Génesis 30
30
1Ko yë Raquel t'ijxy, ko ënety ka'ap yë Jacob yë y'u'unk myääy tyajmëxu'unk'ajtë, ënät ojts tmëtsiptsoony yë tsyë'ë Lea, tä yë nyiye'etyëjk t'ënëmaay:
Mooykyës yë u'unk maay, jä'ä ko pën ka'ap, nikë tim ookëpës ënät.
2Ënet yë Jacob ojts tukjoot'anpëky yë tyo'oxytyëjk ets t'ënëmaay:
¿Tii ëjts Tios'ajtpë? Yë Dios yë'ë tyajkutuky ets u'unk maay xymyëët'atëty.
3Ënet ojts yë Raquel t'ënëëmë yë Jacob:
Ëk'ix, mëët'it yë ntuunpës Bhilá, ko yë u'unk tpaatëty t'ixëty, jëtu'un tpaatëty ijxtëm jeexyë ëjts yë u'unk maay npaatyën n'ixyën.
4Jëtu'un yë Raquel ojts yë Jacob tmo'oy yë tyuunpë ets tmëët'atëty ijxtëm jeexyë to'oxytyëjk'atyën. Ënet yë Jacob ojts yë Bilhá tmëët'aty, 5tä ojts tu'uk ja Jacob ja y'u'unk tyajmiinë naaxwiiny. 6Ënet yë Raquel y'ënäny: Ya'atë u'unk jä'ä txëëwatëty Dan, jä'ä ko Dios të tmëtoy yë nkajpxtä'äkyës ets të xynyi''ijxkëtä'äkyës, paatyës tu'uk yë u'unk maay të xymyo'oy.
7Ënet yë Bilhá ojts yë wiinkpë Jacob yë y'u'unk myääy tyajmëxu'unk'ajtë, 8tä yë Raquel y'ënäny: Ya'atë u'unk jä'ä txëëwatëty Neftalí, jä'ä ko tëëjës oy mëk nitsiptuny ma ntsë'ëjësën ets tëëjës nmëmëtä'äky.
9Ko yë Lea t'ijxy ko ka'ap ënety yë u'unk t'ëkpat t'ëk'ijxnë, ënät ojts tmo'oy yë Jacob ja tyuunpë mëti'ipë xyëëwajtypyën Zilpá ets tmëët'atëty yë Jacob jëtu'un ijxtëm jeexyë to'oxytyëjk'atyën. 10Ko Ojts yë Zilpá tu'uk yë u'unk maay tyajja'ty naaxwiiny mëti'ipë Jacob jyä'ä'ajtypyën. 11Ënet yë Lea y'ënäny: Ix yë xyëëw pyo'o n'ëktimmyëët'ajnës, paaty yë'ë jä'ä txëëwatëty Gad.
12Yë Zilpá ojts wiinkpë y'u'unk myääy yë Jacob tyajmëxu'unk'ajtë, 13ënät yë Lea ojts y'ënä'äny: Wi'ixpëm njanty jotkujkëtyës, ëna'antëp tyam yë to'oxytyëjkëty, koos njotkujkëty, paaty ya'atë mëxu'unk jä'ä txëëwatëty Aser.
14Tëkok ojts yë Rubén nyijkxy jam kamjotm, ma tsajpmok ënety pyëti'ikyën, jam kamjotm ojts pi'k ujtstëëm tpaaty mëti'ipë xyëëwajtypyën mandrágoras. Ënet ojts tuky ets ja tyaak Lea ojts tukninëjkxy, ko ja Raquel t'ixy ja ujtstëëm janty'oy, ënät t'ënëmaay ja Lea:
Tun yë mëyajtën mooykyës wäänë yë ujtstëëm, mëti'ipë yë mmaank të tmëja'tyën.
15E yë Lea tyaa y'ëtsooy:
¿Mijts ka'ap xy'ëkim mëjpëjktä'äky koos ojts ja niye'etyëjk xypyëjkë? E tyam xypyëjkëjaanpës ënät näjyëtu'un ya'atë ujtstëëm mëti'ipë yë nmaankës të tmëja'tyënë.
Ënet ojts yë Raquel y'ënä'äny:
Mëëtkyëjxm yë mmaank yë y'ujtstëëm, mijts ënät ya'atë tsu'um mëët yë Jacob ma'ajëty.
16Jajmony ko ojts ja Jacob jyä'ty, ënät ojts ja Lea tjëjpaatë'ëky ja Jacob ets t'ënëmaay:
Tyam ya'atë koots ëjts ënät xymyëëtma'ajëp, jä'ä ko tëë npëjktsoy mëët ja ujtstëëm mëti'ipës ja nmaank të tmëja'tyën, mëti'ipë yajtijpën amëxan mandrágoras.
Jä'ä koots yë Jacob ojts mëët myä'äy yë Lea. 17Ënet yë Lea ojts yë mëmëkoxkpë y'u'unk tyajja'ty naaxwiiny, jä'ä ko tëë ënety yë Dios myëto'owxëty yë nyu'kxtakën, ënät y'ënäny: Dios yë nnu'kxtakënës të xymyëtoowë. 18Yë Lea jëtu'un ojts y'ënä'äny: Ya'atë u'unk ja txëëwatëty Isacar, jä'ä ko Dios jëtu'un të xykyumayës mëëtkyëjxm koos ntuunpë të nkë'ëyäky ma Jacobën.
19Ënet ojts yë Lea myëtëtujk u'unk tyajminy tyajja'ty naaxwiiny 20ets y'ënäny: Tiosës yë mëj kuma'ayën të xymyo'oy, e tyam ënät yë nye'etyëjkës ni'ikyë xytyoka'anyës, mëtëtujkës yë u'unk ntuk'ixy, paaty jëtu'un ya'atë pi'k u'unk jä'ä txëëwata'any Zabulón.
21Ënet ojts yë Lea tjaakyajminy tjaakyajja'ty tu'uk yë y'u'unk to'oxytyëjkpë, jä'ä tukxëëwajty Dina. 22E yë Dios ko tja'amyejtsy yë Raquel ets ko ënety yë nyu'kxtakën të tmëtoowë, ënät ojts t'a'ixë ets Raquel tu'uk yë u'unk tyajminëty naaxwiiny. 23Ko ojts ëka'any mëët tu'uk yë u'unk tyajminy naaxwiiny, ënät ojts y'ënä'äny: Tiosës të xytyukniwa'atsy ja tsëtyu'unën, koos ka'ap yë u'unk nmëëtëty. 24Ko jeexyë Dios t'ëk'a'ixë, tääjës jeexyë tu'uk xyjyaakmo'oy. Tääts ojts txëëwmo'oy José.
Yë Jacob yë wyin'äts winma'any tyajnikëxë'ëky ma Labankën
25Tëë ënety yë Raquel yë y'u'unk myääy tyajmëxu'unk'aty, mëti'ipë pyëjktaktën yë xyëëw José, ko ja Jacob t'ënëmaay yë Labán:
Ëxmajtskës, tyam wä'änës n'ëknëjkxy maas ja nnaax nkajpnën. 26Mooykyës ja n'u'unk nto'oxytyëjk, yë'ëjës të nituny, koos të ntuny të n'ëyoy ma mijtsën. Mijts wa'ats xynyijawë, wi'ix mëj këjää të mputëkën.
27E ja Labán tyaa ja ojts y'ëtsoy:
Wë'ëm yaa maas yë njëën ntëjkën, tun yë mëyajtën, tëës nijawë mëët yë nkë'ëmjot nkë'ëmwinma'anyës ko yë Dios mëj këjää të xykyënu'kxyës mëët mijtskyëjxm. 28Nëmaaykyës jënu'un myajmëjuyä'äny, tääts nmëjuyëty.
29Ënet yë Jacob y'ëtsooy:
Mijts wa'ats xynyijawë, wi'ix të nmëëtunyën ets wi'ix yë mjëyujk mtsajpkaa të nkëwent'ajtëmën oy tsuj. 30Koos yaa nmiiny nja'ajty wäänë ënety winë xymyëët'aty, e tyam ix jënu'un të nyimayënë. Tää ënät yaj'ixy, ko Dios jëtu'un kyënu'kxën të tyajkëtä'äky ma mijtsën, e yë'ëjës ënät tyam nyajtëëpy, jëna'ajës yë nkë'ëmtuunk nyajtso'onta'akëty mëti'ipës yë n'u'unk n'ëna'k ntuk'ixëpën.
31Tä ja Labán ni'ikë y'ënaan'ëtë'ëtsy:
¿Nu'unxën xytsyoky ets nmëjuyëty?
Tä ja Jacob y'ëtsooy:
Ka'apës ntsoky xymyëjuyëty, nikë minës yë mkupixyny n'ëkjaakëwent'aty, e ënät pën mkupëjkpy, mëti'ipë yam ntuk'ënëëmëjäämpyën. 32Ëxmajtskës etsës ntukjëtitëty ma ja mtsajppax ets mkupixyny tyänëtën, minës ëpëky n'ëkpëjktä'äky mëti'ipëjaty ja kupixyny yëkëtyën ets tu'kë'ëyë ja tsajppax, mëti'ipë najaamëtyën ets namoxkeetsyëtyën, yë'ëtsës nmëju'uny'atëp. 33Ko mijts jëna'a min xy'ixy, mëti'ipës ënety njä'ä'ajtypyën, jää m'ëna'anëty koos ëjts ënety yë oyjyot oywyinma'any nmëët'aty e ko xypyaatëty maas ja nkemyjyotën ja tsajppax, mëti'ipë ka'ap yëkëtyën ets mëti'ipë ka'ap myoxkeetsyëtyën ets ka'apë jyaamëtyën, nme'tsypës ënety.
34Tä Labán y'ëtsooy:
Oy jyëtu'un'atëty tä m'ëna'anyën.
35E yë Labán ojts yë wyinma'any tyajwijy, paaty tjëwojptaay ja kyupixyny mëti'ipë ënety jaamëtyën ets moxkeetsyëtyën ets tu'kë'ëyë ja tsajppax mëti'ipë yëkëtyën, tääts tmooytyääy ja myaank. 36Jëkäm ojts twojpnëjkxy ets jëtu'un tukmëjëkämkeky ja Jacob tëkëëk xëëw ye'eyën jyëkämëty.
E yë Jacob je'eyëm jam ja tsajppax ets ja kupixyn tkëwent'aty, ja mëti'ipë ja wiinkpë jyä'ä'ajtypyën ja Labán. 37Ënet tpujxy yë kepyxye'enty tsuxkëtypë kanaakjëjp ets tnitsijky jëtu'un ijxtëm mëpaat kyëxë'ëky poop ja wyoox ma kepyën. 38-39Ënet tpëjktäky ja kepyxye'enty tsikyëtypë winkon ma ja tsajppaxën ets ja kupixynyëty tyänëtën, ma ënety nyëë'uuktën. Jam ja yä'äyëtpyë mëët ja to'oxyëtypë nyämyukëtë, e ko ja y'u'unkëty myëxu'unk'atë jaamëty pyëtsëmtë, aak moxkeetsyëty ets aak yëkëty. 40Ënet yë Jacob ënätyë ëpëky tpëjktäky ets t'awojpmuky ma ja Labán jam ja jyä'ä tyänëtën. Jëtu'un ja Jacob ojts ja kyë'ëm jëyujk t'ixkukë, ko ënety tukpuwojptu'uty ja Labán ja jyä'ä. 41Ko ja jëyujk ja ni'kxëtypë nyämyukëtë, ënätyë ijty ja Jacob tpëjktä'äky ja kepynyitsiky ma jam ja jëyujk nyëë'uuktën, jëtu'unts t'ixtë ja kepynyitsiky ma jam nyämyukëtën. 42E ko ënety myintë ja jëyujk mëti'ipë xyëëpëtyën, yë Jacob ka'ap tpëjktä'äky ja kepynyitsiky, paaty ja jëyujkëty mëti'ipë xyëëpëtyën, jä'ä ja Labán jyä'ä'ajtyp, e ja mëti'ipë ni'kxëtyën jä'ä ja Jacob jyä'ä'ajtyp. 43Jëtu'un ojts ja Jacob myëkja'aytyä'äky, nimay ojts tmëët'aty ja tsajppax kupixyny ets tuumpëtëjk ye'etyëjk to'oxytyëjkpë, jëyujk jëku'uxëty ets kruktsëty.
Currently Selected:
Génesis 30: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Génesis 30
30
1Ko yë Raquel t'ijxy, ko ënety ka'ap yë Jacob yë y'u'unk myääy tyajmëxu'unk'ajtë, ënät ojts tmëtsiptsoony yë tsyë'ë Lea, tä yë nyiye'etyëjk t'ënëmaay:
Mooykyës yë u'unk maay, jä'ä ko pën ka'ap, nikë tim ookëpës ënät.
2Ënet yë Jacob ojts tukjoot'anpëky yë tyo'oxytyëjk ets t'ënëmaay:
¿Tii ëjts Tios'ajtpë? Yë Dios yë'ë tyajkutuky ets u'unk maay xymyëët'atëty.
3Ënet ojts yë Raquel t'ënëëmë yë Jacob:
Ëk'ix, mëët'it yë ntuunpës Bhilá, ko yë u'unk tpaatëty t'ixëty, jëtu'un tpaatëty ijxtëm jeexyë ëjts yë u'unk maay npaatyën n'ixyën.
4Jëtu'un yë Raquel ojts yë Jacob tmo'oy yë tyuunpë ets tmëët'atëty ijxtëm jeexyë to'oxytyëjk'atyën. Ënet yë Jacob ojts yë Bilhá tmëët'aty, 5tä ojts tu'uk ja Jacob ja y'u'unk tyajmiinë naaxwiiny. 6Ënet yë Raquel y'ënäny: Ya'atë u'unk jä'ä txëëwatëty Dan, jä'ä ko Dios të tmëtoy yë nkajpxtä'äkyës ets të xynyi''ijxkëtä'äkyës, paatyës tu'uk yë u'unk maay të xymyo'oy.
7Ënet yë Bilhá ojts yë wiinkpë Jacob yë y'u'unk myääy tyajmëxu'unk'ajtë, 8tä yë Raquel y'ënäny: Ya'atë u'unk jä'ä txëëwatëty Neftalí, jä'ä ko tëëjës oy mëk nitsiptuny ma ntsë'ëjësën ets tëëjës nmëmëtä'äky.
9Ko yë Lea t'ijxy ko ka'ap ënety yë u'unk t'ëkpat t'ëk'ijxnë, ënät ojts tmo'oy yë Jacob ja tyuunpë mëti'ipë xyëëwajtypyën Zilpá ets tmëët'atëty yë Jacob jëtu'un ijxtëm jeexyë to'oxytyëjk'atyën. 10Ko Ojts yë Zilpá tu'uk yë u'unk maay tyajja'ty naaxwiiny mëti'ipë Jacob jyä'ä'ajtypyën. 11Ënet yë Lea y'ënäny: Ix yë xyëëw pyo'o n'ëktimmyëët'ajnës, paaty yë'ë jä'ä txëëwatëty Gad.
12Yë Zilpá ojts wiinkpë y'u'unk myääy yë Jacob tyajmëxu'unk'ajtë, 13ënät yë Lea ojts y'ënä'äny: Wi'ixpëm njanty jotkujkëtyës, ëna'antëp tyam yë to'oxytyëjkëty, koos njotkujkëty, paaty ya'atë mëxu'unk jä'ä txëëwatëty Aser.
14Tëkok ojts yë Rubén nyijkxy jam kamjotm, ma tsajpmok ënety pyëti'ikyën, jam kamjotm ojts pi'k ujtstëëm tpaaty mëti'ipë xyëëwajtypyën mandrágoras. Ënet ojts tuky ets ja tyaak Lea ojts tukninëjkxy, ko ja Raquel t'ixy ja ujtstëëm janty'oy, ënät t'ënëmaay ja Lea:
Tun yë mëyajtën mooykyës wäänë yë ujtstëëm, mëti'ipë yë mmaank të tmëja'tyën.
15E yë Lea tyaa y'ëtsooy:
¿Mijts ka'ap xy'ëkim mëjpëjktä'äky koos ojts ja niye'etyëjk xypyëjkë? E tyam xypyëjkëjaanpës ënät näjyëtu'un ya'atë ujtstëëm mëti'ipë yë nmaankës të tmëja'tyënë.
Ënet ojts yë Raquel y'ënä'äny:
Mëëtkyëjxm yë mmaank yë y'ujtstëëm, mijts ënät ya'atë tsu'um mëët yë Jacob ma'ajëty.
16Jajmony ko ojts ja Jacob jyä'ty, ënät ojts ja Lea tjëjpaatë'ëky ja Jacob ets t'ënëmaay:
Tyam ya'atë koots ëjts ënät xymyëëtma'ajëp, jä'ä ko tëë npëjktsoy mëët ja ujtstëëm mëti'ipës ja nmaank të tmëja'tyën, mëti'ipë yajtijpën amëxan mandrágoras.
Jä'ä koots yë Jacob ojts mëët myä'äy yë Lea. 17Ënet yë Lea ojts yë mëmëkoxkpë y'u'unk tyajja'ty naaxwiiny, jä'ä ko tëë ënety yë Dios myëto'owxëty yë nyu'kxtakën, ënät y'ënäny: Dios yë nnu'kxtakënës të xymyëtoowë. 18Yë Lea jëtu'un ojts y'ënä'äny: Ya'atë u'unk ja txëëwatëty Isacar, jä'ä ko Dios jëtu'un të xykyumayës mëëtkyëjxm koos ntuunpë të nkë'ëyäky ma Jacobën.
19Ënet ojts yë Lea myëtëtujk u'unk tyajminy tyajja'ty naaxwiiny 20ets y'ënäny: Tiosës yë mëj kuma'ayën të xymyo'oy, e tyam ënät yë nye'etyëjkës ni'ikyë xytyoka'anyës, mëtëtujkës yë u'unk ntuk'ixy, paaty jëtu'un ya'atë pi'k u'unk jä'ä txëëwata'any Zabulón.
21Ënet ojts yë Lea tjaakyajminy tjaakyajja'ty tu'uk yë y'u'unk to'oxytyëjkpë, jä'ä tukxëëwajty Dina. 22E yë Dios ko tja'amyejtsy yë Raquel ets ko ënety yë nyu'kxtakën të tmëtoowë, ënät ojts t'a'ixë ets Raquel tu'uk yë u'unk tyajminëty naaxwiiny. 23Ko ojts ëka'any mëët tu'uk yë u'unk tyajminy naaxwiiny, ënät ojts y'ënä'äny: Tiosës të xytyukniwa'atsy ja tsëtyu'unën, koos ka'ap yë u'unk nmëëtëty. 24Ko jeexyë Dios t'ëk'a'ixë, tääjës jeexyë tu'uk xyjyaakmo'oy. Tääts ojts txëëwmo'oy José.
Yë Jacob yë wyin'äts winma'any tyajnikëxë'ëky ma Labankën
25Tëë ënety yë Raquel yë y'u'unk myääy tyajmëxu'unk'aty, mëti'ipë pyëjktaktën yë xyëëw José, ko ja Jacob t'ënëmaay yë Labán:
Ëxmajtskës, tyam wä'änës n'ëknëjkxy maas ja nnaax nkajpnën. 26Mooykyës ja n'u'unk nto'oxytyëjk, yë'ëjës të nituny, koos të ntuny të n'ëyoy ma mijtsën. Mijts wa'ats xynyijawë, wi'ix mëj këjää të mputëkën.
27E ja Labán tyaa ja ojts y'ëtsoy:
Wë'ëm yaa maas yë njëën ntëjkën, tun yë mëyajtën, tëës nijawë mëët yë nkë'ëmjot nkë'ëmwinma'anyës ko yë Dios mëj këjää të xykyënu'kxyës mëët mijtskyëjxm. 28Nëmaaykyës jënu'un myajmëjuyä'äny, tääts nmëjuyëty.
29Ënet yë Jacob y'ëtsooy:
Mijts wa'ats xynyijawë, wi'ix të nmëëtunyën ets wi'ix yë mjëyujk mtsajpkaa të nkëwent'ajtëmën oy tsuj. 30Koos yaa nmiiny nja'ajty wäänë ënety winë xymyëët'aty, e tyam ix jënu'un të nyimayënë. Tää ënät yaj'ixy, ko Dios jëtu'un kyënu'kxën të tyajkëtä'äky ma mijtsën, e yë'ëjës ënät tyam nyajtëëpy, jëna'ajës yë nkë'ëmtuunk nyajtso'onta'akëty mëti'ipës yë n'u'unk n'ëna'k ntuk'ixëpën.
31Tä ja Labán ni'ikë y'ënaan'ëtë'ëtsy:
¿Nu'unxën xytsyoky ets nmëjuyëty?
Tä ja Jacob y'ëtsooy:
Ka'apës ntsoky xymyëjuyëty, nikë minës yë mkupixyny n'ëkjaakëwent'aty, e ënät pën mkupëjkpy, mëti'ipë yam ntuk'ënëëmëjäämpyën. 32Ëxmajtskës etsës ntukjëtitëty ma ja mtsajppax ets mkupixyny tyänëtën, minës ëpëky n'ëkpëjktä'äky mëti'ipëjaty ja kupixyny yëkëtyën ets tu'kë'ëyë ja tsajppax, mëti'ipë najaamëtyën ets namoxkeetsyëtyën, yë'ëtsës nmëju'uny'atëp. 33Ko mijts jëna'a min xy'ixy, mëti'ipës ënety njä'ä'ajtypyën, jää m'ëna'anëty koos ëjts ënety yë oyjyot oywyinma'any nmëët'aty e ko xypyaatëty maas ja nkemyjyotën ja tsajppax, mëti'ipë ka'ap yëkëtyën ets mëti'ipë ka'ap myoxkeetsyëtyën ets ka'apë jyaamëtyën, nme'tsypës ënety.
34Tä Labán y'ëtsooy:
Oy jyëtu'un'atëty tä m'ëna'anyën.
35E yë Labán ojts yë wyinma'any tyajwijy, paaty tjëwojptaay ja kyupixyny mëti'ipë ënety jaamëtyën ets moxkeetsyëtyën ets tu'kë'ëyë ja tsajppax mëti'ipë yëkëtyën, tääts tmooytyääy ja myaank. 36Jëkäm ojts twojpnëjkxy ets jëtu'un tukmëjëkämkeky ja Jacob tëkëëk xëëw ye'eyën jyëkämëty.
E yë Jacob je'eyëm jam ja tsajppax ets ja kupixyn tkëwent'aty, ja mëti'ipë ja wiinkpë jyä'ä'ajtypyën ja Labán. 37Ënet tpujxy yë kepyxye'enty tsuxkëtypë kanaakjëjp ets tnitsijky jëtu'un ijxtëm mëpaat kyëxë'ëky poop ja wyoox ma kepyën. 38-39Ënet tpëjktäky ja kepyxye'enty tsikyëtypë winkon ma ja tsajppaxën ets ja kupixynyëty tyänëtën, ma ënety nyëë'uuktën. Jam ja yä'äyëtpyë mëët ja to'oxyëtypë nyämyukëtë, e ko ja y'u'unkëty myëxu'unk'atë jaamëty pyëtsëmtë, aak moxkeetsyëty ets aak yëkëty. 40Ënet yë Jacob ënätyë ëpëky tpëjktäky ets t'awojpmuky ma ja Labán jam ja jyä'ä tyänëtën. Jëtu'un ja Jacob ojts ja kyë'ëm jëyujk t'ixkukë, ko ënety tukpuwojptu'uty ja Labán ja jyä'ä. 41Ko ja jëyujk ja ni'kxëtypë nyämyukëtë, ënätyë ijty ja Jacob tpëjktä'äky ja kepynyitsiky ma jam ja jëyujk nyëë'uuktën, jëtu'unts t'ixtë ja kepynyitsiky ma jam nyämyukëtën. 42E ko ënety myintë ja jëyujk mëti'ipë xyëëpëtyën, yë Jacob ka'ap tpëjktä'äky ja kepynyitsiky, paaty ja jëyujkëty mëti'ipë xyëëpëtyën, jä'ä ja Labán jyä'ä'ajtyp, e ja mëti'ipë ni'kxëtyën jä'ä ja Jacob jyä'ä'ajtyp. 43Jëtu'un ojts ja Jacob myëkja'aytyä'äky, nimay ojts tmëët'aty ja tsajppax kupixyny ets tuumpëtëjk ye'etyëjk to'oxytyëjkpë, jëyujk jëku'uxëty ets kruktsëty.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.