Éxodo 25
25
Ma yaj'ayakën ets ja wit tëjk kyojëty
Ex 35:4-9
1Ënet ja Dios ojts tmëkäjpxy ja Moisés ets t'ënëmaay:
2Ënëëmë yë Israel ja'ayëty wä'än tyajmuktë yë ayajk ako'onën mëti'ipës xymyo'otëpën. Ko xyaktëty ya'atë ayajk ako'onën yam n'amëtoyësën, jä'ä xyaktëty kë'ëmtsojkën ets winë aaw winëjot. 3Ya'atë myajmuktëp: yë pu'ts pujxn, poop pujxn, ukypyujxn; 4ukywyit, tsu'unk wit, tsaptswit; linë wit, tsajppax ak, 5yë yä'äypyë kupixyny ak yë'ë mëti'ipë tëë wyatsnën tsapts ets po'o oyëtypë ets pejywyijtsnëtypë ets acacië kepy. 6Näyjyëtu'un yë on mëti'ipë mëët tyunyën yë kutë'kxn ets nyi'on yë pa'akxu'kpë mëti'ipë winë mëët yajtukkënu'kxyën ets janty oypyë xyuuky jyokyën; 7näjyëtu'un yë oytsyaa ets oyjyätyëtypë yë tsaa mëti'ipë jam yajpëjkta'akëpën ma ja kejky yä'äp kyoja'anyën ets näjyëtu'un ma ja katsyjyänën, mëti'ipë ja teety wintsën yajtuumpyën. 8Ets xy'oytyuntëty tu'uk yë tsajptëjk, maas ëjts nyajpaatëtyën etsës mëët yë'ëjëty ntsëënëtyës njuuky'atëtyës. 9E tääpë wit tëjk maas ntsëënëja'anyën ets tëkokyë mëti'ipë jap tëkotsyow itaanpën, timjëtu'un xy'oytyunëty tä mëti'ipë ntuk'ixäämpyën.
Ja kaaxëë mëti'ipë myë'ijtypyën ja käjpxytyu'unën
10Oytyun tu'uk yë kaaxëë, yë'ë mtuk'oytyunëp yë acacië kepy, jä'ä y'ayeny'atëty mäjtsk kë'ënux ja kujkm ets myëjwiin'atëty tu'kkë'ënux ja kujkm ets kyëjxm'atëty tu'kkë'ënux ja kujkm. 11Mtuknikoyëp yë wa'ats pu'ts pujxn, jootjoty, nëkëjxy ets ma tyekyën; mpa'akooytya'ajëp näjyëtu'un mëët yë pu'ts pujxn. 12Oytyun taxk yë nyijäänë'ëk, aakyë'ë pu'ts pujxn ets xypyëjkta'akëty jää mëtëy ma taxk ja tyeky yajpaatyën, mäjtskjaty xypyëjkta'akëty pa'a pa'ajëty. 13Oytyun näjyëtu'un yë nyikepy, mëti'ipë yajtukëëyë'ëkëpën, yë'ë myajtunëp yë acacië kepy ets xytyukniwitsëty yë pu'ts pujxn. 14Jap xytyijnaxëty ma ja nyijäänë'ëkën ënety të xykyëxwopyën mäjtsk'atu'umëty ets yë'ëts mëët yajtukëëyë'ëkëty. 15Ko ënety të xypyëjktä'äky jam, këtii xy'ëkju'tnëty ma ja nyijäänë'ëkën mëti'ipë ënety të xypyëjktä'äkyën jam ma ja kaaxën. 16Jap kaaxëjoty xypyëjkta'akëty ja ënä'ämën tëyajtën mëti'ipë yam nmo'ojäämpyën.
17Oytyun yë y'akë'ë, aak pu'ts pujxn mëët xy'oytyunëty, jä'ä y'ayeny'atëty mäjtsk kë'ënux ja kujkm ets myëjwiin'atëty tu'kkë'ënux ja kujkm, 18jam nimäjtsk xyajkëxkojëty jëtu'unpë kyëxë'ëkëtyën tä yë tsajpjotmëtë kukajpxpën ets aak pu'ts pujxn mëët xy'oytyunëty, yë'ë mëët yë kuwojpën xytyuunk'atëty. 19Yë kaaxëë akë'ë ets ja tsajpjotmëtë kukäjpxyëty mëti'ipë ënety jam të kyëxkojyën tu'ukyë nyämyatsëtëty. Tu'uk y'itëty jamtsow ets tu'uk y'itëty yaatsow maa ja kaaxën. 20Jëtu'un nyäwyinku'ixëtëty, ja wyiin jyëjpy jam tyajkëx'ixtëty ma ja kaaxë'akë'ëjën ets ja kyäkn jä'ä tyuknijuuxtëp ja kaaxë'akë'ë. 21Ënet ok xytyuk'ajupëty ja kaaxë'aaw ets jap kaaxëjoty tëë ënety jap xypyëjktä'äky ja tsaa ma ja ënä'ämën tëyajtën myinyën këxja'ay, mëti'ipë nmo'ojäämpyën. 22E jam ëëtsajtëm näpyatëmëty, jam këjxm ma ja kaaxëni'kxën ma ja tsajpjotmëtë kukäjpxy këxkojy y'itën, jam ntuknijawëty tëkokyë ja ënä'ämën tëyajtën mëti'ipës ja Israel ja'ayëty ntuknikäjxtëpën.
Ja kaaypyäjn ma ja tsajpkääky yajkëxpëkëtyën
23Oytyun tu'uk yë kaaypyäjn yë'ë mtuk'oytyunëp yë acacië kepy, jä'ä y'ayeny'atëty mäjtsk kë'ënux ets myëjwiin'atëty tu'kkë'ënux, tu'kkë'ënux ja kujkm kyëjxm'atëty. 24Ets ënät xytyuknikoyëty yë wa'ats pu'ts pujxn, mpëjkta'akëp näjyëtu'un yë pya'a, aakyë'ë myajtunëp yë pu'ts pujxn. 25Oytyun näjyëtu'un yë nyipa'twopë, wëxtujk kë'ë'u'unk myëjwiin'atëty ets tyäk näjyëtu'un xypya'akooyëty mëët yë pu'ts pujxn. 26Oytyun taxk yë nyijäänë'ëk aakyë'ë pu'ts pujxn ets xypyëjkta'akëty tu'ukjaty ma ja tyekyën, majktaxkpë. 27Ja jäänë'ëk aakjam xykyëxwopëty maajaty ja kepy nyätyukjänëtyën ets jap yajtijnaxëty ja nyikepy mëti'ipë yajtukëëyë'ëkëpën. 28Ko ya'atë nyikepy ënety xyaj'o'oyëyë, yë'ë myajtunëp yë acacië kepy, yë'ëts yajtukëëyjyëtitëp yë kaaypyäjn, ko ënety muum yajmënëjkxa'any. Ko xyajkojta'ajëty, tääts xytyukniwitsëty yë pu'ts pujxn. 29Ma nyitekyën nän pu'ts pujxn jam mpëjkta'akëp, näjyëtu'un ja tu'ts ets ja a'ukën mëti'ipë mëët tyuna'anyën, ma yaj'atämën ja ayajk ako'onën mëti'ipë nëëjëtyën. 30Xëmë jam xypyëjkta'akëty ma kaaypyäjnën yë tsajpkääky ëjts nwintuuyës, mëti'ipës të nyajtuknipëjktaakën.
Ja mëj jëëntooytyakn mëti'ipë aak pu'ts pujxn mëët y'oytyunyëtyën
31Oytyun tu'uk yë mëj jëëntooytyakn mëti'ipë aak pu'ts pujxn mëët y'oytyunyëtyën, yë'ë pujxnkuwojpën mëët yajtuunk'aty. Yë y'ëjx, yë tyeky, yë y'a'ukën ets y'ääy tu'ukyë mëët nyämyatsëtëty. 32Tëtujk xypyëjkta'akëty yë kyë'ë, myoxkëjxy pyëtsëmëty, tëkëëkjaty pë'aay pyëtsëmëty. 33Tu'ukjatyëty aakjam pyëtsëmëty myoxkëjxm ma ja mëj jëëntooytyaknën ets mëët ja nyi'a'ukën nitu'ukjaty, ya'atë a'ukën jëtu'un y'ixë'atëty tä tu'uk yë pëjyën mëti'ipë yajtijpën almendrë, mëët yë y'ëjx ets mëët yë y'ääy. 34E ma ja nyitekyën taxk ja nyi'a'ukën jam xyajkëxkojëty, näjyëtu'un y'ixë'atëty tä tu'uk yë almendrë pëjyën, mëët yë y'ëjx ets mëët yë nyi'aay. 35Ma ënety pyëtsëmtën tu'ukjaty ja kyë'ë ja mëj jëëntooytyakn, yë'ë tyukpa'tnë'ëxëp tu'uk yë y'ëjx. 36Yë y'ëjx mëët yë nyikë'ë tu'ukyë mëpaat nyämyätsyë mëët ja mëj jëëntooytyakn, aakmëët y'oytyuny'atëty yë pu'ts pujxn ets pujxnkuwojpën yë'ë yajtuk'oytyunëp. 37Oytyun wëxtujk yë nyikutë'kxn, jam xypyëjkta'akëty këjxm ma naje'eyë kyutë'kxëtyën wintuuytsyow, 38ets ja mëti'ipë yajtijtëpën jëënmä'tn ets ja pujxn aye'epy, aak pu'ts pujxn mëët xy'oytyunëty. 39Jä'ä jam xyajtunëty oy na'i'px majktëkëëk tsimën yë wa'ats pu'ts pujxn, jëtu'un xy'oytyunëty yë mëj jëëntooytyakn ets tëkokyë jënu'un mëët tyunyën. 40Jëtu'un xyajkojëty tä të ntuk'ixyën ja nyi''ijxpät jap kopkëjxy.
Currently Selected:
Éxodo 25: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Éxodo 25
25
Ma yaj'ayakën ets ja wit tëjk kyojëty
Ex 35:4-9
1Ënet ja Dios ojts tmëkäjpxy ja Moisés ets t'ënëmaay:
2Ënëëmë yë Israel ja'ayëty wä'än tyajmuktë yë ayajk ako'onën mëti'ipës xymyo'otëpën. Ko xyaktëty ya'atë ayajk ako'onën yam n'amëtoyësën, jä'ä xyaktëty kë'ëmtsojkën ets winë aaw winëjot. 3Ya'atë myajmuktëp: yë pu'ts pujxn, poop pujxn, ukypyujxn; 4ukywyit, tsu'unk wit, tsaptswit; linë wit, tsajppax ak, 5yë yä'äypyë kupixyny ak yë'ë mëti'ipë tëë wyatsnën tsapts ets po'o oyëtypë ets pejywyijtsnëtypë ets acacië kepy. 6Näyjyëtu'un yë on mëti'ipë mëët tyunyën yë kutë'kxn ets nyi'on yë pa'akxu'kpë mëti'ipë winë mëët yajtukkënu'kxyën ets janty oypyë xyuuky jyokyën; 7näjyëtu'un yë oytsyaa ets oyjyätyëtypë yë tsaa mëti'ipë jam yajpëjkta'akëpën ma ja kejky yä'äp kyoja'anyën ets näjyëtu'un ma ja katsyjyänën, mëti'ipë ja teety wintsën yajtuumpyën. 8Ets xy'oytyuntëty tu'uk yë tsajptëjk, maas ëjts nyajpaatëtyën etsës mëët yë'ëjëty ntsëënëtyës njuuky'atëtyës. 9E tääpë wit tëjk maas ntsëënëja'anyën ets tëkokyë mëti'ipë jap tëkotsyow itaanpën, timjëtu'un xy'oytyunëty tä mëti'ipë ntuk'ixäämpyën.
Ja kaaxëë mëti'ipë myë'ijtypyën ja käjpxytyu'unën
10Oytyun tu'uk yë kaaxëë, yë'ë mtuk'oytyunëp yë acacië kepy, jä'ä y'ayeny'atëty mäjtsk kë'ënux ja kujkm ets myëjwiin'atëty tu'kkë'ënux ja kujkm ets kyëjxm'atëty tu'kkë'ënux ja kujkm. 11Mtuknikoyëp yë wa'ats pu'ts pujxn, jootjoty, nëkëjxy ets ma tyekyën; mpa'akooytya'ajëp näjyëtu'un mëët yë pu'ts pujxn. 12Oytyun taxk yë nyijäänë'ëk, aakyë'ë pu'ts pujxn ets xypyëjkta'akëty jää mëtëy ma taxk ja tyeky yajpaatyën, mäjtskjaty xypyëjkta'akëty pa'a pa'ajëty. 13Oytyun näjyëtu'un yë nyikepy, mëti'ipë yajtukëëyë'ëkëpën, yë'ë myajtunëp yë acacië kepy ets xytyukniwitsëty yë pu'ts pujxn. 14Jap xytyijnaxëty ma ja nyijäänë'ëkën ënety të xykyëxwopyën mäjtsk'atu'umëty ets yë'ëts mëët yajtukëëyë'ëkëty. 15Ko ënety të xypyëjktä'äky jam, këtii xy'ëkju'tnëty ma ja nyijäänë'ëkën mëti'ipë ënety të xypyëjktä'äkyën jam ma ja kaaxën. 16Jap kaaxëjoty xypyëjkta'akëty ja ënä'ämën tëyajtën mëti'ipë yam nmo'ojäämpyën.
17Oytyun yë y'akë'ë, aak pu'ts pujxn mëët xy'oytyunëty, jä'ä y'ayeny'atëty mäjtsk kë'ënux ja kujkm ets myëjwiin'atëty tu'kkë'ënux ja kujkm, 18jam nimäjtsk xyajkëxkojëty jëtu'unpë kyëxë'ëkëtyën tä yë tsajpjotmëtë kukajpxpën ets aak pu'ts pujxn mëët xy'oytyunëty, yë'ë mëët yë kuwojpën xytyuunk'atëty. 19Yë kaaxëë akë'ë ets ja tsajpjotmëtë kukäjpxyëty mëti'ipë ënety jam të kyëxkojyën tu'ukyë nyämyatsëtëty. Tu'uk y'itëty jamtsow ets tu'uk y'itëty yaatsow maa ja kaaxën. 20Jëtu'un nyäwyinku'ixëtëty, ja wyiin jyëjpy jam tyajkëx'ixtëty ma ja kaaxë'akë'ëjën ets ja kyäkn jä'ä tyuknijuuxtëp ja kaaxë'akë'ë. 21Ënet ok xytyuk'ajupëty ja kaaxë'aaw ets jap kaaxëjoty tëë ënety jap xypyëjktä'äky ja tsaa ma ja ënä'ämën tëyajtën myinyën këxja'ay, mëti'ipë nmo'ojäämpyën. 22E jam ëëtsajtëm näpyatëmëty, jam këjxm ma ja kaaxëni'kxën ma ja tsajpjotmëtë kukäjpxy këxkojy y'itën, jam ntuknijawëty tëkokyë ja ënä'ämën tëyajtën mëti'ipës ja Israel ja'ayëty ntuknikäjxtëpën.
Ja kaaypyäjn ma ja tsajpkääky yajkëxpëkëtyën
23Oytyun tu'uk yë kaaypyäjn yë'ë mtuk'oytyunëp yë acacië kepy, jä'ä y'ayeny'atëty mäjtsk kë'ënux ets myëjwiin'atëty tu'kkë'ënux, tu'kkë'ënux ja kujkm kyëjxm'atëty. 24Ets ënät xytyuknikoyëty yë wa'ats pu'ts pujxn, mpëjkta'akëp näjyëtu'un yë pya'a, aakyë'ë myajtunëp yë pu'ts pujxn. 25Oytyun näjyëtu'un yë nyipa'twopë, wëxtujk kë'ë'u'unk myëjwiin'atëty ets tyäk näjyëtu'un xypya'akooyëty mëët yë pu'ts pujxn. 26Oytyun taxk yë nyijäänë'ëk aakyë'ë pu'ts pujxn ets xypyëjkta'akëty tu'ukjaty ma ja tyekyën, majktaxkpë. 27Ja jäänë'ëk aakjam xykyëxwopëty maajaty ja kepy nyätyukjänëtyën ets jap yajtijnaxëty ja nyikepy mëti'ipë yajtukëëyë'ëkëpën. 28Ko ya'atë nyikepy ënety xyaj'o'oyëyë, yë'ë myajtunëp yë acacië kepy, yë'ëts yajtukëëyjyëtitëp yë kaaypyäjn, ko ënety muum yajmënëjkxa'any. Ko xyajkojta'ajëty, tääts xytyukniwitsëty yë pu'ts pujxn. 29Ma nyitekyën nän pu'ts pujxn jam mpëjkta'akëp, näjyëtu'un ja tu'ts ets ja a'ukën mëti'ipë mëët tyuna'anyën, ma yaj'atämën ja ayajk ako'onën mëti'ipë nëëjëtyën. 30Xëmë jam xypyëjkta'akëty ma kaaypyäjnën yë tsajpkääky ëjts nwintuuyës, mëti'ipës të nyajtuknipëjktaakën.
Ja mëj jëëntooytyakn mëti'ipë aak pu'ts pujxn mëët y'oytyunyëtyën
31Oytyun tu'uk yë mëj jëëntooytyakn mëti'ipë aak pu'ts pujxn mëët y'oytyunyëtyën, yë'ë pujxnkuwojpën mëët yajtuunk'aty. Yë y'ëjx, yë tyeky, yë y'a'ukën ets y'ääy tu'ukyë mëët nyämyatsëtëty. 32Tëtujk xypyëjkta'akëty yë kyë'ë, myoxkëjxy pyëtsëmëty, tëkëëkjaty pë'aay pyëtsëmëty. 33Tu'ukjatyëty aakjam pyëtsëmëty myoxkëjxm ma ja mëj jëëntooytyaknën ets mëët ja nyi'a'ukën nitu'ukjaty, ya'atë a'ukën jëtu'un y'ixë'atëty tä tu'uk yë pëjyën mëti'ipë yajtijpën almendrë, mëët yë y'ëjx ets mëët yë y'ääy. 34E ma ja nyitekyën taxk ja nyi'a'ukën jam xyajkëxkojëty, näjyëtu'un y'ixë'atëty tä tu'uk yë almendrë pëjyën, mëët yë y'ëjx ets mëët yë nyi'aay. 35Ma ënety pyëtsëmtën tu'ukjaty ja kyë'ë ja mëj jëëntooytyakn, yë'ë tyukpa'tnë'ëxëp tu'uk yë y'ëjx. 36Yë y'ëjx mëët yë nyikë'ë tu'ukyë mëpaat nyämyätsyë mëët ja mëj jëëntooytyakn, aakmëët y'oytyuny'atëty yë pu'ts pujxn ets pujxnkuwojpën yë'ë yajtuk'oytyunëp. 37Oytyun wëxtujk yë nyikutë'kxn, jam xypyëjkta'akëty këjxm ma naje'eyë kyutë'kxëtyën wintuuytsyow, 38ets ja mëti'ipë yajtijtëpën jëënmä'tn ets ja pujxn aye'epy, aak pu'ts pujxn mëët xy'oytyunëty. 39Jä'ä jam xyajtunëty oy na'i'px majktëkëëk tsimën yë wa'ats pu'ts pujxn, jëtu'un xy'oytyunëty yë mëj jëëntooytyakn ets tëkokyë jënu'un mëët tyunyën. 40Jëtu'un xyajkojëty tä të ntuk'ixyën ja nyi''ijxpät jap kopkëjxy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.