Jâŋ 19
19
1Piláto ncʉ́ʼ nkə́ ngʉ́ pə́ laghʼ Yěso ńdə́r, ə́ ngwo ndághʼ məngwaa sə́u yé. 2Pəsóghəi laghʼ mənzôŋ, ə́ ḿbáʼ nkaghʼə ləfou ńshóghʼə́ tû Yěso, ə́ mǎʼ paŋ-paŋ ndǐ ndəu zʉ́. 3Ə́ ncʉ́ʼ ntó ńtə̂ʉ mbi zʉ́, ə́ sóghʼə yé ńdâʼ ngô: «Zaa-môu! Fou pəyúda.» Ə́ sə̂u məfěi tû zʉ́.
4Piláto kə̂ ncí nkwár péi, ə́ ndǎʼ lə́ pəkə̌m pəyúda ngô: «Pei zúʼ! N ngwo ghʉ̌ pə kwarə́ yé ńŋə́ lə́ pei, ə́ lǎghʼ nyarə́ wéi ńgó kâa n njwô ghâa no yi a fǎa zěi.» 5Yěso cʉ̂ʼ ngí kwǎr, nkaghʼə mənzôŋ pə̂ tû zʉ́, a mâʼ ndǐ paŋ-paŋ. Piláto lâʼ ngô: «Ŋuu wêi wə̂!» 6Pətə́-ndə̂ pənuŋú-poʼ gháp pə pəpáp ndə̂ Sê lei tə njwó Yěso, ə́ njǐ lə̂ máʼ wâr ngô: «Pə kʉ̂ʉ yé lə̂ tʉ̌-mbʉ̂ŋtə! Pə kʉ̂ʉ yé lə̂ tʉ̌-mbʉ̂ŋtə!» Piláto lâʼ lə́ páp ngô: «Pei ko yé ə́ ngwo nkʉ̂ʉ lə̂ tʉ̌-mbʉ̂ŋtə pə́ pei, ə́ ngwǒ lə́ məŋ, mə́i kâa n njwô ghâa có no yi a ghʉ̌ tə mboʼ pə́ jwî yé.» 7Pəyúda laʼ lə́ zʉ́ ngô: «A faa ləpə̌ʉ zághʼ, pə́ ghwo lə̂ njwí yé, ńté no a lâʼ ńgó â Môu Sê.» 8Piláto zûʼ yə́rə́, ə́ fú mbóghʼ gháʼate. 9Ə́ mbə̌ʉ ńkə́u ndə̂, ə́ ntúŋú Yěso ngô: «Ô ŋuu mbə ghó?» Lə́ Yěso kâa ntsap yé no. 10Piláto cʉ̂ʼ nkə́ ndáʼ lə́ zʉ́ ngô: «N ntuŋú ghô no, o lʉ̂ŋtə áa? Koo o pə́ njî ńgó n nkûʼ lə̂ ngʉ̂ pə́ tyaghʼ ghô ńnyér, ə́ mbou nkûʼ lə̂ ngʉ̂ pə́ kʉʉ ghô lə̂ tʉ̌-mbʉ̂ŋtə mo?» 11Yěso pwôr ngô: «Koo o ghwo ghô məcó mətəʉ ndəu məŋ, ə́ ndyéʼ ghíʼ Sê lə̌i ŋə́ lə́ gho. Ə̂ zə̂u yi ə́ ghʉ̌, no tə́poŋ ŋuu yi a fěi ghâa ńŋə́ lə́ gho ghúʼ ndei zô.»
12Ə́ fû mpfu wêi, Piláto ji lə̂ ndôu məsʉ̂ lə̂ nyér Yěso, lə́ pəyúda mâʼ wâr ə́ mə́ ndâʼ ngô: «O lə̌i nyér yé, mə́i koo o pyêr ghô sə̌u fou pəlóma. Ŋuu lə̌i mbə́i fou, ə́ laghʼ mbə́ ńgó â ngaŋə-mbəu fou pəlóma.» 13Piláto lei tə nzúʼ ghíʼ gháp lǎʼ yə́rə́, ə́ ngʉ̌ pə́ laghʼ Yěso fú ndə̂ nkwǎr. Piláto shíʼ ńnyáŋ lə̂ lwoŋ yi a cî nyâŋ mə́u fêʼ pəkôr, ə́ yʉʼ yi pə́ lə lǎghʼ məghǒ mbóu, ə́ fûŋ lə̂ tsâr Hebələ̂ ngô: «Gabáta» 14Ə́ lə pə̂ gháʼá leʼé yi pə́ tʉ̂ŋtə lətsei Pásʉ́ka, ə́ ndə́u ntə̌ʉ-nəu, Piláto lâʼ lə́ pəyúda ngô: «Fou wei wo!» 15Lə́ pəyúda naa máʼ wâr ə́ mə́ ndâʼ ngô: «Pə jwí yé! Pə jwí yé! Pə kʉ̂ʉ yé lə̂ tʉ̌-mbʉ̂ŋtə!» Piláto túŋu gháp ngô: «Ńgó məŋ ngʉ́ pə kʉ̂ʉ fou wéi lə̂ tʉ̌-mbʉ̂ŋtə áa» Pətə́-ndə̂ pənuŋú-poʼ pwor ngô: «Káa paghʼ ghwô wághʼ cǒ fou tə ndyéʼ fou pəlóma.» 16Piláto cʉ̂ʼ nkə́ ŋə́ Yěso lə́ páp ńgó gháp wó nkʉ̌ʉ yé lə̂ tʉ̌-mbʉ̂ŋtə.
Pə́ kʉʉ Yěso lə̂ tʉ̌-mbʉ̂ŋtə
(Mat 27.32-44; Mks 15.21-32; Lks 23.26-43)
Gháp cʉ̂ʼ nkə́ ndághʼ Yěso ńdə́r. 17Ə́ mə́ ndə̂r, Yěso khwôr tʉ̌-mbʉ̂ŋtə yé pə́ zʉ́, gháp laghʼ yé fú túsoŋ nkwár, ə́ ndə̌r lə̂ yʉʼ yi pə́ fûŋ ńgó Kwěi-tû, ə́ pə̂ lə̂ tsâr Hebələ̂ ńgó Golgóta. 18Ə́ nkə́u yʉʼ wó, pəsóghəi kʉʉ Yěso lə̂ tʉ̌-mbʉ̂ŋtə. Ə́ nkə́ ncí nkʉ̂ʉ pəcó pye pə́pwô lə̂ máp mətʉ̌-mbʉ̂ŋtə, tâʼ pə̂ lə̂ ndyə́ghʼə́ pô Yěso yi təʉ, cǒ pə̂ lə̂ yi kwap, Yěso pə̂ təcər. 19Piláto kə̂ ncí ngʉ́ pə́ ŋwáʼa zə̂u nkʉ̌ʉ ndəu tû zʉ́ lə̂ tʉ̌-mbʉ̂ŋtə ngô: «Yěso ŋuu Nǎazalêi, fou pəyúda.» 20Pəyúda tə nzáa lə fûŋ zə̂u yi pə́ lə ŋwaʼá ńkʉ̂ʉ ndəu tû Yěso lə̂ tʉ̌-mbʉ̂ŋtə, ńté ńgó yʉʼ yi pə́ lə kʉ̂ʉ yé wó lə pâatə túsoŋ, pə́ pou ŋwáʼá lə̂ tsâr Hebələ̂, lə̂ tsâr pəlóma mbaa lə́ yi pye Gərêghʼ. 21Pətə́-ndə̂ pənuŋú-poʼ Sê lâʼ lə́ Piláto ngô: «Káa pôŋ yé ńgó ô ŋwáʼa ngô: “fou pəyúda”. Ŋwaʼá pə́ ngô: “Ŋuu wo laʼ ńgó â fou pəyúda.”» 22Piláto lâʼ ngô: «Ə zə̂u yi n ndǎʼ ńgó pə ŋwaʼá, pə́ kə́ ŋwaʼá pə́ zěi.»
23Pəsóghəi myaghʼ lə̂ nkʉ̂ʉ Yěso lə̂ tʉ̌-mbʉ̂ŋtə, ə́ mbyé məndǐ mé ə́ ngaptə́ yʉʼ ləkwo, wǒwó təcər páp ghwô ye yʉʼ, ə́ vuʼ tâʼ ndǐ njwǐ, káa pə lə tə̂ yé zêi ndǐ tə̌, lə́ pə́ fú lóŋ wó, ə́ mbáʼ páʼá ə́ ngwo ŋə́ sê. 24Pəsóghəi laʼ təcər páp ngô: «Koo paghʼə sêʼtə yo, paghʼə tə́m pyêr ə́ ndághʼ ńjwó ŋuu yi a wo ghwǒ zěi.» Ə́ pə̂ yə́rə́, ə́ ndághʼ ḿbəutə lə̂ zə̂u yi pə́ lə ŋwaʼá cər ŋwaʼa Sê ngô:
«Gháp ghâptə́ məndǐ mâa təcər páp,
ə́ mbou ntə́m pyêr lə̂ ndághʼ njwó ŋuu yi a wo ghwǒ ndǐ zâa yi njwǐ.»
Ə̂ zə̂u yi pəsóghəi lə ghʉ̌.
25Ncʉʼ-nzəm mə́ pə Yěso yi məngyě gháp mə́ pə Yěso, ə́ ngʉ̌ Mǎyaa ngwě Kəlopáasʉ gháp Mǎyaa môu túsoŋ Mǎghʼdala tə̂ʉ mbəʉ tʉ̌-mbʉ̂ŋtə Yěso. 26Yěso jwô mə́ ye, ə́ nkə́ ncí njwó ngaŋə-jyêʼ-no ye yi a lə koŋ no yé gháʼate tə̂ʉ mbəʉ mə́ ye, Yěso lâʼ lə́ mə́ ye ngô: «Mǎa, môu gho wə̂.» 27Ə́ mbǒu ndáʼ lə̂ ngaŋə-jyêʼ-no ye ngô: «Mə́ gho wə̂.» Ə́ fû mpfu wêi ngaŋə-jyêʼ-no wêi lâghʼ mə́ pə Yěso ńdə́r lə̂ nzéʼ zʉ́.
Yěso kwʉ̌
(Mat 27.45-56; Mks 15.33-41; Lks 23.44-49)
28Mwo məno lei, Yěso jî ńgó no tsəm pəutə, ə́ ndǎʼ ngô: «Ə ndě nci pə́ nzə̂u ghâa.» A lə lâʼ yə́rə́, ə́ ńjí ńgó zə̂u tsəm pə́ lə ŋwaʼá cər ŋwaʼa Sê pəutə́ mə́. 29Ə́ lə ghí pə́, ə có ngwǒŋ təʉ yʉʼ wó lə̂ məluʼ pǐ cər wo tə ndóghʼə́, pəsóghəi tsəp əpôŋjə mə́u, ə́ shóghʼə́ lə̂ lətû kəkaʼa, ə́ ncaghʼə́ ńcóghʼ ntsʉ zʉ́. 30A lei tə nyóŋ, ə́ ndǎʼ ngô: «M myâghʼ faʼ zaa ndəu ndesé.» Ə́ ntsʉ́ŋə́ tû yé sê, ə́ nkwʉ́.
Cǒ sóghəi laghʼ ləkoŋ sáp saŋ-mbei Yěso
31Ə́ lə pə́ leʼé wêi, pə́ pə̂ ntsûŋtə leʼé nji pəyúda, ə́ pə̂ leʼé lâʼ jwǐ; lə́u ə́ mə́ ntúŋu yé ńgó məpfû pye pə́ lə̂ mətʉ̌-mbʉ̂ŋtə leʼé wêi po. Pəkə̌m pəyúda wo ńjwó Piláto ńgó a ghʉ́ pə wó ntí məku máp mbwóʼtə́, ə́ fú lə̂ mətʉ̌-mbʉ̂ŋtə shúʼú gháp. 32Ə́ pə̂ yə́rə́, pəsóghəi wo yʉʼ wó mbwóʼtə́ məku nduŋ-mbi ŋuu, ə́ nkə́ ncí mbwóʼtə́ mi mbâatə pwô lə̂ pye pi pə́ lə kʉ̌ʉ gháp pə Yěso lə̂ mətʉ̌-mbʉ̂ŋtə. 33Ə́ nkə́u lə́ Yěso, ə́ njwó mə́i a kwʉ̌ mə́, káa gháp kə mbwóʼtə́ gháp məku mé. 34Lə́ cǒ tâʼ sóghəi lâghʼ ləkoŋ ə́ sáp saŋ-mbei yé, nci gháp məci lêi-lěi ntə̂u ńkwár. 35Ŋuu yi a laʼ wéi lo, â ŋuu yi a lə jwó; no yi a laʼ wéi, ə́ pə̂ no lə́nə́ʉ; a pôu mə́ njî ńgó a laʼ wéi no lə́nə́ʉ ghíʼ pei wo lěi mə́u, ə́ ghwǒ pə̂i-ntə̂ʉ. 36Ə́ pə́ yə́rə́, ə́ ndághʼ ḿbəutə lə̂ məno mi pə́ lə ŋwaʼá cər ŋwaʼa Sê ngô: «Ŋuu láʼ pwôʼ yé có kwěi yé po.» 37Có yʉʼ ŋwaʼa Sê kə́ ncí mə́ ndâʼ ngô: «Gháp ghʉ̌ jwó ŋuu yi gháp lə lǎghʼ ləkoŋ sáp yé.»
Pə́ cóghʼ Yěso cər ləshi
(Mat 27.57-61; Mks 15.42-47; Lks 23.50-56)
38Mwo məno lei, Yosêp ŋuu túsoŋ Arimatê, ə́ mbə́ cǒ ngaŋə-jyêʼ-no Yěso lə́ ə́ ndwô lwǒ ńté no a lə pə́ mbôghʼ pəyúda; wô ńjwó Piláto, ə́ ntúŋú yé lə̂ ngwó shuʼú pfû Yěso lə̂ tʉ̌-mbʉ̂ŋtə. Piláto pə̂i, a wô fú mə́u ə́ shuʼú zěi. 39Nikodêm, ŋuu yi a lə záʼ mə́ nzʉ̂ cǒ lətwûʼ ngwo ńjwó Yěso lə̂ ghi tó yé, ə́ ngwǒ ləmə́ndaa tə ə́ pə̂ no kíləu mə̂m-tárə́, ə́ pə̂ yi pə́ lə lǎghʼ məkəp cǒ mbə̂u mətʉ̌ mi pə́ fûŋ ńgó Mîrə gháp alwěsʉ ə́ ntsuŋú. 40Gháp Yosêp cʉ̂ʼ nkə́ nkhwór pfû Yěso, ə́ ngí pə́ laghʼ zə̂u-ndí zə́mtə́, ə́ mə́ ncwə̂r ləmə́ndaa zêi mə́u. Ə́ pə̂ ghíʼ pəyúda lə ghʉ lə̂ məpfû pye páp mboŋə́ tʉ́ŋ. 41Ə có nkâʼ lə pə́ mbəʉ yʉʼ yi pə́ lə kʉ̌ʉ Yěso wó, có ləshi shwî pə̂ cər wó yi pə́ laa kə́ côghʼ yé pfû ŋuu cər wó. 42Pə côghʼ pfû Yěso cər ləshi zêi, ńté no ə́ lə pâatə yʉʼ zêi, mbaa ńté ghíʼ pəyúda lə pə́ ntsûŋtə no leʼé nji záp.
Currently Selected:
Jâŋ 19: NLA
Highlight
Share
Copy
Want to have your highlights saved across all your devices? Sign up or sign in
Jâŋ 19
19
1Piláto ncʉ́ʼ nkə́ ngʉ́ pə́ laghʼ Yěso ńdə́r, ə́ ngwo ndághʼ məngwaa sə́u yé. 2Pəsóghəi laghʼ mənzôŋ, ə́ ḿbáʼ nkaghʼə ləfou ńshóghʼə́ tû Yěso, ə́ mǎʼ paŋ-paŋ ndǐ ndəu zʉ́. 3Ə́ ncʉ́ʼ ntó ńtə̂ʉ mbi zʉ́, ə́ sóghʼə yé ńdâʼ ngô: «Zaa-môu! Fou pəyúda.» Ə́ sə̂u məfěi tû zʉ́.
4Piláto kə̂ ncí nkwár péi, ə́ ndǎʼ lə́ pəkə̌m pəyúda ngô: «Pei zúʼ! N ngwo ghʉ̌ pə kwarə́ yé ńŋə́ lə́ pei, ə́ lǎghʼ nyarə́ wéi ńgó kâa n njwô ghâa no yi a fǎa zěi.» 5Yěso cʉ̂ʼ ngí kwǎr, nkaghʼə mənzôŋ pə̂ tû zʉ́, a mâʼ ndǐ paŋ-paŋ. Piláto lâʼ ngô: «Ŋuu wêi wə̂!» 6Pətə́-ndə̂ pənuŋú-poʼ gháp pə pəpáp ndə̂ Sê lei tə njwó Yěso, ə́ njǐ lə̂ máʼ wâr ngô: «Pə kʉ̂ʉ yé lə̂ tʉ̌-mbʉ̂ŋtə! Pə kʉ̂ʉ yé lə̂ tʉ̌-mbʉ̂ŋtə!» Piláto lâʼ lə́ páp ngô: «Pei ko yé ə́ ngwo nkʉ̂ʉ lə̂ tʉ̌-mbʉ̂ŋtə pə́ pei, ə́ ngwǒ lə́ məŋ, mə́i kâa n njwô ghâa có no yi a ghʉ̌ tə mboʼ pə́ jwî yé.» 7Pəyúda laʼ lə́ zʉ́ ngô: «A faa ləpə̌ʉ zághʼ, pə́ ghwo lə̂ njwí yé, ńté no a lâʼ ńgó â Môu Sê.» 8Piláto zûʼ yə́rə́, ə́ fú mbóghʼ gháʼate. 9Ə́ mbə̌ʉ ńkə́u ndə̂, ə́ ntúŋú Yěso ngô: «Ô ŋuu mbə ghó?» Lə́ Yěso kâa ntsap yé no. 10Piláto cʉ̂ʼ nkə́ ndáʼ lə́ zʉ́ ngô: «N ntuŋú ghô no, o lʉ̂ŋtə áa? Koo o pə́ njî ńgó n nkûʼ lə̂ ngʉ̂ pə́ tyaghʼ ghô ńnyér, ə́ mbou nkûʼ lə̂ ngʉ̂ pə́ kʉʉ ghô lə̂ tʉ̌-mbʉ̂ŋtə mo?» 11Yěso pwôr ngô: «Koo o ghwo ghô məcó mətəʉ ndəu məŋ, ə́ ndyéʼ ghíʼ Sê lə̌i ŋə́ lə́ gho. Ə̂ zə̂u yi ə́ ghʉ̌, no tə́poŋ ŋuu yi a fěi ghâa ńŋə́ lə́ gho ghúʼ ndei zô.»
12Ə́ fû mpfu wêi, Piláto ji lə̂ ndôu məsʉ̂ lə̂ nyér Yěso, lə́ pəyúda mâʼ wâr ə́ mə́ ndâʼ ngô: «O lə̌i nyér yé, mə́i koo o pyêr ghô sə̌u fou pəlóma. Ŋuu lə̌i mbə́i fou, ə́ laghʼ mbə́ ńgó â ngaŋə-mbəu fou pəlóma.» 13Piláto lei tə nzúʼ ghíʼ gháp lǎʼ yə́rə́, ə́ ngʉ̌ pə́ laghʼ Yěso fú ndə̂ nkwǎr. Piláto shíʼ ńnyáŋ lə̂ lwoŋ yi a cî nyâŋ mə́u fêʼ pəkôr, ə́ yʉʼ yi pə́ lə lǎghʼ məghǒ mbóu, ə́ fûŋ lə̂ tsâr Hebələ̂ ngô: «Gabáta» 14Ə́ lə pə̂ gháʼá leʼé yi pə́ tʉ̂ŋtə lətsei Pásʉ́ka, ə́ ndə́u ntə̌ʉ-nəu, Piláto lâʼ lə́ pəyúda ngô: «Fou wei wo!» 15Lə́ pəyúda naa máʼ wâr ə́ mə́ ndâʼ ngô: «Pə jwí yé! Pə jwí yé! Pə kʉ̂ʉ yé lə̂ tʉ̌-mbʉ̂ŋtə!» Piláto túŋu gháp ngô: «Ńgó məŋ ngʉ́ pə kʉ̂ʉ fou wéi lə̂ tʉ̌-mbʉ̂ŋtə áa» Pətə́-ndə̂ pənuŋú-poʼ pwor ngô: «Káa paghʼ ghwô wághʼ cǒ fou tə ndyéʼ fou pəlóma.» 16Piláto cʉ̂ʼ nkə́ ŋə́ Yěso lə́ páp ńgó gháp wó nkʉ̌ʉ yé lə̂ tʉ̌-mbʉ̂ŋtə.
Pə́ kʉʉ Yěso lə̂ tʉ̌-mbʉ̂ŋtə
(Mat 27.32-44; Mks 15.21-32; Lks 23.26-43)
Gháp cʉ̂ʼ nkə́ ndághʼ Yěso ńdə́r. 17Ə́ mə́ ndə̂r, Yěso khwôr tʉ̌-mbʉ̂ŋtə yé pə́ zʉ́, gháp laghʼ yé fú túsoŋ nkwár, ə́ ndə̌r lə̂ yʉʼ yi pə́ fûŋ ńgó Kwěi-tû, ə́ pə̂ lə̂ tsâr Hebələ̂ ńgó Golgóta. 18Ə́ nkə́u yʉʼ wó, pəsóghəi kʉʉ Yěso lə̂ tʉ̌-mbʉ̂ŋtə. Ə́ nkə́ ncí nkʉ̂ʉ pəcó pye pə́pwô lə̂ máp mətʉ̌-mbʉ̂ŋtə, tâʼ pə̂ lə̂ ndyə́ghʼə́ pô Yěso yi təʉ, cǒ pə̂ lə̂ yi kwap, Yěso pə̂ təcər. 19Piláto kə̂ ncí ngʉ́ pə́ ŋwáʼa zə̂u nkʉ̌ʉ ndəu tû zʉ́ lə̂ tʉ̌-mbʉ̂ŋtə ngô: «Yěso ŋuu Nǎazalêi, fou pəyúda.» 20Pəyúda tə nzáa lə fûŋ zə̂u yi pə́ lə ŋwaʼá ńkʉ̂ʉ ndəu tû Yěso lə̂ tʉ̌-mbʉ̂ŋtə, ńté ńgó yʉʼ yi pə́ lə kʉ̂ʉ yé wó lə pâatə túsoŋ, pə́ pou ŋwáʼá lə̂ tsâr Hebələ̂, lə̂ tsâr pəlóma mbaa lə́ yi pye Gərêghʼ. 21Pətə́-ndə̂ pənuŋú-poʼ Sê lâʼ lə́ Piláto ngô: «Káa pôŋ yé ńgó ô ŋwáʼa ngô: “fou pəyúda”. Ŋwaʼá pə́ ngô: “Ŋuu wo laʼ ńgó â fou pəyúda.”» 22Piláto lâʼ ngô: «Ə zə̂u yi n ndǎʼ ńgó pə ŋwaʼá, pə́ kə́ ŋwaʼá pə́ zěi.»
23Pəsóghəi myaghʼ lə̂ nkʉ̂ʉ Yěso lə̂ tʉ̌-mbʉ̂ŋtə, ə́ mbyé məndǐ mé ə́ ngaptə́ yʉʼ ləkwo, wǒwó təcər páp ghwô ye yʉʼ, ə́ vuʼ tâʼ ndǐ njwǐ, káa pə lə tə̂ yé zêi ndǐ tə̌, lə́ pə́ fú lóŋ wó, ə́ mbáʼ páʼá ə́ ngwo ŋə́ sê. 24Pəsóghəi laʼ təcər páp ngô: «Koo paghʼə sêʼtə yo, paghʼə tə́m pyêr ə́ ndághʼ ńjwó ŋuu yi a wo ghwǒ zěi.» Ə́ pə̂ yə́rə́, ə́ ndághʼ ḿbəutə lə̂ zə̂u yi pə́ lə ŋwaʼá cər ŋwaʼa Sê ngô:
«Gháp ghâptə́ məndǐ mâa təcər páp,
ə́ mbou ntə́m pyêr lə̂ ndághʼ njwó ŋuu yi a wo ghwǒ ndǐ zâa yi njwǐ.»
Ə̂ zə̂u yi pəsóghəi lə ghʉ̌.
25Ncʉʼ-nzəm mə́ pə Yěso yi məngyě gháp mə́ pə Yěso, ə́ ngʉ̌ Mǎyaa ngwě Kəlopáasʉ gháp Mǎyaa môu túsoŋ Mǎghʼdala tə̂ʉ mbəʉ tʉ̌-mbʉ̂ŋtə Yěso. 26Yěso jwô mə́ ye, ə́ nkə́ ncí njwó ngaŋə-jyêʼ-no ye yi a lə koŋ no yé gháʼate tə̂ʉ mbəʉ mə́ ye, Yěso lâʼ lə́ mə́ ye ngô: «Mǎa, môu gho wə̂.» 27Ə́ mbǒu ndáʼ lə̂ ngaŋə-jyêʼ-no ye ngô: «Mə́ gho wə̂.» Ə́ fû mpfu wêi ngaŋə-jyêʼ-no wêi lâghʼ mə́ pə Yěso ńdə́r lə̂ nzéʼ zʉ́.
Yěso kwʉ̌
(Mat 27.45-56; Mks 15.33-41; Lks 23.44-49)
28Mwo məno lei, Yěso jî ńgó no tsəm pəutə, ə́ ndǎʼ ngô: «Ə ndě nci pə́ nzə̂u ghâa.» A lə lâʼ yə́rə́, ə́ ńjí ńgó zə̂u tsəm pə́ lə ŋwaʼá cər ŋwaʼa Sê pəutə́ mə́. 29Ə́ lə ghí pə́, ə có ngwǒŋ təʉ yʉʼ wó lə̂ məluʼ pǐ cər wo tə ndóghʼə́, pəsóghəi tsəp əpôŋjə mə́u, ə́ shóghʼə́ lə̂ lətû kəkaʼa, ə́ ncaghʼə́ ńcóghʼ ntsʉ zʉ́. 30A lei tə nyóŋ, ə́ ndǎʼ ngô: «M myâghʼ faʼ zaa ndəu ndesé.» Ə́ ntsʉ́ŋə́ tû yé sê, ə́ nkwʉ́.
Cǒ sóghəi laghʼ ləkoŋ sáp saŋ-mbei Yěso
31Ə́ lə pə́ leʼé wêi, pə́ pə̂ ntsûŋtə leʼé nji pəyúda, ə́ pə̂ leʼé lâʼ jwǐ; lə́u ə́ mə́ ntúŋu yé ńgó məpfû pye pə́ lə̂ mətʉ̌-mbʉ̂ŋtə leʼé wêi po. Pəkə̌m pəyúda wo ńjwó Piláto ńgó a ghʉ́ pə wó ntí məku máp mbwóʼtə́, ə́ fú lə̂ mətʉ̌-mbʉ̂ŋtə shúʼú gháp. 32Ə́ pə̂ yə́rə́, pəsóghəi wo yʉʼ wó mbwóʼtə́ məku nduŋ-mbi ŋuu, ə́ nkə́ ncí mbwóʼtə́ mi mbâatə pwô lə̂ pye pi pə́ lə kʉ̌ʉ gháp pə Yěso lə̂ mətʉ̌-mbʉ̂ŋtə. 33Ə́ nkə́u lə́ Yěso, ə́ njwó mə́i a kwʉ̌ mə́, káa gháp kə mbwóʼtə́ gháp məku mé. 34Lə́ cǒ tâʼ sóghəi lâghʼ ləkoŋ ə́ sáp saŋ-mbei yé, nci gháp məci lêi-lěi ntə̂u ńkwár. 35Ŋuu yi a laʼ wéi lo, â ŋuu yi a lə jwó; no yi a laʼ wéi, ə́ pə̂ no lə́nə́ʉ; a pôu mə́ njî ńgó a laʼ wéi no lə́nə́ʉ ghíʼ pei wo lěi mə́u, ə́ ghwǒ pə̂i-ntə̂ʉ. 36Ə́ pə́ yə́rə́, ə́ ndághʼ ḿbəutə lə̂ məno mi pə́ lə ŋwaʼá cər ŋwaʼa Sê ngô: «Ŋuu láʼ pwôʼ yé có kwěi yé po.» 37Có yʉʼ ŋwaʼa Sê kə́ ncí mə́ ndâʼ ngô: «Gháp ghʉ̌ jwó ŋuu yi gháp lə lǎghʼ ləkoŋ sáp yé.»
Pə́ cóghʼ Yěso cər ləshi
(Mat 27.57-61; Mks 15.42-47; Lks 23.50-56)
38Mwo məno lei, Yosêp ŋuu túsoŋ Arimatê, ə́ mbə́ cǒ ngaŋə-jyêʼ-no Yěso lə́ ə́ ndwô lwǒ ńté no a lə pə́ mbôghʼ pəyúda; wô ńjwó Piláto, ə́ ntúŋú yé lə̂ ngwó shuʼú pfû Yěso lə̂ tʉ̌-mbʉ̂ŋtə. Piláto pə̂i, a wô fú mə́u ə́ shuʼú zěi. 39Nikodêm, ŋuu yi a lə záʼ mə́ nzʉ̂ cǒ lətwûʼ ngwo ńjwó Yěso lə̂ ghi tó yé, ə́ ngwǒ ləmə́ndaa tə ə́ pə̂ no kíləu mə̂m-tárə́, ə́ pə̂ yi pə́ lə lǎghʼ məkəp cǒ mbə̂u mətʉ̌ mi pə́ fûŋ ńgó Mîrə gháp alwěsʉ ə́ ntsuŋú. 40Gháp Yosêp cʉ̂ʼ nkə́ nkhwór pfû Yěso, ə́ ngí pə́ laghʼ zə̂u-ndí zə́mtə́, ə́ mə́ ncwə̂r ləmə́ndaa zêi mə́u. Ə́ pə̂ ghíʼ pəyúda lə ghʉ lə̂ məpfû pye páp mboŋə́ tʉ́ŋ. 41Ə có nkâʼ lə pə́ mbəʉ yʉʼ yi pə́ lə kʉ̌ʉ Yěso wó, có ləshi shwî pə̂ cər wó yi pə́ laa kə́ côghʼ yé pfû ŋuu cər wó. 42Pə côghʼ pfû Yěso cər ləshi zêi, ńté no ə́ lə pâatə yʉʼ zêi, mbaa ńté ghíʼ pəyúda lə pə́ ntsûŋtə no leʼé nji záp.
Currently Selected:
:
Highlight
Share
Copy
Want to have your highlights saved across all your devices? Sign up or sign in