Jɔnə 14
14
Yeso lə́ Ndúmə á mə́ Ghɛn nə́ á Mbô Tǎ
1Yeso a sóŋə á mbô ngaŋə́zoŋə́ndzəm əjí ńgə́, “Kɔ məntɨ́ mɨ́ mə́ tə́ ńjwaʼə̂ áwə́ənə́, néŋ nə́ ntɨ́ nə́ Əsê ńkə́ néŋ ntɨ́ nə́ maŋə. 2Á mə́m ndɛ̂ Tǎ mə, ətɔ́g ə́ chî ə́wɨ́ ńnə́ənə, təmbɔʼ a pěʼ ńchî lə́ ə́lɨ́d chî pô, tə ḿbə́ maŋ kě nə́ pɨ tə́ ə́sóŋə ńgə́ maŋ yǐ ghɛn tsoŋkə̂ aliʼə́ á mbô pɨ pô? 3Ndzaŋ ándó maŋ yǐ nə́ ghɛn tsoŋkə̂ aliʼə́ á mbô pɨ lə́, ə́ tíʼ yǐ ngǎ yitsə̌, ə́ lɔgə̂ wɨ́ ghɛn nə́ pəənə́ á aliʼ páʼ mäŋ ghɛn nə́ ə́wə́, ńjî ńgə́ aliʼ páʼ maŋ chî nə́ ə́wɨ́ nə́ kə́ ńchîə azɨ́ ə́wə́. 4Lə́ nə́ jî ndú ə́ ghɛn nə́ aliʼ páʼ maŋ ghɛn nə́ ə́wɨ́ lə́.”
5Tɔməsə a sóŋə á mbô yí ńgə́, “Mmaʼmbî, pəg kě aliʼ páʼ gho ghɛn nə́ ə́wɨ́ lə́ jî pô, təmbɔʼ pəg pə́ ńjî ndú yi ə́wɨ́ lə́ ə́fó?”
6Yeso a sóŋə á mbô yí ńgə́, “Maŋ lə́ ndúmə, ḿbə́ ndə̌ŋdəŋə́, ńkə́ ḿbə́ nchîmbîə, təmbɔʼ ŋwunə a kě á mbô Tǎ ghɛn təghə́ a laŋə̂ á mbô maŋ pô. 7Təmbɔʼ pɨ nə́ ńjîə mə, tə ḿbə́ pɨ kə́ ńjîə Tǎ mə. Ə́fɛ́d nə́ pə ə́sɛ̂n pɨ jîə yí ńkə́ ńdzə́ənə yə́.”
8Filibə a sóŋə á mbô Yeso ńgə́, “Mmaʼmbî, nəələ̂ áwə́g nə́ Tǎ əgho, lə́ ndaʼə anu pəg lɔ nə́.”
9Yeso a kwěe yí ńgə́, “Maŋ kwaŋ ńgə́ maŋ chî pɛn tə ndi sagə̂, tə ńkoʼ əghâ nə́ gho kě mə jî nə́ Filib? Ŋwu páʼ a jɨ́ nə́ mə a jɨ́ lə́ Tǎ. Lə́ ghɛlə̂ akə̂ gho sóŋ ńgə́, ‘Nəələ̂ áwə́g nə́ Tǎ?’ 10Gho kě pí ńgə́ maŋ chîə á mə́m Tǎ, Tǎ kə́ ńchîə á mə́m maŋ? Mənu mɨ páʼ maŋ sóŋ nə́ á mbô pɨ lə́, maŋ kě lə́ nə́ mətəənə mə sóŋə pô, lə́ faʼə̂ Tǎ páʼ a chî nə́ á mə́m maŋə. 11Pí nə́ ńgə́ maŋ chîə á mə́m Tǎ, Tǎ kə́ ńchîə á mə́m maŋə. Kɨ nə́ kə́ ḿbímə mə ńté məfaʼ páʼ mäŋ faʼ nə́.” 12Lə́ nə́ ndə̌ŋdəŋ mäŋ sóŋə á mbô pɨ ńgə́, ŋwu páʼ a néŋ nə́ ntɨ́ nə́ maŋ a yǐ kə́ faʼ məfaʼ páʼ mäŋ faʼ nə́. Kɨ a yǐ ḿbɨ faʼ məfaʼ ńtsɛɛlə̂ á mi páʼ maŋ nə faʼ nə́ ńté ńgə́ maŋ ghɛnə̂ lə́ á mbô Tǎ. 13Anuə atsəm páʼ pɨ yǐ nə́ ḿbítə nə́ əlɛ́nə mə, maŋ yǐ faʼə̂ zə́ələ́, ńjî ńgə́ Tǎ a yǐ ńtúgə nəgháʼ əyǐ ńté mɔ́ əyǐə. 14Təmbɔʼ nə́ pítə anuə atsəm nə́ əlɛ́nə mə, maŋ yǐ faʼə̂ zə́ələ́.
Ndzaŋə Ándó Yeso a nə Ńdaʼnə̂ nə́ Ńgə́ a yǒ Túmə Ajwǐəsê
15“Təmbɔʼ nə́ ńkɔŋə̂ mə tə ḿbə́ nə́ yǐ lɔʼkə̂ məntəgə́ mə. 16Lə́ maŋ yǐ pítə a Tǎ mə, a tíʼ ə́fɛ̂ Nkwá əwɨ yi ndaʼ páʼ a yǐ nə́ mɛdnə̂ pɨ pó ngǎ mɔʼə́. 17Tsɔ́ʼə Ajwiə á ndə̌ŋdəŋ, páʼ təmbɔʼ mbî kě kwá pô, ńté ńgə́ mbî kě yï zə́ənə pô ńkě kə́ ńjî pô. Lə́ nə́ pə́ ńjîə yí ńté ńgə́ a mɛdnə̂ pɨ po ə́ yǒ kə́ chî pɨ po.”
18“Maŋ yǒ kě áwɨ́ a ngǎ pɨ mɛdtə̂ pô, maŋ yǐ pɨ pəənə̂ á mbô pəənə́. 19Lə́, lə́ tsɔʼə ngǎ pɛ̌, mbî kě mə pɨ ńjɨ́ pô, lə́ nə́ yǒ ńdzə́ənə mə; ńté ńgə́ maŋ chîə mbîə, nə́ yǒ kə́ chîə mbîə. 20Á yǒ pə́ alě ə́wɨ́ nə́ jî ńgə́ maŋ chîə á mə́m Tǎ mə, nə chîə á mə́m maŋ, maŋ kə́ ńchîə á mə́m pəənə́.
21Ŋwu ntsəm páʼ a pí nə́ məntəgə́ mə ńkə́ ńdzóʼnə á mɨ́d, lə́ ŋwu páʼ a kɔŋ nə́ mə; ŋwu páʼ a kɔŋ nə́ mə, Tǎ mə a yǐ kə́ kɔŋə̂ yə́, maŋ kə́ ńkɔŋə̂ yí ńtíʼ ńnɨd mbəəmə mə á mbô yə́.”
22Judasə (páʼ a nə ńkě pə́ Judas Iskaliɔt pô lə́) a sóŋə á mbô Yeso ńgə́, “Mmaʼmbî, lə́ ghɛlə̂ akə̂ gho sóŋ ńgə́ gho yǐ nɨd mbɨ əzo á mbô pəg, ə́ pə́ kě á mbô mbî nɨd pô?”
23Yeso a kwěe a yí ńgə́, “Təmbɔʼ ŋwunə kɔŋə̂ mə, tə ḿbə́ a yǐ lɔgə̂ atséebə mə, Tǎ mə a kə́ ńtíʼ ńkɔŋə̂ yə́, Pəg Tǎ mə tíʼ ńgyǐəə á mbô yí pəg pö tíʼə ńchîə. 24Ŋwu ntsəm páʼ a kě nə́ mə́ kɔŋ pô, a kě atséebə mə kə́ ńdzóʼnə pô; Lə́ atsáb nə zóʼ nə́ á mbô maŋ lə́, á kě lə́ á mbô maŋ lǒo pô, á lǒo lə́ á mbô Tǎ páʼ a tú nə́ mə.”
25“Maŋ sóŋə mənu məənə́ á mbô pɨ əghâ nə́ páʼ maŋ pɛ́d nə́ ńchî pɛnə̂. 26Lə́ Nkwá ə́wə́, páʼ a pə́ nə́ Ajwǐəsê lə́, yi páʼ Tǎ mə a yǐ nə́ tú nə́ əlɛ́n mə, a yǐ zéʼkə áwɨ́ nə́ anuə atsəm, ə́ tíʼ ghɛd nə́ kwúmtə mənu mətsəm páʼ maŋ nə̈ sóŋ nə́ á mbô pəənə́.”
27Maŋ mɛdtə̂ mbwɔ́dnə á mbô pəənə́, lə́ mbwɔ́dnə mə páʼ maŋ fɛ̂ nə́ á mbô pəənə́. Maŋ kě fɛ̂ lə́ a pə́ ándó pɨ pə́ mbî pö fɛ̂ nə́ lə́ pô. Kɔ nə́ pí məntɨ́ mɨ́ mə́ jwaʼə̂ áwə́ənə́, kɨ ńchî nə́ apɔ́gə. 28Nə pěʼ ńdzóʼ maŋ sóŋə á mbô pɨ ńgə́, Maŋ yǐ ghɛn pɨ kə́ pəənə̂ á mbô pəənə́. Təmbɔʼ nə́ pěʼ ńkɔŋə̂ mə tə ḿbə́ nə́ pěʼ ńtə́ ńkɔŋtə̂ ńté ńgə́ mäŋ ghɛnə̂ lə́ á mbô Tǎ, lə́ Tǎ páʼ a tsɛ nə́ mə. 29Lə́ nə́ pə əghâ nə́ maŋ fiʼtə̂ áwɨ́ nə́ mənu mɨ záʼ mə́ pɔŋə̂ lɔgə̂ aliʼə́, ńjî ńgə́ təmbɔʼ mɨ́d mə́ ghɛd ńdɔgə̂ aliʼ, nə́ pímə. 30Maŋ kě pɨ ńchîə á mə́ tsáb nə́ tə́shú pɛn pô ńté ńgə́ ŋwu páʼ a sáʼ nə́ mbî zəənə́ a tə́ ńgyǐəə. Lə́ a kě mətɨ mətsə́ á ndú maŋ túg pô. 31Lə́ mäŋ faʼə̂ lə́ ndzaŋ páʼ Tǎ a sóŋ nə́ ńgə́ maŋ faʼə̂, ńjî ńgə́ mbî jî ńgə́ maŋ kɔŋə̂ Tǎ. Lǒ nə́ əsê pɛn ghɛnə̂.
Currently Selected:
Jɔnə 14: azo
Highlight
Share
Copy
Want to have your highlights saved across all your devices? Sign up or sign in
Jɔnə 14
14
Yeso lə́ Ndúmə á mə́ Ghɛn nə́ á Mbô Tǎ
1Yeso a sóŋə á mbô ngaŋə́zoŋə́ndzəm əjí ńgə́, “Kɔ məntɨ́ mɨ́ mə́ tə́ ńjwaʼə̂ áwə́ənə́, néŋ nə́ ntɨ́ nə́ Əsê ńkə́ néŋ ntɨ́ nə́ maŋə. 2Á mə́m ndɛ̂ Tǎ mə, ətɔ́g ə́ chî ə́wɨ́ ńnə́ənə, təmbɔʼ a pěʼ ńchî lə́ ə́lɨ́d chî pô, tə ḿbə́ maŋ kě nə́ pɨ tə́ ə́sóŋə ńgə́ maŋ yǐ ghɛn tsoŋkə̂ aliʼə́ á mbô pɨ pô? 3Ndzaŋ ándó maŋ yǐ nə́ ghɛn tsoŋkə̂ aliʼə́ á mbô pɨ lə́, ə́ tíʼ yǐ ngǎ yitsə̌, ə́ lɔgə̂ wɨ́ ghɛn nə́ pəənə́ á aliʼ páʼ mäŋ ghɛn nə́ ə́wə́, ńjî ńgə́ aliʼ páʼ maŋ chî nə́ ə́wɨ́ nə́ kə́ ńchîə azɨ́ ə́wə́. 4Lə́ nə́ jî ndú ə́ ghɛn nə́ aliʼ páʼ maŋ ghɛn nə́ ə́wɨ́ lə́.”
5Tɔməsə a sóŋə á mbô yí ńgə́, “Mmaʼmbî, pəg kě aliʼ páʼ gho ghɛn nə́ ə́wɨ́ lə́ jî pô, təmbɔʼ pəg pə́ ńjî ndú yi ə́wɨ́ lə́ ə́fó?”
6Yeso a sóŋə á mbô yí ńgə́, “Maŋ lə́ ndúmə, ḿbə́ ndə̌ŋdəŋə́, ńkə́ ḿbə́ nchîmbîə, təmbɔʼ ŋwunə a kě á mbô Tǎ ghɛn təghə́ a laŋə̂ á mbô maŋ pô. 7Təmbɔʼ pɨ nə́ ńjîə mə, tə ḿbə́ pɨ kə́ ńjîə Tǎ mə. Ə́fɛ́d nə́ pə ə́sɛ̂n pɨ jîə yí ńkə́ ńdzə́ənə yə́.”
8Filibə a sóŋə á mbô Yeso ńgə́, “Mmaʼmbî, nəələ̂ áwə́g nə́ Tǎ əgho, lə́ ndaʼə anu pəg lɔ nə́.”
9Yeso a kwěe yí ńgə́, “Maŋ kwaŋ ńgə́ maŋ chî pɛn tə ndi sagə̂, tə ńkoʼ əghâ nə́ gho kě mə jî nə́ Filib? Ŋwu páʼ a jɨ́ nə́ mə a jɨ́ lə́ Tǎ. Lə́ ghɛlə̂ akə̂ gho sóŋ ńgə́, ‘Nəələ̂ áwə́g nə́ Tǎ?’ 10Gho kě pí ńgə́ maŋ chîə á mə́m Tǎ, Tǎ kə́ ńchîə á mə́m maŋ? Mənu mɨ páʼ maŋ sóŋ nə́ á mbô pɨ lə́, maŋ kě lə́ nə́ mətəənə mə sóŋə pô, lə́ faʼə̂ Tǎ páʼ a chî nə́ á mə́m maŋə. 11Pí nə́ ńgə́ maŋ chîə á mə́m Tǎ, Tǎ kə́ ńchîə á mə́m maŋə. Kɨ nə́ kə́ ḿbímə mə ńté məfaʼ páʼ mäŋ faʼ nə́.” 12Lə́ nə́ ndə̌ŋdəŋ mäŋ sóŋə á mbô pɨ ńgə́, ŋwu páʼ a néŋ nə́ ntɨ́ nə́ maŋ a yǐ kə́ faʼ məfaʼ páʼ mäŋ faʼ nə́. Kɨ a yǐ ḿbɨ faʼ məfaʼ ńtsɛɛlə̂ á mi páʼ maŋ nə faʼ nə́ ńté ńgə́ maŋ ghɛnə̂ lə́ á mbô Tǎ. 13Anuə atsəm páʼ pɨ yǐ nə́ ḿbítə nə́ əlɛ́nə mə, maŋ yǐ faʼə̂ zə́ələ́, ńjî ńgə́ Tǎ a yǐ ńtúgə nəgháʼ əyǐ ńté mɔ́ əyǐə. 14Təmbɔʼ nə́ pítə anuə atsəm nə́ əlɛ́nə mə, maŋ yǐ faʼə̂ zə́ələ́.
Ndzaŋə Ándó Yeso a nə Ńdaʼnə̂ nə́ Ńgə́ a yǒ Túmə Ajwǐəsê
15“Təmbɔʼ nə́ ńkɔŋə̂ mə tə ḿbə́ nə́ yǐ lɔʼkə̂ məntəgə́ mə. 16Lə́ maŋ yǐ pítə a Tǎ mə, a tíʼ ə́fɛ̂ Nkwá əwɨ yi ndaʼ páʼ a yǐ nə́ mɛdnə̂ pɨ pó ngǎ mɔʼə́. 17Tsɔ́ʼə Ajwiə á ndə̌ŋdəŋ, páʼ təmbɔʼ mbî kě kwá pô, ńté ńgə́ mbî kě yï zə́ənə pô ńkě kə́ ńjî pô. Lə́ nə́ pə́ ńjîə yí ńté ńgə́ a mɛdnə̂ pɨ po ə́ yǒ kə́ chî pɨ po.”
18“Maŋ yǒ kě áwɨ́ a ngǎ pɨ mɛdtə̂ pô, maŋ yǐ pɨ pəənə̂ á mbô pəənə́. 19Lə́, lə́ tsɔʼə ngǎ pɛ̌, mbî kě mə pɨ ńjɨ́ pô, lə́ nə́ yǒ ńdzə́ənə mə; ńté ńgə́ maŋ chîə mbîə, nə́ yǒ kə́ chîə mbîə. 20Á yǒ pə́ alě ə́wɨ́ nə́ jî ńgə́ maŋ chîə á mə́m Tǎ mə, nə chîə á mə́m maŋ, maŋ kə́ ńchîə á mə́m pəənə́.
21Ŋwu ntsəm páʼ a pí nə́ məntəgə́ mə ńkə́ ńdzóʼnə á mɨ́d, lə́ ŋwu páʼ a kɔŋ nə́ mə; ŋwu páʼ a kɔŋ nə́ mə, Tǎ mə a yǐ kə́ kɔŋə̂ yə́, maŋ kə́ ńkɔŋə̂ yí ńtíʼ ńnɨd mbəəmə mə á mbô yə́.”
22Judasə (páʼ a nə ńkě pə́ Judas Iskaliɔt pô lə́) a sóŋə á mbô Yeso ńgə́, “Mmaʼmbî, lə́ ghɛlə̂ akə̂ gho sóŋ ńgə́ gho yǐ nɨd mbɨ əzo á mbô pəg, ə́ pə́ kě á mbô mbî nɨd pô?”
23Yeso a kwěe a yí ńgə́, “Təmbɔʼ ŋwunə kɔŋə̂ mə, tə ḿbə́ a yǐ lɔgə̂ atséebə mə, Tǎ mə a kə́ ńtíʼ ńkɔŋə̂ yə́, Pəg Tǎ mə tíʼ ńgyǐəə á mbô yí pəg pö tíʼə ńchîə. 24Ŋwu ntsəm páʼ a kě nə́ mə́ kɔŋ pô, a kě atséebə mə kə́ ńdzóʼnə pô; Lə́ atsáb nə zóʼ nə́ á mbô maŋ lə́, á kě lə́ á mbô maŋ lǒo pô, á lǒo lə́ á mbô Tǎ páʼ a tú nə́ mə.”
25“Maŋ sóŋə mənu məənə́ á mbô pɨ əghâ nə́ páʼ maŋ pɛ́d nə́ ńchî pɛnə̂. 26Lə́ Nkwá ə́wə́, páʼ a pə́ nə́ Ajwǐəsê lə́, yi páʼ Tǎ mə a yǐ nə́ tú nə́ əlɛ́n mə, a yǐ zéʼkə áwɨ́ nə́ anuə atsəm, ə́ tíʼ ghɛd nə́ kwúmtə mənu mətsəm páʼ maŋ nə̈ sóŋ nə́ á mbô pəənə́.”
27Maŋ mɛdtə̂ mbwɔ́dnə á mbô pəənə́, lə́ mbwɔ́dnə mə páʼ maŋ fɛ̂ nə́ á mbô pəənə́. Maŋ kě fɛ̂ lə́ a pə́ ándó pɨ pə́ mbî pö fɛ̂ nə́ lə́ pô. Kɔ nə́ pí məntɨ́ mɨ́ mə́ jwaʼə̂ áwə́ənə́, kɨ ńchî nə́ apɔ́gə. 28Nə pěʼ ńdzóʼ maŋ sóŋə á mbô pɨ ńgə́, Maŋ yǐ ghɛn pɨ kə́ pəənə̂ á mbô pəənə́. Təmbɔʼ nə́ pěʼ ńkɔŋə̂ mə tə ḿbə́ nə́ pěʼ ńtə́ ńkɔŋtə̂ ńté ńgə́ mäŋ ghɛnə̂ lə́ á mbô Tǎ, lə́ Tǎ páʼ a tsɛ nə́ mə. 29Lə́ nə́ pə əghâ nə́ maŋ fiʼtə̂ áwɨ́ nə́ mənu mɨ záʼ mə́ pɔŋə̂ lɔgə̂ aliʼə́, ńjî ńgə́ təmbɔʼ mɨ́d mə́ ghɛd ńdɔgə̂ aliʼ, nə́ pímə. 30Maŋ kě pɨ ńchîə á mə́ tsáb nə́ tə́shú pɛn pô ńté ńgə́ ŋwu páʼ a sáʼ nə́ mbî zəənə́ a tə́ ńgyǐəə. Lə́ a kě mətɨ mətsə́ á ndú maŋ túg pô. 31Lə́ mäŋ faʼə̂ lə́ ndzaŋ páʼ Tǎ a sóŋ nə́ ńgə́ maŋ faʼə̂, ńjî ńgə́ mbî jî ńgə́ maŋ kɔŋə̂ Tǎ. Lǒ nə́ əsê pɛn ghɛnə̂.
Currently Selected:
:
Highlight
Share
Copy
Want to have your highlights saved across all your devices? Sign up or sign in