Éxodo 21
21
Ja nyitëyajtën wi'ix mëpaat yajmëët'atyën ja mëtuunpëtëjkëty
1Ya'atë jëtu'un ënä'ämën'ajtp ets tëyajtën'ajtp, mëti'ipë yë'ë mo'otëpën:
2Ko tu'uk xyjyuyëty yë mëtuunpë mëti'ipë hebreo ja'ayën, jä'ä nëjkx mëtunyë tëtujk jëmëjt, e ko ënety wëxtujk jëmëjt të y'apäjnë, tääts nëjkx wyë'ëmnë ëwaatsëtuuy ets ka'ap nitu'kjënu'un nyäjyuuypyëtsëmëtëty. 3Pën nätyu'uk jyä'äjty ma ja mjëën mtëjkën, näjyëtu'un nëjkx nyëjkxnë, e pën mëët ja tyo'oxytyëjk jyä'äjty nän mëët nëjkx nyijkxy. 4E pën ja wyintsën tëë ënety ja tyo'oxytyëjk myo'oyë ets ja tyo'oxytyëjk tpaatëty t'ixëty ja y'u'unk myääy, ja to'oxytyëjk mëët ja y'u'unk myääy yë'ë nëjkx ja wyintsën tmëwë'ëmy ets ja ye'etyëjk atu'uk nyëjkxnëty. 5E ko ja tuunpë ka'ap tsokëty ets ëwaatsëtuuy wyë'ëmëty, mëët ko tpa'ëyoy ets ko tsoky tjawë ja tyo'oxytyëjk, ja y'u'unk y'ëna'k ets ja wyintsën. 6Ënet ja wintsën tmënëjkxëty ja tyuunpë jam Dios wintum ets jam tyajmëjwa'kpätëty ma ja tyëjk'aawën ets tyajjujtëty yë tyatsk mëët tu'uk yë xu'uny, jëtu'un wyë'ëmnëty xëmëkyëjxm ma yë'ëjën.
7Pën ënety ja nyëëx tyo'kpy ets myëtunëty, yë'ë ka'ap ëwaatsëtuuy wyë'ëmëty jëtu'un tä yë ye'etyëjkëtyën. 8Pën ja wyintsën ka'ap y'ëxajëty ets tyo'oxytyëjk'atëtëty mëët ko ka'ap oy y'ixyë, kwanë ko tkupëkëty ets yajuuypyëtsëmëty oy ënety tkatsojkën'aty, je'eyëp ko ka'ap tjëkyepy ets to'knaxëty ma ja jaaypyo'kxyjyä'äyën 9Pën yë'ë myoopy yë myaank ets yë'ë to'oxytyëjk'atëty, jëtu'un tjawëty ijxtëm jeexyë tnëëx'atyën. 10E ko ja wiinkpë ja to'oxytyëjk t'ixta'ajëty ets to'oxytyëjkniwa'anëty, ja mëjëyëjpë ka'ap tjëkyepy t'ixtijëty, ni ja kyä'äyën y'ukën mëpaat tkapëjkë ets ja wyit tyujkxy tukwintuk'ookëty ja mëti'ipë patëpën tmo'ojëty. 11E pën kajts tmo'oy ja to'oxytyëjk ya'atë tëkëëk pëkpyë yajnikäjpxyën, ja to'oxytyëjk jä'ä nëjkx wyë'ëmnë ëwaatsëtum ets nitu'kjënu'un kyanäjyuuypyëtsëmëtëty.
Ja nyitëyajtën ko pën ëxëëk y'ëtë'ëtsëty y'ëna'anëty
12Pën yë myëku'uk yajtsëtyujtyp yajwintëkoopy ets tyaj'ookëty, kopkpëky ko näjyëtu'un y'ookëty. 13E pën ka'ap ja myëku'uk tsokyëty të tyaj'ooky ets pën jëtu'un ënety ja Dios të timyajkutujkpë ets y'ookëty, ok ntuk'ëwaanëty ma nëjkx kyäktso'okyën. 14E pën tëë ënety ja myëku'uk timtyukjoot'anpëjkpë ets paaty të tyaj'ooky, kopkpëky ko xy'ëxtaaytya'akëty oy ënety muum të jyatimnyëjkxnë, ëkë të jyanäyu'tsyënë maas yë nwintsë'këntyaknën, ko xypyaatëty näy timjëtu'un nëjkx xyaj'ooky.
15Pën yajtsëtyujtyp yë tyaak tyeety, kopkpëky ko y'ookëty.
16Pën ja myëku'uk myëkekpy ets tookëty, ëkë tmëët'atëty jam ma jyëën tyëjkën, kopkpëky ko näjyëtu'un y'ookëty.
17Pën pyojkpyën yë tyeety tyaak, kopkpëky ko y'ookëty.
18Ko pën nyätsyiikëtëty ets tu'uk ja myëku'uk tyajtsëtyujt tyajwintëkooynyëty mëët yë tsaa, ëkë kë'ë'am ets wëëty maapäjnkëjxm yajpatnëty, e ka'ap tyim'ooky, 19mëti'ipë ënety ja myëku'uk të tyajtsëtyutyën, ka'ap nëjkx ënätyë tyimyajtijkojy tuuntëkooypyë pën pëtë'kp ja tsëtyutja'ay jatëkok ets ye'eyëty jyëtitëty jatëkok oy tyajkmëëtëty, je'eyëp ko kopkpëky ko tjuuyëty yë tsyooy ets tmëjuyëty jënu'un ënety ja xyëëw jyëmëjt të tyajtëkoyën.
20Ko pën twopëty yë tyuunpë ye'etyëjkpë ëkë to'oxytyëjkpë mëët tu'uk yë kepy ets tyaj'ookëty, kopkpëky ko nëjkx tkumëtoy mëët ko ënety të yaja'ay'ooky. 21Ko jyaak juuky'atëty tu'kxëëw mäjtsk xëëw, ka'ap nëjkx yajtëytyuny, jä'ä ko ja tuunpë yë'ë jyä'ä'ajtyp.
22Ko nimäjtsk yë ja'ay tsyiptuntëty ets tyajtsëtyutëty tu'uk yë to'oxytyëjk mëti'ipë u'unk mëëtën ets y'u'unk'ookëtëty ets ja to'oxytyëjk ka'ap wi'ix jyatëty; ja ja'ay mëti'ipë ja poky myëët'ajtypyën, kopkpëky ko nyäkyuyakëtëty ijxtëm ënety ja to'oxytyëjk ja nyiye'etyëjk timy'amëtoyën, ënät jëtu'un pën tëë ja kutujkëntëjk jëtu'un t'ëwa'atstë. 23E ko ja to'oxytyëjk yaj'ijxnëty ko jam y'ookanë, kopkpëky ko y'ookëty näjyëtu'un mëti'ipë ënety të tyuuntëkoyën, 24jëtu'un ijxtëm ja ayuk y'ënä'änyën, ja wiin ja aaw, ja aaw ja tëts, ja kë'ë ja teky nëjkx nyätyony nyämyätsyë, 25ja tsa'ay ja no'oky, ja nitsëtyut ja kutsëtyut, ja koxy ja tsiiky jëtu'un ja ja'ayëty nyämyëwinpitëtëty.
26Pën ja tyuunpë wyinkojxë'kpy, oy yë'ëjëty ja ye'etyëjkpë ëkë to'oxytyëjkpë ets tyajwintu'ukëty, kopkpëky ko t'ëxmatsëty ets ëwaatsëtuuy wyë'ëmëty jëtu'un ënety ja wyiin tkëjuuyë. 27Pën nyëkojxëp tu'uk yë tyëts, nän y'ëxmatsëp näjyëtu'un ets ëwaatsëtuuy wyë'ëmëty mëët ko ënety ja tyëts të tyajka'ajë.
Ja nyitëyajtën ko pën wi'ix jyatëty kyëpätëty
28Ko tu'uk yë tsajpkaa tkaapëty yë ye'etyëjk ëkë to'oxytyëjk ets tyaj'ookëty, ja jëtu'unpë ja tsajpkaa kuka'atsy nëjkx y'ooky ets ka'ap ja nyitsu'uty pën tsyu'tsxëtëty ets jëtu'un ja nyiwintsën ka'ap pën wi'ix tyunëtëty. 29E pën jëtu'unëtën ënety ja tsajpkaa tyimjëyujk'ajtpë je'eyë xëmë kyaapa'any, ko jëtu'un ënety pën tyaj'ooky, nëjkxëp ja tsajpkaa kuka'atsy y'ooky ets näjyëtu'un ja nyiwintsën, pën jyanija'ap ënety ko jëtu'un ja tsyajpkaa jyëyujk'aty ets ka'ap tjotmayjyawë. 30E pën je'eyë tkukëpety ijxtëm jeexyë tyim'ookyën, jëtu'un tkëpätëty tä ënety yajtuknipëkyën ets ja jyuukyajtën tsyo'okëty. 31Ya'atë tëyajtën tuuntääpy oy jyamëty ma ja yä'äy'ëna'k ëkë to'oxy'ëna'k ënety yajkääpyën. 32E pën ja tsajpkaa kyä'py tu'uk ja mëtuunpë ye'etyëjkpë ëkë to'oxytyëjkpë, ja tsajpkaa kuka'atsy nëjkx y'ooky, e ja tuunpë oy yë'ëjëty ja ye'etyëjkpë ëkë to'oxytyëjkpë ja nyiwintsën nëjkxëp ja yajmëjuy mëët i'px majk yë poop pujxn meeny.
33Ko pën yë nëëjut ëwa'ats tyajwë'ëmëty ëkë ko jam pën je'eyë tajynyëm ets jëtu'unyë ëwa'ats t'ëxmatsëty ets jap kyënaxëty yë tsajpkaa, ëkë krukts. 34Ja mëti'ipë ënety nyiwintsën'ajtypyën ja nëëjut, yë'ë jëtu'un kyujuyëp ja jëyujk tsajpkaa ma ja nyiwintsënën, e ja jëyujk'ooky oy ja tmëwë'ëmëty.
35Pën tu'uk yë tsajpkaa kyä'py yë myëku'uk mëti'ipë wiink ja'ay niwintsën'ajtëpën ets tkukaapëty, ja juukpyë nëjkxëp ja yajtooky ets ja nyimeeny këëkujkm tjä'ä'ajtëtëty ets näjyëtu'un ja nyitsu'uty mëti'ipë ënety të yajkukääpyën. 36E pën ja tsajpkaa jëtu'unyëm tyimjëyujk'ajtpë ets ja wyintsën ka'ap tyunyë këwentë. Kwanë ko twinkuwitstëty ja ookpyë mëët tu'uk ja juukpyë ets ja ookpyë jä'ä tmëwë'ëmëty, mëti'ipë ënety ja tsyajpkaa të tyuuntëkoyën.
Currently Selected:
Éxodo 21: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Éxodo 21
21
Ja nyitëyajtën wi'ix mëpaat yajmëët'atyën ja mëtuunpëtëjkëty
1Ya'atë jëtu'un ënä'ämën'ajtp ets tëyajtën'ajtp, mëti'ipë yë'ë mo'otëpën:
2Ko tu'uk xyjyuyëty yë mëtuunpë mëti'ipë hebreo ja'ayën, jä'ä nëjkx mëtunyë tëtujk jëmëjt, e ko ënety wëxtujk jëmëjt të y'apäjnë, tääts nëjkx wyë'ëmnë ëwaatsëtuuy ets ka'ap nitu'kjënu'un nyäjyuuypyëtsëmëtëty. 3Pën nätyu'uk jyä'äjty ma ja mjëën mtëjkën, näjyëtu'un nëjkx nyëjkxnë, e pën mëët ja tyo'oxytyëjk jyä'äjty nän mëët nëjkx nyijkxy. 4E pën ja wyintsën tëë ënety ja tyo'oxytyëjk myo'oyë ets ja tyo'oxytyëjk tpaatëty t'ixëty ja y'u'unk myääy, ja to'oxytyëjk mëët ja y'u'unk myääy yë'ë nëjkx ja wyintsën tmëwë'ëmy ets ja ye'etyëjk atu'uk nyëjkxnëty. 5E ko ja tuunpë ka'ap tsokëty ets ëwaatsëtuuy wyë'ëmëty, mëët ko tpa'ëyoy ets ko tsoky tjawë ja tyo'oxytyëjk, ja y'u'unk y'ëna'k ets ja wyintsën. 6Ënet ja wintsën tmënëjkxëty ja tyuunpë jam Dios wintum ets jam tyajmëjwa'kpätëty ma ja tyëjk'aawën ets tyajjujtëty yë tyatsk mëët tu'uk yë xu'uny, jëtu'un wyë'ëmnëty xëmëkyëjxm ma yë'ëjën.
7Pën ënety ja nyëëx tyo'kpy ets myëtunëty, yë'ë ka'ap ëwaatsëtuuy wyë'ëmëty jëtu'un tä yë ye'etyëjkëtyën. 8Pën ja wyintsën ka'ap y'ëxajëty ets tyo'oxytyëjk'atëtëty mëët ko ka'ap oy y'ixyë, kwanë ko tkupëkëty ets yajuuypyëtsëmëty oy ënety tkatsojkën'aty, je'eyëp ko ka'ap tjëkyepy ets to'knaxëty ma ja jaaypyo'kxyjyä'äyën 9Pën yë'ë myoopy yë myaank ets yë'ë to'oxytyëjk'atëty, jëtu'un tjawëty ijxtëm jeexyë tnëëx'atyën. 10E ko ja wiinkpë ja to'oxytyëjk t'ixta'ajëty ets to'oxytyëjkniwa'anëty, ja mëjëyëjpë ka'ap tjëkyepy t'ixtijëty, ni ja kyä'äyën y'ukën mëpaat tkapëjkë ets ja wyit tyujkxy tukwintuk'ookëty ja mëti'ipë patëpën tmo'ojëty. 11E pën kajts tmo'oy ja to'oxytyëjk ya'atë tëkëëk pëkpyë yajnikäjpxyën, ja to'oxytyëjk jä'ä nëjkx wyë'ëmnë ëwaatsëtum ets nitu'kjënu'un kyanäjyuuypyëtsëmëtëty.
Ja nyitëyajtën ko pën ëxëëk y'ëtë'ëtsëty y'ëna'anëty
12Pën yë myëku'uk yajtsëtyujtyp yajwintëkoopy ets tyaj'ookëty, kopkpëky ko näjyëtu'un y'ookëty. 13E pën ka'ap ja myëku'uk tsokyëty të tyaj'ooky ets pën jëtu'un ënety ja Dios të timyajkutujkpë ets y'ookëty, ok ntuk'ëwaanëty ma nëjkx kyäktso'okyën. 14E pën tëë ënety ja myëku'uk timtyukjoot'anpëjkpë ets paaty të tyaj'ooky, kopkpëky ko xy'ëxtaaytya'akëty oy ënety muum të jyatimnyëjkxnë, ëkë të jyanäyu'tsyënë maas yë nwintsë'këntyaknën, ko xypyaatëty näy timjëtu'un nëjkx xyaj'ooky.
15Pën yajtsëtyujtyp yë tyaak tyeety, kopkpëky ko y'ookëty.
16Pën ja myëku'uk myëkekpy ets tookëty, ëkë tmëët'atëty jam ma jyëën tyëjkën, kopkpëky ko näjyëtu'un y'ookëty.
17Pën pyojkpyën yë tyeety tyaak, kopkpëky ko y'ookëty.
18Ko pën nyätsyiikëtëty ets tu'uk ja myëku'uk tyajtsëtyujt tyajwintëkooynyëty mëët yë tsaa, ëkë kë'ë'am ets wëëty maapäjnkëjxm yajpatnëty, e ka'ap tyim'ooky, 19mëti'ipë ënety ja myëku'uk të tyajtsëtyutyën, ka'ap nëjkx ënätyë tyimyajtijkojy tuuntëkooypyë pën pëtë'kp ja tsëtyutja'ay jatëkok ets ye'eyëty jyëtitëty jatëkok oy tyajkmëëtëty, je'eyëp ko kopkpëky ko tjuuyëty yë tsyooy ets tmëjuyëty jënu'un ënety ja xyëëw jyëmëjt të tyajtëkoyën.
20Ko pën twopëty yë tyuunpë ye'etyëjkpë ëkë to'oxytyëjkpë mëët tu'uk yë kepy ets tyaj'ookëty, kopkpëky ko nëjkx tkumëtoy mëët ko ënety të yaja'ay'ooky. 21Ko jyaak juuky'atëty tu'kxëëw mäjtsk xëëw, ka'ap nëjkx yajtëytyuny, jä'ä ko ja tuunpë yë'ë jyä'ä'ajtyp.
22Ko nimäjtsk yë ja'ay tsyiptuntëty ets tyajtsëtyutëty tu'uk yë to'oxytyëjk mëti'ipë u'unk mëëtën ets y'u'unk'ookëtëty ets ja to'oxytyëjk ka'ap wi'ix jyatëty; ja ja'ay mëti'ipë ja poky myëët'ajtypyën, kopkpëky ko nyäkyuyakëtëty ijxtëm ënety ja to'oxytyëjk ja nyiye'etyëjk timy'amëtoyën, ënät jëtu'un pën tëë ja kutujkëntëjk jëtu'un t'ëwa'atstë. 23E ko ja to'oxytyëjk yaj'ijxnëty ko jam y'ookanë, kopkpëky ko y'ookëty näjyëtu'un mëti'ipë ënety të tyuuntëkoyën, 24jëtu'un ijxtëm ja ayuk y'ënä'änyën, ja wiin ja aaw, ja aaw ja tëts, ja kë'ë ja teky nëjkx nyätyony nyämyätsyë, 25ja tsa'ay ja no'oky, ja nitsëtyut ja kutsëtyut, ja koxy ja tsiiky jëtu'un ja ja'ayëty nyämyëwinpitëtëty.
26Pën ja tyuunpë wyinkojxë'kpy, oy yë'ëjëty ja ye'etyëjkpë ëkë to'oxytyëjkpë ets tyajwintu'ukëty, kopkpëky ko t'ëxmatsëty ets ëwaatsëtuuy wyë'ëmëty jëtu'un ënety ja wyiin tkëjuuyë. 27Pën nyëkojxëp tu'uk yë tyëts, nän y'ëxmatsëp näjyëtu'un ets ëwaatsëtuuy wyë'ëmëty mëët ko ënety ja tyëts të tyajka'ajë.
Ja nyitëyajtën ko pën wi'ix jyatëty kyëpätëty
28Ko tu'uk yë tsajpkaa tkaapëty yë ye'etyëjk ëkë to'oxytyëjk ets tyaj'ookëty, ja jëtu'unpë ja tsajpkaa kuka'atsy nëjkx y'ooky ets ka'ap ja nyitsu'uty pën tsyu'tsxëtëty ets jëtu'un ja nyiwintsën ka'ap pën wi'ix tyunëtëty. 29E pën jëtu'unëtën ënety ja tsajpkaa tyimjëyujk'ajtpë je'eyë xëmë kyaapa'any, ko jëtu'un ënety pën tyaj'ooky, nëjkxëp ja tsajpkaa kuka'atsy y'ooky ets näjyëtu'un ja nyiwintsën, pën jyanija'ap ënety ko jëtu'un ja tsyajpkaa jyëyujk'aty ets ka'ap tjotmayjyawë. 30E pën je'eyë tkukëpety ijxtëm jeexyë tyim'ookyën, jëtu'un tkëpätëty tä ënety yajtuknipëkyën ets ja jyuukyajtën tsyo'okëty. 31Ya'atë tëyajtën tuuntääpy oy jyamëty ma ja yä'äy'ëna'k ëkë to'oxy'ëna'k ënety yajkääpyën. 32E pën ja tsajpkaa kyä'py tu'uk ja mëtuunpë ye'etyëjkpë ëkë to'oxytyëjkpë, ja tsajpkaa kuka'atsy nëjkx y'ooky, e ja tuunpë oy yë'ëjëty ja ye'etyëjkpë ëkë to'oxytyëjkpë ja nyiwintsën nëjkxëp ja yajmëjuy mëët i'px majk yë poop pujxn meeny.
33Ko pën yë nëëjut ëwa'ats tyajwë'ëmëty ëkë ko jam pën je'eyë tajynyëm ets jëtu'unyë ëwa'ats t'ëxmatsëty ets jap kyënaxëty yë tsajpkaa, ëkë krukts. 34Ja mëti'ipë ënety nyiwintsën'ajtypyën ja nëëjut, yë'ë jëtu'un kyujuyëp ja jëyujk tsajpkaa ma ja nyiwintsënën, e ja jëyujk'ooky oy ja tmëwë'ëmëty.
35Pën tu'uk yë tsajpkaa kyä'py yë myëku'uk mëti'ipë wiink ja'ay niwintsën'ajtëpën ets tkukaapëty, ja juukpyë nëjkxëp ja yajtooky ets ja nyimeeny këëkujkm tjä'ä'ajtëtëty ets näjyëtu'un ja nyitsu'uty mëti'ipë ënety të yajkukääpyën. 36E pën ja tsajpkaa jëtu'unyëm tyimjëyujk'ajtpë ets ja wyintsën ka'ap tyunyë këwentë. Kwanë ko twinkuwitstëty ja ookpyë mëët tu'uk ja juukpyë ets ja ookpyë jä'ä tmëwë'ëmëty, mëti'ipë ënety ja tsyajpkaa të tyuuntëkoyën.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.