Romanɛ 3
3
Owusoso Akaa Abhɛtɛ Atɔɖɔ Yɛibui Nabha
1Otsiɛ nɔ pɔ, kinye yɛyɛkɛ dɛ ɖuwoe gɛ lɛ kɛlɛ̀ mɛ ɔsɛ anɔ teli enu Yudaeyi, alo tɛpɛpɛ̀ dɛ ɖuwoe gɛ lɛ kɛhɔ̃a bhui bhui mɛ? 2Ebuiɛ gɛ bamɔɔ, lekpè! Kɛgi putɔ ɔkɔ alɛ onu ɔsɛ, Yudanɛ ahɔɛ mɛ Owusoso Akaa alɔkɔ yɛebuiɛ akpɛ.
3Kɛlɛ kɛbazã onupɛ balɛ mɛ eteli agɛyɛkɛ aŋã? Balɛ ibui abha mayɛkɛ ŋãa bakɔ ɔsɛ Owusoso Akaa tsyɛ abayɔlɔ ɛbui gɛlɛ ɛlɛ ɔzãkɔɔ tɛbhɛbhɛtɛ dza? 4Kɛma ɛlɛ mɛ ana! Banunɔ pete edzi asɛnɛ elete tsyɛ elo, Owusoso Akaa xɔnɔ atɛba yɔlɔ kɛgɛ lɛ ɛlɛ ɔzãkɔɔ tɛbhɛbhɛtɛ. Asɛ kɛfɔ̀nɔ gɛ bafɔnɔ ɛlɛ elu asɛ,
“Sɛ tɛ bayɛkɛ wɔebui nabha aŋã, onupɛ ɔɖɔaɖɔɔ
kɛlɛ tɛ bebhui bɔtsyɔa akɔ wɔ.”
5Onupɛ bɔlɔ ebui abha mabhɛtɛ mabhɛtɛ lakɔ asɛ Owusoso Akaa ebui abha tɛbhɛbhɛtɛ xɔnɔ awɔ̃ɛ piapii nɔ, kiɖuwoe bɔbaɖɔo? Bɔbaɖɔ ɔsɛ Owusoso Akaa agɛna bhɛtɛ onupɛ akpɛ ɔmɔpɔɛ nɛ ɔlɔ shuɔ dza? (Ɛpɔ̃ɛ ebui mɛ asɛ anɔdzyrame ana.) 6Kɛma ɛlɛ mɛ ana! Onupɛ kɛlɛ ɛlɛ̀ mɛ ana pɔɔ, kɛlɛ Owusoso Akaa abalà kebhu ekulu nɛ̀ kanɔ nɔ̀ɔ dza? 7Anɔ teli abapɔ̃ɛ ɛlɛ mɛasɛ, “Onupɛ mɛasɛnɛ sɛsɛ yɛakɔ asɛ tɛ Owusoso Akaa ibui gbangbã bhɛbhɛtɛ dalɛ yɛishu gelee nɔ, kiɖeso pɛ beze bebu mɛ ɛpɔ asɛ ebui kpa abhɛbhɛtɛelete mɛinu?” 8Kiɖe pɛ nɔtɛ ɔɖɔ ɔsɛ, nɛ kana gɛ bezĩ bɔlɔ shu afalanɔ pɛ baaɖɔ ebui kpa nɛ ɔlɔ shu soɔ, “Nɔkɔ bɔbhɛtɛ ibui kpa tɛ bɔmɔ kɛgbangbã boŋ edenɔ ɛlɛ mɛɛ dza?” Nɛ kɛlɛ nulũɔ, balɛ kɛpɔ bubúɔ lɛ kɛlɛ ɔzãkɔ.
Anɔ Nanà Etinu Anɔ Gbangbã
9Otsiɛ nɔ pɔ, kiɖuwoe lu bɔbaɖɔ? Bɔbaɖɔ ɔsɛ bɔpɛ̀ dɛ anɔ teli dza? Ao, kɛma ɛlɛ mɛ ana kura! Bɔtɛ ibu kɛlɛ mɛ kpɛ otugbà ɔsɛ, bagɛ enu Yudanɛ nɛ̀ bagɛ etinu Yudanɛ pete alɛ ebui kpa bhɛbhɛtɛ esi. 10Asɛ kɛfɔ̀nɔ gɛ bafɔnɔ elu asɛ,
“Anɔ nanà ama gɛ enu anɔ gbangbã, tenikpo ete tsyɛ ama,
11Anɔ nanà ama gɛ elũ ebui esi,
kɛlɛ tenikpo ete ama gɛ ebisi Owusoso Akaa nɛtɔ.
12Balɛ pete betsyina ɛdzo,
balɛ ɔmayɛmɛ nanà abhama ɛnanà mɛ,
balɛ anɔ tenikpo tsyɛ atɛ abhɛtɛ kibui gbangbã
tenikpo pɛ tsyɛ ama.”
13“Balɛ ahalukoe nɔ enu idzeɖe gɛ lɛyaka dzi,
balɛ enikeɛ, asɛnɛ ebui laɖɔ.”
“Beblidzya gulũ abɔɛ kalɛ alɛ balɛ olũgbuɔ shu.”
14“Ebui ɖɔɖɔ kpɛ anɔ nɛ̀ agɛ apɔɛ nɔ, alɛ eyuku balɛ ilugbũɔ mɛ.”
15“Bebu tɛtsɛɖɛ mɛ akɔ dzyosu esi tɛ babàlɛ,
16bɔdɔ̃ zizĩ nɛ̀ ɔwɔ̃nyɔnɔ ɔlɛ obu alɛ edzoɔ akasɛ nɛ balɛ mɛ,
17Kɛlɛ ishu yɔyɔ ɛdzo xɔnɔɔ, betinyi.”
18“Betisì Owusoso Akaa nɛifu nɛ kɛnanà mɛ.”
19Otsi alɛ bunyi sɛ kɛka nyia ka gɛ ɔsha ɔɖɔɔ, kinu bagɛ balɛ ɔsha niesi ibui, tɛ kɛkɔ ɔsɛ anɔ nyia anɔ ataatɔ̃, tɛ Owusoso Akaa ekulu ebhu nɛ̀ kanɔ nɔ̀ petee. 20Kliso batɛ balɔkɔ anɔ nanà asɛ enu anɔ gbangbã nɛ Owusoso Akaa namɛ, sɛ gɛ abhɛtɛ ɔsha nabha so, pɔ gana ɔsha mɛ boŋuɔ, buuti sɛ ebui kpa bhɛbhɛtɛ alɛ.
Gana Yesu Abhaa Balɔkɔ Anɔ Asɛ Enu Anɔ Gbangbã
21Owusoso Akaa ebu akasɛ ɔlɔ otsi alɛ nɛ kɛlɔkɔ gɛ balɔkɔ anɔ teli asɛ enu anɔ gbangbã, gɛ anɛ ɔsha mɛ kide ba. Ɔsha nɛ̀ Ebuiɖɔluanɛ adalɛ kɛlɛishu. 22Anɔ gbangbã dzidzi alɛ, Owusoso Akaa ɔkɔ kide ɔgana Yesu Kristo abha tɛyɛyɛkɛŋã mɛ ɔkɔ bagɛ ayɛkɛ aŋã petee. Egibu ananà ɔtɔ, 23ɔmɔsɛ anɔ ka nyia ka abhɛtɛ ibui kpa, kɛlɛ Owusoso Akaa yɛishu dadalɛ yala nɛ bɔlɔ nyɔ̃ɔ shu, 24kɛlɛ bebhui utsyɔa gbangbã akɔ ɔlɔ ɔgana Yesu Kristo gɛ abalɛ dzyosu nɛ ɔlɔ ɛtakpu nabha. 25Owusoso Akaa, alɔkɔɛ akɔ asɛ bɔdɔ̃ pɔpɔɛ sɛ tɛ balɔkɔ ɔlɔ ebui zizĩɛ etsye ɔlɔ ɔgana yɛdzyosu nabha tɛyɛyɛkɛŋã mɛ. Owusoso Akaa abhɛtɛ ana sɛ tɛ ebu yɛebhu kukulu gbangbã akasɛ, ɔmɔsɛ nɛ yɛitú esi lulu mɛɛ, adã awuhũ nɛ ebui kpa gɛ beti bhoso bhɛtɛ nabha. 26Abhɛtɛ ana nɛ kibe ɛlɛ sɛ tɛ alɔkɔ akasɛ asɛ, enu anunɔ gɛ abhɛtɛ ibui nɛ ɛlɛ ɔzãkɔ. Kidzo ɛlɛ nabhaa, yɛalɔkɔ bagɛ ayɛkɛ Yesu abha aŋã tsyɛ asɛ benu banɔ gbangbã.
27Fakɔ kura ishu fefeke lɛ? Kɛma ɛlɛ mɛ. Nɛ idzo ɖuwoe lu abha? Kɛlinu sɛ ɔbhɛtɛ nɛ ɔsha nabha loo? Ao, nɛ tɛyɛyɛkɛŋã mɛ boŋ. 28Kɛgɛ bɔnyana vunɔ kɛli nu ɔsɛ balɔkɔ anɔ teli asɛ enu anɔ gbangbã onupɛ ayɛkɛ Yesu abha aŋã, etinu asɛ ɔsha nabha tɛbhɛbhɛtɛ. 29Owusoso Akaa pɔ, Yudanɛ ayɛ ete ko yɛenu dza? Anɛ bagɛ betinu Yudanɛ tsyɛ ayɛ yɛenuɔ dza? Ee, bagɛ betinu Yudanɛ tsyɛ ayɛ yɛenu. 30Gɛ Owusoso Akaa alɛ tenikpo ko yɛ alɛ gɛ abalɔkɔ bagɛ benu Yudanɛ asɛ benu banɔ gbangbã nɛ balɛ tɛyɛyɛkɛŋã lũɔ, kidzo ɛlɛ nabha bagɛ betinu Yudanɛ tsyɛ denɔ tɛyɛyɛkɛŋã tinikpo ɛlɛ mɛ. 31Kliso otsi alɛɛ, nɛ tɛyɛyɛkɛŋã lɛ nulũ soɔ bɔba shɛnɛ ahɔɛ nɛ ɔsha shu dza? Ao, kɛma ɛlɛ mɛ ana kura! Pɔ, kɛlɛ sɛ tɛ bɔnyana ɔlɛ mɛ vunɔ gagalĩi.
Currently Selected:
Romanɛ 3: nyb
Highlight
Share
Copy
Want to have your highlights saved across all your devices? Sign up or sign in
© (Active), Ghana Institute of Linguistics, Literacy and Bible Translation. All rights reserved.
Romanɛ 3
3
Owusoso Akaa Abhɛtɛ Atɔɖɔ Yɛibui Nabha
1Otsiɛ nɔ pɔ, kinye yɛyɛkɛ dɛ ɖuwoe gɛ lɛ kɛlɛ̀ mɛ ɔsɛ anɔ teli enu Yudaeyi, alo tɛpɛpɛ̀ dɛ ɖuwoe gɛ lɛ kɛhɔ̃a bhui bhui mɛ? 2Ebuiɛ gɛ bamɔɔ, lekpè! Kɛgi putɔ ɔkɔ alɛ onu ɔsɛ, Yudanɛ ahɔɛ mɛ Owusoso Akaa alɔkɔ yɛebuiɛ akpɛ.
3Kɛlɛ kɛbazã onupɛ balɛ mɛ eteli agɛyɛkɛ aŋã? Balɛ ibui abha mayɛkɛ ŋãa bakɔ ɔsɛ Owusoso Akaa tsyɛ abayɔlɔ ɛbui gɛlɛ ɛlɛ ɔzãkɔɔ tɛbhɛbhɛtɛ dza? 4Kɛma ɛlɛ mɛ ana! Banunɔ pete edzi asɛnɛ elete tsyɛ elo, Owusoso Akaa xɔnɔ atɛba yɔlɔ kɛgɛ lɛ ɛlɛ ɔzãkɔɔ tɛbhɛbhɛtɛ. Asɛ kɛfɔ̀nɔ gɛ bafɔnɔ ɛlɛ elu asɛ,
“Sɛ tɛ bayɛkɛ wɔebui nabha aŋã, onupɛ ɔɖɔaɖɔɔ
kɛlɛ tɛ bebhui bɔtsyɔa akɔ wɔ.”
5Onupɛ bɔlɔ ebui abha mabhɛtɛ mabhɛtɛ lakɔ asɛ Owusoso Akaa ebui abha tɛbhɛbhɛtɛ xɔnɔ awɔ̃ɛ piapii nɔ, kiɖuwoe bɔbaɖɔo? Bɔbaɖɔ ɔsɛ Owusoso Akaa agɛna bhɛtɛ onupɛ akpɛ ɔmɔpɔɛ nɛ ɔlɔ shuɔ dza? (Ɛpɔ̃ɛ ebui mɛ asɛ anɔdzyrame ana.) 6Kɛma ɛlɛ mɛ ana! Onupɛ kɛlɛ ɛlɛ̀ mɛ ana pɔɔ, kɛlɛ Owusoso Akaa abalà kebhu ekulu nɛ̀ kanɔ nɔ̀ɔ dza? 7Anɔ teli abapɔ̃ɛ ɛlɛ mɛasɛ, “Onupɛ mɛasɛnɛ sɛsɛ yɛakɔ asɛ tɛ Owusoso Akaa ibui gbangbã bhɛbhɛtɛ dalɛ yɛishu gelee nɔ, kiɖeso pɛ beze bebu mɛ ɛpɔ asɛ ebui kpa abhɛbhɛtɛelete mɛinu?” 8Kiɖe pɛ nɔtɛ ɔɖɔ ɔsɛ, nɛ kana gɛ bezĩ bɔlɔ shu afalanɔ pɛ baaɖɔ ebui kpa nɛ ɔlɔ shu soɔ, “Nɔkɔ bɔbhɛtɛ ibui kpa tɛ bɔmɔ kɛgbangbã boŋ edenɔ ɛlɛ mɛɛ dza?” Nɛ kɛlɛ nulũɔ, balɛ kɛpɔ bubúɔ lɛ kɛlɛ ɔzãkɔ.
Anɔ Nanà Etinu Anɔ Gbangbã
9Otsiɛ nɔ pɔ, kiɖuwoe lu bɔbaɖɔ? Bɔbaɖɔ ɔsɛ bɔpɛ̀ dɛ anɔ teli dza? Ao, kɛma ɛlɛ mɛ ana kura! Bɔtɛ ibu kɛlɛ mɛ kpɛ otugbà ɔsɛ, bagɛ enu Yudanɛ nɛ̀ bagɛ etinu Yudanɛ pete alɛ ebui kpa bhɛbhɛtɛ esi. 10Asɛ kɛfɔ̀nɔ gɛ bafɔnɔ elu asɛ,
“Anɔ nanà ama gɛ enu anɔ gbangbã, tenikpo ete tsyɛ ama,
11Anɔ nanà ama gɛ elũ ebui esi,
kɛlɛ tenikpo ete ama gɛ ebisi Owusoso Akaa nɛtɔ.
12Balɛ pete betsyina ɛdzo,
balɛ ɔmayɛmɛ nanà abhama ɛnanà mɛ,
balɛ anɔ tenikpo tsyɛ atɛ abhɛtɛ kibui gbangbã
tenikpo pɛ tsyɛ ama.”
13“Balɛ ahalukoe nɔ enu idzeɖe gɛ lɛyaka dzi,
balɛ enikeɛ, asɛnɛ ebui laɖɔ.”
“Beblidzya gulũ abɔɛ kalɛ alɛ balɛ olũgbuɔ shu.”
14“Ebui ɖɔɖɔ kpɛ anɔ nɛ̀ agɛ apɔɛ nɔ, alɛ eyuku balɛ ilugbũɔ mɛ.”
15“Bebu tɛtsɛɖɛ mɛ akɔ dzyosu esi tɛ babàlɛ,
16bɔdɔ̃ zizĩ nɛ̀ ɔwɔ̃nyɔnɔ ɔlɛ obu alɛ edzoɔ akasɛ nɛ balɛ mɛ,
17Kɛlɛ ishu yɔyɔ ɛdzo xɔnɔɔ, betinyi.”
18“Betisì Owusoso Akaa nɛifu nɛ kɛnanà mɛ.”
19Otsi alɛ bunyi sɛ kɛka nyia ka gɛ ɔsha ɔɖɔɔ, kinu bagɛ balɛ ɔsha niesi ibui, tɛ kɛkɔ ɔsɛ anɔ nyia anɔ ataatɔ̃, tɛ Owusoso Akaa ekulu ebhu nɛ̀ kanɔ nɔ̀ petee. 20Kliso batɛ balɔkɔ anɔ nanà asɛ enu anɔ gbangbã nɛ Owusoso Akaa namɛ, sɛ gɛ abhɛtɛ ɔsha nabha so, pɔ gana ɔsha mɛ boŋuɔ, buuti sɛ ebui kpa bhɛbhɛtɛ alɛ.
Gana Yesu Abhaa Balɔkɔ Anɔ Asɛ Enu Anɔ Gbangbã
21Owusoso Akaa ebu akasɛ ɔlɔ otsi alɛ nɛ kɛlɔkɔ gɛ balɔkɔ anɔ teli asɛ enu anɔ gbangbã, gɛ anɛ ɔsha mɛ kide ba. Ɔsha nɛ̀ Ebuiɖɔluanɛ adalɛ kɛlɛishu. 22Anɔ gbangbã dzidzi alɛ, Owusoso Akaa ɔkɔ kide ɔgana Yesu Kristo abha tɛyɛyɛkɛŋã mɛ ɔkɔ bagɛ ayɛkɛ aŋã petee. Egibu ananà ɔtɔ, 23ɔmɔsɛ anɔ ka nyia ka abhɛtɛ ibui kpa, kɛlɛ Owusoso Akaa yɛishu dadalɛ yala nɛ bɔlɔ nyɔ̃ɔ shu, 24kɛlɛ bebhui utsyɔa gbangbã akɔ ɔlɔ ɔgana Yesu Kristo gɛ abalɛ dzyosu nɛ ɔlɔ ɛtakpu nabha. 25Owusoso Akaa, alɔkɔɛ akɔ asɛ bɔdɔ̃ pɔpɔɛ sɛ tɛ balɔkɔ ɔlɔ ebui zizĩɛ etsye ɔlɔ ɔgana yɛdzyosu nabha tɛyɛyɛkɛŋã mɛ. Owusoso Akaa abhɛtɛ ana sɛ tɛ ebu yɛebhu kukulu gbangbã akasɛ, ɔmɔsɛ nɛ yɛitú esi lulu mɛɛ, adã awuhũ nɛ ebui kpa gɛ beti bhoso bhɛtɛ nabha. 26Abhɛtɛ ana nɛ kibe ɛlɛ sɛ tɛ alɔkɔ akasɛ asɛ, enu anunɔ gɛ abhɛtɛ ibui nɛ ɛlɛ ɔzãkɔ. Kidzo ɛlɛ nabhaa, yɛalɔkɔ bagɛ ayɛkɛ Yesu abha aŋã tsyɛ asɛ benu banɔ gbangbã.
27Fakɔ kura ishu fefeke lɛ? Kɛma ɛlɛ mɛ. Nɛ idzo ɖuwoe lu abha? Kɛlinu sɛ ɔbhɛtɛ nɛ ɔsha nabha loo? Ao, nɛ tɛyɛyɛkɛŋã mɛ boŋ. 28Kɛgɛ bɔnyana vunɔ kɛli nu ɔsɛ balɔkɔ anɔ teli asɛ enu anɔ gbangbã onupɛ ayɛkɛ Yesu abha aŋã, etinu asɛ ɔsha nabha tɛbhɛbhɛtɛ. 29Owusoso Akaa pɔ, Yudanɛ ayɛ ete ko yɛenu dza? Anɛ bagɛ betinu Yudanɛ tsyɛ ayɛ yɛenuɔ dza? Ee, bagɛ betinu Yudanɛ tsyɛ ayɛ yɛenu. 30Gɛ Owusoso Akaa alɛ tenikpo ko yɛ alɛ gɛ abalɔkɔ bagɛ benu Yudanɛ asɛ benu banɔ gbangbã nɛ balɛ tɛyɛyɛkɛŋã lũɔ, kidzo ɛlɛ nabha bagɛ betinu Yudanɛ tsyɛ denɔ tɛyɛyɛkɛŋã tinikpo ɛlɛ mɛ. 31Kliso otsi alɛɛ, nɛ tɛyɛyɛkɛŋã lɛ nulũ soɔ bɔba shɛnɛ ahɔɛ nɛ ɔsha shu dza? Ao, kɛma ɛlɛ mɛ ana kura! Pɔ, kɛlɛ sɛ tɛ bɔnyana ɔlɛ mɛ vunɔ gagalĩi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Ghana Institute of Linguistics, Literacy and Bible Translation. All rights reserved.