HLIMI 24
24
Isake nì Hrebɛka nì pé ma pe pɔri
1Abrahamu wi dá lɛ. Wi yɛ̀ʔɛ́ à ke po fafaʔagaa ceŋge. Bajegɔ Nyɛʔɛlɛ à li noo hari wi kaʔa kè bɛfu na. 2Abrahamu wɔ̀ɔ kí yo wi tungɔɔ ma we ŋa wi dá bo lɛɛ mâ toro pe tɔɔ pè bɛfu na wa wi go nî ge, wɔ̀ɔ po nɛ wi krɔʔɔ welefɔlɔ mà yo: «Mí na ma fɛn ma ma kyɛʔɛ le wa na cekpɔmo noʔo na. 3Ki kruʔu ma, pa mi ma hanri ma mà klan Bajegɔ Nyɛʔɛlɛ na le la namuru ní tra ní pi Nyɛʔɛlɛ le bì yo mò gá cɛlɛ wa fara na pyɔ kan we naʔa Kana picɛɛ ni be, mí nyɛ naʔa klɛɛn bee kpafoʔo ni ge. 4Di ma kɛri wa na klo ni na kluʔu hɛɛn krugu be ma ya cɛlɛ wà kpe wa na pyɔ Isake kan we.»
5Wi tungɔɔ wɔ̀ɔ wí po: «Kana ki cɔ wí bi yàʔa ce bì yo wi ìn bi ban naʔa ki klo la ni le yo. Ki kala na kí ma yala bì ba gɛri ma pyɔ nì kpo yo wa klo la ni ma dá jɛ ge?» 6Abrahamu wɔ̀ɔ wí po: «Ayo, mò ga gɛri wa na pyɔ nì we. 7Bajegɔ Nyɛʔɛlɛ le namuru Nyɛʔɛlɛ la li da na yrigi wa na to go woo ni be ní na klo nì le, li dá yo ná ni mà lì klan na kân mà yo: ‹Mí bi ba ki klo la kan ma kluʔu pii ma be.› Liì lì tala lí bi li mlɛŋɛ troʔo wa ma yɛʔɛ̀ ma. Pa ma yà cɛlɛ wa kpe wa ban na pyɔ kan we. 8Di cɛlɛ nòo yaʔa ce bì yo wi ìn bi blɛn má ni, paʔa bo má ma syɔ ga ma ma dí mà klan na kân ge. Di ki ìn yala ma na pyɔ co ma kɛri wa wi ní.»
9Tungɔɔ wɔ̀ɔ wi kyɛʔɛ le wa Abrahamu wi cekpɔmo noʔo na ŋa, wi fɔlɔ we mà wì klan mà yo wí bi ki woʔo kì bɛfu kpɔʔɔ. 10Ki kruʔu ma tungɔɔ wɔ̀ɔ bâ nyoʔomɛyee kɛ̂ fara wa wi fɔlɔ wi nyoʔomɛyee ni be mà kɛri wi fɔlɔ wi akmama pì bɛfu pi nigbe nigbe ní.
11Wi da gɛrí Mɛsopotami klɛnmɛ ni wa Nahɔri kàʔà nî. Wi da gaâ no kàʔa kruʔu ma kɔ̀lɔ́ wà tanla yaakwɔʔɔ yɛʔɛ́ na cɛɛ pe lɔʔɔ konnyiŋi na. Wɔ̀ɔ nyoʔomɛyee hanri, à pe kɔgunru kàn de, 12mà yo: «Bajegɔ Nyɛʔɛlɛ, Abrahamu wi Nyɛʔɛlɛ, mí na ma nyɛri mà yo maʔa hanri bì flin alaʔa nî yraʔa ga nì mí na ca ge. Maʔa yaʔa ma kmaʔa hanri na fɔlɔ Abrahamu na we. 13Welé, mí ma yere nɛ nyumu tanla me. Ki kàʔà hɛɛn pe picɛɛ pé bi da ban bì báa gori 14Nà mi gá baʔa yo picɛpii ŋa kan bí yo mí na ma fɛn, ma ma koculu cɛlɛ ma na kan bì jɔ, nòo ná po ma jɔ. Mí bi ma nyoʔomɛyee kan be kpo pe jɔ, ki po ki picɛpii wiì wi má ma fara ma tungɔɔ Isake kan we. Ki deʔe na pa miʔi cɛn bi yo má ma kmaʔa hanri na fɔlɔ na we.»
15Ki dá bo wi ìn jé yo bì gɔ kpɛn Hrebɛka ŋa Betuwɛli pyɔ we. Betuwɛli wi dá bo Milika wi najɛ. Milika wɔ̀ɔ po Abrahamu wi conlo Nahɔri wi cɔ. Hrebɛka wɔ̀ɔ nyini wa wi nyumu akoʔo ní kabɔʔɔ na na pan. 16Ki picɛpii wi dá bo kmaa ceŋge. Wi dá bo wi ìn jé naŋa kala cɛn mà po naŋa wɛɛ ìn joo cɛn cɛlɛ. Wɔɔ kɛri mà yâ wi cɔlɔ ko, à li nyi. Wɔ̀ɔ pan lí ni. 17Abrahamu wi tungɔɔ wɔ̀ɔ fɛ mà wi yɛʔɛ̀ kon mòo po: «Mí na ma fɛn, ma na yaʔa bì ma cɔlɔ nyumu mà jɔ cɛnri.» 18Picɛpii wɔ̀ɔ wí po: «Jɔ, na fɔlɔ,» mà fyala mà wi cɔlɔ trigi mà li co kyɛʔɛ ni mòo kân, wɔ̀ɔ jɔ. 19Wi gɔ́ɔ̀ kân, wɔ́ɔ jɔ kɔ, wɔ̀ɔ wí po nɛ, mí bi mà ko nyoʔomɛyee kan be pe jo fɔ pe tin 20mà fyala mà wi cɔlɔ li nyumu krɛʔɛ wa deʔe ga na ajobo pi dáa jo mà fɛ mà kɛri lɔʔɔ ni bì yà go nɛ. Wi dá nyoʔomɛyee pè bɛfu kan, à pe jɔ. 21Naŋa wi dáa wì yugu ki picɛpii wi kala nì le, jango bìʔi cɛn nàʔa po Bajegɔ Nyɛʔɛlɛ lí biʔi hanri, nà kiì ban, li ìn biʔi hanri yoo, wi tanʔala li klan ge. 22Nyiŋi ga na nyoʔomɛyee pe da gâ jɔ kɔ, naŋa wɔ̀ɔ tɛ feʔeŋe kan wí ma pɛgbanra woo ní tɛ kpɛnʔɛŋɛɛ syɛn kpandoʔo ní gee ke pɛrɛ ké nyɛ gbanra ceŋge. 23Mà picɛpii yugu mà yo: «Han picɛ wi má ni? Mí na ma fɛn, maʔa yo ná kan. Korohaʔa kà nyɛ wa yo ma to go nî ge, jango bì yà alaʔa yebliʔi hanri wa ye nì?»
24Picɛpii wɔ̀ɔ wí po: «Betuwɛli pyɔ wi ná ni, ŋa Milika nì, ní Nahɔri nì pe pyɔ we.»
25Picɛpii wɔ̀ɔ ní mòo po nɛ: «Nya ní wɛbɛ fafaʔa nyɛ wa wò kasyɛn ma, pa syɛnhaʔa kà bí da yèé kan be kpo alaʔa yebliʔi ni ge.»
26Ki nyiŋi na naŋa wɔ̀ɔ kpɔbu mà kunbiʔi kán Bajegɔ Nyɛʔɛlɛ li yɛʔɛ̀ ma ge 27mà yo: «Kpɔʔɔmo bí da bá Bajegɔ Nyɛʔɛlɛ na le, na fɔlɔ Abrahamu wi Nyɛʔɛlɛ la li ìn dà li nyugara tama ja me mâ nì mâ po kafungee fɔlɔ na fɔlɔ wi namyɛlɛ na. Ali domi we, Bajegɔ Nyɛʔɛlɛ lí ma na troʔo naʔa na fɔlɔ wi heme woo pe go nî ge.»
28Picɛpii wɔ̀ɔ fɛ mà kɛri mà yâ ki kaʔa yo wa wi no go nî ge. 29Hrebɛka wi lɛ pe dáa wi yeri Laban. Laban wɔ̀ɔ fɛ mà kɛri wa naŋa krugu kɔ̀lɔ́ tanla we. 30Wi dá feʔeŋe nì ní kpɛnʔɛlɛ nya wa wi conlo wi kyɛrɛ̀ na de. Wɔ̀ɔ ní mà wi conlo Hrebɛka wi kayoro loʔo de nɛ da naŋa wi dá yo wí ma ge. Ki kruʔu ma wɔ̀ɔ kɛri wa naŋa krugu ŋa wi dá bo wa nyoʔomɛyee tanla wa kɔ̀lɔ́ no na, 31mà yɔ́ɔ̀ po: «Ta ban, mo ŋa Bajegɔ Nyɛʔɛlɛ lí ma frɛmɛ pa má na ge. Nyaʔa ma po má bi go dala na ge? Mí ma go hanri kɔ mà deʔe kà hanri nyoʔomɛyee kan be kpo.»
32Naŋa wɔ̀ɔ kɛri kasyɛn ma. Laban wɔ̀ɔ yâ tuʔuru haʔala nyoʔomɛyee na be mà nyawaʔaga ní, ní ajobo akaba kan pé ma à pe li. Wɔ̀ɔ nyumu kan naŋa ma wi wi cyeʔe Jeʔe ní hɛɛn bee ní pe da blɛ́n wí ni ge. 33Ki kruʔu ma wɔ̀ɔ hro kan naŋa ma wi lì, di naŋa wɔ̀ɔ yo: «Mi ìn bi li kpɛn kí po mi ìn je na kayoʔo yo ga mí yo mí bi yo ge.» Laban wɔ̀ɔ wí po: «Ki yo.» 34Ki nyiŋi na wɔ̀ɔ yo: «Mí nyɛ Abrahamu wi tungɔɔ. 35Bajegɔ Nyɛʔɛlɛ lí ma frɛmɛ pa na fɔlɔ na we ceŋge. Lí ma mbara nì, ní niri kan wí ma, gbejanra nì, ní tɛ nì, tungɔɔ nabii ní, cɛɛ ní, nyoʔomɛyee ní, ní sofɛnŋɛɛ ní. 36Sara, ŋa na fɔlɔ wi cɔ we wi dá pyɔ nigbe he na fɔlɔ wi lagwɔmo nyiŋi na ge. Wɔ̀ɔ bâ wi yrɛbɛ pì bɛfu kan wí ma. 37Na fɔlɔ wɔ̀ɔ ná hanri, à mi nà klan jango ho gá cɛlɛ wà kpe wi pyɔ kan wa Kana klo picɛɛ ni, ki klo la ni wí nyɛ ge. 38Wɔ̀ɔ yo: ‹Di ma kɛri wa na to wi go nî, ní na heme ní me, ma ya cɛlɛ wà kpe wa na pyɔ kan we.› 39À miʔi yo na fɔlɔ ma we mà yo: ‹Kana ki cɔ wòo ki ta bì blɛn ná ni yo.› 40Wɔ̀ɔ ná po: ‹Bajegɔ Nyɛʔɛlɛ la yɛ̀ʔɛ̀ ma mí na tanri lí bi li mlɛŋɛ plɛn we ma ní. Wi ya ma kloʔò klan jango ma ya cɛlɛ wà kpe wa na pyɔ kan wa na to wi heme ní wi go woo ní pe kpafoʔo ni ge. 41Nà ma kɛri na heme woo krugu, nà pe yaʔa ce, paʔa bo má ma syɔ ga mà ma da mà klan ge.› 42Alaʔa nî mi bâ no wa kɔ̀lɔ́ na, à miʔi yo mà yo: ‹Bajegɔ Nyɛʔɛlɛ, mo ŋa na fɔlɔ wi Nyɛʔɛlɛ le, nàʔa po má biʔi ta bì na tanʔala li yugu funŋu na kân, 43wele, pa mi yere naʔamɛ ki kɔ̀lɔ́ ŋa tanla we, picɛpii ŋa wí bi nyini wa bí ba go, nà miʔi yo wí kan bì yo: Ma na kan bì ma cɔlɔ nyumu mà jɔ cɛnri, 44ki woo nòo ná po: Ma jɔ, pa mi mà ko kpo ma nyoʔomɛyee kan be, ki picɛpii wi po wiì wi ŋa Bajegɔ Nyɛʔɛlɛ lí ma fara wí po na fɔlɔ wi pyɔ wi cɔ we.› 45Sanni mí bi ki kayoʔo yo ki kɔ́ wa na dihon na we, Hrebɛka wɔ̀ɔ nyini wa kpo wi cɔlɔ nì le wi kabɔʔɔ na mà kɛri kɔ̀lɔ́ ni mà yáa gori. À miʔi yo wí kan mà yo: ‹Mí na ma fɛn, ma na kan bì jɔ.›
46Wɔ̀ɔ fyala mà wi cɔlɔ laʔa wa wi kabɔʔɔ na mà yo: ‹Ma jɔ, pa mi ma kan nyoʔomɛyee ma be pe jɔ kpo.› À mi jɔ. Wɔ̀ɔ mà kan na nyoʔomɛyee ma be, à pe jɔ. 47À muu yugu mà yo: ‹Han picɛ wi má ni?› Wɔ̀ɔ na po Betuwɛli picɛ wí na ní ŋa Nahɔri nì Milika nì pe najɛ we. À mi feʔeŋe le wi na wa minala na le mà kpɛnʔɛŋɛɛ le wi na wa kyɛrɛ̀ na de. 48Ki kruʔu ma à mi kpɔbu mà kunbiʔi kan Bajegɔ Nyɛʔɛlɛ li yɛʔɛ̀ ma mà li kpɔʔɔ liì la lí nyɛ na fɔlɔ Abrahamu wi Nyɛʔɛlɛ le, mâ nì mâ po li da glu na yɛʔɛ̀ jango bì ba na fɔlɔ wi conlo picɛ kpe na fɔlɔ wi najɛ kan we. 49Ki tɔ na nàʔa po yé biʔi ta bì ki kmaʔa ga hanri sinmi ni, na fɔlɔ na we, yeʔe yo. Ná kiì ban, pa mi na kɛrihaʔa cɛn ge.»
50Laban nì, ní Betuwɛli nì à peʔe yo wí ma mà yo: «Ki kala la lí ma jɛ Bajegɔ Nyɛʔɛlɛ liì ma. Wòó wòo gban bìʔi yo má kan bi yo ee, ná kiì ban, ayo. 51Hrebɛka wí ŋa be ma yɛʔɛ̀ ma ge. Wi co maa sye, jango wi ya grɛ̀ʔɛ̀ ma fɔlɔ wi najɛ cɔ nɛ pa Bajegɔ Nyɛʔɛlɛ lí maʔa yo pomo ma na ge.»
52Nyiŋi ga na Abrahamu wi tungɔɔ wi da gâ pe kayoro loʔo de, wɔ̀ɔ to tra na Bajegɔ Nyɛʔɛlɛ li yɛʔɛ̀ ma. 53Ki kruʔu ma tungɔɔ wɔ̀ɔ yrɛbɛ pà fara gbejanra wobo, pà nì tɛ wobo, ní kpasyoro nì mà pi kan Hrebɛka ma we mà pɛgbanra yrɛbɛ kan wi lɛ ma, ní wi no nì we. 54Ki woʔo ga kì bɛfu kruʔu ma, tungɔɔ ní bee ní pe da blɛ́n à pe kpoʔolo ma li mà jɔ mà syɛn wa ki yebliʔi ni ge.
Kpɛnmɛ mi gâ do kɔ, tungɔɔ wɔ̀ɔ yo: «Ye na yaʔa bì hru bì gɛri na fɔlɔ krugu we.» 55Picɛpii wi lɛ nì, ní wi no nì à pe yo: «Picɛpii wi kò naʔa wo nì wi wlɛrɛ kɛ̂ ta kpɛn mà na da mà kɛri»
56Wɔ̀ɔ kí yo pé ma mà yo: «Yò ga ná mo, Bajegɔ Nyɛʔɛlɛ pa li gá na tanʔala klan le kɔ ge. Ye na yaʔa bì hru bì gɛri na fɔlɔ krugu we.» 57Ki nyiŋi na à pe yo: «Ye pan wo picɛpii yeri wo yo wí ni.» 58À pe Hrebɛka yeri we mà bɔ́ɔ̀ po: «Ma cori bì blɛn ki naŋa ŋa nì we yo?» Wɔ̀ɔ pé po: «Ee.»
59Ki nyiŋi na à pe Hrebɛka yaʔa, wɔ̀ɔ kɛri. Ŋa pe cɛpii we maʔa plɛn wi no ŋa nì wi dáa wi jo pe da blɛ́n Abrahamu wi tungɔɔ ní we kpo, ní hɛɛn bee ní pe da blɛ́n wí ni ge. 60Pe dá Nyɛʔɛlɛ wa mà Hrebɛka kan we ma yo:
«E wò cɛpii,
ma ya he ma krɛ̀ʔɛ̀ janfafaʔa,
ma kluʔu pii pe po fanŋa nì
fɔ pe da pe bɛnfɛɛ jin be.»
61Hrebɛka wɔ̀ɔ jɛ wi tungɔɔ bee ní pé nyɛ cɛɛ be, à pe luʔu nyoʔomɛyee na be mà pa naŋa na we. Tungɔɔ wɔ̀ɔ kɛri Hrebɛka nì we.
62Ki nyiŋi na Isake wi dá bo wi jɛ́ wa kɔ̀lɔ́ ŋa ma wí nyɛ Layi Hruwayi woo we mà yâ glɛn wa Kana wi yaa prama kaligi namyɛlɛ na. 63Yaakwɔʔɔ ka ni Isake wi dá jɛ na nyari wa kere ni wɔ̀ɔ wele mà nyoʔomɛyee nya pé na pan wa. 64Hrebɛka wɔ̀ɔ wele wa kere ni mà Isake nya we, wɔ̀ɔ trigi wi nyoʔomɛ na 65mà tungɔɔ yugu mà yo: «Han wi ki naŋa ŋa nì wí ma jɛ wa kere ni de?» Tungɔɔ wɔ̀ɔ wí po: «Na fɔlɔ wiì wi.»
Ki nyiŋi na Hrebɛka wɔ̀ɔ wi kpasyoʔo kpe mà wì ton. 66Tungɔɔ wɔ̀ɔ kì bɛfu yo Isake kan ga wi dá hanri ge. 67Isake wɔ̀ɔ Hrebɛka co mà kɛri wí ni wa wi no Sara wi kpasyoro go nî mà yɔ́ɔ̀ kpe, wɔ̀ɔ krɛʔɛ wi cɔ. Hrebɛka wɔ̀ɔ noo glanʔa ceŋge. Ki woʔo ga àʔa Isake wi lama fiʔi wi na mɛjɛn wi no wi dá bo wí ma ku.
Currently Selected:
HLIMI 24: NLK10
Highlight
Share
Copy
Want to have your highlights saved across all your devices? Sign up or sign in
Bible Society of Côte d'Ivoire
HLIMI 24
24
Isake nì Hrebɛka nì pé ma pe pɔri
1Abrahamu wi dá lɛ. Wi yɛ̀ʔɛ́ à ke po fafaʔagaa ceŋge. Bajegɔ Nyɛʔɛlɛ à li noo hari wi kaʔa kè bɛfu na. 2Abrahamu wɔ̀ɔ kí yo wi tungɔɔ ma we ŋa wi dá bo lɛɛ mâ toro pe tɔɔ pè bɛfu na wa wi go nî ge, wɔ̀ɔ po nɛ wi krɔʔɔ welefɔlɔ mà yo: «Mí na ma fɛn ma ma kyɛʔɛ le wa na cekpɔmo noʔo na. 3Ki kruʔu ma, pa mi ma hanri ma mà klan Bajegɔ Nyɛʔɛlɛ na le la namuru ní tra ní pi Nyɛʔɛlɛ le bì yo mò gá cɛlɛ wa fara na pyɔ kan we naʔa Kana picɛɛ ni be, mí nyɛ naʔa klɛɛn bee kpafoʔo ni ge. 4Di ma kɛri wa na klo ni na kluʔu hɛɛn krugu be ma ya cɛlɛ wà kpe wa na pyɔ Isake kan we.»
5Wi tungɔɔ wɔ̀ɔ wí po: «Kana ki cɔ wí bi yàʔa ce bì yo wi ìn bi ban naʔa ki klo la ni le yo. Ki kala na kí ma yala bì ba gɛri ma pyɔ nì kpo yo wa klo la ni ma dá jɛ ge?» 6Abrahamu wɔ̀ɔ wí po: «Ayo, mò ga gɛri wa na pyɔ nì we. 7Bajegɔ Nyɛʔɛlɛ le namuru Nyɛʔɛlɛ la li da na yrigi wa na to go woo ni be ní na klo nì le, li dá yo ná ni mà lì klan na kân mà yo: ‹Mí bi ba ki klo la kan ma kluʔu pii ma be.› Liì lì tala lí bi li mlɛŋɛ troʔo wa ma yɛʔɛ̀ ma. Pa ma yà cɛlɛ wa kpe wa ban na pyɔ kan we. 8Di cɛlɛ nòo yaʔa ce bì yo wi ìn bi blɛn má ni, paʔa bo má ma syɔ ga ma ma dí mà klan na kân ge. Di ki ìn yala ma na pyɔ co ma kɛri wa wi ní.»
9Tungɔɔ wɔ̀ɔ wi kyɛʔɛ le wa Abrahamu wi cekpɔmo noʔo na ŋa, wi fɔlɔ we mà wì klan mà yo wí bi ki woʔo kì bɛfu kpɔʔɔ. 10Ki kruʔu ma tungɔɔ wɔ̀ɔ bâ nyoʔomɛyee kɛ̂ fara wa wi fɔlɔ wi nyoʔomɛyee ni be mà kɛri wi fɔlɔ wi akmama pì bɛfu pi nigbe nigbe ní.
11Wi da gɛrí Mɛsopotami klɛnmɛ ni wa Nahɔri kàʔà nî. Wi da gaâ no kàʔa kruʔu ma kɔ̀lɔ́ wà tanla yaakwɔʔɔ yɛʔɛ́ na cɛɛ pe lɔʔɔ konnyiŋi na. Wɔ̀ɔ nyoʔomɛyee hanri, à pe kɔgunru kàn de, 12mà yo: «Bajegɔ Nyɛʔɛlɛ, Abrahamu wi Nyɛʔɛlɛ, mí na ma nyɛri mà yo maʔa hanri bì flin alaʔa nî yraʔa ga nì mí na ca ge. Maʔa yaʔa ma kmaʔa hanri na fɔlɔ Abrahamu na we. 13Welé, mí ma yere nɛ nyumu tanla me. Ki kàʔà hɛɛn pe picɛɛ pé bi da ban bì báa gori 14Nà mi gá baʔa yo picɛpii ŋa kan bí yo mí na ma fɛn, ma ma koculu cɛlɛ ma na kan bì jɔ, nòo ná po ma jɔ. Mí bi ma nyoʔomɛyee kan be kpo pe jɔ, ki po ki picɛpii wiì wi má ma fara ma tungɔɔ Isake kan we. Ki deʔe na pa miʔi cɛn bi yo má ma kmaʔa hanri na fɔlɔ na we.»
15Ki dá bo wi ìn jé yo bì gɔ kpɛn Hrebɛka ŋa Betuwɛli pyɔ we. Betuwɛli wi dá bo Milika wi najɛ. Milika wɔ̀ɔ po Abrahamu wi conlo Nahɔri wi cɔ. Hrebɛka wɔ̀ɔ nyini wa wi nyumu akoʔo ní kabɔʔɔ na na pan. 16Ki picɛpii wi dá bo kmaa ceŋge. Wi dá bo wi ìn jé naŋa kala cɛn mà po naŋa wɛɛ ìn joo cɛn cɛlɛ. Wɔɔ kɛri mà yâ wi cɔlɔ ko, à li nyi. Wɔ̀ɔ pan lí ni. 17Abrahamu wi tungɔɔ wɔ̀ɔ fɛ mà wi yɛʔɛ̀ kon mòo po: «Mí na ma fɛn, ma na yaʔa bì ma cɔlɔ nyumu mà jɔ cɛnri.» 18Picɛpii wɔ̀ɔ wí po: «Jɔ, na fɔlɔ,» mà fyala mà wi cɔlɔ trigi mà li co kyɛʔɛ ni mòo kân, wɔ̀ɔ jɔ. 19Wi gɔ́ɔ̀ kân, wɔ́ɔ jɔ kɔ, wɔ̀ɔ wí po nɛ, mí bi mà ko nyoʔomɛyee kan be pe jo fɔ pe tin 20mà fyala mà wi cɔlɔ li nyumu krɛʔɛ wa deʔe ga na ajobo pi dáa jo mà fɛ mà kɛri lɔʔɔ ni bì yà go nɛ. Wi dá nyoʔomɛyee pè bɛfu kan, à pe jɔ. 21Naŋa wi dáa wì yugu ki picɛpii wi kala nì le, jango bìʔi cɛn nàʔa po Bajegɔ Nyɛʔɛlɛ lí biʔi hanri, nà kiì ban, li ìn biʔi hanri yoo, wi tanʔala li klan ge. 22Nyiŋi ga na nyoʔomɛyee pe da gâ jɔ kɔ, naŋa wɔ̀ɔ tɛ feʔeŋe kan wí ma pɛgbanra woo ní tɛ kpɛnʔɛŋɛɛ syɛn kpandoʔo ní gee ke pɛrɛ ké nyɛ gbanra ceŋge. 23Mà picɛpii yugu mà yo: «Han picɛ wi má ni? Mí na ma fɛn, maʔa yo ná kan. Korohaʔa kà nyɛ wa yo ma to go nî ge, jango bì yà alaʔa yebliʔi hanri wa ye nì?»
24Picɛpii wɔ̀ɔ wí po: «Betuwɛli pyɔ wi ná ni, ŋa Milika nì, ní Nahɔri nì pe pyɔ we.»
25Picɛpii wɔ̀ɔ ní mòo po nɛ: «Nya ní wɛbɛ fafaʔa nyɛ wa wò kasyɛn ma, pa syɛnhaʔa kà bí da yèé kan be kpo alaʔa yebliʔi ni ge.»
26Ki nyiŋi na naŋa wɔ̀ɔ kpɔbu mà kunbiʔi kán Bajegɔ Nyɛʔɛlɛ li yɛʔɛ̀ ma ge 27mà yo: «Kpɔʔɔmo bí da bá Bajegɔ Nyɛʔɛlɛ na le, na fɔlɔ Abrahamu wi Nyɛʔɛlɛ la li ìn dà li nyugara tama ja me mâ nì mâ po kafungee fɔlɔ na fɔlɔ wi namyɛlɛ na. Ali domi we, Bajegɔ Nyɛʔɛlɛ lí ma na troʔo naʔa na fɔlɔ wi heme woo pe go nî ge.»
28Picɛpii wɔ̀ɔ fɛ mà kɛri mà yâ ki kaʔa yo wa wi no go nî ge. 29Hrebɛka wi lɛ pe dáa wi yeri Laban. Laban wɔ̀ɔ fɛ mà kɛri wa naŋa krugu kɔ̀lɔ́ tanla we. 30Wi dá feʔeŋe nì ní kpɛnʔɛlɛ nya wa wi conlo wi kyɛrɛ̀ na de. Wɔ̀ɔ ní mà wi conlo Hrebɛka wi kayoro loʔo de nɛ da naŋa wi dá yo wí ma ge. Ki kruʔu ma wɔ̀ɔ kɛri wa naŋa krugu ŋa wi dá bo wa nyoʔomɛyee tanla wa kɔ̀lɔ́ no na, 31mà yɔ́ɔ̀ po: «Ta ban, mo ŋa Bajegɔ Nyɛʔɛlɛ lí ma frɛmɛ pa má na ge. Nyaʔa ma po má bi go dala na ge? Mí ma go hanri kɔ mà deʔe kà hanri nyoʔomɛyee kan be kpo.»
32Naŋa wɔ̀ɔ kɛri kasyɛn ma. Laban wɔ̀ɔ yâ tuʔuru haʔala nyoʔomɛyee na be mà nyawaʔaga ní, ní ajobo akaba kan pé ma à pe li. Wɔ̀ɔ nyumu kan naŋa ma wi wi cyeʔe Jeʔe ní hɛɛn bee ní pe da blɛ́n wí ni ge. 33Ki kruʔu ma wɔ̀ɔ hro kan naŋa ma wi lì, di naŋa wɔ̀ɔ yo: «Mi ìn bi li kpɛn kí po mi ìn je na kayoʔo yo ga mí yo mí bi yo ge.» Laban wɔ̀ɔ wí po: «Ki yo.» 34Ki nyiŋi na wɔ̀ɔ yo: «Mí nyɛ Abrahamu wi tungɔɔ. 35Bajegɔ Nyɛʔɛlɛ lí ma frɛmɛ pa na fɔlɔ na we ceŋge. Lí ma mbara nì, ní niri kan wí ma, gbejanra nì, ní tɛ nì, tungɔɔ nabii ní, cɛɛ ní, nyoʔomɛyee ní, ní sofɛnŋɛɛ ní. 36Sara, ŋa na fɔlɔ wi cɔ we wi dá pyɔ nigbe he na fɔlɔ wi lagwɔmo nyiŋi na ge. Wɔ̀ɔ bâ wi yrɛbɛ pì bɛfu kan wí ma. 37Na fɔlɔ wɔ̀ɔ ná hanri, à mi nà klan jango ho gá cɛlɛ wà kpe wi pyɔ kan wa Kana klo picɛɛ ni, ki klo la ni wí nyɛ ge. 38Wɔ̀ɔ yo: ‹Di ma kɛri wa na to wi go nî, ní na heme ní me, ma ya cɛlɛ wà kpe wa na pyɔ kan we.› 39À miʔi yo na fɔlɔ ma we mà yo: ‹Kana ki cɔ wòo ki ta bì blɛn ná ni yo.› 40Wɔ̀ɔ ná po: ‹Bajegɔ Nyɛʔɛlɛ la yɛ̀ʔɛ̀ ma mí na tanri lí bi li mlɛŋɛ plɛn we ma ní. Wi ya ma kloʔò klan jango ma ya cɛlɛ wà kpe wa na pyɔ kan wa na to wi heme ní wi go woo ní pe kpafoʔo ni ge. 41Nà ma kɛri na heme woo krugu, nà pe yaʔa ce, paʔa bo má ma syɔ ga mà ma da mà klan ge.› 42Alaʔa nî mi bâ no wa kɔ̀lɔ́ na, à miʔi yo mà yo: ‹Bajegɔ Nyɛʔɛlɛ, mo ŋa na fɔlɔ wi Nyɛʔɛlɛ le, nàʔa po má biʔi ta bì na tanʔala li yugu funŋu na kân, 43wele, pa mi yere naʔamɛ ki kɔ̀lɔ́ ŋa tanla we, picɛpii ŋa wí bi nyini wa bí ba go, nà miʔi yo wí kan bì yo: Ma na kan bì ma cɔlɔ nyumu mà jɔ cɛnri, 44ki woo nòo ná po: Ma jɔ, pa mi mà ko kpo ma nyoʔomɛyee kan be, ki picɛpii wi po wiì wi ŋa Bajegɔ Nyɛʔɛlɛ lí ma fara wí po na fɔlɔ wi pyɔ wi cɔ we.› 45Sanni mí bi ki kayoʔo yo ki kɔ́ wa na dihon na we, Hrebɛka wɔ̀ɔ nyini wa kpo wi cɔlɔ nì le wi kabɔʔɔ na mà kɛri kɔ̀lɔ́ ni mà yáa gori. À miʔi yo wí kan mà yo: ‹Mí na ma fɛn, ma na kan bì jɔ.›
46Wɔ̀ɔ fyala mà wi cɔlɔ laʔa wa wi kabɔʔɔ na mà yo: ‹Ma jɔ, pa mi ma kan nyoʔomɛyee ma be pe jɔ kpo.› À mi jɔ. Wɔ̀ɔ mà kan na nyoʔomɛyee ma be, à pe jɔ. 47À muu yugu mà yo: ‹Han picɛ wi má ni?› Wɔ̀ɔ na po Betuwɛli picɛ wí na ní ŋa Nahɔri nì Milika nì pe najɛ we. À mi feʔeŋe le wi na wa minala na le mà kpɛnʔɛŋɛɛ le wi na wa kyɛrɛ̀ na de. 48Ki kruʔu ma à mi kpɔbu mà kunbiʔi kan Bajegɔ Nyɛʔɛlɛ li yɛʔɛ̀ ma mà li kpɔʔɔ liì la lí nyɛ na fɔlɔ Abrahamu wi Nyɛʔɛlɛ le, mâ nì mâ po li da glu na yɛʔɛ̀ jango bì ba na fɔlɔ wi conlo picɛ kpe na fɔlɔ wi najɛ kan we. 49Ki tɔ na nàʔa po yé biʔi ta bì ki kmaʔa ga hanri sinmi ni, na fɔlɔ na we, yeʔe yo. Ná kiì ban, pa mi na kɛrihaʔa cɛn ge.»
50Laban nì, ní Betuwɛli nì à peʔe yo wí ma mà yo: «Ki kala la lí ma jɛ Bajegɔ Nyɛʔɛlɛ liì ma. Wòó wòo gban bìʔi yo má kan bi yo ee, ná kiì ban, ayo. 51Hrebɛka wí ŋa be ma yɛʔɛ̀ ma ge. Wi co maa sye, jango wi ya grɛ̀ʔɛ̀ ma fɔlɔ wi najɛ cɔ nɛ pa Bajegɔ Nyɛʔɛlɛ lí maʔa yo pomo ma na ge.»
52Nyiŋi ga na Abrahamu wi tungɔɔ wi da gâ pe kayoro loʔo de, wɔ̀ɔ to tra na Bajegɔ Nyɛʔɛlɛ li yɛʔɛ̀ ma. 53Ki kruʔu ma tungɔɔ wɔ̀ɔ yrɛbɛ pà fara gbejanra wobo, pà nì tɛ wobo, ní kpasyoro nì mà pi kan Hrebɛka ma we mà pɛgbanra yrɛbɛ kan wi lɛ ma, ní wi no nì we. 54Ki woʔo ga kì bɛfu kruʔu ma, tungɔɔ ní bee ní pe da blɛ́n à pe kpoʔolo ma li mà jɔ mà syɛn wa ki yebliʔi ni ge.
Kpɛnmɛ mi gâ do kɔ, tungɔɔ wɔ̀ɔ yo: «Ye na yaʔa bì hru bì gɛri na fɔlɔ krugu we.» 55Picɛpii wi lɛ nì, ní wi no nì à pe yo: «Picɛpii wi kò naʔa wo nì wi wlɛrɛ kɛ̂ ta kpɛn mà na da mà kɛri»
56Wɔ̀ɔ kí yo pé ma mà yo: «Yò ga ná mo, Bajegɔ Nyɛʔɛlɛ pa li gá na tanʔala klan le kɔ ge. Ye na yaʔa bì hru bì gɛri na fɔlɔ krugu we.» 57Ki nyiŋi na à pe yo: «Ye pan wo picɛpii yeri wo yo wí ni.» 58À pe Hrebɛka yeri we mà bɔ́ɔ̀ po: «Ma cori bì blɛn ki naŋa ŋa nì we yo?» Wɔ̀ɔ pé po: «Ee.»
59Ki nyiŋi na à pe Hrebɛka yaʔa, wɔ̀ɔ kɛri. Ŋa pe cɛpii we maʔa plɛn wi no ŋa nì wi dáa wi jo pe da blɛ́n Abrahamu wi tungɔɔ ní we kpo, ní hɛɛn bee ní pe da blɛ́n wí ni ge. 60Pe dá Nyɛʔɛlɛ wa mà Hrebɛka kan we ma yo:
«E wò cɛpii,
ma ya he ma krɛ̀ʔɛ̀ janfafaʔa,
ma kluʔu pii pe po fanŋa nì
fɔ pe da pe bɛnfɛɛ jin be.»
61Hrebɛka wɔ̀ɔ jɛ wi tungɔɔ bee ní pé nyɛ cɛɛ be, à pe luʔu nyoʔomɛyee na be mà pa naŋa na we. Tungɔɔ wɔ̀ɔ kɛri Hrebɛka nì we.
62Ki nyiŋi na Isake wi dá bo wi jɛ́ wa kɔ̀lɔ́ ŋa ma wí nyɛ Layi Hruwayi woo we mà yâ glɛn wa Kana wi yaa prama kaligi namyɛlɛ na. 63Yaakwɔʔɔ ka ni Isake wi dá jɛ na nyari wa kere ni wɔ̀ɔ wele mà nyoʔomɛyee nya pé na pan wa. 64Hrebɛka wɔ̀ɔ wele wa kere ni mà Isake nya we, wɔ̀ɔ trigi wi nyoʔomɛ na 65mà tungɔɔ yugu mà yo: «Han wi ki naŋa ŋa nì wí ma jɛ wa kere ni de?» Tungɔɔ wɔ̀ɔ wí po: «Na fɔlɔ wiì wi.»
Ki nyiŋi na Hrebɛka wɔ̀ɔ wi kpasyoʔo kpe mà wì ton. 66Tungɔɔ wɔ̀ɔ kì bɛfu yo Isake kan ga wi dá hanri ge. 67Isake wɔ̀ɔ Hrebɛka co mà kɛri wí ni wa wi no Sara wi kpasyoro go nî mà yɔ́ɔ̀ kpe, wɔ̀ɔ krɛʔɛ wi cɔ. Hrebɛka wɔ̀ɔ noo glanʔa ceŋge. Ki woʔo ga àʔa Isake wi lama fiʔi wi na mɛjɛn wi no wi dá bo wí ma ku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Côte d'Ivoire