Luka 18
18
Araja i wudəge hərmana atə ɗu nda sheriya
1Yesu dzəktəna araja a ɗa kutə wuran a dzaɗilhətan gəni ɗá hadzəl bə zhek aride a gə maduwa ba kəla mandaɗay, gha a sərte gəna de kini. 2Dzəktəna, wa: «Ɗu nda sheriya eɗe zak a hu s'iŋgeɗe de, ɗəfa bə mbəray apə Askwaf‑a, lambe ene niba apə ɗaha ka aride. 3Wudəge hərmana s'iŋgeɗe kini zak aba a hu sahan de, ba kəla mandaɗay tewirke ala a ma ene de a dzaɗina, wa: “Mbazləlhan jire tsəre hwa a ɗu dawa hwa.” 4Ɗu nda sheriya sahan kəraka, ha həhənaka ba duna. Adede a ahan ga, takənmandar‑a a dzaɗiya a ŋa ene de, wa: “Gha əŋ ɗəfa bə mbəray apə Askwaf‑a, lambe hwa niba apə ɗaha ka kini, 5amá wudəge hər saŋa kaɗuwakude həŋkale saŋa ga, agwadza ba əŋ mbazləlhan jire tsəre ene a ɗu dawa ene sahan, gəni á tawaray bə cine a nəɗay a wushɗiw ŋa.”» 6Ɗuduwuna ɗəfkənhətənaŋade adəɓa, wa: «Cukwɨna ɗece ba hasha igə ɗu nda sheriya gə giya ba away i ciba ene saŋa dzawa. 7I ni, Askwaf ǎ vərtəna bə jire tsəre a ɗa gə wuran dzadzarəktənede, ɗa yimke ala a ma ene de, luvaɗ luvaɗ ba, lapas lapas bə saŋa aba apə yakwa yakwa ka he? 8Na əŋ dzakuna: Ǎ vərtən jire tsəre aba apə yakwa yakwa ka. I mà, abə Kine ɗu səlammərzheŋ ǎ mbəɗiŋa mà, ǎ nay ɗəma a nzə ɗa gə ɗa ɗəfəkpənŋa apə higay‑a he?»
Araja i ɗu gə maməsl shiŋgu hadama atə humas Farisa
9Wuran ane dzəktəna araja saŋa adəɓa a ɗa gə ɗa cece ŋa tan wa ma ɗa jire, ɗa nenik ɗa s'iŋgeɗe saŋa, wa: 10«Mizhe hay caw ɗa dzənaka ala a adaw s'Askwaf de a gə maduwa, ɗu ɓile humas Farisa, ɗu ɓile kini ɗu maməsl hadama. 11Humas Farisa saŋa slabakakude, takənmandar‑a a gə maduwa a bembec ene de, wa: “Askwaf hwa, əŋ sləkəɗək me aɗaba ma gərgəra atə ɗa s'iŋgeɗe gə wutan akar hay, sləra tan ba gə ɓutsam tsəre, atə gwardzire saŋa, adəɓa kini ma gərgəra atə ɗu maməsl hadama gə na wuran saŋa. 12Ənne ba kəla kasuka əŋ bər meshahwam səlay caw. Ba kəla igə əŋ nzəka, əŋ təvakede ɓile a jem de.” 13Ɗu maməsl hadama ane laka a tavaɗaya kwalala, ba s'aray ala a askwaf de kini zləhka bə paɗiya, hətskənande alay a bembec ene, wa: “Askwaf hwa, ba kəmkam yəmude mərga, ənne ɗu hipe.”» 14Yesu, wa: «Na əŋ dzakuna: A aŋəde ɗa huke ala adaw saŋa, ba dagwa sahan aŋa Askwaf gəkəlka ɗu jire, aŋade a humas Farisa. Aɗaba ɗu gə abə pakənŋakude a ŋa ene ga, à ɗá kaɓənka, amá ɗu gə abə kaɓika ŋa ene ga, à ɗá panŋakude.»
Yesu gɨtənaŋade barka a wayə mishishina
(Matta 19:13-15; Markus 10:13-16)
15Bigeɗe ɗaha hay niya ɗa cimkiya aba atə wayə gə apə alay‑a ala a ma Yesu de, gəni á ɗufepətan alay ene, a gəɗitənaŋade barka, ɗa kutə wuran ba ɗa tsaka ahan sahan ga, ɗa sləkəktənaŋade a ɗa sahan. 16Amá Yesu həktənakude ala a ma ene, dzəktəna a ɗa kutə wuran, wa: «Herɨntənde a wayə mishishina ɗá nay ala a ma hwa de, ghɨntənŋa ba. Aɗaba gurɗay s'Askwaf saŋa, ba i ɗa gə ka wutan. 17Na əŋ dzakuna ba jire, ɗu gə abə təvika bə gurɗay s'Askwaf ka i kine kutew ga, jukka bə ləɗide ede aride.»
Ɗu s'almane atə gurɗay s'Askwaf
(Matta 19:16-30; Markus 10:17-31)
18Məlmal Zhuwif hay s'iŋgeɗe mbutsəkənamiya a Yesu‑a, wa: «Malum sələmna, əŋ ge kəma ta ə̌ŋ nje shifa gə kəɗɗay ene niba aride saŋa?» 19Yesu zləmkənhənaŋa, wa: «Amnaya kə hanaw i ɗu sələmna saŋa? Ɗu sələmna s'iŋgeɗe niba, si ba s'Askwaf ɓile. 20Ike ga, kə səna a me gurɗay hay gə wa: “Giya bə gwardzire, vəɗa bə shifa apə shek aka, giya ba akar, giya bə siyade fida ala apə ɗaha ka, ɗəɗəm wutə pabay atə mamay#Huwaɗayede 20:12; Me Gurɗay 5:16,”» waka saŋa. 21Dagwa ane, wa: «Ahan ba cecena əŋ kutika ba kwa ada kine ka.» 22Yesu sənay ahan ga, dzakəna, wa: «Miyakaŋade ba s'iɓile. Le shumɨlakude ihay aka ba cecena, hulɨtənka shiŋgu ene a talage hay‑a, ike ikə le a nzə s'almane a askwaf de. Mezlene ga, nay kutɨnaw.» 23Dagwa ane ba sənay a me sahan ga, fəgakakude fiyuwwa, aɗaba almane ene lakede a aray‑a.
24Yesu ceciya dagwa ane fəgakakude saŋa ga, wa: «Zlazlaɗa a ɗa gelipe a ləɗide a gurɗay s'Askwaf de dəgiya! 25Butu ba s'i s'azləgwame a laɗayede a mika likeper‑a aŋade a i ɗu gelipe a ləɗide a gurɗay s'Askwaf de.» 26Ɗa gə ɗa sənay a me ene sahan, wa: «Abə ba kugwan mà, wiya ta jukka zluwaɗaya?» 27Wuran ane zləmkənhətənaŋa, wa: «Igə gɨkiya ba a ma ɗa səlammərzheŋ de ga, a ma s'Askwaf de gɨkiya.»
28Piyer dzakəna, wa: «Mene ga, ma hərkənde a away hay ba cecena a kutɨɗiken.» 29Yesu dzəktəna, wa: «Na əŋ dzakuna ba jire, ɗu gə abə hərkənde a adaw ene, bi a hər ene, bi a wayə məman, bi a wutə pəban atə məman, ŋa waghay ene, aɗaba gurɗay s'Askwaf ga, 30ǎ njiya ǎ ndimde aba atə ahan aba a zamane saŋa de kini. A zamane de gə ǎ nay ala apə miya kini ǎ nje shifa gə kəɗɗay ene niba aride saŋa.»
Yesu dzawa ala apə məŋgan me mətsɗay ene atə slabaɗayede ene ada mika ka
(Matta 20:17-19; Markus 10:32-34)
31Yesu həktənakude ɗaha jaŋwa brecaw saŋa ala a ma ene, dzəktəna, wa: «Na ma jinke ala a Zheruzalem saŋa ga, ba cecena igə ɗa mbəɗɗitənande me s'Askwaf a ɗaha hay ɗa hətska ala apə Kine ɗu səlammərzheŋ‑a saŋa, ǎ le a gaɗaya akənahan. 32Aɗaba à ɗá le a ɗəfɗitənde a alay de a ɗa gə ɗa səna ba a Askwaf, wutan à ɗá gɨl gege, à ɗá pishede i gənəhɗay, à ɗá tufɨnde minya a aray de, 33à ɗá slalna i kurpe, adede a ahan, à ɗá viɗka. A hənɗay de ala apə məŋgan ga, ǎ slabayede ada a mika ka.» 34Amá wutan ba s'ama kini ɗa səniyede a me sahan de, i shiɓɗay a ma tan de. Ɗa sənkede bə ɗəma a igə wuran gus dzaɗitəna.
Yesu mbər ɗu ŋgulaf
(Matta 20:29-34; Markus 10:46-52)
35Sləŋa Yesu hərzhika Yeriku ga, ɗu ŋgulaf s'iŋgeɗe kini niya i zaɗay ande a ciba, ŋeŋilke. 36Shinkay ɗaha hay duna ɗa likede saŋa ga, mbutsəka igə gaka. 37Ɗa dzakəna, wa: «Yesu humas Nazaret niya likede.» 38Wuran ane ŋgulahaka, wa: «Yesu, shef Davit, ba kəmkam yəmude mərga!» 39Ɗa gə wutə apə miya saŋa ɗa sləkkənaŋade wa á pawande, amá wuran ɗəfkənaŋade a ŋguləhɗay abi nzəɗa, wa: «Shef Davit, ba kəmkam yəmude mərga!» 40Yesu ane tavaka, dzəktəna wa ɗá minəka. A aŋəde ŋgulaf sahan kəzəkpan ga, mbutsəkənamiya, wa: 41«Kə gwasa əŋ giyakana ama?» Ŋgulaf ane, wa: «Ɗuduwuna hwa, əŋ gwasa əŋ tsakika aray.» 42Mezlene Yesu dzakəna, wa: «Aray hay aka ɗá pepemiya, ɗəfɗipənŋa aka zluwikina.» 43Ciɗa aba ahan de sahan, aray hay ene ane ɗa papəkmiya, kutək Yesu, ghaya ɗəɗəma Askwaf. Ba cecena ɗa gə ɗa tsaka ahan sahan, ɗa takənmandar‑a a zəmbəl s'Askwaf.
Currently Selected:
Luka 18: mlr
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Luka 18
18
Araja i wudəge hərmana atə ɗu nda sheriya
1Yesu dzəktəna araja a ɗa kutə wuran a dzaɗilhətan gəni ɗá hadzəl bə zhek aride a gə maduwa ba kəla mandaɗay, gha a sərte gəna de kini. 2Dzəktəna, wa: «Ɗu nda sheriya eɗe zak a hu s'iŋgeɗe de, ɗəfa bə mbəray apə Askwaf‑a, lambe ene niba apə ɗaha ka aride. 3Wudəge hərmana s'iŋgeɗe kini zak aba a hu sahan de, ba kəla mandaɗay tewirke ala a ma ene de a dzaɗina, wa: “Mbazləlhan jire tsəre hwa a ɗu dawa hwa.” 4Ɗu nda sheriya sahan kəraka, ha həhənaka ba duna. Adede a ahan ga, takənmandar‑a a dzaɗiya a ŋa ene de, wa: “Gha əŋ ɗəfa bə mbəray apə Askwaf‑a, lambe hwa niba apə ɗaha ka kini, 5amá wudəge hər saŋa kaɗuwakude həŋkale saŋa ga, agwadza ba əŋ mbazləlhan jire tsəre ene a ɗu dawa ene sahan, gəni á tawaray bə cine a nəɗay a wushɗiw ŋa.”» 6Ɗuduwuna ɗəfkənhətənaŋade adəɓa, wa: «Cukwɨna ɗece ba hasha igə ɗu nda sheriya gə giya ba away i ciba ene saŋa dzawa. 7I ni, Askwaf ǎ vərtəna bə jire tsəre a ɗa gə wuran dzadzarəktənede, ɗa yimke ala a ma ene de, luvaɗ luvaɗ ba, lapas lapas bə saŋa aba apə yakwa yakwa ka he? 8Na əŋ dzakuna: Ǎ vərtən jire tsəre aba apə yakwa yakwa ka. I mà, abə Kine ɗu səlammərzheŋ ǎ mbəɗiŋa mà, ǎ nay ɗəma a nzə ɗa gə ɗa ɗəfəkpənŋa apə higay‑a he?»
Araja i ɗu gə maməsl shiŋgu hadama atə humas Farisa
9Wuran ane dzəktəna araja saŋa adəɓa a ɗa gə ɗa cece ŋa tan wa ma ɗa jire, ɗa nenik ɗa s'iŋgeɗe saŋa, wa: 10«Mizhe hay caw ɗa dzənaka ala a adaw s'Askwaf de a gə maduwa, ɗu ɓile humas Farisa, ɗu ɓile kini ɗu maməsl hadama. 11Humas Farisa saŋa slabakakude, takənmandar‑a a gə maduwa a bembec ene de, wa: “Askwaf hwa, əŋ sləkəɗək me aɗaba ma gərgəra atə ɗa s'iŋgeɗe gə wutan akar hay, sləra tan ba gə ɓutsam tsəre, atə gwardzire saŋa, adəɓa kini ma gərgəra atə ɗu maməsl hadama gə na wuran saŋa. 12Ənne ba kəla kasuka əŋ bər meshahwam səlay caw. Ba kəla igə əŋ nzəka, əŋ təvakede ɓile a jem de.” 13Ɗu maməsl hadama ane laka a tavaɗaya kwalala, ba s'aray ala a askwaf de kini zləhka bə paɗiya, hətskənande alay a bembec ene, wa: “Askwaf hwa, ba kəmkam yəmude mərga, ənne ɗu hipe.”» 14Yesu, wa: «Na əŋ dzakuna: A aŋəde ɗa huke ala adaw saŋa, ba dagwa sahan aŋa Askwaf gəkəlka ɗu jire, aŋade a humas Farisa. Aɗaba ɗu gə abə pakənŋakude a ŋa ene ga, à ɗá kaɓənka, amá ɗu gə abə kaɓika ŋa ene ga, à ɗá panŋakude.»
Yesu gɨtənaŋade barka a wayə mishishina
(Matta 19:13-15; Markus 10:13-16)
15Bigeɗe ɗaha hay niya ɗa cimkiya aba atə wayə gə apə alay‑a ala a ma Yesu de, gəni á ɗufepətan alay ene, a gəɗitənaŋade barka, ɗa kutə wuran ba ɗa tsaka ahan sahan ga, ɗa sləkəktənaŋade a ɗa sahan. 16Amá Yesu həktənakude ala a ma ene, dzəktəna a ɗa kutə wuran, wa: «Herɨntənde a wayə mishishina ɗá nay ala a ma hwa de, ghɨntənŋa ba. Aɗaba gurɗay s'Askwaf saŋa, ba i ɗa gə ka wutan. 17Na əŋ dzakuna ba jire, ɗu gə abə təvika bə gurɗay s'Askwaf ka i kine kutew ga, jukka bə ləɗide ede aride.»
Ɗu s'almane atə gurɗay s'Askwaf
(Matta 19:16-30; Markus 10:17-31)
18Məlmal Zhuwif hay s'iŋgeɗe mbutsəkənamiya a Yesu‑a, wa: «Malum sələmna, əŋ ge kəma ta ə̌ŋ nje shifa gə kəɗɗay ene niba aride saŋa?» 19Yesu zləmkənhənaŋa, wa: «Amnaya kə hanaw i ɗu sələmna saŋa? Ɗu sələmna s'iŋgeɗe niba, si ba s'Askwaf ɓile. 20Ike ga, kə səna a me gurɗay hay gə wa: “Giya bə gwardzire, vəɗa bə shifa apə shek aka, giya ba akar, giya bə siyade fida ala apə ɗaha ka, ɗəɗəm wutə pabay atə mamay#Huwaɗayede 20:12; Me Gurɗay 5:16,”» waka saŋa. 21Dagwa ane, wa: «Ahan ba cecena əŋ kutika ba kwa ada kine ka.» 22Yesu sənay ahan ga, dzakəna, wa: «Miyakaŋade ba s'iɓile. Le shumɨlakude ihay aka ba cecena, hulɨtənka shiŋgu ene a talage hay‑a, ike ikə le a nzə s'almane a askwaf de. Mezlene ga, nay kutɨnaw.» 23Dagwa ane ba sənay a me sahan ga, fəgakakude fiyuwwa, aɗaba almane ene lakede a aray‑a.
24Yesu ceciya dagwa ane fəgakakude saŋa ga, wa: «Zlazlaɗa a ɗa gelipe a ləɗide a gurɗay s'Askwaf de dəgiya! 25Butu ba s'i s'azləgwame a laɗayede a mika likeper‑a aŋade a i ɗu gelipe a ləɗide a gurɗay s'Askwaf de.» 26Ɗa gə ɗa sənay a me ene sahan, wa: «Abə ba kugwan mà, wiya ta jukka zluwaɗaya?» 27Wuran ane zləmkənhətənaŋa, wa: «Igə gɨkiya ba a ma ɗa səlammərzheŋ de ga, a ma s'Askwaf de gɨkiya.»
28Piyer dzakəna, wa: «Mene ga, ma hərkənde a away hay ba cecena a kutɨɗiken.» 29Yesu dzəktəna, wa: «Na əŋ dzakuna ba jire, ɗu gə abə hərkənde a adaw ene, bi a hər ene, bi a wayə məman, bi a wutə pəban atə məman, ŋa waghay ene, aɗaba gurɗay s'Askwaf ga, 30ǎ njiya ǎ ndimde aba atə ahan aba a zamane saŋa de kini. A zamane de gə ǎ nay ala apə miya kini ǎ nje shifa gə kəɗɗay ene niba aride saŋa.»
Yesu dzawa ala apə məŋgan me mətsɗay ene atə slabaɗayede ene ada mika ka
(Matta 20:17-19; Markus 10:32-34)
31Yesu həktənakude ɗaha jaŋwa brecaw saŋa ala a ma ene, dzəktəna, wa: «Na ma jinke ala a Zheruzalem saŋa ga, ba cecena igə ɗa mbəɗɗitənande me s'Askwaf a ɗaha hay ɗa hətska ala apə Kine ɗu səlammərzheŋ‑a saŋa, ǎ le a gaɗaya akənahan. 32Aɗaba à ɗá le a ɗəfɗitənde a alay de a ɗa gə ɗa səna ba a Askwaf, wutan à ɗá gɨl gege, à ɗá pishede i gənəhɗay, à ɗá tufɨnde minya a aray de, 33à ɗá slalna i kurpe, adede a ahan, à ɗá viɗka. A hənɗay de ala apə məŋgan ga, ǎ slabayede ada a mika ka.» 34Amá wutan ba s'ama kini ɗa səniyede a me sahan de, i shiɓɗay a ma tan de. Ɗa sənkede bə ɗəma a igə wuran gus dzaɗitəna.
Yesu mbər ɗu ŋgulaf
(Matta 20:29-34; Markus 10:46-52)
35Sləŋa Yesu hərzhika Yeriku ga, ɗu ŋgulaf s'iŋgeɗe kini niya i zaɗay ande a ciba, ŋeŋilke. 36Shinkay ɗaha hay duna ɗa likede saŋa ga, mbutsəka igə gaka. 37Ɗa dzakəna, wa: «Yesu humas Nazaret niya likede.» 38Wuran ane ŋgulahaka, wa: «Yesu, shef Davit, ba kəmkam yəmude mərga!» 39Ɗa gə wutə apə miya saŋa ɗa sləkkənaŋade wa á pawande, amá wuran ɗəfkənaŋade a ŋguləhɗay abi nzəɗa, wa: «Shef Davit, ba kəmkam yəmude mərga!» 40Yesu ane tavaka, dzəktəna wa ɗá minəka. A aŋəde ŋgulaf sahan kəzəkpan ga, mbutsəkənamiya, wa: 41«Kə gwasa əŋ giyakana ama?» Ŋgulaf ane, wa: «Ɗuduwuna hwa, əŋ gwasa əŋ tsakika aray.» 42Mezlene Yesu dzakəna, wa: «Aray hay aka ɗá pepemiya, ɗəfɗipənŋa aka zluwikina.» 43Ciɗa aba ahan de sahan, aray hay ene ane ɗa papəkmiya, kutək Yesu, ghaya ɗəɗəma Askwaf. Ba cecena ɗa gə ɗa tsaka ahan sahan, ɗa takənmandar‑a a zəmbəl s'Askwaf.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.