Məfaʼə Nəchwaakənə́ nə́ Aŋwaʼlə Zəənə́
Nəchwaakənə́ nə́ Aŋwaʼlə Zəənə́
Ŋwu páʼ a ŋ́ŋwaʼlə̂ nə́ aŋwaʼlə Lukasə lə́ ŋwu páʼ a ŋwaʼlə̂ nə́ aŋwaʼlə məfaʼə məntú mə́ Yeso. Mɛ́ anuə á chî nə́ nə́ aŋwaʼlə zɨ lə́ ndzaŋə Ajwǐəsê a nə fɛ̂ nə́ mətəənə á mbô pətsɛ pə́ mbi pə́ ngaŋə́zoŋə́ndzəm Yeso ńgɛd pó tíʼ ə́shamkə̂ Nkɨ yi Əshîʼnə ńté Yə́ “á mə́m Jɛlusalɛm, á mə́m mboʼ Judya atsəm pó Samalya ḿbá məndwigtə mə́ mbîə.” (1.8) Aŋwaʼlə zəənə́ á nɨd ńgə́ mbimə́ ngaŋə́zoŋə́ndzəm Yeso nə́ ńchî lə́ á mə́ lwɛ́nkə nə́ anu Pəjus pó nə néŋ nə́ ntɨ́ wə́.
Təmbɔʼ pə́ ghabtə̂ aŋwaʼlə məntú mə́ Yeso zɨ́d zɨ nə́ əliʼ pɛ́n teelə́, ḿbyádnə ńtə́gə atû nə́ Nkɨ yi Əshîʼnə ghɛn ńté Yeso nə́ aliʼ pə́ nə náŋkə nə́ ə́wɨ́ pó aliʼ pə nə ŋáʼ nə́ nkyeetə pɔ́ pə́ Əsê ə́wə́.
(1) nkyeetə pɔ́ pə́ Yeso nə́ ńchwáakə Jɛlusalɛm əghâ páʼ Yeso á nə́ ńkɔ́ʼ nə́ ńgɛnə̂ Nəpóolə.
(2) Ndzaŋə ándó anǔəsê a nə ńkwíŋ nə́ á mə́m pətsə́ əliʼə́ á mə́m Palistayinə,
(3) á kə nɨd ndzaŋə ándó anǔəsê a nə ńgɛn nə́ nə́ mbiə á mə́ kwéŋ nə́ á mə́mə aláʼ Meditelinyan ńgɛn tə ńkoʼə̂ á Loman. Chigə ntəənə anuə á chî nə́ á mə́mə aŋwaʼlə Məfaʼ mə́ məntú mə́ Yeso lə́ mənu páʼ Ajwǐəsê a nə ńgɛd nə́, páʼ zə́ələ́ á nə́ ńgyǐ nə́ nə́ mətəənə á mbô pɨ pó néŋ nə́ ntɨ́ nə́ Yeso á Jɛlusalɛm alě Pɛntekɔs ńkə́ ńgɛn nə́ mbiə á mə́ tə́ nə́ kɨ́ʼtə ńkə́ fɛ̂ mətəənə á mbô nkyeetə pɔ́ pə́ Əsê pópə mətû mə́ nkyeetə ndzoŋ mənu pə́ fiʼtə̂ nə́ á mə́mə aŋwaʼlə zəənə́. Ntsɛɛmbi nkɨ páʼ nkyeetə pɔ́ pə́ Əsê pó nə́ fiʼtə̂ nə́ mənu ńté mətɨ mə́ nkɨ yi əshîʼnə á mə́m nchîmbî nkyeetə pɔ́ pə́ Əsê.
Ndzaŋ pə́ Ghabtə̂ nə́ Aŋwaʼlə Zəənə́
Ndzaŋə ándó pə́ nə ńtyáŋtə nə́ pɨ pó nə̈ náŋkə nə́ nkɨ Əsê (1.1-26);
Ndwigtə atsáb Yeso pó ndaʼnə əjǐə á mbô ngaŋə́zoŋə́ndzəm əjíə (1.1-14);
Njîndɛ̂ Juda (1.15-26);
Pə́ náŋkə nkɨ yi əshîʼnə a Jɛlusalɛm (2.1–8.3);
Pə́ sóŋə anu ńté nkɨ yi əshîʼnə á Judya pó Samalya (8.4–12.25);
Afaʼə Pɔlə (13.1–28.31);
Ntsɛɛmbi nənyi Pɔlə á mə́ sóŋ nə́ Anǔəsê (13.1–14.28);
Nkyeetə mətû mə́ pɔ́ pə́ Əsê páʼ pó nə ńkwú nə́ á Jɛlusalɛm (15.1-35);
Nənyi Pɔlə á mə́ sóŋ nə́ anǔəsê, lɛ̌ nənyi páʼ a nə ńdzoŋkə̂ nə́ yi ntsɛɛmbiə (15.36–18.22);
Nənyi Pɔlə á mə́ sóŋ nə́ anǔəsê páʼ a nə ńdzoŋkə̂ pɛ́n pɛ̌ (18.23–21.16);
Pɔlə a kwúnə atsáŋə á Jɛlusalɛm, á Kasalya ńkə́ ńkwúnə Lomə (21.17–28.31).
Currently Selected:
Məfaʼə Nəchwaakənə́ nə́ Aŋwaʼlə Zəənə́: azo
Highlight
Share
Copy
Want to have your highlights saved across all your devices? Sign up or sign in