Byak 1
1
Entumwa okuraganisibwa Mutima Orikwera
1Iwe Teofilo, omu kitabo kyangye ekyabadize, nkahandiika byona ebi Yesu yaakozire, n'ebi yaayegyeise okwiha aha kutandika, 2okuhitsya aha izooba eri yaatwariirweho omu iguru, obwo aherize kuragiirira omuri Mutima Orikwera entumwa ze ezi yaabaire yaatooraine. 3Ku yaaherize kufa, yaabeeyoreka emirundi mingi omu miringo erikuhamya ku ahuriire, kandi yaamara ebiro makumi ana naababonekyera, naabagambira eby'obukama bwa Ruhanga. 4Ku yaabaire ari hamwe nabo aha byokurya, yaabeehanangiriza okutaruga muri Yerusalemu, kureka okutegyererezayo eki Ishe yaaraganiise. Yaabagira ati: Nikyo ekyo eki mwahuriire ningambaho nti: 5Yohaana akabatiza n'amaizi, kwonka imwe, omu biro bitari bingi okwiha hati, muryabatizibwa na Mutima Orikwera.
Yesu okutwarwa omu iguru
6Abatendekwa ku baabaire bateeraniire hamwe, baabuuza Yesu bati: Mukama waitu, obu nibwo bunaku obu oraagarurireho Isiraeli obugabe? 7Yaabagarukamu ati: Ti kyanyu kumanya obunaku, nari ebiro ebi Tata yaataisizeho obushoboorozi bwe. 8Kwonka imwe, Mutima Orikwera ku aribaijaho, muryaheebwa amaani, kandi muryaba baakareebi bangye omuri Yerusalemu n'omuri Buyudaaya yoona, na Samariya n'okuhitsya ahu ensi egarukira.
9Ku yaaherize kugamba ebyo, yaatwarwa ahaiguru nibamureeba, ekicu kyarugaho kyamubakingira. 10Ku baabaire bakihangire eiguru amaisho naagyenda, ahonaaho haaboneka abashaija babiri bajwaire ebirikwera, beemereire haihi nabo. 11Baabagira bati: Imwe Banyagalilaaya 'mwe, ekibeemereize aha nimureeba ahaiguru ni ki? Yesu ogwo owaabaihwaho akatwarwa omu iguru, nikwo arigaruka atyo nk'oku mwamureeba naazayo.
Okutoorana oraaze omu mwanya gwa Yuda
12Batyo abatendekwa baagaruka Yerusalemu, nibaruga omu rushozi orurikwetwa orw'Emioliva, oruri haihi na Yerusalemu, nk'orugyendo orwabaire rugyendwa ahari Sabato. 13Ku baahikire omuri orwo rurembo, baaza omuri kaanyinaabiri ei baabaire batwiremu; obwo bari: Petero na Yohaana, Yakobo na Andereya, Filipo na Tomasi, Baritolomaayo na Matayo, Yakobo mwene Alufaayo na Simooni enkunzi y'eihanga, na Yuda mwene Yakobo. 14Abo boona bakaguma nibashaba bataireho munonga omutima kandi bakwataniise, hamwe n'abakazi bamwe na Mariya nyina wa Yesu na barumuna ba Yesu.
15Omu biro ebyo Petero akeemerera ahagati ya beene waabo, abaabaire bari nka igana na makumi abiri omuri okwo kweteerana, yaabagira ati: 16Beene waitu, ebyahandiikirwe bishemereire kuhikiirizibwa, ebi Mutima Orikwera yaagambiise Daudi, naaranga ebiriba ahari Yuda owaayehaireyo kwebembera abaakwatsire Yesu. 17Manya Yuda akaba naabarirwa omuriitwe, kandi akwataniise naitwe omu buheereza bwaitu obu. 18Nk'oku murikumanya, empiiha zi baamuguririire ahabw'ekicumuro kye, akaziguramu omusiri. Yuda ogwo akagwa bucuzi, yaabaruka, amara gaayohoka; 19kyamanywa ab'omuri Yerusalemu boona. Nikyo ogwo musiri gwayeeteirwe Akeludama omu rurimi rwabo, amakuru ngu, Omusiri gw'Eshagama. 20Manya omu kitabo kya Zaaburi kihandiikirwe ngu:
Eka ye ehindukye eitongo,
hatarigira omuntu owaagituuramu. Kandi ngu:
Omurimo gwe gutwarwe ondi.
21N'ahabw'ekyo tushemereire kutoorana omuntu, owaabaire atuura naitwe obunaku bwona obu Mukama waitu Yesu yaamazire naagyenda naitwe; 22omuntu owaabaire ari hamwe naitwe, okwiha obu Yohaana yaabaire naabatiza, okuhitsya obu Yesu yaatwihwaho akatwarwa omu iguru. Omuntu nk'ogwo ashemereire kukora hamwe naitwe, ari kareebi w'okuzooka kwa Yesu. 23Ku baaherize kureeta amaziina abiri g'ab'okutooranwa, Yosefu orikwetwa Barisaba, ou eiziina rye rya kabiri ryabaire riri Yusito, na Matiya, 24baashaba bati: Ai Mukama, iwe omanya emitima y'abantu boona, otworekye ahari aba bombi, ou waatoorana kutwara obuheereza obu, 25n'omwoga gw'obutumwa ogu Yuda yaatsigireho, akaza omu mwanya ogumushemeire. 26Mpaho baabateerera enteenyu, yaakwata Matiya; yaayongyerwa aha ntumwa ikumi n'emwe.
Okwija kwa Mutima Orikwera
Currently Selected:
Byak 1: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Byak 1
1
Entumwa okuraganisibwa Mutima Orikwera
1Iwe Teofilo, omu kitabo kyangye ekyabadize, nkahandiika byona ebi Yesu yaakozire, n'ebi yaayegyeise okwiha aha kutandika, 2okuhitsya aha izooba eri yaatwariirweho omu iguru, obwo aherize kuragiirira omuri Mutima Orikwera entumwa ze ezi yaabaire yaatooraine. 3Ku yaaherize kufa, yaabeeyoreka emirundi mingi omu miringo erikuhamya ku ahuriire, kandi yaamara ebiro makumi ana naababonekyera, naabagambira eby'obukama bwa Ruhanga. 4Ku yaabaire ari hamwe nabo aha byokurya, yaabeehanangiriza okutaruga muri Yerusalemu, kureka okutegyererezayo eki Ishe yaaraganiise. Yaabagira ati: Nikyo ekyo eki mwahuriire ningambaho nti: 5Yohaana akabatiza n'amaizi, kwonka imwe, omu biro bitari bingi okwiha hati, muryabatizibwa na Mutima Orikwera.
Yesu okutwarwa omu iguru
6Abatendekwa ku baabaire bateeraniire hamwe, baabuuza Yesu bati: Mukama waitu, obu nibwo bunaku obu oraagarurireho Isiraeli obugabe? 7Yaabagarukamu ati: Ti kyanyu kumanya obunaku, nari ebiro ebi Tata yaataisizeho obushoboorozi bwe. 8Kwonka imwe, Mutima Orikwera ku aribaijaho, muryaheebwa amaani, kandi muryaba baakareebi bangye omuri Yerusalemu n'omuri Buyudaaya yoona, na Samariya n'okuhitsya ahu ensi egarukira.
9Ku yaaherize kugamba ebyo, yaatwarwa ahaiguru nibamureeba, ekicu kyarugaho kyamubakingira. 10Ku baabaire bakihangire eiguru amaisho naagyenda, ahonaaho haaboneka abashaija babiri bajwaire ebirikwera, beemereire haihi nabo. 11Baabagira bati: Imwe Banyagalilaaya 'mwe, ekibeemereize aha nimureeba ahaiguru ni ki? Yesu ogwo owaabaihwaho akatwarwa omu iguru, nikwo arigaruka atyo nk'oku mwamureeba naazayo.
Okutoorana oraaze omu mwanya gwa Yuda
12Batyo abatendekwa baagaruka Yerusalemu, nibaruga omu rushozi orurikwetwa orw'Emioliva, oruri haihi na Yerusalemu, nk'orugyendo orwabaire rugyendwa ahari Sabato. 13Ku baahikire omuri orwo rurembo, baaza omuri kaanyinaabiri ei baabaire batwiremu; obwo bari: Petero na Yohaana, Yakobo na Andereya, Filipo na Tomasi, Baritolomaayo na Matayo, Yakobo mwene Alufaayo na Simooni enkunzi y'eihanga, na Yuda mwene Yakobo. 14Abo boona bakaguma nibashaba bataireho munonga omutima kandi bakwataniise, hamwe n'abakazi bamwe na Mariya nyina wa Yesu na barumuna ba Yesu.
15Omu biro ebyo Petero akeemerera ahagati ya beene waabo, abaabaire bari nka igana na makumi abiri omuri okwo kweteerana, yaabagira ati: 16Beene waitu, ebyahandiikirwe bishemereire kuhikiirizibwa, ebi Mutima Orikwera yaagambiise Daudi, naaranga ebiriba ahari Yuda owaayehaireyo kwebembera abaakwatsire Yesu. 17Manya Yuda akaba naabarirwa omuriitwe, kandi akwataniise naitwe omu buheereza bwaitu obu. 18Nk'oku murikumanya, empiiha zi baamuguririire ahabw'ekicumuro kye, akaziguramu omusiri. Yuda ogwo akagwa bucuzi, yaabaruka, amara gaayohoka; 19kyamanywa ab'omuri Yerusalemu boona. Nikyo ogwo musiri gwayeeteirwe Akeludama omu rurimi rwabo, amakuru ngu, Omusiri gw'Eshagama. 20Manya omu kitabo kya Zaaburi kihandiikirwe ngu:
Eka ye ehindukye eitongo,
hatarigira omuntu owaagituuramu. Kandi ngu:
Omurimo gwe gutwarwe ondi.
21N'ahabw'ekyo tushemereire kutoorana omuntu, owaabaire atuura naitwe obunaku bwona obu Mukama waitu Yesu yaamazire naagyenda naitwe; 22omuntu owaabaire ari hamwe naitwe, okwiha obu Yohaana yaabaire naabatiza, okuhitsya obu Yesu yaatwihwaho akatwarwa omu iguru. Omuntu nk'ogwo ashemereire kukora hamwe naitwe, ari kareebi w'okuzooka kwa Yesu. 23Ku baaherize kureeta amaziina abiri g'ab'okutooranwa, Yosefu orikwetwa Barisaba, ou eiziina rye rya kabiri ryabaire riri Yusito, na Matiya, 24baashaba bati: Ai Mukama, iwe omanya emitima y'abantu boona, otworekye ahari aba bombi, ou waatoorana kutwara obuheereza obu, 25n'omwoga gw'obutumwa ogu Yuda yaatsigireho, akaza omu mwanya ogumushemeire. 26Mpaho baabateerera enteenyu, yaakwata Matiya; yaayongyerwa aha ntumwa ikumi n'emwe.
Okwija kwa Mutima Orikwera
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.