Lucas 10
10
Ja ox tajb'e lajchawe neb'umani
1Tsa'an ja Jesusi, sjeka ja ox tajb'e lajchawe (72) sneb'uman jumasa, b'a kada chonab' sjeka cha'tike ja b'a ojto ek'uk ja ye'ni. 2Ti yala ja Jesusi:
—Jel jitsan ja ma' wa sk'ana oj sk'u'uk ja yab'al ja Dyosi, jasa jel t'usan ja choluman ja yab'al ja Dyosi. Ja'yuj k'anawik yi ja Dyos a sjek jan ki mas neb'uman jumasa, b'a jach' oj waj yal'e' yab' ja kristyano jumasa ja yab'al ja Dyosi. 3Ja ya'n ka'axik; kechan talna lek a b'ajex, yuj ja lajan sok jach' jastal ma' wa sjeka yal chej b'a sk'e'en ja ok'il jumasa.
4—Mok a wi' a tak'inex, mini a nuti'ex, mini a xanab'ex, ta ay k'a ma wax ya'wex tek'an ja b'a b'eji, mok tek'ananik. 5Ja na'its b'a oj koltananiki, a'wik yi dyos spetsanil ja ma' tey tiwi, k'anawik yi ja Dyos a ek' yujile lek. 6Jaxa kristyano, ta wan k'a sk'ana ja slekilale'i, ja jas oj ja wal ja we'nlexi ojni k'ot smeranila; kechanta yuj k'a mi sk'anawe, mini jas oj b'ob' a k'u'lukex ja we'nlexa. 7Mok a wi'ex chol ja na'its jumasa. Ti la ajyiyex b'a jun ita na'its, ja jas oj a'ji a wabyexi ab'anik yuj ja ma wax a'tiji sb'ejni wax tupji'a.
8—Ta yuj k'a och yex b'a jun chonab' wan k'a la i'jiyex lek, ab'anik ja jas oj a'juk a wi'exi, 9ja ma' mi lek ayi a'wik tojb'uk, cho alawik yab'i, ja jas wa'n yaljel ja Dyosi jelxa mojan ay. 10Kechan ta yuj ochyex b'a jun chonab' mik'a la i'jiyex lek elanik b'a kaye tixa walawex yabye'a: 11—Sok ja we'nlexi mi jas ki'ojtikon a mokex, ja'yuj asta ja sts'ub'il slujmal wa chonab'ilex yi'oj ja koktikoni oj tsijuktikon kan lek. Kechan na'awik lek ja iti: ja jas wax yala ja Dyosi jelxa mojan ay—. 12Oj kala wabyex ja smeranili, ja k'ak'u oj sk'el ja Dyos b'a lek sok b'a mi leki, mas tsats oj ja wi'ex ja wokol ja we'nlex yuj ja jastal yi'aje ja swinkil ja Sodoma, —xchi ja Jesusi.
Ja ma'tik mi sk'u'ani
(Mt 11:20-24)
13Ti cho yala ja Jesusi:
—Swinkil jumasa b'a chonab' Corazin sok b'a Betsaida, jel wokol oj ek'uk a wujilex ja we'nlexi, ja milagro jumasa jk'u'lan a wi'exi, ja lek ja'ukto k'u'lyi'e ja swinkil ja chonab' jumasa b'a Tiro sok b'a Sidoni, ayxa k'ak'u sutxita ja sk'ujole'a, jasyuj ja sk'u' wa slapawe ajyi lajan sok jastal koxtal sok wa stikawe yi ta'an ja s'olome'i b'a jach' wax na'xi ke sutxita jas sk'ujole'i. 14Oj kala wabyex ja smeranili, ja k'ak'u oj sk'el ja Dyos b'a lek sok b'a mi lekuki, mas jel tsats oj a wi'ex ja wokol ja we'nlex ke yuj ja ye'nle'i.
15Swinkil jumasa b'a chonab' Cafernaum, ¿wa'n maxa walawex jel lek oj i'janik ja b'a satk'inali? Miyuk, ti oj jip janik ja b'a jel tsats ja wokoli.
16Ja Jesusi, ti yal yab' ja sneb'uman jumasa: Chikan ma' oj sk'an oj smakla ja jas oj ja wal'exi, lajan sok ke'nani wa smaklayone'a, jaxa ma mi skisawexi; ke'nani mix kisawone'a, jaxa ma' mi skisawon ja ke'n cho mini skisa ja Dyos ma' sjekawon koni.
Kumxi ja neb'uman jumasa
17Ja ox tajb'e lajchawe (72) sneb'uman jumasa ja Jesús, it sjeka, jel gusto kumxiye, ti yalawe'a:
—Kajwal, asta ja tantik pukuji, kechan ja wax ta'atikon ti ja wa b'i'ili, wani sk'u'an ja kab'altikona, —xchiye.
18Ti yala ja Jesusi:
—Ja k'en kila, ja tan pukuji, jach' wan mok'el kon b'a satk'inal jastal wax lijpi jun chawuk. 19Ke'n ka' oj ja wipex, b'a mi jas oj sk'uluk a wi'ex ja tan b'its'il chan sok ja tsek jumasa we'n oj ja k'ulukex ganar ja tan pukuji. 20Mi ja'uk ita oj ajyanik gusto yuj wa sk'u'an ja wa wab'alex ja tan pukuji. Mas gusto oj ajyanik, yuj ja ti'xa ochel ju'un wa b'i'ilex ja b'a ju'un tey b'a satk'inali.
Ja Jesusi, stoyo ja Dyosi
(Mt 11:25-27; 13:16-17)
21Ja mismo k'ak'u jaw ja Jesusi, je gusto'axi yuj ja Espiritu Santo, ja'yuj ti yala'a:
—Tatey ajwalal b'a satk'inal, sok b'a lu'um, ts'akatal yuj ja a je'a yi' ja ma' chi'n wax ya'a sb'aj awi'i, mi ja'uk a je'a yi' ja ma wax yala jel sna'a, ts'akatal Tatey yujni jach' waxa k'ana.
22Ja Jesusi, ti yal yab' ja kristyano jumasa ma' tey soki: —Ja jtati ya'taki b'a jk'ab' spetsanil, mi ma wa sna'a b'aj ja jastal wa sna'a b'a ja ye'n jaxa ke'n yuj ja yuninoni, wanix sna'a lek sb'a ja Dyos ja Jtati ke yuj ja tuk jumasa, sok wax tsa'a ja matik oj na'e a b'a ja jastal wax na'a b'a ja ke'n.
23Yajni kanye stuch'ile ja Jesús sok ja sneb'uman jumasa, ti yal yabye'a: —Jel lek waxa wila ja we'nlex yuj ja wax ch'ak a wil'ex spetsanil ja jastik wa'n ek'el ja ya'n. 24Jitsan aluman Dyos sok niwak mandaranum jumasa wa sk'ana oj yil'e' sok oj yabye, ja jastal waxa wilawex sok waxa wabyex ja we'nlex ja ya'ni, mini b'ob' yujile' ja ye'nle'a.
Jun winik jakel b'a tuk chonab' jel lek ja jas k'ulani
25June ja ma' wa sje'a ja mandar sb'a Moisesi, jak yi' lo'il ja Jesusi, kechan ita jak sk'ul probar b'a oj yil ta oj sna' jas oj sjob' yi'i, ti yal yab'a:
—Je'uman, ¿Jasunk'a lek oj k'u'luk, b'a oj ta' jsak'anil b'a mi oj ch'akuki? —xchi.
26Ti yala ja Jesusi:
¿Wa'n a maxa na'a ja jas wax yala ja sju'un jumasa sb'a mandari?
27Ti yala ja ma' wa sje'a ja mandar sb'a Moisesi:
—Yajta jawa Dyos, sok spetsanil wa pensari, wa k'ujol sok waltsili, cho yajta ja wa moji ja jastal waxa yajta a b'aj ja we'ni, —xchi ja winiki.
28—Ti yala ja Jesusi. Lek ay. K'u'lan spetsanil ja jastal jawi, ojni a ta' ja wa sak'anil b'a mini oj ch'akuki, —xchi ja Jesusi.
29Jaxa ma' wa sje'a ja mandar it a'ji yi ja Moisesi, mi lek yab' ja jas alji yab' yuj ja Jesusi, ja'yuj ti cho sjob'o pilan majke'a:
¿Ma'chunk'a jmoj alijel b'aj?
30Jaxa Jesusi, ti yala jun senya lo'ila:
—Jun winik ti el jan b'a Jerusalen ti wajum b'a Jerico. Yajni ti wajum b'a b'eji, ti sta'a chab' oxe elk'anuma, ch'ak japjuk yi ja jastik sb'aji och mak'juk lek cham sak'an a'jikani.
31—Ja b'a b'eji, ti ek' jun pagre yuj ja judio jumasa, lajan sok yila mi yila kani toj ek'i. 32Tsa'an ti cho ek' jun yintil ja Levi, wax koltani ja b'a snajtsil ja tsomjeli; cho jach'ni ja ye'n kechan stoj xta k'ela kani, mini kisa'a.
33—Ti cho ek' jun winik swinkil Samaria ja ye'n toj tukil winik, yajni yila jastal ayi jel stalna sya'ujlal. 34Och sta' mojan, sak'a lek yi ja syajb'el sok pajal ya'lel ts'usub' sok aceite, spotso lek. Ya k'e b'a sburro yi'a och b'a jun na'its ti stalna tiwi.
35—Jaxa pilan k'ak'u yajni ojxa wajuk ja samaritenio ti ya'el chab' sat tak'in sb'i'il denario ya'yi ja swinkil na'its, ti yal yab'a: —Talnaki lek ja winik iti, ja tak'in janek' wax ka'kani, ta yuj k'a mix ya'a b'a spetsanil ja janek' oj ch'akuki, ja janek' mi oj ya'i ti oj ka'wi ja yajni la kumxiyoni, —xchi ja samaritenio.
36Yajni ch'ak yal ja jastal it ja Jesusi, ti sjob'oyi ja ma' wa sje'a ja mandar sb'a Moisesi:
—Ala kab'i, ja oxwane winike ek' b'a b'eji machunk'a yila ke smoj aljel ja ma' yajb'esji kani:
37Ja'ni ja ma' stalnan sya'ujlali, —xchi ja ma' wa sje'a ja mandar sb'a Moisesi.
Ja'yuj ti alji yab' yuj ja Jesusi.
—Ja' ni'a, jachuk ja we'n, cho k'u'lan jastal jawi, —x'utji.
Ja Marta sok ja Maria
38Yajni wajume b'a Jerusalen ja Jesús sok ja sneb'uman jumasa, ti ek' ye b'a jun yal chonab', ja tiwi tey jun ixuk sb'i'il Marta ti ya jijluk b'a snaj ja Jesusi. 39Jaxa Marta ay jun yijts'in Maria sb'i'il, ti och kulan b'a sts'e'el ja Jesusi, b'a oj smakla ja jas wa'n yaljeli. 40Jaxa Marta cham k'ujolxta ay yuj ja sk'ulajel ja swa'ele'i sok ja jas wa'n sk'u'lajel b'a yoj snaji. Ja'yuj ti yal yab' ja Jesusi:
—Kajwal, ¿sb'ej a ma waxa wab' ja jtuch'il wa'non a'tel b'a? Ala yab' ja kijts'ini a skoltayon t'unuk.
41-42Ti yala ja Jesusi:
—Marta, ¿Jas lom jex cham a k'ujol ja wa wa'teli? Ayni jas mas jel ti'lan yuj ja jawi. Ja Maria ja stsa'ata ja b'a leki sok mi ma' oj b'ob' japjuk yi' yuj.
Currently Selected:
Lucas 10: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Lucas 10
10
Ja ox tajb'e lajchawe neb'umani
1Tsa'an ja Jesusi, sjeka ja ox tajb'e lajchawe (72) sneb'uman jumasa, b'a kada chonab' sjeka cha'tike ja b'a ojto ek'uk ja ye'ni. 2Ti yala ja Jesusi:
—Jel jitsan ja ma' wa sk'ana oj sk'u'uk ja yab'al ja Dyosi, jasa jel t'usan ja choluman ja yab'al ja Dyosi. Ja'yuj k'anawik yi ja Dyos a sjek jan ki mas neb'uman jumasa, b'a jach' oj waj yal'e' yab' ja kristyano jumasa ja yab'al ja Dyosi. 3Ja ya'n ka'axik; kechan talna lek a b'ajex, yuj ja lajan sok jach' jastal ma' wa sjeka yal chej b'a sk'e'en ja ok'il jumasa.
4—Mok a wi' a tak'inex, mini a nuti'ex, mini a xanab'ex, ta ay k'a ma wax ya'wex tek'an ja b'a b'eji, mok tek'ananik. 5Ja na'its b'a oj koltananiki, a'wik yi dyos spetsanil ja ma' tey tiwi, k'anawik yi ja Dyos a ek' yujile lek. 6Jaxa kristyano, ta wan k'a sk'ana ja slekilale'i, ja jas oj ja wal ja we'nlexi ojni k'ot smeranila; kechanta yuj k'a mi sk'anawe, mini jas oj b'ob' a k'u'lukex ja we'nlexa. 7Mok a wi'ex chol ja na'its jumasa. Ti la ajyiyex b'a jun ita na'its, ja jas oj a'ji a wabyexi ab'anik yuj ja ma wax a'tiji sb'ejni wax tupji'a.
8—Ta yuj k'a och yex b'a jun chonab' wan k'a la i'jiyex lek, ab'anik ja jas oj a'juk a wi'exi, 9ja ma' mi lek ayi a'wik tojb'uk, cho alawik yab'i, ja jas wa'n yaljel ja Dyosi jelxa mojan ay. 10Kechan ta yuj ochyex b'a jun chonab' mik'a la i'jiyex lek elanik b'a kaye tixa walawex yabye'a: 11—Sok ja we'nlexi mi jas ki'ojtikon a mokex, ja'yuj asta ja sts'ub'il slujmal wa chonab'ilex yi'oj ja koktikoni oj tsijuktikon kan lek. Kechan na'awik lek ja iti: ja jas wax yala ja Dyosi jelxa mojan ay—. 12Oj kala wabyex ja smeranili, ja k'ak'u oj sk'el ja Dyos b'a lek sok b'a mi leki, mas tsats oj ja wi'ex ja wokol ja we'nlex yuj ja jastal yi'aje ja swinkil ja Sodoma, —xchi ja Jesusi.
Ja ma'tik mi sk'u'ani
(Mt 11:20-24)
13Ti cho yala ja Jesusi:
—Swinkil jumasa b'a chonab' Corazin sok b'a Betsaida, jel wokol oj ek'uk a wujilex ja we'nlexi, ja milagro jumasa jk'u'lan a wi'exi, ja lek ja'ukto k'u'lyi'e ja swinkil ja chonab' jumasa b'a Tiro sok b'a Sidoni, ayxa k'ak'u sutxita ja sk'ujole'a, jasyuj ja sk'u' wa slapawe ajyi lajan sok jastal koxtal sok wa stikawe yi ta'an ja s'olome'i b'a jach' wax na'xi ke sutxita jas sk'ujole'i. 14Oj kala wabyex ja smeranili, ja k'ak'u oj sk'el ja Dyos b'a lek sok b'a mi lekuki, mas jel tsats oj a wi'ex ja wokol ja we'nlex ke yuj ja ye'nle'i.
15Swinkil jumasa b'a chonab' Cafernaum, ¿wa'n maxa walawex jel lek oj i'janik ja b'a satk'inali? Miyuk, ti oj jip janik ja b'a jel tsats ja wokoli.
16Ja Jesusi, ti yal yab' ja sneb'uman jumasa: Chikan ma' oj sk'an oj smakla ja jas oj ja wal'exi, lajan sok ke'nani wa smaklayone'a, jaxa ma mi skisawexi; ke'nani mix kisawone'a, jaxa ma' mi skisawon ja ke'n cho mini skisa ja Dyos ma' sjekawon koni.
Kumxi ja neb'uman jumasa
17Ja ox tajb'e lajchawe (72) sneb'uman jumasa ja Jesús, it sjeka, jel gusto kumxiye, ti yalawe'a:
—Kajwal, asta ja tantik pukuji, kechan ja wax ta'atikon ti ja wa b'i'ili, wani sk'u'an ja kab'altikona, —xchiye.
18Ti yala ja Jesusi:
—Ja k'en kila, ja tan pukuji, jach' wan mok'el kon b'a satk'inal jastal wax lijpi jun chawuk. 19Ke'n ka' oj ja wipex, b'a mi jas oj sk'uluk a wi'ex ja tan b'its'il chan sok ja tsek jumasa we'n oj ja k'ulukex ganar ja tan pukuji. 20Mi ja'uk ita oj ajyanik gusto yuj wa sk'u'an ja wa wab'alex ja tan pukuji. Mas gusto oj ajyanik, yuj ja ti'xa ochel ju'un wa b'i'ilex ja b'a ju'un tey b'a satk'inali.
Ja Jesusi, stoyo ja Dyosi
(Mt 11:25-27; 13:16-17)
21Ja mismo k'ak'u jaw ja Jesusi, je gusto'axi yuj ja Espiritu Santo, ja'yuj ti yala'a:
—Tatey ajwalal b'a satk'inal, sok b'a lu'um, ts'akatal yuj ja a je'a yi' ja ma' chi'n wax ya'a sb'aj awi'i, mi ja'uk a je'a yi' ja ma wax yala jel sna'a, ts'akatal Tatey yujni jach' waxa k'ana.
22Ja Jesusi, ti yal yab' ja kristyano jumasa ma' tey soki: —Ja jtati ya'taki b'a jk'ab' spetsanil, mi ma wa sna'a b'aj ja jastal wa sna'a b'a ja ye'n jaxa ke'n yuj ja yuninoni, wanix sna'a lek sb'a ja Dyos ja Jtati ke yuj ja tuk jumasa, sok wax tsa'a ja matik oj na'e a b'a ja jastal wax na'a b'a ja ke'n.
23Yajni kanye stuch'ile ja Jesús sok ja sneb'uman jumasa, ti yal yabye'a: —Jel lek waxa wila ja we'nlex yuj ja wax ch'ak a wil'ex spetsanil ja jastik wa'n ek'el ja ya'n. 24Jitsan aluman Dyos sok niwak mandaranum jumasa wa sk'ana oj yil'e' sok oj yabye, ja jastal waxa wilawex sok waxa wabyex ja we'nlex ja ya'ni, mini b'ob' yujile' ja ye'nle'a.
Jun winik jakel b'a tuk chonab' jel lek ja jas k'ulani
25June ja ma' wa sje'a ja mandar sb'a Moisesi, jak yi' lo'il ja Jesusi, kechan ita jak sk'ul probar b'a oj yil ta oj sna' jas oj sjob' yi'i, ti yal yab'a:
—Je'uman, ¿Jasunk'a lek oj k'u'luk, b'a oj ta' jsak'anil b'a mi oj ch'akuki? —xchi.
26Ti yala ja Jesusi:
¿Wa'n a maxa na'a ja jas wax yala ja sju'un jumasa sb'a mandari?
27Ti yala ja ma' wa sje'a ja mandar sb'a Moisesi:
—Yajta jawa Dyos, sok spetsanil wa pensari, wa k'ujol sok waltsili, cho yajta ja wa moji ja jastal waxa yajta a b'aj ja we'ni, —xchi ja winiki.
28—Ti yala ja Jesusi. Lek ay. K'u'lan spetsanil ja jastal jawi, ojni a ta' ja wa sak'anil b'a mini oj ch'akuki, —xchi ja Jesusi.
29Jaxa ma' wa sje'a ja mandar it a'ji yi ja Moisesi, mi lek yab' ja jas alji yab' yuj ja Jesusi, ja'yuj ti cho sjob'o pilan majke'a:
¿Ma'chunk'a jmoj alijel b'aj?
30Jaxa Jesusi, ti yala jun senya lo'ila:
—Jun winik ti el jan b'a Jerusalen ti wajum b'a Jerico. Yajni ti wajum b'a b'eji, ti sta'a chab' oxe elk'anuma, ch'ak japjuk yi ja jastik sb'aji och mak'juk lek cham sak'an a'jikani.
31—Ja b'a b'eji, ti ek' jun pagre yuj ja judio jumasa, lajan sok yila mi yila kani toj ek'i. 32Tsa'an ti cho ek' jun yintil ja Levi, wax koltani ja b'a snajtsil ja tsomjeli; cho jach'ni ja ye'n kechan stoj xta k'ela kani, mini kisa'a.
33—Ti cho ek' jun winik swinkil Samaria ja ye'n toj tukil winik, yajni yila jastal ayi jel stalna sya'ujlal. 34Och sta' mojan, sak'a lek yi ja syajb'el sok pajal ya'lel ts'usub' sok aceite, spotso lek. Ya k'e b'a sburro yi'a och b'a jun na'its ti stalna tiwi.
35—Jaxa pilan k'ak'u yajni ojxa wajuk ja samaritenio ti ya'el chab' sat tak'in sb'i'il denario ya'yi ja swinkil na'its, ti yal yab'a: —Talnaki lek ja winik iti, ja tak'in janek' wax ka'kani, ta yuj k'a mix ya'a b'a spetsanil ja janek' oj ch'akuki, ja janek' mi oj ya'i ti oj ka'wi ja yajni la kumxiyoni, —xchi ja samaritenio.
36Yajni ch'ak yal ja jastal it ja Jesusi, ti sjob'oyi ja ma' wa sje'a ja mandar sb'a Moisesi:
—Ala kab'i, ja oxwane winike ek' b'a b'eji machunk'a yila ke smoj aljel ja ma' yajb'esji kani:
37Ja'ni ja ma' stalnan sya'ujlali, —xchi ja ma' wa sje'a ja mandar sb'a Moisesi.
Ja'yuj ti alji yab' yuj ja Jesusi.
—Ja' ni'a, jachuk ja we'n, cho k'u'lan jastal jawi, —x'utji.
Ja Marta sok ja Maria
38Yajni wajume b'a Jerusalen ja Jesús sok ja sneb'uman jumasa, ti ek' ye b'a jun yal chonab', ja tiwi tey jun ixuk sb'i'il Marta ti ya jijluk b'a snaj ja Jesusi. 39Jaxa Marta ay jun yijts'in Maria sb'i'il, ti och kulan b'a sts'e'el ja Jesusi, b'a oj smakla ja jas wa'n yaljeli. 40Jaxa Marta cham k'ujolxta ay yuj ja sk'ulajel ja swa'ele'i sok ja jas wa'n sk'u'lajel b'a yoj snaji. Ja'yuj ti yal yab' ja Jesusi:
—Kajwal, ¿sb'ej a ma waxa wab' ja jtuch'il wa'non a'tel b'a? Ala yab' ja kijts'ini a skoltayon t'unuk.
41-42Ti yala ja Jesusi:
—Marta, ¿Jas lom jex cham a k'ujol ja wa wa'teli? Ayni jas mas jel ti'lan yuj ja jawi. Ja Maria ja stsa'ata ja b'a leki sok mi ma' oj b'ob' japjuk yi' yuj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021