Sélimɛ 41
41
Yusufu 'Farawɔn ŋɔ́niyɔ kɔri juu wè wi mɛ́
1Yiʔɛlɛ siin kàduʔumɛ gè, cɛngɛ káà pìlige nī, a ŋɔ́nigɔ 'tuu Farawɔn nɛ̄ wè, a wi 'ki nyaa wire yé puu yériwe Niili cáʔa gògogo nɛ̄ gè. 2A wi 'ki nyaa, nɛ̀nɔminɔ kɔlisiin, nyàa yi 'puu cɛ̀nyɛ céri nɛ̄ dè nɛ́ ní kpoliyo yè, a yi 'yiri lakoligo nī gè nɛ vàaluɔ káa wè. 3A cɛ̀ri ga sìʔɛrɛ, a wi ń'nɛ̀ ki nyaa nɛ̀nɔminɔ kɔlisiin pálì 'yiri nɛ̀ taʔa nyìi nɛ̄ yè Niili cáʔa nī gè, nyàa yi 'puu sìpiiboyo yè nɛ́ ní waʔaya yè, a yi 'yiri nɛ̀ yéri kpoliyo táanni yè Niili cáʔa gògogo nɛ̄ gè. 4A nɛ̀nuuwaʔaya sìpiiboyo yi 'nɛ̀nuukpoliyo cò yè nɛ̀ júɔ. A Farawɔn wi 'yɛ̀ ŋɔ́nimɔ nɛ̄ bè.
5A wi ń'nɛ̀ suɔ nɛ̀ ŋɔ́ni, a ŋɔ́nigɔ káà ń'nɛ̀ tuu wi nɛ̄. A wi 'ki nyaa, yaliikɛniyɛ kɔlisiin 'puu gbóyo tìrige nigbe nɛ̄; yi 'puu cɛ̀nyɛ nɛ́ ní pìimɛ ní. 6A cɛ̀ri ga sìʔɛrɛ, a wi 'ki nyaa yaliikɛniwaʔaya nyáà nī waama kùlo káfaligɛ ki yé cùru gè, a yire míɛni 'gbó tìrinugo nɛ̄ gè. 7A yaliikɛniwaʔaya yi 'yaliikɛnicɛ̀nyɛ cò yè nɛ̀ júɔ.
A Farawɔn wi 'yɛ̀ ŋɔ́nimɔ nɛ̄ bè, a wi 'ki nyaa ŋɔ́nigɔ nɛ̄ wire yé puu.
8Bà kpìɛnmɛ pi 'tuu bè, a wi fungo ki 'nyaʔami, a wi 'wi sàndobilo yeri bèle nɛ́ wi dìɛlɛ ní bèle, Ezipiti kùlo wuulo bèle, nɛ̀ pɛ́nì ŋɔ́niyɔ juu yè nɛ̀ tìɛ pe nɛ̄. Pe wàa sì jáa nɛ̀ ŋɔ́niyɔ yi kɔri cɛ́n wè nɛ́ yi juu wi mɛ́ʔ.
9Kire tiʔɛ nī gè, a yagbuɔkɛnminɛ kàfɔli wi 'fali nɛ̀ juu nɛ́ Farawɔn ní wè nɛ́ jo: «Mi kàfɔli, mi nyɛ́nì sɔ̀ngi nɛ̀ taa nɛ́ mi pùunnidiʔɛ ní gè. 10Cɛngɛ káà, Farawɔn wi 'fungo ki yé yɛ̀ wi baakuɔlɔ kúrugu bèle. A wi 'weli cò nɛ̀ tɔ́n kasuu nī, kasuu ŋáà wi 'puu baa kùlofɔli wélifɔlilɔ kàfɔli saʔa nī gè, mi nɛ́ búrukpuɔnnɔ kàfɔli ní wè.
11«A ŋɔ́niyɔ 'tuu weli siin nɛ̄ bèle pìlinugo nī, siɛn ó siɛn nɛ́ wi ŋɔ́nigɔ ki kɔri ní wè. 12Nàgapunwɔ wáà 'puu baa nɛ́ weli ní, Eburulo wuu wi yé puu, kùlofɔli wélifɔlilɔ kàfɔli wi sùkulowo wi 'puu. A weli 'weli ŋɔ́niyɔ juu yè nɛ̀ tìɛ wi nɛ̄, a wi 'yi kɔri juu wè weli mɛ́.
13«A kele ke mìɛni pɛ́nì kpíʔile nɛ̀ yɛli nɛ́ gàa ní wi yé juu gè, a Farawɔn wi 'koli nɛ̀ mi baara kɛn dè mi mɛ́, nɛ́ búrukpuɔnnɔ kàfɔli puɔ wè nɛ̀ tùɔn tiige nɛ̄.»
14A Farawɔn wi 'fali nɛ̀ siɛnnɛ tun, a pe 'fɛ̀ nɛ̀ sɛ́nì Yusufu yige wè kasuu nī wè. A pe 'wi nyùgo kùnu gè nɛ́ báʔajuɔ ní wè, nɛ́ buruvɔnyɔ le wi nɛ̄, a wi 'jíin Farawɔn kpáa nī gè.
15A Farawɔn wi 'Yusufu yɛ wè: «Mi 'ŋɔ́nigɔ ŋɔ́ni; siɛn sì jáa nɛ̀ ki kɔri juu wè mi mɛ́ʔ. A pe sí muɔ wori juu dè m'mɛ́: pe 'jo a muɔ 'taa nɛ̀ ŋɔ́nigɔ lúʔu gè, muɔ nɛ̂ ki kɔri juu wè siɛn mɛ́ wè.»
16A Yusufu sí fali nɛ̀ Farawɔn yɛ wè: «A Kulocɛliɛ bɛ̀ʔ wè, ŋáa wi bé gbɛ̀ jáa bè ŋɔ́nigɔ ki kɔri sɔ́migɔ wè bè juu Farawɔn mɛ́ wè ? Mi yē ŋáa ?»
17A Farawɔn wi 'ki juu Yusufu mɛ́ wè nɛ́ wi yɛ: «Mi ŋɔ́nigɔ nī gè, a mi 'ki nyaa mi 'puu yériwe Niili cáʔa gògogo nɛ̄ gè. 18A mi 'ki nyaa, nɛ̀nɔminɔ kɔlisiin, nyàa yi 'puu cɛ̀nyɛ céri nɛ̄ dè nɛ́ ní kpoliyo yè, a yi 'yiri lakoligo nī gè nɛ vàaluɔ káa wè. 19A mi ga wéli, nɛ̀ ki nyaa nɛ̀nɔminɔ kɔlisiin pálì 'yiri nɛ̀ taʔa nyìi nɛ̄ yè, nyàa yi 'puu sìpiiboyo yè nɛ́ ní waʔaya yè. Mi fìɛ tɔ̀ni nɛ̀ yi felige nyaa náʔa Ezipiti kùlo nī lèʔ. 20Á nɛ̀nuuwaʔaya nyáà yi 'puu sìpiiboyo yè, yi 'nɛ̀nuukpoliyo kɔlisiin péliye cò yè nɛ̀ júɔ. 21Bà yi 'yi cò nɛ̀ júɔ yè, siɛn sì cî gbɛ̀ ki cɛ́n yi cɛ́nì yakaa júɔ wīʔ, nɛ́ ki cɛ́n yi sìpiimɛ piì yé láʔa yi nɛ̄ʔ. Kire lɛ̀lɛ nī lè, a mi 'yɛ̀ ŋɔ́nimɔ nɛ̄ bè.
22«A mi ń'nɛ̀ suɔ nɛ̀ ŋɔ́ni, a mi 'ki nyaa, yaliikɛniyɛ kɔlisiin 'puu gbóyo tìrige nigbe nɛ̄; yi 'puu cɛ̀nyɛ nɛ́ ní pìimɛ ní. 23A cɛ̀ri ga sìʔɛrɛ, a mi 'ki nyaa, yaliikɛniwaʔaya nyáà nī pìimɛ sì puu yèʔ, nɛ́ ní nyàa waama kùlo káfaligɛ ki yé cùru gè, a yire míɛni 'gbó tìrinugo nɛ̄ gè.
24«A yaliikɛniwaʔaya yi 'yaliikɛnicɛ̀nyɛ cò yè nɛ̀ júɔ. A mi 'ŋɔ́niyɔ nyáà siɛnrɛ juu dè nɛ̀ tìɛ mi sàndobilo nɛ̄ bèle. Pe wàa sì jáa nɛ̀ yi kɔri cɛ́n wè nɛ̀ juu mi mɛ́ʔ.»
25A Yusufu 'ki juu Farawɔn mɛ́ wè nɛ́ jo: «Ŋɔ́niyɔ nyáà siin Farawɔn wi 'ŋɔ́ni yè, yi kɔri wiī nuwɔ. Kulocɛliɛ wi nyɛ́nì ki tìɛ Farawɔn nɛ̄ wè gàa wire je kpíʔile gè. 26Nɛ̀nuucɛnyɛ kɔlisiin yè, kire yē yiʔɛlɛ kɔlisiin gīɛlɛ, nɛ́ yaliikɛnicɛ̀nyɛ kɔlisiin ní yè, kire yē yiʔɛlɛ kɔlisiin gīɛlɛ. Kire nɛ̄ ŋɔ́nigɔ kiī nigbe; ki kɔri wiī nuwɔ. 27Kire nɛ̄ nɛ̀nuuwaʔaya nyáà yi 'pii yè, nyàa yi cé yiri nɛ̀ taʔa péliye nɛ̄ yè, kire yē yiʔɛlɛ kɔlisiin gīɛlɛ, nɛ́ yaliikɛnipiiye nyáà yī pìimɛ fùn bè nɛ́ nyàa ní waama kùlo káfaligɛ ki yé cùru gè, kire 'jo fungo bé tuu kùlo nɛ̄ lè yiʔɛlɛ kɔlisiin.
28«Kire sí mi 'puu nɛ nyu muɔ mɛ́, mi kàfɔli: Kulocɛliɛ nyɛ́nì ki tìɛ muɔ nɛ̄ gàa wire je kpíʔile gè. 29Ki n'gɛ, yiʔɛlɛ kɔlisiin sunʔɔmɔ nī bè yaliire ti bé sɔ́migɔ nyuɔ Ezipiti kùlo ni mìɛni nī. 30A kire yiʔɛlɛ gálì ke pɛ́nì tóri gèle, fungo ki bé tuu kùlo nɛ̄ lè yiʔɛlɛ kɔlisiin fúɔ Ezipiti siɛnnɛ pe bé fìʔɛ nɛ́ yiʔɛlɛ kɔlisiin gílì ní gèle, gàli nī yaliire ti yé nyuɔ dè, nɛ́ ki cɛ́n fungo ki bé cúʔɔmɔ kpíʔile kùlo nī lè. 31Nɛ̀ sí ki taa siɛn sǐ ní cɛ ki cɛ́n yaliiniʔɛrɛ kíni nɛ̀ puu bile kùlo nī lèʔ, bɛ̀ fungo gáà ki bé kpúʔɔ gè ki yiʔɛlɛ gálì nī gèle. 32Farawɔn, bɛ̀ muɔ 'ŋɔ́niyɔ nyáà ŋɔ́ni yè nɛ̀ taʔala tɔliyɔ siin yè, kire ki 'tìɛ Kulocɛliɛ nyɛ́nì yéri ki nɛ̄, wi bé ki kpíʔile fáari wī.
33«Píra ŋáà nī wè, Farawɔn, ki 'yɛli ma siɛn yige, ŋàa wi 'cìlige wè nɛ̀ kaala cɛ́n, bé wi tɛ́ngɛ Ezipiti kùlo ni nyùgo nɛ̄ gè. 34Má ní yiɛgininɛ pálì nyíɛnɛ ma kɔ̀n kùlo nī lè, bàli bīɛlɛ pe béri yaliire tíla dè gbuʔulo gbuʔulo gèle, béri kogunɔgunɔwuʔulo láʔala gèle, Ezipiti kùlo ni mìɛni nī lè, yiʔɛlɛ kɔlisiin gálì sunʔɔmɔ nī yaliire ti bé nyuɔ dè. 35Pe‑ yaliire gbuʔulo dè pe màʔa, yiʔɛlɛ kɔlisiin gálì nī gèle bà yaliire ti bé nyuɔ dè, bè tɛ́ngɛ kàaya nī yè bè màʔa Farawɔn wi fànʔa láara gè. 36Kire yaliiwalidɛngɛrɛ dáà dè, tire ti bé ba puu yaliire dè, yiʔɛlɛ kɔlisiin gálì nī gèle fungo lɛ̀lɛ nī lè Ezipiti kùlo nī lè. Kire sí ki bé kùlo siɛnnɛ suɔ bèle fungo mɛ́ gè, piyě kùuʔ.»
Farawɔn wi 'Yusufu tɛ́ngɛ kùlo ni nyùgo nɛ̄ gè
37A siɛnrɛ dáà ti 'Farawɔn dɛ́ni wè, nɛ́ wi siɛnkpolilo ní bèle, 38a Farawɔn wi 'ki juu wi siɛnkpolilo mɛ́ bèle, nɛ́ pe yɛ: «Weli bé ní gbɛ̀ nàguɔ wáà taa lé bɛ̀ ŋàa tíɛlɛ wè, nɛ́ Kulocɛliɛ Pìle ní lè wi nī wè ?»
39A Farawɔn wi 'ki juu Yusufu mɛ́ wè nɛ́ jo: «Bɛ̀ Kulocɛliɛ wi 'kele gálì tìɛ gèle muɔ nɛ̄ gèle, siɛn ní wè bile ŋàa wi bé cìlige bè muɔ kúɔ bé ní kaala cɛ́n bɛ̀ muɔ tíɛlɛ wèʔ. 40Muɔ ma bé kò mi saʔa ki nyùgo nɛ̄ gè, mi kùlo siɛnnɛ pe mìɛni béri lúru muɔ mɛ́. Mi kùlofɔlilɔ kácunʔɔ kire yákuɔ ki bé mi kpúʔɔ muɔ nɛ̄.» 41A Farawɔn wi ń'nɛ̀ ki juu Yusufu mɛ́ wè nɛ́ jo: «Ki n'gɛ, pàngɛ gè mi nyɛ́nì muɔ tɛ́ngɛ Ezipiti kùlo ni nyùgo nɛ̄ gè.»
42A Farawɔn wi 'wi fànʔafɔlilɔ kɔli fìʔiwe#41.42 Fìʔiwe ŋáà wire ní Farawɔn 'puu nɛ fìɛ tari wè kaliwɛyɛ nɛ̄ yè. yige wè nɛ̀ le Yusufu kɔli nɛ̄ gè, nɛ́ burujɛ̀nyɛ yáà le wi nɛ̄, nɛ́ tiɛ sèmidinnɛ le wi nɛ̄ yétiige nī gè. 43A kùlofɔli wi 'wi líɛ nɛ̀ tárigɛ sunʔɔ wotori wáà nɛ̄, ŋàa wi 'puu kùlofɔli wi taʔara wuu wè, á kàsɛnivɛbilɛ pe 'kíni wi yiʔɛ mɛ́, níɛ yékpuʔulo wáari gèle nɛ́ jo: «Ye‑ káguro cáan dè ! Ye‑ káguro cáan dè !» Bà ki 'kpíʔile kire kɛnmɛ nɛ̄, a Farawɔn wi 'Yusufu tɛ́ngɛ kùlo ni nyùgo nɛ̄ gè.
44A Farawɔn wi 'Yusufu yɛ wè: «Mi wī Farawɔn wè, siɛn sǐ ga tí wi kɔli yɛ̀gɛ gè kire ga laa bè wi yedaala kɔ̀nʔ a muɔ sì fɔ̀li kaala níì nɛ̄ lèʔ, Ezipiti kùlo ni mìɛni nī.»
45A Farawɔn wi 'míʔɛ káà le Yusufu nɛ̄ wè nɛ̀ wi ye Safinati Panɛya#41.45 Míʔɛ gáà ki kɔri wiì cɛ́nʔ, gìi sí ki caa bè juu gè, ki kɔri wi bé gbɛ̀ puu «sii.». A wi 'cɛliwɛ wáà kɛn wi mɛ́, pe 'cɛliwɛ wi míʔɛ ye gè Asɛnati. Wi yé puu Potifera póri, Potifera ŋáà wi 'puu kacuɔnriwɔ, Ɔni kàʔa nī gè#41.45 Kacuɔnrilɔ pe yé puu siɛnnɛ pálì, bàli ní siɛnnɛ pe 'puu nɛ tɔ́ri bèle Ezipiti kùlo nī lè..
A Yusufu 'kɛ́ nɛ̀ sɛ́nì Ezipiti kùlo nyaari lè nɛ̀ wéli. 46Yusufu yé yiʔɛlɛ togo nɛ́ kpɔrigɔ taa lɛ̀lɛ líì nī wi 'fànʔa líɛ gè Ezipiti kùlo nī lè. A wi 'yiri kùlofɔli wi kpáa nī gè nɛ̀ sɛ́nì Ezipiti kùlo ni mìɛni nyaari nɛ̀ màʔa.
47Yiʔɛlɛ kɔlisiin gálì sunʔɔmɔ nī bè, yaliire ti yé sɔ́migɔ nɛ̀ nyuɔ dè.
48A Yusufu 'yaliiwalidɛngɛrɛ gbuʔulo dè tìi nɛ̄ nɛ̀ tɛ́ngɛ Ezipiti kùlo nī lè, yiʔɛlɛ kɔlisiin gálì sunʔɔmɔ nī bè. A wi 'ki juu siɛnnɛ mɛ́ bèle nɛ́ jo pe‑ kàʔa ó kàʔa tɛ́nimɛ yaliire líɛ dè pe‑ tɛ́ngɛ kàaya nī yè, gbuʔulo gbuʔulo. 49A pe 'yaliire líɛ dè nɛ̀ tɛ́ngɛ. Yaliire ti yé tɔ̀ni nɛ̀ niʔɛ, bɛ̀ kuʔɔjii gògoyo dàrimiʔɛ tíɛlɛ gè. Bɛ̀ yaliire ti yé niʔɛ nɛ̀ tóri dè, piyè cé ń'nɛ̀ puu nɛ ti tɔ́ri cíginiʔ.
50Sɛ́ni fungo yiʔɛlɛ ke 'nɔ̀ gèle, a Asɛnati, Potifera póri wè, a wi 'nàgabigele siin sii Yusufu mɛ́ wè. Potifera wire wi 'puu Ɔni kàʔa kacuɔnriwɔ wè. 51A Yusufu wi 'pìpeliwe wi míʔɛ le gè nɛ wi ye Manase (ki kɔri wire wī: ŋàa wi 'ki yaʔa a mi 'fìʔɛ wè), nɛ́ ki cɛ́n gìi wi yé je juu gè, kire gī: «Kulocɛliɛ wire wi 'tí a mi kɛ́nì fìʔɛ nɛ́ mi wuʔɔgɔ ní gè, nɛ́ mi siivɔlilɔ ní bèle.» 52A wi 'siinwuu wi míʔɛ le gè nɛ wi ye Ɛfirayimi (ki kɔri wire wī: siimɛ), nɛ́ ki cɛ́n gàa wi yé je juu gè, kire gī: «Kulocɛliɛ nyɛ́nì pìsiʔi tɛ́ni gè mi nɛ̄, kùlo náà nī mi 'wuʔɔ lè.»
53A yiʔɛlɛ kɔlisiin gálì nī yaliire ti yé nyuɔ dè Ezipiti kùlo nī lè, a ke pɛ́nì tóri. 54A funduuro yiʔɛlɛ kɔlisiin ke 'séli, nɛ̀ yɛli nɛ́ Yusufu siɛnrɛ ní dè dàa wi yé juu dè. Fungo ki yé tuu tiɛrɛ ti mìɛni nī, nɛ̀ sí ki yaʔa Ezipiti kùlo nī lè, yaliire 'puu baa. 55Bà fungo ki kɛ́nì Ezipiti kùlo siɛnnɛ taa bèle, a pe sɛ́ni yékpuʔulo wáari gèle Farawɔn nɛ̄ wè níɛ yaliire náari dè. A Farawɔn wi 'pe yɛ: «Yeri waa Yusufu kúrugu. A wi 'gìi juu, ye‑ kire kpíʔile.»
56Bà fungo ki yé kɛ́nì kpúʔɔ dàala nɛ̄ lè, a Yusufu 'yaliire tɛ́ngɛdiɛyɛ múgu yè níɛ yaliire yigi dè nɛ pári Ezipiti siɛnnɛ mɛ́ bèle, nɛ́ ki cɛ́n fungo ki 'puu nɛ serigi nɛ waa Ezipiti kùlo nī lè. 57A siɛnnɛ pe mìɛni 'kò nɛ kɔ́ngi kùlogolo kálì nī nɛ báan nɛ yaliire suu dè Yusufu mɛ́ baa Ezipiti kùlo nī lè, nɛ́ ki cɛ́n fungo ki yé tɔ̀ni nɛ̀ serige tiɛrɛ ti mìɛni nī.
Currently Selected:
Sélimɛ 41: sev
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Sélimɛ 41
41
Yusufu 'Farawɔn ŋɔ́niyɔ kɔri juu wè wi mɛ́
1Yiʔɛlɛ siin kàduʔumɛ gè, cɛngɛ káà pìlige nī, a ŋɔ́nigɔ 'tuu Farawɔn nɛ̄ wè, a wi 'ki nyaa wire yé puu yériwe Niili cáʔa gògogo nɛ̄ gè. 2A wi 'ki nyaa, nɛ̀nɔminɔ kɔlisiin, nyàa yi 'puu cɛ̀nyɛ céri nɛ̄ dè nɛ́ ní kpoliyo yè, a yi 'yiri lakoligo nī gè nɛ vàaluɔ káa wè. 3A cɛ̀ri ga sìʔɛrɛ, a wi ń'nɛ̀ ki nyaa nɛ̀nɔminɔ kɔlisiin pálì 'yiri nɛ̀ taʔa nyìi nɛ̄ yè Niili cáʔa nī gè, nyàa yi 'puu sìpiiboyo yè nɛ́ ní waʔaya yè, a yi 'yiri nɛ̀ yéri kpoliyo táanni yè Niili cáʔa gògogo nɛ̄ gè. 4A nɛ̀nuuwaʔaya sìpiiboyo yi 'nɛ̀nuukpoliyo cò yè nɛ̀ júɔ. A Farawɔn wi 'yɛ̀ ŋɔ́nimɔ nɛ̄ bè.
5A wi ń'nɛ̀ suɔ nɛ̀ ŋɔ́ni, a ŋɔ́nigɔ káà ń'nɛ̀ tuu wi nɛ̄. A wi 'ki nyaa, yaliikɛniyɛ kɔlisiin 'puu gbóyo tìrige nigbe nɛ̄; yi 'puu cɛ̀nyɛ nɛ́ ní pìimɛ ní. 6A cɛ̀ri ga sìʔɛrɛ, a wi 'ki nyaa yaliikɛniwaʔaya nyáà nī waama kùlo káfaligɛ ki yé cùru gè, a yire míɛni 'gbó tìrinugo nɛ̄ gè. 7A yaliikɛniwaʔaya yi 'yaliikɛnicɛ̀nyɛ cò yè nɛ̀ júɔ.
A Farawɔn wi 'yɛ̀ ŋɔ́nimɔ nɛ̄ bè, a wi 'ki nyaa ŋɔ́nigɔ nɛ̄ wire yé puu.
8Bà kpìɛnmɛ pi 'tuu bè, a wi fungo ki 'nyaʔami, a wi 'wi sàndobilo yeri bèle nɛ́ wi dìɛlɛ ní bèle, Ezipiti kùlo wuulo bèle, nɛ̀ pɛ́nì ŋɔ́niyɔ juu yè nɛ̀ tìɛ pe nɛ̄. Pe wàa sì jáa nɛ̀ ŋɔ́niyɔ yi kɔri cɛ́n wè nɛ́ yi juu wi mɛ́ʔ.
9Kire tiʔɛ nī gè, a yagbuɔkɛnminɛ kàfɔli wi 'fali nɛ̀ juu nɛ́ Farawɔn ní wè nɛ́ jo: «Mi kàfɔli, mi nyɛ́nì sɔ̀ngi nɛ̀ taa nɛ́ mi pùunnidiʔɛ ní gè. 10Cɛngɛ káà, Farawɔn wi 'fungo ki yé yɛ̀ wi baakuɔlɔ kúrugu bèle. A wi 'weli cò nɛ̀ tɔ́n kasuu nī, kasuu ŋáà wi 'puu baa kùlofɔli wélifɔlilɔ kàfɔli saʔa nī gè, mi nɛ́ búrukpuɔnnɔ kàfɔli ní wè.
11«A ŋɔ́niyɔ 'tuu weli siin nɛ̄ bèle pìlinugo nī, siɛn ó siɛn nɛ́ wi ŋɔ́nigɔ ki kɔri ní wè. 12Nàgapunwɔ wáà 'puu baa nɛ́ weli ní, Eburulo wuu wi yé puu, kùlofɔli wélifɔlilɔ kàfɔli wi sùkulowo wi 'puu. A weli 'weli ŋɔ́niyɔ juu yè nɛ̀ tìɛ wi nɛ̄, a wi 'yi kɔri juu wè weli mɛ́.
13«A kele ke mìɛni pɛ́nì kpíʔile nɛ̀ yɛli nɛ́ gàa ní wi yé juu gè, a Farawɔn wi 'koli nɛ̀ mi baara kɛn dè mi mɛ́, nɛ́ búrukpuɔnnɔ kàfɔli puɔ wè nɛ̀ tùɔn tiige nɛ̄.»
14A Farawɔn wi 'fali nɛ̀ siɛnnɛ tun, a pe 'fɛ̀ nɛ̀ sɛ́nì Yusufu yige wè kasuu nī wè. A pe 'wi nyùgo kùnu gè nɛ́ báʔajuɔ ní wè, nɛ́ buruvɔnyɔ le wi nɛ̄, a wi 'jíin Farawɔn kpáa nī gè.
15A Farawɔn wi 'Yusufu yɛ wè: «Mi 'ŋɔ́nigɔ ŋɔ́ni; siɛn sì jáa nɛ̀ ki kɔri juu wè mi mɛ́ʔ. A pe sí muɔ wori juu dè m'mɛ́: pe 'jo a muɔ 'taa nɛ̀ ŋɔ́nigɔ lúʔu gè, muɔ nɛ̂ ki kɔri juu wè siɛn mɛ́ wè.»
16A Yusufu sí fali nɛ̀ Farawɔn yɛ wè: «A Kulocɛliɛ bɛ̀ʔ wè, ŋáa wi bé gbɛ̀ jáa bè ŋɔ́nigɔ ki kɔri sɔ́migɔ wè bè juu Farawɔn mɛ́ wè ? Mi yē ŋáa ?»
17A Farawɔn wi 'ki juu Yusufu mɛ́ wè nɛ́ wi yɛ: «Mi ŋɔ́nigɔ nī gè, a mi 'ki nyaa mi 'puu yériwe Niili cáʔa gògogo nɛ̄ gè. 18A mi 'ki nyaa, nɛ̀nɔminɔ kɔlisiin, nyàa yi 'puu cɛ̀nyɛ céri nɛ̄ dè nɛ́ ní kpoliyo yè, a yi 'yiri lakoligo nī gè nɛ vàaluɔ káa wè. 19A mi ga wéli, nɛ̀ ki nyaa nɛ̀nɔminɔ kɔlisiin pálì 'yiri nɛ̀ taʔa nyìi nɛ̄ yè, nyàa yi 'puu sìpiiboyo yè nɛ́ ní waʔaya yè. Mi fìɛ tɔ̀ni nɛ̀ yi felige nyaa náʔa Ezipiti kùlo nī lèʔ. 20Á nɛ̀nuuwaʔaya nyáà yi 'puu sìpiiboyo yè, yi 'nɛ̀nuukpoliyo kɔlisiin péliye cò yè nɛ̀ júɔ. 21Bà yi 'yi cò nɛ̀ júɔ yè, siɛn sì cî gbɛ̀ ki cɛ́n yi cɛ́nì yakaa júɔ wīʔ, nɛ́ ki cɛ́n yi sìpiimɛ piì yé láʔa yi nɛ̄ʔ. Kire lɛ̀lɛ nī lè, a mi 'yɛ̀ ŋɔ́nimɔ nɛ̄ bè.
22«A mi ń'nɛ̀ suɔ nɛ̀ ŋɔ́ni, a mi 'ki nyaa, yaliikɛniyɛ kɔlisiin 'puu gbóyo tìrige nigbe nɛ̄; yi 'puu cɛ̀nyɛ nɛ́ ní pìimɛ ní. 23A cɛ̀ri ga sìʔɛrɛ, a mi 'ki nyaa, yaliikɛniwaʔaya nyáà nī pìimɛ sì puu yèʔ, nɛ́ ní nyàa waama kùlo káfaligɛ ki yé cùru gè, a yire míɛni 'gbó tìrinugo nɛ̄ gè.
24«A yaliikɛniwaʔaya yi 'yaliikɛnicɛ̀nyɛ cò yè nɛ̀ júɔ. A mi 'ŋɔ́niyɔ nyáà siɛnrɛ juu dè nɛ̀ tìɛ mi sàndobilo nɛ̄ bèle. Pe wàa sì jáa nɛ̀ yi kɔri cɛ́n wè nɛ̀ juu mi mɛ́ʔ.»
25A Yusufu 'ki juu Farawɔn mɛ́ wè nɛ́ jo: «Ŋɔ́niyɔ nyáà siin Farawɔn wi 'ŋɔ́ni yè, yi kɔri wiī nuwɔ. Kulocɛliɛ wi nyɛ́nì ki tìɛ Farawɔn nɛ̄ wè gàa wire je kpíʔile gè. 26Nɛ̀nuucɛnyɛ kɔlisiin yè, kire yē yiʔɛlɛ kɔlisiin gīɛlɛ, nɛ́ yaliikɛnicɛ̀nyɛ kɔlisiin ní yè, kire yē yiʔɛlɛ kɔlisiin gīɛlɛ. Kire nɛ̄ ŋɔ́nigɔ kiī nigbe; ki kɔri wiī nuwɔ. 27Kire nɛ̄ nɛ̀nuuwaʔaya nyáà yi 'pii yè, nyàa yi cé yiri nɛ̀ taʔa péliye nɛ̄ yè, kire yē yiʔɛlɛ kɔlisiin gīɛlɛ, nɛ́ yaliikɛnipiiye nyáà yī pìimɛ fùn bè nɛ́ nyàa ní waama kùlo káfaligɛ ki yé cùru gè, kire 'jo fungo bé tuu kùlo nɛ̄ lè yiʔɛlɛ kɔlisiin.
28«Kire sí mi 'puu nɛ nyu muɔ mɛ́, mi kàfɔli: Kulocɛliɛ nyɛ́nì ki tìɛ muɔ nɛ̄ gàa wire je kpíʔile gè. 29Ki n'gɛ, yiʔɛlɛ kɔlisiin sunʔɔmɔ nī bè yaliire ti bé sɔ́migɔ nyuɔ Ezipiti kùlo ni mìɛni nī. 30A kire yiʔɛlɛ gálì ke pɛ́nì tóri gèle, fungo ki bé tuu kùlo nɛ̄ lè yiʔɛlɛ kɔlisiin fúɔ Ezipiti siɛnnɛ pe bé fìʔɛ nɛ́ yiʔɛlɛ kɔlisiin gílì ní gèle, gàli nī yaliire ti yé nyuɔ dè, nɛ́ ki cɛ́n fungo ki bé cúʔɔmɔ kpíʔile kùlo nī lè. 31Nɛ̀ sí ki taa siɛn sǐ ní cɛ ki cɛ́n yaliiniʔɛrɛ kíni nɛ̀ puu bile kùlo nī lèʔ, bɛ̀ fungo gáà ki bé kpúʔɔ gè ki yiʔɛlɛ gálì nī gèle. 32Farawɔn, bɛ̀ muɔ 'ŋɔ́niyɔ nyáà ŋɔ́ni yè nɛ̀ taʔala tɔliyɔ siin yè, kire ki 'tìɛ Kulocɛliɛ nyɛ́nì yéri ki nɛ̄, wi bé ki kpíʔile fáari wī.
33«Píra ŋáà nī wè, Farawɔn, ki 'yɛli ma siɛn yige, ŋàa wi 'cìlige wè nɛ̀ kaala cɛ́n, bé wi tɛ́ngɛ Ezipiti kùlo ni nyùgo nɛ̄ gè. 34Má ní yiɛgininɛ pálì nyíɛnɛ ma kɔ̀n kùlo nī lè, bàli bīɛlɛ pe béri yaliire tíla dè gbuʔulo gbuʔulo gèle, béri kogunɔgunɔwuʔulo láʔala gèle, Ezipiti kùlo ni mìɛni nī lè, yiʔɛlɛ kɔlisiin gálì sunʔɔmɔ nī yaliire ti bé nyuɔ dè. 35Pe‑ yaliire gbuʔulo dè pe màʔa, yiʔɛlɛ kɔlisiin gálì nī gèle bà yaliire ti bé nyuɔ dè, bè tɛ́ngɛ kàaya nī yè bè màʔa Farawɔn wi fànʔa láara gè. 36Kire yaliiwalidɛngɛrɛ dáà dè, tire ti bé ba puu yaliire dè, yiʔɛlɛ kɔlisiin gálì nī gèle fungo lɛ̀lɛ nī lè Ezipiti kùlo nī lè. Kire sí ki bé kùlo siɛnnɛ suɔ bèle fungo mɛ́ gè, piyě kùuʔ.»
Farawɔn wi 'Yusufu tɛ́ngɛ kùlo ni nyùgo nɛ̄ gè
37A siɛnrɛ dáà ti 'Farawɔn dɛ́ni wè, nɛ́ wi siɛnkpolilo ní bèle, 38a Farawɔn wi 'ki juu wi siɛnkpolilo mɛ́ bèle, nɛ́ pe yɛ: «Weli bé ní gbɛ̀ nàguɔ wáà taa lé bɛ̀ ŋàa tíɛlɛ wè, nɛ́ Kulocɛliɛ Pìle ní lè wi nī wè ?»
39A Farawɔn wi 'ki juu Yusufu mɛ́ wè nɛ́ jo: «Bɛ̀ Kulocɛliɛ wi 'kele gálì tìɛ gèle muɔ nɛ̄ gèle, siɛn ní wè bile ŋàa wi bé cìlige bè muɔ kúɔ bé ní kaala cɛ́n bɛ̀ muɔ tíɛlɛ wèʔ. 40Muɔ ma bé kò mi saʔa ki nyùgo nɛ̄ gè, mi kùlo siɛnnɛ pe mìɛni béri lúru muɔ mɛ́. Mi kùlofɔlilɔ kácunʔɔ kire yákuɔ ki bé mi kpúʔɔ muɔ nɛ̄.» 41A Farawɔn wi ń'nɛ̀ ki juu Yusufu mɛ́ wè nɛ́ jo: «Ki n'gɛ, pàngɛ gè mi nyɛ́nì muɔ tɛ́ngɛ Ezipiti kùlo ni nyùgo nɛ̄ gè.»
42A Farawɔn wi 'wi fànʔafɔlilɔ kɔli fìʔiwe#41.42 Fìʔiwe ŋáà wire ní Farawɔn 'puu nɛ fìɛ tari wè kaliwɛyɛ nɛ̄ yè. yige wè nɛ̀ le Yusufu kɔli nɛ̄ gè, nɛ́ burujɛ̀nyɛ yáà le wi nɛ̄, nɛ́ tiɛ sèmidinnɛ le wi nɛ̄ yétiige nī gè. 43A kùlofɔli wi 'wi líɛ nɛ̀ tárigɛ sunʔɔ wotori wáà nɛ̄, ŋàa wi 'puu kùlofɔli wi taʔara wuu wè, á kàsɛnivɛbilɛ pe 'kíni wi yiʔɛ mɛ́, níɛ yékpuʔulo wáari gèle nɛ́ jo: «Ye‑ káguro cáan dè ! Ye‑ káguro cáan dè !» Bà ki 'kpíʔile kire kɛnmɛ nɛ̄, a Farawɔn wi 'Yusufu tɛ́ngɛ kùlo ni nyùgo nɛ̄ gè.
44A Farawɔn wi 'Yusufu yɛ wè: «Mi wī Farawɔn wè, siɛn sǐ ga tí wi kɔli yɛ̀gɛ gè kire ga laa bè wi yedaala kɔ̀nʔ a muɔ sì fɔ̀li kaala níì nɛ̄ lèʔ, Ezipiti kùlo ni mìɛni nī.»
45A Farawɔn wi 'míʔɛ káà le Yusufu nɛ̄ wè nɛ̀ wi ye Safinati Panɛya#41.45 Míʔɛ gáà ki kɔri wiì cɛ́nʔ, gìi sí ki caa bè juu gè, ki kɔri wi bé gbɛ̀ puu «sii.». A wi 'cɛliwɛ wáà kɛn wi mɛ́, pe 'cɛliwɛ wi míʔɛ ye gè Asɛnati. Wi yé puu Potifera póri, Potifera ŋáà wi 'puu kacuɔnriwɔ, Ɔni kàʔa nī gè#41.45 Kacuɔnrilɔ pe yé puu siɛnnɛ pálì, bàli ní siɛnnɛ pe 'puu nɛ tɔ́ri bèle Ezipiti kùlo nī lè..
A Yusufu 'kɛ́ nɛ̀ sɛ́nì Ezipiti kùlo nyaari lè nɛ̀ wéli. 46Yusufu yé yiʔɛlɛ togo nɛ́ kpɔrigɔ taa lɛ̀lɛ líì nī wi 'fànʔa líɛ gè Ezipiti kùlo nī lè. A wi 'yiri kùlofɔli wi kpáa nī gè nɛ̀ sɛ́nì Ezipiti kùlo ni mìɛni nyaari nɛ̀ màʔa.
47Yiʔɛlɛ kɔlisiin gálì sunʔɔmɔ nī bè, yaliire ti yé sɔ́migɔ nɛ̀ nyuɔ dè.
48A Yusufu 'yaliiwalidɛngɛrɛ gbuʔulo dè tìi nɛ̄ nɛ̀ tɛ́ngɛ Ezipiti kùlo nī lè, yiʔɛlɛ kɔlisiin gálì sunʔɔmɔ nī bè. A wi 'ki juu siɛnnɛ mɛ́ bèle nɛ́ jo pe‑ kàʔa ó kàʔa tɛ́nimɛ yaliire líɛ dè pe‑ tɛ́ngɛ kàaya nī yè, gbuʔulo gbuʔulo. 49A pe 'yaliire líɛ dè nɛ̀ tɛ́ngɛ. Yaliire ti yé tɔ̀ni nɛ̀ niʔɛ, bɛ̀ kuʔɔjii gògoyo dàrimiʔɛ tíɛlɛ gè. Bɛ̀ yaliire ti yé niʔɛ nɛ̀ tóri dè, piyè cé ń'nɛ̀ puu nɛ ti tɔ́ri cíginiʔ.
50Sɛ́ni fungo yiʔɛlɛ ke 'nɔ̀ gèle, a Asɛnati, Potifera póri wè, a wi 'nàgabigele siin sii Yusufu mɛ́ wè. Potifera wire wi 'puu Ɔni kàʔa kacuɔnriwɔ wè. 51A Yusufu wi 'pìpeliwe wi míʔɛ le gè nɛ wi ye Manase (ki kɔri wire wī: ŋàa wi 'ki yaʔa a mi 'fìʔɛ wè), nɛ́ ki cɛ́n gìi wi yé je juu gè, kire gī: «Kulocɛliɛ wire wi 'tí a mi kɛ́nì fìʔɛ nɛ́ mi wuʔɔgɔ ní gè, nɛ́ mi siivɔlilɔ ní bèle.» 52A wi 'siinwuu wi míʔɛ le gè nɛ wi ye Ɛfirayimi (ki kɔri wire wī: siimɛ), nɛ́ ki cɛ́n gàa wi yé je juu gè, kire gī: «Kulocɛliɛ nyɛ́nì pìsiʔi tɛ́ni gè mi nɛ̄, kùlo náà nī mi 'wuʔɔ lè.»
53A yiʔɛlɛ kɔlisiin gálì nī yaliire ti yé nyuɔ dè Ezipiti kùlo nī lè, a ke pɛ́nì tóri. 54A funduuro yiʔɛlɛ kɔlisiin ke 'séli, nɛ̀ yɛli nɛ́ Yusufu siɛnrɛ ní dè dàa wi yé juu dè. Fungo ki yé tuu tiɛrɛ ti mìɛni nī, nɛ̀ sí ki yaʔa Ezipiti kùlo nī lè, yaliire 'puu baa. 55Bà fungo ki kɛ́nì Ezipiti kùlo siɛnnɛ taa bèle, a pe sɛ́ni yékpuʔulo wáari gèle Farawɔn nɛ̄ wè níɛ yaliire náari dè. A Farawɔn wi 'pe yɛ: «Yeri waa Yusufu kúrugu. A wi 'gìi juu, ye‑ kire kpíʔile.»
56Bà fungo ki yé kɛ́nì kpúʔɔ dàala nɛ̄ lè, a Yusufu 'yaliire tɛ́ngɛdiɛyɛ múgu yè níɛ yaliire yigi dè nɛ pári Ezipiti siɛnnɛ mɛ́ bèle, nɛ́ ki cɛ́n fungo ki 'puu nɛ serigi nɛ waa Ezipiti kùlo nī lè. 57A siɛnnɛ pe mìɛni 'kò nɛ kɔ́ngi kùlogolo kálì nī nɛ báan nɛ yaliire suu dè Yusufu mɛ́ baa Ezipiti kùlo nī lè, nɛ́ ki cɛ́n fungo ki yé tɔ̀ni nɛ̀ serige tiɛrɛ ti mìɛni nī.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.