Éxodo 17
17
Ja nëë mëti'ipë pëtsëëmpën tsaajoty
1Ënet nitëkokyë tsyo'ontaaytyë ja Israel ja'ayëty ma Sin të'ëts itjotmën ets tyajpuwa'atstë ja tyu'ujëty wäänjaty, jëtu'un tä ënety ja Wintsën të tni'ënä'ämën. Ënet jam tsyënaaytyaknpëjktë, ma ja it txëëwatyën Refidim, ma tääpë it naaxwiinyëtën, kamaa ënety jam yë nëë mëti'ipë y'uuktëpën ja Israel ja'ayëty. 2Paaty ojts ja Moisés jä'ä tukmëkajpxtë ets t'ënëmaaytyë:
Mooytyëkës yë nëë mëti'ipës n'uuktëpën.
¿Wi'ix koos yë nëë xy'amëtowtë? ¿Wi'ix ko je'eyë Dios nëkoo xyajjotkëxtë, xyjyänty nyä'ämtë je'eyë tii y'ëkyäjkpy? Jëtu'un ja Moisés y'ëtsoowëtë.
3Ja naax kajpn yajxon ënety jyänty tsyëëtsëtë, paaty ojts je'eyë t'ëk'ojnëtë ja Moisés ets t'ënëmaaytyë:
¿Tiixë koos ojts jap je'eyë nëkoo xyajpëtsëmtë Egiptë? ¿Paatykyëjxmën jap xyajpëtsëëmtës etsës yaa xyäjtëëtsë'ooka'antësë, mëët nitëkokyë ja n'u'unk n'ëna'këtyës ets ja njëyujk ntsajpkaajëtyësë?
4Tä ja Moisés tmëpëjktsooy ja Dios ets t'ënëmaay:
¿Tiijës ënät ëjts tyam ntuunta'akëp mëët yë mayjyä'äy? Ko wäänë jyaak itëty, tsojkës je'eyë xy'ëkjaakuka'tsnëtëty.
5Tä ja Dios y'ëtsoowë:
Jëyëjp mnaxëty ma naax kajpnën ets mëët mnëjkxëty yë mëjja'aytyëjk, mëti'ipë jam yajpatëpën ma Israel ja'ayëtyën. Mkapëp ja mtajk mëti'ipë ojts xytyukwojpyu'kxyën ja mëjnëë ets mnëjkxtëty. 6Jam n'ëwxita'any ma Horeb kopkën, ma tu'uk yë tsaatun kupi'tykyën. Ko tääpë tsaa xywyojpyu'kxëty, ënät jap myäypyëtsëma'any yë nëë ets yë'ë ja ja'ay y'uuktëp.
Ko jëtu'un ja Moisés tuuny, tam ënety t'ixtë ja mëjja'aytyëjkëty, mëti'ipë nyimëjja'ay'ajtëpën ja Israel kajpn. 7Ets txëëwmooytyë ja jampë ja it naaxwiinyëtë Meribá, jä'äkyëjxm ko ënety ja Moisés jëyëjp ja Israel ja'ayëty të y'ëk'ojëtë, ojts näjyëtu'un tijtë Masá, jä'ä ko je'eyë ënety ja Dios të tjoot'ix të twinma'any'ixtë, ko y'ënantë: ¿Wi'ix jää ja Dios yajpaatyë mëët ëëts'ajtëmë ëkë ka'apë?
Tsip tuunk mëët yë Amalec ja'ayëty
8Yë Amalec ja'ayëty jamtsow ojts nyëjkxtë ma ja naax txëëwatyën Refidim ets tsyiptuna'antë mëët ja Israel ja'ayëty. 9Ënet ja Moisés t'ënëmaay ja Josué: Win'ix yë ja'ay mëti'ipë m'a'ijxëpën ets mnëjkxtëty tsiptuunpë ma ja Amalec ja'ayëtyën. Ëjts jamës jopy kopkëjxm nyajpaata'any ets mpakapäämpyës yë ntajk, mëti'ipë yë Dios jyä'ä'ajtypyën.
10Yë Josué ojts jëtu'un tuny tä ënety yë Moisés të y'ënë'ëmxëtyën. Tä ojts tsyoontë tsiptuunpë ma ënety mëët nyäpyaata'anëtën ja Amalec ja'ayëty. Yë Moisés, yë Aarón ets Hur tëë ënety jam pyätë ma ja kopkën. 11Ko ja Moisés ja kyë'ë txajtëy tääts myëtä'äky ja Israel ja'ayëty ma ja tsipën. E ko ja kyë'ë tyajënäky Amalec ja'ay mëtaktëp. 12E yë Moisés kë'ëpa'amëp ënety, ënät ojts tu'uk yë tsaa t'ixtë ma y'u'unyëtyën yë Moisés, tä ja Aarón ets ja Hur tmajts'ijtëtë ja kyë'ë ets këjxm tyajxajtëwtë. Tu'kpa'ajaty ojts tmajtstë ja kyë'ë, jëtu'un'äämpy ja Moisés këjxm ja kyë'ë tyaj'ity koonëm ja xëëw kyëtäky. 13Yë Josué ojts tyaj'o'kta'ay yë Amalec ja'ayëty, ja maytsyiptuunpëtëjkëty, yë'ë mëët tyaj'o'ktaay yë tëypyujxn.
14Tä ja Dios t'ënëmaay ja Moisés:
Jap xykyëxja'ajëty ma tu'uk yë nokyën, mëti'ipë tyam të tyuny të jyätyën ets jëtu'un ja'amyetsy y'itëty; ets xy'ënëëmëty yë Josué, ko ëjts nyajkutëkoyäämpyës yë Amalec ja'ayëty.
15Yë Moisés ojts tu'uk t'oytyuny yë wintsë'këntyakn mëti'ipë ojts txëëwmo'oyën, Yë Dios yë'ëjës nwitwintëy'äjtyp, 16ets y'ënäny:
Ja Wintsën ja wyitwintëy jam ijtp kë'ëjotm.
Yë Wintsën yë'ë tsiptuump mëët yë Amalec ja'ay,
ets jëtu'un y'ita'any jeky,
u'unk ëna'k nyëjkxëty.
Currently Selected:
Éxodo 17: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Éxodo 17
17
Ja nëë mëti'ipë pëtsëëmpën tsaajoty
1Ënet nitëkokyë tsyo'ontaaytyë ja Israel ja'ayëty ma Sin të'ëts itjotmën ets tyajpuwa'atstë ja tyu'ujëty wäänjaty, jëtu'un tä ënety ja Wintsën të tni'ënä'ämën. Ënet jam tsyënaaytyaknpëjktë, ma ja it txëëwatyën Refidim, ma tääpë it naaxwiinyëtën, kamaa ënety jam yë nëë mëti'ipë y'uuktëpën ja Israel ja'ayëty. 2Paaty ojts ja Moisés jä'ä tukmëkajpxtë ets t'ënëmaaytyë:
Mooytyëkës yë nëë mëti'ipës n'uuktëpën.
¿Wi'ix koos yë nëë xy'amëtowtë? ¿Wi'ix ko je'eyë Dios nëkoo xyajjotkëxtë, xyjyänty nyä'ämtë je'eyë tii y'ëkyäjkpy? Jëtu'un ja Moisés y'ëtsoowëtë.
3Ja naax kajpn yajxon ënety jyänty tsyëëtsëtë, paaty ojts je'eyë t'ëk'ojnëtë ja Moisés ets t'ënëmaaytyë:
¿Tiixë koos ojts jap je'eyë nëkoo xyajpëtsëmtë Egiptë? ¿Paatykyëjxmën jap xyajpëtsëëmtës etsës yaa xyäjtëëtsë'ooka'antësë, mëët nitëkokyë ja n'u'unk n'ëna'këtyës ets ja njëyujk ntsajpkaajëtyësë?
4Tä ja Moisés tmëpëjktsooy ja Dios ets t'ënëmaay:
¿Tiijës ënät ëjts tyam ntuunta'akëp mëët yë mayjyä'äy? Ko wäänë jyaak itëty, tsojkës je'eyë xy'ëkjaakuka'tsnëtëty.
5Tä ja Dios y'ëtsoowë:
Jëyëjp mnaxëty ma naax kajpnën ets mëët mnëjkxëty yë mëjja'aytyëjk, mëti'ipë jam yajpatëpën ma Israel ja'ayëtyën. Mkapëp ja mtajk mëti'ipë ojts xytyukwojpyu'kxyën ja mëjnëë ets mnëjkxtëty. 6Jam n'ëwxita'any ma Horeb kopkën, ma tu'uk yë tsaatun kupi'tykyën. Ko tääpë tsaa xywyojpyu'kxëty, ënät jap myäypyëtsëma'any yë nëë ets yë'ë ja ja'ay y'uuktëp.
Ko jëtu'un ja Moisés tuuny, tam ënety t'ixtë ja mëjja'aytyëjkëty, mëti'ipë nyimëjja'ay'ajtëpën ja Israel kajpn. 7Ets txëëwmooytyë ja jampë ja it naaxwiinyëtë Meribá, jä'äkyëjxm ko ënety ja Moisés jëyëjp ja Israel ja'ayëty të y'ëk'ojëtë, ojts näjyëtu'un tijtë Masá, jä'ä ko je'eyë ënety ja Dios të tjoot'ix të twinma'any'ixtë, ko y'ënantë: ¿Wi'ix jää ja Dios yajpaatyë mëët ëëts'ajtëmë ëkë ka'apë?
Tsip tuunk mëët yë Amalec ja'ayëty
8Yë Amalec ja'ayëty jamtsow ojts nyëjkxtë ma ja naax txëëwatyën Refidim ets tsyiptuna'antë mëët ja Israel ja'ayëty. 9Ënet ja Moisés t'ënëmaay ja Josué: Win'ix yë ja'ay mëti'ipë m'a'ijxëpën ets mnëjkxtëty tsiptuunpë ma ja Amalec ja'ayëtyën. Ëjts jamës jopy kopkëjxm nyajpaata'any ets mpakapäämpyës yë ntajk, mëti'ipë yë Dios jyä'ä'ajtypyën.
10Yë Josué ojts jëtu'un tuny tä ënety yë Moisés të y'ënë'ëmxëtyën. Tä ojts tsyoontë tsiptuunpë ma ënety mëët nyäpyaata'anëtën ja Amalec ja'ayëty. Yë Moisés, yë Aarón ets Hur tëë ënety jam pyätë ma ja kopkën. 11Ko ja Moisés ja kyë'ë txajtëy tääts myëtä'äky ja Israel ja'ayëty ma ja tsipën. E ko ja kyë'ë tyajënäky Amalec ja'ay mëtaktëp. 12E yë Moisés kë'ëpa'amëp ënety, ënät ojts tu'uk yë tsaa t'ixtë ma y'u'unyëtyën yë Moisés, tä ja Aarón ets ja Hur tmajts'ijtëtë ja kyë'ë ets këjxm tyajxajtëwtë. Tu'kpa'ajaty ojts tmajtstë ja kyë'ë, jëtu'un'äämpy ja Moisés këjxm ja kyë'ë tyaj'ity koonëm ja xëëw kyëtäky. 13Yë Josué ojts tyaj'o'kta'ay yë Amalec ja'ayëty, ja maytsyiptuunpëtëjkëty, yë'ë mëët tyaj'o'ktaay yë tëypyujxn.
14Tä ja Dios t'ënëmaay ja Moisés:
Jap xykyëxja'ajëty ma tu'uk yë nokyën, mëti'ipë tyam të tyuny të jyätyën ets jëtu'un ja'amyetsy y'itëty; ets xy'ënëëmëty yë Josué, ko ëjts nyajkutëkoyäämpyës yë Amalec ja'ayëty.
15Yë Moisés ojts tu'uk t'oytyuny yë wintsë'këntyakn mëti'ipë ojts txëëwmo'oyën, Yë Dios yë'ëjës nwitwintëy'äjtyp, 16ets y'ënäny:
Ja Wintsën ja wyitwintëy jam ijtp kë'ëjotm.
Yë Wintsën yë'ë tsiptuump mëët yë Amalec ja'ay,
ets jëtu'un y'ita'any jeky,
u'unk ëna'k nyëjkxëty.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.