Génesis 25
25
Ja y'u'unk y'okëty yë Abraham ets Ceturá
1Yë Abraham tam ënety wiinkpë tyo'oxytyëjk jä'ä xyëëwajtyp Ceturá. 2Yë'ë ojts t'u'unk'atë mëti'ipë xyëëwajtën Zimram, Jocsán, Medán, Madián, Isbac ets Sua. 3Yë Jocsán jä'ä y'u'unk xyëëwajtë Sebá ets Dedán. Ja Dedán yë'ë ojts ja y'ok'u'unk y'ok'ëna'k yajtijtë Asur ja'ayëty, letusejë ja'ayëty ets leumejë ja'ayëty. 4Yë y'u'unkëty yë Madián jä'ä ojts txëëwatë Efa, Efer, Hanoc, Abidá ets Eldaá. Tu'kë'ëyë ya'atë ja'ayëty yë'ë y'u'unk'ajt y'ëna'k'ajtë ja Abraham ja mëmäjtskpë tyo'oxytyëjk mëti'ipë xyëëw'ajtypyën Ceturá. 5E yë Isaac yë'ë ojts winë tmëwë'ëmta'ay tu'kë'ëyë, jënu'un ënety ja tyeety Abraham tmëët'atyën. 6E mëti'ipë y'u'unk'ajtën mëët ja wiinkëtpyë ja tyo'oxytyëjk, Abraham je'eyë ojts winë tnamo'oy yiinaty wäänaty. E juuky'ajtpnëm ënety ko ojts ja wiinkpë ja y'u'unk tyaj'ëwa'kxyë mëët ja myaank Isaac, jamtsow ojts tnajtskäjxëtyä'äy awinmtsow.
Wi'ix y'o'kyën yë Abraham ets wi'ix nyaaxtëjkëyën
7Jä'ä ojts yë Abraham jyuuky'äty mëko'px ja tëkë'px majkmokx jëmëjt kä'pxy. 8Ënet ojts y'o'knë ma ënety të myëjja'ayënën. Jam ojts nyaaxtëkë ma ja y'aptëjk nyaaxtëkëtën tëëyëp. 9Yë'ë ojts yajnaaxtëkëty ja myaank nimäjtskpë, mëti'ipë xyëëwajtëpën Isaac ets Ismael. Jam nyaaxtëjkëy ma ja aankën mëti'ipë jam yajpatpën Macpelá. Nämyëwinkon'ajtëp mëët yë Mamré, ma ja nyaaxjotmën ja Efrón yë y'u'unk yë Zohar ja Hit ja'ay. 10Ya'atë naaxwiinyëtën yë'ë ojts yë Abraham tyukmëtookyë yë Hit ja'ayëty, jam yë Abraham nyaaxtëjkëy winkon ma tyo'oxytyëjk ënety të nyaaxtëkën. 11Ko ënety ja Abraham të y'o'knë, mëj këjää ojts yë Isaac Dios nyi''ijxkëtä'äkyë ets kyënu'kxyë. Jam ënety të wyë'ëmnë tsënääpyën ma ja nëëjut txëëwatyën Mëti'ipë juukyën etsës xy'ixy.
Y'u'unkëty y'okëty yë Ismael
1 Cr 1:28-31
12Ya'atë y'u'unk'ajtë Ismael, yë Abraham yë myaank mëët yë Agar, ja Egiptë ja'ay mëti'ipë tyuunpë'ajtën ja Sara. 13Yë'ë ojts ëka'any myiny naaxwiiny: Nebaiot, yë'ë kä'äxkopk'ajtp, mëmäjtsk myiiny jyä'äjty naaxwiiny yë Cedar, mëtëkëëk Adbeel, mëmajktaxk Mibsam. 14Oknëm näjyëtu'un myëxu'unk'ajtë Mismá, Dumá, Masá, 15Hadar, Temá, Jetur, Nafís ets Cedemá. 16Yë'ë ya'atë xyëëw miintëp kuja'ay ja nimajkmäjtskpë y'ëna'këty ja Ismael. Nitu'ukjaty aakjëtu'un ja kyajpnxëëw tpëjktaktë tä ënety yë'ë txëëwatën ets ma ja kyajpnëtyën nitu'ukjaty myëët'ajtëp ënety ja mëti'ipë nikopk'ajtëtëpën.
17Jä'ä ënety ja Ismael ja jyëmëjt mëko'px ja i'px majkmokx mäjtsk, ko ojts y'o'knë ets ojts jam nyijkxy ja jyot y'anëmë ma ja y'aptëjk ja jyä'äjëtyën ets jam tyu'ukmujky mëët. 18Ja y'u'unk y'okëty jam ojts tsyënaaytyaknpëktë ma ja naaxwiinyëtën mëti'ipë itkujky wë'ëmpën ma ja it naaxwiinyëtën txëëwatën Havilá ets Shur, näywyinku'ijxëyëp mëët yë Egiptë kajpn ets Asiria ja'ayëty oy ënety jam nyaxtë tyëkëtë. Jam ojts tsyënaaytyaknpëktë oy ja jyiikytyëjkëty myëku'uktëjkëty ënety ka'ap të t'a'ixëtë.
Wi'ix myëxu'unk'ajtën yë Jacob ets Esaú
19Yë'ë ya'atë nyimëtyä'äky yë Isaac, yë y'u'unk yë Abraham. 20Yë Isaac wëxtyikxy ënety jyëmëjt ko ojts pyiky mëët yë Rebeca, yë'ë ënety yë y'u'unk yë Betuel, yë y'uty yë Labán, yë arameë ja'ay mëti'ipë jam tsënaaytyëpën Padán-aram. 21Yë Rebeca ka'ap ënety tjëkyepy yë u'unk tmëët'atëty, paaty ojts yë Isaac yë Dios mëktä'äky tmëkäjpxy mëëtkyëjxm yë Rebeca. Yë Wintsën ojts yë Isaac yë kyapxtakën tmëtoowë. Jä'ä ko Dios myëët'ajtyp yë mëk'ajtën, ënät ojts yë Rebeca jyänty wyi'imy u'unk mëët. 22E jä'ä ko nimäjtsk ënety jap ja pi'k'ëna'k jyootjoty y'ëtë'ëtstë y'ëna'antë, ënät yë Rebeca ojts myäy tyäjy ets y'ënäny: ¿Pën tyaapë jëtu'un jyata'any kyëpäta'any, wi'ix ko njaakjuuky'atëtyës? Ënet ojts yë Rebeca yë Dios nyätyuk'ixyë ets ojts tmëkäjpxy ja Wintsën. 23Tä yë Wintsën y'ëtsoowinpijtë:
Jap mjootjoty mäjtsk yë naax kajpn jap mëjëtypë.
Mäjtsk yë kajpn jap tsyiptuntë ma naamka'anëm myintënëm
naaxwiiny.
Tu'uk janty mëk y'ita'any këtiinëm ja wiinkpë.
Yë mëjpë yë'ë naxaanp ijxtëm yë mutskpën.
24Tä ja xëëw jëmëjt tpaty ma ënety ja Rebeca tyajmina'any tyajja'ta'any ja y'u'unk myääy nimäjtskpë. 25Ja mëjëyëjpë mëti'ipë ojts ëka'any myinyën naaxwiiny, jä'ä ënety jyä'äy'äty tsapts ets janty ni'u'kxy. Paaty ojts txëëwmo'otë Esaú. 26Ënätnën ojts näjyëtu'un ja y'uty myëxu'unk'aty jap myajts'ityë ma tyeky ixpo'kxën mëët yë kyë'ë. Paaty ojts jëtu'un txëëwmo'otë Jacob. Yë Isaac tëkë'px ënety yë jyëmëjt, ko ojts yë Rebeca tyajminy naaxwiiny yë y'u'unk myääy nimäjtskpë.
27Yä'ktë päjtë jëtu'un ja nimäjtskpë ja ëna'k u'unkëty. Esaú yë'ë ënety oy tsyojkën'ajtyp ja aaytyuunk ujtstuunk ets kujkti'pxp ënety oy. Paaty ja aayjëyujk ujtsjëyujk ijty oy tmatsy. E yë Jacob jä'ä ënety jyä'äy'ajtpë nayujy natëtä'äky, jämyë jëënjotm tëkotm xëmë y'ity. 28Isaac yë'ë yajmëj'ajtyp yë Esaú, jä'ä ko yë Esaú y'a'ixta'ayëp ijty yë tyeety. Ets tyeety oy ënety tsu'utsa'any ja aayjëyujk ujtsjëyujk mëti'ipë ja Esaú myäjtsypyën. E yë Rebeca yë'ë ënety oy yajmëj'ajtyp yë Jacob.
29Tu'kxëëw tu'kjëmëjt yë Jacob jap ënety ma ja mutstëjkën, tojkx ënety jap yaj'o'oyëp, ënät yë Esaú jyä'äjty janty ënu'kxë, 30ets y'ënëmaayë:
Mooykyës wäänë yë mtuka'any tampë xyyaj'oyën. Ëk'ix, mëpaatëpës, yë yuu xyaj'o'knë.
Paatykyëjxm yë Esaú yajtijp näjyëtu'un Edom.
31Ënet yë Jacob y'ëtsooy:
Ënet yam nmo'ojëty yë tojkx, pën mkupëjkpy etsës nnaxëty ijxtëmës jeexyë nkä'äxkopk'atyën.
32Tä yë Esaú y'ënäny:
Ijxtëm xy'ixyën ëjts yuu'o'këpës yam. Tyam ka'apës yë'ë nmay ntajy pën kä'äxkopktëmës ets ni nkayajmëyätyës tyam yë kä'äxkopk'ajtën.
33Ënet yë Jacob t'ënëmaay yë y'äjty:
Jëyëjp xynyikajpxëty mëët yë Dios xyëëwkëjxm ko tëy mkäjpxy.
Esaú ojts jëtu'un tjantytyuny. Jëtu'un'äämpy ojts tmo'oy ja y'uty Jacob ja kyä'äxkopk'ajtën. 34Tä ja Jacob tmooy yë kääky tojkx ja y'äjty Esaú. Ja Esaú akujk jotkujk kyääytyääy y'uktaay ets pyëtë'knë ni tkamëmay tkamëtajy jënu'untën ënety tsyowpaaty ja kyä'äxkopk'ajtën.
Currently Selected:
Génesis 25: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Génesis 25
25
Ja y'u'unk y'okëty yë Abraham ets Ceturá
1Yë Abraham tam ënety wiinkpë tyo'oxytyëjk jä'ä xyëëwajtyp Ceturá. 2Yë'ë ojts t'u'unk'atë mëti'ipë xyëëwajtën Zimram, Jocsán, Medán, Madián, Isbac ets Sua. 3Yë Jocsán jä'ä y'u'unk xyëëwajtë Sebá ets Dedán. Ja Dedán yë'ë ojts ja y'ok'u'unk y'ok'ëna'k yajtijtë Asur ja'ayëty, letusejë ja'ayëty ets leumejë ja'ayëty. 4Yë y'u'unkëty yë Madián jä'ä ojts txëëwatë Efa, Efer, Hanoc, Abidá ets Eldaá. Tu'kë'ëyë ya'atë ja'ayëty yë'ë y'u'unk'ajt y'ëna'k'ajtë ja Abraham ja mëmäjtskpë tyo'oxytyëjk mëti'ipë xyëëw'ajtypyën Ceturá. 5E yë Isaac yë'ë ojts winë tmëwë'ëmta'ay tu'kë'ëyë, jënu'un ënety ja tyeety Abraham tmëët'atyën. 6E mëti'ipë y'u'unk'ajtën mëët ja wiinkëtpyë ja tyo'oxytyëjk, Abraham je'eyë ojts winë tnamo'oy yiinaty wäänaty. E juuky'ajtpnëm ënety ko ojts ja wiinkpë ja y'u'unk tyaj'ëwa'kxyë mëët ja myaank Isaac, jamtsow ojts tnajtskäjxëtyä'äy awinmtsow.
Wi'ix y'o'kyën yë Abraham ets wi'ix nyaaxtëjkëyën
7Jä'ä ojts yë Abraham jyuuky'äty mëko'px ja tëkë'px majkmokx jëmëjt kä'pxy. 8Ënet ojts y'o'knë ma ënety të myëjja'ayënën. Jam ojts nyaaxtëkë ma ja y'aptëjk nyaaxtëkëtën tëëyëp. 9Yë'ë ojts yajnaaxtëkëty ja myaank nimäjtskpë, mëti'ipë xyëëwajtëpën Isaac ets Ismael. Jam nyaaxtëjkëy ma ja aankën mëti'ipë jam yajpatpën Macpelá. Nämyëwinkon'ajtëp mëët yë Mamré, ma ja nyaaxjotmën ja Efrón yë y'u'unk yë Zohar ja Hit ja'ay. 10Ya'atë naaxwiinyëtën yë'ë ojts yë Abraham tyukmëtookyë yë Hit ja'ayëty, jam yë Abraham nyaaxtëjkëy winkon ma tyo'oxytyëjk ënety të nyaaxtëkën. 11Ko ënety ja Abraham të y'o'knë, mëj këjää ojts yë Isaac Dios nyi''ijxkëtä'äkyë ets kyënu'kxyë. Jam ënety të wyë'ëmnë tsënääpyën ma ja nëëjut txëëwatyën Mëti'ipë juukyën etsës xy'ixy.
Y'u'unkëty y'okëty yë Ismael
1 Cr 1:28-31
12Ya'atë y'u'unk'ajtë Ismael, yë Abraham yë myaank mëët yë Agar, ja Egiptë ja'ay mëti'ipë tyuunpë'ajtën ja Sara. 13Yë'ë ojts ëka'any myiny naaxwiiny: Nebaiot, yë'ë kä'äxkopk'ajtp, mëmäjtsk myiiny jyä'äjty naaxwiiny yë Cedar, mëtëkëëk Adbeel, mëmajktaxk Mibsam. 14Oknëm näjyëtu'un myëxu'unk'ajtë Mismá, Dumá, Masá, 15Hadar, Temá, Jetur, Nafís ets Cedemá. 16Yë'ë ya'atë xyëëw miintëp kuja'ay ja nimajkmäjtskpë y'ëna'këty ja Ismael. Nitu'ukjaty aakjëtu'un ja kyajpnxëëw tpëjktaktë tä ënety yë'ë txëëwatën ets ma ja kyajpnëtyën nitu'ukjaty myëët'ajtëp ënety ja mëti'ipë nikopk'ajtëtëpën.
17Jä'ä ënety ja Ismael ja jyëmëjt mëko'px ja i'px majkmokx mäjtsk, ko ojts y'o'knë ets ojts jam nyijkxy ja jyot y'anëmë ma ja y'aptëjk ja jyä'äjëtyën ets jam tyu'ukmujky mëët. 18Ja y'u'unk y'okëty jam ojts tsyënaaytyaknpëktë ma ja naaxwiinyëtën mëti'ipë itkujky wë'ëmpën ma ja it naaxwiinyëtën txëëwatën Havilá ets Shur, näywyinku'ijxëyëp mëët yë Egiptë kajpn ets Asiria ja'ayëty oy ënety jam nyaxtë tyëkëtë. Jam ojts tsyënaaytyaknpëktë oy ja jyiikytyëjkëty myëku'uktëjkëty ënety ka'ap të t'a'ixëtë.
Wi'ix myëxu'unk'ajtën yë Jacob ets Esaú
19Yë'ë ya'atë nyimëtyä'äky yë Isaac, yë y'u'unk yë Abraham. 20Yë Isaac wëxtyikxy ënety jyëmëjt ko ojts pyiky mëët yë Rebeca, yë'ë ënety yë y'u'unk yë Betuel, yë y'uty yë Labán, yë arameë ja'ay mëti'ipë jam tsënaaytyëpën Padán-aram. 21Yë Rebeca ka'ap ënety tjëkyepy yë u'unk tmëët'atëty, paaty ojts yë Isaac yë Dios mëktä'äky tmëkäjpxy mëëtkyëjxm yë Rebeca. Yë Wintsën ojts yë Isaac yë kyapxtakën tmëtoowë. Jä'ä ko Dios myëët'ajtyp yë mëk'ajtën, ënät ojts yë Rebeca jyänty wyi'imy u'unk mëët. 22E jä'ä ko nimäjtsk ënety jap ja pi'k'ëna'k jyootjoty y'ëtë'ëtstë y'ëna'antë, ënät yë Rebeca ojts myäy tyäjy ets y'ënäny: ¿Pën tyaapë jëtu'un jyata'any kyëpäta'any, wi'ix ko njaakjuuky'atëtyës? Ënet ojts yë Rebeca yë Dios nyätyuk'ixyë ets ojts tmëkäjpxy ja Wintsën. 23Tä yë Wintsën y'ëtsoowinpijtë:
Jap mjootjoty mäjtsk yë naax kajpn jap mëjëtypë.
Mäjtsk yë kajpn jap tsyiptuntë ma naamka'anëm myintënëm
naaxwiiny.
Tu'uk janty mëk y'ita'any këtiinëm ja wiinkpë.
Yë mëjpë yë'ë naxaanp ijxtëm yë mutskpën.
24Tä ja xëëw jëmëjt tpaty ma ënety ja Rebeca tyajmina'any tyajja'ta'any ja y'u'unk myääy nimäjtskpë. 25Ja mëjëyëjpë mëti'ipë ojts ëka'any myinyën naaxwiiny, jä'ä ënety jyä'äy'äty tsapts ets janty ni'u'kxy. Paaty ojts txëëwmo'otë Esaú. 26Ënätnën ojts näjyëtu'un ja y'uty myëxu'unk'aty jap myajts'ityë ma tyeky ixpo'kxën mëët yë kyë'ë. Paaty ojts jëtu'un txëëwmo'otë Jacob. Yë Isaac tëkë'px ënety yë jyëmëjt, ko ojts yë Rebeca tyajminy naaxwiiny yë y'u'unk myääy nimäjtskpë.
27Yä'ktë päjtë jëtu'un ja nimäjtskpë ja ëna'k u'unkëty. Esaú yë'ë ënety oy tsyojkën'ajtyp ja aaytyuunk ujtstuunk ets kujkti'pxp ënety oy. Paaty ja aayjëyujk ujtsjëyujk ijty oy tmatsy. E yë Jacob jä'ä ënety jyä'äy'ajtpë nayujy natëtä'äky, jämyë jëënjotm tëkotm xëmë y'ity. 28Isaac yë'ë yajmëj'ajtyp yë Esaú, jä'ä ko yë Esaú y'a'ixta'ayëp ijty yë tyeety. Ets tyeety oy ënety tsu'utsa'any ja aayjëyujk ujtsjëyujk mëti'ipë ja Esaú myäjtsypyën. E yë Rebeca yë'ë ënety oy yajmëj'ajtyp yë Jacob.
29Tu'kxëëw tu'kjëmëjt yë Jacob jap ënety ma ja mutstëjkën, tojkx ënety jap yaj'o'oyëp, ënät yë Esaú jyä'äjty janty ënu'kxë, 30ets y'ënëmaayë:
Mooykyës wäänë yë mtuka'any tampë xyyaj'oyën. Ëk'ix, mëpaatëpës, yë yuu xyaj'o'knë.
Paatykyëjxm yë Esaú yajtijp näjyëtu'un Edom.
31Ënet yë Jacob y'ëtsooy:
Ënet yam nmo'ojëty yë tojkx, pën mkupëjkpy etsës nnaxëty ijxtëmës jeexyë nkä'äxkopk'atyën.
32Tä yë Esaú y'ënäny:
Ijxtëm xy'ixyën ëjts yuu'o'këpës yam. Tyam ka'apës yë'ë nmay ntajy pën kä'äxkopktëmës ets ni nkayajmëyätyës tyam yë kä'äxkopk'ajtën.
33Ënet yë Jacob t'ënëmaay yë y'äjty:
Jëyëjp xynyikajpxëty mëët yë Dios xyëëwkëjxm ko tëy mkäjpxy.
Esaú ojts jëtu'un tjantytyuny. Jëtu'un'äämpy ojts tmo'oy ja y'uty Jacob ja kyä'äxkopk'ajtën. 34Tä ja Jacob tmooy yë kääky tojkx ja y'äjty Esaú. Ja Esaú akujk jotkujk kyääytyääy y'uktaay ets pyëtë'knë ni tkamëmay tkamëtajy jënu'untën ënety tsyowpaaty ja kyä'äxkopk'ajtën.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.