Banɔkpɛkpɛ Axɔ̃ɛ 19
19
Paulo Avɛ Efeso
1Kibeɛ gɛ Apolo azã Koritoɔ, Paulo agã kishitɛbha kidzoɔ avɛ ediyì nɛ Efeso. Ɛkɛlɛ yɛadɛ tɔnɔ badɔkpasɛanɛ teli 2pɛ ebisi alɛ asɛ, “Nɔyɛkɛ Ɔfɔfuĩa Gbangbã kibeɛ gɛ nɔyɛkɛ ɔŋã dza?”
Bebuiliulũ asɛ, “Oo, bɔkalũ oɖi ɔsɛ Ɔfɔfuĩa Gbangbã ɔlɛ tsyɛ.”
3Kliso Paulo ebisi asɛ, “Kɛlɛ́ɛ bulĩ kpɛkpɛ ɖuwoe edi bakpɛ akɔ wɔnɔ?
Bebuiliulũ asɛ, “Bɔyɛkɛ Yohanes yɛulĩkpɛkpɛ.”
4Paulo aɖɔ asɛ, “Yohanes bulĩkpɛkpɛ lɛkɔ etú mɛ titsyitsyina. Etseɖe banunɔ asɛ tɛ̀ bayɛkɛ anɔ nɔ̀ gɛ yɛabà nɛ yiede nabha ŋã, gɛenu Yesuɔ. 5Gɛ belũ kibui ɛlɛ, bakpɛ bulĩ akɔ alɛ nɛ Apalete Yesu yɛinyeɛ mɛ. 6Gɛ Paulo atɔɖɔ yɛhɔɛ nɛ balɛ abha koɔ, Ɔfɔfuĩa Gbangbã ɔba balɛ abha kɛlɛ baɖɔaɖɔ nɛ beluhũ vɔvɔ mɛ pɛ baɖɔ ebui elú. 7Bɔnɔ alɛ tɛkaklà mɛ bazã asɛ baanyɛ lɔfɔ nɛ̀ taabha ana.
8Paulo etsoku ɔtsyɔakɔ pɛ aɖɔaɖɔ nɛ bupù mɛ nɛ ɛkɛlɛ bewoele tata mɛ pɛ ezebu ebui mɛ ɔkɔ alɛ nɛ Owusoso Akaa bukusiŋaŋã shu. 9Pɔ balɛ banɔ nɔ teli atɔmɛ agagalĩ, bagɛ pɛ asɛ ayɛkɛ aŋã kɛlɛ baɖɔaɖɔ kpa nɛ Yɛedzoɔ shu. Kliso Paulo ashɛ ayɔlɔ alɛ pɛ agbana badɔkpasɛanɛ aplɛnɔ yɛishu pɛ yɛnɛ alɛ bazapɔɛ ebui mɛ nɛ̀ bagɔlɔ mɛ kibe nyia be nɛ Tirano bɔdɔ̃kakasɛ buvũɔ mɛ. 10Kibui ɛlɛ vɛ ɛlɛ abha nɛ agɔ taabha mɛ, ɔsɛ tɛ Yudanɛ nɛ̀ Helanɛ petee gɛazã Asia bɔdɔ̃ mɛ elũ Apaleteɛ nɛibuiɛ.
11Owusoso Akaa abhɛtɛ atsyindzye ebui teli idi aganà Paulo abha, 12gɛ kɛkɔ ɔsɛ apɔtɛ gulũ nɛ̀ agɛ bakpɛ̀ atɔɖɔ kitèmɛ ayɛ nabha gɛehunu yɛtsyɛ, balɔkɔ alɛ avɛnɔ banyanyã, kɛlɛ banyã ebelè pɛ ɛfɔfuĩa kpa tsyɛ koeyì nɛ balɛ mɛ.
13Yudanɛ teli gɛ bazanyɔ akanà pɛ baakakà ɛfɔfuĩa kpa eyinɔ, bazapɛ asɛ tɛ̀ bekulu Apalete Yesu yɛinyèɛ atɔɖɔ bagɛ ɛfɔfuĩa zizĩ zã balɛ abhaa. Baaɖɔ asɛ, “Nɛ Yesu gɛ yɛinyè mɛ Paulo azaɖɔaɖɔ asɛ, ɛkpɛ ɔsha kɔwɔ ɔsɛ tɛ̀ okoeyì.” 14Skeva gɛenu Yudanɛ banɔlũazazã gbagbla yɛeyìanyɛ tegegene teli balaza abhɛtɛ ebui alɛ. 15Kiwui tinikpo kɛlɛ ɔfɔfuĩa kpa lubuiliulũ ɔkɔ alɛ asɛ, “Inyi Yesu, kɛlɛ inyi Paulo tsyɛ, fakɔ anɛ wɔnɔ tsyɛ nonu?” 16Kɛlɛ anyɛ gɛ ɔfɔfuĩa kpa ɔzã yɛmɛ alɔatɛɛ eku balɛ abha, pɛ aŋã balɛ petee abha. Ehuisi balɛ ɖɔtɔ ɖɔtɔ gɛ kɛkɔ ɔsɛ bebú tɛtsɛɖɛmɛ ekoeyì nɛ bɔpã mɛ kɛdɔ̃ makpɛ makpɛ pɛ dzyosu tsyɛ ezeyì nɛ balɛ shu.
17Gɛ Yudanɛ nɛ̀ Helanɛ gɛ alɛ Efeso ebelũ kibui ɛlɛ, kifù yialɛ petee, kɛlɛ balɔkɔ kɛtakpu esi kpɛkpɛ hohoe akɔ Apalete Yesu yɛinyeɛ. 18Otsi alɛ banɔ kpekpèɛ gɛ ayɛkɛ aŋã bege kpũ balɛishu kɛlɛ babadalɛ balɛ ishumɛ nɛ balɛ ebui kpa gɛ bahɛtɛ shu. 19Banɔ kasasà tieli gɛedzi behuinɛ tsyɛ alɔkɔ balɛ ihuiɛ amana pɛ bapɔɛ ɛlɛ nɛ ɔmaɛshi. Gɛ bakalà ehoeyiɛ gɛ bezĩ nɛ balɛ akpɛnɛ ebui bhɛbhɛtɛ shuɔ, labanà sikãfufu ihotu afɛeti, gɛenu ehoeyi gɛ lavɛ otugbà nɛ kibè ɛlɛ. 20Nɛ kidzo ɛlɛ nabha Apaleteɛ nɛibuiɛ yɛɛvɛ̀ pɛ kɛvɛ̀ kabha nɛ̀ ohumi.
21Gɛ alɛ nyɔ̃ɔ aba ɛlɛ mɛ ebekeɛ, Paulo abatɔɖɔ ɛlɛ ɔsɛ tɛ adɛgã Makedonia nɛ̀ Axaya tɛ avɛ Yerusalem. Aɖɔ asɛ, “Onupɛ ɛdɛ Yerusalem aba koɔ, ɛbadiɖi Roma tsyɛ. 22Asɛsɛ yɛaxɔ̃ɛdɛ taabha gɛenu Timoteo nɛ̀ Erasto nɛ Makedonia, gɛ yɛxɔnɔ azã Asia bɔdɔ̃ mɛ kɛbɔɛ.
Kititì Lɔlɔ Ebuiɛ Gaba Efesoɔ
23Nɛ kibè ɛlɛ kititì lɔlɔ tili babà nɛ Kidzoɔ shu. 24Anyɛ teli gɛedzi sikãfufu axɔ̃ɛwɔa gɛ bezekulu yɛasɛ Demetrio, azabhɛtɛ sikãfufu ibudiuvũɔ ɔlɛ tɛzazã mɛ gɛ bekulu asɛ Artemis, pɛ amana axɔ̃ɛ wɔawɔa akɔ banɔ gelee. 25Ekulu balɛ eshogò aplɛnɔ baxɔ̃ɛwɔa bhlatɔ gɛ bawɔa axɔ̃ɛ alɛ nɛidi pɛ etseɖe balɛ asɛ, “Mɛadzya alɛ mɔ, nɔonyi ɔsɛ bɔɔmɔ ehoeyi piapii odenɔ kɛxɔ̃ɛ ɛlɛ wɔawɔa mɛ. 26Kɛlɛ nɔmɔ̀ pɛ nɔolũ kana gɛ Paulo anyɛ alɛ etsyina banunɔ ekpeɖekpeɖeɛ mɛ, pɛ agbana banɔkpekpèɛ atsaɖakɛ idzo nɛ Efosoɔ nɛ̀ Asia bɔdɔ̃ mɛ petee tsyɛ. Aɖɔ asɛ ibudiɛ gɛ banɔdzyrameɛ abhɛtɛ tinu akaa nanà. 27Kibui ɛlɛ bazĩ bɔdɔ̃, gɛnɛ ɔsɛ bɔlɔ axɔ̃ɛ wɔawɔa kinyèɛ ete kɛlɛ bayala, pɔ bazakà kpɛ kɛtakpu esi akɔ obidiuvũɔ Artemis gbagbla nɛ̀ yɛobudiukã tsyɛ, kɛlɛ adzɛobudiɛ tsyɛ gɛ bakpɛ kɛtakpu esi akɔ nɛ Asia bɔdɔ̃ mɛ nɛ̀ kanɔ nɔ̀ mɛ petee tsyɛ, yɛohuminɔ obokoeyi nɛ yɛahɔɛ mɛ.”
28Gɛ belũ kibui ɛlɛ, ɔmɔpɔɛ oyialɛ kɛlɛ bakpà ozĩukpɛ̀ asɛ, “Obudi gbagbla ɔlɛonù Efesoanɛ Artemis.” 29Odunu ɔlɛ koɔ, ɔmamɛ oyukù nɛ̀ ozĩ. Banunɔ evũ Gayo nɛ̀ Aristaxo gɛ benu banɔ gɛ bagã kidzo ɔplɛnɔ Paulo odenɔ Makedonia, kɛlɛ bagbanà balɛ odunũ ɔlɛ avɛnɔ ɔma ɔlɛ bɔwufù ɔwɔkɔ. 30Paulo apɛ asɛ tɛ̀ avɛ banɔɛza namɛ pɔ yɛadɔkpasɛanɛ agɛ kɔɛ yɛidzo. 31Banɔ hohoeɛ gɛenu Paulo yɛɔbhia alɛ nɛ kɛma ɛlɛ mɛ tsyɛ asɛsɛ yɛ ɔklasɔ̃ asɛ atɛpɛ kɛwɔawɔa asɛ avɛ balɛ buwufù ɔwɔkɔ.
32Kazã egetì kɛnɔnɔ gɛ babà bhɛtɛɛ, beteli akpɛ ozĩ aɖɔaɖɔ nɛ kibui ɛlɛ̀ shu, beteli tsyɛ nɛ kɛbhlatɔ shu. Banunɔ teli tsyɛ etinyi kɛgɛ kɛlɛ sopɛ bavɛ ɛkɛlɛ. 33Yudanɛ etii Aleksandro avɛnɔ otugbà, kɛlɛ banunɔ gɛ ebeshogòɔ teli akpɛ ozĩ nɛ yɛabha pɛ bakasɛ yɛ kɛgɛ kɛlɛ ɔsɛ abhɛtɛɛ. Akasɛ balɛ ahɔɛ asɛ tɛ̀ bataatɔ̃ tɛ̀ amɔ kidzo ebú yɛishu ulũ nɛ banunɔ amɛ. 34Pɔ gɛ bamɔ asɛ Yudaeyi yɛenuɔ, balɛ petee akpɛ ozĩ dzlolo kitsù asɛ ɔɖatatá tɛbha ana asɛ, “Obudi gbagbla ɔlɛonu Efesoanɛ Artemis!”
35Anɔ nɔ̀ gɛ yɛafɔnɔ bɔdɔ̃ akɔ kɛzaa akɔsɛ bataatɔ̃, pɛ etseɖe balɛ asɛ, “Efesoanɛ mɔ, banunɔ petee nɛ kanɔ nɔ̀ mɛ etinyi asɛ Efosoanɛ balepò Artemis obudiukã nɛ̀ ɔlɛ tɛzazã tɛfafatɛ gɛ wɔlɛ odenɔ kititiɛ. 36Klisoɔ gɛ ebui alɛ enu ebui gbãa, kɛlɛ ɔsɛ nɔtaatɔ̃, tɛ̀ nɔtɛ bɔbhɛtɛ kibui nanà odunũ ɔlɛ. 37Nɔgbanà banyɛ alɛ ɔmana ɛkɛlɛ gɛ begi dezuru ibudiukã mɛ kɛdɔ̃ nanà alo pɛ baɖɔ ebusoebui nɛ bɔlɔ adzɛobudiɛ shu. 38Onupɛ kibui tili kpasɛ Demetrio nɛ̀ yɛaxɔ̃ɛwɔa gɛ babhɔ bɔdɔ̃ aplɛnɔ yɛɛ nɛ anɔ teli shuɔ, kebhu okulukɔ ɔlɛ, kɛlɛ bagɛ beeɖi ɔma nabha tsyɛ alɛ, babàlà alɔkɔ kibui nɛ alɛ shu avɛnɔ ɛkɛlɛ. 39Onupɛ kibui tili pɔ kalɛ gɛ nɔpɛ ɔsɛ tɛ̀ nofekeɛ, kɛlɛ ɔsɛ bavɛnɔ edibu kɛlɛ mɛ nɛ ɔsha mɛ. 40Asɛ kana gɛ kɛlɛ ana, kifu sisi lɛ kɛlɛishu ɔsɛ babà lɔkɔ kibui nɛ oboɔ ozĩ kpɛkpɛ ebui alɛ shu. Nɛ kibui ɛlɛ shu soɔ, bɔtɛ balà bu ishu ulũ nɛ ozĩ kpɛkpɛ ɔlɛ shu, ɔmɔsɛ kesilulũ nanà ama kɛlɛishu.” 41Gɛ aɖɔ kibui ɛlɛ ebekeɛ, akakà ɔzãkɔ.
Currently Selected:
Banɔkpɛkpɛ Axɔ̃ɛ 19: nyb
Highlight
Share
Copy
Want to have your highlights saved across all your devices? Sign up or sign in
© (Active), Ghana Institute of Linguistics, Literacy and Bible Translation. All rights reserved.
Banɔkpɛkpɛ Axɔ̃ɛ 19
19
Paulo Avɛ Efeso
1Kibeɛ gɛ Apolo azã Koritoɔ, Paulo agã kishitɛbha kidzoɔ avɛ ediyì nɛ Efeso. Ɛkɛlɛ yɛadɛ tɔnɔ badɔkpasɛanɛ teli 2pɛ ebisi alɛ asɛ, “Nɔyɛkɛ Ɔfɔfuĩa Gbangbã kibeɛ gɛ nɔyɛkɛ ɔŋã dza?”
Bebuiliulũ asɛ, “Oo, bɔkalũ oɖi ɔsɛ Ɔfɔfuĩa Gbangbã ɔlɛ tsyɛ.”
3Kliso Paulo ebisi asɛ, “Kɛlɛ́ɛ bulĩ kpɛkpɛ ɖuwoe edi bakpɛ akɔ wɔnɔ?
Bebuiliulũ asɛ, “Bɔyɛkɛ Yohanes yɛulĩkpɛkpɛ.”
4Paulo aɖɔ asɛ, “Yohanes bulĩkpɛkpɛ lɛkɔ etú mɛ titsyitsyina. Etseɖe banunɔ asɛ tɛ̀ bayɛkɛ anɔ nɔ̀ gɛ yɛabà nɛ yiede nabha ŋã, gɛenu Yesuɔ. 5Gɛ belũ kibui ɛlɛ, bakpɛ bulĩ akɔ alɛ nɛ Apalete Yesu yɛinyeɛ mɛ. 6Gɛ Paulo atɔɖɔ yɛhɔɛ nɛ balɛ abha koɔ, Ɔfɔfuĩa Gbangbã ɔba balɛ abha kɛlɛ baɖɔaɖɔ nɛ beluhũ vɔvɔ mɛ pɛ baɖɔ ebui elú. 7Bɔnɔ alɛ tɛkaklà mɛ bazã asɛ baanyɛ lɔfɔ nɛ̀ taabha ana.
8Paulo etsoku ɔtsyɔakɔ pɛ aɖɔaɖɔ nɛ bupù mɛ nɛ ɛkɛlɛ bewoele tata mɛ pɛ ezebu ebui mɛ ɔkɔ alɛ nɛ Owusoso Akaa bukusiŋaŋã shu. 9Pɔ balɛ banɔ nɔ teli atɔmɛ agagalĩ, bagɛ pɛ asɛ ayɛkɛ aŋã kɛlɛ baɖɔaɖɔ kpa nɛ Yɛedzoɔ shu. Kliso Paulo ashɛ ayɔlɔ alɛ pɛ agbana badɔkpasɛanɛ aplɛnɔ yɛishu pɛ yɛnɛ alɛ bazapɔɛ ebui mɛ nɛ̀ bagɔlɔ mɛ kibe nyia be nɛ Tirano bɔdɔ̃kakasɛ buvũɔ mɛ. 10Kibui ɛlɛ vɛ ɛlɛ abha nɛ agɔ taabha mɛ, ɔsɛ tɛ Yudanɛ nɛ̀ Helanɛ petee gɛazã Asia bɔdɔ̃ mɛ elũ Apaleteɛ nɛibuiɛ.
11Owusoso Akaa abhɛtɛ atsyindzye ebui teli idi aganà Paulo abha, 12gɛ kɛkɔ ɔsɛ apɔtɛ gulũ nɛ̀ agɛ bakpɛ̀ atɔɖɔ kitèmɛ ayɛ nabha gɛehunu yɛtsyɛ, balɔkɔ alɛ avɛnɔ banyanyã, kɛlɛ banyã ebelè pɛ ɛfɔfuĩa kpa tsyɛ koeyì nɛ balɛ mɛ.
13Yudanɛ teli gɛ bazanyɔ akanà pɛ baakakà ɛfɔfuĩa kpa eyinɔ, bazapɛ asɛ tɛ̀ bekulu Apalete Yesu yɛinyèɛ atɔɖɔ bagɛ ɛfɔfuĩa zizĩ zã balɛ abhaa. Baaɖɔ asɛ, “Nɛ Yesu gɛ yɛinyè mɛ Paulo azaɖɔaɖɔ asɛ, ɛkpɛ ɔsha kɔwɔ ɔsɛ tɛ̀ okoeyì.” 14Skeva gɛenu Yudanɛ banɔlũazazã gbagbla yɛeyìanyɛ tegegene teli balaza abhɛtɛ ebui alɛ. 15Kiwui tinikpo kɛlɛ ɔfɔfuĩa kpa lubuiliulũ ɔkɔ alɛ asɛ, “Inyi Yesu, kɛlɛ inyi Paulo tsyɛ, fakɔ anɛ wɔnɔ tsyɛ nonu?” 16Kɛlɛ anyɛ gɛ ɔfɔfuĩa kpa ɔzã yɛmɛ alɔatɛɛ eku balɛ abha, pɛ aŋã balɛ petee abha. Ehuisi balɛ ɖɔtɔ ɖɔtɔ gɛ kɛkɔ ɔsɛ bebú tɛtsɛɖɛmɛ ekoeyì nɛ bɔpã mɛ kɛdɔ̃ makpɛ makpɛ pɛ dzyosu tsyɛ ezeyì nɛ balɛ shu.
17Gɛ Yudanɛ nɛ̀ Helanɛ gɛ alɛ Efeso ebelũ kibui ɛlɛ, kifù yialɛ petee, kɛlɛ balɔkɔ kɛtakpu esi kpɛkpɛ hohoe akɔ Apalete Yesu yɛinyeɛ. 18Otsi alɛ banɔ kpekpèɛ gɛ ayɛkɛ aŋã bege kpũ balɛishu kɛlɛ babadalɛ balɛ ishumɛ nɛ balɛ ebui kpa gɛ bahɛtɛ shu. 19Banɔ kasasà tieli gɛedzi behuinɛ tsyɛ alɔkɔ balɛ ihuiɛ amana pɛ bapɔɛ ɛlɛ nɛ ɔmaɛshi. Gɛ bakalà ehoeyiɛ gɛ bezĩ nɛ balɛ akpɛnɛ ebui bhɛbhɛtɛ shuɔ, labanà sikãfufu ihotu afɛeti, gɛenu ehoeyi gɛ lavɛ otugbà nɛ kibè ɛlɛ. 20Nɛ kidzo ɛlɛ nabha Apaleteɛ nɛibuiɛ yɛɛvɛ̀ pɛ kɛvɛ̀ kabha nɛ̀ ohumi.
21Gɛ alɛ nyɔ̃ɔ aba ɛlɛ mɛ ebekeɛ, Paulo abatɔɖɔ ɛlɛ ɔsɛ tɛ adɛgã Makedonia nɛ̀ Axaya tɛ avɛ Yerusalem. Aɖɔ asɛ, “Onupɛ ɛdɛ Yerusalem aba koɔ, ɛbadiɖi Roma tsyɛ. 22Asɛsɛ yɛaxɔ̃ɛdɛ taabha gɛenu Timoteo nɛ̀ Erasto nɛ Makedonia, gɛ yɛxɔnɔ azã Asia bɔdɔ̃ mɛ kɛbɔɛ.
Kititì Lɔlɔ Ebuiɛ Gaba Efesoɔ
23Nɛ kibè ɛlɛ kititì lɔlɔ tili babà nɛ Kidzoɔ shu. 24Anyɛ teli gɛedzi sikãfufu axɔ̃ɛwɔa gɛ bezekulu yɛasɛ Demetrio, azabhɛtɛ sikãfufu ibudiuvũɔ ɔlɛ tɛzazã mɛ gɛ bekulu asɛ Artemis, pɛ amana axɔ̃ɛ wɔawɔa akɔ banɔ gelee. 25Ekulu balɛ eshogò aplɛnɔ baxɔ̃ɛwɔa bhlatɔ gɛ bawɔa axɔ̃ɛ alɛ nɛidi pɛ etseɖe balɛ asɛ, “Mɛadzya alɛ mɔ, nɔonyi ɔsɛ bɔɔmɔ ehoeyi piapii odenɔ kɛxɔ̃ɛ ɛlɛ wɔawɔa mɛ. 26Kɛlɛ nɔmɔ̀ pɛ nɔolũ kana gɛ Paulo anyɛ alɛ etsyina banunɔ ekpeɖekpeɖeɛ mɛ, pɛ agbana banɔkpekpèɛ atsaɖakɛ idzo nɛ Efosoɔ nɛ̀ Asia bɔdɔ̃ mɛ petee tsyɛ. Aɖɔ asɛ ibudiɛ gɛ banɔdzyrameɛ abhɛtɛ tinu akaa nanà. 27Kibui ɛlɛ bazĩ bɔdɔ̃, gɛnɛ ɔsɛ bɔlɔ axɔ̃ɛ wɔawɔa kinyèɛ ete kɛlɛ bayala, pɔ bazakà kpɛ kɛtakpu esi akɔ obidiuvũɔ Artemis gbagbla nɛ̀ yɛobudiukã tsyɛ, kɛlɛ adzɛobudiɛ tsyɛ gɛ bakpɛ kɛtakpu esi akɔ nɛ Asia bɔdɔ̃ mɛ nɛ̀ kanɔ nɔ̀ mɛ petee tsyɛ, yɛohuminɔ obokoeyi nɛ yɛahɔɛ mɛ.”
28Gɛ belũ kibui ɛlɛ, ɔmɔpɔɛ oyialɛ kɛlɛ bakpà ozĩukpɛ̀ asɛ, “Obudi gbagbla ɔlɛonù Efesoanɛ Artemis.” 29Odunu ɔlɛ koɔ, ɔmamɛ oyukù nɛ̀ ozĩ. Banunɔ evũ Gayo nɛ̀ Aristaxo gɛ benu banɔ gɛ bagã kidzo ɔplɛnɔ Paulo odenɔ Makedonia, kɛlɛ bagbanà balɛ odunũ ɔlɛ avɛnɔ ɔma ɔlɛ bɔwufù ɔwɔkɔ. 30Paulo apɛ asɛ tɛ̀ avɛ banɔɛza namɛ pɔ yɛadɔkpasɛanɛ agɛ kɔɛ yɛidzo. 31Banɔ hohoeɛ gɛenu Paulo yɛɔbhia alɛ nɛ kɛma ɛlɛ mɛ tsyɛ asɛsɛ yɛ ɔklasɔ̃ asɛ atɛpɛ kɛwɔawɔa asɛ avɛ balɛ buwufù ɔwɔkɔ.
32Kazã egetì kɛnɔnɔ gɛ babà bhɛtɛɛ, beteli akpɛ ozĩ aɖɔaɖɔ nɛ kibui ɛlɛ̀ shu, beteli tsyɛ nɛ kɛbhlatɔ shu. Banunɔ teli tsyɛ etinyi kɛgɛ kɛlɛ sopɛ bavɛ ɛkɛlɛ. 33Yudanɛ etii Aleksandro avɛnɔ otugbà, kɛlɛ banunɔ gɛ ebeshogòɔ teli akpɛ ozĩ nɛ yɛabha pɛ bakasɛ yɛ kɛgɛ kɛlɛ ɔsɛ abhɛtɛɛ. Akasɛ balɛ ahɔɛ asɛ tɛ̀ bataatɔ̃ tɛ̀ amɔ kidzo ebú yɛishu ulũ nɛ banunɔ amɛ. 34Pɔ gɛ bamɔ asɛ Yudaeyi yɛenuɔ, balɛ petee akpɛ ozĩ dzlolo kitsù asɛ ɔɖatatá tɛbha ana asɛ, “Obudi gbagbla ɔlɛonu Efesoanɛ Artemis!”
35Anɔ nɔ̀ gɛ yɛafɔnɔ bɔdɔ̃ akɔ kɛzaa akɔsɛ bataatɔ̃, pɛ etseɖe balɛ asɛ, “Efesoanɛ mɔ, banunɔ petee nɛ kanɔ nɔ̀ mɛ etinyi asɛ Efosoanɛ balepò Artemis obudiukã nɛ̀ ɔlɛ tɛzazã tɛfafatɛ gɛ wɔlɛ odenɔ kititiɛ. 36Klisoɔ gɛ ebui alɛ enu ebui gbãa, kɛlɛ ɔsɛ nɔtaatɔ̃, tɛ̀ nɔtɛ bɔbhɛtɛ kibui nanà odunũ ɔlɛ. 37Nɔgbanà banyɛ alɛ ɔmana ɛkɛlɛ gɛ begi dezuru ibudiukã mɛ kɛdɔ̃ nanà alo pɛ baɖɔ ebusoebui nɛ bɔlɔ adzɛobudiɛ shu. 38Onupɛ kibui tili kpasɛ Demetrio nɛ̀ yɛaxɔ̃ɛwɔa gɛ babhɔ bɔdɔ̃ aplɛnɔ yɛɛ nɛ anɔ teli shuɔ, kebhu okulukɔ ɔlɛ, kɛlɛ bagɛ beeɖi ɔma nabha tsyɛ alɛ, babàlà alɔkɔ kibui nɛ alɛ shu avɛnɔ ɛkɛlɛ. 39Onupɛ kibui tili pɔ kalɛ gɛ nɔpɛ ɔsɛ tɛ̀ nofekeɛ, kɛlɛ ɔsɛ bavɛnɔ edibu kɛlɛ mɛ nɛ ɔsha mɛ. 40Asɛ kana gɛ kɛlɛ ana, kifu sisi lɛ kɛlɛishu ɔsɛ babà lɔkɔ kibui nɛ oboɔ ozĩ kpɛkpɛ ebui alɛ shu. Nɛ kibui ɛlɛ shu soɔ, bɔtɛ balà bu ishu ulũ nɛ ozĩ kpɛkpɛ ɔlɛ shu, ɔmɔsɛ kesilulũ nanà ama kɛlɛishu.” 41Gɛ aɖɔ kibui ɛlɛ ebekeɛ, akakà ɔzãkɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Ghana Institute of Linguistics, Literacy and Bible Translation. All rights reserved.