2 Abhakörintö 2
2
1Mbe, ku bhuyö nkamaaha igha, m-buuya ntakaasha kö-bhëënyu, okore ntakaaghera mobhaabhayere ghwiki. 2Naarööshë igha ebhe igho, ko bhoora igha, hano ndaghere mobhaabhayere, taaho ömöntö ono araaghere öni nshomerwe hë, bhëënyu m-bëënyu abha okoghera öni nshomerwe, kasi bhoono noraanyoore momarrë okobhaabhayera mo-senkoro isyënyu. 3Kiyö nkyo kyaaghërrë nkabhandekera igha, tiniishe hë, okore enkoro iyaane, etakaabhaabhayera ko okoghera iya abhantö bhano nkwesegha igha, bhakaaghërrë nshomerwe. Nemanyirë igha, öni hano nashomerwa, na bhëënyu bhonswe nkushomerwa mörë. 4Naabhandëkëëyë ritashandighi reera ko okoghera ukwa inyanko na inyaanyi indito iya amaisöri amaaru këmwë eno naarë nayo mo-nkoro iyaane. Keno naatunanga, ti-igha mobhaabhayere mo-senkoro isyënyu hë, kasi naatunanga momanye kya bhono mbahanshirë bhököngʼu.
Ukwabhera omosarya
5Mbe, ömöntö ono yaaghera murikyaye akabhaabhayera, tö-öni umwene yaaghera mbabhayere hë, kasi yaaghera na bhëënyu bhonswe igho, mobhaabhayere. Kasi bhoono, tinkutuna igha, naaruhi amangʼana hë. 6Ubhushibhu bhono ömöntö uyö yaanyoora ukurwa kö-bhëënyu abhantö abhaaru, mbwisirë. 7Bhoono ömöntö uyö, ni-igha mumwabhere, kora mömöröörësinga, okore atakaabhaabhayera bhököngʼu, kora aheteerani. 8Ndabhasaasaama igha, momokore amanye igha mmomohanshirë. 9Engʼana iyëndë eno yaaghërrë nkabhandekera ritashandighi reera, ni-iya okomaaha nyoore mmunyighwera ko amangʼana ghonswe igho. 10Ömöntö wowonswe igho ono bhëënyu mukwabhera, öni wonswe marrë kumwabhera. Engʼana yoyonswe igho eno yaare-ho iya ukwabherwa ömöntö, iyö nabhëëyë mbere iya Yëësu Kiristo ko okoghera iya bhëënyu, 11okore Oghosambwa#2:11 Oghosambwa. Maaha mo-faharaasa. ghotakaatobhaaha, ko bhoora obhongʼaini ubhwagho, ntobhomanyirë.
Pauro mu-mughi ghono ghokobherekerwa igha Tiroa
12Mbe, hano naahikirë Tiroa okoraareka Amangʼana Amaiya agha Yëësu Kiristo, naanyöörrë Omonene amarrë okonkorra-ho umweya ughwa okokorra-ho emeremo. 13Kasi öni tenaighuurë bhuuya mo-nkoro iyaane hë, ko bhoora ntanyöörrë-ho Tiito, umukumya murikyane. Ku bhuyö nkaragha abhantö abha Tiroa hayö, nkatanora, ukughya Makedonia.
Obhobhaahi okohetera obhotoro ubhwa Yëësu Kiristo
14Kasi tukumi Waryobha ono aköghëndërrya okototangata senkaagha syonswe igho ku ukushengera obhobhaahi ubhwa Yëësu Kiristo. Waryobha nkoghera arë abhantö ahasë honswe igho, bhamanya Yëësu Kiristo okohetera kö-bhëëtö, nkobha ërë kya ukurumbaasa ukwa ikirumba ikiiya. 15Ni-igho ërë ko bhoora bhëëtö ni-kirumba ikiiya ikya Yëësu Kiristo ku-Waryobha, ko-bhantö bhano bhakötööribhwa, na ko bhano bhakusira. 16Ko bhano bhakusira, bhëëtö ni-kirumba ikya uruku keno kekoreeta uruku. Kasi ko bhano bhaköhönibhwa, bhëëtö ni-kirumba ikiiya, ikya öbhöhöru keno kekoreeta öbhöhöru. Bhoono nawë akotora okokora emeremo kya ghiyö? 17Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.
Currently Selected:
2 Abhakörintö 2: ssc
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
2 Abhakörintö 2
2
1Mbe, ku bhuyö nkamaaha igha, m-buuya ntakaasha kö-bhëënyu, okore ntakaaghera mobhaabhayere ghwiki. 2Naarööshë igha ebhe igho, ko bhoora igha, hano ndaghere mobhaabhayere, taaho ömöntö ono araaghere öni nshomerwe hë, bhëënyu m-bëënyu abha okoghera öni nshomerwe, kasi bhoono noraanyoore momarrë okobhaabhayera mo-senkoro isyënyu. 3Kiyö nkyo kyaaghërrë nkabhandekera igha, tiniishe hë, okore enkoro iyaane, etakaabhaabhayera ko okoghera iya abhantö bhano nkwesegha igha, bhakaaghërrë nshomerwe. Nemanyirë igha, öni hano nashomerwa, na bhëënyu bhonswe nkushomerwa mörë. 4Naabhandëkëëyë ritashandighi reera ko okoghera ukwa inyanko na inyaanyi indito iya amaisöri amaaru këmwë eno naarë nayo mo-nkoro iyaane. Keno naatunanga, ti-igha mobhaabhayere mo-senkoro isyënyu hë, kasi naatunanga momanye kya bhono mbahanshirë bhököngʼu.
Ukwabhera omosarya
5Mbe, ömöntö ono yaaghera murikyaye akabhaabhayera, tö-öni umwene yaaghera mbabhayere hë, kasi yaaghera na bhëënyu bhonswe igho, mobhaabhayere. Kasi bhoono, tinkutuna igha, naaruhi amangʼana hë. 6Ubhushibhu bhono ömöntö uyö yaanyoora ukurwa kö-bhëënyu abhantö abhaaru, mbwisirë. 7Bhoono ömöntö uyö, ni-igha mumwabhere, kora mömöröörësinga, okore atakaabhaabhayera bhököngʼu, kora aheteerani. 8Ndabhasaasaama igha, momokore amanye igha mmomohanshirë. 9Engʼana iyëndë eno yaaghërrë nkabhandekera ritashandighi reera, ni-iya okomaaha nyoore mmunyighwera ko amangʼana ghonswe igho. 10Ömöntö wowonswe igho ono bhëënyu mukwabhera, öni wonswe marrë kumwabhera. Engʼana yoyonswe igho eno yaare-ho iya ukwabherwa ömöntö, iyö nabhëëyë mbere iya Yëësu Kiristo ko okoghera iya bhëënyu, 11okore Oghosambwa#2:11 Oghosambwa. Maaha mo-faharaasa. ghotakaatobhaaha, ko bhoora obhongʼaini ubhwagho, ntobhomanyirë.
Pauro mu-mughi ghono ghokobherekerwa igha Tiroa
12Mbe, hano naahikirë Tiroa okoraareka Amangʼana Amaiya agha Yëësu Kiristo, naanyöörrë Omonene amarrë okonkorra-ho umweya ughwa okokorra-ho emeremo. 13Kasi öni tenaighuurë bhuuya mo-nkoro iyaane hë, ko bhoora ntanyöörrë-ho Tiito, umukumya murikyane. Ku bhuyö nkaragha abhantö abha Tiroa hayö, nkatanora, ukughya Makedonia.
Obhobhaahi okohetera obhotoro ubhwa Yëësu Kiristo
14Kasi tukumi Waryobha ono aköghëndërrya okototangata senkaagha syonswe igho ku ukushengera obhobhaahi ubhwa Yëësu Kiristo. Waryobha nkoghera arë abhantö ahasë honswe igho, bhamanya Yëësu Kiristo okohetera kö-bhëëtö, nkobha ërë kya ukurumbaasa ukwa ikirumba ikiiya. 15Ni-igho ërë ko bhoora bhëëtö ni-kirumba ikiiya ikya Yëësu Kiristo ku-Waryobha, ko-bhantö bhano bhakötööribhwa, na ko bhano bhakusira. 16Ko bhano bhakusira, bhëëtö ni-kirumba ikya uruku keno kekoreeta uruku. Kasi ko bhano bhaköhönibhwa, bhëëtö ni-kirumba ikiiya, ikya öbhöhöru keno kekoreeta öbhöhöru. Bhoono nawë akotora okokora emeremo kya ghiyö? 17Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.