Éxodo 12
12
Ëmaayxyëëw
1Ënet yë Dios ojts myëtyä'äky mëët yë Moisés ets Aarón ets y'ënëmaayëtë: 2Ya'atë po'o myiny kyëtä'äkyën, yë'ë tu'uk yë po'o mëti'ipë mëj'äämpy mjëkyäptëpën; yë'ë mëti'ipë më''ëka'any timtso'ontakpën, ko yë jëmëjt tsyo'ontä'äky. 3Jëtu'un xy'ënëëmëty tëkokyë yë Israel ja'ay: Ko ya'atë po'o myajk'anëty, jää nëjkx xyaj'ooktë nitu'ukjaty yë mtsajppaxëty ëkë mkupixynyëty ets nitëkokyë jëtu'un maajaty yë jëën tëjkën. 4E ko ja ja'ayëty nyiwäänë'atëty ma tu'uk ja jëën tëjkën, jyëkyäpëp twowëty ja myëjëën myëtëjk ets ja tuka'any jä'ä mëët tukmuktëty ets tsu'utstëty tukkaytyëty, tu'knax mëpaat tyajwa'kxtë ja tuka'any ja ja'ayëty ijxtëm naje'eyë tukkaytyëtyën. 5Ja jëyujk mëti'ipë nëjkx xyaj'ooktën, yë'ë mëti'ipë ënety ja jyëmëjt tu'uk të t'apetyën, yä'äypyë ets oypyë mëkpë; oy yë'ë'atëty yë kupixyny ëkë tsajppax. 6Jam xymyëët'atëty ets këwent'aty xyaj'itëty koonëm ënety ja xëëw tpaaty ma ya'atë po'o myajkmajkts anyën. Tukë'ëyë ja Israel ja'ayëty jää nëjkx tyaj'ooktë ja tsyajppaxëty ëkë kyupixynyëty ko jyënäkyxyëëw'atëty. 7Ja ne'pny nëjkxëp xypyëjkë'ëktë ets yë'ë mëët xytyukkoytyëty ja mtëjk'aawëty, ma ënety mkaytyën m'uuktën. 8Jä'ä tsu'um nëjkx xytsyu'utstë ja tsyu'utsy tsyä'äy, yë'ë mëët xyjyë'kxtëty ja aay ujts, mëti'ipë ta'amën ets tsajpkääky ka'apë tsyooymyëëtëtyën ets tsäk. 9Nitu'kpoty xykyatsu'utstëty tsuxk ëkë nëëkë'ëw. Tu'kë'ëyë jëyujk tsu'utsy jëtu'unyë jëtu'un xytsyääytya'atëty mëët yë kyë'ë tyeky ets mëët yë kyëpajkëty tyiintsyëty. 10Nitii xykyayajwë'ëmtëty komjëpom, pën tii ënety wë'ëmpën ënätyë xytyimnino'kojnëtëty. 11Tëë ënety ja mwit mtujkxy xytyuktëjkënyëtë ets tëë ënety ja mkë'ëkëty xykyëxjäänëtë mtekykyijxy, jëtu'unyë nëjkx ye'epy mjaakkay mjaaktsu'utstë, jä'ä ko Wintsën jää y'ëmaayxyëëw itaanp. 12Näy jä'ä tsu'umës ëjts njëtita'any jap Egiptë winjëën wintëjk etsës nyaj'o'kta'aja'any tëkokyë yë kä'äxkopktëjk maajaty yë jëën tëjkën. Näyjyëtu'unës nyaj'o'kta'aja'any tëkokyë yë jëyujkëty yë kyä'äxkopkëty etsës ntëytyuuntaja'any tëkokyë mëti'ipë tios'ajtëpën Egiptë. Ëjts, mëti'ipë Wintsën'ajtpën, ëjts ënaanp.
13Yë ne'pny yë'ë nëjkx yë mjëën mtëjkëty xytyukkoytyë, yë'ëtsës n'ixëp etsës jëtu'un nijawëty ko ënety miitsëty jap myajpaatë. Paaty koos ënety naxy ma ja Egiptë ja'ayëty ja jyëën tyëjkëtyën, maas ënety nyaj'ooka'anyën tëkokyë ja kä'äxkopktëjk. Ma miitsëtyën nitu'uk pën kya'ookëty, jä'ä ko ja ne'pny jä'äs n'ixëp etsës jëkäm naye'eyëty ja mjëën mtëjkëty. 14Ya'atë xëëw yë'ë tu'uk mëj'äämpy itëp, mëti'ipë ja Dios jä'ä yajtukmëjjawëpën ets xëmë jëtu'un nëjkx ja'amyetsy xyaj'itë. Ya'atë xëëw jëtu'un xyaj'itëty tä tu'uk yë ënä'ämënën mëti'ipë xëmë ijtëwëpën. Jä'ä ko yë m'u'unk m'ëna'këty kopkpëky ko nëjkx näjyëtu'un tja'amyätstë. 15Ja tsajpkääky mëti'ipë mkaytyëpën ka'ap tii tsooy tmëët'atëty ets wëxtujk xëëw y'itëty. Paaty ma ënety më''ëka'any tsyo'ontä'äkyën ja mëtu'kxëëwpë, kamaa yë tsooy kyayajpaatëty ma ja mjëën mtëjkëtyën, e pën jëtu'un ja tsajpkääky kyääpy tsooymyëëtpë, ma ya'atë ja wëxtujk xëëwpë ënety të yajpëjktä'äkyën, nëjkxëp yajjo'otsy ma ja Israel kajpnën. 16Jëtu'un ma ënety tsyo'ontä'äkyën ets ma wyëxtujk xëëwpetyën, wa'ats mëpaat ya'atë xëëw tyunyë jyätyë. Ets näjyëtu'un ma ya'atë wëxtujk xëëwpë yajnikäjpxyën, ni pën mëpaat kyatuny, jääyë nëjkx winë xytyuunkojtë ko ënety ja mka'ayën m'ukënëty xyaj'oyëja'antë. 17Ya'atë xëëw ma ja tsajpkääky xykyäytyën ka'apë tsyooymyëëtëtyën, mtuntëp jëtu'un ya'atë xëëw xëmë ets ja'amyetsy nëjkx xyaj'itë. Jä'ä ko jää ojts miitsëty njuutë jap Egiptë. Ya'atë, jëtu'un yam wyi'imy tä tu'uk yë ënä'ämënën, oy yë'ëjëty yë m'u'unk m'ëna'këty ets m'ok'u'unk m'ok'ëna'këty nëjkxëp tmëjjawëtë ets xyëëwtuntë. 18Ko ënety ja po'o myajkmajtsk'any yë'ë mkaytyëp ja tsajpkääky mëti'ipë ka'ap tsyooymyëëtëtyën, jënäkyxyëëw jëtu'unpë tsyo'onta'akëty; e ko ja po'o y'i'px tu'uk'anëty, jënäkxyëëw nëjkx ja tsajpkääky xyjyaakaytyë. 19Ka'ap mëpaat nitu'kjënu'un yë tsajpkääky tsyooy yajpaaty ma mjëën mtëjkëtyën, jëtu'un tyu'uye'eyëty ja xëëw po'o, koonëm wëxtujk xëëw kya'pxëty. Jä'ä ko pën ja tsajpkääky kyääpy tsooymyëët, nëjkxëp yajjo'otsy ma ja Israel ja nyaax kyajpnën, oy yë'ëjëty mëti'ipë Israel ja'ay'ajtpën ets oy tyimyë'ëjëty ja jaaypyaat jaaypyo'kxy. 20Nitii xykyajë'kxtëty mëti'ipë tsooymyëëtën. Oy maa mtimjyuuky'atëty, nëjkxëp ja jëtu'unpë ja tsajpkääky xykyäytyë mëti'ipë ka'ap tsyooymyëëtëtyën.
21Ënet ja Moisés tmëkajpxmujktaay ja mëjja'aytyëjkëty jampë yajpaatën ma ja Israel kajpnën ets t'ënëmaay: Nëjkx yaj'ooktë tu'uk yë mtsajppaxëty ëkë mkupixynyëty mëti'ipë mtsu'utstëpën ets xynyixëëwtuntëty yë ëmaayxyëëw. 22Yë ne'pny jap xyaj'axä'kxëtëty ma tu'uk yë tsimën ëkë pokën ets yë'ë mtukpatijë'ëktëp yë kepyxye'enty tu'k'atsumy mëti'ipë xyëëwajtypyën hisopo ets ënät ja mtëjk'aaw xytyukkoytyëty. Ma miitsëtyën ni pën mëpaat kyapëtsëmy tëja'p ma ënety ka'ap xyiinyënëm. 23Ko ja Wintsën jam nyaxëty, mëti'ipë yajja'ay'o'kpën ma ja Egiptë kajpnën, ja ne'pny jä'ä y'ixëp mëti'ipë ënety jamën ma ja mtëjk'aawëtyën ets jëkäm mnanaxëtëty. Jëtu'un'äämpy ka'ap tjëkyäpëty wi'ix nyatëkëtyën ma ja mjëën mtëjkëtyën ets yajja'ay'ookëty. 24Ya'atë ënä'ämën kwanë ko xypyatuntëty miitsëty ets näjyëtu'un ja m'u'unkëty m'ëna'këty, jä'ä y'itëty tä tu'uk yë ënä'ämënën winë xëëw. 25Ko ënety miitsëty jam të mja'ajnëtë ma ja naaxwiinyëtën mëti'ipë ja Dios mo'ojanëtëpën, jëtu'un tä yë'ë twinwa'anëyën, ya'atë xëëw je'eyëm jam xytyuun'ëtë'ëtstëty. 26E ko ënety ja m'u'unk m'ëna'këty jëna'a myajtëwëtë: ¿Tiitën mnixëëwtuuntëp? 27Tääts nëjkx xy'ëtsowtë: Ya'atë jëyujk yë'ë tu'uk yë wintsë'kën mëti'ipë yajtukmëjja'awëpën yë ëmaayxyëëw ma ja Dios yajmëjjawën. Mëët ko tëkokyë tyaj'o'ktaay ja kä'äxkopktëjk jap Egiptë ets ko ja Israel ja'ayëty jëkäm ja jyëën tyëjkëty yajnanajxtë ma ënety jap tsyëënëtën Egiptë ets jëtu'un'äämpy ojts tyajtso'oky ja nja'ayajtëmë.
Ënet ja Israel ja'ayëty wyintak nyaaxkoowtë ets ja Wintsën tmëjja'aw tjaantyjya'awëtyë. 28E ënät ojts nyëjkxta'atë ets tuuntë tä ënety ja Wintsën të tuk'ëne'emyën ja Moisés ets ja Aarón.
Jëtu'un ojts y'ooktë ja kä'äxkopktëjkëty
29Kujktsyu'um ënety, ko ja Dios tyaj'o'ktaay ja kä'äxkopktëjk jap Egiptë, ojts y'ooky ja mëj'ënä'ämpë ja myaank mëti'ipë ënety kä'äxkopkën, yë'ëpaat ojts y'ooktë ja myaankëty ja ja'ayëty mëti'ipë ënety jap tsumy ijtëpën ets näjyëtu'un ja jëyujkëty ja kyä'äxkopkëty ojts y'o'kta'atë. 30Ënet myä'äypyëtë'ktaaytyë ja tsu'um ja mëj'ënä'ämpë mëët ja wyintsëntëjkëty ets tëkokyë yë Egiptë ja'ayëty, tääts tyëjkëtyë jëëpyë yaxpë, mëët ko ënety të y'ooktë ja y'u'unkëty mëti'ipë kä'äxkopkëtyën maajaty ja jëën tëjkën. 31Ënet ja mëj'ënä'ämpë ojts jä'ä tsu'um tmëkäjpxy ja Moisés ets ja Aarón ets t'ënëmaay:
Nëjkxtë, winwa'ktutëkës yaa, nitu'kë'ëyë miitsëty Israel ja'ayëty. Nëjkx ëwtatë yë mWintsënëty, ijxtëm të m'ëna'antën. 32Yajnëjkxta'atë yë mtsajpkaajëty, mtsajppaxëty, mkupixynyëty, jëtu'un ijxtëm xytsyoktën. Jam näjyëtu'un yë Dios xymyënu'kxta'aktëty mëët ëjts.
33Yë Egiptë ja'ayëty mëktä'äky t'ënëmaaytyë ja Israel ja'ay ets tsyoontëty jap Egiptë, jä'ä ko jëtu'un ënety myäytyë tyajtë ko tsojk y'ëk'o'ktaaynyëtëty. 34Yë Israel ja'ayëty jëtu'unyë ojts tjaakyaj'oyëtë ja tsyajpmok jëtsyëty tsooytyuk ets tukwinpijtë yë wit, tääts nyätyukkejkpyëjkëtë. 35Ojts t'amëtowtë ja Egiptë ja'ayëty, yë pu'ts pujxn, poop pujxn ets wit tujkxy, jëtu'un tä ënety ja Moisés të tni'ënä'ämën. 36Yë Dios yë'ë ënety näjyëtu'un të tyajkutuky ets Egiptë ja'ayëty mëët yë oyjyot oywyinma'any winë tyaktëty, mëti'ipë ja Israel ja'ayëty y'amëtoowtëpën, jëtu'un'äämpy ojts yë Israel ja'ayëty may'äämpy jap winë tmëpëtsëmtë Egiptë.
Yë Israel ja'ayëty tsyo'onëtë jap Egiptë
37Jam ojts yë Israel ja'ayëty tsyoontë ma tu'uk yë kajpnën mëti'ipë xyëëwajtypyën Ramsés ets jam jya'ajtë Sucot, jä'ä ënety ja ye'etyëjktëjk nyiwinë'atë nitëtujk mëko'px, mëti'ipë jyëkyäjpnëp tsyiptuntëtyën. Yë to'oxytyëjkëty ets pi'k'ëna'këty ka'ap ojts yajmëtyowtë. 38Ojts kanaakpëky yë ja'ay pyanëjkxëtë, wä'än yë'ëjëty yë ka'apë ënety y'Israel ja'ayëtyën ets janty nimay ojts näjyëtu'un yë tsajppaxëty, kupixynyëty ets jëyujkëty, tsajpkaajëty tyajnëjkxtë. 39Ka'ap ojts ja ka'ayën ukën oy t'ëknipëjktakënyëtë, jä'ä ko ja Egiptë ja'ayëty mëktä'äky jyänty y'ënëmaayënëtë ets tsyoontëty, paaty ko ënety jam tu'u'am yajpatnëtë, yë'ë ojts tyajmë'ëkykyojtë ja tsajpmookjëtsy mëti'ipë ënety ka'ap tsyooymyëëtëtyën ets tkaaytyë.
40Yë Israel ja'ayëty jä'ä ënety jap të jyuuky'atë Egiptë, taxk mëko'px ja i'px majk jëmëjt. 41Jä'ä xëëw ma ojts kyä'pxyën taxk mëko'px ja i'px majk jëmëjt, jä'ä xëëw ojts ja Dios ja nyaax kyajpn tsyo'onë jap Egiptë. 42Yë Dios ojts kë'ëm yë nyaax kyajpn timkyëwent'aty jä'ä tsu'um ets tju'ty jap Egiptë, yë tääpë kootsajtën Dios ojts tjä'äniwa'any, paaty yë Israel ja'ayëty xëmë winjëmëjt ya'atë tsu'um'ajtën tja'amyätstëty ets jëtu'un ja'amyetsy y'itëty u'unk ok.
Ja ëmaayxyëëw ja nyitëyajtën
43Ënet yë Dios t'ënëmaay yë Moisés ets Aarón:
Ya'atë jëtu'un wë'ëmp, tä tu'uk yë ënä'ämënën, mëëtkyëjxm yë ëmaayxyëëw. Nitu'uk mëpaat yë jaaypyaat jaaypyo'kxy tkatsu'utsy yë jëyujk mëti'ipë tëë wyintsë'kën'atyën, 44Yë'ë tëy yë mtuunpë mëti'ipë juy këpety myaj'ijtypyën, jyëkyäpëp tsu'utstëty, e ënät jëtu'un pën yajnatsujk'ëwtijtp ja ye'etyëjkajtën ko myutsk'ajty. 45Yë jaaypyo'kxyjyä'äy mëti'ipë tu'u'am'ajtpën, ëkë mëti'ipë jam mëtuunpën ma miitsëtyën, ka'ap mëpaat ya'atë jëyujk tsu'utsy. 46Jä'ä ko jäpyë tëkoty ma ja mjëën mtëjkëtyën mëpaat xytsyu'utstë, nitu'kpoty mëpaat pën tkamëpëtsëmy ya'atë tsu'utsy mëti'ipë tëë wyintsë'kën'atyën ets näjyëtu'un ja nyipajk ka'ap yajtëj yajwäxëty. 47Nitëkokyë yë Israel ja'ayëty jëtu'un tuntëty. 48Pën tu'uk yë atsënääpyë xyëëwtunäämpy yë ëmaayxyëëw ets jëtu'un yë Dios tmëjjawëja'any, jëyëjp tu'kë'ëyë yë ye'etyëjktëjk yajnatsujk'ëwtitëty yë ye'etyëjk'ajtënëty mëti'ipë ijtëpën ma tyëjkëtyën, täänëm tnixëëwtuntëty ja ëmaayxyëëw. Jä'ä ko jëtu'un ënety nyajxnë tä tu'uk yë kunaax kukajpnën ma miitsëtyën. E pën ka'ap nyatsujk'ëwtityëty ja ye'etyëjk'ajtënëty, ka'ap tjëkyäpëty tsu'utsëty ja jëyujk'ooky. 49Ya'atë ënä'ämën tunëp ma ja kunaax kukajpnëtyën ets ma ja jaaypyaat jaaypyo'kxyën, mëti'ipë jam tsënaaytyëpën ma miitsëtyën.
50Yë Israel ja'ayëty ojts jëtu'un tuntë tä ënety ja Moisés ets ja Aarón të y'ënä'ämëtën ja Wintsën. 51Jä'ä xëëw ojts ja Wintsën jap tju'tnë Egiptë ja nyaax kyajpn.
Currently Selected:
Éxodo 12: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Éxodo 12
12
Ëmaayxyëëw
1Ënet yë Dios ojts myëtyä'äky mëët yë Moisés ets Aarón ets y'ënëmaayëtë: 2Ya'atë po'o myiny kyëtä'äkyën, yë'ë tu'uk yë po'o mëti'ipë mëj'äämpy mjëkyäptëpën; yë'ë mëti'ipë më''ëka'any timtso'ontakpën, ko yë jëmëjt tsyo'ontä'äky. 3Jëtu'un xy'ënëëmëty tëkokyë yë Israel ja'ay: Ko ya'atë po'o myajk'anëty, jää nëjkx xyaj'ooktë nitu'ukjaty yë mtsajppaxëty ëkë mkupixynyëty ets nitëkokyë jëtu'un maajaty yë jëën tëjkën. 4E ko ja ja'ayëty nyiwäänë'atëty ma tu'uk ja jëën tëjkën, jyëkyäpëp twowëty ja myëjëën myëtëjk ets ja tuka'any jä'ä mëët tukmuktëty ets tsu'utstëty tukkaytyëty, tu'knax mëpaat tyajwa'kxtë ja tuka'any ja ja'ayëty ijxtëm naje'eyë tukkaytyëtyën. 5Ja jëyujk mëti'ipë nëjkx xyaj'ooktën, yë'ë mëti'ipë ënety ja jyëmëjt tu'uk të t'apetyën, yä'äypyë ets oypyë mëkpë; oy yë'ë'atëty yë kupixyny ëkë tsajppax. 6Jam xymyëët'atëty ets këwent'aty xyaj'itëty koonëm ënety ja xëëw tpaaty ma ya'atë po'o myajkmajkts anyën. Tukë'ëyë ja Israel ja'ayëty jää nëjkx tyaj'ooktë ja tsyajppaxëty ëkë kyupixynyëty ko jyënäkyxyëëw'atëty. 7Ja ne'pny nëjkxëp xypyëjkë'ëktë ets yë'ë mëët xytyukkoytyëty ja mtëjk'aawëty, ma ënety mkaytyën m'uuktën. 8Jä'ä tsu'um nëjkx xytsyu'utstë ja tsyu'utsy tsyä'äy, yë'ë mëët xyjyë'kxtëty ja aay ujts, mëti'ipë ta'amën ets tsajpkääky ka'apë tsyooymyëëtëtyën ets tsäk. 9Nitu'kpoty xykyatsu'utstëty tsuxk ëkë nëëkë'ëw. Tu'kë'ëyë jëyujk tsu'utsy jëtu'unyë jëtu'un xytsyääytya'atëty mëët yë kyë'ë tyeky ets mëët yë kyëpajkëty tyiintsyëty. 10Nitii xykyayajwë'ëmtëty komjëpom, pën tii ënety wë'ëmpën ënätyë xytyimnino'kojnëtëty. 11Tëë ënety ja mwit mtujkxy xytyuktëjkënyëtë ets tëë ënety ja mkë'ëkëty xykyëxjäänëtë mtekykyijxy, jëtu'unyë nëjkx ye'epy mjaakkay mjaaktsu'utstë, jä'ä ko Wintsën jää y'ëmaayxyëëw itaanp. 12Näy jä'ä tsu'umës ëjts njëtita'any jap Egiptë winjëën wintëjk etsës nyaj'o'kta'aja'any tëkokyë yë kä'äxkopktëjk maajaty yë jëën tëjkën. Näyjyëtu'unës nyaj'o'kta'aja'any tëkokyë yë jëyujkëty yë kyä'äxkopkëty etsës ntëytyuuntaja'any tëkokyë mëti'ipë tios'ajtëpën Egiptë. Ëjts, mëti'ipë Wintsën'ajtpën, ëjts ënaanp.
13Yë ne'pny yë'ë nëjkx yë mjëën mtëjkëty xytyukkoytyë, yë'ëtsës n'ixëp etsës jëtu'un nijawëty ko ënety miitsëty jap myajpaatë. Paaty koos ënety naxy ma ja Egiptë ja'ayëty ja jyëën tyëjkëtyën, maas ënety nyaj'ooka'anyën tëkokyë ja kä'äxkopktëjk. Ma miitsëtyën nitu'uk pën kya'ookëty, jä'ä ko ja ne'pny jä'äs n'ixëp etsës jëkäm naye'eyëty ja mjëën mtëjkëty. 14Ya'atë xëëw yë'ë tu'uk mëj'äämpy itëp, mëti'ipë ja Dios jä'ä yajtukmëjjawëpën ets xëmë jëtu'un nëjkx ja'amyetsy xyaj'itë. Ya'atë xëëw jëtu'un xyaj'itëty tä tu'uk yë ënä'ämënën mëti'ipë xëmë ijtëwëpën. Jä'ä ko yë m'u'unk m'ëna'këty kopkpëky ko nëjkx näjyëtu'un tja'amyätstë. 15Ja tsajpkääky mëti'ipë mkaytyëpën ka'ap tii tsooy tmëët'atëty ets wëxtujk xëëw y'itëty. Paaty ma ënety më''ëka'any tsyo'ontä'äkyën ja mëtu'kxëëwpë, kamaa yë tsooy kyayajpaatëty ma ja mjëën mtëjkëtyën, e pën jëtu'un ja tsajpkääky kyääpy tsooymyëëtpë, ma ya'atë ja wëxtujk xëëwpë ënety të yajpëjktä'äkyën, nëjkxëp yajjo'otsy ma ja Israel kajpnën. 16Jëtu'un ma ënety tsyo'ontä'äkyën ets ma wyëxtujk xëëwpetyën, wa'ats mëpaat ya'atë xëëw tyunyë jyätyë. Ets näjyëtu'un ma ya'atë wëxtujk xëëwpë yajnikäjpxyën, ni pën mëpaat kyatuny, jääyë nëjkx winë xytyuunkojtë ko ënety ja mka'ayën m'ukënëty xyaj'oyëja'antë. 17Ya'atë xëëw ma ja tsajpkääky xykyäytyën ka'apë tsyooymyëëtëtyën, mtuntëp jëtu'un ya'atë xëëw xëmë ets ja'amyetsy nëjkx xyaj'itë. Jä'ä ko jää ojts miitsëty njuutë jap Egiptë. Ya'atë, jëtu'un yam wyi'imy tä tu'uk yë ënä'ämënën, oy yë'ëjëty yë m'u'unk m'ëna'këty ets m'ok'u'unk m'ok'ëna'këty nëjkxëp tmëjjawëtë ets xyëëwtuntë. 18Ko ënety ja po'o myajkmajtsk'any yë'ë mkaytyëp ja tsajpkääky mëti'ipë ka'ap tsyooymyëëtëtyën, jënäkyxyëëw jëtu'unpë tsyo'onta'akëty; e ko ja po'o y'i'px tu'uk'anëty, jënäkxyëëw nëjkx ja tsajpkääky xyjyaakaytyë. 19Ka'ap mëpaat nitu'kjënu'un yë tsajpkääky tsyooy yajpaaty ma mjëën mtëjkëtyën, jëtu'un tyu'uye'eyëty ja xëëw po'o, koonëm wëxtujk xëëw kya'pxëty. Jä'ä ko pën ja tsajpkääky kyääpy tsooymyëët, nëjkxëp yajjo'otsy ma ja Israel ja nyaax kyajpnën, oy yë'ëjëty mëti'ipë Israel ja'ay'ajtpën ets oy tyimyë'ëjëty ja jaaypyaat jaaypyo'kxy. 20Nitii xykyajë'kxtëty mëti'ipë tsooymyëëtën. Oy maa mtimjyuuky'atëty, nëjkxëp ja jëtu'unpë ja tsajpkääky xykyäytyë mëti'ipë ka'ap tsyooymyëëtëtyën.
21Ënet ja Moisés tmëkajpxmujktaay ja mëjja'aytyëjkëty jampë yajpaatën ma ja Israel kajpnën ets t'ënëmaay: Nëjkx yaj'ooktë tu'uk yë mtsajppaxëty ëkë mkupixynyëty mëti'ipë mtsu'utstëpën ets xynyixëëwtuntëty yë ëmaayxyëëw. 22Yë ne'pny jap xyaj'axä'kxëtëty ma tu'uk yë tsimën ëkë pokën ets yë'ë mtukpatijë'ëktëp yë kepyxye'enty tu'k'atsumy mëti'ipë xyëëwajtypyën hisopo ets ënät ja mtëjk'aaw xytyukkoytyëty. Ma miitsëtyën ni pën mëpaat kyapëtsëmy tëja'p ma ënety ka'ap xyiinyënëm. 23Ko ja Wintsën jam nyaxëty, mëti'ipë yajja'ay'o'kpën ma ja Egiptë kajpnën, ja ne'pny jä'ä y'ixëp mëti'ipë ënety jamën ma ja mtëjk'aawëtyën ets jëkäm mnanaxëtëty. Jëtu'un'äämpy ka'ap tjëkyäpëty wi'ix nyatëkëtyën ma ja mjëën mtëjkëtyën ets yajja'ay'ookëty. 24Ya'atë ënä'ämën kwanë ko xypyatuntëty miitsëty ets näjyëtu'un ja m'u'unkëty m'ëna'këty, jä'ä y'itëty tä tu'uk yë ënä'ämënën winë xëëw. 25Ko ënety miitsëty jam të mja'ajnëtë ma ja naaxwiinyëtën mëti'ipë ja Dios mo'ojanëtëpën, jëtu'un tä yë'ë twinwa'anëyën, ya'atë xëëw je'eyëm jam xytyuun'ëtë'ëtstëty. 26E ko ënety ja m'u'unk m'ëna'këty jëna'a myajtëwëtë: ¿Tiitën mnixëëwtuuntëp? 27Tääts nëjkx xy'ëtsowtë: Ya'atë jëyujk yë'ë tu'uk yë wintsë'kën mëti'ipë yajtukmëjja'awëpën yë ëmaayxyëëw ma ja Dios yajmëjjawën. Mëët ko tëkokyë tyaj'o'ktaay ja kä'äxkopktëjk jap Egiptë ets ko ja Israel ja'ayëty jëkäm ja jyëën tyëjkëty yajnanajxtë ma ënety jap tsyëënëtën Egiptë ets jëtu'un'äämpy ojts tyajtso'oky ja nja'ayajtëmë.
Ënet ja Israel ja'ayëty wyintak nyaaxkoowtë ets ja Wintsën tmëjja'aw tjaantyjya'awëtyë. 28E ënät ojts nyëjkxta'atë ets tuuntë tä ënety ja Wintsën të tuk'ëne'emyën ja Moisés ets ja Aarón.
Jëtu'un ojts y'ooktë ja kä'äxkopktëjkëty
29Kujktsyu'um ënety, ko ja Dios tyaj'o'ktaay ja kä'äxkopktëjk jap Egiptë, ojts y'ooky ja mëj'ënä'ämpë ja myaank mëti'ipë ënety kä'äxkopkën, yë'ëpaat ojts y'ooktë ja myaankëty ja ja'ayëty mëti'ipë ënety jap tsumy ijtëpën ets näjyëtu'un ja jëyujkëty ja kyä'äxkopkëty ojts y'o'kta'atë. 30Ënet myä'äypyëtë'ktaaytyë ja tsu'um ja mëj'ënä'ämpë mëët ja wyintsëntëjkëty ets tëkokyë yë Egiptë ja'ayëty, tääts tyëjkëtyë jëëpyë yaxpë, mëët ko ënety të y'ooktë ja y'u'unkëty mëti'ipë kä'äxkopkëtyën maajaty ja jëën tëjkën. 31Ënet ja mëj'ënä'ämpë ojts jä'ä tsu'um tmëkäjpxy ja Moisés ets ja Aarón ets t'ënëmaay:
Nëjkxtë, winwa'ktutëkës yaa, nitu'kë'ëyë miitsëty Israel ja'ayëty. Nëjkx ëwtatë yë mWintsënëty, ijxtëm të m'ëna'antën. 32Yajnëjkxta'atë yë mtsajpkaajëty, mtsajppaxëty, mkupixynyëty, jëtu'un ijxtëm xytsyoktën. Jam näjyëtu'un yë Dios xymyënu'kxta'aktëty mëët ëjts.
33Yë Egiptë ja'ayëty mëktä'äky t'ënëmaaytyë ja Israel ja'ay ets tsyoontëty jap Egiptë, jä'ä ko jëtu'un ënety myäytyë tyajtë ko tsojk y'ëk'o'ktaaynyëtëty. 34Yë Israel ja'ayëty jëtu'unyë ojts tjaakyaj'oyëtë ja tsyajpmok jëtsyëty tsooytyuk ets tukwinpijtë yë wit, tääts nyätyukkejkpyëjkëtë. 35Ojts t'amëtowtë ja Egiptë ja'ayëty, yë pu'ts pujxn, poop pujxn ets wit tujkxy, jëtu'un tä ënety ja Moisés të tni'ënä'ämën. 36Yë Dios yë'ë ënety näjyëtu'un të tyajkutuky ets Egiptë ja'ayëty mëët yë oyjyot oywyinma'any winë tyaktëty, mëti'ipë ja Israel ja'ayëty y'amëtoowtëpën, jëtu'un'äämpy ojts yë Israel ja'ayëty may'äämpy jap winë tmëpëtsëmtë Egiptë.
Yë Israel ja'ayëty tsyo'onëtë jap Egiptë
37Jam ojts yë Israel ja'ayëty tsyoontë ma tu'uk yë kajpnën mëti'ipë xyëëwajtypyën Ramsés ets jam jya'ajtë Sucot, jä'ä ënety ja ye'etyëjktëjk nyiwinë'atë nitëtujk mëko'px, mëti'ipë jyëkyäjpnëp tsyiptuntëtyën. Yë to'oxytyëjkëty ets pi'k'ëna'këty ka'ap ojts yajmëtyowtë. 38Ojts kanaakpëky yë ja'ay pyanëjkxëtë, wä'än yë'ëjëty yë ka'apë ënety y'Israel ja'ayëtyën ets janty nimay ojts näjyëtu'un yë tsajppaxëty, kupixynyëty ets jëyujkëty, tsajpkaajëty tyajnëjkxtë. 39Ka'ap ojts ja ka'ayën ukën oy t'ëknipëjktakënyëtë, jä'ä ko ja Egiptë ja'ayëty mëktä'äky jyänty y'ënëmaayënëtë ets tsyoontëty, paaty ko ënety jam tu'u'am yajpatnëtë, yë'ë ojts tyajmë'ëkykyojtë ja tsajpmookjëtsy mëti'ipë ënety ka'ap tsyooymyëëtëtyën ets tkaaytyë.
40Yë Israel ja'ayëty jä'ä ënety jap të jyuuky'atë Egiptë, taxk mëko'px ja i'px majk jëmëjt. 41Jä'ä xëëw ma ojts kyä'pxyën taxk mëko'px ja i'px majk jëmëjt, jä'ä xëëw ojts ja Dios ja nyaax kyajpn tsyo'onë jap Egiptë. 42Yë Dios ojts kë'ëm yë nyaax kyajpn timkyëwent'aty jä'ä tsu'um ets tju'ty jap Egiptë, yë tääpë kootsajtën Dios ojts tjä'äniwa'any, paaty yë Israel ja'ayëty xëmë winjëmëjt ya'atë tsu'um'ajtën tja'amyätstëty ets jëtu'un ja'amyetsy y'itëty u'unk ok.
Ja ëmaayxyëëw ja nyitëyajtën
43Ënet yë Dios t'ënëmaay yë Moisés ets Aarón:
Ya'atë jëtu'un wë'ëmp, tä tu'uk yë ënä'ämënën, mëëtkyëjxm yë ëmaayxyëëw. Nitu'uk mëpaat yë jaaypyaat jaaypyo'kxy tkatsu'utsy yë jëyujk mëti'ipë tëë wyintsë'kën'atyën, 44Yë'ë tëy yë mtuunpë mëti'ipë juy këpety myaj'ijtypyën, jyëkyäpëp tsu'utstëty, e ënät jëtu'un pën yajnatsujk'ëwtijtp ja ye'etyëjkajtën ko myutsk'ajty. 45Yë jaaypyo'kxyjyä'äy mëti'ipë tu'u'am'ajtpën, ëkë mëti'ipë jam mëtuunpën ma miitsëtyën, ka'ap mëpaat ya'atë jëyujk tsu'utsy. 46Jä'ä ko jäpyë tëkoty ma ja mjëën mtëjkëtyën mëpaat xytsyu'utstë, nitu'kpoty mëpaat pën tkamëpëtsëmy ya'atë tsu'utsy mëti'ipë tëë wyintsë'kën'atyën ets näjyëtu'un ja nyipajk ka'ap yajtëj yajwäxëty. 47Nitëkokyë yë Israel ja'ayëty jëtu'un tuntëty. 48Pën tu'uk yë atsënääpyë xyëëwtunäämpy yë ëmaayxyëëw ets jëtu'un yë Dios tmëjjawëja'any, jëyëjp tu'kë'ëyë yë ye'etyëjktëjk yajnatsujk'ëwtitëty yë ye'etyëjk'ajtënëty mëti'ipë ijtëpën ma tyëjkëtyën, täänëm tnixëëwtuntëty ja ëmaayxyëëw. Jä'ä ko jëtu'un ënety nyajxnë tä tu'uk yë kunaax kukajpnën ma miitsëtyën. E pën ka'ap nyatsujk'ëwtityëty ja ye'etyëjk'ajtënëty, ka'ap tjëkyäpëty tsu'utsëty ja jëyujk'ooky. 49Ya'atë ënä'ämën tunëp ma ja kunaax kukajpnëtyën ets ma ja jaaypyaat jaaypyo'kxyën, mëti'ipë jam tsënaaytyëpën ma miitsëtyën.
50Yë Israel ja'ayëty ojts jëtu'un tuntë tä ënety ja Moisés ets ja Aarón të y'ënä'ämëtën ja Wintsën. 51Jä'ä xëëw ojts ja Wintsën jap tju'tnë Egiptë ja nyaax kyajpn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.