Epacerero 4
4
Kayini ni Abeli
1Vano Adamu aamukonano Eva ni owo aarupala, anamuyara Kayini. Eva aaheera: “Ni ekhavihero ya Yave koomuyara mwaana mulopwana.” 2Vahoolowaya aamuyara Abeli, munneiye Kayini. Abeli aari mukukhuli aarino muhuwo ni Kayini aari namalima. 3Eviraka ehuhu, Kayini aamuruuhela Yave soowiima sa vatthayani ntoko yooveleela. 4Abelitho aamuruuhela Yave mipatta sooneneva sa ikhondoolo ntoko yooveleela wa seiye saari matthaara. Yave aasivelihiwa ni Abeli ni sooveleelasawe 5mene khaasivelihiwe ni Kayini ni sooveleelasawe. Tivawo Kayini aanyoonyiwaawe vancipale ni ekhove yaammora. 6Vano Yave aamweerela Kayini: “Heeni munyoonyingwaanyu? Heeni muhihakalanlaanyu? 7Mwapaka yeeyo eri yooreera, munimwaakhuleliwa. Mwaahipaka yeeyo eri yooreera, vano yoottheka yoohiireherera wootuphelani vamulako. Eyo enghaawela woowinani, mene ontthuneya weera nyuwo muhiihiyerere ni yeeyo. 8Kayini aamweerela munneiye: “Nrowe omatta.” Ereene hiihaale mmatta, Kayini aammana munneiye, anamwiiva. 9Vahoolowaya Yave aamukoha Kayini: “Ori woowi munninyu?” Owo aahaakhula: “Nkisuwenle. Apaale kiri namalipelelaawe?” 10Yave aamukoha: “Mpanke eheeni? Mwiiwe, ephome ya munninyu enkikhuwelela Miyo vatthayani. 11Vano oolaphiwa ti nyuwo mweelaponimu, mwa yeeyo ehunle eyanowaaya weera yaakhele ephome ya munninyu nyuwo mmwiivalaanyu. 12Mwaalimaka ematta, kheerwatho eruwera. Mmwikhale namarwa oohikhalano wiitthuuwa mweelaponimu.” 13Kayini aamweerela Yave:“Nttaruxonaka ti noopwahaxa yeeyo kingweraaka ovilela. 14Olelo munkoomola mweelaponimu ni nkikhalatho vakhoveniwanyu. Nkikhale ootthawatthawa oohikhalano wiitthuuwa mweelaponi ni akhalaru mutthu aneera akiphwanye, onookiiva.” 15Yavetho aamwaakhula: “Khoorwa weereya hiiho. Mukina amwiiva Kayini, anaahaawe woohaalikeleya.” Yave aamwiikaathera Kayini eneneero weera ahikhale mutthu aneera amphwanya, amwiive. 16Vano Kayini aasusa vamaithoni wa Yave ni aarowa omaka mweelaponi ya oNodi, mpatta ninkhuma nsuwa wEdeni.
Ekhapira ya Kayini
17Kayini aakonano mwaariye ni owo aarupala, anamuyara Henoki. Vahoolowaya Kayini aateka esidade emoha, mwa yeeyo aatteha nsina na mwanawe Henoki. 18Henoki aamuyanre Irade; Irade aamuyanre Mehuxayeli; Mehuxayeli aamuyanre Metusayeli ni Metusayeli aamuyanre Lameki. 19Lameki aahaathela asithiyana eeli – mmoha iitthaniwa Ada ni mukina Zila. 20Ada aamuyanre Yabali aari tiithi a ootheene yaale yaakhala muheemani ni yaahuwa mihuwo. 21Nsina na munneiye naari Yubali aari tiithi a ootheene yaawiipa amakita ni ampetta. 22Nave Zila, aamuyanre mwaana mulopwana iitthaniwa Tubal-Kayini aahana iyuuma sootheene soorikaxa sa ebronze* ni iyuuma. Murokoriye Tubal-Kayini aari Nahama. 23Lameki aaweerela axaariye: “Ada ni Zila mukiiwe; axaara a Lameki mwiiwelele maswaaka: Miyo kaamwiiva mulopwana mmoha niwoko na okivulaliha, aani mmiravo mmoha niwoko na okimana. 24Kayini iinleliwa ikuhu imaara ithannapiili, vano Lameki imaara soohaalikeleya! 25Adamu aakonanotho mwaariye ni owo aamuyara mwaana mulopwana mukina iitthaniwa Seeti, eeraka: “Muluku ookivaha mwaana mulopwana mukina vanipuroni na Abeli, eenre Kayini amwiivaka.” 26Vanonto Seeti aamuyara mwaana mulopwana mukina aamuttenghaawe nsinanawe Enoxi. Wa ehuhuweene yeele atthu yaapacera wiitthana Nsina na Yave.
Currently Selected:
Epacerero 4: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Epacerero 4
4
Kayini ni Abeli
1Vano Adamu aamukonano Eva ni owo aarupala, anamuyara Kayini. Eva aaheera: “Ni ekhavihero ya Yave koomuyara mwaana mulopwana.” 2Vahoolowaya aamuyara Abeli, munneiye Kayini. Abeli aari mukukhuli aarino muhuwo ni Kayini aari namalima. 3Eviraka ehuhu, Kayini aamuruuhela Yave soowiima sa vatthayani ntoko yooveleela. 4Abelitho aamuruuhela Yave mipatta sooneneva sa ikhondoolo ntoko yooveleela wa seiye saari matthaara. Yave aasivelihiwa ni Abeli ni sooveleelasawe 5mene khaasivelihiwe ni Kayini ni sooveleelasawe. Tivawo Kayini aanyoonyiwaawe vancipale ni ekhove yaammora. 6Vano Yave aamweerela Kayini: “Heeni munyoonyingwaanyu? Heeni muhihakalanlaanyu? 7Mwapaka yeeyo eri yooreera, munimwaakhuleliwa. Mwaahipaka yeeyo eri yooreera, vano yoottheka yoohiireherera wootuphelani vamulako. Eyo enghaawela woowinani, mene ontthuneya weera nyuwo muhiihiyerere ni yeeyo. 8Kayini aamweerela munneiye: “Nrowe omatta.” Ereene hiihaale mmatta, Kayini aammana munneiye, anamwiiva. 9Vahoolowaya Yave aamukoha Kayini: “Ori woowi munninyu?” Owo aahaakhula: “Nkisuwenle. Apaale kiri namalipelelaawe?” 10Yave aamukoha: “Mpanke eheeni? Mwiiwe, ephome ya munninyu enkikhuwelela Miyo vatthayani. 11Vano oolaphiwa ti nyuwo mweelaponimu, mwa yeeyo ehunle eyanowaaya weera yaakhele ephome ya munninyu nyuwo mmwiivalaanyu. 12Mwaalimaka ematta, kheerwatho eruwera. Mmwikhale namarwa oohikhalano wiitthuuwa mweelaponimu.” 13Kayini aamweerela Yave:“Nttaruxonaka ti noopwahaxa yeeyo kingweraaka ovilela. 14Olelo munkoomola mweelaponimu ni nkikhalatho vakhoveniwanyu. Nkikhale ootthawatthawa oohikhalano wiitthuuwa mweelaponi ni akhalaru mutthu aneera akiphwanye, onookiiva.” 15Yavetho aamwaakhula: “Khoorwa weereya hiiho. Mukina amwiiva Kayini, anaahaawe woohaalikeleya.” Yave aamwiikaathera Kayini eneneero weera ahikhale mutthu aneera amphwanya, amwiive. 16Vano Kayini aasusa vamaithoni wa Yave ni aarowa omaka mweelaponi ya oNodi, mpatta ninkhuma nsuwa wEdeni.
Ekhapira ya Kayini
17Kayini aakonano mwaariye ni owo aarupala, anamuyara Henoki. Vahoolowaya Kayini aateka esidade emoha, mwa yeeyo aatteha nsina na mwanawe Henoki. 18Henoki aamuyanre Irade; Irade aamuyanre Mehuxayeli; Mehuxayeli aamuyanre Metusayeli ni Metusayeli aamuyanre Lameki. 19Lameki aahaathela asithiyana eeli – mmoha iitthaniwa Ada ni mukina Zila. 20Ada aamuyanre Yabali aari tiithi a ootheene yaale yaakhala muheemani ni yaahuwa mihuwo. 21Nsina na munneiye naari Yubali aari tiithi a ootheene yaawiipa amakita ni ampetta. 22Nave Zila, aamuyanre mwaana mulopwana iitthaniwa Tubal-Kayini aahana iyuuma sootheene soorikaxa sa ebronze* ni iyuuma. Murokoriye Tubal-Kayini aari Nahama. 23Lameki aaweerela axaariye: “Ada ni Zila mukiiwe; axaara a Lameki mwiiwelele maswaaka: Miyo kaamwiiva mulopwana mmoha niwoko na okivulaliha, aani mmiravo mmoha niwoko na okimana. 24Kayini iinleliwa ikuhu imaara ithannapiili, vano Lameki imaara soohaalikeleya! 25Adamu aakonanotho mwaariye ni owo aamuyara mwaana mulopwana mukina iitthaniwa Seeti, eeraka: “Muluku ookivaha mwaana mulopwana mukina vanipuroni na Abeli, eenre Kayini amwiivaka.” 26Vanonto Seeti aamuyara mwaana mulopwana mukina aamuttenghaawe nsinanawe Enoxi. Wa ehuhuweene yeele atthu yaapacera wiitthana Nsina na Yave.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.