Matiye 9
9
Iisa rayyadda gimu ma roŋgoyye
(Elloŋ Mark 2.1-12, Lik 5.17-26)
1Gaa min iŋaa kiɗa ta Gadaara, ga Iisa kalpiɗe markabati. Gaa tappicca baharre, gaa kaatiɗe geegarti#9.1 Oko were keeke pa, ay Kaparnawom ma ay geegarti Iisa.. 2Guu giimi daare itiriyyee ruŋguyne maa gu ɗerewwiya tarmati. Maa ga Iisa elliɗiy gaarco kotti pa, ga leelo kabarre kadar gu dowwiy galbigeeco oko gata. Gaa beneyyiyyee oko ruŋguyni gaa: «Runtu, asarrica galbancum! Na saamiyamgu zunubgeecam!» 3Guu daare min oko aalimnigee ku Kitamniti Muusa moyowɗo galbigeeco goo: «Gimu keeke n̰elekkaa Mella.» 4Iisa pa ibinca mooyico taata. Gaa beneyyiyyoo gaa: «Ayme ku moyowɗo gaari miɗɗa galbigeetoŋ? 5Min oko beneyyiŋgee ku seera kooko maa naa: “Na saamiyamgu zunubgeecam”, e baŋ ga maa naa: “Wacu uwwa, kii tan̰n̰iɗo”, ay ŋawwa ma raɗɗa ɗa ƴiila? 6Naa pa garaatoŋ ku maa ku ibinɗo kadar ga Runti Gimi lekka gudirane kiɗaati maa ga saamayɗiyoogu zunubgeeco giimo.» Gaa beneyyiyyee oko ruŋguyni gaa: «Wacu! Iccica tarmacum kii yookiɗo gircum.» 7Gaa ruŋguyne gata waciɗe caparpar, gaa yookiɗe girti. 8Maa gu giimi ku maani kotti elliyya liyaw kaaka, gaa ɓayaw galiyyoo. Guu logiyya Mella ma biryoo oko giimo gudirane aleŋ teete.
Iisa kolaa Matiye
(Elloŋ Mark 2.13-17, Lik 5.27-32)
9Gaa Iisa waciɗe min iŋaa. Maa ga katawɗo, gaa elliɗe gimu kaƴi aɗe ma nowotte ger maa gu peleɗɗo miiri. Gimu kaaka pa gu semeetee goo Matiye. Gaa Iisa beneyyiyyee gaa: «Jobbino!» Gaa Matiye waciɗe ga jobbiyya. 10Gaa Iisa deeɗe tee girti Matiye. Maa gu nuntiɗe gu tewɗo, guu giimi maani ma ay sokookee ku miiri o daare ma leewa zunubgee asiɗe nunta kulla tiyaawi ma Iisa o ma jobookeetee. 11Pariziyennigee pa kulla aaye iŋaa. Maa gu elliyya liyaw kaaka, gu beneyyiyoo oko jobookeetee Iisa goo: «Ayme ga garaawatoŋ tewɗo ma sokookee ku miiri o ma giimi daare ma leewa zunubgee?» 12Maa ga Iisa giyyiyya beneyco kaaka, gaa tiiliyyoo gaa: «Giimi ma parayya ɗa aŋka ɗa payya daktor. Ay ma parayya soo aŋka. 13Ɓeldoŋga beneyti Mellayi keeke baŋ ga beneyya gaa me: “Maa na aŋka ƴiila ay ku kawayɗiyo oko giimo, ay saɗikane ɗa ta gaaruwo maa na aŋka#9.13 Elloŋ Ozee 6.6..” A naa pa asee ɗa na asiɗo kolla giimi ma ɗayaŋ unti Mellayi, innasoo na asee na asiɗo kolla giimi ma ibina kadar gu leewa zunubgee.»
Innico jobookeetee Yaaya ma gaari ku samkiyti
(Elloŋ Mark 2.18-22, Lik 5.33-39)
14Jobookeetee Yaaya ma batasayya giimi pa aseero saripti Iisa. Guu inniyya goo: «Ayme ga nii o Pariziyennigee samkayɗo, jobookeecam pa samkayya ɗa?» 15Gaa Iisa pa tiiliyyoo gaa: «Lanjigeetee oko gimu maa gu jawwazze gederra aɗɗe gu zorontiyɗo oko wikinne maa gaa maa gu jawwazze aaye aacco? Kaw, samkayya ɗa. Innasoo ga wikinne akka asa maa gu giimi asiyya cimma min aacco maa gu jawwazze. Ay oko wikinne kaaka pe guu asiɗo samkiya.
16«Lekka ɗa gimu ma owokka kaɗiyyiti ka raawenta ma kaɗiyye ta marawta, asan gi kaɗiyye ta marawta taata n̰otokka kaɗiyyu ka raawenta. Gii eeriti taata deeɗo saa pe yaata ƴiila. 17Gimu kalaa ɗa mirmi ku marawta ma wacakka daaɓanco aɗicco seheŋgee ku raawenta#9.17 Yawudigee pa oko aadanco gu kalay mirimco aɗicco seheŋgeyyo aleŋ ta migaamo maa gu kalawɗiy mirimco kuɗuŋgeyyo.. Goneka kee gu seheŋgee ku raawenta baɗassa, guu mirmi pottiɗo o seheŋgee nagakka. Innasoo gu kalay mirmi ku marawta oko seheŋgee ku marawta. Ay goŋŋa appe gu seheŋgee o mirmi deeɗo dummiyenta.»
Iisa naɗakkaca runti tattuwwi o ga rayyaddaca daate kaƴi
(Elloŋ Mark 5.21-43, Lik 8.40-56)
18Gaa wikinne maa ga Iisa beneyɗiyo missa kaaka, ga tattuwe kaƴi aɗe ma ay Yawudince asiɗe darsa unti. Gaa beneyyiyyee gaa: «Runtú maate haŋka keeke ka. Innasoo ki asu ki asittiiga gaga piccum, gi naɗiɗo!» 19Gaa Iisa waciɗe ma jobookeetee, guu jobbiyya tattuwe kaaka. 20-21Gii lekkiɗo daate kaƴi ma deegeyye ma ello ta baaro ƴilaakee orro o seera. Gita pa ase ma ta taarti Iisa. Gii moyowɗo gee: «Naa gederre na eesiyya kaɗiyyiti ka kulla na rayyadda.» Gii eesicca balti kaɗiyyiti. 22Gaa Iisa jigirɗe, gaa ellicca. Gaa beneyyitti gaa: «Asarrica galbante, runtu. Mileŋ ka dowwica galbante oko naa, ka rayyide.» Gaa oko wikinne kaaka saa gi rayyidiɗe.
23Maa ga Iisa sarɗe girti tattuwe kee, gaa elliɗiy panaawee ku teeliti o giimi ku maani kotti ma leewe ta cay. 24Gaa beneyyiyyoo gaa: «Saapoŋ maaƴi! Mica teete matee ɗa, oƴee ka.» Gaa oko beneyti kaaka, gu noƴoɗɗee gaari. 25Maa gu cimmiɗiy giimi kotti renta, gaa Iisa un̰n̰iɗe ɗakko daŋayi. Gaa baamicca mica min pittí, gii mica gita waciɗe parat. 26Gii kabarre teete tacilɗe kiɗa taata parattí.
Iisa rayyadda koor̰ee seera
27Maa ga Iisa ƴelewɗo min iŋaa, guu koor̰ee seera joboɗɗiya ma kawwiko o gu beneyya goo: «Ban̰n̰u, ellu ɗe saamuwtini ga kii ma ay Runti Dawud.» 28Maa ga Iisa un̰n̰iɗe giiri, guu koor̰ee ku seera kotti asiyyee saripti. Gaa Iisa beneyyiyyoo gaa: «Ku amanne kadar na gederra na iyyittoŋgu iɗiitoŋ e?» Guu guta pa tiiliyyee goo: «Haa, ni amanne, Miltini.» 29Gaa Iisa eesiyyoogu iɗiico o ga beneyyayo gaa: «Ga Mella oyyatoŋga maa ku enee ma amanno.» 30Guu iɗiico iyyiɗe waŋ. Gaa Iisa beneyyiyyoo daŋ daŋ gaa: «Warroŋ maaƴi! Ga ya gimu kaƴi aɗe lee ɗa kabarre oko liyaw keeke.» 31Guta soopa oomico ka min iŋaakite gu ticilca kabarre ta gaartee Iisa kiɗa taata parattí.
Iisa rayyadda gimu maa ga aarinne toɗokkiyee beneyyi
(Elloŋ Lik 11.14-15)
32Gaa maa gu koor̰ee ku seera koo okomɗo min ger kaaka, guu giimi daare itiriyyee oko Iisa gimu maa ga aarinne bakammiya ga toɗoɗɗiyee beneyyi. 33Gaa Iisa pittiyyeega aarinniti, gaa biiti iyyiɗe ga beneyɗo. Guu giimi ku maani kotti ajjibiɗe. Guu beneyɗo goo: «Kaytiŋ ga latta aleŋ keeke gu giimi elliya ɗa aattí kiɗa ta Isirayel.» 34Guu Pariziyennigee soopa beneyɗo goo: «Gimu keeke petekka awaaradgee ma gudiranti tattuwco awaaradgeyyo.»
Seɗɗo maani o lubaakeeti pa paalta ka
(Elloŋ Mark 6.34, Lik 10.2)
35Iisa pa tan̰aa gawaagargee o diyargee paracco ku kiɗa ta Galilee. Gaa garawɗiyo gaartee Mellayi oko giimo aɗicco gerraco ku giraaniti, o ga tasaaca kabarre ta daana ta mulunniti Mellayi o ga rayyadday paraayi paracco pay pay ku giimo o madurgee. 36Maa ga Iisa elliɗiy giimi ku maani ma jobokkaa, gaa elliɗe saamuwco asan gu rakee o gu zeneeco kalawwiy aleŋ hidibe ta tameyyo ma lekka ɗa maggu. 37Gaa beneyyiyyoo oko jobookeetee gaa: «Giimi ay aleŋ gaan tatta maa gu kortee neewe paaɗe, lubaakee ma seɗekkaa pa paalta ka. 38Kaaka pa, ku lollikoŋga Mella Milti seɗɗiti ga n̰aamiɗo lubaakee ma seɗekkee.»
Currently Selected:
Matiye 9: mmy
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
Matiye 9
9
Iisa rayyadda gimu ma roŋgoyye
(Elloŋ Mark 2.1-12, Lik 5.17-26)
1Gaa min iŋaa kiɗa ta Gadaara, ga Iisa kalpiɗe markabati. Gaa tappicca baharre, gaa kaatiɗe geegarti#9.1 Oko were keeke pa, ay Kaparnawom ma ay geegarti Iisa.. 2Guu giimi daare itiriyyee ruŋguyne maa gu ɗerewwiya tarmati. Maa ga Iisa elliɗiy gaarco kotti pa, ga leelo kabarre kadar gu dowwiy galbigeeco oko gata. Gaa beneyyiyyee oko ruŋguyni gaa: «Runtu, asarrica galbancum! Na saamiyamgu zunubgeecam!» 3Guu daare min oko aalimnigee ku Kitamniti Muusa moyowɗo galbigeeco goo: «Gimu keeke n̰elekkaa Mella.» 4Iisa pa ibinca mooyico taata. Gaa beneyyiyyoo gaa: «Ayme ku moyowɗo gaari miɗɗa galbigeetoŋ? 5Min oko beneyyiŋgee ku seera kooko maa naa: “Na saamiyamgu zunubgeecam”, e baŋ ga maa naa: “Wacu uwwa, kii tan̰n̰iɗo”, ay ŋawwa ma raɗɗa ɗa ƴiila? 6Naa pa garaatoŋ ku maa ku ibinɗo kadar ga Runti Gimi lekka gudirane kiɗaati maa ga saamayɗiyoogu zunubgeeco giimo.» Gaa beneyyiyyee oko ruŋguyni gaa: «Wacu! Iccica tarmacum kii yookiɗo gircum.» 7Gaa ruŋguyne gata waciɗe caparpar, gaa yookiɗe girti. 8Maa gu giimi ku maani kotti elliyya liyaw kaaka, gaa ɓayaw galiyyoo. Guu logiyya Mella ma biryoo oko giimo gudirane aleŋ teete.
Iisa kolaa Matiye
(Elloŋ Mark 2.13-17, Lik 5.27-32)
9Gaa Iisa waciɗe min iŋaa. Maa ga katawɗo, gaa elliɗe gimu kaƴi aɗe ma nowotte ger maa gu peleɗɗo miiri. Gimu kaaka pa gu semeetee goo Matiye. Gaa Iisa beneyyiyyee gaa: «Jobbino!» Gaa Matiye waciɗe ga jobbiyya. 10Gaa Iisa deeɗe tee girti Matiye. Maa gu nuntiɗe gu tewɗo, guu giimi maani ma ay sokookee ku miiri o daare ma leewa zunubgee asiɗe nunta kulla tiyaawi ma Iisa o ma jobookeetee. 11Pariziyennigee pa kulla aaye iŋaa. Maa gu elliyya liyaw kaaka, gu beneyyiyoo oko jobookeetee Iisa goo: «Ayme ga garaawatoŋ tewɗo ma sokookee ku miiri o ma giimi daare ma leewa zunubgee?» 12Maa ga Iisa giyyiyya beneyco kaaka, gaa tiiliyyoo gaa: «Giimi ma parayya ɗa aŋka ɗa payya daktor. Ay ma parayya soo aŋka. 13Ɓeldoŋga beneyti Mellayi keeke baŋ ga beneyya gaa me: “Maa na aŋka ƴiila ay ku kawayɗiyo oko giimo, ay saɗikane ɗa ta gaaruwo maa na aŋka#9.13 Elloŋ Ozee 6.6..” A naa pa asee ɗa na asiɗo kolla giimi ma ɗayaŋ unti Mellayi, innasoo na asee na asiɗo kolla giimi ma ibina kadar gu leewa zunubgee.»
Innico jobookeetee Yaaya ma gaari ku samkiyti
(Elloŋ Mark 2.18-22, Lik 5.33-39)
14Jobookeetee Yaaya ma batasayya giimi pa aseero saripti Iisa. Guu inniyya goo: «Ayme ga nii o Pariziyennigee samkayɗo, jobookeecam pa samkayya ɗa?» 15Gaa Iisa pa tiiliyyoo gaa: «Lanjigeetee oko gimu maa gu jawwazze gederra aɗɗe gu zorontiyɗo oko wikinne maa gaa maa gu jawwazze aaye aacco? Kaw, samkayya ɗa. Innasoo ga wikinne akka asa maa gu giimi asiyya cimma min aacco maa gu jawwazze. Ay oko wikinne kaaka pe guu asiɗo samkiya.
16«Lekka ɗa gimu ma owokka kaɗiyyiti ka raawenta ma kaɗiyye ta marawta, asan gi kaɗiyye ta marawta taata n̰otokka kaɗiyyu ka raawenta. Gii eeriti taata deeɗo saa pe yaata ƴiila. 17Gimu kalaa ɗa mirmi ku marawta ma wacakka daaɓanco aɗicco seheŋgee ku raawenta#9.17 Yawudigee pa oko aadanco gu kalay mirimco aɗicco seheŋgeyyo aleŋ ta migaamo maa gu kalawɗiy mirimco kuɗuŋgeyyo.. Goneka kee gu seheŋgee ku raawenta baɗassa, guu mirmi pottiɗo o seheŋgee nagakka. Innasoo gu kalay mirmi ku marawta oko seheŋgee ku marawta. Ay goŋŋa appe gu seheŋgee o mirmi deeɗo dummiyenta.»
Iisa naɗakkaca runti tattuwwi o ga rayyaddaca daate kaƴi
(Elloŋ Mark 5.21-43, Lik 8.40-56)
18Gaa wikinne maa ga Iisa beneyɗiyo missa kaaka, ga tattuwe kaƴi aɗe ma ay Yawudince asiɗe darsa unti. Gaa beneyyiyyee gaa: «Runtú maate haŋka keeke ka. Innasoo ki asu ki asittiiga gaga piccum, gi naɗiɗo!» 19Gaa Iisa waciɗe ma jobookeetee, guu jobbiyya tattuwe kaaka. 20-21Gii lekkiɗo daate kaƴi ma deegeyye ma ello ta baaro ƴilaakee orro o seera. Gita pa ase ma ta taarti Iisa. Gii moyowɗo gee: «Naa gederre na eesiyya kaɗiyyiti ka kulla na rayyadda.» Gii eesicca balti kaɗiyyiti. 22Gaa Iisa jigirɗe, gaa ellicca. Gaa beneyyitti gaa: «Asarrica galbante, runtu. Mileŋ ka dowwica galbante oko naa, ka rayyide.» Gaa oko wikinne kaaka saa gi rayyidiɗe.
23Maa ga Iisa sarɗe girti tattuwe kee, gaa elliɗiy panaawee ku teeliti o giimi ku maani kotti ma leewe ta cay. 24Gaa beneyyiyyoo gaa: «Saapoŋ maaƴi! Mica teete matee ɗa, oƴee ka.» Gaa oko beneyti kaaka, gu noƴoɗɗee gaari. 25Maa gu cimmiɗiy giimi kotti renta, gaa Iisa un̰n̰iɗe ɗakko daŋayi. Gaa baamicca mica min pittí, gii mica gita waciɗe parat. 26Gii kabarre teete tacilɗe kiɗa taata parattí.
Iisa rayyadda koor̰ee seera
27Maa ga Iisa ƴelewɗo min iŋaa, guu koor̰ee seera joboɗɗiya ma kawwiko o gu beneyya goo: «Ban̰n̰u, ellu ɗe saamuwtini ga kii ma ay Runti Dawud.» 28Maa ga Iisa un̰n̰iɗe giiri, guu koor̰ee ku seera kotti asiyyee saripti. Gaa Iisa beneyyiyyoo gaa: «Ku amanne kadar na gederra na iyyittoŋgu iɗiitoŋ e?» Guu guta pa tiiliyyee goo: «Haa, ni amanne, Miltini.» 29Gaa Iisa eesiyyoogu iɗiico o ga beneyyayo gaa: «Ga Mella oyyatoŋga maa ku enee ma amanno.» 30Guu iɗiico iyyiɗe waŋ. Gaa Iisa beneyyiyyoo daŋ daŋ gaa: «Warroŋ maaƴi! Ga ya gimu kaƴi aɗe lee ɗa kabarre oko liyaw keeke.» 31Guta soopa oomico ka min iŋaakite gu ticilca kabarre ta gaartee Iisa kiɗa taata parattí.
Iisa rayyadda gimu maa ga aarinne toɗokkiyee beneyyi
(Elloŋ Lik 11.14-15)
32Gaa maa gu koor̰ee ku seera koo okomɗo min ger kaaka, guu giimi daare itiriyyee oko Iisa gimu maa ga aarinne bakammiya ga toɗoɗɗiyee beneyyi. 33Gaa Iisa pittiyyeega aarinniti, gaa biiti iyyiɗe ga beneyɗo. Guu giimi ku maani kotti ajjibiɗe. Guu beneyɗo goo: «Kaytiŋ ga latta aleŋ keeke gu giimi elliya ɗa aattí kiɗa ta Isirayel.» 34Guu Pariziyennigee soopa beneyɗo goo: «Gimu keeke petekka awaaradgee ma gudiranti tattuwco awaaradgeyyo.»
Seɗɗo maani o lubaakeeti pa paalta ka
(Elloŋ Mark 6.34, Lik 10.2)
35Iisa pa tan̰aa gawaagargee o diyargee paracco ku kiɗa ta Galilee. Gaa garawɗiyo gaartee Mellayi oko giimo aɗicco gerraco ku giraaniti, o ga tasaaca kabarre ta daana ta mulunniti Mellayi o ga rayyadday paraayi paracco pay pay ku giimo o madurgee. 36Maa ga Iisa elliɗiy giimi ku maani ma jobokkaa, gaa elliɗe saamuwco asan gu rakee o gu zeneeco kalawwiy aleŋ hidibe ta tameyyo ma lekka ɗa maggu. 37Gaa beneyyiyyoo oko jobookeetee gaa: «Giimi ay aleŋ gaan tatta maa gu kortee neewe paaɗe, lubaakee ma seɗekkaa pa paalta ka. 38Kaaka pa, ku lollikoŋga Mella Milti seɗɗiti ga n̰aamiɗo lubaakee ma seɗekkee.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.