Juan 20
20
Sak'wi ja Jesusi
(Mt 28:1-10; Mr 16:1-8; Lc 24:1-12)
1Sajto lek ja sakb'el domingo, mitox sakb'i waj ja Maria sb'a Magdala b'a k'e'en mukji ja Jesusi. Yajni mojxi ochi, ti yila mixa makanuk ja sti' ja k'e'eni, ja ton makan sok ajyi, elel xa. 2Ja'yuj ti waj ajnel ja b'a'ye ja Simon Pedro sok ja sneb'uman it jel yaj sk'ujol ja Jesusi, ti yal yabye'a: —Ja skwerpo ja Kajwaltiki, ya'we eluk ja b'a k'e'en a'ji kani, jaxa ya'n mix na'atik b'a ya'oj je'a—
3-4Jaxa Pedro sok ja Juani, ti wajye ajnel waj yil'e ja k'e'en b'a kan mukan ja skwerpo ja Jesusi. Yuj ja ajnel lek waj ja Juani, ja'yuj ye'n b'ajtan k'ot b'a k'e'en yuj ja Pedro. 5Ko' nujan sk'ela ja yoj k'e'eni, kechan yila ti pakan ja k'u'utsi, jasa, mi och ja b'a yojoli. 6Tsa'an t'usan k'ot ja Pedro, ja ye'n och ja b'a yoj k'e'eni. Kechani cho ja' ti yila pakan ja k'u'utsi, 7mi kechanuka, ja k'u'uts it makuni b'a b'ech'ji sok ja s'olom ja Jesusi, mixa b'ech'anuk sb'aj spakata kani pilanxa b'a kajana. 8Jaxa Juani, ti cho och ja ye'n b'a k'e'eni, yajni yila spetsanil ja jas ch'akta ek'uki, ti'xa sk'u'ana. 9B'ajtan yuj ja jawi, mi yabye sb'ej ja sneb'uman jumasa ja jas yala b'a ts'ijb'anub'al ja yab'al ja Dyosi, yuj ja it yala ja Jesús ojni sak'wuki. 10Ja'yuj ja Pedro sok ja Juani, ti'xa kumxi ye b'a snaje'a.
Ja Jesusi, sje'a sb'aj yi ja Maria sb'a Magdala
(Mr 16:9-11)
11Ja Maria ti och ok' b'a ti' k'e'eni. Yajni wa'n ok'eli, ti ko' nujan sk'ela ja yoj k'e'eni, 12ti yila chab' anjel ti kulane tiwi, ja sk'u' lapan yujile'i sak lek. Ja juni ti kulan b'a stojol ajyi ja s'olom ja Jesusi, jaxa juni ti kulan b'a stojol ajyi ja yok jumasa. 13Ja anjel jumasa sjob'owe yi' ja Maria:
—Nana, ¿Jas lom wa'na ok'el b'a? —xchi ja anjeli.
Jaxa Maria ti yala'a:
—Yuj ja mix na'a ma yi'aj ja skwerpo ja Kajwali, mix na'a b'a waj ya'e kana, —xchi ja Maria.
14Kechan ja ch'ak yal jachuki, ti sutu sb'aj ja, ti yila ja Jesusi, jasa, mi sna'a sb'aj ta yuj ye'na. 15Ti alji yab' yuj ja Jesusi:
—Nana, ¿Jasyuj wala ok' b'a? ¿Machunk'a waxa le'a b'a?
Ja Maria ek' sk'ujol yuj ja wa'n lo'il sok ja ma' wa'n stalnajel ja maka ja b'a'y ja sk'ejnal ja Jesusi. Ja'yuj ti yal yab'a:
—Tata, yuj k'a we'n wa eluk ja skwerpo ja Kajwal it ti ajyi b'a k'e'en iti, ala kab' b'a a wa'oj ja, b'a jach' ti oj waj le' tiw ja ke'n.
16Ti alji yab' yuj ja Jesusi:
—Maria.
Jaxa Maria ti sutu sb'aja, ti yal yab'a:
—Je'uman—
17Ti alji yab' yuj ja Jesusi:
—Mok a yamon mito la wajyon b'a lajan oj ajyukon sok ja jtati. Kechan kax al yab' ja jneb'uman jumasa, yujni oj waj jta' ja jtata, cho a Tatex ni ja we'nlexi. Ye'n Dyos kuj ja ke'n cho jach'ni ja we'nlexi, ye'nani a Dyosexa.
18Jaxa Maria sb'a Magdala ti waj yal yab' ja sneb'uman jumasa, jastal yilata ja Kajwaltiki, ch'ak yal spetsanil ja jas ch'ak aljuk yab'i.
Ja Jesusi, sje'a sb'aj yi ja sneb'uman jumasa
(Mt 28:16-20; Mr 16:14-18; Lc 24:36-49)
19Ja b'a yoj a'kwal domingo, ti stsomonej sb'aje ja sneb'uman jumasa b'a jun na'its. Ja pwerta b'a na'its jawi, lutan lek yuj ja jel wax xiwye ja sneb'uman ja Kajwaltik yuj ja ma'tik ay ya'tel yuj ja judio jumasa. Jaxa Jesusi, och ja b'a'ye'i, ti och tek'an b'a snalane, ti alji yab' ye'a laman ajyanik: —Ja Dyosi, jel lek wax yilawex, cho laman oj ya' ajyanik, xchi ja Jesusi.
20Tsa'an ti sje'a ja sk'ab' sok ja sxa'axi, jaxa sneb'uman jumasa, jel gusto axiye ja yajni yilawe ja Kajwaltiki. 21Jaxa Jesusi, cho yala yab' ye otro bwelta laman ajyanik: —Jastal sjekawon ja jtat ja ke'n, jach' oj cho jek ex jastal jaw ja ke'n—.
22Ti'xta'a sju'u ja b'a'ye'i, ti yal yabye'a: —I'ajik ja Espiritu Santo. 23Ja we'nlexi, yuj k'a mixa wa'wex stup ja smul ja wa mojexi, jach'ni ja we'nlexi, mi oj ya'a tup wa mulex ja Dyosi. Yuj k'a waxa wa'wex stup ja smul wa mojexi, jach'ni ja we'nlexi, ojni ya'a tup ex ja Dyosi—.
Ja Jesús sok ja Tomasi
24Ja Tomasi, ja'ni june ja lajchawe sneb'uman jumasa ja Jesús it wax alji sb'aj loji, mi ti'uk ay sok ja smoj jumasa, ja yajni sje'a sb'aj ja Jesusi. 25Yajni k'ot ja Tomasi, ti alji yab' yuj ja tuk sneb'uman jumasa:
—Kilatikonta ja Kajwaltiki—
Jaxa ye'n ti yala'a:
—Ja jas waxa walawex kab'i, mitoni t'un oj k'u'uka, man oj kil ja syajb'el ja sk'ab' b'a och ja klabo jumasa, oj jch'ik ja yal jk'ab'i, sok oj ka' kajan ja jk'ab' b'a sxa'ax yajb'eli.
26Ek' waxake k'ak'u, ja sneb'uman jumasa ja Jesusi, ti cho tsomane b'a na'its b'a k'ajyel ni wa stsomo sb'aje'i. Ja k'ak'u jawi, tey soke ja Tomasi. Ja pwerta b'a na'itsi, lutan lek, jaxa Jesusi ochi, ti och tek'an b'a snalane, ti yala'a: —Dyos oj skoltayex, laman ajyanik, xchi ja Jesusi.
27Tsa'an ti yal yab' ja Tomasi:
—K'elawil ja jk'ab' jumasa sok ja jxa'axi, ch'ikakitik ja yala k'ab' ja b'a jyajb'el jumasa. Mok jas ek' a k'ujol Tomas mas lek ja k'u'ani, —x'utji yuj ja Jesusi.
28Ti yala ja Tomasi:
—We'n a b'ajon sok we'n Dyosa kuj, xchi ja Tomasi.
29Ti alji yab' yuj ja Jesusi:
—¿Ja' k'u'an yuj ja wilawoni? —Jel lek oj yil'e ja ma' wa sk'u'anon sok mix yilawone'i—
Yuj ja ts'ijb'axi ja ju'un iti
30B'a sti' sat ja sneb'uman jumasa, ayto jas jel jitsan sk'u'lan ja Jesús mixa ts'ijb'axi kan b'a ju'un iti. 31Jaxa jastik wax yala ja ili, ts'ijb'axi, ja' b'a oj a k'u'ukex ja we'nlex ja Jesusi, cho ye'nani ja Mesias yunin ja Dyosi, b'a jachuk sok ja yip ye'n oj ja ta'ex ja wa sak'anilex b'a mi nunka oj ch'akuki.
Currently Selected:
Juan 20: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Juan 20
20
Sak'wi ja Jesusi
(Mt 28:1-10; Mr 16:1-8; Lc 24:1-12)
1Sajto lek ja sakb'el domingo, mitox sakb'i waj ja Maria sb'a Magdala b'a k'e'en mukji ja Jesusi. Yajni mojxi ochi, ti yila mixa makanuk ja sti' ja k'e'eni, ja ton makan sok ajyi, elel xa. 2Ja'yuj ti waj ajnel ja b'a'ye ja Simon Pedro sok ja sneb'uman it jel yaj sk'ujol ja Jesusi, ti yal yabye'a: —Ja skwerpo ja Kajwaltiki, ya'we eluk ja b'a k'e'en a'ji kani, jaxa ya'n mix na'atik b'a ya'oj je'a—
3-4Jaxa Pedro sok ja Juani, ti wajye ajnel waj yil'e ja k'e'en b'a kan mukan ja skwerpo ja Jesusi. Yuj ja ajnel lek waj ja Juani, ja'yuj ye'n b'ajtan k'ot b'a k'e'en yuj ja Pedro. 5Ko' nujan sk'ela ja yoj k'e'eni, kechan yila ti pakan ja k'u'utsi, jasa, mi och ja b'a yojoli. 6Tsa'an t'usan k'ot ja Pedro, ja ye'n och ja b'a yoj k'e'eni. Kechani cho ja' ti yila pakan ja k'u'utsi, 7mi kechanuka, ja k'u'uts it makuni b'a b'ech'ji sok ja s'olom ja Jesusi, mixa b'ech'anuk sb'aj spakata kani pilanxa b'a kajana. 8Jaxa Juani, ti cho och ja ye'n b'a k'e'eni, yajni yila spetsanil ja jas ch'akta ek'uki, ti'xa sk'u'ana. 9B'ajtan yuj ja jawi, mi yabye sb'ej ja sneb'uman jumasa ja jas yala b'a ts'ijb'anub'al ja yab'al ja Dyosi, yuj ja it yala ja Jesús ojni sak'wuki. 10Ja'yuj ja Pedro sok ja Juani, ti'xa kumxi ye b'a snaje'a.
Ja Jesusi, sje'a sb'aj yi ja Maria sb'a Magdala
(Mr 16:9-11)
11Ja Maria ti och ok' b'a ti' k'e'eni. Yajni wa'n ok'eli, ti ko' nujan sk'ela ja yoj k'e'eni, 12ti yila chab' anjel ti kulane tiwi, ja sk'u' lapan yujile'i sak lek. Ja juni ti kulan b'a stojol ajyi ja s'olom ja Jesusi, jaxa juni ti kulan b'a stojol ajyi ja yok jumasa. 13Ja anjel jumasa sjob'owe yi' ja Maria:
—Nana, ¿Jas lom wa'na ok'el b'a? —xchi ja anjeli.
Jaxa Maria ti yala'a:
—Yuj ja mix na'a ma yi'aj ja skwerpo ja Kajwali, mix na'a b'a waj ya'e kana, —xchi ja Maria.
14Kechan ja ch'ak yal jachuki, ti sutu sb'aj ja, ti yila ja Jesusi, jasa, mi sna'a sb'aj ta yuj ye'na. 15Ti alji yab' yuj ja Jesusi:
—Nana, ¿Jasyuj wala ok' b'a? ¿Machunk'a waxa le'a b'a?
Ja Maria ek' sk'ujol yuj ja wa'n lo'il sok ja ma' wa'n stalnajel ja maka ja b'a'y ja sk'ejnal ja Jesusi. Ja'yuj ti yal yab'a:
—Tata, yuj k'a we'n wa eluk ja skwerpo ja Kajwal it ti ajyi b'a k'e'en iti, ala kab' b'a a wa'oj ja, b'a jach' ti oj waj le' tiw ja ke'n.
16Ti alji yab' yuj ja Jesusi:
—Maria.
Jaxa Maria ti sutu sb'aja, ti yal yab'a:
—Je'uman—
17Ti alji yab' yuj ja Jesusi:
—Mok a yamon mito la wajyon b'a lajan oj ajyukon sok ja jtati. Kechan kax al yab' ja jneb'uman jumasa, yujni oj waj jta' ja jtata, cho a Tatex ni ja we'nlexi. Ye'n Dyos kuj ja ke'n cho jach'ni ja we'nlexi, ye'nani a Dyosexa.
18Jaxa Maria sb'a Magdala ti waj yal yab' ja sneb'uman jumasa, jastal yilata ja Kajwaltiki, ch'ak yal spetsanil ja jas ch'ak aljuk yab'i.
Ja Jesusi, sje'a sb'aj yi ja sneb'uman jumasa
(Mt 28:16-20; Mr 16:14-18; Lc 24:36-49)
19Ja b'a yoj a'kwal domingo, ti stsomonej sb'aje ja sneb'uman jumasa b'a jun na'its. Ja pwerta b'a na'its jawi, lutan lek yuj ja jel wax xiwye ja sneb'uman ja Kajwaltik yuj ja ma'tik ay ya'tel yuj ja judio jumasa. Jaxa Jesusi, och ja b'a'ye'i, ti och tek'an b'a snalane, ti alji yab' ye'a laman ajyanik: —Ja Dyosi, jel lek wax yilawex, cho laman oj ya' ajyanik, xchi ja Jesusi.
20Tsa'an ti sje'a ja sk'ab' sok ja sxa'axi, jaxa sneb'uman jumasa, jel gusto axiye ja yajni yilawe ja Kajwaltiki. 21Jaxa Jesusi, cho yala yab' ye otro bwelta laman ajyanik: —Jastal sjekawon ja jtat ja ke'n, jach' oj cho jek ex jastal jaw ja ke'n—.
22Ti'xta'a sju'u ja b'a'ye'i, ti yal yabye'a: —I'ajik ja Espiritu Santo. 23Ja we'nlexi, yuj k'a mixa wa'wex stup ja smul ja wa mojexi, jach'ni ja we'nlexi, mi oj ya'a tup wa mulex ja Dyosi. Yuj k'a waxa wa'wex stup ja smul wa mojexi, jach'ni ja we'nlexi, ojni ya'a tup ex ja Dyosi—.
Ja Jesús sok ja Tomasi
24Ja Tomasi, ja'ni june ja lajchawe sneb'uman jumasa ja Jesús it wax alji sb'aj loji, mi ti'uk ay sok ja smoj jumasa, ja yajni sje'a sb'aj ja Jesusi. 25Yajni k'ot ja Tomasi, ti alji yab' yuj ja tuk sneb'uman jumasa:
—Kilatikonta ja Kajwaltiki—
Jaxa ye'n ti yala'a:
—Ja jas waxa walawex kab'i, mitoni t'un oj k'u'uka, man oj kil ja syajb'el ja sk'ab' b'a och ja klabo jumasa, oj jch'ik ja yal jk'ab'i, sok oj ka' kajan ja jk'ab' b'a sxa'ax yajb'eli.
26Ek' waxake k'ak'u, ja sneb'uman jumasa ja Jesusi, ti cho tsomane b'a na'its b'a k'ajyel ni wa stsomo sb'aje'i. Ja k'ak'u jawi, tey soke ja Tomasi. Ja pwerta b'a na'itsi, lutan lek, jaxa Jesusi ochi, ti och tek'an b'a snalane, ti yala'a: —Dyos oj skoltayex, laman ajyanik, xchi ja Jesusi.
27Tsa'an ti yal yab' ja Tomasi:
—K'elawil ja jk'ab' jumasa sok ja jxa'axi, ch'ikakitik ja yala k'ab' ja b'a jyajb'el jumasa. Mok jas ek' a k'ujol Tomas mas lek ja k'u'ani, —x'utji yuj ja Jesusi.
28Ti yala ja Tomasi:
—We'n a b'ajon sok we'n Dyosa kuj, xchi ja Tomasi.
29Ti alji yab' yuj ja Jesusi:
—¿Ja' k'u'an yuj ja wilawoni? —Jel lek oj yil'e ja ma' wa sk'u'anon sok mix yilawone'i—
Yuj ja ts'ijb'axi ja ju'un iti
30B'a sti' sat ja sneb'uman jumasa, ayto jas jel jitsan sk'u'lan ja Jesús mixa ts'ijb'axi kan b'a ju'un iti. 31Jaxa jastik wax yala ja ili, ts'ijb'axi, ja' b'a oj a k'u'ukex ja we'nlex ja Jesusi, cho ye'nani ja Mesias yunin ja Dyosi, b'a jachuk sok ja yip ye'n oj ja ta'ex ja wa sak'anilex b'a mi nunka oj ch'akuki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021