San Marcos 15
15
Jesús zee lo Pilato
(Mt 27.1-2,11-14; Lc 23.1-5; Jn 18.28-38)
1Nan guie'ani, bedobika xanka bxozi le'an ka bene waka kan muestro ki xhba'a: yogoka bene dekene yechhi Israel be'anke chhinlawe. Te gche'ake Jesús nogake le', te bode'eke le' lona'a Pilato. 2Pilato gnabene le':
—¿A loe' nakalho bene rne'abe'a kika judíos?
—Loe' chi gne'alho kan —bochhi Jesús.
3Le'a tan xanka bxozi rdekene le' bikaka xhkiachola, 4Pilato gnabekene le':
—¿Nobixhkia' bigslabi rhochhigalho? Byokalho tixegolha xhkiachola rdekene loe'.
5Na Jesús bigsla bibochhie', na Pilato gokiene banachhi.
Jesús rzoake le' rhoa yelagoti
(Mt 27.15-31; Lc 23.13-25; Jn 18.38—19.16)
6Dza rhaka lani, Pilato rhosle'e to bene yoe' lichhiguia, kon nolha yenaba ka bene yechhi. 7To bene rhelawe Barrabás yoe' lichhiguia, tzaxhen le'an yebalaka bene chi be'atike bene ga' goka dila. 8Bchhinka bene yechhi, te gnabake ki Pilato gonhe ka' rhongse yogo yiza. 9Pilato gochhie le'ake:
—¿A rhe'anhelhe gsla' bene rne'abe kika judíos?
10Le'a gokiebene yelaxhe'a ki xanka bxozi bode'eke Jesús lone'e. 11Te xanka bxozi glo'oyelake ka bene, kinda snabake yebeaje Barrabás. 12Pilato gnabene le'ake:
—¿Te nobi rhe'anhelhe gonha ki bene rne'alhe kie' Bene rne'abe'a kika judíos?
13Le'ake gne'ake rbechhiya'ake:
—¡Bgale lo yaga krozo!
14Pilato gochhie le'ake:
—Xha ¿nobi tamalha be'anhe?
Te le'ake grechhiya'ake tayobilha:
—¡Bgale lo yaga krozo!
15Na'arhe Pilato, tan rhe'anhene yega'anhe chhia'a lo ka bene, bosle'e Barrabás; na de gochhie ka bene sgagodzake Jesús, bode'e le' kinda gotike le' lo yaga krozo
16Bene rheajke lo dila gche'ake Jesús lalea yo'o ga' rhe' Pilato, rhelawe pretorio, te botobike yogoka bene rheajke lo dila. 17Bgakoke le' larhe xhnha chola, te be'anke to korhon de yechi' te gxoake yikiaje. 18Na'arhe gzolhoke rbechhiya'ake:
—¡Bene rne'abe kika judíos!
19Te rguinke xhisi yikiaje, rdake le' xhenhe, te rze'acho xhibike, kan rtitajkene le' rhonke no lale'a napake balan le'. 20De btitajkene le', gde'alake larhe xhnha chola tan naxoe', te bogakoke le' xhagse na gche'ake le' kinda gdake le' lo yaga krozo.
Rgalake Jesús lo yaga krozo
(Mt 27.32-44; Lc 23.26-43; Jn 19.17-27)
21To bene yechhi Cirene, rhelawe Simón, xozi Alejandro kan Rufo, zeze'e loguixi. Nan bede'e, rhe'anka rhe'anhe bene ni kon bgoake le' yaga krozo noa' Jesús.
22Gche'ake Jesús lo lataj rhelawe Gólgota (te rhe'anhe sne'a: Lataj ki chhitagoti); 23te bdeke guia'aje xisa bedzolhi notze mirra, na Jesús labi go'onhene guia'aje. 24Na'arhe bdake le' lo yaga krozo. Te ka bene rheajke lo dila gditajke kinda yele'ekene xha Jesús kan guioke nobilha sdolene totoe'.
25Chirhon ga' zilhalha kati bdake Jesús lo yaga krozo. 26Bdake to guichi ga' zoa nobixhkia' bzoake le' lo yelagoti: «Bene Rne'abe'a kika judíos. 27Le'aksikan bdake ye chopa bene we'antaxhinaj lo yaga krozo kuita Jesús, toe' tzala'a lhi' yetoe' tzala'a yegalha.
28Te kan goka kumplirhe ka' rne'a lo Xhtidza Diozo: "Bsakake le' ka' to bene malha."
29Bene rdeke na' rhe'a zi'ike le', rka rsidike yikiaje na rhe'ake le':
—¡Loe', ne'alho skinajlho yo'o sdo'o te non tzona dza yeyontekalho, 30bsla' lagazi kuinlo te beye'azi lo yaga krozo na!
31Le'aksikan xanka bxozi ka muestro ki xhba'a btitajkene le'. Rne'ake:
—Bsle'e bene yobilha, na birhake gsle'e kuinhe. 32¡Ka' rheye'azi Cristo na lo yaga krozo, Bene rne'abe'a lo yechhi Israel, kinda sle'erha te tzeajerha ye'a kie'!
Te le'ante'a ka bene dake lo yaga krozo kuita Jesús rhe'a zi'ike le'.
Yelagoti ki Jesús
(Mt 27.45-56; Lc 23.44-49; Jn 19.28-30)
33Kati bchhin gatzaj dza, sdote'a lichhileyo' gchola bchhinte'a be'an tzona nan xhoelha. 34Tina'agsizi, Jesús grechhiye'e tazidzaj: Eloí, Eloí, ¿lemá sabactani? (Rhe'anhe sne'a: Diozo kia', Diozo kia', ¿nobixhkia' chi bsan na'alho ne'adia?)
35Balaka bene dzake na', benkene na gochhike le':
—Legze'anaga, na rledze Elías bene btzalaje laza Diozo.
36Na'arhe toe' guiaje rze'azenhe, te yajpise to xhilha lo xisa bedzolhi zi, na be'ague lo to yaga tona te bze'e lo Jesús kinda guia'aje, rne':
—Dokoeza, chen Elías yede dechize le' lo yaga krozo ni.
37Na Jesús grechhiye'e tazidzaj, na gotie'. 38Na larhe na ze'a lo yo'o sdo'o greza na broaj chopalha, de rha'alha zeajte'a chhi'ilha. 39Te xanka bene rheajke lo dila, zee lo Jesús, nan ble'ene gotie', gne':
—Talite'a bene ni nake Xhi'in Diozo.
40Le'aksikan na' dzaka bala nigolha ryoke dezitolha; na' notze María Magdalena, María xhna Santiago bene xhkuidite'arhe le'an José, kan Salomé. 41Ka nigolha ni gdoke Jesús kan gokale'anke le' kati glachhie' Galilea. Le'aksikan na' dzaka tixekarhe nigolha guiajle'anke le' Jerusalén.
Rkachike Jesús
(Mt 27.57-61; Lc 23.50-56; Jn 19.38-42)
42Te dza na naka kati rsiniake, o sne'arha, to dza zia'alha ki dza sabdo, xhoelha, 43José, bene yechhi Arimatea nake to bene za'aka lo chhinlawe, na le'aksikan rbeze yelarne'abe'a ki Diozo, berhogüene guiaje ga' ze'a Pilato na benabe kuerpo ki Jesús. 44Pilato, gokiene banachhi kati benhenhe goti Jesús, na bledze bene nake xanka bene rheajke lo dila kinda snabene le' nogakati tiembo zeaj gotie. 45Kati xanka bene rheajke lo dila beguixaje'ene le', Pilato bode'e kuerpo na ki José. 46Na'arhe José beya'awe to samno tzawe, na bechize kuerpo na, te bolachhie le' sabno na. Dena'a gloe' le' lo ye'arhoba narhen lo guiaj, te gxoe' to guiaj rhoa ye'arhoba na. 47María Magdalena kan María xhna José, ryoke ga' rxoake kuerpo ki Jesús.
Currently Selected:
San Marcos 15: XDZPY
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.
San Marcos 15
15
Jesús zee lo Pilato
(Mt 27.1-2,11-14; Lc 23.1-5; Jn 18.28-38)
1Nan guie'ani, bedobika xanka bxozi le'an ka bene waka kan muestro ki xhba'a: yogoka bene dekene yechhi Israel be'anke chhinlawe. Te gche'ake Jesús nogake le', te bode'eke le' lona'a Pilato. 2Pilato gnabene le':
—¿A loe' nakalho bene rne'abe'a kika judíos?
—Loe' chi gne'alho kan —bochhi Jesús.
3Le'a tan xanka bxozi rdekene le' bikaka xhkiachola, 4Pilato gnabekene le':
—¿Nobixhkia' bigslabi rhochhigalho? Byokalho tixegolha xhkiachola rdekene loe'.
5Na Jesús bigsla bibochhie', na Pilato gokiene banachhi.
Jesús rzoake le' rhoa yelagoti
(Mt 27.15-31; Lc 23.13-25; Jn 18.38—19.16)
6Dza rhaka lani, Pilato rhosle'e to bene yoe' lichhiguia, kon nolha yenaba ka bene yechhi. 7To bene rhelawe Barrabás yoe' lichhiguia, tzaxhen le'an yebalaka bene chi be'atike bene ga' goka dila. 8Bchhinka bene yechhi, te gnabake ki Pilato gonhe ka' rhongse yogo yiza. 9Pilato gochhie le'ake:
—¿A rhe'anhelhe gsla' bene rne'abe kika judíos?
10Le'a gokiebene yelaxhe'a ki xanka bxozi bode'eke Jesús lone'e. 11Te xanka bxozi glo'oyelake ka bene, kinda snabake yebeaje Barrabás. 12Pilato gnabene le'ake:
—¿Te nobi rhe'anhelhe gonha ki bene rne'alhe kie' Bene rne'abe'a kika judíos?
13Le'ake gne'ake rbechhiya'ake:
—¡Bgale lo yaga krozo!
14Pilato gochhie le'ake:
—Xha ¿nobi tamalha be'anhe?
Te le'ake grechhiya'ake tayobilha:
—¡Bgale lo yaga krozo!
15Na'arhe Pilato, tan rhe'anhene yega'anhe chhia'a lo ka bene, bosle'e Barrabás; na de gochhie ka bene sgagodzake Jesús, bode'e le' kinda gotike le' lo yaga krozo
16Bene rheajke lo dila gche'ake Jesús lalea yo'o ga' rhe' Pilato, rhelawe pretorio, te botobike yogoka bene rheajke lo dila. 17Bgakoke le' larhe xhnha chola, te be'anke to korhon de yechi' te gxoake yikiaje. 18Na'arhe gzolhoke rbechhiya'ake:
—¡Bene rne'abe kika judíos!
19Te rguinke xhisi yikiaje, rdake le' xhenhe, te rze'acho xhibike, kan rtitajkene le' rhonke no lale'a napake balan le'. 20De btitajkene le', gde'alake larhe xhnha chola tan naxoe', te bogakoke le' xhagse na gche'ake le' kinda gdake le' lo yaga krozo.
Rgalake Jesús lo yaga krozo
(Mt 27.32-44; Lc 23.26-43; Jn 19.17-27)
21To bene yechhi Cirene, rhelawe Simón, xozi Alejandro kan Rufo, zeze'e loguixi. Nan bede'e, rhe'anka rhe'anhe bene ni kon bgoake le' yaga krozo noa' Jesús.
22Gche'ake Jesús lo lataj rhelawe Gólgota (te rhe'anhe sne'a: Lataj ki chhitagoti); 23te bdeke guia'aje xisa bedzolhi notze mirra, na Jesús labi go'onhene guia'aje. 24Na'arhe bdake le' lo yaga krozo. Te ka bene rheajke lo dila gditajke kinda yele'ekene xha Jesús kan guioke nobilha sdolene totoe'.
25Chirhon ga' zilhalha kati bdake Jesús lo yaga krozo. 26Bdake to guichi ga' zoa nobixhkia' bzoake le' lo yelagoti: «Bene Rne'abe'a kika judíos. 27Le'aksikan bdake ye chopa bene we'antaxhinaj lo yaga krozo kuita Jesús, toe' tzala'a lhi' yetoe' tzala'a yegalha.
28Te kan goka kumplirhe ka' rne'a lo Xhtidza Diozo: "Bsakake le' ka' to bene malha."
29Bene rdeke na' rhe'a zi'ike le', rka rsidike yikiaje na rhe'ake le':
—¡Loe', ne'alho skinajlho yo'o sdo'o te non tzona dza yeyontekalho, 30bsla' lagazi kuinlo te beye'azi lo yaga krozo na!
31Le'aksikan xanka bxozi ka muestro ki xhba'a btitajkene le'. Rne'ake:
—Bsle'e bene yobilha, na birhake gsle'e kuinhe. 32¡Ka' rheye'azi Cristo na lo yaga krozo, Bene rne'abe'a lo yechhi Israel, kinda sle'erha te tzeajerha ye'a kie'!
Te le'ante'a ka bene dake lo yaga krozo kuita Jesús rhe'a zi'ike le'.
Yelagoti ki Jesús
(Mt 27.45-56; Lc 23.44-49; Jn 19.28-30)
33Kati bchhin gatzaj dza, sdote'a lichhileyo' gchola bchhinte'a be'an tzona nan xhoelha. 34Tina'agsizi, Jesús grechhiye'e tazidzaj: Eloí, Eloí, ¿lemá sabactani? (Rhe'anhe sne'a: Diozo kia', Diozo kia', ¿nobixhkia' chi bsan na'alho ne'adia?)
35Balaka bene dzake na', benkene na gochhike le':
—Legze'anaga, na rledze Elías bene btzalaje laza Diozo.
36Na'arhe toe' guiaje rze'azenhe, te yajpise to xhilha lo xisa bedzolhi zi, na be'ague lo to yaga tona te bze'e lo Jesús kinda guia'aje, rne':
—Dokoeza, chen Elías yede dechize le' lo yaga krozo ni.
37Na Jesús grechhiye'e tazidzaj, na gotie'. 38Na larhe na ze'a lo yo'o sdo'o greza na broaj chopalha, de rha'alha zeajte'a chhi'ilha. 39Te xanka bene rheajke lo dila, zee lo Jesús, nan ble'ene gotie', gne':
—Talite'a bene ni nake Xhi'in Diozo.
40Le'aksikan na' dzaka bala nigolha ryoke dezitolha; na' notze María Magdalena, María xhna Santiago bene xhkuidite'arhe le'an José, kan Salomé. 41Ka nigolha ni gdoke Jesús kan gokale'anke le' kati glachhie' Galilea. Le'aksikan na' dzaka tixekarhe nigolha guiajle'anke le' Jerusalén.
Rkachike Jesús
(Mt 27.57-61; Lc 23.50-56; Jn 19.38-42)
42Te dza na naka kati rsiniake, o sne'arha, to dza zia'alha ki dza sabdo, xhoelha, 43José, bene yechhi Arimatea nake to bene za'aka lo chhinlawe, na le'aksikan rbeze yelarne'abe'a ki Diozo, berhogüene guiaje ga' ze'a Pilato na benabe kuerpo ki Jesús. 44Pilato, gokiene banachhi kati benhenhe goti Jesús, na bledze bene nake xanka bene rheajke lo dila kinda snabene le' nogakati tiembo zeaj gotie. 45Kati xanka bene rheajke lo dila beguixaje'ene le', Pilato bode'e kuerpo na ki José. 46Na'arhe José beya'awe to samno tzawe, na bechize kuerpo na, te bolachhie le' sabno na. Dena'a gloe' le' lo ye'arhoba narhen lo guiaj, te gxoe' to guiaj rhoa ye'arhoba na. 47María Magdalena kan María xhna José, ryoke ga' rxoake kuerpo ki Jesús.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.