Mateo̱ 3
3
Jua xi Batenda
(Mr 1.1-8; Lk 3.1-9,15-17; Jua 1.19-28)
1Nga je kjín nu jaꞌa, Jua xi Batenda, kijí jan nangi kixí xi chja̱ Judea̱ nga kitsuyáre̱ xu̱ta̱ enꞌen Namiña Diuu̱. Ku̱i̱cha tsúre: 2«Tiaꞌánjnu xki̱ Namiña Diuu̱, nga̱tꞌa je ndiba tiña ni̱tjin nga kui batexuma kꞌui.»
3Jua kua kui xta̱ xi tjichjaya Isaia̱ xi tsuya Enꞌen Namiña Diuu̱, nga ku̱i̱cha kitsú:
«Tjín xi tjikjindiá nangi kixí:
“Tꞌendayájnu ndiya Ndia̱jnu.
¡Chjuxꞌajnu ngande jma nga faꞌa!
¡Ngují najmi xi stengi ngasakúre!”»
4Najñu xi kundaju̱ tsja̱ꞌe̱ kameyo̱ baja Jua ku tjiuxin banchu ngaꞌan. Chja̱ꞌba̱ kju̱ tsjén xi tjin ngijña kjíne.
5Tuxi kjín xu̱ta̱ xi faitꞌére Jua. Mítsa tu̱ xu̱ta̱ xi sindútse ngandaiꞌe̱ ndana Jorda̱n fichu, tekuácha fichukasere̱ xi ndiba nangi xi chja̱ Judea̱ kju̱ Jerusalen. 6Kꞌi̱a̱ tsuya xu̱ta̱, jee xi kitsiꞌin ku batenda Jua ngaya ndana xi ꞌmí Jorda̱n. 7Nga kube Jua nga kjín xu̱ta̱ fariseo̱ ku saduseo̱ fichutꞌáre, xi mejénre nga batenda ku ku̱i̱cha kitsúre̱:
«¡Jún xukútse ye̱jnu nga tjimájnu! A tjibixújnu nga biyujnu jee xi tsingiyájnu Namiña Diuu̱. 8Takújnu yajo̱jnu nga ngite̱ najmí jee tjiñaꞌanjínjnu. 9Nga tu̱ fixujíjnu tsa ꞌbangijnu nga̱tꞌaꞌétse nga tje̱ꞌe̱ Abranjnu. Tsa Namiña Diuu̱ xi ku̱a̱cha mejénre janda kui ndi̱a̱jo̱ xikjin Abran tsikꞌuya. 10Nga ngu ya bajajíre̱ tú xi ndá, ndia̱ꞌe̱ janda ja̱ma̱tsꞌenꞌen ꞌbatsjé ku ꞌbetí. Ku je tjindáre̱ yajo̱ꞌe Namiña Diuu̱ nga tsichajá xi inchatsiꞌin najmi xi ndáji.
11»Ndijua tebatendajújnu xuku nga án, tuxi ma nga bakujnu xu̱ta̱ nga je kikasenkajójnu kúcha ngájnu nga tjimajnu. Ta̱nga ngatúnꞌan ndiba ngu xi tse ngaꞌñu tjínre nga án. Ngayaꞌa̱sen xi Tsje ku ndiꞌi batendajújnu xuku nga kui. ¡Án janda najmína kju̱a̱kixi nga musuꞌe uyaꞌa̱n! 12Xi ndiba ngatúnꞌan fajin xu̱ta̱, xín mincha xi xaba ku xín mincha xi ndá. Xi ndá xu̱ta̱ ku ꞌbatsjengi, ta̱nga xi ndáji xu̱ta̱ ngajín ndiꞌi xi majínre̱ tsꞌao tsikjaꞌajín.»
Jua itendá Jesuu̱
(Mr 1.9-11; Lk 3.21-22)
13Itju Ngalilea̱ Jesuu̱ ku kijí jma tjen ndana xi ꞌmí Jordan tuxi ma nga batenda Jua. 14Ta̱nga yujíre̱ Jua nga batenda Jesuu̱. Kuacha ma nga ku̱i̱cha kitsúre̱:
—Tsubajírare̱ nga án batendára. ¡Tusára̱ jí xi tsubáre nga batendáina!
15Ta̱nga ku̱i̱cha skengi Jesuu̱:
—Kuáracha tikitjusín kjate̱i̱, nga̱tꞌa tsubáre nga nikitjusúnña xukúcha tjitsú Namiña Diuu̱.
Kitsijaꞌo Jua kui én, 16ku itendá. Nga itjujindá Jesuu̱ ngajín ndijua, kube nga jixꞌajín ndi̱u̱jmí ku xuku tuju tjin nga jajén Ngayaꞌa̱senꞌen Namiña Diuu̱. 17Ku kjia kinuꞌyáre ngu nda̱ xi jindibá ndiu̱jmi, xi ku̱i̱cha kitsú: «Kjindiꞌna xikꞌui. Tuxi ꞌñu tjaona ku tuxi tsjuá tjínna nga̱tꞌaꞌe.»
Currently Selected:
Mateo̱ 3: MZI
Highlight
Share
Copy
Want to have your highlights saved across all your devices? Sign up or sign in
México © Sociedad Bíblica de México, A.C. AÑO
Mateo̱ 3
3
Jua xi Batenda
(Mr 1.1-8; Lk 3.1-9,15-17; Jua 1.19-28)
1Nga je kjín nu jaꞌa, Jua xi Batenda, kijí jan nangi kixí xi chja̱ Judea̱ nga kitsuyáre̱ xu̱ta̱ enꞌen Namiña Diuu̱. Ku̱i̱cha tsúre: 2«Tiaꞌánjnu xki̱ Namiña Diuu̱, nga̱tꞌa je ndiba tiña ni̱tjin nga kui batexuma kꞌui.»
3Jua kua kui xta̱ xi tjichjaya Isaia̱ xi tsuya Enꞌen Namiña Diuu̱, nga ku̱i̱cha kitsú:
«Tjín xi tjikjindiá nangi kixí:
“Tꞌendayájnu ndiya Ndia̱jnu.
¡Chjuxꞌajnu ngande jma nga faꞌa!
¡Ngují najmi xi stengi ngasakúre!”»
4Najñu xi kundaju̱ tsja̱ꞌe̱ kameyo̱ baja Jua ku tjiuxin banchu ngaꞌan. Chja̱ꞌba̱ kju̱ tsjén xi tjin ngijña kjíne.
5Tuxi kjín xu̱ta̱ xi faitꞌére Jua. Mítsa tu̱ xu̱ta̱ xi sindútse ngandaiꞌe̱ ndana Jorda̱n fichu, tekuácha fichukasere̱ xi ndiba nangi xi chja̱ Judea̱ kju̱ Jerusalen. 6Kꞌi̱a̱ tsuya xu̱ta̱, jee xi kitsiꞌin ku batenda Jua ngaya ndana xi ꞌmí Jorda̱n. 7Nga kube Jua nga kjín xu̱ta̱ fariseo̱ ku saduseo̱ fichutꞌáre, xi mejénre nga batenda ku ku̱i̱cha kitsúre̱:
«¡Jún xukútse ye̱jnu nga tjimájnu! A tjibixújnu nga biyujnu jee xi tsingiyájnu Namiña Diuu̱. 8Takújnu yajo̱jnu nga ngite̱ najmí jee tjiñaꞌanjínjnu. 9Nga tu̱ fixujíjnu tsa ꞌbangijnu nga̱tꞌaꞌétse nga tje̱ꞌe̱ Abranjnu. Tsa Namiña Diuu̱ xi ku̱a̱cha mejénre janda kui ndi̱a̱jo̱ xikjin Abran tsikꞌuya. 10Nga ngu ya bajajíre̱ tú xi ndá, ndia̱ꞌe̱ janda ja̱ma̱tsꞌenꞌen ꞌbatsjé ku ꞌbetí. Ku je tjindáre̱ yajo̱ꞌe Namiña Diuu̱ nga tsichajá xi inchatsiꞌin najmi xi ndáji.
11»Ndijua tebatendajújnu xuku nga án, tuxi ma nga bakujnu xu̱ta̱ nga je kikasenkajójnu kúcha ngájnu nga tjimajnu. Ta̱nga ngatúnꞌan ndiba ngu xi tse ngaꞌñu tjínre nga án. Ngayaꞌa̱sen xi Tsje ku ndiꞌi batendajújnu xuku nga kui. ¡Án janda najmína kju̱a̱kixi nga musuꞌe uyaꞌa̱n! 12Xi ndiba ngatúnꞌan fajin xu̱ta̱, xín mincha xi xaba ku xín mincha xi ndá. Xi ndá xu̱ta̱ ku ꞌbatsjengi, ta̱nga xi ndáji xu̱ta̱ ngajín ndiꞌi xi majínre̱ tsꞌao tsikjaꞌajín.»
Jua itendá Jesuu̱
(Mr 1.9-11; Lk 3.21-22)
13Itju Ngalilea̱ Jesuu̱ ku kijí jma tjen ndana xi ꞌmí Jordan tuxi ma nga batenda Jua. 14Ta̱nga yujíre̱ Jua nga batenda Jesuu̱. Kuacha ma nga ku̱i̱cha kitsúre̱:
—Tsubajírare̱ nga án batendára. ¡Tusára̱ jí xi tsubáre nga batendáina!
15Ta̱nga ku̱i̱cha skengi Jesuu̱:
—Kuáracha tikitjusín kjate̱i̱, nga̱tꞌa tsubáre nga nikitjusúnña xukúcha tjitsú Namiña Diuu̱.
Kitsijaꞌo Jua kui én, 16ku itendá. Nga itjujindá Jesuu̱ ngajín ndijua, kube nga jixꞌajín ndi̱u̱jmí ku xuku tuju tjin nga jajén Ngayaꞌa̱senꞌen Namiña Diuu̱. 17Ku kjia kinuꞌyáre ngu nda̱ xi jindibá ndiu̱jmi, xi ku̱i̱cha kitsú: «Kjindiꞌna xikꞌui. Tuxi ꞌñu tjaona ku tuxi tsjuá tjínna nga̱tꞌaꞌe.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
México © Sociedad Bíblica de México, A.C. AÑO