Махьтвеест 14
14
Ніельлемплогант алкхэш.
1Тэн пале ніельле‐валтланч Ирод кулый сагыйт Исус баяс,
2И цилькій иджес паккэлвэзійт: таг ли Эвван рыстей; сон еаллай ямьій горрен, и тэн гуэйк уйнахтем туе туешуввеб соныйн.
3Ирод эвтель вальдій Эвван, корій сонэ и пиій сіевнис сайя Иродіада гуэйк, вильлись Иллип каппэг гуэйк.
4Тэде мильт што Эвван сарнай сонне: ій шит тонне іеллед соныйн.
5И татай коньтед сонэ, а пэлый олмыйн; тэн гуэйк што сонэ локкеш пророк сайя.
6А куэсь празньюшшиш Ирод шэнтем‐піейве, Иродіада нійт сирій куссій пале, и милдый Ирот сонне.
7Тэн гуэйк сон Иммель‐санійн оштій сонне аньтед, лышша сон мэйт анахч.
8А сон іеннес матьхеммед мильт цилькій: аньт мынне тасьт юде альн Эвван Рыстее уэйве.
9И вырій цар пяцла; а Иммель‐сане гуэйк и тэй гуэйк, кок оррун соныйн, сон пакай аньтед сонне.
10И вулкехт Эвнест уэйве чухпед сіевнис пэртест.
11И похтиш сонэ уэйве юде альн, и эньтиш нійте, и сон выгій еаннась.
12А сонэ уэпсуввэе путтин, вальтин сонэ роӈге, и рухкин сонэ; и вулькин и виккин сагэ Исусе.
13И куэсь Исус кулый, вульгій томбет вэнсест пусьт пайхка эхто; а олмо куэсь куллин тэн, вулькин лэннійн ваньцнилле сонэ мильт.
14И куэсь Исус ливтій олгус, сон уйпій іеннэг олмнеттед; и шалышт синыйт и тирвхэттій синэ уэе?-?нахтмійт.
15Ну куэсь шэндый іекнанч, путтин сонне сонэ уэпсуввэе и цилхкин: пайхк тасьт ли пусьт, и паль ли маӈӈед: лушьт олмыйт, што сій вуэлгчин сійдійт и оастчин иджійдис пормуж.
16Ну Исус цилькій сійе: илля мэн гуэйк сійе вулькед; тій аньтед сійе порред.
17А сій сарнэб сонне: минест тэн віерьт ли тасьт выт ліейбе и кухт куле.
18Сон цилькій: пухтед мынне тигэ синыйт.
19И пакай олмыйт ыштед разь элэ, и куэсь сон вальтій выт ліейбе и кухт куле, кичист алма, сон лосславый, лійбійт мурьдій и эньтій уэпсувьійт, а уэпсуввэе эньтин олмыйт.
20И поррин пук и шэнтин каллас; и копчин куэтьянч куськійт кухтэмплокь тивт корэбеттед.
21А поръеттед ляй альде выт тоафент олмнеттед, нызнійха и парнайха.
22І вактиньне пякай Исус иджес уэпсувъійт мэннэд вэнсе и суккэд эвтель иджес нумпь пялла, кон сон олмыйт луэшт.
23И луштій олмыйт и мэній тіерьме элэ коммэрдэллэд эхто; и іекна эхто куэттый тогэ.
24А вэнс ляй уже каска міерэ, и сонэ нэмбый гуэйм іевай; тэн мильт што пиӈк ляй вуэста.
25А няльлянт валвмуш‐пале ыкка пудій сійе Исус, воттэдый міерэ мильт.
26И уэпсуввэе, куэсь сонэ уйнин міерэ мильт ваньцем, суркнин и сарнун: тат ли сомэ вардэй; и пэлмин кукхэлшкуттин.
27А Исус вактинне синый гуэйм сарнэшкудій, и цилькій: равнуввед; мун лям, іеллед пэллэд.
28Піедар сонне цилькій вуэста: Господи! го лях тон, пак мунэ пуэттед тонне чадзе мильт.
29А сон цилькій: пуэде. И ливтій Піедар вэнсест, вульгій чадзе мильт тэн варас што пуэттед Исузь горра чадзе мильт.
30А куэсь сон уйній іеннэг пиӈкед, суркен, и готь чацца оаешкудій, сон кукхэлшкудій: Господи, піест мунэ.
31Исус вактиньне сонне эльдинт кидес, туль?-?естій сонэ, и сарн сонне: тон вань‐віерланч! Мэс тон пусьт юртэг юрьтих?
32И куэсь сій путтин вэнсе, то шэӈ кульхкій.
33А кок лійин вэнсест, тэк путтин альтла, коммердин сонне и цилхкин: вуйкест тон лях Иммель альк.
34И куэсь сій пайель мэннин, путтин Геннисарет іемня.
35Тэн пайкаш іелее, куэсь сій титтин сонэ, вулкхин пук тэн іемне пыр, и похтиш сонне пукыйт кэблайт.
36И аннун сонст, нит кускед сонэ аз рявна; и кок кускнин, сій тирвхуввин.
Currently Selected:
Махьтвеест 14: Kildin
Highlight
Share
Copy
Want to have your highlights saved across all your devices? Sign up or sign in
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.
