Lucas 2
2
Manxi ja Jesusi
(Mt 1:18-25)
1Chab' oxe k'ak'u sk'ana oj manxuk ja Jesusi, ti yala ja niwan mandaranum Agusto Cesari, oj och ju'un spetsanil ja kristyano, b'a slechanal ja slujmal ja Roma. 2Ja k'ak'u jumasa jawi ye'n mandaranum ay ja Quirinio, sb'a Siria, ye'n yala oj kuluk ja sb'ajtanil ochel ju'un jawi.
3Spetsanile jel t'ilan oj wajuke b'a schonab'il ja smoj alijele jumasa, b'a oj waj ya'we och ju'un ja sb'i'ile b'a ju'un jawi. 4Jaxa Jose ja yintil ja mandaranum Davidi, yuj ja tey b'a Nazaret ja'yuj t'ilan ti waj b'a Belen b'a waj ochuke ju'un yuj ja ti manxi tiw ja mandaranum Davidi. 5Ti waj ochuke ju'un tiw sok ja Maria smakb'en ixuki, jaxa Maria tini kuchan yuj ja niwan chamela.
6Yajni ti aye k'ot b'a Beleni, ja'xani ts'ikwi ja k'ak'u oj tojb'uk ja Maria 7yuj ja mi sta'awe majan na'its b'a oj jijluke ja a'kwal jawi, ja'yuj ti jijliye b'a snajtsil wax talnaji ja chante'i, yajni manxi ja alatsi, ja Maria spotso lek sok ja sk'ali, ti ya' b'a'an b'a wax lob'ani ja chante'i.
8Ja a'kwal jawi, ay chab' oxe talna chej, mojan b'a Beleni. 9Junta ch'ay k'ujol jun yanjel ja Dyos sje'a sb'aj, ja yijlab'i jel tsamal lijpi ja b'a'ye'i. Ja talna chej jumasa jel xiwye, 10ja anjeli ti yala'a: Mi lom la xiwyex. Ay ki'oj jas yajk'achil oj kala wabyex jelni tsamal oj a wabyexa: 11—Ja wa koltanumexi wantox ch'ak manxuk b'a Belen. —Ja'ni ja Kajwaltik Mesias, 12Wego oj ja na'ex sb'aj ti wa'n wayel b'a wax lob'ani chante'i, potsan lek sok ja sk'ali, —xchi ja anjeli.
13Jun ta ch'ay k'ujol sje'a sb'aj jitsan anjel ja b'a satk'inali, wa'nexta stoyjel ja Dyosi, ti wax yala ja b'a sts'eb'oje'i:
14—Ja Dyosi, jel tsamal ja jas k'u'lan ja b'a satk'inali,
jaxa b'a lu'umi laman oj ajyuk
spetsanil ja ma wa sk'u'an ja Dyosi,
xchi ja anjel jumasa jawi.
15Yajni ch'ak wajuke b'a satk'inal ja anjel jumasa, ti yala sb'aje ja talna chej jumasa: —Wajtikik b'a Belen, la waj kiltik ja jas yala kab'tik ja Dyosi, —xchiye.
16Ja'yuj ajnel jomol ch'ak wajuke b'a Belen ja talna chej jumasa, ti'ni sta'awe ja Maria sok ja Jose, sok ja yal alatsi, ti b'a'an ek' b'a wax lob'ani ja chante jumasa. 17Ti elye'a, ti ch'ak yal'e ja jas alji yabye yuj ja anjel, yuj ja b'a yal alatsi. 18Spetsanil ja ma'tik smaklan ja jas yalawe'i, jel cham jas k'ujole'i.
19Jaxa Maria jel cham sk'ujol kani, yuj ja spetsanil ja jas wa'n ek'eli, mix ch'ay sk'ujol.
20Ti'xa kumxi ja talna chej jumasa, waj stalnan ja scheje'i. Ja b'a b'eji wa'nexta stoyjel ja Dyosi, sok wa'nexta ya'jel yi ts'akatal yuj ja jas yabye'i, cho jach'ni yuj ja jas yilawe'i, spetsanil ja jas yala ja anjeli, jach'ni ch'ak k'ot smeranila, —xchiye.
21Yajni ts'ikwi waxake k'ak'u manxel ja alatsi, ti'xa kupjiyi jas sk'unila, cho ya'we sb'i'iluk Jesús. Jach'ni yalunej ja anjel ja yajni yal yab' ja Maria oj sman jun yali.
Ja Jesús sok ja Simeoni
22Yajni ek' chab' tajb'e k'ak'u (40) manxel ja Jesusi, ti'xa yi'aje och b'a snajtsil stsomjel ja Dyosi, b'a oj ya'we b'a sk'ab' ja Dyosi. 23Jach' sk'u'lane yuj ja jach'ni wax yala ja mandar it a'ji yi ja Moisesi, —Jun alats wax manxi ta kerem k'a, sb'ajni ye'n ja Dyosi. 24Ja yab'al ja Dyosi, wax cho yala t'ilan oj katik yi' smajtan ja Dyos sok chab' tortola ma chab' yal pumus.
25Ja b'a Jerusalen ja k'ak'u jawi, ay jun winik sb'i'il Simeon, ja ye'ni jel toj sok wa sk'u'an meran ja Dyosi. Wa'n smajlajel ja ma' oj jak ya' sniwanil sk'ujol ja israelenio jumasa. Ja Espiritu Santo ti'ni ay sok ja Simeoni, 26Cho alub'al yab'i mi oj chamuk, ta mik'a yila b'ajtan ja Kajwaltik Mesiasi it sk'apunej ja Dyosi.
27Ja Simeoni, julb'esji yuj ja Espiritu Santo ke a waj b'a snajtsil stsomjel ja Dyosi.
Yajni ochye ja yal alats Jesús sok ja snan stat ja b'a ja snajtsil stsomjel Dyosi, ja'ni b'a oj sk'u'luke ja jastal wax yala ja mandar it a'ji yi ja Moisesi, 28Ja Simeoni ti sk'atan tela ja yal alats Jesusi, ti och ya'yi ts'akatal ja Dyosi, ti yala'a:
29—Ja ya'an, Dyos kuj,
A'nima la chamyonxa, jekawonxa jun jk'ujol.
—K'otani smeranil ja jas a'wala'a.
30—Sok jsat ke'n
kilata ja ma' oj koltanuki,
31ja ma' a jekakon
b'a oj skoltan spetsanil ja kristyano'i.
32—Ja ye'n lajan sok jun k'ak'
oj ijlab'anuk
b'a spetsanil ja chonab' jumasa,
sok jel tsamal oj yil
jawa wuntikil israelenio, —xchi ja Simeoni.
33Jaxa Jose sok ja Maria, jel cham sk'ujole yuj ja jas yala sb'aj ja yal alats ja Simeoni.
34Ja Simeoni, ti jel tsamal och sta' ti' ja alatsi, ti yal yab' ja Maria: —ja jtatik Dyosi sjeka ja yal kerem iti, b'a oj skolta jitsan ja israelenio jumasa, cho ayni ma' oj ya' yi' wokola. Ja yajni sje'a sb'aj ja ye'n, jel jitsan ja ma' mi oj i'juk lek yuji. 35Jach' oj chiknajuk jastal ay ja sk'ujol ja kristyano jumasa. Spetsanil ja iti lajan sok jastal jun kuchilo oj sk'uts ja wa waltsil ja we'n Maria.
Ja Jesús sok ja aluman Dyos Ana
36Ja b'a snajtsil stsomjel ja Dyosi, tey jun ixuk jelxa byeja ja ye'n aluman Dyos sb'i'il Ana. Ja' stat ja Penueli, cho tey sok ja k'ole sb'a Aseri. Ja yora nupani jelto untik, jasa kechan juke jab'il ek' sok ja statami, 37Ja ya'n bi'udaxa ay, ayxa yi'oj chan tajb'e chane (84) jab'il, cho mini wa sjipakan ja snajtsil stsomjel ja Dyosi, k'ak'u a'kwal wa sk'uman wax cho stoyo ja Dyosi, wa skomo ja swa'eli, —xchi ja Simeoni.
38Jaxa Ana och jan sk'ub'an och stoy ja Dyosi, ti och yal yab' spetsanil ja kristyano ja jastal ay ja yal kerem Jesusi, yujni ja wa'ne smajlajel ja Jerusalenio b'a oj a'ji eluke libre sok ja smule'a.
39Jaxa Jose sok ja Maria yajni ch'akta sk'u'luke spetsanil ja jas wax yala ja yab'al ja Dyosi, ti'xa kumxi ye b'a Nazaret b'a schonab'il ja Galilea.
40Jaxa yal kerem Jesusi, wa'n k'iel cho jel ja yipi, sok jel ja jas wa sna'a, jaxa Dyosi, jel gusto ay sok.
Ja Jesús b'a snajtsil ja tsomjeli
41Ja Jose sok ja Maria petsanil jab'il jumasa wax wajye b'a chonab' Jerusalen yuj ja k'in b'a sya'al k'inali. 42Yajni ts'ikwi ja lajchawe jab'il yi'oj ja Jesusi, lajan xa wax waj sok ja snan stat b'a Jerusaleni.
43Jaxa yajni ek' ja k'ini, ti'xa kumxiye b'a snaje ja snan stati; mi wa sna'awe ta tikan k'ot b'a Jerusalen ja Jesusi. 44Ja Jose sok la Maria b'ejyiye jun k'ak'u, wa sna'awe ke ti wajum ja Jesús sok ja smoje jumasa, yajni waj sle'e ja b'ay ja smoj alijele jumasa sok ja ma'tik wa sna'awe sb'aji, 45mi sta'awe. Ja'yuj ti cho kumxiye man b'a Jerusalen b'a waj sle'e.
46Jaxa b'a yoxil k'ak'u ti sta'awe b'a yoj snajtsil stsomjel ja Dyos ja Jesusi, tey b'a snalane ja ma'tik wa sje'a ja mandar it a'ji yi ja Moisesi, ja ye'n wa smaklan lek sok ay jas wax cho sjob'o. 47Spetsanile ja ma wa'n smaklajeli, jel wax cham sk'ujole yuj ja jastal jel sna'a, sok ja jastal wa sutalan ja lo'il wa sjob'owe yi'i.
48Jaxa yajni yilawe ja snan stati, jel cham sk'ujole, ti yala ja snani:
—Kala al, ¿jas lom jach' a k'u'lan ki'tikon b'a? Ja ke'n sok ja wa tati jexa jle'awatikonta, sok jelxa a wa'ta cham jk'ujoltikon, —xchi ja snani.
49Ti yala ja Jesusi:
—¿Jas lom waxa le'awonex b'a? ¿Mi'ma waxa na'awex ke ti oj ajyukon b'a sna ja tat b'a?
50Jaxa ye'nle'i mi yabye sb'ej ja jas wa sk'ana yali.
51Jachuk lajanxa kumxi jan sok ja snan stat jak ye b'a Nazaret, sok was sk'u'an petsanil ja jas wax alji yab'i.
Jaxa snani jel spensaran yuj spetsanil ja jas ek'i. 52Jaxa Jesusi jel sna'a, jach'ni ja skwerpo wa'n k'i'el, ja Dyos sok spetsanil ja kristyano, jel gusto aye, sok jel wa sk'anawe.
Currently Selected:
Lucas 2: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Lucas 2
2
Manxi ja Jesusi
(Mt 1:18-25)
1Chab' oxe k'ak'u sk'ana oj manxuk ja Jesusi, ti yala ja niwan mandaranum Agusto Cesari, oj och ju'un spetsanil ja kristyano, b'a slechanal ja slujmal ja Roma. 2Ja k'ak'u jumasa jawi ye'n mandaranum ay ja Quirinio, sb'a Siria, ye'n yala oj kuluk ja sb'ajtanil ochel ju'un jawi.
3Spetsanile jel t'ilan oj wajuke b'a schonab'il ja smoj alijele jumasa, b'a oj waj ya'we och ju'un ja sb'i'ile b'a ju'un jawi. 4Jaxa Jose ja yintil ja mandaranum Davidi, yuj ja tey b'a Nazaret ja'yuj t'ilan ti waj b'a Belen b'a waj ochuke ju'un yuj ja ti manxi tiw ja mandaranum Davidi. 5Ti waj ochuke ju'un tiw sok ja Maria smakb'en ixuki, jaxa Maria tini kuchan yuj ja niwan chamela.
6Yajni ti aye k'ot b'a Beleni, ja'xani ts'ikwi ja k'ak'u oj tojb'uk ja Maria 7yuj ja mi sta'awe majan na'its b'a oj jijluke ja a'kwal jawi, ja'yuj ti jijliye b'a snajtsil wax talnaji ja chante'i, yajni manxi ja alatsi, ja Maria spotso lek sok ja sk'ali, ti ya' b'a'an b'a wax lob'ani ja chante'i.
8Ja a'kwal jawi, ay chab' oxe talna chej, mojan b'a Beleni. 9Junta ch'ay k'ujol jun yanjel ja Dyos sje'a sb'aj, ja yijlab'i jel tsamal lijpi ja b'a'ye'i. Ja talna chej jumasa jel xiwye, 10ja anjeli ti yala'a: Mi lom la xiwyex. Ay ki'oj jas yajk'achil oj kala wabyex jelni tsamal oj a wabyexa: 11—Ja wa koltanumexi wantox ch'ak manxuk b'a Belen. —Ja'ni ja Kajwaltik Mesias, 12Wego oj ja na'ex sb'aj ti wa'n wayel b'a wax lob'ani chante'i, potsan lek sok ja sk'ali, —xchi ja anjeli.
13Jun ta ch'ay k'ujol sje'a sb'aj jitsan anjel ja b'a satk'inali, wa'nexta stoyjel ja Dyosi, ti wax yala ja b'a sts'eb'oje'i:
14—Ja Dyosi, jel tsamal ja jas k'u'lan ja b'a satk'inali,
jaxa b'a lu'umi laman oj ajyuk
spetsanil ja ma wa sk'u'an ja Dyosi,
xchi ja anjel jumasa jawi.
15Yajni ch'ak wajuke b'a satk'inal ja anjel jumasa, ti yala sb'aje ja talna chej jumasa: —Wajtikik b'a Belen, la waj kiltik ja jas yala kab'tik ja Dyosi, —xchiye.
16Ja'yuj ajnel jomol ch'ak wajuke b'a Belen ja talna chej jumasa, ti'ni sta'awe ja Maria sok ja Jose, sok ja yal alatsi, ti b'a'an ek' b'a wax lob'ani ja chante jumasa. 17Ti elye'a, ti ch'ak yal'e ja jas alji yabye yuj ja anjel, yuj ja b'a yal alatsi. 18Spetsanil ja ma'tik smaklan ja jas yalawe'i, jel cham jas k'ujole'i.
19Jaxa Maria jel cham sk'ujol kani, yuj ja spetsanil ja jas wa'n ek'eli, mix ch'ay sk'ujol.
20Ti'xa kumxi ja talna chej jumasa, waj stalnan ja scheje'i. Ja b'a b'eji wa'nexta stoyjel ja Dyosi, sok wa'nexta ya'jel yi ts'akatal yuj ja jas yabye'i, cho jach'ni yuj ja jas yilawe'i, spetsanil ja jas yala ja anjeli, jach'ni ch'ak k'ot smeranila, —xchiye.
21Yajni ts'ikwi waxake k'ak'u manxel ja alatsi, ti'xa kupjiyi jas sk'unila, cho ya'we sb'i'iluk Jesús. Jach'ni yalunej ja anjel ja yajni yal yab' ja Maria oj sman jun yali.
Ja Jesús sok ja Simeoni
22Yajni ek' chab' tajb'e k'ak'u (40) manxel ja Jesusi, ti'xa yi'aje och b'a snajtsil stsomjel ja Dyosi, b'a oj ya'we b'a sk'ab' ja Dyosi. 23Jach' sk'u'lane yuj ja jach'ni wax yala ja mandar it a'ji yi ja Moisesi, —Jun alats wax manxi ta kerem k'a, sb'ajni ye'n ja Dyosi. 24Ja yab'al ja Dyosi, wax cho yala t'ilan oj katik yi' smajtan ja Dyos sok chab' tortola ma chab' yal pumus.
25Ja b'a Jerusalen ja k'ak'u jawi, ay jun winik sb'i'il Simeon, ja ye'ni jel toj sok wa sk'u'an meran ja Dyosi. Wa'n smajlajel ja ma' oj jak ya' sniwanil sk'ujol ja israelenio jumasa. Ja Espiritu Santo ti'ni ay sok ja Simeoni, 26Cho alub'al yab'i mi oj chamuk, ta mik'a yila b'ajtan ja Kajwaltik Mesiasi it sk'apunej ja Dyosi.
27Ja Simeoni, julb'esji yuj ja Espiritu Santo ke a waj b'a snajtsil stsomjel ja Dyosi.
Yajni ochye ja yal alats Jesús sok ja snan stat ja b'a ja snajtsil stsomjel Dyosi, ja'ni b'a oj sk'u'luke ja jastal wax yala ja mandar it a'ji yi ja Moisesi, 28Ja Simeoni ti sk'atan tela ja yal alats Jesusi, ti och ya'yi ts'akatal ja Dyosi, ti yala'a:
29—Ja ya'an, Dyos kuj,
A'nima la chamyonxa, jekawonxa jun jk'ujol.
—K'otani smeranil ja jas a'wala'a.
30—Sok jsat ke'n
kilata ja ma' oj koltanuki,
31ja ma' a jekakon
b'a oj skoltan spetsanil ja kristyano'i.
32—Ja ye'n lajan sok jun k'ak'
oj ijlab'anuk
b'a spetsanil ja chonab' jumasa,
sok jel tsamal oj yil
jawa wuntikil israelenio, —xchi ja Simeoni.
33Jaxa Jose sok ja Maria, jel cham sk'ujole yuj ja jas yala sb'aj ja yal alats ja Simeoni.
34Ja Simeoni, ti jel tsamal och sta' ti' ja alatsi, ti yal yab' ja Maria: —ja jtatik Dyosi sjeka ja yal kerem iti, b'a oj skolta jitsan ja israelenio jumasa, cho ayni ma' oj ya' yi' wokola. Ja yajni sje'a sb'aj ja ye'n, jel jitsan ja ma' mi oj i'juk lek yuji. 35Jach' oj chiknajuk jastal ay ja sk'ujol ja kristyano jumasa. Spetsanil ja iti lajan sok jastal jun kuchilo oj sk'uts ja wa waltsil ja we'n Maria.
Ja Jesús sok ja aluman Dyos Ana
36Ja b'a snajtsil stsomjel ja Dyosi, tey jun ixuk jelxa byeja ja ye'n aluman Dyos sb'i'il Ana. Ja' stat ja Penueli, cho tey sok ja k'ole sb'a Aseri. Ja yora nupani jelto untik, jasa kechan juke jab'il ek' sok ja statami, 37Ja ya'n bi'udaxa ay, ayxa yi'oj chan tajb'e chane (84) jab'il, cho mini wa sjipakan ja snajtsil stsomjel ja Dyosi, k'ak'u a'kwal wa sk'uman wax cho stoyo ja Dyosi, wa skomo ja swa'eli, —xchi ja Simeoni.
38Jaxa Ana och jan sk'ub'an och stoy ja Dyosi, ti och yal yab' spetsanil ja kristyano ja jastal ay ja yal kerem Jesusi, yujni ja wa'ne smajlajel ja Jerusalenio b'a oj a'ji eluke libre sok ja smule'a.
39Jaxa Jose sok ja Maria yajni ch'akta sk'u'luke spetsanil ja jas wax yala ja yab'al ja Dyosi, ti'xa kumxi ye b'a Nazaret b'a schonab'il ja Galilea.
40Jaxa yal kerem Jesusi, wa'n k'iel cho jel ja yipi, sok jel ja jas wa sna'a, jaxa Dyosi, jel gusto ay sok.
Ja Jesús b'a snajtsil ja tsomjeli
41Ja Jose sok ja Maria petsanil jab'il jumasa wax wajye b'a chonab' Jerusalen yuj ja k'in b'a sya'al k'inali. 42Yajni ts'ikwi ja lajchawe jab'il yi'oj ja Jesusi, lajan xa wax waj sok ja snan stat b'a Jerusaleni.
43Jaxa yajni ek' ja k'ini, ti'xa kumxiye b'a snaje ja snan stati; mi wa sna'awe ta tikan k'ot b'a Jerusalen ja Jesusi. 44Ja Jose sok la Maria b'ejyiye jun k'ak'u, wa sna'awe ke ti wajum ja Jesús sok ja smoje jumasa, yajni waj sle'e ja b'ay ja smoj alijele jumasa sok ja ma'tik wa sna'awe sb'aji, 45mi sta'awe. Ja'yuj ti cho kumxiye man b'a Jerusalen b'a waj sle'e.
46Jaxa b'a yoxil k'ak'u ti sta'awe b'a yoj snajtsil stsomjel ja Dyos ja Jesusi, tey b'a snalane ja ma'tik wa sje'a ja mandar it a'ji yi ja Moisesi, ja ye'n wa smaklan lek sok ay jas wax cho sjob'o. 47Spetsanile ja ma wa'n smaklajeli, jel wax cham sk'ujole yuj ja jastal jel sna'a, sok ja jastal wa sutalan ja lo'il wa sjob'owe yi'i.
48Jaxa yajni yilawe ja snan stati, jel cham sk'ujole, ti yala ja snani:
—Kala al, ¿jas lom jach' a k'u'lan ki'tikon b'a? Ja ke'n sok ja wa tati jexa jle'awatikonta, sok jelxa a wa'ta cham jk'ujoltikon, —xchi ja snani.
49Ti yala ja Jesusi:
—¿Jas lom waxa le'awonex b'a? ¿Mi'ma waxa na'awex ke ti oj ajyukon b'a sna ja tat b'a?
50Jaxa ye'nle'i mi yabye sb'ej ja jas wa sk'ana yali.
51Jachuk lajanxa kumxi jan sok ja snan stat jak ye b'a Nazaret, sok was sk'u'an petsanil ja jas wax alji yab'i.
Jaxa snani jel spensaran yuj spetsanil ja jas ek'i. 52Jaxa Jesusi jel sna'a, jach'ni ja skwerpo wa'n k'i'el, ja Dyos sok spetsanil ja kristyano, jel gusto aye, sok jel wa sk'anawe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021