Kut 19
19
1Baamaraika abo bombi bakahika Sodoma omu mwabazyo, baashanga Looti ashutami aha irembo rya Sodoma. Looti ku yaabareebire, yaimuka kuza kubabugana; yainama, yaajuumara ahansi, 2yaagira ati: Bakama bangye, nimbeeshengyereza mukubuukye, mutaahe omu nju y'omwiru waanyu, muraare, munaabe ebigyere, haza nyencakare mwimukye kare, mugumizemu orugyendo rwanyu. Baamugarukamu bati: Ngaaha, itwe nitwija kweraarira omu nguuto. 3Kwonka we yaabagyemesereza; baarugaho baakubuuka, baataaha omu nju ye; yaabateekyera obugyenyi burimu emigaati etatumbisiibwe; batyo baarya.
4Kwonka ku baabaire batakabyamire, abashaija b'omuri orwo rurembo Sodoma, abato n'abakuru boona oku batuura, baayehinguririza egyo nju. 5Reero baayeta Looti bati: Abashaija baija omwawe ogu mwabazyo barahi? Batushohoreze tubyame nabo. 6Looti atyo ashohora, abashanga aha muryango, ayegarura orwigi enyima. 7Haza abagira ati: Beene waitu, naabeeshengyereza mutakora ekintu kibi kityo. 8Reeba nyine bahara bangye babiri abashugaine, ka mbe nibo naabashohereza, mubagire nk'oku murikwenda; kwonka mutagira eki mwakora aba bashaija, ahabw'okuba baija kuraara omwangye. 9Baamugira bati: Tuhigize! Bongyera bati: Eki kishaija kikaija kushuuhuuka, reeba nikyenda kwehindura omuramuzi! Mbwenu twaza kukukora kubi okukira oku twakubagizire. Batyo bamiganira ahari ogwo mushaija Looti, bairira haihi kucwa orwigi. 10Kwonka bari bashaija bashohoza emikono bakununkirira Looti, bamutaasya omu nju ahi bari; bakinga orwigi. 11Kandi bahumya amaisho g'abo bashaija bari aha rwigi rw'enju, abato n'abakuru bafa kubi nibakorakoza kusherura orwigi.
12Bwanyima abo bashaija bagira Looti, bati: Oine abandi abu oine aha? Bakwe baawe, batabani baawe, bahara baawe, nari ondi weena ou oine omuri oru rurembo? Baihe omuri ogu mwanya, 13ahabw'okuba turi haihi kugucwekyereza. Manya okuborooga kw'abarikwetomboitera abantu baamwo, Nyakubaho akuhuriire. Nikyo atutumiire kurucwekyereza! 14Looti atyo ashohora, agira abakwe abaabaire nibagamba obugyenyi bahara be, ati: Nimwimukye murugye omu mwanya ogu, ahabw'okuba Mukama ari haihi kucwekyereza oru rurembo. Kwonka ahari bakwe be, yaashusha nk'orikuteera obuyaga.
Okucwekyerezibwa kwa Sodoma na Gomora
15Ku bwabaire nibutaagurikana, baamaraika baarigitirira Looti, bati: Imuka otware omukazi waawe na bahara baawe bombi abari aha, mutakaafubirwa hamwe n'ab'omuri oru rurembo.
16Kwonka we yaayeziringa; abo bashaija nikwo kumukwata omukono n'omukazi we n'abahara be bombi bakamushohoza, bakamuhitsya aheeru y'orurembo, ahabw'okuba Nyakubaho akamugirira embabazi.
17Ku baaherize kubashohoza, omwe ahari baamaraika abo yaagira Looti, ati: Hunga okize amagara, haza otareeba enyima, nobu kwakuba okugira ahi waayemerera omu oru ruhita, kureka ohungire omu bibungo otakaahwerekyerera. 18Looti nawe abagira ati: Ngaaha! Nyaabura 'mwe, bakama bangye! 19Reeba nyowe omwiru waanyu mwankunda kandi mwangirira embabazi nyingi, mwankiza okufa; kwonka shi tindikubaasa kuhungira omu bibungo ntakaahikwaho akabi nkafa. 20Reeba orurembo ruriya obuseeri, orukye kandi orundi haihi kuhungiramu. Ka mbe nirwo naahungiramu. Mbwenu shi ti rukye? Haza niyo ndaakirize amagara. 21N'onu amugira ati: Reeba ekyo nakyo naakikwikiriza; tindikwija kucwekyereza orwo rurembo ru waagamba. 22Rahuka obe niyo waahungira; manya tindikwija kukora kintu kyona okuhitsya obu oraahikyeyo. Nikyo orwo rurembo rwayeteirwe Zoari.#19:22 Zoari: Amakuru ngu omukye. 23Looti atyo ahika Zoari, akashana kaatagata.
24Bwanyima Nyakubaho akafukunkura ahari Sodoma na Gomora obuganga n'omuriro ebirikumurugaho omu iguru; 25yaacwekyereza ezo ndembo n'oruhita rwona n'abatuuzi baamwo boona n'ebyabaire bimezire omu itaka. 26Mbwenu obwo, muka Looti akaba akuratiire iba, haza ku yaareebire enyima yaahinduka enyomyo y'omwonyo.
27Bwanyima Aburahamu akaimuka kare omu kasheeshe, yaaza ahi yaayemereire omu maisho ga Nyakubaho. 28Yaanaga amaisho ahansi embari ya Sodoma na Gomora, n'ogurikugarura omu nsi yoona ey'oruhita, ahonaaho yaareeba omwika gw'egyo nsi nigucumbuuka nk'ogw'ekikoomi.
29Ruhanga obu yaacwekyereza endembo z'omuri orwo ruhita, ezi Looti yaabaire atwiremu, nikwo yaijukire atyo Aburahamu akatambira Looti okucwekyerera.
Obukomooko bw'Abamoabu n'Abaamoni
30Mbwenu Looti akaruga Zoari, yainamuka omu bibungo, yaatuurayo n'abahara be bombi, ahabw'okuba akatiina kutuura Zoari; yaaguma naaraara omu nyanga na bahara be bombi. 31Reero omwishiki omujigaijo yaagira ow'omushubiro, ati: Tataitwe akuzire, kandi omu nsi egi tiharimu mushaija w'okutushwera nk'oku batwaza omu nsi yoona. 32Mbwenu ija tunyweise tataitwe viino tumusinze, haza tubyame nawe; tubone kwetsigariza oruzaaro rwa tataitwe. 33Batyo ekyo kiro baanyweisa ishebo viino; omwishiki omukuru yaataahamu yaabyama na ishe, haza we tiyaamanya bunaku bu ogwo mwishiki yaabyamiireho n'obu yaimukiireho. 34Aha izooba ryakuratsireho, omukuru yaagira omuto ati: Reeba nyekiro mbyamire na tata, mbwenu eki kiro ka tugarukye tumunyweise viino asinde, haza naiwe otaahemu obyame nawe tubone kwetsigariza oruzaaro rwa tataitwe. 35Batyo ekyo kiro bagaruka banyweisa ishebo viino; omwishiki omuto aimuka abyama nawe; n'onu tamanya bunaku bu yaabyamiraho n'obu yaimukiraho. 36Bahara ba Looti bombi batwekwa ishebo batyo. 37Ow'omujigaijo azaara omutabani, amweta Moabu#19:37 Moabu: Nikimanyisa owaakomookire ahari tata niwe ishenkuru w'Abamoabu n'okuhitsya eri izooba. 38Ow'omushubiro nawe azaara omutabani amweta Ben-ammi#19:38 Ben-ammi: Nikimanyisa mutabani wa mwene waitu. niwe ishenkuru w'Abaamoni okuhitsya n'eri izooba.
Ebya Aburahamu na Abimeleki
Currently Selected:
Kut 19: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kut 19
19
1Baamaraika abo bombi bakahika Sodoma omu mwabazyo, baashanga Looti ashutami aha irembo rya Sodoma. Looti ku yaabareebire, yaimuka kuza kubabugana; yainama, yaajuumara ahansi, 2yaagira ati: Bakama bangye, nimbeeshengyereza mukubuukye, mutaahe omu nju y'omwiru waanyu, muraare, munaabe ebigyere, haza nyencakare mwimukye kare, mugumizemu orugyendo rwanyu. Baamugarukamu bati: Ngaaha, itwe nitwija kweraarira omu nguuto. 3Kwonka we yaabagyemesereza; baarugaho baakubuuka, baataaha omu nju ye; yaabateekyera obugyenyi burimu emigaati etatumbisiibwe; batyo baarya.
4Kwonka ku baabaire batakabyamire, abashaija b'omuri orwo rurembo Sodoma, abato n'abakuru boona oku batuura, baayehinguririza egyo nju. 5Reero baayeta Looti bati: Abashaija baija omwawe ogu mwabazyo barahi? Batushohoreze tubyame nabo. 6Looti atyo ashohora, abashanga aha muryango, ayegarura orwigi enyima. 7Haza abagira ati: Beene waitu, naabeeshengyereza mutakora ekintu kibi kityo. 8Reeba nyine bahara bangye babiri abashugaine, ka mbe nibo naabashohereza, mubagire nk'oku murikwenda; kwonka mutagira eki mwakora aba bashaija, ahabw'okuba baija kuraara omwangye. 9Baamugira bati: Tuhigize! Bongyera bati: Eki kishaija kikaija kushuuhuuka, reeba nikyenda kwehindura omuramuzi! Mbwenu twaza kukukora kubi okukira oku twakubagizire. Batyo bamiganira ahari ogwo mushaija Looti, bairira haihi kucwa orwigi. 10Kwonka bari bashaija bashohoza emikono bakununkirira Looti, bamutaasya omu nju ahi bari; bakinga orwigi. 11Kandi bahumya amaisho g'abo bashaija bari aha rwigi rw'enju, abato n'abakuru bafa kubi nibakorakoza kusherura orwigi.
12Bwanyima abo bashaija bagira Looti, bati: Oine abandi abu oine aha? Bakwe baawe, batabani baawe, bahara baawe, nari ondi weena ou oine omuri oru rurembo? Baihe omuri ogu mwanya, 13ahabw'okuba turi haihi kugucwekyereza. Manya okuborooga kw'abarikwetomboitera abantu baamwo, Nyakubaho akuhuriire. Nikyo atutumiire kurucwekyereza! 14Looti atyo ashohora, agira abakwe abaabaire nibagamba obugyenyi bahara be, ati: Nimwimukye murugye omu mwanya ogu, ahabw'okuba Mukama ari haihi kucwekyereza oru rurembo. Kwonka ahari bakwe be, yaashusha nk'orikuteera obuyaga.
Okucwekyerezibwa kwa Sodoma na Gomora
15Ku bwabaire nibutaagurikana, baamaraika baarigitirira Looti, bati: Imuka otware omukazi waawe na bahara baawe bombi abari aha, mutakaafubirwa hamwe n'ab'omuri oru rurembo.
16Kwonka we yaayeziringa; abo bashaija nikwo kumukwata omukono n'omukazi we n'abahara be bombi bakamushohoza, bakamuhitsya aheeru y'orurembo, ahabw'okuba Nyakubaho akamugirira embabazi.
17Ku baaherize kubashohoza, omwe ahari baamaraika abo yaagira Looti, ati: Hunga okize amagara, haza otareeba enyima, nobu kwakuba okugira ahi waayemerera omu oru ruhita, kureka ohungire omu bibungo otakaahwerekyerera. 18Looti nawe abagira ati: Ngaaha! Nyaabura 'mwe, bakama bangye! 19Reeba nyowe omwiru waanyu mwankunda kandi mwangirira embabazi nyingi, mwankiza okufa; kwonka shi tindikubaasa kuhungira omu bibungo ntakaahikwaho akabi nkafa. 20Reeba orurembo ruriya obuseeri, orukye kandi orundi haihi kuhungiramu. Ka mbe nirwo naahungiramu. Mbwenu shi ti rukye? Haza niyo ndaakirize amagara. 21N'onu amugira ati: Reeba ekyo nakyo naakikwikiriza; tindikwija kucwekyereza orwo rurembo ru waagamba. 22Rahuka obe niyo waahungira; manya tindikwija kukora kintu kyona okuhitsya obu oraahikyeyo. Nikyo orwo rurembo rwayeteirwe Zoari.#19:22 Zoari: Amakuru ngu omukye. 23Looti atyo ahika Zoari, akashana kaatagata.
24Bwanyima Nyakubaho akafukunkura ahari Sodoma na Gomora obuganga n'omuriro ebirikumurugaho omu iguru; 25yaacwekyereza ezo ndembo n'oruhita rwona n'abatuuzi baamwo boona n'ebyabaire bimezire omu itaka. 26Mbwenu obwo, muka Looti akaba akuratiire iba, haza ku yaareebire enyima yaahinduka enyomyo y'omwonyo.
27Bwanyima Aburahamu akaimuka kare omu kasheeshe, yaaza ahi yaayemereire omu maisho ga Nyakubaho. 28Yaanaga amaisho ahansi embari ya Sodoma na Gomora, n'ogurikugarura omu nsi yoona ey'oruhita, ahonaaho yaareeba omwika gw'egyo nsi nigucumbuuka nk'ogw'ekikoomi.
29Ruhanga obu yaacwekyereza endembo z'omuri orwo ruhita, ezi Looti yaabaire atwiremu, nikwo yaijukire atyo Aburahamu akatambira Looti okucwekyerera.
Obukomooko bw'Abamoabu n'Abaamoni
30Mbwenu Looti akaruga Zoari, yainamuka omu bibungo, yaatuurayo n'abahara be bombi, ahabw'okuba akatiina kutuura Zoari; yaaguma naaraara omu nyanga na bahara be bombi. 31Reero omwishiki omujigaijo yaagira ow'omushubiro, ati: Tataitwe akuzire, kandi omu nsi egi tiharimu mushaija w'okutushwera nk'oku batwaza omu nsi yoona. 32Mbwenu ija tunyweise tataitwe viino tumusinze, haza tubyame nawe; tubone kwetsigariza oruzaaro rwa tataitwe. 33Batyo ekyo kiro baanyweisa ishebo viino; omwishiki omukuru yaataahamu yaabyama na ishe, haza we tiyaamanya bunaku bu ogwo mwishiki yaabyamiireho n'obu yaimukiireho. 34Aha izooba ryakuratsireho, omukuru yaagira omuto ati: Reeba nyekiro mbyamire na tata, mbwenu eki kiro ka tugarukye tumunyweise viino asinde, haza naiwe otaahemu obyame nawe tubone kwetsigariza oruzaaro rwa tataitwe. 35Batyo ekyo kiro bagaruka banyweisa ishebo viino; omwishiki omuto aimuka abyama nawe; n'onu tamanya bunaku bu yaabyamiraho n'obu yaimukiraho. 36Bahara ba Looti bombi batwekwa ishebo batyo. 37Ow'omujigaijo azaara omutabani, amweta Moabu#19:37 Moabu: Nikimanyisa owaakomookire ahari tata niwe ishenkuru w'Abamoabu n'okuhitsya eri izooba. 38Ow'omushubiro nawe azaara omutabani amweta Ben-ammi#19:38 Ben-ammi: Nikimanyisa mutabani wa mwene waitu. niwe ishenkuru w'Abaamoni okuhitsya n'eri izooba.
Ebya Aburahamu na Abimeleki
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.