Éxodo 15
15
Ja Moisés ja y'iy yä'äxy
1Ënet yë Moisés mëët nitëkokyë yë Israel ja'ayëty ojts t'ëwtë ya'atë ëy ets ojts yë'ë mëët tmëjjawëtë ets tukxoonta'aktë ja Wintsën:
Ëwtë ya'axtë ets mëjjawëtë kënu'kxyjyawëtë yë Wintsën,
jä'ä ko yë'ë të myëtä'äky ko të tyajkiinta'ay yë këwaayëty
mëët yë nyija'ay mëti'ipë ënety tuk'ënyääyëpën.
2Ëjts nwin'ëëpy nwinyäxypyës yë Wintsën,
jä'ä ko yë'ëjës xymyëkmoopy xymyëjaawmoopy ets yë'ëjës xyajnitsokp.
Yë'ëjës nTios'ajtyp paatyës nwin'ëy nwinya'axy.
Yë'ë näjyëtu'un yë nteetyës ojts tTios'aty, paatyës nmëjjaw nkënu'kxyjawë.
3Yë Wintsën yë'ë tu'uk mëjtsiptuunpë.
Wintsën, xyëëwajtyp.
4Yë Wintsën tëë tyajkiinta'ay yë kepy wintëkäämpë jap nëëjoty
mëët yë tsyiptuunpëtëjk yë mëj'ënä'ämpë,
e ja tsiptuunpë wintsënëty, mëti'ipë ënety mëj'äämpy ijtëpën,
ojts nyëëji'kxta'atë ma ja mëjmejyën mëti'ipë xyëëwajtypyën
Tsaptsmejy.
5Jap kya'ataaytyë këkmejyjoty.
Jëtu'un kyuka'anajxtaaytyë tsaajën.
Ja komnëë ojts nyijä'tstëkoyëtë.
6Wintsën yë mmëkajtën mkutujkën yë'ë winë të tuny,
mëti'ipë mëkën ets maaytyääyëp winë,
mëti'ipë ojts tjaamteeny tnaaxteenyën ja mëtsip.
7Mëët yë mmëkajtën, yë'ë mëët xyjyaamte'eny xynyaaxte'eny,
ja mëti'ipë mjanipëtë'kën,
ko ja mjoot'an yajxon tyooypyijky.
Ënet yë'ëjëty tyooytyëkooytyääytyë jëtu'un tä mëëy tyoyën.
8Ojts tu'uk ja mëkpoj xyajminy ets ja nëë ojts ëpëkyjyäty
nyäpyëjktä'äkyë.
Yë nëë'o'pyk jëtu'un jya'ajtaay tä tu'uk yë potsyën.
Ja nëë ja jampë ënety nëë'itkujky ye'eytyën, jëtu'unyë
myëkëtyääytyë.
9Yë mmëtsip tyaa ënety të myäy të tyäjy:
Mpapo'ojäämpyës yam mapaatës najtspaatën,
etsës nyajwa'kxtaja'any, mëti'ipës ënety të
mpëjkëtyä'äyën, koonëmës yajxon nku'uxëtëty.
Etsës nkupujxta'aja'any mëët ja mpujxnës,
mëti'ipës nkë'ëkë'ë'ajtypë.
10E ko ojts xyajpojyu'kxy,
jëtu'unyë ja nëë ojts nyikoonpäjta'ajëtë.
Jëtu'unyë jap kyiintaaytyë tä tu'uk yë pujxn kyinyën.
11Wintsën; nimëti'ipë tios mijts mkamëpaatëtëty.
Nimëti'ipë tios winë tëyajtën tkatuny,
tä mijts winë tëyajtën xytyunyën.
Mijts mëj këjää winë xytyuny ets atsë'ëk ajawë.
Mijts mpatëp myajmëjjaw myajjaantyjyawëty.
12Ojts ja mëk'ajtën xynyajtsmatsë ets ja naaxwiinyëtë jëtu'unyë
jyë'ëntaayëtë.
13Yë'ë mëët yë mtsojkën mja'awën ya'atë naax kajpn
xytyu'uwinwoy mëti'ipë të xyajtso'okyën.
Yë'ë mëët yë mëk'ajtën jam xyajnëjkxy
jam ma mtsajptëjkën.
14Yë naax kajpn yajxon nëjkx tsyë'ëkëtë jyawëtë,
ko jëtu'un nijawëtëty.
Yë filistejë ja'ayëty jëtu'unyë nëjkx nyäwyiit nyäxyaatsëtë,
mëët ja pëjkën ato'onën.
15Ja wintsëntëjkëty mëti'ipë jam yajpatëpën Edom,
jëtu'unyë wyë'ëmta'aja'antë xejytyuky.
Näyjyëtu'un ja kopktëjkëty jampë Moab y'itën,
näjyëtu'un nëjkx tsyëtyuuypyëjkta'atë mëët ja tsë'ëkë ets
ja Canaán ja'ayëty nëjkxëp ja jyotmëk'ajtën tyëkooytya'atë.
16Wintsën, wä'än tsë'ëkëtë, wä'än tsë'ëkëtë tjawëtë.
Wä'än jëtu'unyë twë'ëmta'atë tä tsaajën mëët ja mëk'ajtën
mkutujkën, koonëm ënety ja mnaax mkajpn të nyajxta'atë,
ja mëti'ipë të xyjyä'äniwa'anyën.
17Wintsën, jamës yajnëjkxtëk tsënääpyë ma mtun mkopkën
wa'atspë tsujpë.
Jam ma ja itjotmën mëti'ipë të xywyin'ixyën,
etsës jam ntsëënëtëty ma ja mtsajptëjkën
mëti'ipë ojts mijts kë'ëm xykyojyën.
18Yë Dios yë'ë jëtu'un ënä'ämp yajkutujkp winë xëëw winë jëmëjt.
Maria yë y'iy
19Ko tyëjkëtyë ja kepy wintëkäämpë ets ja këwaayëty jap nëëjoty, yë Dios yë'ë ojts tyajkutuky ets ja nëë jëtu'unyë nyijä'tstëkooytya'ajëtëty, yë Israel ja'ayëty jëtu'un ja nëë tuknajxtë tä jeexyë wintë'ëtstuuy ye'eytyën të'ëts wa'ats. 20Ënet ja Maria käjpxynyajxpë, ja Aarón ja y'uty, tpëjkë'ky tu'uk yë xijtn ets ojts pyaye'eyi'ikyë ja maytyo'oxy'ëna'k, tääts tyëjkëtyë äjtspë, tjantyaj'ëna'antë ja pyo'ojëty. 21Tä ja Maria ojts t'ëy ya'atë ëy:
Win'ëw winya'axtë yë Dios ets mëjjaw kënu'kxyjyawëtë.
Jä'ä ko yë'ë jëtu'un të myëtä'äky mëjwiin këjää,
ko të tyajkiinta'ay ja këwaayëty,
mëët tu'kë'ëyë ja nyija'ay mëti'ipë tuk'ënyääyëpën.
Ja ta'amnëë
22Ënet ja Moisés twoowtso'ontaay ja Israel ja'ayëty jam ma mëjmejyën mëti'ipë xyëëwajtypyën Tsaptsmejy, jam ojts nyëjkxtë ma të'ëts'it të'ëtsnaax txëëwatyën Shur, tëkëëk xëëw tyu'uye'eytyë, nimaa ja nëë tkapatë. 23Ko jam jya'ajtë ma tu'uk ja naax txëëwëtyën Mará, jam tpatë tu'uk yë nëëwooky, e ja nëë ta'am ënety, ka'ap tjëkyejpy t'uuktëty, paatykyëjxm ojts txëëwmo'otë Mará.
24Ënet ja ja'ayëty ojts tyëkëtë kajpxpë, je'eyë ja Moisés tjantynyi'ojëtë ets t'ënëmaaytyë: ¿Tiitën ëëts ënät n'uuktëp? 25Tä ja Moisés ojts t'amëtoy ja putëjkën pupäjtën ma Wintsën Tiosën, ënät ojts tyukni''ixëty tu'uk yë kepyxye'enty, tä yë Moisés tnëëkupëjky ya'atë kepyxye'enty ets ojts ja nëë y'awinpity pa'ak.
Jam ja Dios ojts wyinma'any'ixëtë ets tpëjktäky tu'uk yë ënä'ämën ma yë'ëjëtyën mëti'ipë pyatuntëpën. 26Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënety xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.
27Kom ok tääts jam jya'ajtë ma txëëwatyën Elim, majkmäjtsk ënety jam ja nëë awookë ets tëkë'px majk ja tëëxykyepy, jam ja Israel ja'ayëty tsyënaaytyaknpëjktë.
Currently Selected:
Éxodo 15: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Éxodo 15
15
Ja Moisés ja y'iy yä'äxy
1Ënet yë Moisés mëët nitëkokyë yë Israel ja'ayëty ojts t'ëwtë ya'atë ëy ets ojts yë'ë mëët tmëjjawëtë ets tukxoonta'aktë ja Wintsën:
Ëwtë ya'axtë ets mëjjawëtë kënu'kxyjyawëtë yë Wintsën,
jä'ä ko yë'ë të myëtä'äky ko të tyajkiinta'ay yë këwaayëty
mëët yë nyija'ay mëti'ipë ënety tuk'ënyääyëpën.
2Ëjts nwin'ëëpy nwinyäxypyës yë Wintsën,
jä'ä ko yë'ëjës xymyëkmoopy xymyëjaawmoopy ets yë'ëjës xyajnitsokp.
Yë'ëjës nTios'ajtyp paatyës nwin'ëy nwinya'axy.
Yë'ë näjyëtu'un yë nteetyës ojts tTios'aty, paatyës nmëjjaw nkënu'kxyjawë.
3Yë Wintsën yë'ë tu'uk mëjtsiptuunpë.
Wintsën, xyëëwajtyp.
4Yë Wintsën tëë tyajkiinta'ay yë kepy wintëkäämpë jap nëëjoty
mëët yë tsyiptuunpëtëjk yë mëj'ënä'ämpë,
e ja tsiptuunpë wintsënëty, mëti'ipë ënety mëj'äämpy ijtëpën,
ojts nyëëji'kxta'atë ma ja mëjmejyën mëti'ipë xyëëwajtypyën
Tsaptsmejy.
5Jap kya'ataaytyë këkmejyjoty.
Jëtu'un kyuka'anajxtaaytyë tsaajën.
Ja komnëë ojts nyijä'tstëkoyëtë.
6Wintsën yë mmëkajtën mkutujkën yë'ë winë të tuny,
mëti'ipë mëkën ets maaytyääyëp winë,
mëti'ipë ojts tjaamteeny tnaaxteenyën ja mëtsip.
7Mëët yë mmëkajtën, yë'ë mëët xyjyaamte'eny xynyaaxte'eny,
ja mëti'ipë mjanipëtë'kën,
ko ja mjoot'an yajxon tyooypyijky.
Ënet yë'ëjëty tyooytyëkooytyääytyë jëtu'un tä mëëy tyoyën.
8Ojts tu'uk ja mëkpoj xyajminy ets ja nëë ojts ëpëkyjyäty
nyäpyëjktä'äkyë.
Yë nëë'o'pyk jëtu'un jya'ajtaay tä tu'uk yë potsyën.
Ja nëë ja jampë ënety nëë'itkujky ye'eytyën, jëtu'unyë
myëkëtyääytyë.
9Yë mmëtsip tyaa ënety të myäy të tyäjy:
Mpapo'ojäämpyës yam mapaatës najtspaatën,
etsës nyajwa'kxtaja'any, mëti'ipës ënety të
mpëjkëtyä'äyën, koonëmës yajxon nku'uxëtëty.
Etsës nkupujxta'aja'any mëët ja mpujxnës,
mëti'ipës nkë'ëkë'ë'ajtypë.
10E ko ojts xyajpojyu'kxy,
jëtu'unyë ja nëë ojts nyikoonpäjta'ajëtë.
Jëtu'unyë jap kyiintaaytyë tä tu'uk yë pujxn kyinyën.
11Wintsën; nimëti'ipë tios mijts mkamëpaatëtëty.
Nimëti'ipë tios winë tëyajtën tkatuny,
tä mijts winë tëyajtën xytyunyën.
Mijts mëj këjää winë xytyuny ets atsë'ëk ajawë.
Mijts mpatëp myajmëjjaw myajjaantyjyawëty.
12Ojts ja mëk'ajtën xynyajtsmatsë ets ja naaxwiinyëtë jëtu'unyë
jyë'ëntaayëtë.
13Yë'ë mëët yë mtsojkën mja'awën ya'atë naax kajpn
xytyu'uwinwoy mëti'ipë të xyajtso'okyën.
Yë'ë mëët yë mëk'ajtën jam xyajnëjkxy
jam ma mtsajptëjkën.
14Yë naax kajpn yajxon nëjkx tsyë'ëkëtë jyawëtë,
ko jëtu'un nijawëtëty.
Yë filistejë ja'ayëty jëtu'unyë nëjkx nyäwyiit nyäxyaatsëtë,
mëët ja pëjkën ato'onën.
15Ja wintsëntëjkëty mëti'ipë jam yajpatëpën Edom,
jëtu'unyë wyë'ëmta'aja'antë xejytyuky.
Näyjyëtu'un ja kopktëjkëty jampë Moab y'itën,
näjyëtu'un nëjkx tsyëtyuuypyëjkta'atë mëët ja tsë'ëkë ets
ja Canaán ja'ayëty nëjkxëp ja jyotmëk'ajtën tyëkooytya'atë.
16Wintsën, wä'än tsë'ëkëtë, wä'än tsë'ëkëtë tjawëtë.
Wä'än jëtu'unyë twë'ëmta'atë tä tsaajën mëët ja mëk'ajtën
mkutujkën, koonëm ënety ja mnaax mkajpn të nyajxta'atë,
ja mëti'ipë të xyjyä'äniwa'anyën.
17Wintsën, jamës yajnëjkxtëk tsënääpyë ma mtun mkopkën
wa'atspë tsujpë.
Jam ma ja itjotmën mëti'ipë të xywyin'ixyën,
etsës jam ntsëënëtëty ma ja mtsajptëjkën
mëti'ipë ojts mijts kë'ëm xykyojyën.
18Yë Dios yë'ë jëtu'un ënä'ämp yajkutujkp winë xëëw winë jëmëjt.
Maria yë y'iy
19Ko tyëjkëtyë ja kepy wintëkäämpë ets ja këwaayëty jap nëëjoty, yë Dios yë'ë ojts tyajkutuky ets ja nëë jëtu'unyë nyijä'tstëkooytya'ajëtëty, yë Israel ja'ayëty jëtu'un ja nëë tuknajxtë tä jeexyë wintë'ëtstuuy ye'eytyën të'ëts wa'ats. 20Ënet ja Maria käjpxynyajxpë, ja Aarón ja y'uty, tpëjkë'ky tu'uk yë xijtn ets ojts pyaye'eyi'ikyë ja maytyo'oxy'ëna'k, tääts tyëjkëtyë äjtspë, tjantyaj'ëna'antë ja pyo'ojëty. 21Tä ja Maria ojts t'ëy ya'atë ëy:
Win'ëw winya'axtë yë Dios ets mëjjaw kënu'kxyjyawëtë.
Jä'ä ko yë'ë jëtu'un të myëtä'äky mëjwiin këjää,
ko të tyajkiinta'ay ja këwaayëty,
mëët tu'kë'ëyë ja nyija'ay mëti'ipë tuk'ënyääyëpën.
Ja ta'amnëë
22Ënet ja Moisés twoowtso'ontaay ja Israel ja'ayëty jam ma mëjmejyën mëti'ipë xyëëwajtypyën Tsaptsmejy, jam ojts nyëjkxtë ma të'ëts'it të'ëtsnaax txëëwatyën Shur, tëkëëk xëëw tyu'uye'eytyë, nimaa ja nëë tkapatë. 23Ko jam jya'ajtë ma tu'uk ja naax txëëwëtyën Mará, jam tpatë tu'uk yë nëëwooky, e ja nëë ta'am ënety, ka'ap tjëkyejpy t'uuktëty, paatykyëjxm ojts txëëwmo'otë Mará.
24Ënet ja ja'ayëty ojts tyëkëtë kajpxpë, je'eyë ja Moisés tjantynyi'ojëtë ets t'ënëmaaytyë: ¿Tiitën ëëts ënät n'uuktëp? 25Tä ja Moisés ojts t'amëtoy ja putëjkën pupäjtën ma Wintsën Tiosën, ënät ojts tyukni''ixëty tu'uk yë kepyxye'enty, tä yë Moisés tnëëkupëjky ya'atë kepyxye'enty ets ojts ja nëë y'awinpity pa'ak.
Jam ja Dios ojts wyinma'any'ixëtë ets tpëjktäky tu'uk yë ënä'ämën ma yë'ëjëtyën mëti'ipë pyatuntëpën. 26Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënety xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.
27Kom ok tääts jam jya'ajtë ma txëëwatyën Elim, majkmäjtsk ënety jam ja nëë awookë ets tëkë'px majk ja tëëxykyepy, jam ja Israel ja'ayëty tsyënaaytyaknpëjktë.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.