Kut 27
27
1Isaaka ku yaakuzire, n'amaisho ge gaagiirweho oruho atakibaasa kuhweza gye, yaayeta Esau omutabani omukuru, yaamugira ati: Mwana wangye! Onu ati: Ndi aha, taata! 2N'onu amugira ati: Reeba nkuzire kandi tindikumanya izooba ri ndifeeraho. 3Mbwenu nu gira eby'okuhiigisa byawe, omutana n'obuta, oze omu ishwa ompiigireyo enyamaishwa. 4Reero onteekyere ak'okurya kanuzire aku nkunda, okandeetere nkarye, haza nkushabire omugisha ntakakabire.
5Mbwenu obu Isaaka yaabaire naagambira omutabani Esau, Rebeka akaba ategire okutu. Esau ku yaagiire omu ishwa kuhiiga enyamaishwa n'okugireeta, 6Rebeka yaagira omutabani Yakobo ati: Naahurira sho naagambira mukuru waawe Esau ati: 7Ndeetera enyama y'enyamaishwa ei oraite ohiigire, onteekyere ak'okurya kanuzire nkarye, haza nkushabire Mukama omugisha ntakakabire. 8Mbwenu nu, mwana wangye, mpurira okore ebi ndaakuragiire. 9Irooko oze omu busyo bw'embuzi, onyihireyo ebyagazi bibiri birungi, mbiteekyeremu shoimwe ebyokurya binuzire nk'oku akunda. 10Haza obitwarire shoimwe abirye, akushabire omugisha atakafiire.
11Kwonka Yakobo agira Rebeka nyina, ati: Ka noomanya mukuru wangye Esau ku ari omuntu w'obwoya, kandi nyowe ku ndi ow'omubiri gurikuterera. 12Obundi tata akankorakora nshusha nk'orikumugaaniiza, haza nyereetera omukyeeno omu mwanya gw'omugisha. 13Reero nyina amugarukamu ati: Ogwo mukyeeno gwawe gube niinye gwagwera mwana wangye, kureka ekyawe n'okukora ebi naakugambira, okagyenda okabindeetera. 14N'onu atyo agyenda, abiihayo abireetera nyina. Na nyina ateeka ebyokurya binuzire nk'ebi ishe akunda. 15Bwanyima Rebeka aihayo eby'okujwara by'omutabani omukuru Esau ebirungi, ebi Rebeka yaabaire aine omu nju, abijweka Yakobo omutabani omuto. 16Kandi amujweka empu z'abo baagazi, aha mikono n'omu maraka ge aharikuterera. 17Atyo akwatsa omutabani Yakobo ebyo byokurya binuzire, n'omugaati ebi yaateeka; 18n'onu agyenda, ahika ishe, amugira ati: Taata! Onu ati: Ndi aha! Beitu mwana wangye ori oha? 19Yakobo agarukamu ishe ati: Ndi Esau omujigaijo gwawe. Naakora nk'oku wangambira. Mbwenu shutama orye ebi naakuhiigira, obone kunshabira omugisha. 20Isaaka nawe agira omutabani ati: Beitu shi mwana wangye, waarahuka ota kugibona? Onu amugarukamu ati: Manya Mukama Ruhanga waawe niwe yampiira. 21Mpaho Isaaka agira Yakobo, ati: Hika aha nkukorakore mwana wangye mbone kumanya ku oraabe ori buzimazima mutabani wangye Esau, nari otari we. 22Yakobo agyenda ahika Isaaka ishe haihi; n'onu amukorakora, kandi agira ati: Eiraka ka n'erya Yakobo, kwonka engaro ka n'eza Esau. 23Haza kwo tamwetegyereza ahabw'okuba engaro ze zikaba ziine obwoya nk'eza mukuru we Esau, atyo amushabira omugisha. 24Amubuuza ati: Kwokwo niiwe mwana wangye Esau? Onu ati: Eego niinye. 25Mpaho agira ati: Bindeetere, ndye eki iwe mutabani wangye wampiigira, haza nkushabire omugisha. Onu abimureetera, n'onu arya; amureetera na viino anywa. 26Bwanyima Isaaka ishe amugira ati: Hika aha mwana wangye onnywegyere. 27Onu amwirira haihi amunywegyera; na ishe akaga omugaju gw'ebijwaro bye; atyo amushabira omugisha naagira ati:
Reeba okutaamirana kw'omugaju
gwa mutabani wangye,
kuri nk'okw'omugaju gw'omu ishwa,
eri Nyakubaho
ahaire omugisha!
28Ruhanga naakakuhe orume
rurikuruga omu iguru
n'omweru gw'omu nsi,
n'engano nyingi na viino nyingi!
29Enganda z'abantu zikuheereze,
n'amahanga gakwinikire omutwe.
Weena orikukyeena akyeenwe;
na weena orikwendeza emigisha,
nawe aheebwe emigisha.
Esau okwetongyeza ishe ngu nawe amuhe omugisha
30Ahonaaho Isaaka, ku yaabaire yaaheza kushabira Yakobo omugisha, na Yakobo yaatsimbura ati ebigyere naaruga omu maisho ga Isaaka ishe, haija Esau naaruga kuhiiga. 31Nawe yaateeka ebyokurya binuzire yaabireetera ishe; haza yaamugira ati: Taata, imuka orye eki nyowe mutabani waawe naakuhiigira, obone kunshabira omugisha. 32Isaaka ishe yaamubuuza ati: Kandi shi iwe ori oha? Onu agarukamu ati: Niinye Esau mutabani waawe omujigaijo. 33Isaaka nikwo kutetema munonga akatengyeza, akamugira ati: Mbwenu shi n'oha owaahiiga akandeetera enyama y'eki yaita, nkagirya yoona otakaizire, haza nkamushabira omugisha? Eego! Kandi kwo naija kuheebwa emigisha. 34Esau ku yaahuriire ebyo bigambo bya ishe yaacura yaaborooga munonga, aine obusaasi butakareebwaga. Bwanyima yaagira ishe ati: Ai bambe, taata, naanye nshabira omugisha! 35Onu amugira ati: Manya murumuna waawe yaija naayehumbarika yaatwara omugisha gwawe. 36Ndi Esau, ati: Weeza kwo tikyo yaayeteirwe Yakobo?#27:36 Yakobo: Omu Ruyudaaya nikimanyisa okugobya. Manya ogu n'omurundi gwa kabiri nangobeza. Akantwaraho obukuru bwangye, mbwenu reeba yantwaraho n'omugisha gwangye. Bwanyima atyo amubuuza ati: Toine mugisha gu wantsigariza? 37Isaaka agarukamu Esau ati: Reeba naamuhindura mukama waawe, haza na beene ishe boona naabamuha kuba abairu be; kandi naamuha engano na viino by'okumutunga. Mbwenu mwana wangye ekindi nkukorere ki?
38Esau nikwo kubuuza ishe, ati: Taata oine omugisha gumwe gwonka? Naanye gira ogu wampa naakweshengyereza, taata! Esau atyo aborooga acura. 39Mpaho Isaaka ishe amugarukamu ati:
Mbwenu reeba oryaguma otwire
ah'omweru gw'ensi n'orume rurikuruga ahaiguru
omu iguru bitari.
40Rurara yaawe niyo erikubeisaho,
kandi oryaguma oheereze murumuna waawe.
Kwonka ku oryeyuzya ebikukomire,
oryahenda omugamba gwe,
ogwihe omu bitsya bwawe.
Rebeka okuhabura Yakobo kuhungira owa Labaani
41Okwiha obwo Esau yaayanga Yakobo naamutura omugisha ogu ishe yaamushabiire. Esau yaagira omu mutima gwe ati: Ebiro by'ekyosi kya tata biri haihi, haza ku biraahwe nyite murumuna wangye Yakobo. 42Reero baagambira Rebeka ebyo bigambo bya Esau omutabani omukuru, nawe nikwo kutuma ow'okweta Yakobo omutabani omuto, akamugira ati: Reeba mukuru waawe Esau naahiga kukwita. 43Mbwenu nu mwana wangye hurira eki ndikukugambira. Imuka ohungire Harani owa Labaani munyaanyazi; 44ogumeyo nawe okumara akaanya, okuhitsya obu mukuru waawe arihwa ekiniga, 45n'enziika ekamuruga aha mutima akeebwa eki omukozire. Reero obwo nibwo ndikutumaho nkakwihayo. Mbwenu shi nikingasira ki ku ndaabafiise mwembi eizooba rimwe?
46Bwanyima Rebeka yaagira Isaaka, ati: Abakazi Abahiiti banduhize. Mbwenu Yakobo ku araashwere omukazi omuri bahara b'Abahiiti ori nk'aba, omwe aha bakazi b'omuri egi nsi, obwo nimba ngasiirwe ki?
Isaaka okwohereza Yakobo owa Labaani kushwerayo
Currently Selected:
Kut 27: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kut 27
27
1Isaaka ku yaakuzire, n'amaisho ge gaagiirweho oruho atakibaasa kuhweza gye, yaayeta Esau omutabani omukuru, yaamugira ati: Mwana wangye! Onu ati: Ndi aha, taata! 2N'onu amugira ati: Reeba nkuzire kandi tindikumanya izooba ri ndifeeraho. 3Mbwenu nu gira eby'okuhiigisa byawe, omutana n'obuta, oze omu ishwa ompiigireyo enyamaishwa. 4Reero onteekyere ak'okurya kanuzire aku nkunda, okandeetere nkarye, haza nkushabire omugisha ntakakabire.
5Mbwenu obu Isaaka yaabaire naagambira omutabani Esau, Rebeka akaba ategire okutu. Esau ku yaagiire omu ishwa kuhiiga enyamaishwa n'okugireeta, 6Rebeka yaagira omutabani Yakobo ati: Naahurira sho naagambira mukuru waawe Esau ati: 7Ndeetera enyama y'enyamaishwa ei oraite ohiigire, onteekyere ak'okurya kanuzire nkarye, haza nkushabire Mukama omugisha ntakakabire. 8Mbwenu nu, mwana wangye, mpurira okore ebi ndaakuragiire. 9Irooko oze omu busyo bw'embuzi, onyihireyo ebyagazi bibiri birungi, mbiteekyeremu shoimwe ebyokurya binuzire nk'oku akunda. 10Haza obitwarire shoimwe abirye, akushabire omugisha atakafiire.
11Kwonka Yakobo agira Rebeka nyina, ati: Ka noomanya mukuru wangye Esau ku ari omuntu w'obwoya, kandi nyowe ku ndi ow'omubiri gurikuterera. 12Obundi tata akankorakora nshusha nk'orikumugaaniiza, haza nyereetera omukyeeno omu mwanya gw'omugisha. 13Reero nyina amugarukamu ati: Ogwo mukyeeno gwawe gube niinye gwagwera mwana wangye, kureka ekyawe n'okukora ebi naakugambira, okagyenda okabindeetera. 14N'onu atyo agyenda, abiihayo abireetera nyina. Na nyina ateeka ebyokurya binuzire nk'ebi ishe akunda. 15Bwanyima Rebeka aihayo eby'okujwara by'omutabani omukuru Esau ebirungi, ebi Rebeka yaabaire aine omu nju, abijweka Yakobo omutabani omuto. 16Kandi amujweka empu z'abo baagazi, aha mikono n'omu maraka ge aharikuterera. 17Atyo akwatsa omutabani Yakobo ebyo byokurya binuzire, n'omugaati ebi yaateeka; 18n'onu agyenda, ahika ishe, amugira ati: Taata! Onu ati: Ndi aha! Beitu mwana wangye ori oha? 19Yakobo agarukamu ishe ati: Ndi Esau omujigaijo gwawe. Naakora nk'oku wangambira. Mbwenu shutama orye ebi naakuhiigira, obone kunshabira omugisha. 20Isaaka nawe agira omutabani ati: Beitu shi mwana wangye, waarahuka ota kugibona? Onu amugarukamu ati: Manya Mukama Ruhanga waawe niwe yampiira. 21Mpaho Isaaka agira Yakobo, ati: Hika aha nkukorakore mwana wangye mbone kumanya ku oraabe ori buzimazima mutabani wangye Esau, nari otari we. 22Yakobo agyenda ahika Isaaka ishe haihi; n'onu amukorakora, kandi agira ati: Eiraka ka n'erya Yakobo, kwonka engaro ka n'eza Esau. 23Haza kwo tamwetegyereza ahabw'okuba engaro ze zikaba ziine obwoya nk'eza mukuru we Esau, atyo amushabira omugisha. 24Amubuuza ati: Kwokwo niiwe mwana wangye Esau? Onu ati: Eego niinye. 25Mpaho agira ati: Bindeetere, ndye eki iwe mutabani wangye wampiigira, haza nkushabire omugisha. Onu abimureetera, n'onu arya; amureetera na viino anywa. 26Bwanyima Isaaka ishe amugira ati: Hika aha mwana wangye onnywegyere. 27Onu amwirira haihi amunywegyera; na ishe akaga omugaju gw'ebijwaro bye; atyo amushabira omugisha naagira ati:
Reeba okutaamirana kw'omugaju
gwa mutabani wangye,
kuri nk'okw'omugaju gw'omu ishwa,
eri Nyakubaho
ahaire omugisha!
28Ruhanga naakakuhe orume
rurikuruga omu iguru
n'omweru gw'omu nsi,
n'engano nyingi na viino nyingi!
29Enganda z'abantu zikuheereze,
n'amahanga gakwinikire omutwe.
Weena orikukyeena akyeenwe;
na weena orikwendeza emigisha,
nawe aheebwe emigisha.
Esau okwetongyeza ishe ngu nawe amuhe omugisha
30Ahonaaho Isaaka, ku yaabaire yaaheza kushabira Yakobo omugisha, na Yakobo yaatsimbura ati ebigyere naaruga omu maisho ga Isaaka ishe, haija Esau naaruga kuhiiga. 31Nawe yaateeka ebyokurya binuzire yaabireetera ishe; haza yaamugira ati: Taata, imuka orye eki nyowe mutabani waawe naakuhiigira, obone kunshabira omugisha. 32Isaaka ishe yaamubuuza ati: Kandi shi iwe ori oha? Onu agarukamu ati: Niinye Esau mutabani waawe omujigaijo. 33Isaaka nikwo kutetema munonga akatengyeza, akamugira ati: Mbwenu shi n'oha owaahiiga akandeetera enyama y'eki yaita, nkagirya yoona otakaizire, haza nkamushabira omugisha? Eego! Kandi kwo naija kuheebwa emigisha. 34Esau ku yaahuriire ebyo bigambo bya ishe yaacura yaaborooga munonga, aine obusaasi butakareebwaga. Bwanyima yaagira ishe ati: Ai bambe, taata, naanye nshabira omugisha! 35Onu amugira ati: Manya murumuna waawe yaija naayehumbarika yaatwara omugisha gwawe. 36Ndi Esau, ati: Weeza kwo tikyo yaayeteirwe Yakobo?#27:36 Yakobo: Omu Ruyudaaya nikimanyisa okugobya. Manya ogu n'omurundi gwa kabiri nangobeza. Akantwaraho obukuru bwangye, mbwenu reeba yantwaraho n'omugisha gwangye. Bwanyima atyo amubuuza ati: Toine mugisha gu wantsigariza? 37Isaaka agarukamu Esau ati: Reeba naamuhindura mukama waawe, haza na beene ishe boona naabamuha kuba abairu be; kandi naamuha engano na viino by'okumutunga. Mbwenu mwana wangye ekindi nkukorere ki?
38Esau nikwo kubuuza ishe, ati: Taata oine omugisha gumwe gwonka? Naanye gira ogu wampa naakweshengyereza, taata! Esau atyo aborooga acura. 39Mpaho Isaaka ishe amugarukamu ati:
Mbwenu reeba oryaguma otwire
ah'omweru gw'ensi n'orume rurikuruga ahaiguru
omu iguru bitari.
40Rurara yaawe niyo erikubeisaho,
kandi oryaguma oheereze murumuna waawe.
Kwonka ku oryeyuzya ebikukomire,
oryahenda omugamba gwe,
ogwihe omu bitsya bwawe.
Rebeka okuhabura Yakobo kuhungira owa Labaani
41Okwiha obwo Esau yaayanga Yakobo naamutura omugisha ogu ishe yaamushabiire. Esau yaagira omu mutima gwe ati: Ebiro by'ekyosi kya tata biri haihi, haza ku biraahwe nyite murumuna wangye Yakobo. 42Reero baagambira Rebeka ebyo bigambo bya Esau omutabani omukuru, nawe nikwo kutuma ow'okweta Yakobo omutabani omuto, akamugira ati: Reeba mukuru waawe Esau naahiga kukwita. 43Mbwenu nu mwana wangye hurira eki ndikukugambira. Imuka ohungire Harani owa Labaani munyaanyazi; 44ogumeyo nawe okumara akaanya, okuhitsya obu mukuru waawe arihwa ekiniga, 45n'enziika ekamuruga aha mutima akeebwa eki omukozire. Reero obwo nibwo ndikutumaho nkakwihayo. Mbwenu shi nikingasira ki ku ndaabafiise mwembi eizooba rimwe?
46Bwanyima Rebeka yaagira Isaaka, ati: Abakazi Abahiiti banduhize. Mbwenu Yakobo ku araashwere omukazi omuri bahara b'Abahiiti ori nk'aba, omwe aha bakazi b'omuri egi nsi, obwo nimba ngasiirwe ki?
Isaaka okwohereza Yakobo owa Labaani kushwerayo
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.