu mëkun'vangisi kukaambu kulyoomë. » 12Oboobo, bilaanzi bam'belëmi, bisë n'kaambë : « Njeeyi zabisi ti libuungu lyaaku lyalwaasi Sifalisyaanu? » 13Naandi wubëvutulilë : « Cyosuku cikunu cikaambu kukunu ke Tataami, wuke ku mëyilu, mba bëcitumunë. 14Bëbiicyaanu : baawu simpofo, bën'natë simpofo. Ningë mpofo wun'natë mpofo yaandi, babë bwaali bëm'bwa mu libulu. » 15Pyeelë wusë n'kaambë : « Tuzimuninë suundu yi sasafë ayi. » 16Naandi wusë bëkaambë : « Mu lyaliili benuviinu lusë yi lyeelë kwe? 17Lusye zaabë kwe ti cyosuku cin'kotaangë mu munu muutu cin'vyokilaangë mu civumu i mu cikasiinyi cim'bumu ku ngaandë? 18Kasi, manë mëm'basikaangë mu munu, mën'fuminaangë mu n'timë i maawu mën'vangisyaangë muutu kukaambu kulyoomë. 19Cibilë mu n'timë mwaawu mën'fuminaangë simbalulu simbi : kuvoondë, kuvaalë, kuvaangë busafu kwiibë, kutubë cimbaanji cibi i kusuungë bëmesë. 20Mamoomo ma mën'vangisi muutu kukaambu kulyoomë! Yaaku ti kulya i kusukulë myooko, bya bin'vangisi muutu kukaambu kulyoomë. »
N'cyeetu mweeni wata lyaanë mu Yeesu
(Mak 7.24-30)
21Yeesu wusë botukë mbiinji beenë i wusë kweendë ku libweeti li Tiilë i Sidoonë. 22N'cyeetu musë Kanaanë#15.22 n'cyeetu awu musë Kanaanë yin'toombë kutubë ti naandi wabë wu bwaalë bu lweeku lu Feniisi. Keti kulëkaambu ba zwiifë cin'velë ve cin'vangisi kukaambu kuwu kutubilë mu Yeesu. wulëkalaangë kunë libweeti beenë, kwiisë ke naandi i wusë losukë : « A Fumu, a mwaanë Daviidë, n'fwiilë cyaali! Nduumbaami yi n'cyeetu yavwaatu ke ciluunzi cibi. Mu mpasi kweekë! » 23Kasi, naandi wusye n'vutulilë mbeembu ko. Bilaanzi byaandi kum'belëmë mu kun'loombë ali : « N'vutuli, cibilë naandi wusë m'biikë ko kulosukë mu ke tulandaangë. » 24Yeesu wusë bëvutulilë : « Miinu yifilulu kanuku vwiili kuke mëmemë mëzimbilë më mboongu Islayeelë#15.24 10.5-6.. »
25Kasi, n'cyeetu wusë kufukumë fë ntwaalë Yeesu i wutubë : « A Fumu, nzudi! » 26Yeesu wusë vutulë : « Busye fwaanë ko mu kuboongë mëmpa më baanë i kumëlakilë ke baanë bëm'bwa. » — 27« Mati cyelikë, a Fumu, mu kumonë kwaandi, baanë bëm'bwa yivaawu bën'lyangaangë biselëkiti bim'bwangaangë kusi meesë më sifumu syaawu! » 28Mu bwaawu, Yeesu wusë n'vutulilë : « Oo! A n'cyeetu ciminu cyaaku cinenë! Biikë buvangënë mu njeeyi bunë wube zolilë. » Mo mëzoolë beenë, mwanaandi kubelukë.
Yeesu wabelusi mpaapë bibeedo
29Yeesu wusë botukë foofo i wusë kweendë ku ndaambu liyaangë li Ngalilee i bunë kwamaci ku yilu moongo, naandi wusë kalë faawu. 30Nkoongë yinenë yisë kum'belëmë, baawu bëyenataangë bibolikinyi, simpofo, mëbabë, bikatë i mpaapë bibeedo bin'ka. Baawu bisë tuulë bibeedo fë ntwaalë maalu maandi i wusë bëbelusi. 31Nkoongë kusaangë yi nyeenzi bunë bamoni mëbabë make n'tubë, bibolikinyi byabelukë, bikatë byakë n'lyaatë i simpofo syakë m'monë. Baawu bësë dumisi Nzaambi Islayeelë.
Yeesu walikilë biveefi bi na bi baatu
(Mak 8.1-10)
32Yeesu, wusë telë bilaanzi byaandi i wutubë : « Cyaali mu nkoongë oyo, cibilë bilumbu bi tatu babë ke yaami i bësyeeli yi cyosuku ve ci kulya. Miinu yisë n'zolë ko kubëvutulë yi civumu mpafëlë, mu kumaangë baawu kubwa libutu mu nzilë. » 33Bilaanzi bisë n'kufulë : « Kuni tum'podi kubakilë binë tufwenikini kulikilë mboongu ayi mu ntaandu be yiiyi yi ciyumi? » 34Yeesu wusë bëyufulë : « Mëmpa mëkwa mëke yiinu? » — « Saambwali, i mwa mpooko baanë bë mbisi ». 35Oboobo, naandi wusë tumisi nkoongë kukalë fë n'toto. 36Naandi kuboongë lisaambwali li mëmpa i simbisi, kutoondë Nzaambi, kumëmukënë i kuvaanë ke bilaanzi byaandi, baawu bisë kabilë bakë booso. 37Bakë booso bisë lya i bisë kukutu. Bilaanzi bisë ntwaalë saambwali li mikutë yi waalë bitini bisobilë. 38Banë bëlya babë biveefi bi na bi bëbakëlë, kutaangë ve bëcyeetu i bibabanë. 39Bunë kwavutuli sinkoongë, naandi wusë kandëmë mu bwaatu i wusë kweendë ku libweeti li Magëdaanë#15.39 Magëdaanë : mu bisonë bimesi, Magëdala. .
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.