YOHANE 2
2
Mlondolo wa Kana
1Msi wa katatu hekina mlondolo uko Kana, muzi wa Galilaya; na mlala wavo Yesu ekiwaho. 2Yesu naye ekirerarikwa he mlondolo hamwe na varateri vakwe. 3Aho mvinyo ukinavaduikie, mlala wavo Yesu akamti, “Vesina mvinyo.” 4Yesu akamti, “Mcheku, tuna ni mi nawe? saa yangu yesinafika!” 5Mlala wavo akavati vandima, “Chochose enemuvwira, kiketeni.” 6Hala hekina misungi mtandatu ya mabwe, nayo yevikiwe ho vuntu vwa kiziomo cha Vayuda cha kukuzerija, msungi mmwe uingia mbuta mbiri kana ntatu. 7Yesu akavati, “Izujani misungi mpombe!” Vakaiizuja limbu. 8Akavati, “Iki tahani mumtwaie mzatara mbao!” Vakatonja. 9Na ula mzatara mbao ekinasaghe ila mpombe yeokie mvinyo, neri temanyije hantu yefumie, mira vandima vo vemanyije, kila evo vetahie ila mpombe, ula mzatara mbao akamwitanga mzalondola, 10akamti, “Kila mntu erongainkija mvinyo ula wedi; aho vantu vekikenja kukoja, niho akanaete ula mchalachala; we wekirevika mvinyo ula wedi na iki.” 11Icho nicho kivokio cha maluvengo Yesu eketie, nacho ekiketiie uko Kana wa Galilaya, akafunyirija ngazo yakwe, na varateri vakwe vakamwitikija.
12Nyuma ya ivyo akasea mhaka Kapernaumu, ye na mlala wavo na vandughu vakwe, na varateri vakwe; vakaikaa uko misi esi mingi.
Kuhaghia nyumba ya mtaso
(Mat. 21:12-13; Mrk. 11:15-18; Luk. 19:45-46)
13Na Pasaka ya Vayuda yekiho hafuhi; Yesu naye akakwea mhaka Yerusalemu. 14Hala he nyumba ya mtaso akavona vantu vekitaghija ng’ombe na magonji na nziva, na vazakoranya fedha veikae si. 15Akahareha mosha wa nzighi, akavafunya vose he nyumba ya mtaso na magonji na ng’ombe; akakufuta fedha ja vala vekoranya fedha, akakubunua meza javo; 16akavati vala evo vekitaghija nziva, “Vushani ivi aha; musioshe nyumba ya Vava wangu nyumba ya kuzorania.” 17Varateri vakwe vakakumbuka iti cheandikwe, “Kiru cha nyumba yako kinenila!” 18Niho Vayuda vakagharusha vakamti, “Ni luvengo ani wetuvonyesha aho weketa huvo?” 19Yesu akagharusha, akavati, “Bajani ii nyumba ya mtaso, nami he misi mitatu nineiimukija.” 20Niho Vayuda vakati, “Ii nyumba ya mtaso yejengiwe miaka makumi mane na mtandatu, nawe uneiimukija he misi mitatu?” 21Mira ye etetie mburi ya nyumba ya mtaso ya mwiri wakwe. 22Ingeri ekinavuke he vefwie, varateri vakwe vakakumbuka iti ekitetie huvo, vakaitikija kila cheandikwe na kila kiteto Yesu etetie.
23Aho eho Yerusalemu he misi mibaha marongo a Pasaka, vantu vajinki vakaitikija izina lakwe, vekinavone maluvengo akwe eaketie. 24Mira Yesu tekuitikijishe hevo; kila ye ekivamanyije vose; 25neri teendie iti mntu amvwire mburi ya mntu; ambu ye mwenye ekimanyije vyeho ndeni he mntu.
Currently Selected:
YOHANE 2: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
YOHANE 2
2
Mlondolo wa Kana
1Msi wa katatu hekina mlondolo uko Kana, muzi wa Galilaya; na mlala wavo Yesu ekiwaho. 2Yesu naye ekirerarikwa he mlondolo hamwe na varateri vakwe. 3Aho mvinyo ukinavaduikie, mlala wavo Yesu akamti, “Vesina mvinyo.” 4Yesu akamti, “Mcheku, tuna ni mi nawe? saa yangu yesinafika!” 5Mlala wavo akavati vandima, “Chochose enemuvwira, kiketeni.” 6Hala hekina misungi mtandatu ya mabwe, nayo yevikiwe ho vuntu vwa kiziomo cha Vayuda cha kukuzerija, msungi mmwe uingia mbuta mbiri kana ntatu. 7Yesu akavati, “Izujani misungi mpombe!” Vakaiizuja limbu. 8Akavati, “Iki tahani mumtwaie mzatara mbao!” Vakatonja. 9Na ula mzatara mbao ekinasaghe ila mpombe yeokie mvinyo, neri temanyije hantu yefumie, mira vandima vo vemanyije, kila evo vetahie ila mpombe, ula mzatara mbao akamwitanga mzalondola, 10akamti, “Kila mntu erongainkija mvinyo ula wedi; aho vantu vekikenja kukoja, niho akanaete ula mchalachala; we wekirevika mvinyo ula wedi na iki.” 11Icho nicho kivokio cha maluvengo Yesu eketie, nacho ekiketiie uko Kana wa Galilaya, akafunyirija ngazo yakwe, na varateri vakwe vakamwitikija.
12Nyuma ya ivyo akasea mhaka Kapernaumu, ye na mlala wavo na vandughu vakwe, na varateri vakwe; vakaikaa uko misi esi mingi.
Kuhaghia nyumba ya mtaso
(Mat. 21:12-13; Mrk. 11:15-18; Luk. 19:45-46)
13Na Pasaka ya Vayuda yekiho hafuhi; Yesu naye akakwea mhaka Yerusalemu. 14Hala he nyumba ya mtaso akavona vantu vekitaghija ng’ombe na magonji na nziva, na vazakoranya fedha veikae si. 15Akahareha mosha wa nzighi, akavafunya vose he nyumba ya mtaso na magonji na ng’ombe; akakufuta fedha ja vala vekoranya fedha, akakubunua meza javo; 16akavati vala evo vekitaghija nziva, “Vushani ivi aha; musioshe nyumba ya Vava wangu nyumba ya kuzorania.” 17Varateri vakwe vakakumbuka iti cheandikwe, “Kiru cha nyumba yako kinenila!” 18Niho Vayuda vakagharusha vakamti, “Ni luvengo ani wetuvonyesha aho weketa huvo?” 19Yesu akagharusha, akavati, “Bajani ii nyumba ya mtaso, nami he misi mitatu nineiimukija.” 20Niho Vayuda vakati, “Ii nyumba ya mtaso yejengiwe miaka makumi mane na mtandatu, nawe uneiimukija he misi mitatu?” 21Mira ye etetie mburi ya nyumba ya mtaso ya mwiri wakwe. 22Ingeri ekinavuke he vefwie, varateri vakwe vakakumbuka iti ekitetie huvo, vakaitikija kila cheandikwe na kila kiteto Yesu etetie.
23Aho eho Yerusalemu he misi mibaha marongo a Pasaka, vantu vajinki vakaitikija izina lakwe, vekinavone maluvengo akwe eaketie. 24Mira Yesu tekuitikijishe hevo; kila ye ekivamanyije vose; 25neri teendie iti mntu amvwire mburi ya mntu; ambu ye mwenye ekimanyije vyeho ndeni he mntu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.