LUKA 10
10
Ndima ya ntume makumi mfungate na kuhunduka kwavo
1Niho ivyo vyekivecha, Mfumwa akavatika wa vangi makumi mfungate, akavatuma veri veri, vamrongorire kutonga he kila muzi na kila hantu eenda kutonga ye mwenye. 2Akavati, “Mafindiko ni mangi, mira vandima ni vaghere; mwombeni Mfumwa wa mafindiko atume vandima he mafindiko akwe. 3Tongani; rerehani, nimutuma sa vugonji ghati he maghinga. 4Musitike ibene neri mkoba, neri viratu; neri musikezye uko nzieni. 5Kila nyumba mweingia, murongeti, ‘Mporere naiikae he nyumba ii;’ 6kakicha hena mwana wa mporere ewaho, mporere yenyu inemwikaia; kakicha tehena, mporere yenyu inemuhundukia. 7Ikaani he iyo nyumba mwekila na kunwa vya havo; ambu mndima chemfwenye kuinkwa mhako wakwe. Musisame kufuma he nyumba ii na kutonga he nyumba ingi. 8Na muzi wowose mweneingia, vekimughuhia, lani vijo vila vyevikiwe mozya henyu. 9Banjani vawaji vewaho, vatini, ‘Vufumwa vwa Mrungu vwazengelela he unywi.” 10Na muzi wowose mweneingia, vekisamughuhia, fumani aho, na mwekivecha he nzia javo, muti, 11‘Hata teri ya muzi wenyu yeho he maghu etu, twaimukukuntia. Mira manyani icho, iti vufumwa vwa Mrungu vwazengelela.’ 12Nimutio, Ula msi, kineoka kijangu kukela, Sodoma kugumirija mabigho awo, kukela uo muzi.
13“Vwasi vwako Korazini! Vwasi vwako Betsaida! Ambu nanga vila virumo vyeketike henyu vyekiketike uko Tiro na Sidoni, wekikicha vakenja kuchwa mti, na kuikaa si he magunia na maivu. 14Mira ula msi wa mchwio kineoka kijangu Tiro na Sidoni kugumurija mabigho awo, kuvecha unywi. 15Nawe Kapernaumu, unekwejwa mhaka uko wanga? unesejwa mhaka uko he nkoma. 16Ye emusikija unywi, anisikija mi, na ula emusua unywi, anisua mi; na ye enisua mi, amsua ula enitumie.”
17Niho vala makumi mfungate vakahunduka na kuizihirwa, vekiti, “Mfumwa, hata mpepo jitisikia he izina lako.” 18Akavati, “Nemvonie Shetani ekigwa kufuma uko wanga sa luimiko. 19Rereha, namuinka nzinya ya kuvata nyoka na vishushe, na nzinya jose ja ula mnzo, neri tehena kintu chenemukonda. 20Mira musiizihirwe iti mpepo jimusikia; esire izihirwani iti mazina enyu eandikwe uko wanga.”
Yesu eanjela
(Mat. 11:25-27; 13:16-17)
21Saa ila ila akang’ara kwa Mpeho Wedi, akati, “Nikuanjela Vava, Mfumwa wa uko wanga na wa ii si, ni kila ivyo wevivisie vala vena viugho na vechee, ukavafunukurira vana vadori; yee Vava, ambu nicho ahekuizihira we.” 22Akati, “Neinkiwe vyose ni Vava wangu, neri tehena ye emmanya Mwana esire Vava, neri tehena emmanya Vava esire Mwana, na kila ye, Mwana ekunda kumfunukurira.” 23Akavagharukia varateri vakwe, akateta navo kimpiso, “Vwedi nivwa meso evona ivyo unywi mwevona. 24Ambu nimuvwira iti, Varoti vajinki na vafumwa veendie kuvona ivyo unywi mwevona, vasivivone; na kusikia ivyo unywi mwesikia, vasivisikie.”
Cheneshigha tuvone nkalamo va kae na kae
(Mat. 22:34-40; Mrk. 12:18-31)
25Niho mremanya myomongwa mmwe akaimuka iti amgheshe; ekiti, “Mcheji, nikete ze nesa nipale nkalamo ya kae na kae?” 26Akamti, “He myomongwa heandikwe ni? Wesomie ze?” 27Akagharusha, akati, “Mkunde Mfumwa Mrungu wako kwa moo wako wose, na kwa ngoro yako yose nakwa nzinya jako jose, na kwa kucha kwako kwose; na mghenji wako sa we mwenye.” 28Akamti, “Wegharushe nezo; keta huvo, nawe unekalama.” 29Naye ekienda kukughosha mkitea, akamvwija Yesu, “Mghenji wangu ni uhi?”
Mfwanano wa Msamaria wedi
30Yesu akamgharusha, akati, “Mntu mmwe ekisea kufuma Yerusalemu kutonga Yeriko, akafumiwa ni vakibonda; vakamhambua suke, vakam’bigha, vakamgera vionda, vakavuka vakatonga, vakamshigha hafuhi kufwa. 31Kwa luhanda, hakasea mtasi mmwe na nzia ila; naye ekinamvone, akavecha kamondo. 32Mlevi naye nirehuvo, ekinafike hala, akamvona, akavechija mondo. 33Mira Msamaria mmwe ekizoka, akafika hala hantu eho; naye ekinamvone, akamsikia vwasi; 34akamswia, akamchunga vionda vyakwe, akavigera mafuta na mvinyo; akamkweja wanga he njoe yakwe, akamtonja mhaka he nyumba ya vagheni, akam’waja. 35Hala yavo akafunya dinari mbiri, akamunka ula mwenye nyumba ya vagheni, akati, “Um’waje uu, na chochose wefunya kukela, nekihunduka ninekuiha. 36We uvona ze, he avo vatatu, ni uhi eokie mghenji wa ula efumiiwe ni vakibonda?” 37Akati, “Ni ula emvoneie.” Yesu akamti, “Tonga nawe ureketa huvo.”
Marta ne Maria
38Aho he kutonga kwavo, vakaingia he kamuzi kamwe; mche mmwe izina lakwe Marta akamghuhia he nyumba yakwe. 39Naye ekina mjinawe eitangwa Maria, ekiikae si he maghu akwe Yesu ekimsikija viteto vyakwe. 40Mira Marta ekipipilika mno; akamswia, akamti, “Mfumwa, tekikushinira, mjinawa ekinishighia nikupipirikie mwenye? Heicho mvwirw anighenje.” 41Mfumwa akamgharusha, akamti, “Marta, Marta, ula vwasi na kukubinusha he vuntu vwa vintu vingi; 42mira heendwa kintu kimwe du; Maria esaghure ifungu ledi, elo esikarelighumbwa.”
Currently Selected:
LUKA 10: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
