Luka 23
23
Yesu adə Pilatu
(Matta 27:1-2, 11-14; Markus 15:1-5; Zhaŋ 18:28-38)
1Wutan ane ɗa slabakakude ba cecena tan, ɗa hukəla Yesu ala adə Pilatu. 2Ɗa laka hətsɗinaŋade me, wa: «Ma nzək dagwa saŋa slabəl me a dagava ɗagadima de, dzatəna wa ɗá hadzəna bə hadama a Kaysara. Adəɓa kini wa: “Ənne Kristu, ənne bay.”» 3Pilatu mbutsəkənamiya, wa: «Ba s'ike təku ike bay Zhuwif hay saŋa?» Zləmkənhənaŋa, wa: «Ba s'ike aŋa kə dzaka.» 4Pilatu dzəktəna a məlmal hay ɗa slumə ɗaha hay atə Askwaf atə a ndikɗay ɗaha hay saŋa, wa: «Ənne əŋ nzəka bə hipe apə dagwa saŋa ka ni, ha slaka a nəŋɗiya saŋa.» 5Amá ɗa ɗəfkənaŋade a dzaɗiya ba dunduna, wa: «Wuran saŋa sləbkəlhətənakude bembec a ɗaha hay a higay Zhude de ba cecena i tsugəɗay ene saŋa dəgiya! Tá tinmandar‑a ada Galile ka, səgan gə na mika ala akəna!»
Yesu a ma Hirudus de
6A aŋəde Pilatu sənay a ahan ga, mbutsəka, wa: «Dagwa saŋa humas ɗa Galile he?» 7Sənkede gəni Yesu nay ada gurɗay Hirudus‑a ga, wa ɗá mɨnika a Hirudus‑a, aɗaba a hənɗay hay sahan de, wuran kini niya aba Zheruzalem sahan. 8Hirudus ba hadzəkpan aray a Yesu ga, higak awiba. Hənaka gus ba hətsɗipan aray, aɗaba shinkay a labara ene, kum ba tsaɗika ajipu a ma ene de. 9Mbutsəkənamiya me hay gərgərgəra, amá ba ŋguffa kini Yesu zləmkənhənaŋa ba. 10Məlmal hay ɗa slumə ɗaha hay atə Askwaf atə malum hay me gurɗay gə ɗa niya akənahan saŋa, ɗa hadzəl me ala apəna zləkte ene niba. 11Mezlene Hirudus kini atə sluji hay ene ɗa takənmandar‑a a fəsuɗiya atə a gəɗil gege, ta ɗa fətkəlde a səɗava sələmna de, ɗa mbəɗkəlhənariya adəɓa a Pilatu‑a. 12Ba bək sahan aŋa wutə Hirudus atə Pilatu ɗa gaka yaga hay, aɗaba ɗa zak ba a zaɗaya.
Ɗa gəkənka sheriya shifa a Yesu‑a
(Matta 27:15-26; Markus 15:6-15; Zhaŋ 18:39–19:16)
13Pilatu masləktənŋa a məlmal hay ɗa slumə ɗaha hay atə Askwaf atə bay hay, ŋa ɗaha hay ba duna. 14Dzəktəna a ayitəna ane, wa: «Na kwa miwuka dagwa saŋa, kwene ika sləbkəlakude me a dagava ɗagadikwen de, na əŋ mbutsəkənamiya me aba a ma kwan de, amá əŋ nzəka bə hipe gə kwa naya a hətsɗinaŋade galəmnzay arde saŋa. 15Hirudus kini nzəka bə hipe apəna, aɗaba na mbəɗɗilariya adəɓa ala a ma man de. Kugwan ga, niba hipe gə wuran gika ni, ha slaka a vəɗika shifa ene saŋa. 16Aɗaba sahan, əŋ slalna abi taɗay, sləŋa əŋ nəŋla.» 17[Ba ka aŋa gəkəlhətəna saŋa, ba kəla wumbri Paska, Pilatu niŋkilhətan daŋgay ɓile.]
18Ba cecena tan ɗa takənmandar‑a a ŋguləhɗay ba dunduna, wa: «Viɗka dagwa saŋa, nanəlhəman Barabbas!» 19Barabbas sahan ga, ɗa nəŋka arde a sləbkəlakude me a hu de atə aɗaba vəɗika shifa. 20Pilatu mbutsəktənamiya adəɓa, aɗaba gwasək nəŋɗil Yesu. 21Amá wutan ɗa zləmkənhənaŋa abi ŋguləhɗay, wa: «Derɨka apə shishka ka, derɨka apə shishka ka!» 22Pilatu mbutsəktənamiya zlama adəɓa ala apə məŋgan, wa: «I mà, mbəzika ama ɗəma wuran? Ənne ga, əŋ nzəka bə hipe gə wuran gika ni, ha slaka a vəɗ shifa ene saŋa. Kugwan ga, əŋ slalna abi taɗay, əŋ nəŋla.» 23Amá wutan ɗa ɗəfkənaŋade a ŋguləhɗay ba ka à ɗá ndawariya, gəni si ɗa derɨka apə shishka ka. Ŋguləhɗay tan sahan ndəmika nzəɗa Pilatu. 24Wuran ane zakəlpəna gə s'igə wutan ɗa mbutsəka sahan. 25Nəŋkəlhətan ɗu gə ɗa nəŋka arde a sləbkəlakude me a hu de atə aɗaba vəɗika shifa ane. Yesu ga, ɗəfəktənde a alay de gəni ɗá le a gə s'igə wutan ɗa mica sahan apəna.
Ɗa darika Yesu apə shishka ka
(Matta 27:32-44; Markus 15:21-32; Zhaŋ 19:17-27)
26A aŋəde niya ɗa hulə Yesu ga, ɗa zləŋkəldəŋa atə humas Sirene s'iŋgeɗe sləmay ene Simuŋ, wuran nikadaw ada kiɓa. Ɗa bərika, ɗa slakənaŋade a pa shishka a kutəɗil Yesu. 27Abaga ɗaha hay zləkte tan niba aŋa ɗa kutəka, hər hay ɗa hahətskənande alay a bembec, ghaya ɗa yimke. 28Yesu mbəɗkakude aray a ala a ma hər hay sahan de, wa: «Hər hay ɗa Zheruzalem, yimɨnnaw bə ənne, amá yɨmen ŋa kwan atə waghay kwan. 29Aɗaba zlama hənɗay hay niya à ɗá nay, ɗaha hay à ɗá jaka a hənɗay hay sahan de, wa: “Gədəɗɗay a hər hay təghar hay, ɗa gə ɗa ndaka bə mandar, ɗa ɗəfkənande ba ené tan a kine aride saŋa!” 30A ahan de sahan ga, ɗaha hay à ɗá tanmandar‑a a dzaɗitəna a kuwan hay, wa: “Zlezlɨnmənaŋade səke!” À ɗá dzatəna a tsəɓakw hay kini, wa: “Shuɓɨnlemena səke#Husiya 10:8!” 31Iya abə ɗa gɨna aŋa a shishka məndərɓak mà, i shishka kuŋgulɗay ɗəma mà, ǎ za kəma?»
32Ɗa məktan atə abra hay caw a ləɗay a kəɗɗiltan atə Yesu. 33Ɗa məktəna a ma gə de ɗa hawa i «Kucke ŋa» saŋa, ɗa darika Yesu apə shishka ka. Ɗa dadarika abra hay saŋa kini apə shishka hay tan‑a, ɗu ɓile a alay ɗəfka de, ɗu ɓile kini a alay hədzan de. 34Yesu, wa: «Paba hwa, ɓushɨtənka hipe tan, aɗaba ɗa səna ba a igə ɗa giya.» Wutan ane ɗa hulika ifafətɗay ene a duvak tan de i kət s'afəka.
35Ɗaha hay ɗa tatavaka akənahan hirra, ɗa ceciya. Məlmal hay hu agira ɗa fəsawla ga, wa: «Wuran bəhe zluwiktəna ɗa s'iŋgeɗe saŋa, á zluka həmba ŋa ene kini, abə ba wuran tsaw Kristu gə Askwaf təfkede saŋa!» 36Sluji hay kini kaya a gəɗil gege, ɗa kəzəkpan, ɗa gus vərɗinde məhay ɗaŋɗaŋəna saŋa, wa: 37«Abə ba ike bay Zhuwif hay tsaw ga, zluka zlə ŋa aka!» 38I kufa ka aŋa ayina kini ɗa hadzika, wa: «Ɗu gə na saŋa ga, bay Zhuwif hay.» 39Ɗu ɓile s'abra hay gə ɗa darəktəna ane kini, kaya a gəgənəh Yesu, wa: «Ike Kristu bəhe? Zluka həmba ŋa aka, zlumena mene kini!» 40Amá ɓile ene saŋa sləkkənaŋade, wa: «Ike ni, zləŋwaɗ ba kutew kini viɗken ba ande a Askwaf? Ike kini ike aba zlaɗa sahan de tsa! 41I man ga, igə ɗa gɨməna saŋa aba adaw ene de, aŋa ba deyday s'igə mene ma gəka, amá wuran ga, niba hipe gə gika.» 42Mezlene dzana a Yesu, wa: «Ba kəmkam, ə̌ŋ diyakadəŋa ba, abə ikə mbəɗiŋa a bay tsəre aka de saŋa.» 43Yesu zləmkənhənaŋa, wa: «Na əŋ dzaaka ba jire, Ba bəkwa bəkwa saŋa, kə le a zaɗay aba a ma hwa de a zlana#23:43 Zlana saŋa, ma gə ɗa gə ɗa ɗəfəkpənŋa a Ɗuduwuna ka, à ɗá le a zaɗay ede a məɗay tsəre ene de. de.»
Mətsɗay Yesu
(Matta 27:45-56; Markus 15:33-41; Zhaŋ 19:28-30)
44-45Sləŋa apas kini tavaka ga, apas munzaka. Wurek pakənande a mene apə higay‑a ba cecena, ha bika saa məŋgan s'apas hagak. Kacakaca gə ɗa ŋgəɗkəlede mene a adaw s'Askwaf de saŋa ndakariya a dagava de kalkala. 46Mezlene Yesu ŋgulahaka ba dunduna, wa: «Paba hwa, əŋ ɗəfakade shifa hwa a alay de ayika#Awar 31:5.» Ba dzakede ahan ga, aba atə laɗayede a shifa ene. 47Məlmal sluji hay dərmak tsaka igə gaka sahan ga, zəmbəlkakude Askwaf, wa: «Dagwa saŋa, gha wiya dzaka kini, ɗu jire.» 48Ba cecena abaga ɗaha hay gə ɗa dzəfay a nəɗay a tsatsəɗiya saŋa, ba ɗa tsaka igə gaka sahan ga, gha wiya tan kini hətskənande ba s'alay a bembec a aŋəde ɗa huke ala adaw. 49Ba cecena ɗa gə ɗa səna a Yesu atə hər hay gə ɗa kutiya ada Galile ka saŋa, ɗa tatavaka dzaɗ‑dzaɗɗa a tsatsə s'igə gɨke saŋa.
Ɗa ɗəfide Yesu a mika de
(Matta 27:57-61; Markus 15:42-47; Zhaŋ 19:38-42)
50-51Ɗu s'iŋgeɗe niya sləmay ene Zhuzef, humas s'Arimatiya a higay Zhude de. Wuran ɗu sələmna, ɗu jire zlama adəɓa, bək ba nəɗay gurɗay s'Askwaf. Wuran kini məlmal tsa a ɗa kəndəkiya de, amá ɗəfide bə me ene a igə de ɗa s'iŋgeɗe ɗa zakəlpəna atə igə wutan ɗa gəka saŋa. 52Laka ala a ma Pilatu de a mbutsə mətska Yesu. 53Mezlene fətkəlpəna mətska ane a shishka ka, fuɗide a iraɗay ləfəɗɗəna de, laka a ɗəfɗide a mika de. Mika sahan zak tsaw i raɗay, ɗa rak ba pəpərɗak, zlama ɗa ɗəfide bə mətska ede aride. 54Labara sahan gak bək slumə zhek, sləŋa sərte həts mbas ǎ tamandar. 55Hər hay gə ɗa zak kutə Yesu ada Galile ka ane ɗa kutika Zhuzef, ɗa laka a tsaɗika mika atə ɗa ɗəfide kəma mətska Yesu. 56Mezlene ɗa mbəɗiŋa ala a hu de, a nəɗay a slumə s'ambár hay atə atirsheŋ hay tan a ləɗay a pishɗipan a mətska. Amá bək həts mbas ga, ɗa hadzika mbas aba apə aŋa ka me gurɗay dzaka.
Currently Selected:
Luka 23: mlr
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Luka 23
23
Yesu adə Pilatu
(Matta 27:1-2, 11-14; Markus 15:1-5; Zhaŋ 18:28-38)
1Wutan ane ɗa slabakakude ba cecena tan, ɗa hukəla Yesu ala adə Pilatu. 2Ɗa laka hətsɗinaŋade me, wa: «Ma nzək dagwa saŋa slabəl me a dagava ɗagadima de, dzatəna wa ɗá hadzəna bə hadama a Kaysara. Adəɓa kini wa: “Ənne Kristu, ənne bay.”» 3Pilatu mbutsəkənamiya, wa: «Ba s'ike təku ike bay Zhuwif hay saŋa?» Zləmkənhənaŋa, wa: «Ba s'ike aŋa kə dzaka.» 4Pilatu dzəktəna a məlmal hay ɗa slumə ɗaha hay atə Askwaf atə a ndikɗay ɗaha hay saŋa, wa: «Ənne əŋ nzəka bə hipe apə dagwa saŋa ka ni, ha slaka a nəŋɗiya saŋa.» 5Amá ɗa ɗəfkənaŋade a dzaɗiya ba dunduna, wa: «Wuran saŋa sləbkəlhətənakude bembec a ɗaha hay a higay Zhude de ba cecena i tsugəɗay ene saŋa dəgiya! Tá tinmandar‑a ada Galile ka, səgan gə na mika ala akəna!»
Yesu a ma Hirudus de
6A aŋəde Pilatu sənay a ahan ga, mbutsəka, wa: «Dagwa saŋa humas ɗa Galile he?» 7Sənkede gəni Yesu nay ada gurɗay Hirudus‑a ga, wa ɗá mɨnika a Hirudus‑a, aɗaba a hənɗay hay sahan de, wuran kini niya aba Zheruzalem sahan. 8Hirudus ba hadzəkpan aray a Yesu ga, higak awiba. Hənaka gus ba hətsɗipan aray, aɗaba shinkay a labara ene, kum ba tsaɗika ajipu a ma ene de. 9Mbutsəkənamiya me hay gərgərgəra, amá ba ŋguffa kini Yesu zləmkənhənaŋa ba. 10Məlmal hay ɗa slumə ɗaha hay atə Askwaf atə malum hay me gurɗay gə ɗa niya akənahan saŋa, ɗa hadzəl me ala apəna zləkte ene niba. 11Mezlene Hirudus kini atə sluji hay ene ɗa takənmandar‑a a fəsuɗiya atə a gəɗil gege, ta ɗa fətkəlde a səɗava sələmna de, ɗa mbəɗkəlhənariya adəɓa a Pilatu‑a. 12Ba bək sahan aŋa wutə Hirudus atə Pilatu ɗa gaka yaga hay, aɗaba ɗa zak ba a zaɗaya.
Ɗa gəkənka sheriya shifa a Yesu‑a
(Matta 27:15-26; Markus 15:6-15; Zhaŋ 18:39–19:16)
13Pilatu masləktənŋa a məlmal hay ɗa slumə ɗaha hay atə Askwaf atə bay hay, ŋa ɗaha hay ba duna. 14Dzəktəna a ayitəna ane, wa: «Na kwa miwuka dagwa saŋa, kwene ika sləbkəlakude me a dagava ɗagadikwen de, na əŋ mbutsəkənamiya me aba a ma kwan de, amá əŋ nzəka bə hipe gə kwa naya a hətsɗinaŋade galəmnzay arde saŋa. 15Hirudus kini nzəka bə hipe apəna, aɗaba na mbəɗɗilariya adəɓa ala a ma man de. Kugwan ga, niba hipe gə wuran gika ni, ha slaka a vəɗika shifa ene saŋa. 16Aɗaba sahan, əŋ slalna abi taɗay, sləŋa əŋ nəŋla.» 17[Ba ka aŋa gəkəlhətəna saŋa, ba kəla wumbri Paska, Pilatu niŋkilhətan daŋgay ɓile.]
18Ba cecena tan ɗa takənmandar‑a a ŋguləhɗay ba dunduna, wa: «Viɗka dagwa saŋa, nanəlhəman Barabbas!» 19Barabbas sahan ga, ɗa nəŋka arde a sləbkəlakude me a hu de atə aɗaba vəɗika shifa. 20Pilatu mbutsəktənamiya adəɓa, aɗaba gwasək nəŋɗil Yesu. 21Amá wutan ɗa zləmkənhənaŋa abi ŋguləhɗay, wa: «Derɨka apə shishka ka, derɨka apə shishka ka!» 22Pilatu mbutsəktənamiya zlama adəɓa ala apə məŋgan, wa: «I mà, mbəzika ama ɗəma wuran? Ənne ga, əŋ nzəka bə hipe gə wuran gika ni, ha slaka a vəɗ shifa ene saŋa. Kugwan ga, əŋ slalna abi taɗay, əŋ nəŋla.» 23Amá wutan ɗa ɗəfkənaŋade a ŋguləhɗay ba ka à ɗá ndawariya, gəni si ɗa derɨka apə shishka ka. Ŋguləhɗay tan sahan ndəmika nzəɗa Pilatu. 24Wuran ane zakəlpəna gə s'igə wutan ɗa mbutsəka sahan. 25Nəŋkəlhətan ɗu gə ɗa nəŋka arde a sləbkəlakude me a hu de atə aɗaba vəɗika shifa ane. Yesu ga, ɗəfəktənde a alay de gəni ɗá le a gə s'igə wutan ɗa mica sahan apəna.
Ɗa darika Yesu apə shishka ka
(Matta 27:32-44; Markus 15:21-32; Zhaŋ 19:17-27)
26A aŋəde niya ɗa hulə Yesu ga, ɗa zləŋkəldəŋa atə humas Sirene s'iŋgeɗe sləmay ene Simuŋ, wuran nikadaw ada kiɓa. Ɗa bərika, ɗa slakənaŋade a pa shishka a kutəɗil Yesu. 27Abaga ɗaha hay zləkte tan niba aŋa ɗa kutəka, hər hay ɗa hahətskənande alay a bembec, ghaya ɗa yimke. 28Yesu mbəɗkakude aray a ala a ma hər hay sahan de, wa: «Hər hay ɗa Zheruzalem, yimɨnnaw bə ənne, amá yɨmen ŋa kwan atə waghay kwan. 29Aɗaba zlama hənɗay hay niya à ɗá nay, ɗaha hay à ɗá jaka a hənɗay hay sahan de, wa: “Gədəɗɗay a hər hay təghar hay, ɗa gə ɗa ndaka bə mandar, ɗa ɗəfkənande ba ené tan a kine aride saŋa!” 30A ahan de sahan ga, ɗaha hay à ɗá tanmandar‑a a dzaɗitəna a kuwan hay, wa: “Zlezlɨnmənaŋade səke!” À ɗá dzatəna a tsəɓakw hay kini, wa: “Shuɓɨnlemena səke#Husiya 10:8!” 31Iya abə ɗa gɨna aŋa a shishka məndərɓak mà, i shishka kuŋgulɗay ɗəma mà, ǎ za kəma?»
32Ɗa məktan atə abra hay caw a ləɗay a kəɗɗiltan atə Yesu. 33Ɗa məktəna a ma gə de ɗa hawa i «Kucke ŋa» saŋa, ɗa darika Yesu apə shishka ka. Ɗa dadarika abra hay saŋa kini apə shishka hay tan‑a, ɗu ɓile a alay ɗəfka de, ɗu ɓile kini a alay hədzan de. 34Yesu, wa: «Paba hwa, ɓushɨtənka hipe tan, aɗaba ɗa səna ba a igə ɗa giya.» Wutan ane ɗa hulika ifafətɗay ene a duvak tan de i kət s'afəka.
35Ɗaha hay ɗa tatavaka akənahan hirra, ɗa ceciya. Məlmal hay hu agira ɗa fəsawla ga, wa: «Wuran bəhe zluwiktəna ɗa s'iŋgeɗe saŋa, á zluka həmba ŋa ene kini, abə ba wuran tsaw Kristu gə Askwaf təfkede saŋa!» 36Sluji hay kini kaya a gəɗil gege, ɗa kəzəkpan, ɗa gus vərɗinde məhay ɗaŋɗaŋəna saŋa, wa: 37«Abə ba ike bay Zhuwif hay tsaw ga, zluka zlə ŋa aka!» 38I kufa ka aŋa ayina kini ɗa hadzika, wa: «Ɗu gə na saŋa ga, bay Zhuwif hay.» 39Ɗu ɓile s'abra hay gə ɗa darəktəna ane kini, kaya a gəgənəh Yesu, wa: «Ike Kristu bəhe? Zluka həmba ŋa aka, zlumena mene kini!» 40Amá ɓile ene saŋa sləkkənaŋade, wa: «Ike ni, zləŋwaɗ ba kutew kini viɗken ba ande a Askwaf? Ike kini ike aba zlaɗa sahan de tsa! 41I man ga, igə ɗa gɨməna saŋa aba adaw ene de, aŋa ba deyday s'igə mene ma gəka, amá wuran ga, niba hipe gə gika.» 42Mezlene dzana a Yesu, wa: «Ba kəmkam, ə̌ŋ diyakadəŋa ba, abə ikə mbəɗiŋa a bay tsəre aka de saŋa.» 43Yesu zləmkənhənaŋa, wa: «Na əŋ dzaaka ba jire, Ba bəkwa bəkwa saŋa, kə le a zaɗay aba a ma hwa de a zlana#23:43 Zlana saŋa, ma gə ɗa gə ɗa ɗəfəkpənŋa a Ɗuduwuna ka, à ɗá le a zaɗay ede a məɗay tsəre ene de. de.»
Mətsɗay Yesu
(Matta 27:45-56; Markus 15:33-41; Zhaŋ 19:28-30)
44-45Sləŋa apas kini tavaka ga, apas munzaka. Wurek pakənande a mene apə higay‑a ba cecena, ha bika saa məŋgan s'apas hagak. Kacakaca gə ɗa ŋgəɗkəlede mene a adaw s'Askwaf de saŋa ndakariya a dagava de kalkala. 46Mezlene Yesu ŋgulahaka ba dunduna, wa: «Paba hwa, əŋ ɗəfakade shifa hwa a alay de ayika#Awar 31:5.» Ba dzakede ahan ga, aba atə laɗayede a shifa ene. 47Məlmal sluji hay dərmak tsaka igə gaka sahan ga, zəmbəlkakude Askwaf, wa: «Dagwa saŋa, gha wiya dzaka kini, ɗu jire.» 48Ba cecena abaga ɗaha hay gə ɗa dzəfay a nəɗay a tsatsəɗiya saŋa, ba ɗa tsaka igə gaka sahan ga, gha wiya tan kini hətskənande ba s'alay a bembec a aŋəde ɗa huke ala adaw. 49Ba cecena ɗa gə ɗa səna a Yesu atə hər hay gə ɗa kutiya ada Galile ka saŋa, ɗa tatavaka dzaɗ‑dzaɗɗa a tsatsə s'igə gɨke saŋa.
Ɗa ɗəfide Yesu a mika de
(Matta 27:57-61; Markus 15:42-47; Zhaŋ 19:38-42)
50-51Ɗu s'iŋgeɗe niya sləmay ene Zhuzef, humas s'Arimatiya a higay Zhude de. Wuran ɗu sələmna, ɗu jire zlama adəɓa, bək ba nəɗay gurɗay s'Askwaf. Wuran kini məlmal tsa a ɗa kəndəkiya de, amá ɗəfide bə me ene a igə de ɗa s'iŋgeɗe ɗa zakəlpəna atə igə wutan ɗa gəka saŋa. 52Laka ala a ma Pilatu de a mbutsə mətska Yesu. 53Mezlene fətkəlpəna mətska ane a shishka ka, fuɗide a iraɗay ləfəɗɗəna de, laka a ɗəfɗide a mika de. Mika sahan zak tsaw i raɗay, ɗa rak ba pəpərɗak, zlama ɗa ɗəfide bə mətska ede aride. 54Labara sahan gak bək slumə zhek, sləŋa sərte həts mbas ǎ tamandar. 55Hər hay gə ɗa zak kutə Yesu ada Galile ka ane ɗa kutika Zhuzef, ɗa laka a tsaɗika mika atə ɗa ɗəfide kəma mətska Yesu. 56Mezlene ɗa mbəɗiŋa ala a hu de, a nəɗay a slumə s'ambár hay atə atirsheŋ hay tan a ləɗay a pishɗipan a mətska. Amá bək həts mbas ga, ɗa hadzika mbas aba apə aŋa ka me gurɗay dzaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.