Magə 3
3
Ŋwu Tsə̌ páʼ a nə Ńtúg nə́ Akwûə Apô
(Mat 12.9-14; Luk 6.6-11)
1Yeso a nə ńkə́ mbɨ ńgɛn ńkwúnə á mə́m ndɛ̂sê Pəjusə, ŋwu tsə̌ a chî ə́wɨ́ páʼ táʼə apô yə́ á nə́ ńkwû nə́. 2Pɨ pətsə́ pə́ nə ńchî ə́wɨ́ páʼ pó nə ńtə́ nə́ ńdɔ ndúmə á mə́ néŋ nə́ anuə atû Yeso, ńtíʼ ńtə́g əmə́g ńnáŋə yí əshîʼnə á mə́ jɨ́ nə́ ńgə́ a yǐ ńtsóʼə ŋwu wə̂ alěláʼsê. 3Yeso a sóŋ nə ŋwu wə̂ páʼ apô yə́ a nə ńkwû nə́ lə́ ńgə́, “Lǒo á əsê ńgyǐəə á mbiə á aliʼə́ nə́.” 4Yeso a tíʼ ḿbítə ághɔ́b ńgə́, “Noŋkə á nɨd ńgə́ mbɔʼ pə́ faʼ lə́ zə́ənə́ ndzaŋə anuə Alěláʼsê? Á mə́ ghɛd nə́ əshîʼnə kəənə á mə́ ghɛd nə́ təpɔŋə? Á mə́ chwádkə nə́ nchîmbî kəənə á mə́ jwítə nə́?”
Lə́ pó pə́ ńkě anu yətsə́ kwěe pô. 5Yeso a záŋ ndě nə́ pó, ŋ́ŋwéetə ághɔ́b ḿbə́ ńkə́ ḿbɛ́d ńtúgə afɨnə ńté ńgə́ məntɨ́ mɔ́b mə́ nə ńtyantə̂ tə́shúnə́. Ńtíʼ sóŋə á mbô ŋwu wə̂ ńgə́, “Shǐəə apô azô.” A shǐəə ájɨ́d, apô ajíə a tíʼ ńgyáŋə zə́ələ́. 6Pəfalasi pə́ tíʼ ə́fɛ́d ńgɛn ńtɔ́g ńjwánə pópə ngǎŋndzəm Ɛlɔd ńtíʼə ńkwaŋtə̂ məsê mə́ ndú mbɔʼ pó laŋ ə́wɨ́ ńjwítə Yeso.
Mboŋ Pɨ ə́ Zoŋə̂ Yeso
7Yeso pópə ngaŋə́zoŋə́ndzəm əjí fɛ́d ńgɛnə̂ ághóobə́ á Əfooghɨ Galili, mboŋ pɨ zoŋə̂ yə́. Pó nə ə́fɛ́d lə́ á Galiliə, ə́fɛ́lə á Judya, 8ə́fɛ́lə á Jɛlusalɛm, ə́fɛ́lə á əlá aláʼ Iduma ḿbɨ ḿbə́ nə́ əláʼə a ndzɛnə́ nkǐ Jodanə ńkə́ ḿbá pɨ páʼ pə́ chî nə́ ḿbáatə Tayile pó Sidɔnə. Pɨ pɨ pətsəm pó nə ńgyǐəə á mbô Yeso ńté ńgə́ pó nə ńdzóʼə anuə atsəm páʼ a nə̈ faʼ nə́. 9Ŋwu məsɔŋə́ a nə nɨ́ lɛ tətə, tə Yeso a sóŋ nə́ ngaŋə́zoŋə́ndzəm əjí ńgə́ pó chwaalə̂ mɔ́ aŋkənúʼə́ á mbô yí ńjî ńgə́ kɔ ŋwu məsɔŋə́ a yǐ ńnwaalə̂ yí fɛ̂ á əsê. 10Ńté ńgə́ a nə ńtsóʼ pɨ pipə nɨ́ nə́, ŋwu ntsəm páʼ aghoonə́ á nə ńchî nə́ a mbɨ yə́, a tíʼə ńchinə̂ ńgyǐəə á mbiə á mə́ kwum nə́ yə́. 11Lə́ əghâ ətsəm páʼ əjwi təpɔŋ pə̂ ə́ jɨ́ nə́ yí, pɨ́d wǔəə á ndəsê á mbi yí ńtíʼə ńkyéŋə ə́sóŋə ńgə́, “Gho lə́ Mɔ́ Əsê!”
12Lə́ Yeso a pə́ ńchígə́ ńkwantə̂ ághɔ́b ńgə́ kɔ pó yǐ ə́fiʼtə̂ ŋwu páʼ yə́ pə́ nə́ wə́ələ́.
Yeso a Tsɔ́ʼ Məntú mí Ntsɔb Pɛ̌
(Mat 10.1-4; Luk 6.12-16)
13Yeso a tíʼ ńkɔ́ʼ ńgɛnə̂ ndu nkwəənə ə́fóŋ pɨ páʼə a nə̈ ndɔ nə́ pó yǐəə á mbô yə́, 14ńtsɔ́ʼ ntsɔb pɛ̌ á mə́m pó ə́fóŋə ághɔ́b nə́ məntúmə, ńjî ńgə́ pó po tə́ ńchîə a pəənə̈ ńtúmə ághɔ́b ńgə́ pö ghɛnə̂ ə́sóŋə anǔəsê, 15ńkə́ ə́fɛ̂ mətəənə á mbô pó á mə́ kəm nə́ pɛ̌sê.
16Lɛ̌ pó ntsɔb pɛ̌ páʼ a nə ńtsɔ́ʼ nə́ ághóobə́: Saamunə (páʼ Yeso a nə fɛ̂ nə́ əlɛ́n yí ńgə́ Pita); 17Jɛmsə mɔ́ Zebedi pó mɔ́mɛ́ əyǐ Jɔnə (Yeso a nə fɛ̂ məlɛ́n mɔ́b ńgə́ Bonajes, páʼ əlɛ́n yí wɨ́ ə̈ sóŋ nə́ lə́ ńgə́ pɔ́ pə́ nəfaŋə); 18Andəlu, Filibə, Batolomiə, Matyo, Tɔməsə, Jɛmsə mɔ́ Alfɔsə, Tadiosə, Saamun (páʼ a kə́ chî nə́ á mə́m nkyeetə yitsə̌ pə̈ fóŋə ńgə́ Zilɔlə) #3.18Zilɔd lə́ nə ḿbə́ nkyeetə yitsə̌ páʼ zɨ́d nə̈ ńdɔ nə́ á mə́ kwá nə́ nəfoonə á mbô pə Loman nə́ mətəənə. 19ḿbɨ́ ḿbə́ nə́ Juda Iskaliɔt páʼ a nə fi nə́ Yeso.
Yeso pó Bɛlzebul
(Mat 12.22-32; Luk 11.14-23; 12.10)
20Yeso a tíʼ ńkwúnə á ndɛ̂ yitsə̌, mboŋ pɨ ə́ kə́ ḿbɨ ńkyeetə̂, tə ndú ə́ kě ə́wɨ́ pɨ́ ńchî təmbɔʼ Yeso pópə ngaŋə́zoŋə́ndzəm əjí jî məjî pô. 21Ndzaŋə ándó ngwud əzɔb ə́ nə ńdzóʼ nə́ anu zɨ lə́, ə́fɛ́d ńgɛnə̂ á mə́ wam nə́ yí ńté ńgə́ pɨ pə́ nə sóŋ ńgə́ a pɛ́ɛlə.
22Ngaŋə́zéʼkə pənoŋkə pətsə́ páʼ pó nə ńdǒ nə́ Jɛlusalɛm pó sóŋ ńgə́, “A túgə Bɛlzebulə á mbɨ yə́! Ä kəmə̂ pɛ̌sê lə́ nə́ mətɨ mə́ Bɛlzebul páʼə á pə́ nə́ əfo pɛ̌sê.”
23Yeso a tíʼ ə́fóŋə ághɔ́b ńtséebə á mbô pó nə́ ətsábnə́múʼ ńgə́: “Təmbɔʼ Satanə á kəmə̂ Satan lə́ ə́lɛ́? 24Təmbɔʼ nəfɔ nə́ ghabnə̂ nə́ mbɨ əjǐ, nəfɔ nə́ wɨ́ nə́ kě tɨ́ pô. 25Təmbɔʼ ndɛ̂ ə́ ghabtə̂ nə́ mbɨ əjǐ ńtíʼ ńchîə məntsoolə məntso, ndɛ̂ zɨ́d zə̂ ə́ láʼ ńkě tɨ́ pô. 26Lə́, təmbɔʼ nəfɔ nə́ Satan nə́ ghabnə̂ mbɨ əjǐ ńtíʼ ńtə́əmə á məntsoolə məntso, nəfɔ nə́ wɨ́ nə́ yǐ ńkě tɨ́ pô, nə́ yǐ ńgwǔ ńtíʼ ḿměe yə́.”
27Lə́ ndə̌ŋdəŋ ńgə́ təmbɔʼ ŋwunə a kě kwúnə á ndɛ̂ atyǎntə ŋwu, ńtwáamə a apeʼə ají tə ńdéʼtə ńgə́ a peg ńgwaamə̂ atyǎntə ŋwu yi wɨ́ ńkwúlə yí záʼ ḿbɔŋə́ tíʼ twáamə apeʼə ajíə á ndɛ̂ yi wə́.
28Mäŋ fiʼtə̂ áwɨ́ nə́ ndə̌ŋdəŋ ńgə́, “Pə́ yǒ ləgnə̂ təpɔŋ ŋwu ntsəm pópə ndzɔmnə ntsəm páʼ pó pɛ́d nə́ tə ńdzɔ Əsê ə́wə́. 29Lə́ ŋwu ntsəm páʼ a zɔmtə̂ nə́ Ajwǐəsê, pə́ láʼ kě təpɔŋ əyǐ ləgnə̂ pô, ńté ńgə́ a ghɛlə̂ təpɔŋ páʼ wə́ələ́ láʼ nə́ kě měe pô.” 30Yeso a nə sóŋə anu zɨ lə́ ńté ńgə́ pó nə̈ sóŋə ńgə́, “A túgə ajwiə təpɔŋə.”
Mǎpə Yeso pópə Pɔ́pə́mɛ́ pí pipə́ Mbyâŋnə
(Mat 12.46-50; Luk 8.19-21)
31Mǎpə Yeso pópə pɔ́pə́mɛ́ pí pi mbyâŋnə yǐ ńtə́əmə apeŋ, ńtíʼ ńtúmə ŋwu tsə̌ ńgə́ á kwú ə́fóŋə yə́. 32Mboŋ pɨ páʼ ə́ nə náanə nə́ ńdíblə a yí pó tíʼ ə́sóŋə á mbô yí ńgə́, “Mǎ əgho pópə pɔ́pə́mɛ́ pô pi pə́ mbyâŋnə pó tə́əmə apeŋ ńtə́ náŋə gho.” 33Yeso a kwěe ághɔ́b ńgə́, “Mǎ mə pópə pɔ́pə́mɛ́ mə lə́ mbə̂kə̂?” 34Yeso a tíʼ ńnáŋ pɨ pə́ náanə nə́ ńdíblə yí lə́ ńtíʼ sóŋ ńgə́, “Lɛ̌ mǎ mə pópə pɔ́pə́mɛ́ mə! 35Ŋwu ntsəm páʼ ä faʼ nə́ anu páʼ Əsê ä lɔ nə́ lə́ mɔ́mɛ́ mə yi mbyâŋnə nə́ yi məngyě nə́ mǎ mə.”
Currently Selected:
Magə 3: azo
Highlight
Share
Copy
Want to have your highlights saved across all your devices? Sign up or sign in
Magə 3
3
Ŋwu Tsə̌ páʼ a nə Ńtúg nə́ Akwûə Apô
(Mat 12.9-14; Luk 6.6-11)
1Yeso a nə ńkə́ mbɨ ńgɛn ńkwúnə á mə́m ndɛ̂sê Pəjusə, ŋwu tsə̌ a chî ə́wɨ́ páʼ táʼə apô yə́ á nə́ ńkwû nə́. 2Pɨ pətsə́ pə́ nə ńchî ə́wɨ́ páʼ pó nə ńtə́ nə́ ńdɔ ndúmə á mə́ néŋ nə́ anuə atû Yeso, ńtíʼ ńtə́g əmə́g ńnáŋə yí əshîʼnə á mə́ jɨ́ nə́ ńgə́ a yǐ ńtsóʼə ŋwu wə̂ alěláʼsê. 3Yeso a sóŋ nə ŋwu wə̂ páʼ apô yə́ a nə ńkwû nə́ lə́ ńgə́, “Lǒo á əsê ńgyǐəə á mbiə á aliʼə́ nə́.” 4Yeso a tíʼ ḿbítə ághɔ́b ńgə́, “Noŋkə á nɨd ńgə́ mbɔʼ pə́ faʼ lə́ zə́ənə́ ndzaŋə anuə Alěláʼsê? Á mə́ ghɛd nə́ əshîʼnə kəənə á mə́ ghɛd nə́ təpɔŋə? Á mə́ chwádkə nə́ nchîmbî kəənə á mə́ jwítə nə́?”
Lə́ pó pə́ ńkě anu yətsə́ kwěe pô. 5Yeso a záŋ ndě nə́ pó, ŋ́ŋwéetə ághɔ́b ḿbə́ ńkə́ ḿbɛ́d ńtúgə afɨnə ńté ńgə́ məntɨ́ mɔ́b mə́ nə ńtyantə̂ tə́shúnə́. Ńtíʼ sóŋə á mbô ŋwu wə̂ ńgə́, “Shǐəə apô azô.” A shǐəə ájɨ́d, apô ajíə a tíʼ ńgyáŋə zə́ələ́. 6Pəfalasi pə́ tíʼ ə́fɛ́d ńgɛn ńtɔ́g ńjwánə pópə ngǎŋndzəm Ɛlɔd ńtíʼə ńkwaŋtə̂ məsê mə́ ndú mbɔʼ pó laŋ ə́wɨ́ ńjwítə Yeso.
Mboŋ Pɨ ə́ Zoŋə̂ Yeso
7Yeso pópə ngaŋə́zoŋə́ndzəm əjí fɛ́d ńgɛnə̂ ághóobə́ á Əfooghɨ Galili, mboŋ pɨ zoŋə̂ yə́. Pó nə ə́fɛ́d lə́ á Galiliə, ə́fɛ́lə á Judya, 8ə́fɛ́lə á Jɛlusalɛm, ə́fɛ́lə á əlá aláʼ Iduma ḿbɨ ḿbə́ nə́ əláʼə a ndzɛnə́ nkǐ Jodanə ńkə́ ḿbá pɨ páʼ pə́ chî nə́ ḿbáatə Tayile pó Sidɔnə. Pɨ pɨ pətsəm pó nə ńgyǐəə á mbô Yeso ńté ńgə́ pó nə ńdzóʼə anuə atsəm páʼ a nə̈ faʼ nə́. 9Ŋwu məsɔŋə́ a nə nɨ́ lɛ tətə, tə Yeso a sóŋ nə́ ngaŋə́zoŋə́ndzəm əjí ńgə́ pó chwaalə̂ mɔ́ aŋkənúʼə́ á mbô yí ńjî ńgə́ kɔ ŋwu məsɔŋə́ a yǐ ńnwaalə̂ yí fɛ̂ á əsê. 10Ńté ńgə́ a nə ńtsóʼ pɨ pipə nɨ́ nə́, ŋwu ntsəm páʼ aghoonə́ á nə ńchî nə́ a mbɨ yə́, a tíʼə ńchinə̂ ńgyǐəə á mbiə á mə́ kwum nə́ yə́. 11Lə́ əghâ ətsəm páʼ əjwi təpɔŋ pə̂ ə́ jɨ́ nə́ yí, pɨ́d wǔəə á ndəsê á mbi yí ńtíʼə ńkyéŋə ə́sóŋə ńgə́, “Gho lə́ Mɔ́ Əsê!”
12Lə́ Yeso a pə́ ńchígə́ ńkwantə̂ ághɔ́b ńgə́ kɔ pó yǐ ə́fiʼtə̂ ŋwu páʼ yə́ pə́ nə́ wə́ələ́.
Yeso a Tsɔ́ʼ Məntú mí Ntsɔb Pɛ̌
(Mat 10.1-4; Luk 6.12-16)
13Yeso a tíʼ ńkɔ́ʼ ńgɛnə̂ ndu nkwəənə ə́fóŋ pɨ páʼə a nə̈ ndɔ nə́ pó yǐəə á mbô yə́, 14ńtsɔ́ʼ ntsɔb pɛ̌ á mə́m pó ə́fóŋə ághɔ́b nə́ məntúmə, ńjî ńgə́ pó po tə́ ńchîə a pəənə̈ ńtúmə ághɔ́b ńgə́ pö ghɛnə̂ ə́sóŋə anǔəsê, 15ńkə́ ə́fɛ̂ mətəənə á mbô pó á mə́ kəm nə́ pɛ̌sê.
16Lɛ̌ pó ntsɔb pɛ̌ páʼ a nə ńtsɔ́ʼ nə́ ághóobə́: Saamunə (páʼ Yeso a nə fɛ̂ nə́ əlɛ́n yí ńgə́ Pita); 17Jɛmsə mɔ́ Zebedi pó mɔ́mɛ́ əyǐ Jɔnə (Yeso a nə fɛ̂ məlɛ́n mɔ́b ńgə́ Bonajes, páʼ əlɛ́n yí wɨ́ ə̈ sóŋ nə́ lə́ ńgə́ pɔ́ pə́ nəfaŋə); 18Andəlu, Filibə, Batolomiə, Matyo, Tɔməsə, Jɛmsə mɔ́ Alfɔsə, Tadiosə, Saamun (páʼ a kə́ chî nə́ á mə́m nkyeetə yitsə̌ pə̈ fóŋə ńgə́ Zilɔlə) #3.18Zilɔd lə́ nə ḿbə́ nkyeetə yitsə̌ páʼ zɨ́d nə̈ ńdɔ nə́ á mə́ kwá nə́ nəfoonə á mbô pə Loman nə́ mətəənə. 19ḿbɨ́ ḿbə́ nə́ Juda Iskaliɔt páʼ a nə fi nə́ Yeso.
Yeso pó Bɛlzebul
(Mat 12.22-32; Luk 11.14-23; 12.10)
20Yeso a tíʼ ńkwúnə á ndɛ̂ yitsə̌, mboŋ pɨ ə́ kə́ ḿbɨ ńkyeetə̂, tə ndú ə́ kě ə́wɨ́ pɨ́ ńchî təmbɔʼ Yeso pópə ngaŋə́zoŋə́ndzəm əjí jî məjî pô. 21Ndzaŋə ándó ngwud əzɔb ə́ nə ńdzóʼ nə́ anu zɨ lə́, ə́fɛ́d ńgɛnə̂ á mə́ wam nə́ yí ńté ńgə́ pɨ pə́ nə sóŋ ńgə́ a pɛ́ɛlə.
22Ngaŋə́zéʼkə pənoŋkə pətsə́ páʼ pó nə ńdǒ nə́ Jɛlusalɛm pó sóŋ ńgə́, “A túgə Bɛlzebulə á mbɨ yə́! Ä kəmə̂ pɛ̌sê lə́ nə́ mətɨ mə́ Bɛlzebul páʼə á pə́ nə́ əfo pɛ̌sê.”
23Yeso a tíʼ ə́fóŋə ághɔ́b ńtséebə á mbô pó nə́ ətsábnə́múʼ ńgə́: “Təmbɔʼ Satanə á kəmə̂ Satan lə́ ə́lɛ́? 24Təmbɔʼ nəfɔ nə́ ghabnə̂ nə́ mbɨ əjǐ, nəfɔ nə́ wɨ́ nə́ kě tɨ́ pô. 25Təmbɔʼ ndɛ̂ ə́ ghabtə̂ nə́ mbɨ əjǐ ńtíʼ ńchîə məntsoolə məntso, ndɛ̂ zɨ́d zə̂ ə́ láʼ ńkě tɨ́ pô. 26Lə́, təmbɔʼ nəfɔ nə́ Satan nə́ ghabnə̂ mbɨ əjǐ ńtíʼ ńtə́əmə á məntsoolə məntso, nəfɔ nə́ wɨ́ nə́ yǐ ńkě tɨ́ pô, nə́ yǐ ńgwǔ ńtíʼ ḿměe yə́.”
27Lə́ ndə̌ŋdəŋ ńgə́ təmbɔʼ ŋwunə a kě kwúnə á ndɛ̂ atyǎntə ŋwu, ńtwáamə a apeʼə ají tə ńdéʼtə ńgə́ a peg ńgwaamə̂ atyǎntə ŋwu yi wɨ́ ńkwúlə yí záʼ ḿbɔŋə́ tíʼ twáamə apeʼə ajíə á ndɛ̂ yi wə́.
28Mäŋ fiʼtə̂ áwɨ́ nə́ ndə̌ŋdəŋ ńgə́, “Pə́ yǒ ləgnə̂ təpɔŋ ŋwu ntsəm pópə ndzɔmnə ntsəm páʼ pó pɛ́d nə́ tə ńdzɔ Əsê ə́wə́. 29Lə́ ŋwu ntsəm páʼ a zɔmtə̂ nə́ Ajwǐəsê, pə́ láʼ kě təpɔŋ əyǐ ləgnə̂ pô, ńté ńgə́ a ghɛlə̂ təpɔŋ páʼ wə́ələ́ láʼ nə́ kě měe pô.” 30Yeso a nə sóŋə anu zɨ lə́ ńté ńgə́ pó nə̈ sóŋə ńgə́, “A túgə ajwiə təpɔŋə.”
Mǎpə Yeso pópə Pɔ́pə́mɛ́ pí pipə́ Mbyâŋnə
(Mat 12.46-50; Luk 8.19-21)
31Mǎpə Yeso pópə pɔ́pə́mɛ́ pí pi mbyâŋnə yǐ ńtə́əmə apeŋ, ńtíʼ ńtúmə ŋwu tsə̌ ńgə́ á kwú ə́fóŋə yə́. 32Mboŋ pɨ páʼ ə́ nə náanə nə́ ńdíblə a yí pó tíʼ ə́sóŋə á mbô yí ńgə́, “Mǎ əgho pópə pɔ́pə́mɛ́ pô pi pə́ mbyâŋnə pó tə́əmə apeŋ ńtə́ náŋə gho.” 33Yeso a kwěe ághɔ́b ńgə́, “Mǎ mə pópə pɔ́pə́mɛ́ mə lə́ mbə̂kə̂?” 34Yeso a tíʼ ńnáŋ pɨ pə́ náanə nə́ ńdíblə yí lə́ ńtíʼ sóŋ ńgə́, “Lɛ̌ mǎ mə pópə pɔ́pə́mɛ́ mə! 35Ŋwu ntsəm páʼ ä faʼ nə́ anu páʼ Əsê ä lɔ nə́ lə́ mɔ́mɛ́ mə yi mbyâŋnə nə́ yi məngyě nə́ mǎ mə.”
Currently Selected:
:
Highlight
Share
Copy
Want to have your highlights saved across all your devices? Sign up or sign in