LUKA 13
13
Machundwe vuntu vwa kuchwa mti
1Igheri ilo hekina vantu vemwukulile mburi ya Vagalilaya, vala evo Pilato ekisankanye sakame yavo na matasi avo. 2Akagharusha, akavati, “Hamao, mudunganya iti avo Vagalilaya nete venye mabanu kuvecha Vagalilaya vose, nicho cheshigha vekivonekiwa ni ivyo? 3Nimutio, sivwo, mira mwekisachwa mti, unywi vose munerebuntwa huvo huvo. 4Kana vala ikumi na mnane vegwiiwe ni mnara uko Siloamu, ukavakoma, mudunganya iti avo neki vareteshanya kuvecha vantu vose veikaa Yerusalemu? 5Nimutio, sivwo, mira mwekisachwa mti, unywi vose munerebuntwa huvo huvo.”
Mfwanano wa mkuu wesigera
6Akateta mfwanano uu, “Mntu mmwe ekina mkuu wehandiwe he nghunda wakwe wa mizabibu; akatonga ekienda ntunda hewo, asivone. 7Niho akamti mraimia mizabibu, ‘Rereha, miaka ii mitatu neraza kuenda ntunda he uu mkuu, nesivona kintu; uteme, hanini wekonda hata msau?’ 8Akagharusha, akamti, ‘Mfumwa, ushighe wa mwaka uu, niukaghie na kuugera m’buta; 9kakicha aho wegera ntunda, ni chedi! kakicha wekisagera, ana unauteme.’”
Mche ebanjijwe msi wa sabato
10Msi wa sabato ekicheja he sinagogi mwe; 11na aho hekina mche ena mpepo ya lukongolo hantu haa miaka ikumi na mnane; naye ekodeke, esiidima kurongeka neri. 12Yesu ekiramvona, akamwitanga, akamti, “Mcheku, wachunguwa he vusoka vwako.” 13Akavika mkono wakwe wanga heye, naye akarongeka hala indi, akamkaza Mrungu. 14Niho m’baha wa sinagogi akasikia oro kila Yesu abanja mntu msi wa sabato; akagharusha akavwira luvungano, “Hena misi mtandatu yeve kuronga ndima, he iyo misi nzoni mubanjwe, mira si he msi wa sabato.” 15Mira Mfumwa akagharusha, akati, “Unywi valung’ong’o, hamao, kila mmwe wenyu techungua ng’ombe yakwe kana njeo yakwe he isanzu na ere msi wa sabato, atonge nayo kuinwesha? 16Na uu mche e wa lukolo lwakwe Abrahamu, eye ekkichungiwe ni Shetani ii miaka ikumi na mnane, tekitarire achunguwe iki kichungo msi wa sabato?” 17Ekinatete huvo vose vekanane naye vakaheiwa; luvungano lwose lukaizihirwa he vuntu vwa vintu vyedi vyose vyerongiwe niye.
Mfwanano wa Ntembe ya haradali na chachu
(Mat. 13:31-33; Mrk. 4:30-32)
18Nyuma akati, “Vufumwa vwa Mrungu vwefwanane nani? Nami nivufwanyanye nani? 19Vwefwanane na ntembe ya haradali, mntu eighuhie akaigera he mghunda wakwe; ikaeha ikaoka mti; madeghe a wanga akaika he matambi awo.” 20Akati ka keri, “Vufumwa vwa Mrungu nivufwanyanye nani? 21Vwefwanane na chachu yeghuhiwe ni mntu mche, akaigera he ngero ntatu ja muchu, nicho wose ukakararata.”
Nzia sisiri yefisha he nkalamo
(Mat. 7:13-14, 21-23)
22Naye he ntambo yakwe ya kutonga Yerusalemu, ekivecha he mizi na vumuzi ekicheja. 23Mntu mmwe akamvwija, “Hamao, Mfumwa, vantu vekijwa ni vaghere?” Akavati, 24“Kudokeni kuingia he mpenge fufuji, ambu nimutio, Vajinki veneenda kuingia, vasiidime. 25Igheri mwenye nyumba ekineimuka na kufinga luvwi, na unywi munevoka kuimuka nze na kukokonta luvwi, mwekiti, ‘E, Mfumwa, tujuvuie;’ ye naye enegharusha na kumuti, ‘Simumanyije hantu mwefuma.’ 26Niho mwenevoka kuti, ‘Twekinala na kunwa mozya hako, nawe wechejije he nzia jetu.’ 27Naye eneti, ‘Nimutio, simumanyije hantu mwefuma; vukani hangu unywi vose mwe varehira vivivi.’ 28Niho heneketa kuwela na kukereresa majegho, mwekinemvona Abrahamu ne Isaki ne Yakobo na varoti vose, he vufumwa vwa Mrungu; na unywi venye mwetaghiwe noko nze. 29Heneza vantu vefuma kibukaizuva na kigwaizuva, na vefuma mondo wa ughu na wa ishi, navo veneikaa si hakulia he vufumwa vwa Mrungu. 30Rereha, hena va msirikijo veneoka va kuvoka, na va kuvoka veneoka va msirikijo.”
Vunzo vwakwe Herode
31Saa ila ila, Vafarisayo vasiku vakamswia, vakamti, “Vuka aha utonge hantu hangi, ambu Herode eenda kukukoma.” 32Akavati, “Tongani murevwira icho kibarwe, ‘Rereha, yoo na yavo nifunya mpepo na kubanja vawaji, na msi wa katatu ninekenja.’ 33Hamwe na ivyo, kinitara kutonga yoo na yavo na mtondo; ambu tekivaie mroti afwie nze ya Yerusalemu.
Kuiia Yerusalemu
(Mat. 23:37-39)
34“E, Yerusalemu, Yerusalemu, wekoma varoti na kuvabigha mabwe vala vetumiwe hako; ni kangahi neendie kuvunganya vana vako sa vuntu nkuku yevunganya vusio vwayo kijusi he mazaghu ayo, neri temuendie. 35Rerehani, nyumba yenyu yashighwa msamo. Nami nimutio, Temukazenivona kangi neri, mhaka mwekineti, ‘Mwenye lutelwedi ni ula eza he izina la Mfumwa.’”
Currently Selected:
LUKA 13: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
LUKA 13
13
Machundwe vuntu vwa kuchwa mti
1Igheri ilo hekina vantu vemwukulile mburi ya Vagalilaya, vala evo Pilato ekisankanye sakame yavo na matasi avo. 2Akagharusha, akavati, “Hamao, mudunganya iti avo Vagalilaya nete venye mabanu kuvecha Vagalilaya vose, nicho cheshigha vekivonekiwa ni ivyo? 3Nimutio, sivwo, mira mwekisachwa mti, unywi vose munerebuntwa huvo huvo. 4Kana vala ikumi na mnane vegwiiwe ni mnara uko Siloamu, ukavakoma, mudunganya iti avo neki vareteshanya kuvecha vantu vose veikaa Yerusalemu? 5Nimutio, sivwo, mira mwekisachwa mti, unywi vose munerebuntwa huvo huvo.”
Mfwanano wa mkuu wesigera
6Akateta mfwanano uu, “Mntu mmwe ekina mkuu wehandiwe he nghunda wakwe wa mizabibu; akatonga ekienda ntunda hewo, asivone. 7Niho akamti mraimia mizabibu, ‘Rereha, miaka ii mitatu neraza kuenda ntunda he uu mkuu, nesivona kintu; uteme, hanini wekonda hata msau?’ 8Akagharusha, akamti, ‘Mfumwa, ushighe wa mwaka uu, niukaghie na kuugera m’buta; 9kakicha aho wegera ntunda, ni chedi! kakicha wekisagera, ana unauteme.’”
Mche ebanjijwe msi wa sabato
10Msi wa sabato ekicheja he sinagogi mwe; 11na aho hekina mche ena mpepo ya lukongolo hantu haa miaka ikumi na mnane; naye ekodeke, esiidima kurongeka neri. 12Yesu ekiramvona, akamwitanga, akamti, “Mcheku, wachunguwa he vusoka vwako.” 13Akavika mkono wakwe wanga heye, naye akarongeka hala indi, akamkaza Mrungu. 14Niho m’baha wa sinagogi akasikia oro kila Yesu abanja mntu msi wa sabato; akagharusha akavwira luvungano, “Hena misi mtandatu yeve kuronga ndima, he iyo misi nzoni mubanjwe, mira si he msi wa sabato.” 15Mira Mfumwa akagharusha, akati, “Unywi valung’ong’o, hamao, kila mmwe wenyu techungua ng’ombe yakwe kana njeo yakwe he isanzu na ere msi wa sabato, atonge nayo kuinwesha? 16Na uu mche e wa lukolo lwakwe Abrahamu, eye ekkichungiwe ni Shetani ii miaka ikumi na mnane, tekitarire achunguwe iki kichungo msi wa sabato?” 17Ekinatete huvo vose vekanane naye vakaheiwa; luvungano lwose lukaizihirwa he vuntu vwa vintu vyedi vyose vyerongiwe niye.
Mfwanano wa Ntembe ya haradali na chachu
(Mat. 13:31-33; Mrk. 4:30-32)
18Nyuma akati, “Vufumwa vwa Mrungu vwefwanane nani? Nami nivufwanyanye nani? 19Vwefwanane na ntembe ya haradali, mntu eighuhie akaigera he mghunda wakwe; ikaeha ikaoka mti; madeghe a wanga akaika he matambi awo.” 20Akati ka keri, “Vufumwa vwa Mrungu nivufwanyanye nani? 21Vwefwanane na chachu yeghuhiwe ni mntu mche, akaigera he ngero ntatu ja muchu, nicho wose ukakararata.”
Nzia sisiri yefisha he nkalamo
(Mat. 7:13-14, 21-23)
22Naye he ntambo yakwe ya kutonga Yerusalemu, ekivecha he mizi na vumuzi ekicheja. 23Mntu mmwe akamvwija, “Hamao, Mfumwa, vantu vekijwa ni vaghere?” Akavati, 24“Kudokeni kuingia he mpenge fufuji, ambu nimutio, Vajinki veneenda kuingia, vasiidime. 25Igheri mwenye nyumba ekineimuka na kufinga luvwi, na unywi munevoka kuimuka nze na kukokonta luvwi, mwekiti, ‘E, Mfumwa, tujuvuie;’ ye naye enegharusha na kumuti, ‘Simumanyije hantu mwefuma.’ 26Niho mwenevoka kuti, ‘Twekinala na kunwa mozya hako, nawe wechejije he nzia jetu.’ 27Naye eneti, ‘Nimutio, simumanyije hantu mwefuma; vukani hangu unywi vose mwe varehira vivivi.’ 28Niho heneketa kuwela na kukereresa majegho, mwekinemvona Abrahamu ne Isaki ne Yakobo na varoti vose, he vufumwa vwa Mrungu; na unywi venye mwetaghiwe noko nze. 29Heneza vantu vefuma kibukaizuva na kigwaizuva, na vefuma mondo wa ughu na wa ishi, navo veneikaa si hakulia he vufumwa vwa Mrungu. 30Rereha, hena va msirikijo veneoka va kuvoka, na va kuvoka veneoka va msirikijo.”
Vunzo vwakwe Herode
31Saa ila ila, Vafarisayo vasiku vakamswia, vakamti, “Vuka aha utonge hantu hangi, ambu Herode eenda kukukoma.” 32Akavati, “Tongani murevwira icho kibarwe, ‘Rereha, yoo na yavo nifunya mpepo na kubanja vawaji, na msi wa katatu ninekenja.’ 33Hamwe na ivyo, kinitara kutonga yoo na yavo na mtondo; ambu tekivaie mroti afwie nze ya Yerusalemu.
Kuiia Yerusalemu
(Mat. 23:37-39)
34“E, Yerusalemu, Yerusalemu, wekoma varoti na kuvabigha mabwe vala vetumiwe hako; ni kangahi neendie kuvunganya vana vako sa vuntu nkuku yevunganya vusio vwayo kijusi he mazaghu ayo, neri temuendie. 35Rerehani, nyumba yenyu yashighwa msamo. Nami nimutio, Temukazenivona kangi neri, mhaka mwekineti, ‘Mwenye lutelwedi ni ula eza he izina la Mfumwa.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.