HLIMI 7
7
Nowe wí ma je wa nyumu kɔrɔkpɔʔɔ ni
1Bajegɔ Nyɛʔɛlɛ à liʔi yo Nowe ma we mà yo: «Ma je nyumu kɔrɔkpɔʔɔ ni, mo ní, ma heme woo ní be, mɛjɛn mí maʔa nya mo nigbe nyɛ sinŋi wa ma nyiŋi hɛɛn ni be. 2Ma ajobo tyɛnʔɛ nasyɛn nasyɛn kpe ba pí nyɛ ylɛbɛ na yɛʔɛ̀ na pi po naŋa nì cɛlɛ, naŋa nì cɛlɛ. Di ba poò ylɛbɛ, ma pi tyɛnʔɛ nigbe nigbe kpe, naŋa nì cɛlɛ.
3Wa kajɛnʔɛ ni ge, ma ke tyɛnʔɛ nasyɛn kpe, ke po naŋa nì cɛlɛ, naŋa nì cɛlɛ, jango ma gbàn ma ke tyɛnʔɛ syɔ, ke kò wa tra ti yugu kì bɛfu na. 4Kí ma ko wlɛrɛ nasyɛn nɛ, pa mi hɔgɔ hanri ki pan ki ta wlɛrɛ too syɛn, yebliri too syɛn. Ki pomo na me, pa mi yrɛbɛ pì bɛfu laʔa wa tra na ba mi dá hanri ge.» 5Nowe wɔ̀ɔ kì bɛfu hanri ga Bajegɔ Nyɛʔɛlɛ li dá yo wi hanri ge.
Nyufafaʔa panma
6Nowe wi dá bo wí ta yɛʔɛ saa tanri, nyiŋi ga na nyufafaʔa ki dá ban mâ ba tra tì bɛfu nyi ge. 7Wɔ̀ɔ je wa nyumu kɔrɔkpɔʔɔ ni wi cɔ nì, wi pii ní, ní pe cɛɛ ní be, jango bì syɔ nyufafaʔa ma mà mi da tra nyi de. 8Ajobo ba pí nyɛ ylɛbɛ ní ba nì poò ylɛbɛ ge, kajɛnʔɛ ní, ní ajoyribi ba nì pí na flolo tra na, 9pì bɛfu à pi na sye wa Nowe wi nyumu kɔrɔkpɔʔɔ ma syɛn syɛn, naŋa nì cɛlɛ nɛ pa Nyɛʔɛlɛ li daʔá yo Nowe ma we. 10Wlɛrɛ nasyɛn dà gâ doro kɔ, nyufafaʔa àʔa pan tra na de.
11Yɛlɛ la na Nowe wi dá da yɛʔɛ́ saa tanri, ki yɛlɛ li yege syɛnwoʔo, ki wlɛrɛ kɛ̂ ma kɛ̀ nasyɛnwoʔo na, nyumu ma wa tra ti noʔo na à mi fru na nyini fafaʔa ceŋge dere tì bɛfu na. Namuru nyumu wyeʔe kè bɛfu à ke nyɛʔɛ kpandoʔo ceŋge. 12Hɔgɔ àʔa na pan naʔa tra na mà ta yaagbanra too syɛn, yobliri too syɛn. 13Ki wlɛʔɛ kiì gi Nowe wi da jé nyumu kɔrɔkpɔʔɔ ni wi cɔ nì, wi pii Sɛmu nì, Syamu nì, Jafɛte nì ní pe cɛɛ tanri ní we, 14ní ajobo tyɛnʔɛ kè bɛfu ní, ní ba nì pí na flolo tra na pi tyɛnʔɛ ní, kajɛnʔɛ tyɛnʔɛ kè bɛfu ní, ní pì bɛfu ní ba pí na lɛŋi pi kanmara nì de. 15Ki awyebe pì bɛfu naŋa nì cɛlɛ nì pi dáa ban Nowe krugu wa nyumu kɔrɔkpɔʔɔ ni ge. 16Ki ajobo pì bɛfu naŋa, nì cɛlɛ nì à pi bâ je wa nyumu kɔrɔkpɔʔɔ ni nɛ pa Nyɛʔɛlɛ li daʔá yo Nowe kan we pomo ma na. Ki kruʔu ma, Bajegɔ Nyɛʔɛlɛ à li nyumukɔrɔ goyɛʔɛ tón Nowe na we.
17Nyufafaʔa àʔa tra tón mà ta wlɛrɛ too syɛn. Nyiŋi ga na nyumu mi da gáa nyɛʔɛ na sye nyumu kɔrɔkpɔʔɔ àʔa jɛ wa tra na de. 18Ki kruʔu ma, nyumu à mi ní na nyɛʔɛ nɛ. Nyumu kɔrɔkpɔʔɔ àʔa po wa mi yugu na ge. 19Nyumu à mi nyɛʔɛ ceŋge fɔ mà angoro da tiklonro tì bɛfu tón. 20Nyumu mi dá nyɛʔɛ fɔ mà angoro yuru tòn mɛtri nyɛʔɛ nasyɛn. 21Nyuwyeʔe yrɛbɛ pì bɛfu ba pi dáa nyari naʔa tra na à pi ku: Kajɛnʔɛ gɛ yoo, kàʔà ajobo bi yoo, nya wobo bi yoo, ajobo ba pí na flolo tra na piì bi yoo, hɛɛn bɛ yoo. 22Wa trawaʔara tì bɛfu na, nyuwyeʔe yrɛbɛ pì bɛfu à pi ku. 23Ki pomo na, Nyɛʔɛlɛ à li nyuwyeʔe yrɛbɛ pì bɛfu laʔa wa tra ti yugu na mà kpe hɛɛn na fɔ mà yâ sun ajobo na, aflolobo ní, ní kajɛnʔɛ ní ge. Awyebe pì bɛfu à pi ku mà laʔa wa tra ti yugu na fɔ à Nowe wiì ma ko nyuwyeʔe na ní bee ní pe da jé wa wi ní nyumu kɔrɔkpɔʔɔ ni ge.
Nowe wí ma nyini wa nyumu kɔrɔkpɔʔɔ ni ge
24Nyufafaʔama mi dá go be tra na mà ta wlɛrɛ too nasyɛn ní kprɔʔɔ.
Currently Selected:
HLIMI 7: NLK10
Highlight
Share
Copy
Want to have your highlights saved across all your devices? Sign up or sign in
Bible Society of Côte d'Ivoire
HLIMI 7
7
Nowe wí ma je wa nyumu kɔrɔkpɔʔɔ ni
1Bajegɔ Nyɛʔɛlɛ à liʔi yo Nowe ma we mà yo: «Ma je nyumu kɔrɔkpɔʔɔ ni, mo ní, ma heme woo ní be, mɛjɛn mí maʔa nya mo nigbe nyɛ sinŋi wa ma nyiŋi hɛɛn ni be. 2Ma ajobo tyɛnʔɛ nasyɛn nasyɛn kpe ba pí nyɛ ylɛbɛ na yɛʔɛ̀ na pi po naŋa nì cɛlɛ, naŋa nì cɛlɛ. Di ba poò ylɛbɛ, ma pi tyɛnʔɛ nigbe nigbe kpe, naŋa nì cɛlɛ.
3Wa kajɛnʔɛ ni ge, ma ke tyɛnʔɛ nasyɛn kpe, ke po naŋa nì cɛlɛ, naŋa nì cɛlɛ, jango ma gbàn ma ke tyɛnʔɛ syɔ, ke kò wa tra ti yugu kì bɛfu na. 4Kí ma ko wlɛrɛ nasyɛn nɛ, pa mi hɔgɔ hanri ki pan ki ta wlɛrɛ too syɛn, yebliri too syɛn. Ki pomo na me, pa mi yrɛbɛ pì bɛfu laʔa wa tra na ba mi dá hanri ge.» 5Nowe wɔ̀ɔ kì bɛfu hanri ga Bajegɔ Nyɛʔɛlɛ li dá yo wi hanri ge.
Nyufafaʔa panma
6Nowe wi dá bo wí ta yɛʔɛ saa tanri, nyiŋi ga na nyufafaʔa ki dá ban mâ ba tra tì bɛfu nyi ge. 7Wɔ̀ɔ je wa nyumu kɔrɔkpɔʔɔ ni wi cɔ nì, wi pii ní, ní pe cɛɛ ní be, jango bì syɔ nyufafaʔa ma mà mi da tra nyi de. 8Ajobo ba pí nyɛ ylɛbɛ ní ba nì poò ylɛbɛ ge, kajɛnʔɛ ní, ní ajoyribi ba nì pí na flolo tra na, 9pì bɛfu à pi na sye wa Nowe wi nyumu kɔrɔkpɔʔɔ ma syɛn syɛn, naŋa nì cɛlɛ nɛ pa Nyɛʔɛlɛ li daʔá yo Nowe ma we. 10Wlɛrɛ nasyɛn dà gâ doro kɔ, nyufafaʔa àʔa pan tra na de.
11Yɛlɛ la na Nowe wi dá da yɛʔɛ́ saa tanri, ki yɛlɛ li yege syɛnwoʔo, ki wlɛrɛ kɛ̂ ma kɛ̀ nasyɛnwoʔo na, nyumu ma wa tra ti noʔo na à mi fru na nyini fafaʔa ceŋge dere tì bɛfu na. Namuru nyumu wyeʔe kè bɛfu à ke nyɛʔɛ kpandoʔo ceŋge. 12Hɔgɔ àʔa na pan naʔa tra na mà ta yaagbanra too syɛn, yobliri too syɛn. 13Ki wlɛʔɛ kiì gi Nowe wi da jé nyumu kɔrɔkpɔʔɔ ni wi cɔ nì, wi pii Sɛmu nì, Syamu nì, Jafɛte nì ní pe cɛɛ tanri ní we, 14ní ajobo tyɛnʔɛ kè bɛfu ní, ní ba nì pí na flolo tra na pi tyɛnʔɛ ní, kajɛnʔɛ tyɛnʔɛ kè bɛfu ní, ní pì bɛfu ní ba pí na lɛŋi pi kanmara nì de. 15Ki awyebe pì bɛfu naŋa nì cɛlɛ nì pi dáa ban Nowe krugu wa nyumu kɔrɔkpɔʔɔ ni ge. 16Ki ajobo pì bɛfu naŋa, nì cɛlɛ nì à pi bâ je wa nyumu kɔrɔkpɔʔɔ ni nɛ pa Nyɛʔɛlɛ li daʔá yo Nowe kan we pomo ma na. Ki kruʔu ma, Bajegɔ Nyɛʔɛlɛ à li nyumukɔrɔ goyɛʔɛ tón Nowe na we.
17Nyufafaʔa àʔa tra tón mà ta wlɛrɛ too syɛn. Nyiŋi ga na nyumu mi da gáa nyɛʔɛ na sye nyumu kɔrɔkpɔʔɔ àʔa jɛ wa tra na de. 18Ki kruʔu ma, nyumu à mi ní na nyɛʔɛ nɛ. Nyumu kɔrɔkpɔʔɔ àʔa po wa mi yugu na ge. 19Nyumu à mi nyɛʔɛ ceŋge fɔ mà angoro da tiklonro tì bɛfu tón. 20Nyumu mi dá nyɛʔɛ fɔ mà angoro yuru tòn mɛtri nyɛʔɛ nasyɛn. 21Nyuwyeʔe yrɛbɛ pì bɛfu ba pi dáa nyari naʔa tra na à pi ku: Kajɛnʔɛ gɛ yoo, kàʔà ajobo bi yoo, nya wobo bi yoo, ajobo ba pí na flolo tra na piì bi yoo, hɛɛn bɛ yoo. 22Wa trawaʔara tì bɛfu na, nyuwyeʔe yrɛbɛ pì bɛfu à pi ku. 23Ki pomo na, Nyɛʔɛlɛ à li nyuwyeʔe yrɛbɛ pì bɛfu laʔa wa tra ti yugu na mà kpe hɛɛn na fɔ mà yâ sun ajobo na, aflolobo ní, ní kajɛnʔɛ ní ge. Awyebe pì bɛfu à pi ku mà laʔa wa tra ti yugu na fɔ à Nowe wiì ma ko nyuwyeʔe na ní bee ní pe da jé wa wi ní nyumu kɔrɔkpɔʔɔ ni ge.
Nowe wí ma nyini wa nyumu kɔrɔkpɔʔɔ ni ge
24Nyufafaʔama mi dá go be tra na mà ta wlɛrɛ too nasyɛn ní kprɔʔɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Côte d'Ivoire