Kakpiʔiligele 17
17
Siɛnnɛ pe 'Pɔli nɛ́ Silasi tún bèle Tesaloniki kàʔa nī gè
1A Pɔli nɛ́ Silasi pe 'sùuri Anfiipolii nɛ́ Apolonii kàaya nī yè, nɛ̀ kɛ́ Tesaloniki kàʔa mɛ́. Zuufulo tɛnmɛzaʔa káà 'puu baa ki kàʔa nī gè. 2Bɛ̀ ki 'puu Pɔli wi kadɛlilɛ lè, a wi 'kɛ́ baa pe kúrugu tɛnmɛzaʔa mɛ́ gè. A wi sɛ́nì juu nɛ́ pe ní nɛ̀ taa cɛndɛniyɛ taanri Kulocɛliɛ siɛnsɛbɛrɛ nī dè. 3A wi 'ti juu nɛ̀ fílige pe mɛ́, nɛ̀ ki tìɛ pe nɛ̄ dí Kulocɛliɛ Siɛnnyiɛnɛgɔnwɔ wi cé yɛli bè wuʔɔ, bága koli bè nyɛ́ kúbilo nī bèle, dí kire Siɛnnyiɛnɛgɔnwɔ ŋáà wire wī Zezi wè, ŋàa wori wire nɛ nyu pe mɛ́ bèle.
4A Zuufulo pálì 'Pɔli nɛ́ Silasi siɛnrɛ nyaa dè tiī kányiʔɛ, a pe 'tɛ́ngɛ ti nɛ̄, nɛ̀ fàri Girɛki wuulo siɛnniʔɛnɛ pálì nɛ̄ nɛ̀ pínɛ, bàli pe 'puu nɛ Kulocɛliɛ gbùʔɔrɔ́ wè, nɛ̀ fàri cɛlilɛ pálì nɛ̄, míɛkpoliyofɔlilɔ pe 'puu.
5A ki 'yejaʔa nyɔ́gɔ Zuufulo nī bèle, a pe 'lefaalilɛ pálì líʔi; pe 'puu nɛ yèrí nɛ mári koliyo nī yè.
A peli 'kàgbaaligɛ yɛ̀gɛ kàʔa nī gè, nɛ́ kɛ́ Zasɔni saʔa mɛ́ bè sa Pɔli nɛ́ Silasi cò bèle bè kɛn siɛnnɛ mɛ́ bèle. 6Piyè sɛ́nì pe nyaa baaʔ, a pe sí Zasɔni cò wè, wire nɛ́ tɛ́ngɛfɔlilɔ pálì ní, nɛ̀ sɛ́nì pe kɛn kàʔa yiɛgininɛ mɛ́ bèle, níɛ nyu nɛ yékpuʔulo wáari gèle nɛ́ jo: «Siɛnnɛ bálì peli pe nyɛ́ni kàgbaaligɛ yɛ̀gí gè nɛ mári Wurɔmi tɛ́nimɛ tiɛrɛ ti mìɛni nī dè, pe m'bɛlɛ pe 'jíin we nī !
7«A Zasɔni pɛ́nì pe tìrige nabɔnrɔ nɛ̄. Ki siɛnnɛ bálì pe mìɛni pe sí nyɛ́ni kùlofɔgbuɔwɔ Sezari kajuʔulo kɛ́ngi gèle nɛ wáari kàsɛngɛ nɛ̄, nɛ́ jo dí kùlofɔli wáà wiiyɛ yē baa, pe wi ye Zezi.»
8A ki siɛnrɛ dáà ti 'siɛnnɛ funyɔ yɛ̀gɛ yè, nɛ́ kàʔa ki yiɛgininɛ ní bèle. 9A pe 'kɔ̀nnɔ cáan Zasɔni nɛ̄ wè nɛ́ bìli ní bèle, nɛ́ nɛ́ pe yaʔa a pe 'kɛ́.
Pɔli nɛ́ Silasi pe 'kɛ́ Bere kàʔa mɛ́
10Kire tiʔɛ gáà nī gè, a tɛ́ngɛfɔlilɔ pe 'fali nɛ̀ Pɔli nɛ́ Silasiyé tórigo bèle ki pìlige nī gè, a pe 'kɛ́ Bere kàʔa mɛ́. Bà pe sɛ́nì yiri bèle, a pe 'fali Zuufulo pe tɛnmɛzaʔa mɛ́ gè. 11Kire tiʔɛ wuulo bèle, peli cé puu yiɛyɛ ní yè tuuyo nɛ̀ tóri Tesaloniki wuulo nɛ̄ bèle; pe cé Kulocɛliɛ siɛnrɛ líɛ dè nɛ́ funviige ní. Pe 'puu nɛ Kulocɛliɛ siɛnsɛbɛrɛ sɔ́migi dè nɛ wéli cɛngɛ ó cɛngɛ, bè ki cɛ́n a ki yē dàa pe nyu dè tire dī. 12A pe pàli nìʔɛnɛ 'jíin tɛ́ngɛlɛ nī lè, nɛ̀ fàri Girɛki cɛlilɛ míɛkpoliyofɔlilɔ pálì nɛ̄, nɛ́ nàguɔlɔ ní; pe cé nyuɔ káà kúɔ.
13Nɛ̀ sí ki taa Zuufulo bálì pe 'puu baa Tesaloniki kàʔa mɛ́ gè, bà peli kɛ́nì lúʔu dí Pɔli wiī baa nɛ Kulocɛliɛ siɛnrɛ nyu dè Bere kàʔa wuulo mɛ́ bèle nɛ̀ pínɛ wè, a pe 'yɛ̀ nɛ̀ kɛ́ baa nɛ̀ sɛ́ni siɛnnɛ pe funyɔ curugu yè, níɛ pe súguru nɛ wáari wi nɛ̄. 14A tɛ́ngɛfɔlilɔ pe sí fìɛlɛ nɛ̀ Pɔli tórigo wè nɛ̀ sɛ́nì nɔ̀ kuʔɔjii nɛ̄ wè, á Timote nɛ́ Silasi peli 'kò baa. 15Bìli pe cé kɛ́ bè sa Pɔli tórigo wè, a pe sɛ́nì nɔ̀ Atɛni kàʔa nɛ̄. A Pɔli wi 'tunduro kɛn pe mɛ́ Timote nɛ́ Silasi wori, nɛ́ jo pe sa pe yɛ peri báan wire kúrugu, pe fǎga mɔgɔ baaʔ. A pe 'koli nɛ̀ kɛ́ Bere kàʔa mɛ́ gè.
Atɛni kàʔa gè yasunro kàʔa gī
16Bà Pɔli wi 'puu baa Atɛni kàʔa mɛ́ gè nɛ pe siri bèle, a ki 'nyaa wi laamɛ pi cé cúʔɔ wi nī; ki 'nyaa yasunro ti yé kàʔa gáà nyì gè. 17Kire nɛ̄ wi cé kò nɛ waa tɛnmɛzaʔa mɛ́ gè nɛ waa nɛ nyu nɛ tìí Zuufulo nɛ̄ bèle peli nɛ́ kùlogolo kálì siɛnnɛ ní bèle bìli pe 'puu nɛ Kulocɛliɛ gbùʔɔrɔ́ wè. Nɛ̀ pínɛ cɛngɛ ó cɛngɛ, wi 'puu nɛ waa dàlikpuʔɔ mɛ́ gè, a wi cé siɛn ó siɛn nyaa baa, wi nɛ̂ cé juu nɛ́ wi ní. 18Tògo gíì wuulo pe sî nɛ ye Epikuriyɛnɛ#17.18 Epikuriyɛnɛ: Peli 'nyaa siɛnnɛ bílì pe fé céri wuʔɔgɔ nɛ̄ gè, níɛ sí jo siɛn 'yɛli wiri duniya wi tàanma líi bè. bèle, nɛ́ Sitoyisiɛnnɛ#17.18 Sitoyisiɛnnɛ: Peli mɛ́ bèle, siɛn wi 'yɛli wi- wìi cò macɛn, nɛ̀ pínɛ peli mɛ́ bèle siɛn wi 'yɛli bè wuʔɔgɔ kún gè wìi nī. bèle, sìnjilige kajuumɔfɔlilɔ bèle, pe 'puu nɛ waa nɛ kìí nɛ́ Pɔli siɛnrɛ ní dè. Pe pàli 'puu nɛ nyu níɛ̀ jo: «Gáa cɛ kacaajuumɔfɔli ŋáà wi nyu díɛ ?» A pàli 'jo: «Dùʔɔ kùlogolo kálì kulocɛlɛlɛ siɛnjuuwo sí wī !»
Ki 'nyaa Pɔli wi 'puu nɛ Zezi Kataanna wori nyu dè nɛ́ nyɛ́yirile wori ní dè.
19A pe 'wi cò nɛ̀ sɛ́nì kɛn kàyuʔujuulo gboli mɛ́ lè, a peli 'wi yúgo nɛ́ jo: «-Ki juu we mɛ́ wêli, tɛnmɛvɔnnɔ náà lire yē níi wī mmɛ gè, nàa muɔ nɛ tɛnmɛ nàa lè ? 20Muɔ pɛ́ni ngbúʔulo fúugi gèle we nɛ̄ nɛ́ siɛnrɛ táà ní dàa wiyè fìɛ lúʔu nɛ̀ nyaa dèʔ; weli sí nɛ caa bè ki cɛ́n tire kɔri wi 'jo gáa wī ?»
21Ki 'nyaa Atɛni kàʔa wuulo pe mìɛni bèle, nɛ́ nabɔnminɔ bílì pe cé pɛ́nì tɛ́ni baa kàʔa nī gè, pe 'puu nɛ waa nɛ lɛ̀lɛ sáa líi nɛ kùlo kele nyu níɛ ke lúru yákuɔ wī.
22A Pɔli wi 'yɛ̀ nɛ̀ yéri kàyuʔujuulo gboli sunʔɔmɔ nī bè nɛ́ pe yɛ: «Atɛni kàʔa wuulo, mi 'ki nyaa yeli kakpiʔiligele ke mìɛni nī gèle, kulocɛlɛlɛ nìʔɛrɛ gbùʔɔrivaalimɛ pi 'yeli dɛ́ni kátii. 23Bà mi 'yeli kàʔa saanri gè nɛ̀ tóri gè, mi 'ki nyaa a yeli 'ki sɛbɛ yeli kulocɛlɛlɛ gbùʔɔrigɔ yafanʔa káà nɛ̄ nɛ́ jo: ‹Kulocɛliɛ wáà mɛ́, ŋàa wiyè cɛ́n wèʔ.› Ŋàa yeli nɛ gbùʔɔrɔ́ nɛ́ sí kò yeli sì wi cɛ́n wèʔ, wire wori mi 'pɛn bè pa juu yeli mɛ́.
24«Kulocɛliɛ ŋáà wi 'duniya faan wè nɛ́ wi laamɛ yɛrɛ ti mìɛni ní dè, wire wī nyìʔɛnɛ nɛ́ dàala Kàfɔli wè. Wi wè kòrí siɛn kɔli gbùʔɔrɔsaaya wofaanya nīʔ. 25Nɛ̀ pínɛ wi màakuu wè siɛn kɔliyɛgɛ nɛ̄ʔ, ki- nyaa majo ki woli yē wi nɛ̄ wīʔ. Nɛ̀ taʔa gíi nɛ̄, wire wi nyɛ́ni sìi kanʔa wè feliye yi mìɛni, nɛ́ ŋɔ́nɔ ní lè, nɛ̀ fàri yɛrɛ sɛnrɛ nɛ̄ dè. 26Nàguɔ nigbe nī wi 'kùlogolo siɛnnɛ pe mìɛni feliye yige yè, pe pa puu dàala tiɛrɛ ti mìɛni nī dè, nɛ́ sí lɛ̀gɛlɛ tɔ́nminɔ gèle nɛ̀ ke yérige ke lariyɛ nī yè, nɛ̀ láʔagɛlɛ tɛ́ngɛ siɛnnɛ kòridiɛyɛ nɛ̄ yè.
27«Kulocɛliɛ wi cé kire kpíʔile gìi ki bé tí siɛnnɛ peri wire Kulocɛliɛ caa wè, a ki cɛ yē piyē nɛ wi tali nɛ caa wè, dùʔɔ pe bága wi caa bè wi nyaa. Nɛ̀ sí ki taa Kulocɛliɛ wiì líili weli wáà nɛ̄ʔ. 28‹Wire fànʔa nɛ̄ weli yē sìi nɛ̄, wire fànʔa nɛ̄ weli nɛ jàʔá nɛ kparigi, wire fànʔa nɛ̄ weli yē bile.› Tire yeli kacɛ́njuulo ŋúnuŋuminɔ pálì cé 'juu dè, nɛ́ jo: ‹Ki 'nyaa weli yē Kulocɛliɛ wi siimɛ wuulo wī.›
29«Bɛ̀ sí weli yē Kulocɛliɛ wi siimɛ wuulo bèle, we fǎri ki sɔ̀ngí bè jo dùʔɔ Kulocɛliɛ felige kiī bɛ̀ tiɛ tíɛlɛ wīʔ, á kire 'laa bɛ̀ walifiiwe tíɛlɛʔ, á kire 'laa bɛ̀ sìndɛnicɛnyɛ yáà felige tíɛlɛʔ pe ki ye mabiri, á kire 'laa bɛ̀ siɛn kɔli yakpiʔilige tíɛlɛʔ, gàa siɛn sî sɔ̀ngi níɛ̀ ki kpíʔile gèʔ. 30Ki sí n'gɛ, Kulocɛliɛ wiì siɛnnɛ pe katiire tɔ́ri dèʔ, dàa ti 'tóri faʔa gèʔ. Píra ŋáà nī wè wiī nɛ ki nyu nɛ gbɛ̀ngí nɛ́ jo siɛnnɛ pe mìɛni bèle, tiʔɛ ó tiʔɛ nī, pe- pe funyɔ yiʔɛ yè pé láʔa pe kapiʔile nɛ̄ gèle. 31A kire 'laa wè, Kulocɛliɛ wi 'lɛ̀lɛ láà tɛ́ngɛ bága kàyuʔu juu duniya siɛnnɛ nɛ̄ bèle; wi kàyuʔu kiī sìnʔɛ. Siɛn ŋáà mɛ́ wi bága ki kàyuʔu kɛn gè, wire 'nyaa nàguɔ ŋáà wi 'nyíɛnɛ nɛ̀ tìɛ wè, nɛ́ sí fìɛ tɛ́ngɛ wi wori nɛ̄ dè siɛnnɛ pe mìɛni mɛ́ bèle, bɛ̀ wi 'wi nyɛ́ nɛ̀ yige kúbilo nī bèle.»
32Bà Pɔli wi kɛ́nì tiɛlɛ náà juu lè, kúbilo nyɛ́yirile wori dè, a pàli 'yɛ̀ nɛ wi tíʔɛ, a bìli 'jo: «-Ti yaʔa bɛ̀ʔ muɔ bé ní ga pa ti juu cígini !»
33Kire lɛ̀lɛ nī lè a Pɔli wi 'yɛ̀ nɛ̀ yiri pe sunʔɔmɔ nī bè. 34Kire ki mìɛni láara gè a pàli 'taʔa Pɔli kúrugu wè nɛ̀ kò tɛ́ngɛfɔlilɔ. Kàyuʔujuulo gboli wuu wáà 'puu baa pe 'puu nɛ wi ye Deniisi, nɛ̀ fàri cɛliwɛ wáà nɛ̄ pe 'puu nɛ wi ye Damariisi, nɛ́ pàli ní nɛ̀ pínɛ.
Currently Selected:
Kakpiʔiligele 17: sev
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Kakpiʔiligele 17
17
Siɛnnɛ pe 'Pɔli nɛ́ Silasi tún bèle Tesaloniki kàʔa nī gè
1A Pɔli nɛ́ Silasi pe 'sùuri Anfiipolii nɛ́ Apolonii kàaya nī yè, nɛ̀ kɛ́ Tesaloniki kàʔa mɛ́. Zuufulo tɛnmɛzaʔa káà 'puu baa ki kàʔa nī gè. 2Bɛ̀ ki 'puu Pɔli wi kadɛlilɛ lè, a wi 'kɛ́ baa pe kúrugu tɛnmɛzaʔa mɛ́ gè. A wi sɛ́nì juu nɛ́ pe ní nɛ̀ taa cɛndɛniyɛ taanri Kulocɛliɛ siɛnsɛbɛrɛ nī dè. 3A wi 'ti juu nɛ̀ fílige pe mɛ́, nɛ̀ ki tìɛ pe nɛ̄ dí Kulocɛliɛ Siɛnnyiɛnɛgɔnwɔ wi cé yɛli bè wuʔɔ, bága koli bè nyɛ́ kúbilo nī bèle, dí kire Siɛnnyiɛnɛgɔnwɔ ŋáà wire wī Zezi wè, ŋàa wori wire nɛ nyu pe mɛ́ bèle.
4A Zuufulo pálì 'Pɔli nɛ́ Silasi siɛnrɛ nyaa dè tiī kányiʔɛ, a pe 'tɛ́ngɛ ti nɛ̄, nɛ̀ fàri Girɛki wuulo siɛnniʔɛnɛ pálì nɛ̄ nɛ̀ pínɛ, bàli pe 'puu nɛ Kulocɛliɛ gbùʔɔrɔ́ wè, nɛ̀ fàri cɛlilɛ pálì nɛ̄, míɛkpoliyofɔlilɔ pe 'puu.
5A ki 'yejaʔa nyɔ́gɔ Zuufulo nī bèle, a pe 'lefaalilɛ pálì líʔi; pe 'puu nɛ yèrí nɛ mári koliyo nī yè.
A peli 'kàgbaaligɛ yɛ̀gɛ kàʔa nī gè, nɛ́ kɛ́ Zasɔni saʔa mɛ́ bè sa Pɔli nɛ́ Silasi cò bèle bè kɛn siɛnnɛ mɛ́ bèle. 6Piyè sɛ́nì pe nyaa baaʔ, a pe sí Zasɔni cò wè, wire nɛ́ tɛ́ngɛfɔlilɔ pálì ní, nɛ̀ sɛ́nì pe kɛn kàʔa yiɛgininɛ mɛ́ bèle, níɛ nyu nɛ yékpuʔulo wáari gèle nɛ́ jo: «Siɛnnɛ bálì peli pe nyɛ́ni kàgbaaligɛ yɛ̀gí gè nɛ mári Wurɔmi tɛ́nimɛ tiɛrɛ ti mìɛni nī dè, pe m'bɛlɛ pe 'jíin we nī !
7«A Zasɔni pɛ́nì pe tìrige nabɔnrɔ nɛ̄. Ki siɛnnɛ bálì pe mìɛni pe sí nyɛ́ni kùlofɔgbuɔwɔ Sezari kajuʔulo kɛ́ngi gèle nɛ wáari kàsɛngɛ nɛ̄, nɛ́ jo dí kùlofɔli wáà wiiyɛ yē baa, pe wi ye Zezi.»
8A ki siɛnrɛ dáà ti 'siɛnnɛ funyɔ yɛ̀gɛ yè, nɛ́ kàʔa ki yiɛgininɛ ní bèle. 9A pe 'kɔ̀nnɔ cáan Zasɔni nɛ̄ wè nɛ́ bìli ní bèle, nɛ́ nɛ́ pe yaʔa a pe 'kɛ́.
Pɔli nɛ́ Silasi pe 'kɛ́ Bere kàʔa mɛ́
10Kire tiʔɛ gáà nī gè, a tɛ́ngɛfɔlilɔ pe 'fali nɛ̀ Pɔli nɛ́ Silasiyé tórigo bèle ki pìlige nī gè, a pe 'kɛ́ Bere kàʔa mɛ́. Bà pe sɛ́nì yiri bèle, a pe 'fali Zuufulo pe tɛnmɛzaʔa mɛ́ gè. 11Kire tiʔɛ wuulo bèle, peli cé puu yiɛyɛ ní yè tuuyo nɛ̀ tóri Tesaloniki wuulo nɛ̄ bèle; pe cé Kulocɛliɛ siɛnrɛ líɛ dè nɛ́ funviige ní. Pe 'puu nɛ Kulocɛliɛ siɛnsɛbɛrɛ sɔ́migi dè nɛ wéli cɛngɛ ó cɛngɛ, bè ki cɛ́n a ki yē dàa pe nyu dè tire dī. 12A pe pàli nìʔɛnɛ 'jíin tɛ́ngɛlɛ nī lè, nɛ̀ fàri Girɛki cɛlilɛ míɛkpoliyofɔlilɔ pálì nɛ̄, nɛ́ nàguɔlɔ ní; pe cé nyuɔ káà kúɔ.
13Nɛ̀ sí ki taa Zuufulo bálì pe 'puu baa Tesaloniki kàʔa mɛ́ gè, bà peli kɛ́nì lúʔu dí Pɔli wiī baa nɛ Kulocɛliɛ siɛnrɛ nyu dè Bere kàʔa wuulo mɛ́ bèle nɛ̀ pínɛ wè, a pe 'yɛ̀ nɛ̀ kɛ́ baa nɛ̀ sɛ́ni siɛnnɛ pe funyɔ curugu yè, níɛ pe súguru nɛ wáari wi nɛ̄. 14A tɛ́ngɛfɔlilɔ pe sí fìɛlɛ nɛ̀ Pɔli tórigo wè nɛ̀ sɛ́nì nɔ̀ kuʔɔjii nɛ̄ wè, á Timote nɛ́ Silasi peli 'kò baa. 15Bìli pe cé kɛ́ bè sa Pɔli tórigo wè, a pe sɛ́nì nɔ̀ Atɛni kàʔa nɛ̄. A Pɔli wi 'tunduro kɛn pe mɛ́ Timote nɛ́ Silasi wori, nɛ́ jo pe sa pe yɛ peri báan wire kúrugu, pe fǎga mɔgɔ baaʔ. A pe 'koli nɛ̀ kɛ́ Bere kàʔa mɛ́ gè.
Atɛni kàʔa gè yasunro kàʔa gī
16Bà Pɔli wi 'puu baa Atɛni kàʔa mɛ́ gè nɛ pe siri bèle, a ki 'nyaa wi laamɛ pi cé cúʔɔ wi nī; ki 'nyaa yasunro ti yé kàʔa gáà nyì gè. 17Kire nɛ̄ wi cé kò nɛ waa tɛnmɛzaʔa mɛ́ gè nɛ waa nɛ nyu nɛ tìí Zuufulo nɛ̄ bèle peli nɛ́ kùlogolo kálì siɛnnɛ ní bèle bìli pe 'puu nɛ Kulocɛliɛ gbùʔɔrɔ́ wè. Nɛ̀ pínɛ cɛngɛ ó cɛngɛ, wi 'puu nɛ waa dàlikpuʔɔ mɛ́ gè, a wi cé siɛn ó siɛn nyaa baa, wi nɛ̂ cé juu nɛ́ wi ní. 18Tògo gíì wuulo pe sî nɛ ye Epikuriyɛnɛ#17.18 Epikuriyɛnɛ: Peli 'nyaa siɛnnɛ bílì pe fé céri wuʔɔgɔ nɛ̄ gè, níɛ sí jo siɛn 'yɛli wiri duniya wi tàanma líi bè. bèle, nɛ́ Sitoyisiɛnnɛ#17.18 Sitoyisiɛnnɛ: Peli mɛ́ bèle, siɛn wi 'yɛli wi- wìi cò macɛn, nɛ̀ pínɛ peli mɛ́ bèle siɛn wi 'yɛli bè wuʔɔgɔ kún gè wìi nī. bèle, sìnjilige kajuumɔfɔlilɔ bèle, pe 'puu nɛ waa nɛ kìí nɛ́ Pɔli siɛnrɛ ní dè. Pe pàli 'puu nɛ nyu níɛ̀ jo: «Gáa cɛ kacaajuumɔfɔli ŋáà wi nyu díɛ ?» A pàli 'jo: «Dùʔɔ kùlogolo kálì kulocɛlɛlɛ siɛnjuuwo sí wī !»
Ki 'nyaa Pɔli wi 'puu nɛ Zezi Kataanna wori nyu dè nɛ́ nyɛ́yirile wori ní dè.
19A pe 'wi cò nɛ̀ sɛ́nì kɛn kàyuʔujuulo gboli mɛ́ lè, a peli 'wi yúgo nɛ́ jo: «-Ki juu we mɛ́ wêli, tɛnmɛvɔnnɔ náà lire yē níi wī mmɛ gè, nàa muɔ nɛ tɛnmɛ nàa lè ? 20Muɔ pɛ́ni ngbúʔulo fúugi gèle we nɛ̄ nɛ́ siɛnrɛ táà ní dàa wiyè fìɛ lúʔu nɛ̀ nyaa dèʔ; weli sí nɛ caa bè ki cɛ́n tire kɔri wi 'jo gáa wī ?»
21Ki 'nyaa Atɛni kàʔa wuulo pe mìɛni bèle, nɛ́ nabɔnminɔ bílì pe cé pɛ́nì tɛ́ni baa kàʔa nī gè, pe 'puu nɛ waa nɛ lɛ̀lɛ sáa líi nɛ kùlo kele nyu níɛ ke lúru yákuɔ wī.
22A Pɔli wi 'yɛ̀ nɛ̀ yéri kàyuʔujuulo gboli sunʔɔmɔ nī bè nɛ́ pe yɛ: «Atɛni kàʔa wuulo, mi 'ki nyaa yeli kakpiʔiligele ke mìɛni nī gèle, kulocɛlɛlɛ nìʔɛrɛ gbùʔɔrivaalimɛ pi 'yeli dɛ́ni kátii. 23Bà mi 'yeli kàʔa saanri gè nɛ̀ tóri gè, mi 'ki nyaa a yeli 'ki sɛbɛ yeli kulocɛlɛlɛ gbùʔɔrigɔ yafanʔa káà nɛ̄ nɛ́ jo: ‹Kulocɛliɛ wáà mɛ́, ŋàa wiyè cɛ́n wèʔ.› Ŋàa yeli nɛ gbùʔɔrɔ́ nɛ́ sí kò yeli sì wi cɛ́n wèʔ, wire wori mi 'pɛn bè pa juu yeli mɛ́.
24«Kulocɛliɛ ŋáà wi 'duniya faan wè nɛ́ wi laamɛ yɛrɛ ti mìɛni ní dè, wire wī nyìʔɛnɛ nɛ́ dàala Kàfɔli wè. Wi wè kòrí siɛn kɔli gbùʔɔrɔsaaya wofaanya nīʔ. 25Nɛ̀ pínɛ wi màakuu wè siɛn kɔliyɛgɛ nɛ̄ʔ, ki- nyaa majo ki woli yē wi nɛ̄ wīʔ. Nɛ̀ taʔa gíi nɛ̄, wire wi nyɛ́ni sìi kanʔa wè feliye yi mìɛni, nɛ́ ŋɔ́nɔ ní lè, nɛ̀ fàri yɛrɛ sɛnrɛ nɛ̄ dè. 26Nàguɔ nigbe nī wi 'kùlogolo siɛnnɛ pe mìɛni feliye yige yè, pe pa puu dàala tiɛrɛ ti mìɛni nī dè, nɛ́ sí lɛ̀gɛlɛ tɔ́nminɔ gèle nɛ̀ ke yérige ke lariyɛ nī yè, nɛ̀ láʔagɛlɛ tɛ́ngɛ siɛnnɛ kòridiɛyɛ nɛ̄ yè.
27«Kulocɛliɛ wi cé kire kpíʔile gìi ki bé tí siɛnnɛ peri wire Kulocɛliɛ caa wè, a ki cɛ yē piyē nɛ wi tali nɛ caa wè, dùʔɔ pe bága wi caa bè wi nyaa. Nɛ̀ sí ki taa Kulocɛliɛ wiì líili weli wáà nɛ̄ʔ. 28‹Wire fànʔa nɛ̄ weli yē sìi nɛ̄, wire fànʔa nɛ̄ weli nɛ jàʔá nɛ kparigi, wire fànʔa nɛ̄ weli yē bile.› Tire yeli kacɛ́njuulo ŋúnuŋuminɔ pálì cé 'juu dè, nɛ́ jo: ‹Ki 'nyaa weli yē Kulocɛliɛ wi siimɛ wuulo wī.›
29«Bɛ̀ sí weli yē Kulocɛliɛ wi siimɛ wuulo bèle, we fǎri ki sɔ̀ngí bè jo dùʔɔ Kulocɛliɛ felige kiī bɛ̀ tiɛ tíɛlɛ wīʔ, á kire 'laa bɛ̀ walifiiwe tíɛlɛʔ, á kire 'laa bɛ̀ sìndɛnicɛnyɛ yáà felige tíɛlɛʔ pe ki ye mabiri, á kire 'laa bɛ̀ siɛn kɔli yakpiʔilige tíɛlɛʔ, gàa siɛn sî sɔ̀ngi níɛ̀ ki kpíʔile gèʔ. 30Ki sí n'gɛ, Kulocɛliɛ wiì siɛnnɛ pe katiire tɔ́ri dèʔ, dàa ti 'tóri faʔa gèʔ. Píra ŋáà nī wè wiī nɛ ki nyu nɛ gbɛ̀ngí nɛ́ jo siɛnnɛ pe mìɛni bèle, tiʔɛ ó tiʔɛ nī, pe- pe funyɔ yiʔɛ yè pé láʔa pe kapiʔile nɛ̄ gèle. 31A kire 'laa wè, Kulocɛliɛ wi 'lɛ̀lɛ láà tɛ́ngɛ bága kàyuʔu juu duniya siɛnnɛ nɛ̄ bèle; wi kàyuʔu kiī sìnʔɛ. Siɛn ŋáà mɛ́ wi bága ki kàyuʔu kɛn gè, wire 'nyaa nàguɔ ŋáà wi 'nyíɛnɛ nɛ̀ tìɛ wè, nɛ́ sí fìɛ tɛ́ngɛ wi wori nɛ̄ dè siɛnnɛ pe mìɛni mɛ́ bèle, bɛ̀ wi 'wi nyɛ́ nɛ̀ yige kúbilo nī bèle.»
32Bà Pɔli wi kɛ́nì tiɛlɛ náà juu lè, kúbilo nyɛ́yirile wori dè, a pàli 'yɛ̀ nɛ wi tíʔɛ, a bìli 'jo: «-Ti yaʔa bɛ̀ʔ muɔ bé ní ga pa ti juu cígini !»
33Kire lɛ̀lɛ nī lè a Pɔli wi 'yɛ̀ nɛ̀ yiri pe sunʔɔmɔ nī bè. 34Kire ki mìɛni láara gè a pàli 'taʔa Pɔli kúrugu wè nɛ̀ kò tɛ́ngɛfɔlilɔ. Kàyuʔujuulo gboli wuu wáà 'puu baa pe 'puu nɛ wi ye Deniisi, nɛ̀ fàri cɛliwɛ wáà nɛ̄ pe 'puu nɛ wi ye Damariisi, nɛ́ pàli ní nɛ̀ pínɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.