Lik 6
6
Runti Gimi ay Miltí oko meene ta nambiti
(Elloŋ Matiye 12.1-8, Mark 2.23-28)
1Gaa meene kaƴi ta nambiti, ga Iisa ƴelewɗo ma botol ma petay ganna ku gemeyyi. Guu jobookeetee ɗemeɗɗo ganaadalgee, guu yoyowɗiy picco, gu ayamɗo. 2Guu Pariziyennigee daare beneyyiyyoo goo: «Hukumnigeetine oko kee Yawudigeyyo pa toɗokkine lubbi ma meene ta nambiti. A gaa kuŋ pa, ayme ku loboɗɗo?» 3Gaa Iisa pa tiiliyyoo gaa: «Ku garkiyya ɗa kaytiŋ aattí Kitamniti Mellayi latta maa ga sultan Dawud leelo e? Meene kaƴi gi maya deyyiy ma gittee. 4Ay kaaka appe ga un̰n̰iɗe bazzane ta waagiti ma Mella, gaa deeɗiya icca mappa ma duwenta oko Mellayi, gaa aymiɗe o ga biryoo kulla oko gittee maa gu marawɗe. Mappa kaaka pa ampane kee, gu hukumnigeetine oyowwiyo oko soƴoowee ku saɗikaŋgeyyo ka gu ayamɗo#6.4 Elloŋ 1 Samiyel 21.2-7 o Soƴoowee ku Saɗikaŋgeyyo 24.9..» 5Gaa Iisa beneyyiyyoo payya gaa: «Runti Gimi pa ay Miltí oko meene ta nambiti.»
Iisa rayyadda gimu maa ga pitti maatenta
(Elloŋ Matiye 12.9-14, Mark 3.1-6)
6Gaa ma meene kaƴi payya ta nambiti, ga Iisa un̰n̰iɗe aatti girco Yawudigeyyo ka giraaniti, gaa garkayɗiy. Gaa lekkiɗo iŋaa gimu maa ga pitti ka tiyaawa maatenta. 7Guu aalimnigee ku Kitamniti Muusa o Pariziyennigee elelɗiya samaane Iisa baŋ ga rayyaddaa aɗɗe gimu kaaka ma meene ta nambiti, asan gu guta deyekke ma rayyido taata gu gassiyyee botol ka luumiyti unco taattuweeco Yawudigeyyo. 8Gaa Iisa soopa ibinicca mooyico taata. Ay kaaka appe ga beneyyiyyee oko miiɗi ka pitti maatenta kaaka gaa: «Wacu! Ki warriɗo uwwa ɗaɗɗakkico giimo.» Gaa miiɗi waciɗe ga warriɗe.
9Gaa Iisa beneyyiyyoo oko aalimnigee o Pariziyennigee kotti pa gaa: «Na enaatoŋ ƴa: Hukumnigeetine oyowwine ma meene ta nambiti ke lewɗo samaane e, e ke lewɗo miɗɗa? Ke najjiyicca hayaatanti gimi e, e baŋ ke duwiyyee ga maatiɗo?» 10Gaa Iisa elliɗiy paracco gaa beneyyiyyee oko miiɗi gaa: «Taariya piccum!» Gaa miiɗi kaaka taariyya pitti, gaa maa ga taariyya, ga pitti rayyidiɗe.
11Guu Pariziyennigee o aalimnigee kotti soopa boŋsiɗe ta tirta guu boodiɗe aacco baŋ gu leewe ini me ka miɗɗa oko Iisa.
Iisa aparra n̰amaakee orro o seera
(Elloŋ Matiye 10.1-4, Mark 3.13-19)
12Gaa oko wikinne kaaka, ga Iisa kalpiɗe jappiti ku maa ga deeɗiya inna Mella. Gaa inniyya aandoŋ kaaka paratti. 13Maa ga were walɗe, gaa jooriɗiy jobookeetee. Gaa apirɗe min aacco orro o seera. Gaa kolliɗiy gaa ‘n̰amaakee’. 14N̰amaakeetee kotti pa ay ini: Simo maa ga Iisa oyyiyee seme daare gaa Piyer o sinti Simo maa goo Andire, o Zak#6.14 Zak pa ay sinti Yaaya. o Yaaya, o Pilip o Bartelemi, 15o Matiye o Toma, o Zak ma ay runti Alpee o Simo maa gu kolaa goo gimu ma deyekka gu guta ma ay Yawudigee hikimiyicca kiɗaaco#6.15 Oko wikinniti Iisa, gu giimi ma aŋka horriye ta Yawudigeyyo aŋkiy ɗa Roomennigee ma hekemmiyiy kiɗaaco o gu bokaa ku maa gu gassicca horriye kiɗaaco., 16o Yud ma ay runti Zak o Yudas Iskariyot ma akkiya bira Iisa picco giimo.
Iisa garkayyay giimi o ga rayyadday
(Elloŋ Matiye 4.23-25)
17Gaa min jappiti ga Iisa ma n̰amaakeetee zaariɗe, guu deeɗe warra were ka ɗeerenta. Iŋaa pa ga asiy gassa jobookeetee ku maani o giimi daare kulla maani ma ase min kiɗa parattí ta Yudee, o min geegar ka Zerizalem, o min diyargee ma aaye kiɗa ta Tir o ta Sidon, biití baharre ta yaata. 18Guta pa asee gu asiɗiy giyya beneyyiŋgeetee Iisa o ku maa ga asiɗiy rayyida min paraayiŋgeeco, o giimi ma deegeyye ma awaaradgee kulla ga pittiyoogu gu rayyidiɗe. 19Giimi paracco deyekka eesiti asan gi lekka gudirane ma okomma min oko gata, gii rayyaɗɗiy paracco.
Baariko o diigane
(Elloŋ Matiye 5.1-12)
20Gaa Iisa elelɗiy jobookeetee gaa beneyyiɗe gaa:
«Baarikenta ay kuŋ ka saamo,
asan ga Mella oyaatoŋ ku un̰n̰iɗo mulunniti Mellayi.
21Baarikenta ay kuŋ ma mayyeeta haŋka,
asan ku akka tee ku ayyiɗo.
Baarikenta ay kuŋ ma zorontoyye haŋka,
asan ku akka gella.
22Ku baarikenta guu giimi ɗakattitoŋ, o gu pocaatoŋ, o gu n̰elekkatoŋ, o gu beneyya miɗɗa ma gaartoŋ, asan ku ay jobookeetee Runti Gimi. 23Guu gaari kooko asitoŋ, ku parhinoŋ o ku waaroŋ ma parhane, asan ga Mella akkitoŋ bira haggane ta samaane ta tirta teete gonek samaani. A guta pa, giimi ma deegeyyatoŋ kotti, gu kookuweeco pa kulla diigiyyiy pe nabiinigee goŋŋa aɗe#6.23 Elloŋ 2 Jeppico Gaarco Salaataŋgeyyo 36.16 o Lubaakico N̰amaakeetee Iisa Masi 7.52. Kuu garkiyiy aayaŋgee kooko ku ebenna kadar gu nabiinigee kulla gu giimi diigiyiy pe goŋŋa aleŋ teete aɗe..
24A diigane soopa ay oko kuŋ ma ay ayaawee,
asan ku gasakkica paaɗe haggantoŋ parattí.
25Diigane ay oko kuŋ ma ayee tiyaw haŋka,
asan ku akka dee mayyeeta.
Diigane ay oko kuŋ ma gelaa haŋka,
asan ku akka zorontoyya o ku akka erecca.
26Diigane ay oko kuŋ maa gu giimi paracco beneyya samaane ma gaartoŋ, asan gu kookuweeco kulla beneyye pe samaane goŋŋa aɗe ma gaarco giimi ma leewe goo gu ay nabiinigee.»
Ƴekko oko kasiimigeyyo
(Elloŋ Matiye 5.38-48, 7.12)
27Gaa Iisa beneyɗo missa gaa: «Oko kuŋ soopa ma geewano, na beneyyatoŋ naa: Ƴekkoŋgu giimi ma aŋkitoŋ ɗa, leewaniyo samaane oko giimi ma ɗakattitoŋ. 28Baarakkoŋgu giimi ma bolaatoŋ o ku enewwaniyo Mella oko giimi ma deegeyyitoŋ. 29Gaa gimu ɗaacum gaamcum ta kaƴi, ki ribileeca kulla gatti tatik. Gaa gimu icciya kaɗiyyicum ka tatta, ki duweega kulla ka rootta. 30Kulla gimu maa gaa innum maatiki, ki biree. Gaa gimu iccamga maatikicum, ki ayya inna ɗa. 31Garrarri paracco maa ku aŋka gu gittoŋ lewɗitoŋgu, ga kuŋ kulla leewaniyoogu. 32Kuu ƴekka giimi ma ƴekkatoŋ ka pa, ku leelo ɗa ya maatiki ma ay ka logaawi. A giimi ma leewa zunubgee kulla ƴekkay aleŋ taata aɗe giimi ma ƴekkay. 33A kuu leewaniyo samaane oko giimi ma laatoŋ samaane, ga kaaka pa lekka ɗa ya maatiki ma ay ka logaawi. A giimi ma leewa zunubgee kulla leewayo samaane oko giimi ma laayo samaane. 34A kuu beraayo ɗannanni oko giimi maa ku moyaa kadar gu akkitoŋ pilka, kaaka lekka ɗa ya maatiki ma ay ka logaawi. A giimi ma leewa zunubgee kulla beraa ɗannanni beenannico ku maa gu pilkiyyo gurus aleŋ maa gu ecekke kaaka saa. 35A kuŋ soopa, ƴekkoŋgu kasiimigeetoŋ, leewaniyo samaane o ku berewwaniyo ɗannanni bala ucaw ta pilkiti. Goŋŋa ku gasakka haggane ta samaane ta tirta o ku deewa rontee Mella ka Uwwa ta kaw. Gata pa gidaani oko giimi ma leewee ɗa barkinti o oko giimi ma gidaani ɗa. 36Deyyoŋ unenta ma gidaanuwe oko giimo, aleŋ Tattoŋ ma unenta ta kaw ma gidaanuwe oko giimo#6.36 Elloŋ Oomiti min Masir 34.6 o Soom 86.15..»
Aɗaaniyo caɗaa ɗa parlane oko giimo
(Elloŋ Matiye 7.1-5)
37Gaa Iisa beneyyiyyoo payya gaa: «Aɗoŋ leewa ɗa unco giimo kuu ku ay caɗaawee ku parlanti. Goŋŋa ga Mella kulla caɗaatoŋ ɗa parlane. Aɗaaniyo kopokka ɗa ma garrarri oko giimo. Goŋŋa gi parlanti Mellayi kulla bagaatoŋ ɗa. Saamayyoŋ, goŋŋa ga Mella kulla saamayyatoŋ. 38Berewwoŋ, goŋŋa ga Mella kulla beraatoŋ. Gata beraatoŋ aleŋ gimu ma kalaatoŋ korƴo maani laaŋiti unenta o gi yaagenta namma gu potoɗɗo. Mella pa beraatoŋ aleŋ maa ku beraayo oko giimo.»
39Gaa Iisa gaayiyyooca masal teete gaa: «Koor̰ ɗan̰akka aɗɗe giiti ma ay koor̰? Haha. Goŋŋa gu solokka serco beenati! 40Jobookati garaawayi gi ibinti ƴiilaca ɗa ta garaawati. Ay jobooka ma garkiyenta samaane soopa, gi ibinti deewa aleŋ ta garaawati.
41«Ayme ki elelɗiya n̰aalu ma aaye iɗiiti giicum, o barlu ma aaye iɗiicum pa, ki ellaa ɗa? 42Ki gederra pe kii me ki beneyyiyyee oko giicum kii: “Sintu, duwaw ɗe na cimmiyyamga n̰aalu ma aaye iɗiicum.” A ki pa ellaa ɗa barlu ma aaye oko tancum. Ki ay gimu ma beneyya ma biicum ka, ka galbancum pa kayti! Cimmiyya ƴa omma barlu ma aaye oko tancum. Goŋŋa ki ella saa pe caraŋ ki cimmiyyeega n̰aalu ma aaye iɗiiti giicum.»
Ettu ma rontee
(Elloŋ Matiye 7.16-20, 12.33-35)
43Gaa Iisa beneyɗiyo missa gaa: «Ettu ka samaane weewa ɗa miici ma daana ɗa, o ka miɗɗa pa kulla weewa ɗa miici ma daana. 44Kulla ettu aɗe gu ibinya ma rontee. Ki jakaa ɗa ronti booti min miiri, o ki jakaa ɗa mor̰mor̰oskee min n̰orɗokoyyi. 45Gimu ka gidaani leewa gaari ku samaane asan gi galbanti samaane. A gimu ka gidaani ɗa soopa leewa gaari ku miɗɗa asan gi galbanti miɗɗa. A gata pa maa ga biiti gimi cemekka ay ma unenta galbanti.»
Gerra ku seera
(Elloŋ Matiye 7.24-27)
46Gaa Iisa gaayiyyoo gaa: «Ayme ku kolowɗino kuu: “Miltini, Miltini”, o ku leewaa ɗa maa na beneyyatoŋ? 47Na gaaratoŋ ƴa baŋ ga gimu ma asaa oko naa, ma geeway beneyyiŋgeetaw o ga jobokkay, saabayye we? 48Gata saabayye aleŋ gimu ma delaa geewiti giiri. Gata caraa namma ya tirmilli hatta gaa diilicca balti giiri. Maa gi tarro ga ase asa, gii kawwiɗe ya giiri, gu ammi alɗiya yaaga ɗa ger kaaka, asan ga gekee were ka talta. 49A gimu soopa ma geeway beneyyiŋgeetaw o ga jobokkay ɗa, saabayye aleŋ gimu ma geewe ger kiɗaati ka bala caaro namma ya dambeyyo. Gii tarro une namma gi kawwiɗe ya giiri pa, ga ger kaaka nowotta ɗa, galaa. Gii marɗe pe kiɗa ka kendilenta.»
Currently Selected:
Lik 6: mmy
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
Lik 6
6
Runti Gimi ay Miltí oko meene ta nambiti
(Elloŋ Matiye 12.1-8, Mark 2.23-28)
1Gaa meene kaƴi ta nambiti, ga Iisa ƴelewɗo ma botol ma petay ganna ku gemeyyi. Guu jobookeetee ɗemeɗɗo ganaadalgee, guu yoyowɗiy picco, gu ayamɗo. 2Guu Pariziyennigee daare beneyyiyyoo goo: «Hukumnigeetine oko kee Yawudigeyyo pa toɗokkine lubbi ma meene ta nambiti. A gaa kuŋ pa, ayme ku loboɗɗo?» 3Gaa Iisa pa tiiliyyoo gaa: «Ku garkiyya ɗa kaytiŋ aattí Kitamniti Mellayi latta maa ga sultan Dawud leelo e? Meene kaƴi gi maya deyyiy ma gittee. 4Ay kaaka appe ga un̰n̰iɗe bazzane ta waagiti ma Mella, gaa deeɗiya icca mappa ma duwenta oko Mellayi, gaa aymiɗe o ga biryoo kulla oko gittee maa gu marawɗe. Mappa kaaka pa ampane kee, gu hukumnigeetine oyowwiyo oko soƴoowee ku saɗikaŋgeyyo ka gu ayamɗo#6.4 Elloŋ 1 Samiyel 21.2-7 o Soƴoowee ku Saɗikaŋgeyyo 24.9..» 5Gaa Iisa beneyyiyyoo payya gaa: «Runti Gimi pa ay Miltí oko meene ta nambiti.»
Iisa rayyadda gimu maa ga pitti maatenta
(Elloŋ Matiye 12.9-14, Mark 3.1-6)
6Gaa ma meene kaƴi payya ta nambiti, ga Iisa un̰n̰iɗe aatti girco Yawudigeyyo ka giraaniti, gaa garkayɗiy. Gaa lekkiɗo iŋaa gimu maa ga pitti ka tiyaawa maatenta. 7Guu aalimnigee ku Kitamniti Muusa o Pariziyennigee elelɗiya samaane Iisa baŋ ga rayyaddaa aɗɗe gimu kaaka ma meene ta nambiti, asan gu guta deyekke ma rayyido taata gu gassiyyee botol ka luumiyti unco taattuweeco Yawudigeyyo. 8Gaa Iisa soopa ibinicca mooyico taata. Ay kaaka appe ga beneyyiyyee oko miiɗi ka pitti maatenta kaaka gaa: «Wacu! Ki warriɗo uwwa ɗaɗɗakkico giimo.» Gaa miiɗi waciɗe ga warriɗe.
9Gaa Iisa beneyyiyyoo oko aalimnigee o Pariziyennigee kotti pa gaa: «Na enaatoŋ ƴa: Hukumnigeetine oyowwine ma meene ta nambiti ke lewɗo samaane e, e ke lewɗo miɗɗa? Ke najjiyicca hayaatanti gimi e, e baŋ ke duwiyyee ga maatiɗo?» 10Gaa Iisa elliɗiy paracco gaa beneyyiyyee oko miiɗi gaa: «Taariya piccum!» Gaa miiɗi kaaka taariyya pitti, gaa maa ga taariyya, ga pitti rayyidiɗe.
11Guu Pariziyennigee o aalimnigee kotti soopa boŋsiɗe ta tirta guu boodiɗe aacco baŋ gu leewe ini me ka miɗɗa oko Iisa.
Iisa aparra n̰amaakee orro o seera
(Elloŋ Matiye 10.1-4, Mark 3.13-19)
12Gaa oko wikinne kaaka, ga Iisa kalpiɗe jappiti ku maa ga deeɗiya inna Mella. Gaa inniyya aandoŋ kaaka paratti. 13Maa ga were walɗe, gaa jooriɗiy jobookeetee. Gaa apirɗe min aacco orro o seera. Gaa kolliɗiy gaa ‘n̰amaakee’. 14N̰amaakeetee kotti pa ay ini: Simo maa ga Iisa oyyiyee seme daare gaa Piyer o sinti Simo maa goo Andire, o Zak#6.14 Zak pa ay sinti Yaaya. o Yaaya, o Pilip o Bartelemi, 15o Matiye o Toma, o Zak ma ay runti Alpee o Simo maa gu kolaa goo gimu ma deyekka gu guta ma ay Yawudigee hikimiyicca kiɗaaco#6.15 Oko wikinniti Iisa, gu giimi ma aŋka horriye ta Yawudigeyyo aŋkiy ɗa Roomennigee ma hekemmiyiy kiɗaaco o gu bokaa ku maa gu gassicca horriye kiɗaaco., 16o Yud ma ay runti Zak o Yudas Iskariyot ma akkiya bira Iisa picco giimo.
Iisa garkayyay giimi o ga rayyadday
(Elloŋ Matiye 4.23-25)
17Gaa min jappiti ga Iisa ma n̰amaakeetee zaariɗe, guu deeɗe warra were ka ɗeerenta. Iŋaa pa ga asiy gassa jobookeetee ku maani o giimi daare kulla maani ma ase min kiɗa parattí ta Yudee, o min geegar ka Zerizalem, o min diyargee ma aaye kiɗa ta Tir o ta Sidon, biití baharre ta yaata. 18Guta pa asee gu asiɗiy giyya beneyyiŋgeetee Iisa o ku maa ga asiɗiy rayyida min paraayiŋgeeco, o giimi ma deegeyye ma awaaradgee kulla ga pittiyoogu gu rayyidiɗe. 19Giimi paracco deyekka eesiti asan gi lekka gudirane ma okomma min oko gata, gii rayyaɗɗiy paracco.
Baariko o diigane
(Elloŋ Matiye 5.1-12)
20Gaa Iisa elelɗiy jobookeetee gaa beneyyiɗe gaa:
«Baarikenta ay kuŋ ka saamo,
asan ga Mella oyaatoŋ ku un̰n̰iɗo mulunniti Mellayi.
21Baarikenta ay kuŋ ma mayyeeta haŋka,
asan ku akka tee ku ayyiɗo.
Baarikenta ay kuŋ ma zorontoyye haŋka,
asan ku akka gella.
22Ku baarikenta guu giimi ɗakattitoŋ, o gu pocaatoŋ, o gu n̰elekkatoŋ, o gu beneyya miɗɗa ma gaartoŋ, asan ku ay jobookeetee Runti Gimi. 23Guu gaari kooko asitoŋ, ku parhinoŋ o ku waaroŋ ma parhane, asan ga Mella akkitoŋ bira haggane ta samaane ta tirta teete gonek samaani. A guta pa, giimi ma deegeyyatoŋ kotti, gu kookuweeco pa kulla diigiyyiy pe nabiinigee goŋŋa aɗe#6.23 Elloŋ 2 Jeppico Gaarco Salaataŋgeyyo 36.16 o Lubaakico N̰amaakeetee Iisa Masi 7.52. Kuu garkiyiy aayaŋgee kooko ku ebenna kadar gu nabiinigee kulla gu giimi diigiyiy pe goŋŋa aleŋ teete aɗe..
24A diigane soopa ay oko kuŋ ma ay ayaawee,
asan ku gasakkica paaɗe haggantoŋ parattí.
25Diigane ay oko kuŋ ma ayee tiyaw haŋka,
asan ku akka dee mayyeeta.
Diigane ay oko kuŋ ma gelaa haŋka,
asan ku akka zorontoyya o ku akka erecca.
26Diigane ay oko kuŋ maa gu giimi paracco beneyya samaane ma gaartoŋ, asan gu kookuweeco kulla beneyye pe samaane goŋŋa aɗe ma gaarco giimi ma leewe goo gu ay nabiinigee.»
Ƴekko oko kasiimigeyyo
(Elloŋ Matiye 5.38-48, 7.12)
27Gaa Iisa beneyɗo missa gaa: «Oko kuŋ soopa ma geewano, na beneyyatoŋ naa: Ƴekkoŋgu giimi ma aŋkitoŋ ɗa, leewaniyo samaane oko giimi ma ɗakattitoŋ. 28Baarakkoŋgu giimi ma bolaatoŋ o ku enewwaniyo Mella oko giimi ma deegeyyitoŋ. 29Gaa gimu ɗaacum gaamcum ta kaƴi, ki ribileeca kulla gatti tatik. Gaa gimu icciya kaɗiyyicum ka tatta, ki duweega kulla ka rootta. 30Kulla gimu maa gaa innum maatiki, ki biree. Gaa gimu iccamga maatikicum, ki ayya inna ɗa. 31Garrarri paracco maa ku aŋka gu gittoŋ lewɗitoŋgu, ga kuŋ kulla leewaniyoogu. 32Kuu ƴekka giimi ma ƴekkatoŋ ka pa, ku leelo ɗa ya maatiki ma ay ka logaawi. A giimi ma leewa zunubgee kulla ƴekkay aleŋ taata aɗe giimi ma ƴekkay. 33A kuu leewaniyo samaane oko giimi ma laatoŋ samaane, ga kaaka pa lekka ɗa ya maatiki ma ay ka logaawi. A giimi ma leewa zunubgee kulla leewayo samaane oko giimi ma laayo samaane. 34A kuu beraayo ɗannanni oko giimi maa ku moyaa kadar gu akkitoŋ pilka, kaaka lekka ɗa ya maatiki ma ay ka logaawi. A giimi ma leewa zunubgee kulla beraa ɗannanni beenannico ku maa gu pilkiyyo gurus aleŋ maa gu ecekke kaaka saa. 35A kuŋ soopa, ƴekkoŋgu kasiimigeetoŋ, leewaniyo samaane o ku berewwaniyo ɗannanni bala ucaw ta pilkiti. Goŋŋa ku gasakka haggane ta samaane ta tirta o ku deewa rontee Mella ka Uwwa ta kaw. Gata pa gidaani oko giimi ma leewee ɗa barkinti o oko giimi ma gidaani ɗa. 36Deyyoŋ unenta ma gidaanuwe oko giimo, aleŋ Tattoŋ ma unenta ta kaw ma gidaanuwe oko giimo#6.36 Elloŋ Oomiti min Masir 34.6 o Soom 86.15..»
Aɗaaniyo caɗaa ɗa parlane oko giimo
(Elloŋ Matiye 7.1-5)
37Gaa Iisa beneyyiyyoo payya gaa: «Aɗoŋ leewa ɗa unco giimo kuu ku ay caɗaawee ku parlanti. Goŋŋa ga Mella kulla caɗaatoŋ ɗa parlane. Aɗaaniyo kopokka ɗa ma garrarri oko giimo. Goŋŋa gi parlanti Mellayi kulla bagaatoŋ ɗa. Saamayyoŋ, goŋŋa ga Mella kulla saamayyatoŋ. 38Berewwoŋ, goŋŋa ga Mella kulla beraatoŋ. Gata beraatoŋ aleŋ gimu ma kalaatoŋ korƴo maani laaŋiti unenta o gi yaagenta namma gu potoɗɗo. Mella pa beraatoŋ aleŋ maa ku beraayo oko giimo.»
39Gaa Iisa gaayiyyooca masal teete gaa: «Koor̰ ɗan̰akka aɗɗe giiti ma ay koor̰? Haha. Goŋŋa gu solokka serco beenati! 40Jobookati garaawayi gi ibinti ƴiilaca ɗa ta garaawati. Ay jobooka ma garkiyenta samaane soopa, gi ibinti deewa aleŋ ta garaawati.
41«Ayme ki elelɗiya n̰aalu ma aaye iɗiiti giicum, o barlu ma aaye iɗiicum pa, ki ellaa ɗa? 42Ki gederra pe kii me ki beneyyiyyee oko giicum kii: “Sintu, duwaw ɗe na cimmiyyamga n̰aalu ma aaye iɗiicum.” A ki pa ellaa ɗa barlu ma aaye oko tancum. Ki ay gimu ma beneyya ma biicum ka, ka galbancum pa kayti! Cimmiyya ƴa omma barlu ma aaye oko tancum. Goŋŋa ki ella saa pe caraŋ ki cimmiyyeega n̰aalu ma aaye iɗiiti giicum.»
Ettu ma rontee
(Elloŋ Matiye 7.16-20, 12.33-35)
43Gaa Iisa beneyɗiyo missa gaa: «Ettu ka samaane weewa ɗa miici ma daana ɗa, o ka miɗɗa pa kulla weewa ɗa miici ma daana. 44Kulla ettu aɗe gu ibinya ma rontee. Ki jakaa ɗa ronti booti min miiri, o ki jakaa ɗa mor̰mor̰oskee min n̰orɗokoyyi. 45Gimu ka gidaani leewa gaari ku samaane asan gi galbanti samaane. A gimu ka gidaani ɗa soopa leewa gaari ku miɗɗa asan gi galbanti miɗɗa. A gata pa maa ga biiti gimi cemekka ay ma unenta galbanti.»
Gerra ku seera
(Elloŋ Matiye 7.24-27)
46Gaa Iisa gaayiyyoo gaa: «Ayme ku kolowɗino kuu: “Miltini, Miltini”, o ku leewaa ɗa maa na beneyyatoŋ? 47Na gaaratoŋ ƴa baŋ ga gimu ma asaa oko naa, ma geeway beneyyiŋgeetaw o ga jobokkay, saabayye we? 48Gata saabayye aleŋ gimu ma delaa geewiti giiri. Gata caraa namma ya tirmilli hatta gaa diilicca balti giiri. Maa gi tarro ga ase asa, gii kawwiɗe ya giiri, gu ammi alɗiya yaaga ɗa ger kaaka, asan ga gekee were ka talta. 49A gimu soopa ma geeway beneyyiŋgeetaw o ga jobokkay ɗa, saabayye aleŋ gimu ma geewe ger kiɗaati ka bala caaro namma ya dambeyyo. Gii tarro une namma gi kawwiɗe ya giiri pa, ga ger kaaka nowotta ɗa, galaa. Gii marɗe pe kiɗa ka kendilenta.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.