Tobit 10
10
Ich'ijiyemlel itat iña' Tobías
1Tobit tsa' kaji itsik jayp'ej k'iñ mi' mejlel ti jalijel iyalobil che' mi' majlel yik'ot jayp'ejl k'iñ mi' cha' sujtel ya' ti Ragües. Che'bä tsi' k'ele ñumeñix woli ti jalijel, 2tsi' ña'ta: «¿Amba chuki tsi' icha'le? ¿Chämeñixba jiñi Gabael yik'ot ma'añik majki tsa' mejli iyäk'eñ jiñi tak'iñ?» 3Che' jiñi tsa' kaji imel ipusik'al.
4-5Ixku jiñi x-Ana iña' Tobías, tsa' kaji ti uk'el, yik'ot ti' ich'ijiyemlel ipusik'al tsi' yälä:
—¡Chämeñix jiñi kalobil, mach chäñ talix baki añoñ lojoñ! Kalobil, ikäk'aletbä kwut ¿Chukoch tsa' jkäk'eyet majlel?
6Tobit tsi' su'be:
—¡Näjch'eñ x-ixik, mach aña'tañ bajche' jiñi! Uts'atäch añ lak kalobil, läk'älix cha'añ mi' ijulel. Añ chuki tsi' ijalätesa. Jiñi wiñik tsa'bä majli yik'ot lak pi'äläch, la' lak ñopbeñ tsa'bä isu'beyoñla.
7Jiñi iyijñam tsi' ijak'ä:
—¡Mach añop alotiñoñ, chämeñix jiñi kalobil! ¡Ch'abix, kukux!
Ma'añik majki mi iñopbeñ chuki mi isu'beñtel. Ti' pejtelel k'iñ mi' yajñel ichäñ k'el jiñi bij ya' baki tsa' lok'i majlel iyalobil. Ti jiñitakbä k'iñ che' wolix iyik'añ majlel, mi' yochel ya' ti iyotot, wo'okña ti uk'el ti' pejtelel ak'älel, ma'añik muk' ti wäyel.
It'añ Tobías che' mux ikaj isujtel majlel
8Che' tsa'ix ñumi jiñi chäñlujump'ejl k'iñ ti imelol ik'iñijel jiñi ñujpuñijel, jiñi Tobías tsi isu'be Ragüel:
—K'uxbibilbä ñij-altat, wokolix awälä cha'añ ili k'iñijel kñujpuñijel. Awujil bajche' tsa' kbajñel käyä ktat yik'ot kña', jiñ cha'añ, awokolik mij k'ajtibeñet cha'añ ma' wäk'oñ sujtel ti kotot. Mi' kña'tañ ch'ijiyemob ipusik'al, ame wolik iña'tañob mach ichäñ k'eleyoñobix.
9Ragüel tsi' jak'be:
—Kalobil, käleñto awik'otoñ, joñoñ mi' kaj chok majlel xsu'boñel ba'añ jiñi atat cha'añ mi' su'beñob bajche' uts'atäch añet.
Tobías tsi' jak'ä:
—Ma'añik, mach che'ik bajche' jiñi. Awokolik mij k'ajtibeñet cha'añ ma' wäk'oñ sujtel ti' tojlel ktat.
10Che' jiñi Ragüel tsa' ch'ojyi, tsi' yäk'e Tobías iyijñam Sara yik'ot ojlil pejtelel ichu'bä añ, tsi' yäk'e majlel xk'ämbalo'bä wiñikob x-ixikob, tat wakaxtak, itäñäme'tak, iburrotak yik'ot ikameyotak, pejtelel ipislelob, tak'iñ yik'ot chukitak mi' k'äñob ti we'el uch'el, 11che' jiñi tsa' ajk'iyob sujtel ti' tijikñäyel ipusik'al. Che' jiñi Ragüel tsi' isu'be jiñi Tobías:
«Kuku kalobil. Uts'at me mi' amajlel. La' ipäsbeñetla majlel tojbä bij jiñi Lak Yum ti Pañchañ. Uts'atäch mi' tsa'to jk'ele la' awalobilob che' kuxuloñto». Che'eñ.
12Jiñi iyixik'al Sara tsi' isu'be:
«Xuk'ul apusik'al ma' amajlel ti' tojlel itat iña' añoxi'al, wäle atatix ja'el che' bajche' joñoñ lojoñ tsa'bä jkäk'äyet lojoñ ti pañämil. Jiñ cha'añ yom majliket ti' iñäch'tälel apusik'al, la'to jku'biñ iyutslel añusak'iñ che' kuxuloñto».
Che' jiñi tsi' mek'e iyixik'al yik'ot iñij-al, tsa' kaji iyäk'ob majlel. 13Edna, tsi' su'be Tobías:
«K'uxbibilbä kalobil, la' majliket awik'ot Lak Ch'ujutat yik'ot la' sujtiket ti' tijikñäyel apusik'al ti awotot. Añto kpijtaya ti Lak Yum cha'añ mi yäk'eñoñ kbuts che' maxto chämeñoñ. Yujiläch jiñi Lak Ch'ujutat bajche' mij käk' kixik'al ti' atojlel cha'añ ma' käñtañ; machikax awäk' ti wokol. Kuku ti' iñäch'tälel apusik'al kalobil, wäle joñoñ che'äch bajche' aña'oñ, yik'ot jiñi kixik'al jiñäch wäle bajche' juñtikil achich. Che'ik to yom mi lak komol chumtäl ti lak tem pejtelel».
Che' jiñi Edna tsi' ts'ujts'u che' wolix ilok'el imajlel. 14jump'ejl ipusik'al tsa' lok'i majlel Tobías ya' ti iyotot Ragüel, tsa' ik'ax ch'ujutesa Yumäl ti Pañchañ bajche' wä' ila ti pañämil, yumälbä ti' pejtelel chu'bä añ, cha'añ ti' uts'at koltäñti ti' pejtelel ixämbal. Tsi' ich'ujutesa jiñi Ragüel yik'ot iyijñam, tsi' isu'beyob:
—Yom mik mejlel jk'uxbiñetla ti' pejtelel k'iñ che' kuxuloñto. Che'eñ.
Currently Selected:
Tobit 10: CholDc
Highlight
Share
Copy
Want to have your highlights saved across all your devices? Sign up or sign in
© Biblia Chol de estudio con DC- Derechos reservados por SBM
Tobit 10
10
Ich'ijiyemlel itat iña' Tobías
1Tobit tsa' kaji itsik jayp'ej k'iñ mi' mejlel ti jalijel iyalobil che' mi' majlel yik'ot jayp'ejl k'iñ mi' cha' sujtel ya' ti Ragües. Che'bä tsi' k'ele ñumeñix woli ti jalijel, 2tsi' ña'ta: «¿Amba chuki tsi' icha'le? ¿Chämeñixba jiñi Gabael yik'ot ma'añik majki tsa' mejli iyäk'eñ jiñi tak'iñ?» 3Che' jiñi tsa' kaji imel ipusik'al.
4-5Ixku jiñi x-Ana iña' Tobías, tsa' kaji ti uk'el, yik'ot ti' ich'ijiyemlel ipusik'al tsi' yälä:
—¡Chämeñix jiñi kalobil, mach chäñ talix baki añoñ lojoñ! Kalobil, ikäk'aletbä kwut ¿Chukoch tsa' jkäk'eyet majlel?
6Tobit tsi' su'be:
—¡Näjch'eñ x-ixik, mach aña'tañ bajche' jiñi! Uts'atäch añ lak kalobil, läk'älix cha'añ mi' ijulel. Añ chuki tsi' ijalätesa. Jiñi wiñik tsa'bä majli yik'ot lak pi'äläch, la' lak ñopbeñ tsa'bä isu'beyoñla.
7Jiñi iyijñam tsi' ijak'ä:
—¡Mach añop alotiñoñ, chämeñix jiñi kalobil! ¡Ch'abix, kukux!
Ma'añik majki mi iñopbeñ chuki mi isu'beñtel. Ti' pejtelel k'iñ mi' yajñel ichäñ k'el jiñi bij ya' baki tsa' lok'i majlel iyalobil. Ti jiñitakbä k'iñ che' wolix iyik'añ majlel, mi' yochel ya' ti iyotot, wo'okña ti uk'el ti' pejtelel ak'älel, ma'añik muk' ti wäyel.
It'añ Tobías che' mux ikaj isujtel majlel
8Che' tsa'ix ñumi jiñi chäñlujump'ejl k'iñ ti imelol ik'iñijel jiñi ñujpuñijel, jiñi Tobías tsi isu'be Ragüel:
—K'uxbibilbä ñij-altat, wokolix awälä cha'añ ili k'iñijel kñujpuñijel. Awujil bajche' tsa' kbajñel käyä ktat yik'ot kña', jiñ cha'añ, awokolik mij k'ajtibeñet cha'añ ma' wäk'oñ sujtel ti kotot. Mi' kña'tañ ch'ijiyemob ipusik'al, ame wolik iña'tañob mach ichäñ k'eleyoñobix.
9Ragüel tsi' jak'be:
—Kalobil, käleñto awik'otoñ, joñoñ mi' kaj chok majlel xsu'boñel ba'añ jiñi atat cha'añ mi' su'beñob bajche' uts'atäch añet.
Tobías tsi' jak'ä:
—Ma'añik, mach che'ik bajche' jiñi. Awokolik mij k'ajtibeñet cha'añ ma' wäk'oñ sujtel ti' tojlel ktat.
10Che' jiñi Ragüel tsa' ch'ojyi, tsi' yäk'e Tobías iyijñam Sara yik'ot ojlil pejtelel ichu'bä añ, tsi' yäk'e majlel xk'ämbalo'bä wiñikob x-ixikob, tat wakaxtak, itäñäme'tak, iburrotak yik'ot ikameyotak, pejtelel ipislelob, tak'iñ yik'ot chukitak mi' k'äñob ti we'el uch'el, 11che' jiñi tsa' ajk'iyob sujtel ti' tijikñäyel ipusik'al. Che' jiñi Ragüel tsi' isu'be jiñi Tobías:
«Kuku kalobil. Uts'at me mi' amajlel. La' ipäsbeñetla majlel tojbä bij jiñi Lak Yum ti Pañchañ. Uts'atäch mi' tsa'to jk'ele la' awalobilob che' kuxuloñto». Che'eñ.
12Jiñi iyixik'al Sara tsi' isu'be:
«Xuk'ul apusik'al ma' amajlel ti' tojlel itat iña' añoxi'al, wäle atatix ja'el che' bajche' joñoñ lojoñ tsa'bä jkäk'äyet lojoñ ti pañämil. Jiñ cha'añ yom majliket ti' iñäch'tälel apusik'al, la'to jku'biñ iyutslel añusak'iñ che' kuxuloñto».
Che' jiñi tsi' mek'e iyixik'al yik'ot iñij-al, tsa' kaji iyäk'ob majlel. 13Edna, tsi' su'be Tobías:
«K'uxbibilbä kalobil, la' majliket awik'ot Lak Ch'ujutat yik'ot la' sujtiket ti' tijikñäyel apusik'al ti awotot. Añto kpijtaya ti Lak Yum cha'añ mi yäk'eñoñ kbuts che' maxto chämeñoñ. Yujiläch jiñi Lak Ch'ujutat bajche' mij käk' kixik'al ti' atojlel cha'añ ma' käñtañ; machikax awäk' ti wokol. Kuku ti' iñäch'tälel apusik'al kalobil, wäle joñoñ che'äch bajche' aña'oñ, yik'ot jiñi kixik'al jiñäch wäle bajche' juñtikil achich. Che'ik to yom mi lak komol chumtäl ti lak tem pejtelel».
Che' jiñi Edna tsi' ts'ujts'u che' wolix ilok'el imajlel. 14jump'ejl ipusik'al tsa' lok'i majlel Tobías ya' ti iyotot Ragüel, tsa' ik'ax ch'ujutesa Yumäl ti Pañchañ bajche' wä' ila ti pañämil, yumälbä ti' pejtelel chu'bä añ, cha'añ ti' uts'at koltäñti ti' pejtelel ixämbal. Tsi' ich'ujutesa jiñi Ragüel yik'ot iyijñam, tsi' isu'beyob:
—Yom mik mejlel jk'uxbiñetla ti' pejtelel k'iñ che' kuxuloñto. Che'eñ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Biblia Chol de estudio con DC- Derechos reservados por SBM