Éxodo 35
35
Ja nyitëyajtën wi'ix ja po'kxënxëëw yaj'ëmaay'atëtyën
Ex 31:12-17
1Ënet ja Moisés ojts tmëkajpxmujkta'ay ja naax kajpn ets t'ënëmaay: Yë Tiosës të xytyuk'ëne'emy ets ya'atë yajkuuytyunëty: 2Jyëkyejpy tëtujk xëëw mtuntëty mye'eytyëty e kom wëxtujk xëëw po'kxënxëëw jäänë, wa'ats mëpaat ya'atë xëëw y'ity, jää mpo'kxtëty ets yi'iyë yë Dios jää yaj'ëwtatëp. Pën jää tiituunk tyuunpy, kopkpëky ko y'ookëty. 3Oy maa mtimyyajpaatëty, ko ya'atpë'atëty nijëën mëpaat xykyayajmëjëtë.
Ja ayajk ako'onën mëti'ipë mëpaat yajmënëjkxyën ma ja tsajptëjkën
Ex 25:1-9
4Ënet ja Moisés ojts tmëkäjpxy ja mayjyä'äy ets t'ënëmaay: Ya'atë yë Dios nyi'ënä'ämëp ets yajtunëty. 5Pënjaty ja y'ayajk y'ako'onën kyë'ëyakäämpyën ma Tiosën, mëët ko jëtu'un ja jyot wyinma'any tyajja'ty ets ko jëtu'un tuknipëjktaakë winë aaw winëjot. Ya'atë mëpaat xyaktë: pu'ts pujxn, poop pujxn, tsuxkpujxn, 6wit mëti'ipë yë y'ujkën tsu'unkën, uky, tsapts ets linë wit, jyëkyäpëp näjyëtu'un tmëminëty yë tsajppax'ak, 7kupixyny yä'äy yë y'ak, aakyë'ë mëti'ipë tsapts të wyatsnën, oyëtypë jëyujk ak, ajë kepy, 8on mëti'ipë tuunpën ma kutë'kxën, yë pa'akxu'kën mëti'ipë mëët tyunyën yë on mëti'ipë yajtukkënu'kxpën, poom mëti'ipë oy xu'kp jojkpën, 9tsuxktsaajëty ets wiinkëtypë oytsyaa mëti'ipë tunaanpën ma kejky yä'äpën ets ma katsyjyänën, mëti'ipë teety wintsën yajtuumpyën.
Apëjk atu'unën mëti'ipë jap itëpën ma tsajptëjkën
10Tëkokyë miitsëty mëti'ipë mtukjajtëpën wi'ix tii oy xyaj'oyëtëtyën, mëpaat mintëty ets xytyuunk'atëty mëti'ipë Wintsën të tni'ënä'ämën. 11Yë tsajptëjk mëët yë nyiwittëjk, yë nyiyä'äp ja wit tëjk, yë jyo'knëty, yë nyikepy, yë nyikepyëty mëti'ipë yajtukpakë'ëtëpën, yë nyixeny, yë nyi'ëjx, 12ja kaaxë mëët ja nyikepy mëti'ipë yajtukpakë'ëjëpën, ja nyi'akë'ë, ja nyiwit mëti'ipë nyijuux'atëpën, 13ja kaaypyäjn, ja nyikepy mëti'ipë yajtukpakë'ëjëpën ets tëkokyë jënu'un mëët tyunyën, yë tsajpkääky mëti'ipë ja Dios yajmoopyën, 14ja mëj jëëntooytyakn mëti'ipë kutë'kxëpën, mëët tu'kë'ëyë jënu'un mëët tyunyën ets nyikutë'kxn, yë on mëti'ipë tuunpën ma kutë'kxnën, 15ja poom ja nyiwintsë'këntyakn, mëët näjyëtu'un ja nyikepy mëti'ipë yajtukëëyë'ëkëpën, ja on mëti'ipë yajtukkënu'kxpën, ja poom mëti'ipë oy pa'akxu'kpën, ja wit mëti'ipë yajtuk'atëëytyukëpën ja tsajptëjk ma yajnitëkën, 16ja wintsë'këntyakn ma ja jëyujk yajnino'oktën, mëët ja atënaayë'ëk mëti'ipë oytyunyën mëët yë tsuxkpujxn, ja nyikepy mëti'ipë yajtukëëyë'ëkëpën ets tu'kë'ëyë jënu'un mëët tyunyën, ja pujxn'kë'ë pujtakn mëët ja nyi'ëjx ma këxkë'ëy y'itëtyën, 17ja wit'atëëytyuk mëti'ipë tuunpën ma ja tëja'awën, mëët tëkokyë ja nyixeny, ja xeny ja nyi'ëjx, ja wit'atëëytyuk mëti'ipë tuunpën ma yajnitëkën ja tsajptëjk tëja'aw. 18Ja nyikupë mëti'ipë tuunpën ma ja Dios jyëën tyëjkën ets ma ja tëja'awën mëët ja nyitejpxy, 19ja wit tä'äky mëti'ipë ja teety yajtuumpyën jap ma ja Dios ja jyëën tyëjkën ets ja wit mëti'ipë ja teetyëjk yajtuknikojëtëpën, mëti'ipë yë Aarón yajtunëpën ets näjyëtu'un mëti'ipë pyëjkta'aktëpën ja y'u'unk y'ëna'këty.
Ja ayajk ako'onën mëti'ipë myëmiintëpën ja naax kajpn.
20Tä ja mayjyä'äyëty ojts jam tsyo'ontaaynyëtë ma ja Moisésën. 21E mëti'ipë ojts ja jyot wyinma'any y'ëna'antë ets winë tyaka'antë, kanaakpëky ojts winë tjantymyëmintë ma ja Tiosën, ja mëti'ipëjaty ënety tunaanpën ma kyoja'anyën ja wit tëjk ma ja näpyaatë y'itëtyën ets tëkokyë mëti'ipë mëyajtpën, näjyëtu'un ja wit tujkxy. 22Yä'äy to'oxy winë tmëmiintë winë'aaw winëjot, ojts tmëmintë kë'ëjiits, kë'ëjän, tatsktëy, nantsëm ets wiinkëtypë, aak pu'ts pujxn mëët y'oytyunyëty. Tu'uktu'uk yë ja'ayëty ojts tmëmintë yë pyu'tspujxn, jëtu'un ijxtëm ënety pyaat'atyën ja Wintsën yajmo'ojëty. 23Mëti'ipë myëët'ajtëpën ja wit mëti'ipë ja y'ujkën tsu'unk, uky, tsapts ets mëti'ipë yajtijpën oywyit, näjyëtu'un mëti'ipë myëët'ajtëpën ja tsajppaxni'ak, kupixyny ayääkë ak mëti'ipë ënety tëë wyatsnën tsapts, ojts tmëmiinta'atë. 24Mëti'ipë myëmiintëpën ja poop pujxn ja tsuxkpujxn, yë'ë ja Dios ënety tyukë'ëtëjkëtyëp e ja mëti'ipë myëmiintëpën ja kepy mëti'ipë yajtijpën ajë kepy, yë'ë tyukniyajkëtyë, ma ënety winë yaj'oytyuna'anyën aak kepyë. 25Ja to'oxytyëjkëty mëti'ipë witjo'ktëpën, oyëty ja wit tmëmiintë, ojts ja wit tmëmintë, mëti'ipë ja y'ujkën tsu'unk, uky, tsapts ets ja linë wit. 26Näyjyëtu'un ja to'oxytyëjkëty mëti'ipë ënety janty'oy winë yajkojtëpën ojts ja jyot wyinma'any y'ëwa'atstë ets tpi'të ja kupixyny jëmk. 27Ja ja'ayëty mëti'ipë ënety mëj'äämpy ijtëpën, yë'ë ojts tmëmintë ja tsaa oyëtypë tä ja tsuxktsaajën ets ja wiinkëtypë ets yë'ë jam yajpëjkta'akëty ma ja kejky yä'äpën ets ma ja katsyjyänën mëti'ipë yajtuumpyën ja teety wintsën. 28Yë'ë ojts näjyëtu'un tyajmintë yë pa'akxu'kën, on mëti'ipë tuunpën ma ja kutë'kxnën, ja on mëti'ipë yajtukkënu'kxpën ets näjyëtu'un ja poom mëti'ipë janty'oy xu'kp jojkpën.
29Tëkokyë yë ja'ayëty ye'etyëjk to'oxytyëjkpë ojts ja jyot wyinma'any y'ëwa'atstë ets pyutëkëja'antë ma ja tuunk jam y'ityën, mëti'ipë ja Moisés ojts ja Dios tyuk'ëne'emyën, mëët ja ayajk ako'onën mëti'ipë myëmiintën, jëtu'un ojts tyaktë tä ënety ja jyot wyinma'any y'ëna'antën.
Ja këpety jyä'äyëty mëti'ipë ojts tkojtën ja tsajptëjk.
30Ënet ja Moisés t'ënëmaay ja Israel ja'ayëty:
Ëk'ixtë ma Judá yë jyä'äyën, yë'ë jam yë Dios të twin'ixy yë Besalel, yë myaank yë Urí, yë y'ok'u'unk yë Hur. 31Tëë tmo'oy yë Dios yë myëk'ajtën y'oyajtën ets wijyajtën kujk'ajtën, ixpëkyajtën, nija'awën, wi'ix winë oy tyajkojëtyën, 32wi'ix tuunk'atëtyën yë pu'ts pujxn, poop pujxn ets tsuxkpujxn; 33wi'ix yë tsätsëty ets wi'ix muum tii oy tyajkëxkojëtyën, näjyëtu'un wi'ix yë kepy tëywyijtsnë txääwëtyën ets wi'ix winë oy tyajkëxë'ëkëtyën. 34Tëë näjyëtu'un tmo'oy yë wijyajtën, wi'ix yaj'ixpëkëtyën, jëtu'un yë'ë ets näjyëtu'un yë Oholiab, yë myaank yë Ahisamac, yë jyä'äy yë Dan. 35Tëë tmo'oy yë wijyajtën, wi'ix winë oy tyajkëxë'ëkëtyën, wi'ix tii winë tsätsëty oy ets tmo'ojëty ja y'ijxën; wi'ix oy yë wit tujkxy tjo'okëtyën, tä yë witën mëti'ipë yë y'ujkën tsu'unk uky, tsapts ets ja linë wit ets tyukjajtyp wä'än timmyëti'ipëty wi'ix tyajkëxë'ëkëtyën oy.
Currently Selected:
Éxodo 35: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Éxodo 35
35
Ja nyitëyajtën wi'ix ja po'kxënxëëw yaj'ëmaay'atëtyën
Ex 31:12-17
1Ënet ja Moisés ojts tmëkajpxmujkta'ay ja naax kajpn ets t'ënëmaay: Yë Tiosës të xytyuk'ëne'emy ets ya'atë yajkuuytyunëty: 2Jyëkyejpy tëtujk xëëw mtuntëty mye'eytyëty e kom wëxtujk xëëw po'kxënxëëw jäänë, wa'ats mëpaat ya'atë xëëw y'ity, jää mpo'kxtëty ets yi'iyë yë Dios jää yaj'ëwtatëp. Pën jää tiituunk tyuunpy, kopkpëky ko y'ookëty. 3Oy maa mtimyyajpaatëty, ko ya'atpë'atëty nijëën mëpaat xykyayajmëjëtë.
Ja ayajk ako'onën mëti'ipë mëpaat yajmënëjkxyën ma ja tsajptëjkën
Ex 25:1-9
4Ënet ja Moisés ojts tmëkäjpxy ja mayjyä'äy ets t'ënëmaay: Ya'atë yë Dios nyi'ënä'ämëp ets yajtunëty. 5Pënjaty ja y'ayajk y'ako'onën kyë'ëyakäämpyën ma Tiosën, mëët ko jëtu'un ja jyot wyinma'any tyajja'ty ets ko jëtu'un tuknipëjktaakë winë aaw winëjot. Ya'atë mëpaat xyaktë: pu'ts pujxn, poop pujxn, tsuxkpujxn, 6wit mëti'ipë yë y'ujkën tsu'unkën, uky, tsapts ets linë wit, jyëkyäpëp näjyëtu'un tmëminëty yë tsajppax'ak, 7kupixyny yä'äy yë y'ak, aakyë'ë mëti'ipë tsapts të wyatsnën, oyëtypë jëyujk ak, ajë kepy, 8on mëti'ipë tuunpën ma kutë'kxën, yë pa'akxu'kën mëti'ipë mëët tyunyën yë on mëti'ipë yajtukkënu'kxpën, poom mëti'ipë oy xu'kp jojkpën, 9tsuxktsaajëty ets wiinkëtypë oytsyaa mëti'ipë tunaanpën ma kejky yä'äpën ets ma katsyjyänën, mëti'ipë teety wintsën yajtuumpyën.
Apëjk atu'unën mëti'ipë jap itëpën ma tsajptëjkën
10Tëkokyë miitsëty mëti'ipë mtukjajtëpën wi'ix tii oy xyaj'oyëtëtyën, mëpaat mintëty ets xytyuunk'atëty mëti'ipë Wintsën të tni'ënä'ämën. 11Yë tsajptëjk mëët yë nyiwittëjk, yë nyiyä'äp ja wit tëjk, yë jyo'knëty, yë nyikepy, yë nyikepyëty mëti'ipë yajtukpakë'ëtëpën, yë nyixeny, yë nyi'ëjx, 12ja kaaxë mëët ja nyikepy mëti'ipë yajtukpakë'ëjëpën, ja nyi'akë'ë, ja nyiwit mëti'ipë nyijuux'atëpën, 13ja kaaypyäjn, ja nyikepy mëti'ipë yajtukpakë'ëjëpën ets tëkokyë jënu'un mëët tyunyën, yë tsajpkääky mëti'ipë ja Dios yajmoopyën, 14ja mëj jëëntooytyakn mëti'ipë kutë'kxëpën, mëët tu'kë'ëyë jënu'un mëët tyunyën ets nyikutë'kxn, yë on mëti'ipë tuunpën ma kutë'kxnën, 15ja poom ja nyiwintsë'këntyakn, mëët näjyëtu'un ja nyikepy mëti'ipë yajtukëëyë'ëkëpën, ja on mëti'ipë yajtukkënu'kxpën, ja poom mëti'ipë oy pa'akxu'kpën, ja wit mëti'ipë yajtuk'atëëytyukëpën ja tsajptëjk ma yajnitëkën, 16ja wintsë'këntyakn ma ja jëyujk yajnino'oktën, mëët ja atënaayë'ëk mëti'ipë oytyunyën mëët yë tsuxkpujxn, ja nyikepy mëti'ipë yajtukëëyë'ëkëpën ets tu'kë'ëyë jënu'un mëët tyunyën, ja pujxn'kë'ë pujtakn mëët ja nyi'ëjx ma këxkë'ëy y'itëtyën, 17ja wit'atëëytyuk mëti'ipë tuunpën ma ja tëja'awën, mëët tëkokyë ja nyixeny, ja xeny ja nyi'ëjx, ja wit'atëëytyuk mëti'ipë tuunpën ma yajnitëkën ja tsajptëjk tëja'aw. 18Ja nyikupë mëti'ipë tuunpën ma ja Dios jyëën tyëjkën ets ma ja tëja'awën mëët ja nyitejpxy, 19ja wit tä'äky mëti'ipë ja teety yajtuumpyën jap ma ja Dios ja jyëën tyëjkën ets ja wit mëti'ipë ja teetyëjk yajtuknikojëtëpën, mëti'ipë yë Aarón yajtunëpën ets näjyëtu'un mëti'ipë pyëjkta'aktëpën ja y'u'unk y'ëna'këty.
Ja ayajk ako'onën mëti'ipë myëmiintëpën ja naax kajpn.
20Tä ja mayjyä'äyëty ojts jam tsyo'ontaaynyëtë ma ja Moisésën. 21E mëti'ipë ojts ja jyot wyinma'any y'ëna'antë ets winë tyaka'antë, kanaakpëky ojts winë tjantymyëmintë ma ja Tiosën, ja mëti'ipëjaty ënety tunaanpën ma kyoja'anyën ja wit tëjk ma ja näpyaatë y'itëtyën ets tëkokyë mëti'ipë mëyajtpën, näjyëtu'un ja wit tujkxy. 22Yä'äy to'oxy winë tmëmiintë winë'aaw winëjot, ojts tmëmintë kë'ëjiits, kë'ëjän, tatsktëy, nantsëm ets wiinkëtypë, aak pu'ts pujxn mëët y'oytyunyëty. Tu'uktu'uk yë ja'ayëty ojts tmëmintë yë pyu'tspujxn, jëtu'un ijxtëm ënety pyaat'atyën ja Wintsën yajmo'ojëty. 23Mëti'ipë myëët'ajtëpën ja wit mëti'ipë ja y'ujkën tsu'unk, uky, tsapts ets mëti'ipë yajtijpën oywyit, näjyëtu'un mëti'ipë myëët'ajtëpën ja tsajppaxni'ak, kupixyny ayääkë ak mëti'ipë ënety tëë wyatsnën tsapts, ojts tmëmiinta'atë. 24Mëti'ipë myëmiintëpën ja poop pujxn ja tsuxkpujxn, yë'ë ja Dios ënety tyukë'ëtëjkëtyëp e ja mëti'ipë myëmiintëpën ja kepy mëti'ipë yajtijpën ajë kepy, yë'ë tyukniyajkëtyë, ma ënety winë yaj'oytyuna'anyën aak kepyë. 25Ja to'oxytyëjkëty mëti'ipë witjo'ktëpën, oyëty ja wit tmëmiintë, ojts ja wit tmëmintë, mëti'ipë ja y'ujkën tsu'unk, uky, tsapts ets ja linë wit. 26Näyjyëtu'un ja to'oxytyëjkëty mëti'ipë ënety janty'oy winë yajkojtëpën ojts ja jyot wyinma'any y'ëwa'atstë ets tpi'të ja kupixyny jëmk. 27Ja ja'ayëty mëti'ipë ënety mëj'äämpy ijtëpën, yë'ë ojts tmëmintë ja tsaa oyëtypë tä ja tsuxktsaajën ets ja wiinkëtypë ets yë'ë jam yajpëjkta'akëty ma ja kejky yä'äpën ets ma ja katsyjyänën mëti'ipë yajtuumpyën ja teety wintsën. 28Yë'ë ojts näjyëtu'un tyajmintë yë pa'akxu'kën, on mëti'ipë tuunpën ma ja kutë'kxnën, ja on mëti'ipë yajtukkënu'kxpën ets näjyëtu'un ja poom mëti'ipë janty'oy xu'kp jojkpën.
29Tëkokyë yë ja'ayëty ye'etyëjk to'oxytyëjkpë ojts ja jyot wyinma'any y'ëwa'atstë ets pyutëkëja'antë ma ja tuunk jam y'ityën, mëti'ipë ja Moisés ojts ja Dios tyuk'ëne'emyën, mëët ja ayajk ako'onën mëti'ipë myëmiintën, jëtu'un ojts tyaktë tä ënety ja jyot wyinma'any y'ëna'antën.
Ja këpety jyä'äyëty mëti'ipë ojts tkojtën ja tsajptëjk.
30Ënet ja Moisés t'ënëmaay ja Israel ja'ayëty:
Ëk'ixtë ma Judá yë jyä'äyën, yë'ë jam yë Dios të twin'ixy yë Besalel, yë myaank yë Urí, yë y'ok'u'unk yë Hur. 31Tëë tmo'oy yë Dios yë myëk'ajtën y'oyajtën ets wijyajtën kujk'ajtën, ixpëkyajtën, nija'awën, wi'ix winë oy tyajkojëtyën, 32wi'ix tuunk'atëtyën yë pu'ts pujxn, poop pujxn ets tsuxkpujxn; 33wi'ix yë tsätsëty ets wi'ix muum tii oy tyajkëxkojëtyën, näjyëtu'un wi'ix yë kepy tëywyijtsnë txääwëtyën ets wi'ix winë oy tyajkëxë'ëkëtyën. 34Tëë näjyëtu'un tmo'oy yë wijyajtën, wi'ix yaj'ixpëkëtyën, jëtu'un yë'ë ets näjyëtu'un yë Oholiab, yë myaank yë Ahisamac, yë jyä'äy yë Dan. 35Tëë tmo'oy yë wijyajtën, wi'ix winë oy tyajkëxë'ëkëtyën, wi'ix tii winë tsätsëty oy ets tmo'ojëty ja y'ijxën; wi'ix oy yë wit tujkxy tjo'okëtyën, tä yë witën mëti'ipë yë y'ujkën tsu'unk uky, tsapts ets ja linë wit ets tyukjajtyp wä'än timmyëti'ipëty wi'ix tyajkëxë'ëkëtyën oy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.