Joel 3
3
1 1 (4.1) Keten llin llan, ne Xanllon,
guna ke wayak wen ke Judán, na Jerusalén'na,
2 2(4.2) Watup wachaya yoyte be'nn ka' sjalla latj yellriw ka' yela,
na wazaren ake' nada' rach yellriw ke Josafat,
na gana' guna yel korchis ke ake' dan ben akre yell kia Israelen.
Le bezlas ake' be'nn Israel ka' raw doxhente yellri'on,
na bla ake' latj yellriw kian.
3 3 (4.3) Bezlas ake' yell kian, na' ba'baj ake' suert, nench'na bwia ake' noxhan waganren len,
na beet ake' bida'o biew, na rente bida'o nor ake',
na bayullna ben ake' gaxht mellen
wew ake' zu, na rente nor ree ake'.
Xanllon bene yel korchis ke latj yellriw ka' yela
4 4 (4.4) ¿Bixhan llenere kia Tiro, Sidón na Filistea? ¿Llenere wazire nada' wzon? ¿Llenere wchixhjre nadaꞌ raten? Axha ye to sete guna' re' dan lleyal si'ren. 5 5 (4.5) Re' branle ya plat kia, na ya cha'on nzi oro, na rente da zak, na basa'ren lo yoda'o keren. 6 6 (4.6) Zit kwis bachere be'nn Judá ka', na yoyte be'nn yell ke Jerusalén'na, na betre le ake', nench'na ben ake' xchin be'nn griegos ka'. 7 7 (4.7) Axha nada' wabaja le ake' latj gan betre le aken, na nada' guna ke walleyrawre, kan benere le aken. 8 8 (4.8) Gota' xhi'nnre bi biew ka', na bi nor ka' raw be'nn Judíos ka', na le ake' got ake' le akbe raw be'nn sabeos ka', be'nn zajzu yell zit, nada' Xanle ba bnia ka'.
9 9 (4.9) Le chixhjwe dani latj yellriw ka' yela.
Le wayon xhirall kwinle
nench'na chejre raw wdilen. Lewtane' waka ya kere ka'.
Le waze xnid ke gan chejre raw wdilen yoyte re' be'nn waka ya.
10 10 (4.10) Le gunchaw xchinlasre ka', da ka' llazllanrenlen,
nench'na wayaken ya da chejrenle raw wdil,
Na be'nnen bi ndiprallen ne': Nada' naka be'nn war.
11 11 (4.11) Yoyte re' be'nn sjalla latj yellriw wrill ka',
lewelalldo, leda nench'na wadup wallayllo latj ni.
Na rente be'nn nexhjrallen wayake to be'nn war kwis.
12 12 (4.12) Legun xnid yoytere sjalla latj yellri'on,
na lewadup rach ke Josafaten,
le gana' gun Xanllon yel korchis
ke yoyte be'nn ka sjalla latj yellriw wrill ka'.
13 13 (4.13) Le kenake llebrazen nak ake' be'nn maren,
lewzoy ake' ke llzoye trigo da ba biech,
le ba bllin lla gak wrapen,
lewchochj ake' ke llchochje'e uvas,
le banak ake' ke zu da ba nak snia.
14 14 (4.14) Be'nn zan kwis ba badup ballay rach gan nzi babachuyralla.
le baze gawchoch lla ke Xanllon.
15 15 (4.15) Willen rente be'on wayaken xchul
na berj ka' wniten yel llaktit ken.
16 16 (4.16) To llchonch kanaken llne' Xanllon,
ya' Sión dan zu Jerusalén'na,
yeban na yellri'on, llxhiz aken.
Axha Xanllon nake'e to da llkoej
ke be'nn Israel ka', be'nn ka' nak yell ke'e.
Dazegak da nbaraz ke Judán
17 17 (4.17) Na re' wazakere nadan naka Xanle Dios,
zoa gan nzi Sión, ya' xhirall kian,
na Jerusalén'na gaken to yell xhen da nak xhirall,
chras nullno be'nn zit ka' gak wadlan len.
18 18 (4.18) Ket llin lla'na, zu ke uvan rente lechen gaten ke llat nis raw rum ka', na raw ya' ka',
na yeo ka' sjade Judán yajlaw nis gat aken.
Na yoda'on llojen nis,
na len chiren raw rach gan nzi Sitim.
19 19 (4.19) Egipto na rente Edomen,
wayak aken latj dach yu bill,
le basot ake' be'nn ka' sjalla latj yellriw ke Judán,
na dan brarj ake' xchen be'nn bi nap dol.
20-21 20-21 (4.20-21) Nada' wazia wzon ke yel guten ben aken. Na bi wazixhena ke be'nn ka' nap dolen.
Axha Judán na Jerusalén'na, kwen kwenze cha aken be'nn,
na nada', Xanle, sua ya' Sión'na.
Currently Selected:
Joel 3: ZPUPAT
Highlight
Share
Copy
Want to have your highlights saved across all your devices? Sign up or sign in
Joel 3
3
1 1 (4.1) Keten llin llan, ne Xanllon,
guna ke wayak wen ke Judán, na Jerusalén'na,
2 2(4.2) Watup wachaya yoyte be'nn ka' sjalla latj yellriw ka' yela,
na wazaren ake' nada' rach yellriw ke Josafat,
na gana' guna yel korchis ke ake' dan ben akre yell kia Israelen.
Le bezlas ake' be'nn Israel ka' raw doxhente yellri'on,
na bla ake' latj yellriw kian.
3 3 (4.3) Bezlas ake' yell kian, na' ba'baj ake' suert, nench'na bwia ake' noxhan waganren len,
na beet ake' bida'o biew, na rente bida'o nor ake',
na bayullna ben ake' gaxht mellen
wew ake' zu, na rente nor ree ake'.
Xanllon bene yel korchis ke latj yellriw ka' yela
4 4 (4.4) ¿Bixhan llenere kia Tiro, Sidón na Filistea? ¿Llenere wazire nada' wzon? ¿Llenere wchixhjre nadaꞌ raten? Axha ye to sete guna' re' dan lleyal si'ren. 5 5 (4.5) Re' branle ya plat kia, na ya cha'on nzi oro, na rente da zak, na basa'ren lo yoda'o keren. 6 6 (4.6) Zit kwis bachere be'nn Judá ka', na yoyte be'nn yell ke Jerusalén'na, na betre le ake', nench'na ben ake' xchin be'nn griegos ka'. 7 7 (4.7) Axha nada' wabaja le ake' latj gan betre le aken, na nada' guna ke walleyrawre, kan benere le aken. 8 8 (4.8) Gota' xhi'nnre bi biew ka', na bi nor ka' raw be'nn Judíos ka', na le ake' got ake' le akbe raw be'nn sabeos ka', be'nn zajzu yell zit, nada' Xanle ba bnia ka'.
9 9 (4.9) Le chixhjwe dani latj yellriw ka' yela.
Le wayon xhirall kwinle
nench'na chejre raw wdilen. Lewtane' waka ya kere ka'.
Le waze xnid ke gan chejre raw wdilen yoyte re' be'nn waka ya.
10 10 (4.10) Le gunchaw xchinlasre ka', da ka' llazllanrenlen,
nench'na wayaken ya da chejrenle raw wdil,
Na be'nnen bi ndiprallen ne': Nada' naka be'nn war.
11 11 (4.11) Yoyte re' be'nn sjalla latj yellriw wrill ka',
lewelalldo, leda nench'na wadup wallayllo latj ni.
Na rente be'nn nexhjrallen wayake to be'nn war kwis.
12 12 (4.12) Legun xnid yoytere sjalla latj yellri'on,
na lewadup rach ke Josafaten,
le gana' gun Xanllon yel korchis
ke yoyte be'nn ka sjalla latj yellriw wrill ka'.
13 13 (4.13) Le kenake llebrazen nak ake' be'nn maren,
lewzoy ake' ke llzoye trigo da ba biech,
le ba bllin lla gak wrapen,
lewchochj ake' ke llchochje'e uvas,
le banak ake' ke zu da ba nak snia.
14 14 (4.14) Be'nn zan kwis ba badup ballay rach gan nzi babachuyralla.
le baze gawchoch lla ke Xanllon.
15 15 (4.15) Willen rente be'on wayaken xchul
na berj ka' wniten yel llaktit ken.
16 16 (4.16) To llchonch kanaken llne' Xanllon,
ya' Sión dan zu Jerusalén'na,
yeban na yellri'on, llxhiz aken.
Axha Xanllon nake'e to da llkoej
ke be'nn Israel ka', be'nn ka' nak yell ke'e.
Dazegak da nbaraz ke Judán
17 17 (4.17) Na re' wazakere nadan naka Xanle Dios,
zoa gan nzi Sión, ya' xhirall kian,
na Jerusalén'na gaken to yell xhen da nak xhirall,
chras nullno be'nn zit ka' gak wadlan len.
18 18 (4.18) Ket llin lla'na, zu ke uvan rente lechen gaten ke llat nis raw rum ka', na raw ya' ka',
na yeo ka' sjade Judán yajlaw nis gat aken.
Na yoda'on llojen nis,
na len chiren raw rach gan nzi Sitim.
19 19 (4.19) Egipto na rente Edomen,
wayak aken latj dach yu bill,
le basot ake' be'nn ka' sjalla latj yellriw ke Judán,
na dan brarj ake' xchen be'nn bi nap dol.
20-21 20-21 (4.20-21) Nada' wazia wzon ke yel guten ben aken. Na bi wazixhena ke be'nn ka' nap dolen.
Axha Judán na Jerusalén'na, kwen kwenze cha aken be'nn,
na nada', Xanle, sua ya' Sión'na.
Currently Selected:
:
Highlight
Share
Copy
Want to have your highlights saved across all your devices? Sign up or sign in