Éxodo 27
27
Ja wintsë'këntyakn mëti'ipë oytyunyën mëët ja tsuxkpujxn
1Oytyun tu'uk yë wintsë'këntyakn, taxk yë pya'a xyajkojëty tu'knax, yë'ë myajtunëp yë acacië kepy, jä'ä pya'a myëjwiin'atëty tu'kxajpk ja kujkm ets xyajkëjxm'atëty mäjtsk kë'ënux ja tu'ktsa'atsy. 2Ets wyaj taxk xy'oytyuunëty, tu'ukjaty xypyëjkta'akëty jam tyatskkëjxm, tu'ukyë mëët nyämyatsëtëty yë wintsë'këntyakn ets xytyukniwitsëty yë tsuxkpujxn. 3Tëkokyë yë apëjk atu'unën jënu'un tyuna'anyën ma wintsë'këntyaknën aakyë'ë mëët xy'oytyunëty yë tsuxkpujxn: yë nyi'apëjkën ma nyipäta'anyën yë jaam, yë jä'pn, yë mëj a'ukën; jëënmä'tn ets jëëntooytyakn. 4Oytyun näjyëtu'un tu'uk yë pujxn akäämtuk, aak tsuxkpujxn myajtunëp mëti'ipë y'apëjktukëpën yë wintsë'këntyakn kujkwä'kxy, jam ma tyatskën taxk'it jam yajkëxjëëpëty yë tsuxkpujxn jäänë'ëk. 5Pëjkta'ak ya'atë wintsë'këntyakn yë y'apëjktuk itkujky ëpa'tkë'ëytsyow ets yë'ë kujkwä'kxy tyuktänëp yë wintsë'këntyakn. 6Oytyuunë näjyëtu'un yë wintsë'këntyakn yë nyikepy mëti'ipë yajtukjëëpëpën ko yajkëëyë'ëka'anëty, aakyë'ë myajtunëp yë acacië kepy ets ënät ok xytyuknikoyëty yë tsuxkpujxn. 7Ya'atë kepy aak pë'aay xyajnaxtëty, jap yajtijnaxëty ma ja nyijäänë'ëk ënety të pyetyën ets jëtu'un'äämpy tjëkyäpëty wi'ix muum yajmënëjkxëtyën. 8Ya'atë wintsë'këntyakn tukwa'ats xyajkojëty, aakyë'ë kepy mpëjkta'akëp, jëtu'un xyajkojëty tä të ntuk'ixyën jam kopkëjxm.
Ja nyitëja'aw ja tsajptëjk.
9Yajkojë tu'uk yë nyitëja'aw ya'atë tsajptëjk. Jam ëpa'tkë'ëy'äämpy xypyëjkta'akëty, yë'ë mtuknatëyëp yë linë wit awiity, jä'ä y'ayeny'atëty i'px majk xajpk. 10I'px yë nyixeny xypyëjktakëty ets i'px yë nyi'ëjx xy'oytyuunëty, aakyë'ë myajtunëp yë tsuxkpujxn ets ja nyijäänë'ëk ets ja nyijo'kn aakyë'ë myajtunëp yë poop pujxn. 11Näyjyëtu'un ënät anëkëjxy'äämpy, jä'ä xyaj'oyëty yë nyiwit'atëëytyuk i'px majk xajpk, i'px yë nyixeny ets i'px yë nyi'ëjx aakyë'ë tsuxkpujxn, yë nyijo'kn ets nyijäänë'ëk aakyë'ë poop pujxn. 12E ja anajnytsyowpë wyi'imyën jä'ä ja wit'atëëytyuk xypyëjkta'akëty majkmokx xajpk, yajxon xytyuknatëy'ëwtijta'ajëty ja tëja'aw ets xypyëjktakëty majk yë nyixeny ets majk yë y'ëjx. 13Näyjyëtu'un a'oytsyowpë ma tëja'awën jä'ä xypyëjkta'akëty majkmokx xajpk ja wit'atëëytyuk. 14Ja tu'kpa'apë ma yajnitëkën, jä'ä ja wit'atëëytyuk xypyëjkta'akëty taxk xajpk ja mäjtsk kë'ënux mëët tëkëëk yë nyixeny ets tëkëëk yë y'ëjx. 15Näyjyëtu'un ja tu'kpa'a ja nyiwit'atëëytyuk xypyëjktakëty taxk xajpk ja mäjtsk kë'ënux, tëkëëk ja nyixeny ets tëkëëk ja nyi'ëjx. 16Jäätsow ma yajnitëkën tëtujk xajpk jää tyëkëty yë wit'atëëytyuk tsu'unkpë, uky, tsapts ets awiitypë, yajxon oy tsuj jyo'oky'atëty; taxk ja nyixeny xypyëjktakëty ets näjyëtu'un ja nyi'ëjx. 17Tëkokyë ya'atë xeny mëti'ipë nyakupë'ajtypyën yë wit tëjk, tu'ukjaty aak myëët'atëp yë nyijäänë'ëk mëti'ipë oytyunyën mëët yë poop pujxn ets nyijo'kn, e yë y'ëjx yë'ë mëët yë tsuxkpujxn y'oytyuny'atëty. 18Ya'atë tëja'aw jä'ä y'ayeny'atëty i'px majk xajpk ets myëjwiin'atëty majkmokx xajpk, mäjtskpa'ajëty ets tu'kxajpk ja kujkm kyëjxm'atëty; yë'ë nyiwit'atëëytyuk'atëp yë linë wit awiity ets yë'ë y'ëjx'atëp yë tsuxkpujxn. 19Tëkokyë mëti'ipë kopkpëky tunaanpën jap tsajptëkoty, aakyë'ë mëët y'oytyuny'atëty yë tsuxkpujxn, näjyëtu'un ja nyitejpxy nyitsaay ets nyi'awojpë'ëk mëti'ipë jap tunëpën itkujky.
Ja kutë'kxn ja nyi'on
20Ënëëmë yë Israel ja'ayëty wä'än tmëmintë yë olivë on wa'atspë, aakyë'ë mëti'ipë mëët kyojyën yë pëjykyepy ets jëtu'un xëmë yë kutë'kxn tyë'kxëty. 21Yë Aarón ets y'u'unk y'ëna'k yë'ë ya'atë kutë'kxn xëmë yaj'oyëtëp ets jëtu'un tu'ktsu'um tyë'kxëty jyajëty ma ja wit tëjkën ma ja näpyaatë y'ityën mëët yë Wintsën, jëxkë'ëytsyow ma ja wit'atëëytyukën mëti'ipë y'atëëytyujkypyën ja kaaxë mëti'ipë ja käjpxytyu'unën myë'ijtypyën. Ya'atë ënä'ämën xëmëkyëjxm y'itëty ma ja Israel ja'ayëtyën ets ma ja y'ok'u'unk y'ok'ëna'këtyën.
Currently Selected:
Éxodo 27: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Éxodo 27
27
Ja wintsë'këntyakn mëti'ipë oytyunyën mëët ja tsuxkpujxn
1Oytyun tu'uk yë wintsë'këntyakn, taxk yë pya'a xyajkojëty tu'knax, yë'ë myajtunëp yë acacië kepy, jä'ä pya'a myëjwiin'atëty tu'kxajpk ja kujkm ets xyajkëjxm'atëty mäjtsk kë'ënux ja tu'ktsa'atsy. 2Ets wyaj taxk xy'oytyuunëty, tu'ukjaty xypyëjkta'akëty jam tyatskkëjxm, tu'ukyë mëët nyämyatsëtëty yë wintsë'këntyakn ets xytyukniwitsëty yë tsuxkpujxn. 3Tëkokyë yë apëjk atu'unën jënu'un tyuna'anyën ma wintsë'këntyaknën aakyë'ë mëët xy'oytyunëty yë tsuxkpujxn: yë nyi'apëjkën ma nyipäta'anyën yë jaam, yë jä'pn, yë mëj a'ukën; jëënmä'tn ets jëëntooytyakn. 4Oytyun näjyëtu'un tu'uk yë pujxn akäämtuk, aak tsuxkpujxn myajtunëp mëti'ipë y'apëjktukëpën yë wintsë'këntyakn kujkwä'kxy, jam ma tyatskën taxk'it jam yajkëxjëëpëty yë tsuxkpujxn jäänë'ëk. 5Pëjkta'ak ya'atë wintsë'këntyakn yë y'apëjktuk itkujky ëpa'tkë'ëytsyow ets yë'ë kujkwä'kxy tyuktänëp yë wintsë'këntyakn. 6Oytyuunë näjyëtu'un yë wintsë'këntyakn yë nyikepy mëti'ipë yajtukjëëpëpën ko yajkëëyë'ëka'anëty, aakyë'ë myajtunëp yë acacië kepy ets ënät ok xytyuknikoyëty yë tsuxkpujxn. 7Ya'atë kepy aak pë'aay xyajnaxtëty, jap yajtijnaxëty ma ja nyijäänë'ëk ënety të pyetyën ets jëtu'un'äämpy tjëkyäpëty wi'ix muum yajmënëjkxëtyën. 8Ya'atë wintsë'këntyakn tukwa'ats xyajkojëty, aakyë'ë kepy mpëjkta'akëp, jëtu'un xyajkojëty tä të ntuk'ixyën jam kopkëjxm.
Ja nyitëja'aw ja tsajptëjk.
9Yajkojë tu'uk yë nyitëja'aw ya'atë tsajptëjk. Jam ëpa'tkë'ëy'äämpy xypyëjkta'akëty, yë'ë mtuknatëyëp yë linë wit awiity, jä'ä y'ayeny'atëty i'px majk xajpk. 10I'px yë nyixeny xypyëjktakëty ets i'px yë nyi'ëjx xy'oytyuunëty, aakyë'ë myajtunëp yë tsuxkpujxn ets ja nyijäänë'ëk ets ja nyijo'kn aakyë'ë myajtunëp yë poop pujxn. 11Näyjyëtu'un ënät anëkëjxy'äämpy, jä'ä xyaj'oyëty yë nyiwit'atëëytyuk i'px majk xajpk, i'px yë nyixeny ets i'px yë nyi'ëjx aakyë'ë tsuxkpujxn, yë nyijo'kn ets nyijäänë'ëk aakyë'ë poop pujxn. 12E ja anajnytsyowpë wyi'imyën jä'ä ja wit'atëëytyuk xypyëjkta'akëty majkmokx xajpk, yajxon xytyuknatëy'ëwtijta'ajëty ja tëja'aw ets xypyëjktakëty majk yë nyixeny ets majk yë y'ëjx. 13Näyjyëtu'un a'oytsyowpë ma tëja'awën jä'ä xypyëjkta'akëty majkmokx xajpk ja wit'atëëytyuk. 14Ja tu'kpa'apë ma yajnitëkën, jä'ä ja wit'atëëytyuk xypyëjkta'akëty taxk xajpk ja mäjtsk kë'ënux mëët tëkëëk yë nyixeny ets tëkëëk yë y'ëjx. 15Näyjyëtu'un ja tu'kpa'a ja nyiwit'atëëytyuk xypyëjktakëty taxk xajpk ja mäjtsk kë'ënux, tëkëëk ja nyixeny ets tëkëëk ja nyi'ëjx. 16Jäätsow ma yajnitëkën tëtujk xajpk jää tyëkëty yë wit'atëëytyuk tsu'unkpë, uky, tsapts ets awiitypë, yajxon oy tsuj jyo'oky'atëty; taxk ja nyixeny xypyëjktakëty ets näjyëtu'un ja nyi'ëjx. 17Tëkokyë ya'atë xeny mëti'ipë nyakupë'ajtypyën yë wit tëjk, tu'ukjaty aak myëët'atëp yë nyijäänë'ëk mëti'ipë oytyunyën mëët yë poop pujxn ets nyijo'kn, e yë y'ëjx yë'ë mëët yë tsuxkpujxn y'oytyuny'atëty. 18Ya'atë tëja'aw jä'ä y'ayeny'atëty i'px majk xajpk ets myëjwiin'atëty majkmokx xajpk, mäjtskpa'ajëty ets tu'kxajpk ja kujkm kyëjxm'atëty; yë'ë nyiwit'atëëytyuk'atëp yë linë wit awiity ets yë'ë y'ëjx'atëp yë tsuxkpujxn. 19Tëkokyë mëti'ipë kopkpëky tunaanpën jap tsajptëkoty, aakyë'ë mëët y'oytyuny'atëty yë tsuxkpujxn, näjyëtu'un ja nyitejpxy nyitsaay ets nyi'awojpë'ëk mëti'ipë jap tunëpën itkujky.
Ja kutë'kxn ja nyi'on
20Ënëëmë yë Israel ja'ayëty wä'än tmëmintë yë olivë on wa'atspë, aakyë'ë mëti'ipë mëët kyojyën yë pëjykyepy ets jëtu'un xëmë yë kutë'kxn tyë'kxëty. 21Yë Aarón ets y'u'unk y'ëna'k yë'ë ya'atë kutë'kxn xëmë yaj'oyëtëp ets jëtu'un tu'ktsu'um tyë'kxëty jyajëty ma ja wit tëjkën ma ja näpyaatë y'ityën mëët yë Wintsën, jëxkë'ëytsyow ma ja wit'atëëytyukën mëti'ipë y'atëëytyujkypyën ja kaaxë mëti'ipë ja käjpxytyu'unën myë'ijtypyën. Ya'atë ënä'ämën xëmëkyëjxm y'itëty ma ja Israel ja'ayëtyën ets ma ja y'ok'u'unk y'ok'ëna'këtyën.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.