Marko Mbaa naaituruku
Mbaa naaituruku
Kore kulo omon ooipirita nkichon o siaai le Yeso naa keidimai paa Yoana oji Marko oigero. Ketumo apa Marko era lelerie nkata supat nadolie nening Yeso te Yerusalem, neiruk ninye. Kore tesiedi, neirukurukore ꞉Marko Paulo o Barabas to lototo enche ekue e likoroto ee Lomon Supati. Kera sii apa laretoni lo Lkipaaret Petero too larin kumo. Kore mbaa kumo e Yeso naaigero ninye naa kebaki naa nenia ake naatamaka ꞉Petero.
Keigeroki ana buku aaigeroki ltung'ana lamara loo Lyiaudi ooiruko Yeso, ta nkata matejo terichet e lari le artam o imiet o lari le onom o imiet eidipaki atiuu Yeso. Meyieloi aaipidaki nkata naigeroki ana buku. Nemesipi sii tanaa tekue tanaa tesiedi Lomon Supati ooigero ꞉Matayo eigeroki Lomon Supati ooigero ꞉Marko. Kejo lpayiani lekue le nkanisa, nchere kore Lomon Supati lekue ooigeroki naa lolo ooigero Matayo. Kore tanaa kedede inia, naaku keyielo apa Marko Lomon Supati ooigero ꞉Matayo, neiger mbaa naatumo teinie. Kebaki naa ltung'ana lamara loo Lyiaudi eigeroka, naa inia payie etung'ayie ntokitin mbata nemening'u ninche, neitoki aibalakinyie nkulie tokitin metining'u aaitibirika.
Kore Marko, neing'or oleng mbaa naataasa ꞉Yeso alang mbaa naatejo. Keyieu apa neitodolu ajo, kore Yeso naa keata ngolon naitejeunyie, nelakunyie, neichiunyie ltung'ana. Kore nkung'urata enye ee mbaa naa payie eitodolu ajo kore Yeso naa kera laisiaayiani le Nkai nera Nkerai e Nkai. Kore mbaa enyena e nking'asia o ngolon naichiunyie o nalakunyie ltung'ana taa lairiruani o ngolon napalikinyie ltung'ana ng'ok neitodolu ajo kera Nkerai e Nkai.
Keng'asu ana buku aliki iyioo neikuna Yeso payie eng'asu siaai lenye taatua ltung'ana, neyau lkilikuai ojo nchere keyewuo ꞉nkitoria e Nkai nkop. Kore nkatitin kumo, neutu ꞉Marko ncheto e Yeso to lmusalaba ajo ninye nayau lning'o le Nkai o ltung'ana. Keitiemioki apa Yeso tankaraki ee ng'ok ang. Ng'urai inia te motua e isiet lkereri le osom o obo o te motua e saal lkereri le osom o obo o te motua e tomon lkereri le osom o okuni metabaki osom o ong'uan o te lkereri le artam o imiet. Keigero Marko mbaa kumo naipirita nenia naataasate te uki e siedi ewuon eitu eye Yeso o neikuna payie eye, neidipie mbaa naipirita neikuna payie epiu o payie eiliep alo chumata.
Kore kulo Omon Supati oojo nchere keyewuo Yeso aitutum ltung'ana o Nkai, naa mara ake loo Lyiaudi aapeny kake loo ltung'ana pooki. Kore lotunoto apa nayewuo Yeso aitejeu iyioo naa keidipa apake loibonok le Nkai aatamau to Lning'o musana, netii apake inia katukul atua kipirte e Nkai. Kore Yeso naa ninye Laitejeunoni le lekutuk oichorua apake Nkai.
Currently Selected:
Marko Mbaa naaituruku: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Marko Mbaa naaituruku
Mbaa naaituruku
Kore kulo omon ooipirita nkichon o siaai le Yeso naa keidimai paa Yoana oji Marko oigero. Ketumo apa Marko era lelerie nkata supat nadolie nening Yeso te Yerusalem, neiruk ninye. Kore tesiedi, neirukurukore ꞉Marko Paulo o Barabas to lototo enche ekue e likoroto ee Lomon Supati. Kera sii apa laretoni lo Lkipaaret Petero too larin kumo. Kore mbaa kumo e Yeso naaigero ninye naa kebaki naa nenia ake naatamaka ꞉Petero.
Keigeroki ana buku aaigeroki ltung'ana lamara loo Lyiaudi ooiruko Yeso, ta nkata matejo terichet e lari le artam o imiet o lari le onom o imiet eidipaki atiuu Yeso. Meyieloi aaipidaki nkata naigeroki ana buku. Nemesipi sii tanaa tekue tanaa tesiedi Lomon Supati ooigero ꞉Matayo eigeroki Lomon Supati ooigero ꞉Marko. Kejo lpayiani lekue le nkanisa, nchere kore Lomon Supati lekue ooigeroki naa lolo ooigero Matayo. Kore tanaa kedede inia, naaku keyielo apa Marko Lomon Supati ooigero ꞉Matayo, neiger mbaa naatumo teinie. Kebaki naa ltung'ana lamara loo Lyiaudi eigeroka, naa inia payie etung'ayie ntokitin mbata nemening'u ninche, neitoki aibalakinyie nkulie tokitin metining'u aaitibirika.
Kore Marko, neing'or oleng mbaa naataasa ꞉Yeso alang mbaa naatejo. Keyieu apa neitodolu ajo, kore Yeso naa keata ngolon naitejeunyie, nelakunyie, neichiunyie ltung'ana. Kore nkung'urata enye ee mbaa naa payie eitodolu ajo kore Yeso naa kera laisiaayiani le Nkai nera Nkerai e Nkai. Kore mbaa enyena e nking'asia o ngolon naichiunyie o nalakunyie ltung'ana taa lairiruani o ngolon napalikinyie ltung'ana ng'ok neitodolu ajo kera Nkerai e Nkai.
Keng'asu ana buku aliki iyioo neikuna Yeso payie eng'asu siaai lenye taatua ltung'ana, neyau lkilikuai ojo nchere keyewuo ꞉nkitoria e Nkai nkop. Kore nkatitin kumo, neutu ꞉Marko ncheto e Yeso to lmusalaba ajo ninye nayau lning'o le Nkai o ltung'ana. Keitiemioki apa Yeso tankaraki ee ng'ok ang. Ng'urai inia te motua e isiet lkereri le osom o obo o te motua e saal lkereri le osom o obo o te motua e tomon lkereri le osom o okuni metabaki osom o ong'uan o te lkereri le artam o imiet. Keigero Marko mbaa kumo naipirita nenia naataasate te uki e siedi ewuon eitu eye Yeso o neikuna payie eye, neidipie mbaa naipirita neikuna payie epiu o payie eiliep alo chumata.
Kore kulo Omon Supati oojo nchere keyewuo Yeso aitutum ltung'ana o Nkai, naa mara ake loo Lyiaudi aapeny kake loo ltung'ana pooki. Kore lotunoto apa nayewuo Yeso aitejeu iyioo naa keidipa apake loibonok le Nkai aatamau to Lning'o musana, netii apake inia katukul atua kipirte e Nkai. Kore Yeso naa ninye Laitejeunoni le lekutuk oichorua apake Nkai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy