HLIMI 19
19
Lɔte wí ma syɔ Sodɔmu kàʔa ki cɔʔɔmo ma me
1Mlɛŋɛyee syɛn be pe da yâ je wa Sodɔmu kàʔà ni yaakwɔʔɔ. Lɔte nì wi klɛn be Sodɔmu kàʔà goyɛʔɛ na ge. Lɔte wi gâ pe nya nyiŋi ga na, wɔ̀ɔ jɛ mà yâ pe flin mà kunbiʔi kan pè tanla mà wi yugu kpɔbu tra na.
2Ki kruʔu ma wɔ̀ɔ yo: «Ye wèlé, na woolo, mí na ye fɛn ye pan ye ba je naʔa na go nî ge. Ye syɛn naʔa, ye yè cyeʔe jeʔe ge. Pa ye ba jɛ fan kpɛndo jɛfanʔa na bì da sye yè kloʔo ni ge.» À poo po: «Ayo, wó bi yà syɛn wa kàʔà lama kloʔò kà ni.»
3Di Lɔte wɔ̀ɔ na pe ciʔili ceŋge fɔ à pe pan mà bâ drigi wa wi go nî ge. Wɔ̀ɔ fɛti hro hɔʔɔ pé kan mà bru hɔʔɔ pé kan ajrɛʔɛgɛ wɛgɛ fun. À pe li.
4Pe dá bo pe ìn je syɛn kpɛn Sodɔmu kàʔà hɛɛn pè bɛfu, pii yoo, lagwɔɔ yoo, à pe pan mà bâ go kɛli. Kàʔà hɛɛn pè bɛfu pe dá fɛ mà bâ pe kpoʔolo be ki deʔe na ge. 5À pe Lɔte yeri mà bɔ́ɔ̀ po: «Nabii bee pé ma pan naʔa ma go ni alaʔa yebliʔi ni pé nyɛ hanbe. Ma pe yrigi naʔa wo kan jango wo syɛ̀n pé ni.»
6Lɔte wɔ̀ɔ nyini naʔa pè krugu finmi na mà wi go tón ge 7mà pe po: «Na woolo, mí na ye fɛn, yeʔe yaʔa. Yò gá tipeʔe hanri. 8Ye wèlé, picɛɛ syɛn nyɛ naʔa ná ma, bee pe ìn nabii kala cɛn kpɛn ge. Mí bi pe yrigi naʔa ye ma dala na le. Ga kí bi ye glan yeʔe hanri pé na. Ɛɛn di, yò gá yraʔa kà hanri ki nabii bee na be, mɛjɛn pé ma pan mà bâ je na go nyunyumu ni.» 9À poo po: «Ma jɛ̀ be! Mà nì ma yo nɛ: Ki woo ŋa wi bâ glɛn naʔa wo nì mà po nabonŋo, di wí naʔa ca bì wì krɛʔɛ kiti konfɔlɔ. Ki tɔ na wó bi tipeʔe kon má na fɔ bì doro pee na be.»
À peʔe hli mà na Lɔte frɛnʔɛ we gbanʔa ceŋge na sye wí ni bì yà gokɔrɔ ka ge. 10Ki mlɛŋɛyee syɛn à pe pe kyɛrɛ̀ yrigi mà Lɔte co mòo le wa pè krugu go lama ni mà goyɛʔɛ tón ge 11mà bee fyon pe da yeré mâ goyɛʔɛ tón pe na mà piyribee plɛn lagwɔɔ ní be fɔ àʔa po pé ma gbanʔa bí goyɛʔɛ nya ge.
12Ki mlɛŋɛyee syɛn à pe Lɔte yugu mà yo: «Han nyɛ naʔa má ma naʔamɛ ge? Ma lefɛɛ bɛ yoo, ma najɛɛ bɛ yoo, ma picɛ wí yo ní ma heme woo pè bɛfu ní ma pe yrigi naʔa kàʔa ni ge. 13Mɛjɛn wó bi ki deʔe ga cɔʔɔ ge ga na ki hɛɛn pe tipeʔe kayoʔo kí ma yo Bajegɔ Nyɛʔɛlɛ kan le mà toro wɛʔɛ. Bajegɔ Nyɛʔɛlɛ à li wo tun mà yo wo baʔa cɔʔɔ.»
14Lɔte wɔ̀ɔ nyini mà kɛri mà yáa ki nyu wi lefɛɛ ma be mà yo: «Ye nyini naʔa ki deʔe ga na, mɛjɛn Nyɛʔɛlɛ lí bi kàʔà cɔʔɔ ge.»
Di wi lefɛɛ pe yɛʔɛ̀ na, à peʔe nya nɛ wí na nabro kmo mà na hre.
15Ki kpɛntoʔo jɛfantutuʔu na, mlɛŋɛyee à pe na nyu Lɔte nì we noo ciʔili mà yo: «Jɛ̀, ma ma cɔ co ní ma picɛɛ bee ni pé nyɛ naʔa mɛ ge, ma nyini pé ni jango yò ga blɛn bì gu wa katipeʔe ni ki cɔʔɔnyiŋi na ge.»
16Pɔɔ da gáa mori, mlɛŋɛyee à poo co kɛʔɛ na ní wi cɔ nì wi picɛɛ syɛn ní we mà pe kle mà nyini pé ni kaʔà kruʔu ma, mɛjɛn Bajegɔ Nyɛʔɛlɛ li dá jori bì pe syɔ.
17Pe gâ pè yrigi wa kɔ, à wà ma yo: «Ma fɛ̀, ma ma nyuwyeʔe syɔ ge. Mò ga wele wa ma kruʔu ma ge. Mò gá yere kpo wa gbendeʔe ni ge. Ma fɛ̀ ma kɛri wa angogo na, jango mò gá gu.»
18Lɔte wɔ̀ɔ pé po: «Ayo, na fɔlɔ! 19Welé, má ma na haʔa mà ma nyugara kpangbanra tyɛʔɛ na na, à ma na nyuwyeʔe syɔ cɔʔɔmo ma. Di mi ìn bi gban bì fɛ bì no wa angogo na ge. À apeʔe kà bi na kpo. 20Welé, ki kàʔà ga kí nyɛ nà tanla ton mà po pa mi gban bì yà hra wa. Kí nyɛ tatugu kpo. Maʔa yaʔa bì yà hra wa. Koò tatugu wɛʔɛ yo? Di mí bi ya hra waʔa nî.»
21Mlɛŋɛ wɔ̀ɔ wí po: «Welé, mí bi ma haʔa nɛ ki woʔo ga ni ge. Mi ìn bi ki kàʔà cɔʔɔ ga má na ki kayoʔo nyu ge. 22Ma fyala ma je waʔa nî, mɛjɛn mi ìn bi gban bì kala là hanri fɔ ki po má ma je waʔa nî kɔ.» À kiì ma kan á pe na ki deʔe yeri Tisowari ge.
23Yaa ki dá bo kí ma jɛ tere wa tra na de, Lɔte wɔ̀ɔ na je wa Tisowari ni we. 24Ki nyiŋi na Bajegɔ Nyɛʔɛlɛ à li kwɔʔɔ ní kiribi wo Sodɔmu kàʔà na ní Gɔmore woʔo ní nɛ pa hɔgɔ nyɛ ge. Ki woʔo ga ki dá jɛ wa namuru ni Bajegɔ Nyɛʔɛlɛ liì ma.#19:24 ma wèle wa Mat 10:15; 11:23-24; Luk 10:12; 17:29; 2Pyɛ 2:6; Jude 7 ni wè. 25Li dá ki kyɛ̀rɛ̀ tì bɛfu hogo màʔa plɛn ki gbendeʔe deʔe ní ge, ki kyɛ̀rɛ̀ ti hɛɛn pè bɛfu ní, ní tiri tì bɛfu ní. 26Lɔte wi cɔ wi da welé wa wi kruʔu ma, wɔ̀ɔ krɛʔɛ kɔ ŋglɛnʔɛ.
27Abrahamu wɔ̀ɔ jɛ jɛfantutuʔu na mà yere wa Nyɛʔɛlɛ li yɛʔɛ̀ ma ge. 28Wɔ̀ɔ yɛʔɛ̀ jrɛʔɛ mà wele wa Sodɔmu nì, Gɔmore namyɛlɛ na le. Welé, wɔ̀ɔ wriʔi nya kí na jrɛʔɛ wa tra ni nɛ pa wriʔi ga nyɛ kí na nyini wa kwɔkpɔʔɔ ni ge.
29Nyiŋi ga na Nyɛʔɛlɛ li dá ki gbendeʔe ki kyɛ̀rɛ̀ hogo de, à li lama to Abrahamu nì we. Li dá Lɔte syɔ ki tipeʔe ma ga nì li dá kyɛ̀rɛ̀ cɔʔɔ, wa da ni Lɔte wi da glɛ́n ge.
Lɔte nì wi picɛ ní pe jɛrihaʔa
30Lɔte nì wi picɛɛ syɛn pè bɛfu à pe nyini wa Tisowari kàʔà ni mà kɛri mà yâ glɛn wa angolo na angowyʔe kà ni, mɛjɛn Tisowari kàʔà ki klɛnmɛ mi dáa fyara wa wí na. 31Picɛpii lagwɔ wɔ̀ɔ báʔà yo wlɛʔɛ kà na wi conlo ma we mà yo: «Welé, wò to wí ma lɛ kɔ. Nabii pèè wo naʔa klɛnmɛ ni pe ba wò pɔri nɛ pa klòʔo ke tɔɔ ke hɛɛn pé naʔa hanri ge. 32Ma pan wo dufɛn kan wò to ma wi jɔ, jango wo kò wi ní wo wi kluʔu he ge.»
33À pe dufɛn kan pe to ma we, wɔ̀ɔ wi jɔ mà tin. Picɛpii lagwɔ wɔ̀ɔ kɛri mà yâ syɛn wa pe to nì we. Pe to wi ìn wi syɛnnyiŋi cɛn ní wi jɛnyiŋi nì ge kpo. 34Ki kpɛntoʔo na, picɛpii lagwɔ wɔ̀ɔ tatunŋu po we: «Welé, mi di yâ syɛn wa na to ni yaaga yebliʔi ni ge. Ma pan wo dufɛn wà kan wí ma nɛ alaʔa yebliʔi ni. Mo ma kɛri ma ya syɛn wa wi ní jango wo wò to wi kluʔu yaʔa naʔa.»
35À pe dufɛn wà kan nɛ pe to ma we, wɔ̀ɔ wi jɔ ki yebliʔi ni ge. Picɛpii tatunŋu wɔ̀ɔ kɛri mà yâ syɛn wa wi ní. Wi to wi ìn wi syɛnnyiŋi cɛn ní wi jɛnyiŋi nì ge.
36Lɔte wi picɛɛ pe syɛnmu à pe acɛnŋɛɛ ta pe to ma we. 37Picɛpii lagwɔ wɔ̀ɔ bâ pyɔ wà he nabii. Wɔ̀ɔ noo yeri Mowabi. Wi kluʔu pii pé na pe yeri Mowabi kluʔu woo fɔ mà bâ no alaʔa na. 38Picɛpii tatunŋu wɔ̀ɔ ba nabii wà he noo yeri Bɛni Ami. Amo-kluʔu woo pe to wiì wi fɔ mà sun alaʔa na.
Currently Selected:
HLIMI 19: NLK10
Highlight
Share
Copy
Want to have your highlights saved across all your devices? Sign up or sign in
Bible Society of Côte d'Ivoire
HLIMI 19
19
Lɔte wí ma syɔ Sodɔmu kàʔa ki cɔʔɔmo ma me
1Mlɛŋɛyee syɛn be pe da yâ je wa Sodɔmu kàʔà ni yaakwɔʔɔ. Lɔte nì wi klɛn be Sodɔmu kàʔà goyɛʔɛ na ge. Lɔte wi gâ pe nya nyiŋi ga na, wɔ̀ɔ jɛ mà yâ pe flin mà kunbiʔi kan pè tanla mà wi yugu kpɔbu tra na.
2Ki kruʔu ma wɔ̀ɔ yo: «Ye wèlé, na woolo, mí na ye fɛn ye pan ye ba je naʔa na go nî ge. Ye syɛn naʔa, ye yè cyeʔe jeʔe ge. Pa ye ba jɛ fan kpɛndo jɛfanʔa na bì da sye yè kloʔo ni ge.» À poo po: «Ayo, wó bi yà syɛn wa kàʔà lama kloʔò kà ni.»
3Di Lɔte wɔ̀ɔ na pe ciʔili ceŋge fɔ à pe pan mà bâ drigi wa wi go nî ge. Wɔ̀ɔ fɛti hro hɔʔɔ pé kan mà bru hɔʔɔ pé kan ajrɛʔɛgɛ wɛgɛ fun. À pe li.
4Pe dá bo pe ìn je syɛn kpɛn Sodɔmu kàʔà hɛɛn pè bɛfu, pii yoo, lagwɔɔ yoo, à pe pan mà bâ go kɛli. Kàʔà hɛɛn pè bɛfu pe dá fɛ mà bâ pe kpoʔolo be ki deʔe na ge. 5À pe Lɔte yeri mà bɔ́ɔ̀ po: «Nabii bee pé ma pan naʔa ma go ni alaʔa yebliʔi ni pé nyɛ hanbe. Ma pe yrigi naʔa wo kan jango wo syɛ̀n pé ni.»
6Lɔte wɔ̀ɔ nyini naʔa pè krugu finmi na mà wi go tón ge 7mà pe po: «Na woolo, mí na ye fɛn, yeʔe yaʔa. Yò gá tipeʔe hanri. 8Ye wèlé, picɛɛ syɛn nyɛ naʔa ná ma, bee pe ìn nabii kala cɛn kpɛn ge. Mí bi pe yrigi naʔa ye ma dala na le. Ga kí bi ye glan yeʔe hanri pé na. Ɛɛn di, yò gá yraʔa kà hanri ki nabii bee na be, mɛjɛn pé ma pan mà bâ je na go nyunyumu ni.» 9À poo po: «Ma jɛ̀ be! Mà nì ma yo nɛ: Ki woo ŋa wi bâ glɛn naʔa wo nì mà po nabonŋo, di wí naʔa ca bì wì krɛʔɛ kiti konfɔlɔ. Ki tɔ na wó bi tipeʔe kon má na fɔ bì doro pee na be.»
À peʔe hli mà na Lɔte frɛnʔɛ we gbanʔa ceŋge na sye wí ni bì yà gokɔrɔ ka ge. 10Ki mlɛŋɛyee syɛn à pe pe kyɛrɛ̀ yrigi mà Lɔte co mòo le wa pè krugu go lama ni mà goyɛʔɛ tón ge 11mà bee fyon pe da yeré mâ goyɛʔɛ tón pe na mà piyribee plɛn lagwɔɔ ní be fɔ àʔa po pé ma gbanʔa bí goyɛʔɛ nya ge.
12Ki mlɛŋɛyee syɛn à pe Lɔte yugu mà yo: «Han nyɛ naʔa má ma naʔamɛ ge? Ma lefɛɛ bɛ yoo, ma najɛɛ bɛ yoo, ma picɛ wí yo ní ma heme woo pè bɛfu ní ma pe yrigi naʔa kàʔa ni ge. 13Mɛjɛn wó bi ki deʔe ga cɔʔɔ ge ga na ki hɛɛn pe tipeʔe kayoʔo kí ma yo Bajegɔ Nyɛʔɛlɛ kan le mà toro wɛʔɛ. Bajegɔ Nyɛʔɛlɛ à li wo tun mà yo wo baʔa cɔʔɔ.»
14Lɔte wɔ̀ɔ nyini mà kɛri mà yáa ki nyu wi lefɛɛ ma be mà yo: «Ye nyini naʔa ki deʔe ga na, mɛjɛn Nyɛʔɛlɛ lí bi kàʔà cɔʔɔ ge.»
Di wi lefɛɛ pe yɛʔɛ̀ na, à peʔe nya nɛ wí na nabro kmo mà na hre.
15Ki kpɛntoʔo jɛfantutuʔu na, mlɛŋɛyee à pe na nyu Lɔte nì we noo ciʔili mà yo: «Jɛ̀, ma ma cɔ co ní ma picɛɛ bee ni pé nyɛ naʔa mɛ ge, ma nyini pé ni jango yò ga blɛn bì gu wa katipeʔe ni ki cɔʔɔnyiŋi na ge.»
16Pɔɔ da gáa mori, mlɛŋɛyee à poo co kɛʔɛ na ní wi cɔ nì wi picɛɛ syɛn ní we mà pe kle mà nyini pé ni kaʔà kruʔu ma, mɛjɛn Bajegɔ Nyɛʔɛlɛ li dá jori bì pe syɔ.
17Pe gâ pè yrigi wa kɔ, à wà ma yo: «Ma fɛ̀, ma ma nyuwyeʔe syɔ ge. Mò ga wele wa ma kruʔu ma ge. Mò gá yere kpo wa gbendeʔe ni ge. Ma fɛ̀ ma kɛri wa angogo na, jango mò gá gu.»
18Lɔte wɔ̀ɔ pé po: «Ayo, na fɔlɔ! 19Welé, má ma na haʔa mà ma nyugara kpangbanra tyɛʔɛ na na, à ma na nyuwyeʔe syɔ cɔʔɔmo ma. Di mi ìn bi gban bì fɛ bì no wa angogo na ge. À apeʔe kà bi na kpo. 20Welé, ki kàʔà ga kí nyɛ nà tanla ton mà po pa mi gban bì yà hra wa. Kí nyɛ tatugu kpo. Maʔa yaʔa bì yà hra wa. Koò tatugu wɛʔɛ yo? Di mí bi ya hra waʔa nî.»
21Mlɛŋɛ wɔ̀ɔ wí po: «Welé, mí bi ma haʔa nɛ ki woʔo ga ni ge. Mi ìn bi ki kàʔà cɔʔɔ ga má na ki kayoʔo nyu ge. 22Ma fyala ma je waʔa nî, mɛjɛn mi ìn bi gban bì kala là hanri fɔ ki po má ma je waʔa nî kɔ.» À kiì ma kan á pe na ki deʔe yeri Tisowari ge.
23Yaa ki dá bo kí ma jɛ tere wa tra na de, Lɔte wɔ̀ɔ na je wa Tisowari ni we. 24Ki nyiŋi na Bajegɔ Nyɛʔɛlɛ à li kwɔʔɔ ní kiribi wo Sodɔmu kàʔà na ní Gɔmore woʔo ní nɛ pa hɔgɔ nyɛ ge. Ki woʔo ga ki dá jɛ wa namuru ni Bajegɔ Nyɛʔɛlɛ liì ma.#19:24 ma wèle wa Mat 10:15; 11:23-24; Luk 10:12; 17:29; 2Pyɛ 2:6; Jude 7 ni wè. 25Li dá ki kyɛ̀rɛ̀ tì bɛfu hogo màʔa plɛn ki gbendeʔe deʔe ní ge, ki kyɛ̀rɛ̀ ti hɛɛn pè bɛfu ní, ní tiri tì bɛfu ní. 26Lɔte wi cɔ wi da welé wa wi kruʔu ma, wɔ̀ɔ krɛʔɛ kɔ ŋglɛnʔɛ.
27Abrahamu wɔ̀ɔ jɛ jɛfantutuʔu na mà yere wa Nyɛʔɛlɛ li yɛʔɛ̀ ma ge. 28Wɔ̀ɔ yɛʔɛ̀ jrɛʔɛ mà wele wa Sodɔmu nì, Gɔmore namyɛlɛ na le. Welé, wɔ̀ɔ wriʔi nya kí na jrɛʔɛ wa tra ni nɛ pa wriʔi ga nyɛ kí na nyini wa kwɔkpɔʔɔ ni ge.
29Nyiŋi ga na Nyɛʔɛlɛ li dá ki gbendeʔe ki kyɛ̀rɛ̀ hogo de, à li lama to Abrahamu nì we. Li dá Lɔte syɔ ki tipeʔe ma ga nì li dá kyɛ̀rɛ̀ cɔʔɔ, wa da ni Lɔte wi da glɛ́n ge.
Lɔte nì wi picɛ ní pe jɛrihaʔa
30Lɔte nì wi picɛɛ syɛn pè bɛfu à pe nyini wa Tisowari kàʔà ni mà kɛri mà yâ glɛn wa angolo na angowyʔe kà ni, mɛjɛn Tisowari kàʔà ki klɛnmɛ mi dáa fyara wa wí na. 31Picɛpii lagwɔ wɔ̀ɔ báʔà yo wlɛʔɛ kà na wi conlo ma we mà yo: «Welé, wò to wí ma lɛ kɔ. Nabii pèè wo naʔa klɛnmɛ ni pe ba wò pɔri nɛ pa klòʔo ke tɔɔ ke hɛɛn pé naʔa hanri ge. 32Ma pan wo dufɛn kan wò to ma wi jɔ, jango wo kò wi ní wo wi kluʔu he ge.»
33À pe dufɛn kan pe to ma we, wɔ̀ɔ wi jɔ mà tin. Picɛpii lagwɔ wɔ̀ɔ kɛri mà yâ syɛn wa pe to nì we. Pe to wi ìn wi syɛnnyiŋi cɛn ní wi jɛnyiŋi nì ge kpo. 34Ki kpɛntoʔo na, picɛpii lagwɔ wɔ̀ɔ tatunŋu po we: «Welé, mi di yâ syɛn wa na to ni yaaga yebliʔi ni ge. Ma pan wo dufɛn wà kan wí ma nɛ alaʔa yebliʔi ni. Mo ma kɛri ma ya syɛn wa wi ní jango wo wò to wi kluʔu yaʔa naʔa.»
35À pe dufɛn wà kan nɛ pe to ma we, wɔ̀ɔ wi jɔ ki yebliʔi ni ge. Picɛpii tatunŋu wɔ̀ɔ kɛri mà yâ syɛn wa wi ní. Wi to wi ìn wi syɛnnyiŋi cɛn ní wi jɛnyiŋi nì ge.
36Lɔte wi picɛɛ pe syɛnmu à pe acɛnŋɛɛ ta pe to ma we. 37Picɛpii lagwɔ wɔ̀ɔ bâ pyɔ wà he nabii. Wɔ̀ɔ noo yeri Mowabi. Wi kluʔu pii pé na pe yeri Mowabi kluʔu woo fɔ mà bâ no alaʔa na. 38Picɛpii tatunŋu wɔ̀ɔ ba nabii wà he noo yeri Bɛni Ami. Amo-kluʔu woo pe to wiì wi fɔ mà sun alaʔa na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Côte d'Ivoire