Éxodo 2
2
Ma Moisés myiinyën naaxwiiny
1Ënet tu'uk yë ye'etyëjk, Leví ja'ay pyijky mëët tu'uk yë to'oxytyëjk Leví ja'ay näjyëtu'un, 2ojts ja to'oxytyëjk wyi'imy u'unk mëët ets tyajmiiny tu'uk yë u'unk maay ye'etyëjkpë. Ko ja to'oxytyëjk t'ijxy ko ja y'u'unk myääy janty'oy janty tsuj ets janty'oy janty mëk, ënät tyu'tsy tëkëëk po'o. 3E jä'ä ka'ap ënety tjëkyepy jeky yu'utsy tyaj'itëty, ënät ojts tu'uk yë katsy t'oytyuny ets tyaj'ëtujktaay maajaty y'ëwa'atsëtyën mëët yë kepy'u'pky ets pu'unyky këtiipë jap ja nëë tyëkëty, tä ja y'u'unk jap t'ako'kë katsyjoty ets ojts jam tpëjktä'äky nëëpë'am yu'utsy, nëë'awekyjoty ma ja Nilë mëjnëëjën. 4Ojts näjyëtu'un t'ënëëmë tu'uk ja tsyë'ë ets najëkäm t'ixëty tunëty pën wi'ix ja y'uty jyäty kyëpety.
5Kom ok ojts ja yajkutujkpë ja nyëëx jam kyëtä'äky tsiipë nëë'ëkë'ëm, ja to'oxy'ëna'këty mëti'ipë jämyëët'ajtëpën, tam ënety nyajxwij pyëjkwijtë ko ojts ajotkumonë t'ijxpaaty tu'uk yë katsy jap ujtsjoty, ma ja ujtsën mëti'ipë yajtijpën nëë'aweky. Ënet tu'uk ja tyuunpë tuknikejxy ets nëjkx tjuuty ja katsy. 6Ko ja katsy tku'apëjktuty, ënät t'ixy ko pi'kmëxu'unktëm jap tu'uk ko'knääpy ets janty yaxp jap. Ko ja yajkutujkpë ja nyëëx jëtu'un t'ijxy, ojts tpa'ëyoy tnajts'ëyowë ja pi'kmëxu'unk ets y'ënäny:
Ya'atë mëxu'unk, hebreo ja'ay yë'ë.
7Ënet ja mëxu'unk ja tsyë'ë ojts twinma'anymyo'oy ja yajkutujkpë ja nyëëx:
¿Nëjkxës n'ëkwoy tu'uk yë u'unktaak, mëti'ipë hebreo ja'ayën ets yë'ë tääpë mëxu'unk tyajtsi'itsëtyë?
8Oy, nëjkx wow, jëtu'un y'ëtsooy ja yajkutujkpë ja nyëëx.
Ënet ya'atë ja kiixy'u'unk ojts nyijkxy pëyi'ikyë ma ja mëxu'unk ja nyitaakën, 9ko myiiny, ënät ja yajkutujkpë ja nyëëx ojts y'ënë'ëmxëty:
Tyaa ya'atë mëxu'unk ntukë'ëtëkë, yajya'këkës ets nmëjuyäämpy yam, mëët ko jëtu'un xytyunëty. Tä ja u'unktaak ojts ja y'u'unk tmënëjkxnë ets tyajye'ky tyajpejty. 10Tëë ënety yeeky, mëj u'unk ënätynyë, ko ojts ja yajkutujkpë ja nyëëx yajmooynyë, jëtu'un'äämpy ojts t'ëxajënë ya'atë mëxu'unk ets ojts jëtu'un t'u'unkniwanë, jä'ä ojts tyajxëëwpety Moisés, jä'ä ko tyaa ojts y'ënä'äny: Nëëjotyës të njuuty.
Yë Moisés kye'eky jap Egiptë.
11Ko ënety yë Moisés tëë yä'äk'apäjnë, ënät ojts tëkok tninëjkxy yë myëku'uktëjk ma ënety jam yajpaatën. Ënet ojts t'ixy tuny, ko yajxon myëkëty ja tuunk mëti'ipë ja myëku'uktëjk tyuunk'ajtëpën. Ënet jam ajotkumonë t'ijxpaty tu'uk ja Egiptë ja'ay tjantywyopy tu'uk yë hebreo ja'ay, mëti'ipë ënety yë'ë mëët tyu'kja'ay'ätyën. 12Ko y'ijx'ëwtijty mëj naak wintuuy pë'aay ets ka'ap ma pën t'ijxy, ënät pojën tyaj'o'ky ja Egiptë ja'ay ets jämyë winkon ojts tniwo'kojnë. 13Komjëpom ojts jatëkok jam nyëjkxkojnëpë ma ja myëkunaax myëkukajpnën, tä t'ijxpaty, ko nimäjtsktëm jam ja hebreo ja'ay aakyë'ë tsyiptuntë. Tä tyajtëëy ja mëti'ipë ja myëku'uk ënety nëkoo tsyi'kpyën:
¿Tii ko nëkoo ëxëëk mnäytyunëtë, miitsëty ka'ap jëtu'un mjapaatëtë pën mtu'kmëku'uk'ajtëp miitsëty?
14Ënet tääpë nimäjtskpë ja hebreo ja'ayëty y'ëtsoowtë:
¿E mijts pën të mpëjktakëpë ënä'ämpë yajkutujkpë ma ëëtsëtyën? ¿Ëkë jä'äjëtën m'ëna'any, ko näjyëtu'un ënät yam xyaj'ookëtyës, tä ëxë'ëy xyaj'o'kyën ja Egiptë ja'ayë?
Ko yë Moisés jëtu'un tmëtooy ja ayuk, ënät ojts ja tsë'ëkë tyuktëkëty. Jä'ä ko tëëtëm ënety yajnijawë, ko ja Egiptë ja'ay të tyaj'ooky. 15E jä'ä ënät ja yajkutujkpë ko tnija'awëy, ko ënety tëë ja Moisés tu'uk ja Egiptë ja'ay tyaj'ooky. Ënätyë ojts tni'ënä'ämë ets t'ëxta'atëty ets ko tpaatëty tyimyaj'ooktëp. Yë Moisés ënätyë ojts kye'eky, jam ojts nyijkxy tsënääpyë ma tu'uk ja it naaxwiinyëtë txëëwatyën Madián. Ko jam jyä'äjty, jam winkon nyaaxwe'tsy ma tu'uk yë nëëjutën.
16Yë Reuel mëti'ipë ënety jam teety'ajtpën Madián, niwëxtujk ënety yë nyëëx, jä'ä xëëw ënety jam näjyëtu'un të nyëjkxtëpë ma ja nëëjutën ets tyaj'utsa'antë ja nyëë a'ukënëty ets jap ja tsajppaxëty kupixynyëty nyëë'uuktëty. 17Ënätyë ojts myintë ja ye'etyëjkëty mëti'ipë kupixyny këwent'ajtëpën ets t'ëtsë'këtë ja to'oxy'ëna'këty. Ko Moisés jëtu'un t'ijxy, ënätyë pyëti'ky ets ojts tniwaantu'uty ja to'oxy'ëna'këty, yë'ë ojts kë'ëm tyajnëë'uky ja kupixyny. 18Ko ojts ja to'oxy'ëna'këty jatëkok wyimpitë ma jam ja tyeetyëtyën, ënät y'ënëmaayëtë:
¿E wi'ix ko poj'am të mtimwyimpijnëtë?
19Tä y'ëtsoowtë ja to'oxy'ëna'këty:
Tu'uk Egiptë ja'ay të xynyiwaantu'utës, ma ënety ëëts jam xy'ëtsë'ëkëtën yë ye'etyëjkëty kupixyny këwent'ajtpë ets yë'ë näjyëtu'un komkomëty yë nëë të tjuuty ets të tyajnëë'uuky ëëts yë nkupixynyëty.
20Tä ojts ja Reuel y'ënë'ëmxëtë:
¿Maaxën ënät ja ja'ay? ¿Wi'ix ko të xy'ëxmatstë atu'uk? Nëjkx wowtë, wä'än tminy kääpyë.
21Jëtu'un'äämpy ojts yë Moisés jam wyi'imy tsënääpyë ma ja Reuel yë tyëjkën, kom ok tääts yë Reuel tyajpëjky yë Moisés mëët yë nyëëx mëti'ipë xyëëwajtypyën Séfora. 22Yë Séfora ojts tu'uk yë u'unk maay tyajminy naaxwiiny, jä'ä ojts yë Moisés tyajxëëwpety Guersón, jä'ä ko y'ënäny: Ëjts jaaypyaat jëpyo'kxyës yaa nyajpaaty ma ya'atë wiink naax wiinkajpnën.
23Jëtu'un nyäjxy ja xëëw po'o, ja yajkutujkpë mëti'ipë ënety jap të y'ëne'emyën Egiptë ojts ja y'o'knë. E ja Israel ja'ayëty je'eyëm ënety jap mëk jyänty y'ëyowtë ets xëmë je'eyë kyumon kyutukëtë mëët ja nätyiytyunë jap Egiptë. Yë Dios ojts tmëtoow'ity ko jap Israel ja'ayëty jyë'ëtë ya'axtë. 24Ets ojts tmëmay tmëtajy, ko ënety y'ëjtë tyu'uktë ets tja'amyejtsy wi'ix ënety të tunyën ja käjpxytyu'unën mëët ja Abraham, Isaac ets Jacob. 25Yë Dios ojts y'ixëtë, ojts tnijawë ets ojts näjyëtu'un tja'akyukë ko ënety jap mon tuk yajpaatë.
Currently Selected:
Éxodo 2: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Éxodo 2
2
Ma Moisés myiinyën naaxwiiny
1Ënet tu'uk yë ye'etyëjk, Leví ja'ay pyijky mëët tu'uk yë to'oxytyëjk Leví ja'ay näjyëtu'un, 2ojts ja to'oxytyëjk wyi'imy u'unk mëët ets tyajmiiny tu'uk yë u'unk maay ye'etyëjkpë. Ko ja to'oxytyëjk t'ijxy ko ja y'u'unk myääy janty'oy janty tsuj ets janty'oy janty mëk, ënät tyu'tsy tëkëëk po'o. 3E jä'ä ka'ap ënety tjëkyepy jeky yu'utsy tyaj'itëty, ënät ojts tu'uk yë katsy t'oytyuny ets tyaj'ëtujktaay maajaty y'ëwa'atsëtyën mëët yë kepy'u'pky ets pu'unyky këtiipë jap ja nëë tyëkëty, tä ja y'u'unk jap t'ako'kë katsyjoty ets ojts jam tpëjktä'äky nëëpë'am yu'utsy, nëë'awekyjoty ma ja Nilë mëjnëëjën. 4Ojts näjyëtu'un t'ënëëmë tu'uk ja tsyë'ë ets najëkäm t'ixëty tunëty pën wi'ix ja y'uty jyäty kyëpety.
5Kom ok ojts ja yajkutujkpë ja nyëëx jam kyëtä'äky tsiipë nëë'ëkë'ëm, ja to'oxy'ëna'këty mëti'ipë jämyëët'ajtëpën, tam ënety nyajxwij pyëjkwijtë ko ojts ajotkumonë t'ijxpaaty tu'uk yë katsy jap ujtsjoty, ma ja ujtsën mëti'ipë yajtijpën nëë'aweky. Ënet tu'uk ja tyuunpë tuknikejxy ets nëjkx tjuuty ja katsy. 6Ko ja katsy tku'apëjktuty, ënät t'ixy ko pi'kmëxu'unktëm jap tu'uk ko'knääpy ets janty yaxp jap. Ko ja yajkutujkpë ja nyëëx jëtu'un t'ijxy, ojts tpa'ëyoy tnajts'ëyowë ja pi'kmëxu'unk ets y'ënäny:
Ya'atë mëxu'unk, hebreo ja'ay yë'ë.
7Ënet ja mëxu'unk ja tsyë'ë ojts twinma'anymyo'oy ja yajkutujkpë ja nyëëx:
¿Nëjkxës n'ëkwoy tu'uk yë u'unktaak, mëti'ipë hebreo ja'ayën ets yë'ë tääpë mëxu'unk tyajtsi'itsëtyë?
8Oy, nëjkx wow, jëtu'un y'ëtsooy ja yajkutujkpë ja nyëëx.
Ënet ya'atë ja kiixy'u'unk ojts nyijkxy pëyi'ikyë ma ja mëxu'unk ja nyitaakën, 9ko myiiny, ënät ja yajkutujkpë ja nyëëx ojts y'ënë'ëmxëty:
Tyaa ya'atë mëxu'unk ntukë'ëtëkë, yajya'këkës ets nmëjuyäämpy yam, mëët ko jëtu'un xytyunëty. Tä ja u'unktaak ojts ja y'u'unk tmënëjkxnë ets tyajye'ky tyajpejty. 10Tëë ënety yeeky, mëj u'unk ënätynyë, ko ojts ja yajkutujkpë ja nyëëx yajmooynyë, jëtu'un'äämpy ojts t'ëxajënë ya'atë mëxu'unk ets ojts jëtu'un t'u'unkniwanë, jä'ä ojts tyajxëëwpety Moisés, jä'ä ko tyaa ojts y'ënä'äny: Nëëjotyës të njuuty.
Yë Moisés kye'eky jap Egiptë.
11Ko ënety yë Moisés tëë yä'äk'apäjnë, ënät ojts tëkok tninëjkxy yë myëku'uktëjk ma ënety jam yajpaatën. Ënet ojts t'ixy tuny, ko yajxon myëkëty ja tuunk mëti'ipë ja myëku'uktëjk tyuunk'ajtëpën. Ënet jam ajotkumonë t'ijxpaty tu'uk ja Egiptë ja'ay tjantywyopy tu'uk yë hebreo ja'ay, mëti'ipë ënety yë'ë mëët tyu'kja'ay'ätyën. 12Ko y'ijx'ëwtijty mëj naak wintuuy pë'aay ets ka'ap ma pën t'ijxy, ënät pojën tyaj'o'ky ja Egiptë ja'ay ets jämyë winkon ojts tniwo'kojnë. 13Komjëpom ojts jatëkok jam nyëjkxkojnëpë ma ja myëkunaax myëkukajpnën, tä t'ijxpaty, ko nimäjtsktëm jam ja hebreo ja'ay aakyë'ë tsyiptuntë. Tä tyajtëëy ja mëti'ipë ja myëku'uk ënety nëkoo tsyi'kpyën:
¿Tii ko nëkoo ëxëëk mnäytyunëtë, miitsëty ka'ap jëtu'un mjapaatëtë pën mtu'kmëku'uk'ajtëp miitsëty?
14Ënet tääpë nimäjtskpë ja hebreo ja'ayëty y'ëtsoowtë:
¿E mijts pën të mpëjktakëpë ënä'ämpë yajkutujkpë ma ëëtsëtyën? ¿Ëkë jä'äjëtën m'ëna'any, ko näjyëtu'un ënät yam xyaj'ookëtyës, tä ëxë'ëy xyaj'o'kyën ja Egiptë ja'ayë?
Ko yë Moisés jëtu'un tmëtooy ja ayuk, ënät ojts ja tsë'ëkë tyuktëkëty. Jä'ä ko tëëtëm ënety yajnijawë, ko ja Egiptë ja'ay të tyaj'ooky. 15E jä'ä ënät ja yajkutujkpë ko tnija'awëy, ko ënety tëë ja Moisés tu'uk ja Egiptë ja'ay tyaj'ooky. Ënätyë ojts tni'ënä'ämë ets t'ëxta'atëty ets ko tpaatëty tyimyaj'ooktëp. Yë Moisés ënätyë ojts kye'eky, jam ojts nyijkxy tsënääpyë ma tu'uk ja it naaxwiinyëtë txëëwatyën Madián. Ko jam jyä'äjty, jam winkon nyaaxwe'tsy ma tu'uk yë nëëjutën.
16Yë Reuel mëti'ipë ënety jam teety'ajtpën Madián, niwëxtujk ënety yë nyëëx, jä'ä xëëw ënety jam näjyëtu'un të nyëjkxtëpë ma ja nëëjutën ets tyaj'utsa'antë ja nyëë a'ukënëty ets jap ja tsajppaxëty kupixynyëty nyëë'uuktëty. 17Ënätyë ojts myintë ja ye'etyëjkëty mëti'ipë kupixyny këwent'ajtëpën ets t'ëtsë'këtë ja to'oxy'ëna'këty. Ko Moisés jëtu'un t'ijxy, ënätyë pyëti'ky ets ojts tniwaantu'uty ja to'oxy'ëna'këty, yë'ë ojts kë'ëm tyajnëë'uky ja kupixyny. 18Ko ojts ja to'oxy'ëna'këty jatëkok wyimpitë ma jam ja tyeetyëtyën, ënät y'ënëmaayëtë:
¿E wi'ix ko poj'am të mtimwyimpijnëtë?
19Tä y'ëtsoowtë ja to'oxy'ëna'këty:
Tu'uk Egiptë ja'ay të xynyiwaantu'utës, ma ënety ëëts jam xy'ëtsë'ëkëtën yë ye'etyëjkëty kupixyny këwent'ajtpë ets yë'ë näjyëtu'un komkomëty yë nëë të tjuuty ets të tyajnëë'uuky ëëts yë nkupixynyëty.
20Tä ojts ja Reuel y'ënë'ëmxëtë:
¿Maaxën ënät ja ja'ay? ¿Wi'ix ko të xy'ëxmatstë atu'uk? Nëjkx wowtë, wä'än tminy kääpyë.
21Jëtu'un'äämpy ojts yë Moisés jam wyi'imy tsënääpyë ma ja Reuel yë tyëjkën, kom ok tääts yë Reuel tyajpëjky yë Moisés mëët yë nyëëx mëti'ipë xyëëwajtypyën Séfora. 22Yë Séfora ojts tu'uk yë u'unk maay tyajminy naaxwiiny, jä'ä ojts yë Moisés tyajxëëwpety Guersón, jä'ä ko y'ënäny: Ëjts jaaypyaat jëpyo'kxyës yaa nyajpaaty ma ya'atë wiink naax wiinkajpnën.
23Jëtu'un nyäjxy ja xëëw po'o, ja yajkutujkpë mëti'ipë ënety jap të y'ëne'emyën Egiptë ojts ja y'o'knë. E ja Israel ja'ayëty je'eyëm ënety jap mëk jyänty y'ëyowtë ets xëmë je'eyë kyumon kyutukëtë mëët ja nätyiytyunë jap Egiptë. Yë Dios ojts tmëtoow'ity ko jap Israel ja'ayëty jyë'ëtë ya'axtë. 24Ets ojts tmëmay tmëtajy, ko ënety y'ëjtë tyu'uktë ets tja'amyejtsy wi'ix ënety të tunyën ja käjpxytyu'unën mëët ja Abraham, Isaac ets Jacob. 25Yë Dios ojts y'ixëtë, ojts tnijawë ets ojts näjyëtu'un tja'akyukë ko ënety jap mon tuk yajpaatë.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.