Zyan 5
5
Zyezu n syɛɛnmɔngɔɔ pɔʔɔ
1Koro kàdoʔo ma a Zyezu kári Zyerusalɛmi ma, Zyefubèle maa ni sériwaa kpéʔele yaà. 2Pùndɛʔɛ si maa pye yaà Zyerusalɛmi ni, Bǎbèle tɛɛ̀jeele taana, pe i gi yiri Heburu-syɛ́ɛnri ni, Betɛzida. Kpáagéle kagunɔ maa pye yaà pùndɛɛgi bee taana. 3Yaabèlē saʔa maa pye wozinɛbéle ní kpáagèle bee láara ni, pèle maa pye fúunbéle n fàra tɔvanayi fɔ̀ɔlɔ ní syɛɛnmɔngɔbèle na, [a be i lǒgi fúugolo sige. 4Níì cán Kàfɔw tundunwaa maa ni yìrigí nyɛ̀ʔɛni na n ba ni lǒgi bee fúugu làrigèle kèle ni. Lǒgi ga ni fúugu lǎlee ni lè, yaama o yaama félegefɔwee ga sélì taa n jée gi ni lè, wee bee wómɔ n láʔa wi na.] 5Nànwaa si maa pye yaà, a yaama too wi na, a bi taa wi na yɛ̀ʔɛlɛ toko ní kpɔrigɔ ní kɔrɔtaanri. 6A Zyezu ga sáà wi nyaa wozinɛɔ ní, a wi gi cán yáami bee n mɔn wi na, a wi wi yíbe níì jo: «A mɔ i caa lé bi pɔʔɔ?» 7A yáaw wi yari: «Kàfɔw, syɔɔn o mii na bi mii láa le pùndɛɛgi ni lǎli ni gi fúugu lè í, sáni si mii í fulolo nan yaà lè, wàa n téè tìgi n jée gi ni mii yɛ́ʔɛ na.»
8A Zyezu wi pye: «Yìri mi mɔ yasinɛgi láa maa syée.» 9Lǎli bee wonijanna ni a nǎnw fala n pɔʔɔ níì gi láa ni syée.
Cángi bee si maa pye Zyefubèle cândɛnɛgɛ canʔa. 10#Neh 13:19; Zyer 17:1 Koro na be nǎnw bee pye: «Níjanʔa wi nyɛ cândɛnɛgi, á mɔ si mɔ yasinɛgi láa n tugo ni nyaari gi ni, gee gi lè ki ga yɛlɛ gi kpéʔele cândɛnɛgi ni í.» 11A wi be yari: «Wee wi mii pɔʔɔ lè, woro wi mii pye: ‹Mɔ yasinɛgi láa maa syée.› » 12A be wi yíbe níì jo: «Wìí wi nyɛ wee bee, wee wi mɔ pye lè mɔ í gi láa bàā syée?» 13Kàjáa wee wi wi pɔʔɔ lè, wi da wi cán í. Níì cán Zyezu maa núngo, syɛ́ɛnmi si maa nɛʔɛ yaà tɛ́ɛgi bee ni.
14Koro kàdoʔo ma a Zyezu ga sáà wi nyaa kpɔ̀ʔɔrɔli kpaʔa kàcoolo ni, a wi wi pye: «Wéle, mɔ n pɔʔɔ n kwɔ́ɔ, mɔ a ní kɔ́ kapeele kpéʔele í, koro ga pye yárigee gi pee lè n sɔ̀lɔ gee naa na, koro si kɔ́ mɔ taa í.» 15A nǎnw bee kári n sáà gi joo Zyefubèle ma níì jo, Zyezu wi da woro pɔʔɔ. 16Gee bee na Zyefubèle da ni Zyezu fɔ̀rɔgí, àmɛɛ wi da ni kérigèle bee kpéʔele cândɛnɛgi ni lè. 17Kàjáa a Zyezu be yari: «Mii Tóow sèʔé i báara n baa nan níjanʔa na, a mii wɔ́ɔ i báara.» 18Gee bee na Zyefubèle fúnyo da níì tanʔa n sɔ̀lɔ, a be i kanmaa caa bi wi kpóo, cândɛnɛgi kálagila yagana kéele na ban wi kéeli da be bɛɛn í, fwɔɔ àmɛɛ wi jo lè Kolocɔlɔɔ i nyɛ woro Tóow, ní i wiyɛɛ dímana ní Kolocɔlɔɔ ní sèjira.
Kolocɔlɔɔ Jáaw fànʔa
19A Zyezu be yari: «Mii a tɔ̀nɔ́ gi joo yele ma kányɛʔɛ ni, Jaafɔw a gbǎn yarigaa kpéʔele wiyɛɛ ma í, fwɔɔ gee wi nyaa lè wi Tóow ma wi i kpéʔele. Gee myɛ si Tofɔw kpéʔele lè, gee bee wonijanga Jaafɔw wɔ́ɔ̄ kpéʔele. 20Níì cán Jaafɔw kéele n Tofɔw dɛ́nɛ, a wi i kérigèle myɛ tèé wi na, gele woro kpéʔele lè. Kérigèle gele ge kpólo n sɔ̀lɔ gele naa na lè, wi a wɔ́ɔ ra gele bee tèé Jaafɔw na, koro ga pye gi yele fúnyi wɔ́ɔ. 21Amɛɛ Tofɔw kúbèle nyángi ni wéegi kánmee na lè, ànbée Jaafɔw wɔ́ɔ̄ sìíw kaangi wi nyɛnɛ wóbèle ma. 22Níì cán Tofɔw o kútii kúunri syɔɔn na í, kàjáa wi n kútiiw kèlē myɛ le Jaafɔw kɔ́yɔ ni, 23koro ga pye syɛ́ɛnbèle myɛ í da Jaafɔw kpɔ̀ʔɔrɔ́, àmɛɛ be Tofɔw kpɔ̀ʔɔrɔ́ lè. Syɔ́ɔnwee ga pye lè wi o Jaafɔw kpɔ̀ʔɔrɔ́ í, wee bee wɔ́ɔ o Tofɔw kpɔ̀ʔɔrɔ́ í, woro wee wi Jaafɔw tun lè.
24Mii si a tɔ̀nɔ́ gi joo yele ma kányɛʔɛ ni, syɔ́ɔnwee faala wi ga ni mii syɛ́ɛnri lúro lè níì tága mii Tunvɔw na, sìibangwɔɔw i nyɛ wee bee ma, wi tɔlɔgɔ a ní pye kútiiw ni í, ncan wi n yiri kùúw ni n kwɔ́ɔ n jée sìíw ni. 25Mii a ní gi joo yele ma kányɛʔɛ ni, làlaa i maa, li si n tɔ̀nɔ n nan n kwɔ́ɔ, lee ni kúbèle a Kolocɔlɔɔ Jáaw yákpolo lóʔo lè. Bele pe ga li lóʔo lè, poro a sìi taa. 26Níì cán àmɛɛ Tofɔw Kolocɔlɔɔ nyɛ lè sìi na wiyɛɛ ma, ànbée wi wɔ́ɔ̀ gi kpéʔele Jaafɔw ma wi wɔ́ɔ pye sìi na wiyɛɛ ma, 27ní wɔ́ɔ̀ fǎngi kaan wi ma waa kútiiw nyuu, níì cán wi i nyɛ Syɔɔn-pya. 28Yele a kɔ́ ra káama gee bee na í. Níì cán làlaa i maa, loro lǎli ga baa nan, bele myɛ be nyɛ lè nyányi ni, pe a wi yákpoli lóʔo si yiri yi ni. 29#Dan 12:2 Bele be nyɛ lè kacànbyebèle, poro a nyán sìíw kánma na, bele si be nyɛ lè kapeebyebèle, poro si nyán kútiiw kánma na.
Fɛ̀ɛ́bèle be Zyezu fǎngi tɛ̀ɛn lè
30«Mii a gbǎn yarigaa kpéʔele niyɛɛ bárigaw ni í, mii i kútiiw kúunri ni yɛlɛgi ní mii kaloʔogèle ní. Gee bee na mii kútiiw síngi, níì cán mii o caa bàā mii nyɛ́nɛ kèlē kpéʔele í, fwɔɔ mii Tunvɔw nyɛ́nɛ kèlē. 31Kapye mii wi séeraw kpéʔele niyɛɛ tiimaa kéeli na, mii séeraw a gbǎn pye kányɛʔɛ í. 32Wàa wi séeraw kpéʔele mii kéeli na, a mii gi cán séeraw wi kpéʔele lè wi i nyɛ kányɛʔɛ. 33#Zyan 1:19-27; 3:27-30 Amɛɛ yele da tun lè Zyan ma, séerawee wi sáà kpéʔele lè, kányɛɛgi kéele na wi da wi kpéʔele. 34Mii si ga niyɛɛ yérige syɔɔn séera na í. A mii kérigèle naa nyuu yele ma wii, koro ga pye yele í taa syɔɔ. 35Zyan maa pye fètinni, lee be le lè a li i nyín, a gi yele dɛ́nɛ lǎli bee ni, a yele làla cɛɛri kwɔ́ɔ fundaanra na wi gbɛ̀ɛ́nmi báriga ni. 36Séerawaa si ní i nyɛ mii ma, woro n kpɔ́ʔɔ n sɔ̀lɔ Zyan wów na. Séeraw bee wi nyɛ kérigèle gele Tofɔw kaan mii ma lè níì jo mii í ge kpéʔele foro, kérigèle gele mii kpéʔele lè, gele bee tiimaa i nyɛ mii séera, koro ga pye syɛ́ɛnbèle í gi cán Tofɔw wi mii tun. 37#Mat 3:17; Mar 1:11; Luk 3:22 Tofɔw wi mii tun lè, woro wɔ́ɔ i nyɛ mii séera. Yele ga kɔ́ɔ̀ wi yákpoli lóʔo nyáana í, yele ga wɔ́ɔ kɔ́ɔ̀ wi yɛ́ɛgi nyaa í, 38wi syɛ́ɛnri si ga wɔ́ɔ̀ tɛɛkòrogo taa yele fúnyi ni í, níì cán wee Kolocɔlɔɔ tun lè, yele ga tága wi na í. 39Kolocɔlɔɔ syɛɛnsɛbɛri yele wéle ni nyuu lè ní lòmaana ní, ní i sɔ̀ngí bi sìibangwɔɔw taa di ni, dee bee wɔ́ɔ i nyɛ mii séera. 40Koro ní ki myɛ ní yele ga fɔ̀lɔ bi pan mii ma koro ga pye yele í sìíw taa í!
41Kpɔ́ɔmi syɛ́ɛnbèle kaangi lè, mii o bee bee caa í. 42Mii si n gi cán tàmaga o nyɛ yele fúnyi ni Kolocɔlɔɔ kàbangi na í. 43Mii n pan mii Tóow mɛ́ʔɛ na, yele si ga baa fɔ̀lɔ mii na í. Wàa si ga pan wi tiimaa mɛ́ʔɛ na, yele a ba fɔ̀lɔ wee bee na! 44Yele bele ye fɔ̀lɔ lè yeyɛɛ kpɔ́ɔmi na, bi gi taa wee nibin wi nyɛ lè Kolocɔlɔɔ, kpɔ́ɔmee wi kaangi lè, yele o bee bee caa í, mɛ̀ɛ́ yele a gbǎn tága bi sɛ́ɛ? 45Yele a kɔ́ ra sɔ̀ngí mii wi a mii Tóow sɔ́ɔn yele na í. Mowizi na yele ye sɔ̀ngumi taʔa lè, woro wi sɔ́ɔn yele na. 46Yele ga maa tága Mowizi na, yele mǎà dée wɔ́ɔ tága mii na, níì cán wi n mii kéeli sɛ́bɛ. 47Amɛɛ si gi nyɛ lè yele ga tága woro sɛ́bɛw syɛ́ɛnrɛ na í, mɛ̀ɛ́ yele a gbǎn tága bi sɛ́ɛ mii syɛɛnjóori na?»
Currently Selected:
Zyan 5: CB10
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Zyan 5
5
Zyezu n syɛɛnmɔngɔɔ pɔʔɔ
1Koro kàdoʔo ma a Zyezu kári Zyerusalɛmi ma, Zyefubèle maa ni sériwaa kpéʔele yaà. 2Pùndɛʔɛ si maa pye yaà Zyerusalɛmi ni, Bǎbèle tɛɛ̀jeele taana, pe i gi yiri Heburu-syɛ́ɛnri ni, Betɛzida. Kpáagéle kagunɔ maa pye yaà pùndɛɛgi bee taana. 3Yaabèlē saʔa maa pye wozinɛbéle ní kpáagèle bee láara ni, pèle maa pye fúunbéle n fàra tɔvanayi fɔ̀ɔlɔ ní syɛɛnmɔngɔbèle na, [a be i lǒgi fúugolo sige. 4Níì cán Kàfɔw tundunwaa maa ni yìrigí nyɛ̀ʔɛni na n ba ni lǒgi bee fúugu làrigèle kèle ni. Lǒgi ga ni fúugu lǎlee ni lè, yaama o yaama félegefɔwee ga sélì taa n jée gi ni lè, wee bee wómɔ n láʔa wi na.] 5Nànwaa si maa pye yaà, a yaama too wi na, a bi taa wi na yɛ̀ʔɛlɛ toko ní kpɔrigɔ ní kɔrɔtaanri. 6A Zyezu ga sáà wi nyaa wozinɛɔ ní, a wi gi cán yáami bee n mɔn wi na, a wi wi yíbe níì jo: «A mɔ i caa lé bi pɔʔɔ?» 7A yáaw wi yari: «Kàfɔw, syɔɔn o mii na bi mii láa le pùndɛɛgi ni lǎli ni gi fúugu lè í, sáni si mii í fulolo nan yaà lè, wàa n téè tìgi n jée gi ni mii yɛ́ʔɛ na.»
8A Zyezu wi pye: «Yìri mi mɔ yasinɛgi láa maa syée.» 9Lǎli bee wonijanna ni a nǎnw fala n pɔʔɔ níì gi láa ni syée.
Cángi bee si maa pye Zyefubèle cândɛnɛgɛ canʔa. 10#Neh 13:19; Zyer 17:1 Koro na be nǎnw bee pye: «Níjanʔa wi nyɛ cândɛnɛgi, á mɔ si mɔ yasinɛgi láa n tugo ni nyaari gi ni, gee gi lè ki ga yɛlɛ gi kpéʔele cândɛnɛgi ni í.» 11A wi be yari: «Wee wi mii pɔʔɔ lè, woro wi mii pye: ‹Mɔ yasinɛgi láa maa syée.› » 12A be wi yíbe níì jo: «Wìí wi nyɛ wee bee, wee wi mɔ pye lè mɔ í gi láa bàā syée?» 13Kàjáa wee wi wi pɔʔɔ lè, wi da wi cán í. Níì cán Zyezu maa núngo, syɛ́ɛnmi si maa nɛʔɛ yaà tɛ́ɛgi bee ni.
14Koro kàdoʔo ma a Zyezu ga sáà wi nyaa kpɔ̀ʔɔrɔli kpaʔa kàcoolo ni, a wi wi pye: «Wéle, mɔ n pɔʔɔ n kwɔ́ɔ, mɔ a ní kɔ́ kapeele kpéʔele í, koro ga pye yárigee gi pee lè n sɔ̀lɔ gee naa na, koro si kɔ́ mɔ taa í.» 15A nǎnw bee kári n sáà gi joo Zyefubèle ma níì jo, Zyezu wi da woro pɔʔɔ. 16Gee bee na Zyefubèle da ni Zyezu fɔ̀rɔgí, àmɛɛ wi da ni kérigèle bee kpéʔele cândɛnɛgi ni lè. 17Kàjáa a Zyezu be yari: «Mii Tóow sèʔé i báara n baa nan níjanʔa na, a mii wɔ́ɔ i báara.» 18Gee bee na Zyefubèle fúnyo da níì tanʔa n sɔ̀lɔ, a be i kanmaa caa bi wi kpóo, cândɛnɛgi kálagila yagana kéele na ban wi kéeli da be bɛɛn í, fwɔɔ àmɛɛ wi jo lè Kolocɔlɔɔ i nyɛ woro Tóow, ní i wiyɛɛ dímana ní Kolocɔlɔɔ ní sèjira.
Kolocɔlɔɔ Jáaw fànʔa
19A Zyezu be yari: «Mii a tɔ̀nɔ́ gi joo yele ma kányɛʔɛ ni, Jaafɔw a gbǎn yarigaa kpéʔele wiyɛɛ ma í, fwɔɔ gee wi nyaa lè wi Tóow ma wi i kpéʔele. Gee myɛ si Tofɔw kpéʔele lè, gee bee wonijanga Jaafɔw wɔ́ɔ̄ kpéʔele. 20Níì cán Jaafɔw kéele n Tofɔw dɛ́nɛ, a wi i kérigèle myɛ tèé wi na, gele woro kpéʔele lè. Kérigèle gele ge kpólo n sɔ̀lɔ gele naa na lè, wi a wɔ́ɔ ra gele bee tèé Jaafɔw na, koro ga pye gi yele fúnyi wɔ́ɔ. 21Amɛɛ Tofɔw kúbèle nyángi ni wéegi kánmee na lè, ànbée Jaafɔw wɔ́ɔ̄ sìíw kaangi wi nyɛnɛ wóbèle ma. 22Níì cán Tofɔw o kútii kúunri syɔɔn na í, kàjáa wi n kútiiw kèlē myɛ le Jaafɔw kɔ́yɔ ni, 23koro ga pye syɛ́ɛnbèle myɛ í da Jaafɔw kpɔ̀ʔɔrɔ́, àmɛɛ be Tofɔw kpɔ̀ʔɔrɔ́ lè. Syɔ́ɔnwee ga pye lè wi o Jaafɔw kpɔ̀ʔɔrɔ́ í, wee bee wɔ́ɔ o Tofɔw kpɔ̀ʔɔrɔ́ í, woro wee wi Jaafɔw tun lè.
24Mii si a tɔ̀nɔ́ gi joo yele ma kányɛʔɛ ni, syɔ́ɔnwee faala wi ga ni mii syɛ́ɛnri lúro lè níì tága mii Tunvɔw na, sìibangwɔɔw i nyɛ wee bee ma, wi tɔlɔgɔ a ní pye kútiiw ni í, ncan wi n yiri kùúw ni n kwɔ́ɔ n jée sìíw ni. 25Mii a ní gi joo yele ma kányɛʔɛ ni, làlaa i maa, li si n tɔ̀nɔ n nan n kwɔ́ɔ, lee ni kúbèle a Kolocɔlɔɔ Jáaw yákpolo lóʔo lè. Bele pe ga li lóʔo lè, poro a sìi taa. 26Níì cán àmɛɛ Tofɔw Kolocɔlɔɔ nyɛ lè sìi na wiyɛɛ ma, ànbée wi wɔ́ɔ̀ gi kpéʔele Jaafɔw ma wi wɔ́ɔ pye sìi na wiyɛɛ ma, 27ní wɔ́ɔ̀ fǎngi kaan wi ma waa kútiiw nyuu, níì cán wi i nyɛ Syɔɔn-pya. 28Yele a kɔ́ ra káama gee bee na í. Níì cán làlaa i maa, loro lǎli ga baa nan, bele myɛ be nyɛ lè nyányi ni, pe a wi yákpoli lóʔo si yiri yi ni. 29#Dan 12:2 Bele be nyɛ lè kacànbyebèle, poro a nyán sìíw kánma na, bele si be nyɛ lè kapeebyebèle, poro si nyán kútiiw kánma na.
Fɛ̀ɛ́bèle be Zyezu fǎngi tɛ̀ɛn lè
30«Mii a gbǎn yarigaa kpéʔele niyɛɛ bárigaw ni í, mii i kútiiw kúunri ni yɛlɛgi ní mii kaloʔogèle ní. Gee bee na mii kútiiw síngi, níì cán mii o caa bàā mii nyɛ́nɛ kèlē kpéʔele í, fwɔɔ mii Tunvɔw nyɛ́nɛ kèlē. 31Kapye mii wi séeraw kpéʔele niyɛɛ tiimaa kéeli na, mii séeraw a gbǎn pye kányɛʔɛ í. 32Wàa wi séeraw kpéʔele mii kéeli na, a mii gi cán séeraw wi kpéʔele lè wi i nyɛ kányɛʔɛ. 33#Zyan 1:19-27; 3:27-30 Amɛɛ yele da tun lè Zyan ma, séerawee wi sáà kpéʔele lè, kányɛɛgi kéele na wi da wi kpéʔele. 34Mii si ga niyɛɛ yérige syɔɔn séera na í. A mii kérigèle naa nyuu yele ma wii, koro ga pye yele í taa syɔɔ. 35Zyan maa pye fètinni, lee be le lè a li i nyín, a gi yele dɛ́nɛ lǎli bee ni, a yele làla cɛɛri kwɔ́ɔ fundaanra na wi gbɛ̀ɛ́nmi báriga ni. 36Séerawaa si ní i nyɛ mii ma, woro n kpɔ́ʔɔ n sɔ̀lɔ Zyan wów na. Séeraw bee wi nyɛ kérigèle gele Tofɔw kaan mii ma lè níì jo mii í ge kpéʔele foro, kérigèle gele mii kpéʔele lè, gele bee tiimaa i nyɛ mii séera, koro ga pye syɛ́ɛnbèle í gi cán Tofɔw wi mii tun. 37#Mat 3:17; Mar 1:11; Luk 3:22 Tofɔw wi mii tun lè, woro wɔ́ɔ i nyɛ mii séera. Yele ga kɔ́ɔ̀ wi yákpoli lóʔo nyáana í, yele ga wɔ́ɔ kɔ́ɔ̀ wi yɛ́ɛgi nyaa í, 38wi syɛ́ɛnri si ga wɔ́ɔ̀ tɛɛkòrogo taa yele fúnyi ni í, níì cán wee Kolocɔlɔɔ tun lè, yele ga tága wi na í. 39Kolocɔlɔɔ syɛɛnsɛbɛri yele wéle ni nyuu lè ní lòmaana ní, ní i sɔ̀ngí bi sìibangwɔɔw taa di ni, dee bee wɔ́ɔ i nyɛ mii séera. 40Koro ní ki myɛ ní yele ga fɔ̀lɔ bi pan mii ma koro ga pye yele í sìíw taa í!
41Kpɔ́ɔmi syɛ́ɛnbèle kaangi lè, mii o bee bee caa í. 42Mii si n gi cán tàmaga o nyɛ yele fúnyi ni Kolocɔlɔɔ kàbangi na í. 43Mii n pan mii Tóow mɛ́ʔɛ na, yele si ga baa fɔ̀lɔ mii na í. Wàa si ga pan wi tiimaa mɛ́ʔɛ na, yele a ba fɔ̀lɔ wee bee na! 44Yele bele ye fɔ̀lɔ lè yeyɛɛ kpɔ́ɔmi na, bi gi taa wee nibin wi nyɛ lè Kolocɔlɔɔ, kpɔ́ɔmee wi kaangi lè, yele o bee bee caa í, mɛ̀ɛ́ yele a gbǎn tága bi sɛ́ɛ? 45Yele a kɔ́ ra sɔ̀ngí mii wi a mii Tóow sɔ́ɔn yele na í. Mowizi na yele ye sɔ̀ngumi taʔa lè, woro wi sɔ́ɔn yele na. 46Yele ga maa tága Mowizi na, yele mǎà dée wɔ́ɔ tága mii na, níì cán wi n mii kéeli sɛ́bɛ. 47Amɛɛ si gi nyɛ lè yele ga tága woro sɛ́bɛw syɛ́ɛnrɛ na í, mɛ̀ɛ́ yele a gbǎn tága bi sɛ́ɛ mii syɛɛnjóori na?»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.