Máakúsʉ 2
2
Yěso ghʉ cǒ ngaŋə-pwóʼtə́ shwîtə
(Mat 9.1-8; Lks 5.17-26)
1Ə́ lei leʼé ndwuŋ, Yěso pə̂ʉ lə̂ Kapérnawûm. Pə́ zûʼ ńgó a pə́ ndə̂#2.1 Pətúŋ-lə́cʉŋ no kwâŋ záp ńgó ndə̂ yi pə́ lâʼ lo lə pə́ ndə̂ pə Pyêh gháp Aŋderê. Mks 1.21.. 2Ə lâʼ kəitə mbəʉ zʉ́, yʉʼ fû fárə́ tə lə́u ŋuu pyêr njwô yé yʉʼ yi mboʼ a tə̂ʉ wó, mbaa pə́ ntsʉ ndə̂ péi po, a jî lə̂ njyéʼ gháp no Sê. 3Pəcó pye ghi tô záp cə́r Yěso, pye ləkwo təcər páp lwóŋə tâʼ ngaŋə-pwóʼtə́. 4Ə́ ntó ńkə́u yʉʼ wó, ə lâʼ zâa tə káa gháp kûʼ gháp lə̂ nyárə́ yé mbó Yěso. Ə́ ncʉ́ʼ nkóʼ ntsoʼ ndə̂#2.4 Ə́ lə pə́ cər zêi lâʼ, məntsoʼ ndə̂ nuŋ nuŋú, ńté no káa mbʉŋ lə pə́ náa ndô yé wó., ə́ ndʉŋtə́ yʉʼ yi Yěso lə tə́ʉ wó, ə́ ntsóʼ ngwʉ̂, ə́ fú mə́u nshúʼú ngaŋə-pwóʼtə́ wêi lə̂ kweʼ, ə́ ntághʼ yé mbi zʉ́. 5Yěso jwô mbə̂u yi pə̂i-ntə̂ʉ záp lǎghʼ ngúʼ, ə́ ndǎʼ lə́ ngaŋə-pwóʼtə́ wêi ngô: «Môu ghâa, pə́ lyəghʼə məfaa gho#2.5 Ləlyəghʼə́ məno tə́poŋ pə́ yaʼa, káa pə̂ yé pə̂ fe, ńté no Yěso lə təi lǎghʼ nkoʼo-tû yé péi ndwuŋ wěi..» 6Pəcó pəkeʼtə́-lə́pə́ʉ Mə̌usə̂i* pǐ lə nyáŋ yʉʼ wó zûʼ, ə́ njǐ lə̂ nkwaŋtə́ tû páp ngô: 7«Ŋuu wo tsâr gháʼa gháʼá ló? A pə̌ nzoutə Sê! Mboʼ wǒ lyə́ghʼə məfaa ŋuu? Ə̂ ndâʼ Sê zə́ghʼə́-zʉ́!» 8Yěso tôghʼ njí məkwaŋtə máp, ə́ ntúŋú gháp ngô: «Ńté hó pei ghwô zə̂ mbə̂u məkwaŋtə cər məntə̂ʉ pei? 9Ə́ gháʼa ngwó lə̂ ndáʼ lə́ nkhwo wo ngô: “Pə́ lyəghʼə məfaa gho” gháp pə lə̂ ndáʼ lə́ zʉ́ ngô: “Lěsê ńkhwǒr kweʼ zô ńdǎghʼ ńdə́r ghô”, hó zə̂u zaŋə́ ńděi có? 10Lə́ m mə̌ nkoŋ ńgó pei jí ńgó Môu Ŋuu* ghwo mətəʉ lə̂ ndághʼ ńdyəghʼə́ məfaa pye-mə́soŋ ndəu ndesé.» Yěso lâʼ yə́rə́, ə́ ndǎʼ lə́ ngaŋə-pwóʼtə́ wêi ngô: 11«Lěsê ńkhwǒr kweʼ zô, ə́ ndər ghô lə̂ nzeʼ gho.» 12Pə́ mpfu wêi mpfu wêi, a lêsê ńkhwǒr kweʼ yé, ə́ nkwǎr pə́ mbi ŋuu ntsəm ə́ ndə̂r yé, ə lâʼ jwô, ə́ fû nkəʼə́ gháp gháʼate. Gháp cʉ̂ʼ mə́ ngûʼtə Sê ə́ ndâʼ ngô: «Paghʼ laa kə́ jwó yo mbə̂u no!»
Yěso fûŋ Levî
(Mat 9.3-9; Lks 5.27-32)
13Yěso pə̂ʉ lə̂ nkaŋ nci Galilêi. Ə lâʼ pə̂ ntó ńcə́r yé, a jyêʼ gháp no Sê. 14Ə́ mə́ ndêi, ə́ njwó Levî môu Aləfê, ghíʼ a nyǎŋ ləpfǔ ntsəp Pəlóma*, ə́ ndâʼ lə́ zʉ́ ngô: «Tsə́ʉ nzəm məŋ!» Levî lesê ńtsə́ʉ nzəm zʉ́.
15Ə́ pə̂ có leʼé, Yěso pə̂ nzeʼ Levî, gháp pə pəpfǔ-ntsəp*, ə́ ngʉ̌ pye tə nzáa pi pəyúda lə fûŋ gháp ńgó pəghaŋə məfaa, ə́ nkʉ́ʼʉ́ ngaŋə-jyêʼ-no* yé naa nyáŋ mə́ nzʉ̂ zə̂u. 16Pəkeʼtə́-lə́pə́ʉ Mə̌usə̂i* pi ə́ lə pə́ lə̂ nou pəfalísia* jwô ghíʼ Yěso gháp pə pye pêi pə́ ntəm zə̂u ńzʉ́, ə́ ntúŋú ngaŋə-jyêʼ-no* yé ngô: «Ńté hó tə́ wei gháp pə mbə̂u pye pwo tə̂m zə̂u ńzʉ́?» 17Yěso zûʼ, ə́ ndǎʼ lə́ páp ngô: «Káa ŋuu pə́ mbə̂ yé shʉʼʉ, ə́ ngwo ndôu lóghʼtə. Pəghou lə́ lou yé. Káa məŋ nkə tô fúŋ pye no lə́nə́ʉ, məŋ nkə tô pə́ fúŋ pəghaŋə məfaa.»
Pə́ túŋu Yěso no ńté ləkǒŋ koŋə́ nyáŋ nji sʉ́ʉtə́ Sê
(Mat 9.14-17; Lks 5.33-39)
18Ə́ lə pə̂ có leʼé, ngaŋə-jyêʼ-no* Jâŋ Mbaptísʉ gháp pə pi pəfalísia* koŋ gháp koŋə́ nyáŋ nji mə́ sʉ̂ʉtə Sê. Pəcó pye tô ńtúŋú Yěso ngô: «Ngaŋə-jyêʼ-no Jâŋ* gháp pə pi pəfalísia* nyâŋ nji mə́ sʉ́ʉtə́ Sê, káa pô ghʉ̂ záp yə́rə́ ńté hó?» 19Yěso pwôr lə́ páp ngô: «Tə mboʼ ə́ pə̂ leʼé lətsei nzǒʼ, ndə̂u-ngəʉ pyêr nyáŋ nyáŋə́, pəsə̌u pé koŋ koŋə́ nyáŋ nji mə́ sʉ̂ʉtə Sê áa? Gháp pə pǎp lə̌i mbyér nyáŋ nyáŋə́, mə́i gháp wo kə́ pə́ zʉ̂ gháp pə̂ zə̂u.» 20Lə́ leʼé táa kǔʼ, pə fú təcər páp nkwárə́ yé#2.20 Yěso gháʼá mbə́ ghíʼ ndə̂u-ngəʉ, a lə̌i mbyér mbə́ pə́ təcər pəsə̌u pé, gháp kôŋ gháp koŋə́ nyáŋ nji sʉ́ʉtə́ Sê po (gháp laa gháp ləwʉ̂ po). Lə́ pə́ táa fú nou páp kwarə́ yé, gháp nyáŋ nji ndâa ləwʉ̂. Ləkǒŋ koŋə́ nyáŋ nji sʉ́ʉtə́ Sê gháʼá mbə́ ghíʼ «ndâa ləwʉ̂.», gháp jí mpfu wêi lə̂ nyáŋ nkôŋ gháp koŋə́ nyâŋ nji sʉ̂ʉtə Sê.
21Mboʼ ŋuu lâghʼ yé zə̂u ndǐ shwî ńcə́r ngwʉ̂ lə̂ ndwuŋu ndǐ po. Ŋuu lə̌i ngʉ́ yə́rə́, mə́i zə̂u ndǐ shwî wo kʉʼʉ́ sə̌ ndwuŋu ndǐ, ngwʉ̂ kʉʼʉ́ ngúʼ.
22Káa pə pə́ ndóʼo yé məluʼ mi pə́ pyér ncwor cworə́ cər ndwuŋu ntə̂uʼ ngəp*. Pə́ lə̌i ngʉ́ yə́rə́, mə́i məluʼ shwî wo fə̌uʼ, ə́ sáa ndwuŋu ntə̂uʼ, pə cwí məluʼ, ə́ nkə́ ncwí ntə̂uʼ lə́wó. Ə́ pə́ ntúŋu ńgó pə cóghʼ məluʼ shwî pə́ cər ntə̂uʼ shwî. *Ntə̂uʼ ngəp#2.22 Pə́ wə́ Ísə́lahêl, ə́ nkei ngəp mə́nye, ə́ ngwǔ ńdághʼ ńtsúŋu ntə̂uʼ..
Yěso lə̂ ghwǒ no lə̂ leʼé nji pəyúda
(Mat 12.1-8; Lks 6.1-5)
23Ə́ pə̂ có leʼé nji pəyúda*, Yěso gháp pə ngaŋə-jyêʼ-no* yé pə̂ ndêi cər mənkâʼ ngəsâŋ-ncʉ̂ŋ, ngaŋə-jyêʼ-no* yé pə̂ ŋə́i mbwôʼ mətû ngəsâŋ-ncʉ̂ŋ 24Pəcó pəfalísia* jwô, ə́ ndǎʼ lə́ Yěso ngô: «Nâŋtə zô ńjwó! Ńté hó ngaŋə-jyêʼ-no* zô ghʉ zə̂u yi ləpə̌ʉ lâʼ* zághʼə káa pə́i yé ńgó pə ghʉ́ leʼé nji?» 25Yěso pwôr lə́ páp ngô: «Pei laa kə́ fú fúŋ yʉʼ ŋwaʼa Sê yi ə́ leʼtə zə̂u yi fou Ndavîd lə ghʉ̌ mpfu yi no lə pə́ ntsə̂ yé, nji pôu mə́ nzáŋə yé gháp pə ngaŋə-ku yé mo?» 26Ə́ lə pə́ mpfu wêi, Abyatâa pə̂ tə́-ndə̂ pənuŋú-poʼ-Sê*, fou Ndavîd kə̂u yʉʼ yi pə́ nuŋu poʼ Sê wó, ə́ mbyé mbələ̂ghʼ yi pə́ ŋə́ mbó Sê mpfár tə ŋə́ yi pye pé, lə́ ləpə̌ʉ* zághʼə pə̂ ntúŋu ńgó ndaʼ pənuŋú-poʼ Sê* lə̂ mpfár. Lə́, fou Ndavîd lə pyé mpfár tə ŋə́ yi ngaŋə-ku yé. 27Yěso kə̂ ncí ndáʼ lə́ páp ngô: «Pə́ lə nuŋu leʼé nji pəyúda* ńté ŋuu məsoŋ, lə́ káa tsúŋu yé ŋuu məsoŋ ńté leʼé nji.» 28Ə̂ zə̂u yi ə́ ghʉ̌, Môu Ŋuu* lə̂ pə̌ ŋwâr *leʼé nji pəyúda#2.28 Lks 6.5.
Currently Selected:
Máakúsʉ 2: NLA
Highlight
Share
Copy
Want to have your highlights saved across all your devices? Sign up or sign in
Máakúsʉ 2
2
Yěso ghʉ cǒ ngaŋə-pwóʼtə́ shwîtə
(Mat 9.1-8; Lks 5.17-26)
1Ə́ lei leʼé ndwuŋ, Yěso pə̂ʉ lə̂ Kapérnawûm. Pə́ zûʼ ńgó a pə́ ndə̂#2.1 Pətúŋ-lə́cʉŋ no kwâŋ záp ńgó ndə̂ yi pə́ lâʼ lo lə pə́ ndə̂ pə Pyêh gháp Aŋderê. Mks 1.21.. 2Ə lâʼ kəitə mbəʉ zʉ́, yʉʼ fû fárə́ tə lə́u ŋuu pyêr njwô yé yʉʼ yi mboʼ a tə̂ʉ wó, mbaa pə́ ntsʉ ndə̂ péi po, a jî lə̂ njyéʼ gháp no Sê. 3Pəcó pye ghi tô záp cə́r Yěso, pye ləkwo təcər páp lwóŋə tâʼ ngaŋə-pwóʼtə́. 4Ə́ ntó ńkə́u yʉʼ wó, ə lâʼ zâa tə káa gháp kûʼ gháp lə̂ nyárə́ yé mbó Yěso. Ə́ ncʉ́ʼ nkóʼ ntsoʼ ndə̂#2.4 Ə́ lə pə́ cər zêi lâʼ, məntsoʼ ndə̂ nuŋ nuŋú, ńté no káa mbʉŋ lə pə́ náa ndô yé wó., ə́ ndʉŋtə́ yʉʼ yi Yěso lə tə́ʉ wó, ə́ ntsóʼ ngwʉ̂, ə́ fú mə́u nshúʼú ngaŋə-pwóʼtə́ wêi lə̂ kweʼ, ə́ ntághʼ yé mbi zʉ́. 5Yěso jwô mbə̂u yi pə̂i-ntə̂ʉ záp lǎghʼ ngúʼ, ə́ ndǎʼ lə́ ngaŋə-pwóʼtə́ wêi ngô: «Môu ghâa, pə́ lyəghʼə məfaa gho#2.5 Ləlyəghʼə́ məno tə́poŋ pə́ yaʼa, káa pə̂ yé pə̂ fe, ńté no Yěso lə təi lǎghʼ nkoʼo-tû yé péi ndwuŋ wěi..» 6Pəcó pəkeʼtə́-lə́pə́ʉ Mə̌usə̂i* pǐ lə nyáŋ yʉʼ wó zûʼ, ə́ njǐ lə̂ nkwaŋtə́ tû páp ngô: 7«Ŋuu wo tsâr gháʼa gháʼá ló? A pə̌ nzoutə Sê! Mboʼ wǒ lyə́ghʼə məfaa ŋuu? Ə̂ ndâʼ Sê zə́ghʼə́-zʉ́!» 8Yěso tôghʼ njí məkwaŋtə máp, ə́ ntúŋú gháp ngô: «Ńté hó pei ghwô zə̂ mbə̂u məkwaŋtə cər məntə̂ʉ pei? 9Ə́ gháʼa ngwó lə̂ ndáʼ lə́ nkhwo wo ngô: “Pə́ lyəghʼə məfaa gho” gháp pə lə̂ ndáʼ lə́ zʉ́ ngô: “Lěsê ńkhwǒr kweʼ zô ńdǎghʼ ńdə́r ghô”, hó zə̂u zaŋə́ ńděi có? 10Lə́ m mə̌ nkoŋ ńgó pei jí ńgó Môu Ŋuu* ghwo mətəʉ lə̂ ndághʼ ńdyəghʼə́ məfaa pye-mə́soŋ ndəu ndesé.» Yěso lâʼ yə́rə́, ə́ ndǎʼ lə́ ngaŋə-pwóʼtə́ wêi ngô: 11«Lěsê ńkhwǒr kweʼ zô, ə́ ndər ghô lə̂ nzeʼ gho.» 12Pə́ mpfu wêi mpfu wêi, a lêsê ńkhwǒr kweʼ yé, ə́ nkwǎr pə́ mbi ŋuu ntsəm ə́ ndə̂r yé, ə lâʼ jwô, ə́ fû nkəʼə́ gháp gháʼate. Gháp cʉ̂ʼ mə́ ngûʼtə Sê ə́ ndâʼ ngô: «Paghʼ laa kə́ jwó yo mbə̂u no!»
Yěso fûŋ Levî
(Mat 9.3-9; Lks 5.27-32)
13Yěso pə̂ʉ lə̂ nkaŋ nci Galilêi. Ə lâʼ pə̂ ntó ńcə́r yé, a jyêʼ gháp no Sê. 14Ə́ mə́ ndêi, ə́ njwó Levî môu Aləfê, ghíʼ a nyǎŋ ləpfǔ ntsəp Pəlóma*, ə́ ndâʼ lə́ zʉ́ ngô: «Tsə́ʉ nzəm məŋ!» Levî lesê ńtsə́ʉ nzəm zʉ́.
15Ə́ pə̂ có leʼé, Yěso pə̂ nzeʼ Levî, gháp pə pəpfǔ-ntsəp*, ə́ ngʉ̌ pye tə nzáa pi pəyúda lə fûŋ gháp ńgó pəghaŋə məfaa, ə́ nkʉ́ʼʉ́ ngaŋə-jyêʼ-no* yé naa nyáŋ mə́ nzʉ̂ zə̂u. 16Pəkeʼtə́-lə́pə́ʉ Mə̌usə̂i* pi ə́ lə pə́ lə̂ nou pəfalísia* jwô ghíʼ Yěso gháp pə pye pêi pə́ ntəm zə̂u ńzʉ́, ə́ ntúŋú ngaŋə-jyêʼ-no* yé ngô: «Ńté hó tə́ wei gháp pə mbə̂u pye pwo tə̂m zə̂u ńzʉ́?» 17Yěso zûʼ, ə́ ndǎʼ lə́ páp ngô: «Káa ŋuu pə́ mbə̂ yé shʉʼʉ, ə́ ngwo ndôu lóghʼtə. Pəghou lə́ lou yé. Káa məŋ nkə tô fúŋ pye no lə́nə́ʉ, məŋ nkə tô pə́ fúŋ pəghaŋə məfaa.»
Pə́ túŋu Yěso no ńté ləkǒŋ koŋə́ nyáŋ nji sʉ́ʉtə́ Sê
(Mat 9.14-17; Lks 5.33-39)
18Ə́ lə pə̂ có leʼé, ngaŋə-jyêʼ-no* Jâŋ Mbaptísʉ gháp pə pi pəfalísia* koŋ gháp koŋə́ nyáŋ nji mə́ sʉ̂ʉtə Sê. Pəcó pye tô ńtúŋú Yěso ngô: «Ngaŋə-jyêʼ-no Jâŋ* gháp pə pi pəfalísia* nyâŋ nji mə́ sʉ́ʉtə́ Sê, káa pô ghʉ̂ záp yə́rə́ ńté hó?» 19Yěso pwôr lə́ páp ngô: «Tə mboʼ ə́ pə̂ leʼé lətsei nzǒʼ, ndə̂u-ngəʉ pyêr nyáŋ nyáŋə́, pəsə̌u pé koŋ koŋə́ nyáŋ nji mə́ sʉ̂ʉtə Sê áa? Gháp pə pǎp lə̌i mbyér nyáŋ nyáŋə́, mə́i gháp wo kə́ pə́ zʉ̂ gháp pə̂ zə̂u.» 20Lə́ leʼé táa kǔʼ, pə fú təcər páp nkwárə́ yé#2.20 Yěso gháʼá mbə́ ghíʼ ndə̂u-ngəʉ, a lə̌i mbyér mbə́ pə́ təcər pəsə̌u pé, gháp kôŋ gháp koŋə́ nyáŋ nji sʉ́ʉtə́ Sê po (gháp laa gháp ləwʉ̂ po). Lə́ pə́ táa fú nou páp kwarə́ yé, gháp nyáŋ nji ndâa ləwʉ̂. Ləkǒŋ koŋə́ nyáŋ nji sʉ́ʉtə́ Sê gháʼá mbə́ ghíʼ «ndâa ləwʉ̂.», gháp jí mpfu wêi lə̂ nyáŋ nkôŋ gháp koŋə́ nyâŋ nji sʉ̂ʉtə Sê.
21Mboʼ ŋuu lâghʼ yé zə̂u ndǐ shwî ńcə́r ngwʉ̂ lə̂ ndwuŋu ndǐ po. Ŋuu lə̌i ngʉ́ yə́rə́, mə́i zə̂u ndǐ shwî wo kʉʼʉ́ sə̌ ndwuŋu ndǐ, ngwʉ̂ kʉʼʉ́ ngúʼ.
22Káa pə pə́ ndóʼo yé məluʼ mi pə́ pyér ncwor cworə́ cər ndwuŋu ntə̂uʼ ngəp*. Pə́ lə̌i ngʉ́ yə́rə́, mə́i məluʼ shwî wo fə̌uʼ, ə́ sáa ndwuŋu ntə̂uʼ, pə cwí məluʼ, ə́ nkə́ ncwí ntə̂uʼ lə́wó. Ə́ pə́ ntúŋu ńgó pə cóghʼ məluʼ shwî pə́ cər ntə̂uʼ shwî. *Ntə̂uʼ ngəp#2.22 Pə́ wə́ Ísə́lahêl, ə́ nkei ngəp mə́nye, ə́ ngwǔ ńdághʼ ńtsúŋu ntə̂uʼ..
Yěso lə̂ ghwǒ no lə̂ leʼé nji pəyúda
(Mat 12.1-8; Lks 6.1-5)
23Ə́ pə̂ có leʼé nji pəyúda*, Yěso gháp pə ngaŋə-jyêʼ-no* yé pə̂ ndêi cər mənkâʼ ngəsâŋ-ncʉ̂ŋ, ngaŋə-jyêʼ-no* yé pə̂ ŋə́i mbwôʼ mətû ngəsâŋ-ncʉ̂ŋ 24Pəcó pəfalísia* jwô, ə́ ndǎʼ lə́ Yěso ngô: «Nâŋtə zô ńjwó! Ńté hó ngaŋə-jyêʼ-no* zô ghʉ zə̂u yi ləpə̌ʉ lâʼ* zághʼə káa pə́i yé ńgó pə ghʉ́ leʼé nji?» 25Yěso pwôr lə́ páp ngô: «Pei laa kə́ fú fúŋ yʉʼ ŋwaʼa Sê yi ə́ leʼtə zə̂u yi fou Ndavîd lə ghʉ̌ mpfu yi no lə pə́ ntsə̂ yé, nji pôu mə́ nzáŋə yé gháp pə ngaŋə-ku yé mo?» 26Ə́ lə pə́ mpfu wêi, Abyatâa pə̂ tə́-ndə̂ pənuŋú-poʼ-Sê*, fou Ndavîd kə̂u yʉʼ yi pə́ nuŋu poʼ Sê wó, ə́ mbyé mbələ̂ghʼ yi pə́ ŋə́ mbó Sê mpfár tə ŋə́ yi pye pé, lə́ ləpə̌ʉ* zághʼə pə̂ ntúŋu ńgó ndaʼ pənuŋú-poʼ Sê* lə̂ mpfár. Lə́, fou Ndavîd lə pyé mpfár tə ŋə́ yi ngaŋə-ku yé. 27Yěso kə̂ ncí ndáʼ lə́ páp ngô: «Pə́ lə nuŋu leʼé nji pəyúda* ńté ŋuu məsoŋ, lə́ káa tsúŋu yé ŋuu məsoŋ ńté leʼé nji.» 28Ə̂ zə̂u yi ə́ ghʉ̌, Môu Ŋuu* lə̂ pə̌ ŋwâr *leʼé nji pəyúda#2.28 Lks 6.5.
Currently Selected:
:
Highlight
Share
Copy
Want to have your highlights saved across all your devices? Sign up or sign in