Zyan 15
15
Zyezu wi nyɛ ɛrɛzɛn tírigi wodelege
1«Mii wi nyɛ ɛrɛzɛn tírigi wodelege, mii Tóow si i nyɛ gi sámagafɔw. 2Káganlee faala li nyɛ mii na lè li si o sangi í, wi a lee bee ceri núngo yaà. Lee si li sangi lè, wi a ra lee bee nyáma, koro ga pye li a ra sangi da sɔ̀lɔ́ sanzelili na. 3Syɛ́ɛnree mii joo yele ma lè, yele n mùnu n kwɔ́ɔ ti báriga ni. 4Ki n yɛlɛ ye kòro mii ni, mii si wɔ́ɔ kòro yele ni. Amɛɛ káganni nyɛ lè li a gbǎn san liyɛɛ ma í, kapye li o nyɛ tírigi na í, ànbée si gi wɔ́ɔ̄ nyɛ, yele a gbǎn san yeyɛɛ ma í, kapye yele ga kòro mii ni í.
5Mii wi nyɛ tírigi, yele si i nyɛ kágangèle. Wee wi ga kòro mii ni lè, á mii wɔ́ɔ̀ kòro wi ni, wee bee a ra yasanra saʔa sangi, níì cán yele a gbǎn yarigaa faala kpéʔele mii kàdoʔo ma í. 6Syɔ́ɔnwee faala ga pye lè wi ga kòro mii ni í, pe a wee bee yirige wáa kàfugi na, àmɛɛ be kágannaa-sìnzanna wáa lè kàfugi na li i waari. Kágangèle ge waʔa lè, pe i ge kpóʔoro ni wáa náagi ni ke i sóori. 7Yele ga kòro mii ni á mii syɛ́ɛnri wɔ́ɔ̀ kòro yele ni, yárigee faala ga yele dɛ́nɛ lè, ye gi nyɛ́ɛri, yele a gi taa. 8Yele ga ni yasanra saʔa sangi, gee bee a nìjangbɔɔri taʔa mii Tóow na, yele si a pye mii pìitamabéle.
9Kánmee na Tofɔw tàmaga le ní mii ní lè, kánmi bee na mii wɔ́ɔ̀ gi le ní yele ní. Ki n yɛlɛ ye kòro mii tàmagi ni. 10Yele ga ni mii tundunri kɔngi ní i di kpéʔele, yele a kòro mii tàmagi ni, àmɛɛ mii mii Tóow wóro kɔngi ní i di kpéʔele lè níì kòro wi tàmagi ni.
11A mii kérigèle naa joo yele ma wii, koro ga pye mii fundaanri í pye yele ni, yele fundaanri si wɔ́ɔ foro. 12#Zyan 13:34; 15:17; 3:23; 2Zyan 5 Amɛɛ mii tàmaga le ní yele ní lè, ki n yɛlɛ ye wɔ́ɔ ye gi le ní yeyɛɛ ní, dee bee di nyɛ mii tundunri. 13Tàmaga o nyɛ syɔɔn ma bi kpɔ́ʔɔ sɔ̀lɔ gee naa na í, koro gi nyɛ syɔɔn í wiyɛɛ gaan be kpóo wi tàannyɛnbèle nyùnzyɔɔrɔ kéele na. 14Tundunree mii joo yele ma lè, yele ga ni di kpéʔele àmɛɛ mii jo lè, yele i nyɛ mii tàannyɛ̀nnɛ. 15Mii a ní da yele yiri pulobèlē í, níì cán gee puloo kàfɔlɔ kpéʔele lè, púlow o gi cángi í. Kérigèle gele myɛ si mii lóʔo mii Tóow ma lè, mii n gele bee tɛ̀ɛn yele na, koro na mii yele yiri mii tàannyɛ̀nnɛ. 16Yele ban ye mii nyɛ́nɛ n wòlo í, kàjáa mii tiimaa wi yele nyɛ́nɛ n wòlo, níì yele télege, jàngó yele í da syée bi sa ra sangi, yele yasanri si kòro beè, koro ga pye yele ga yárigee faala nyɛ́ɛri Tofɔw ma mii mɛ́ɛgi na lè, wi a gi kaan yele ma. 17Tundunri mii a kaan yele ma lè toro di nyɛ, ki n yɛlɛ ye tàmaga le ní yeyɛɛ ní.
Zyezu ní wi wóbèle kéele n dulunyanw syɛ̀ɛnnɛ bɛɛn
18«Yele kéeli ga dulunyanw syɛ̀ɛnnɛ bɛɛn, ki n yɛlɛ ye gi cán mii na gi séli ní náa kɔ́ɔ̀ nan yele na. 19Yele ga maa pye dulunyanw wòolo, yele kéeli mǎà dée dulunyanw syɛ̀ɛnnɛ dɛ́nɛ àmɛɛ yele nyɛ lè dulunyanw wòolo. Kàjáa yele ní o nyɛ dulunyanw wòolo í, níì cán mii n yele nyɛ́nɛ n wòlo n yirige dulunyanw ni. Gee bee na yele kéeli dulunyanw syɛ̀ɛnnɛ bɛɛn. 20#Zyan 13:16; Mat 10:24; Luk 6:40 Ki n yɛlɛ yaa mii syɛ́ɛnri sɔ̀ngí yaa taagi, dee mii da joo yele ma lè níì jo, puloo a gbǎn kpɔ́ʔɔ sɔ̀lɔ wi kàfɔlɔ na í. Kapye pe n mii wɔʔɔ, pe a wɔ́ɔ yele wɔʔɔ, pe si ga mii syɛ́ɛnri lóʔo, pe a wɔ́ɔ yele wóri lóʔo si di cò. 21Kàjáa pe a gee bee myɛ kpéʔele yele na mii mɛ́ɛgi kéele na, níì cán pe ga mii Tunvɔw cán í. 22Kapye mii da pan n ba ni nyuu be ma í, kapeele mǎà dée pye be na í. Kàjáa tɔ́ɔliw ni tànʔa o nyɛ be ma be kapeeli kéele na í. 23Syɔ́ɔnwee mii kéeli bɛɛn lè, mii Tóow kéele li wee bee bɛɛn. 24Kapye mii da ni kérigèle kpéʔele be níngi ni í, gele ge lè syɔɔn ga kɔ́ɔ̀ li làa kpéʔele í, kapeele mǎà dée pye be na í. Kàjáa tɔ́ɔliw ni pe n mii kapyegèle nyaa, á mii ní mii tóow kéele sèʔê be bɛɛn. 25#Ŋún 35:19; 69:4 Koro n kpéʔele jàngó syɛ́ɛnri naa í foro, dee di nyɛ lè wozɛbɛrɛ ní pe làlwaw sɛ́bɛ ni níì jo: ‹Mii kéeli n be bɛɛn nyùngo fun.›
26Dɛ̀ɛmɛfɔw mii a tun yele ma lè, wee wi a yìri Tofɔw ma lè, wi ga pan lǎlee ni lè, wi a ba pye mii séera yele ma, Dɛ̀ɛmɛfɔw bee wi nyɛ kányɛɛgi Pìle, lee li a yìri Tofɔw ma lè. 27Yele a wɔ́ɔ pye mii séerabéle níì cán nlaa gi sélimi na, yele i nyɛ ní mii ní.
Currently Selected:
Zyan 15: CB10
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Zyan 15
15
Zyezu wi nyɛ ɛrɛzɛn tírigi wodelege
1«Mii wi nyɛ ɛrɛzɛn tírigi wodelege, mii Tóow si i nyɛ gi sámagafɔw. 2Káganlee faala li nyɛ mii na lè li si o sangi í, wi a lee bee ceri núngo yaà. Lee si li sangi lè, wi a ra lee bee nyáma, koro ga pye li a ra sangi da sɔ̀lɔ́ sanzelili na. 3Syɛ́ɛnree mii joo yele ma lè, yele n mùnu n kwɔ́ɔ ti báriga ni. 4Ki n yɛlɛ ye kòro mii ni, mii si wɔ́ɔ kòro yele ni. Amɛɛ káganni nyɛ lè li a gbǎn san liyɛɛ ma í, kapye li o nyɛ tírigi na í, ànbée si gi wɔ́ɔ̄ nyɛ, yele a gbǎn san yeyɛɛ ma í, kapye yele ga kòro mii ni í.
5Mii wi nyɛ tírigi, yele si i nyɛ kágangèle. Wee wi ga kòro mii ni lè, á mii wɔ́ɔ̀ kòro wi ni, wee bee a ra yasanra saʔa sangi, níì cán yele a gbǎn yarigaa faala kpéʔele mii kàdoʔo ma í. 6Syɔ́ɔnwee faala ga pye lè wi ga kòro mii ni í, pe a wee bee yirige wáa kàfugi na, àmɛɛ be kágannaa-sìnzanna wáa lè kàfugi na li i waari. Kágangèle ge waʔa lè, pe i ge kpóʔoro ni wáa náagi ni ke i sóori. 7Yele ga kòro mii ni á mii syɛ́ɛnri wɔ́ɔ̀ kòro yele ni, yárigee faala ga yele dɛ́nɛ lè, ye gi nyɛ́ɛri, yele a gi taa. 8Yele ga ni yasanra saʔa sangi, gee bee a nìjangbɔɔri taʔa mii Tóow na, yele si a pye mii pìitamabéle.
9Kánmee na Tofɔw tàmaga le ní mii ní lè, kánmi bee na mii wɔ́ɔ̀ gi le ní yele ní. Ki n yɛlɛ ye kòro mii tàmagi ni. 10Yele ga ni mii tundunri kɔngi ní i di kpéʔele, yele a kòro mii tàmagi ni, àmɛɛ mii mii Tóow wóro kɔngi ní i di kpéʔele lè níì kòro wi tàmagi ni.
11A mii kérigèle naa joo yele ma wii, koro ga pye mii fundaanri í pye yele ni, yele fundaanri si wɔ́ɔ foro. 12#Zyan 13:34; 15:17; 3:23; 2Zyan 5 Amɛɛ mii tàmaga le ní yele ní lè, ki n yɛlɛ ye wɔ́ɔ ye gi le ní yeyɛɛ ní, dee bee di nyɛ mii tundunri. 13Tàmaga o nyɛ syɔɔn ma bi kpɔ́ʔɔ sɔ̀lɔ gee naa na í, koro gi nyɛ syɔɔn í wiyɛɛ gaan be kpóo wi tàannyɛnbèle nyùnzyɔɔrɔ kéele na. 14Tundunree mii joo yele ma lè, yele ga ni di kpéʔele àmɛɛ mii jo lè, yele i nyɛ mii tàannyɛ̀nnɛ. 15Mii a ní da yele yiri pulobèlē í, níì cán gee puloo kàfɔlɔ kpéʔele lè, púlow o gi cángi í. Kérigèle gele myɛ si mii lóʔo mii Tóow ma lè, mii n gele bee tɛ̀ɛn yele na, koro na mii yele yiri mii tàannyɛ̀nnɛ. 16Yele ban ye mii nyɛ́nɛ n wòlo í, kàjáa mii tiimaa wi yele nyɛ́nɛ n wòlo, níì yele télege, jàngó yele í da syée bi sa ra sangi, yele yasanri si kòro beè, koro ga pye yele ga yárigee faala nyɛ́ɛri Tofɔw ma mii mɛ́ɛgi na lè, wi a gi kaan yele ma. 17Tundunri mii a kaan yele ma lè toro di nyɛ, ki n yɛlɛ ye tàmaga le ní yeyɛɛ ní.
Zyezu ní wi wóbèle kéele n dulunyanw syɛ̀ɛnnɛ bɛɛn
18«Yele kéeli ga dulunyanw syɛ̀ɛnnɛ bɛɛn, ki n yɛlɛ ye gi cán mii na gi séli ní náa kɔ́ɔ̀ nan yele na. 19Yele ga maa pye dulunyanw wòolo, yele kéeli mǎà dée dulunyanw syɛ̀ɛnnɛ dɛ́nɛ àmɛɛ yele nyɛ lè dulunyanw wòolo. Kàjáa yele ní o nyɛ dulunyanw wòolo í, níì cán mii n yele nyɛ́nɛ n wòlo n yirige dulunyanw ni. Gee bee na yele kéeli dulunyanw syɛ̀ɛnnɛ bɛɛn. 20#Zyan 13:16; Mat 10:24; Luk 6:40 Ki n yɛlɛ yaa mii syɛ́ɛnri sɔ̀ngí yaa taagi, dee mii da joo yele ma lè níì jo, puloo a gbǎn kpɔ́ʔɔ sɔ̀lɔ wi kàfɔlɔ na í. Kapye pe n mii wɔʔɔ, pe a wɔ́ɔ yele wɔʔɔ, pe si ga mii syɛ́ɛnri lóʔo, pe a wɔ́ɔ yele wóri lóʔo si di cò. 21Kàjáa pe a gee bee myɛ kpéʔele yele na mii mɛ́ɛgi kéele na, níì cán pe ga mii Tunvɔw cán í. 22Kapye mii da pan n ba ni nyuu be ma í, kapeele mǎà dée pye be na í. Kàjáa tɔ́ɔliw ni tànʔa o nyɛ be ma be kapeeli kéele na í. 23Syɔ́ɔnwee mii kéeli bɛɛn lè, mii Tóow kéele li wee bee bɛɛn. 24Kapye mii da ni kérigèle kpéʔele be níngi ni í, gele ge lè syɔɔn ga kɔ́ɔ̀ li làa kpéʔele í, kapeele mǎà dée pye be na í. Kàjáa tɔ́ɔliw ni pe n mii kapyegèle nyaa, á mii ní mii tóow kéele sèʔê be bɛɛn. 25#Ŋún 35:19; 69:4 Koro n kpéʔele jàngó syɛ́ɛnri naa í foro, dee di nyɛ lè wozɛbɛrɛ ní pe làlwaw sɛ́bɛ ni níì jo: ‹Mii kéeli n be bɛɛn nyùngo fun.›
26Dɛ̀ɛmɛfɔw mii a tun yele ma lè, wee wi a yìri Tofɔw ma lè, wi ga pan lǎlee ni lè, wi a ba pye mii séera yele ma, Dɛ̀ɛmɛfɔw bee wi nyɛ kányɛɛgi Pìle, lee li a yìri Tofɔw ma lè. 27Yele a wɔ́ɔ pye mii séerabéle níì cán nlaa gi sélimi na, yele i nyɛ ní mii ní.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.