LUKA 6
6
Kugimbika Sabato
(Mat. 12:1-4; Mrk. 2:23—3:6)
1Msi mmwe wa sabato ekivecha he mighunda, varateri vakwe vakamurura maeso, vakaapughusua he mikono yavo, vakala. 2Vafarisayo va kumwe vakavati, “Hanini mwekironga vyesirongwwa msi wa sabato?” 3Yesu akagharusha, akavati, “Temunatesome kila Davidi eketie, aho esikie nza, ye hamwe na vala vekina naye? 4sa vuntu eingie he nyumba ya Mrungu, akaghuha ila mikate ya kuvonyesha, akaila, akavainka na vaghenji, nayo yesekiliwa, esire vatasi du. 5Akavati, “Mwana wa Mntu niye Mfumwa wa sabato.”
6Msi ungi wa sabato akaingia he sinagogi, akacheja. Aho hekina mntu eholoje mkono wakwe wa kume. 7Vaandiki na Vafarisayo vakamrindija nesa vavone iti enem’banja msi wa sabato; nesa vavone cha kumrengekia. 8Mira ye akamanya madunganyo avo, akamti, ula eholoje mkono, “Vuka, imuka aha ghati;” akavuka akaimuka. 9Niho Yesu akavati, “Nimuvwija unywi, ‘Hamao, ni chedi msi wa sabato kuronga chedi, kana kuronga kivivi; kukija ngoro kana kuitesha?’” 10Akavatunkulila vose myondo yose, akamti ula mntu, “Ronga mkono wako!” Akauronga; mkono wakwe ukaoka wa wedi. 11Vakakwewa ni oro, vakaenda nzia vo venye na venye, iti venemketa ze Yesu.
Ntume ikumi na veri
(Mat. 10:1-4; Mrk. 3:13-19)
12Misi ila akavuka, akatonga he ntuvi nesa areomba, akayaa kiavi hakacha ekimwomba Mrungu. 13Hekinache akavaitanga varateri vakwe; akasaghura ikumi na veri ghati hevo, avo akavitanga Ntume. 14Ni Simioni, eye emchwiiw izina la keri: Petro, ne Andrea mjinawe, Yakobo ne Yohane, Filipo ne Bartolomayo, 15Matayo ne Toma, Yakobo mwana Alfayo ne Simioni eitangwa Zelote, 16Yuda mwana Yakobo ne Yuda Iskarioti, niye eokie mrenge.
17Akasea hamwe navo, akaimuka hantu hena kiindi, hamwe na varateri vakwe vajinki, na mavungano mabaha a vantu vefuma Yudea hose na Yerusalemu, na mbaimbai ya bahari ya Tiro na Sidoni; vezie kumsikija na kubanjwa mawaji avo; 18na vala verishijwe vwasi ni mpepo mbivi, vakabanjwa. 19Na mavungano ose vekienda kumkunta, ambu heye hekifuma nzinya yebanja vose.
Varela vwedi na varela vwasi
(Mat. 5:1-12)
20Akavusha meso akwe akavarereha varateri vakwe, akati,
“Varela vwedi ni unywi mwe vakiva, ambu vufumwa vwa Mrungu ni vwenyu.
21Varela vwedi ni unywi mwena nza iki, ambu muneighuta.
Varela vwedi ni unywi, mweia iki, ambu muneseka.
22“Varela vwedi ni unywi, vantu vekimuvihiwa na kutana na unywi, na kumuteta uvivi, na kubera izina lenyu sa kintu kivivi he vuntu vwa Mwana wa Mntu. 23Uo msi izihirwani na kujinkajinka, ambu rereha, kitumulilo chenyu uko wanga ni kibaha; ambu huvo nivwo vuntu vavava vavo vevaketie varoti.
24“Mira vwasi vwenyu unywi mwena mari, ambu mwakenja kuvona kutujwa kwenyu.
25Vwasi vwenyu unywi mweighute iki, ambu munesikia nza.
Vwasi vwenyu unywi mweseka iki, ambu munewela na kuia.
26Vwasi vwenyu mwekinekazwa ni vantu vose, ambu vavava vavo vevaketie varoti va mongo vintu sa ivyo.
Kuvakunda vanzo
(Mat. 5:38-48)
27“Mira unywi mwesikia nimutio, Vakundeni vanzo venyu, vaketieni chedi vala vemuvihiwa, 28vala vemurara vainkeni lutelwedi; vala vemuketia vivivi vasembieni. 29Ula ekubugha isaa imwe, mgharushije na ili lingi; ula ekughumba ijoho lako, neri usimsuje nkanzu. 30Ula ekutanja, umunke, na ula ekughumba vintu vyako, neri usiende iti akuhunduie. 31Sa vuntu mweenda vantu vamuketie, na unywi mrevaketieni huvo. 32Ambu mwekivakunda vala vemukundie unywi, muvonyesha vwedi ani? Ambu na vabanu verakunda vala vevakundie. 33Kana unywi mwekivaketia vyedi vala vemuketia vyedi, muvonyesha vwedi ani? Ambu na vabanu veraketa huvo huvo. 34Mwekihisha vantu rando, kangi mwekiarira kuinkwa kintu nivo, muvonyesha vwedi ani? Hata vabanu navo vekunda kuambalwa ni vabanu vaghenji vavo, nesa vanahunduiwe wa. 35Mira vakundeni vanzo venyu, rongani vyedi, na kuambalwa mwekisaarira kuihwa, niho kitumulilo chenyu cheneoka kibaha, na unywi muneoka vana va Ula eho uko wanga, ambu ye ni wedi, he vala vesivika mvera na vavivi.
Kulaha vaghenji
(Mat. 7:1-5)
36“Heicho, keteni mbonea, sa vuntu Vava wenyu ena mbonea. 37Musilahe, na unywi temukalahwe; musishaghe, na unywi temukashaghwe; shighieni, na unywi muneshighiwa. 38Inkijani, na unywi muneinkwa; ngero yeizue na kuchintwa na kukushwakushwa na mwitiko, niyo vantu venemuvikia he maghanza enyu, ambu ngero ila mweringanyija, niyo mweneringanyijwa.”
39Akavavwira na kisoma, “Ngea ituntu eidima kurongorira ituntu? Tevekagwe he ikongo vose veri? 40Mrechejwa temvecha mcheji wakwe, mira mntu ula ekoloshe eringana na mcheji wakwe. 41Heicho, hanini werereha kasanu keho he iziso la mndughu wako, na mghamba weho he iziso lako we mwenye, tuurereha? 42Kana uneidima ze kumti mndughu wako, ‘Mndughu wangu, cheki ning’ole kasanu keho he iziso lako, nawe wesirereha mghamba weho he iziso lako we mwenye? We mlung’ong’o, rongang’ola uo mghamba weho he iziso lako we mwenye, niho weneidima kuvona nezo na king’ola ako kasani keho he iziso la mndughu wako.
43Ambu tehena, mti wedi wegera ntunda mbivi, neri mti mvivi wegera ntunda jedi; 44ambu kila mti umanyika he ntunda jawo; ambu, nkuu tejitundwa he mivwa, neri vantu tevetunda zabibu he mishewa. 45Mntu wedi, he ndungu yedi ya ngoro yakwe efunya vila e vyedi, na mntu mvivi, he ndungu mbivi ya ngoro yakwe efunya vila e vivivi; ambu he momo wa mntu hefuma vila vyeizue he ngoro yakwe.
Kusikia na kuronga
(Mat. 7:24-27)
46“Hanini mweniitanga, ‘Mfumwa, Mfumwa,’ mira mwesironga vila neteta? 47Kila mntu eza hangu na kusikia viteto vyangu, na kuronga vwo, ninemuvonya vuntu eikee. 48Efwanane na mntu ejenga nyumba, akafora kivanza kikasea nezo na si, akajenga msingi wanga hena mrarabwe. Hekisea beria, mpombe ikasea ila nyumba na nguju, isiidime kuikusha; ambu yejengiwe nezo. 49Mira ula esikia neri esironga vwo, efwanane na mntu ejengie nyumba wanga he msau, hesina msingi, mpombe ikasea na nguju, hala indi ikagwa; na migwire ya ila nyumba ikaoka mibaha.”
Currently Selected:
LUKA 6: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
LUKA 6
6
Kugimbika Sabato
(Mat. 12:1-4; Mrk. 2:23—3:6)
1Msi mmwe wa sabato ekivecha he mighunda, varateri vakwe vakamurura maeso, vakaapughusua he mikono yavo, vakala. 2Vafarisayo va kumwe vakavati, “Hanini mwekironga vyesirongwwa msi wa sabato?” 3Yesu akagharusha, akavati, “Temunatesome kila Davidi eketie, aho esikie nza, ye hamwe na vala vekina naye? 4sa vuntu eingie he nyumba ya Mrungu, akaghuha ila mikate ya kuvonyesha, akaila, akavainka na vaghenji, nayo yesekiliwa, esire vatasi du. 5Akavati, “Mwana wa Mntu niye Mfumwa wa sabato.”
6Msi ungi wa sabato akaingia he sinagogi, akacheja. Aho hekina mntu eholoje mkono wakwe wa kume. 7Vaandiki na Vafarisayo vakamrindija nesa vavone iti enem’banja msi wa sabato; nesa vavone cha kumrengekia. 8Mira ye akamanya madunganyo avo, akamti, ula eholoje mkono, “Vuka, imuka aha ghati;” akavuka akaimuka. 9Niho Yesu akavati, “Nimuvwija unywi, ‘Hamao, ni chedi msi wa sabato kuronga chedi, kana kuronga kivivi; kukija ngoro kana kuitesha?’” 10Akavatunkulila vose myondo yose, akamti ula mntu, “Ronga mkono wako!” Akauronga; mkono wakwe ukaoka wa wedi. 11Vakakwewa ni oro, vakaenda nzia vo venye na venye, iti venemketa ze Yesu.
Ntume ikumi na veri
(Mat. 10:1-4; Mrk. 3:13-19)
12Misi ila akavuka, akatonga he ntuvi nesa areomba, akayaa kiavi hakacha ekimwomba Mrungu. 13Hekinache akavaitanga varateri vakwe; akasaghura ikumi na veri ghati hevo, avo akavitanga Ntume. 14Ni Simioni, eye emchwiiw izina la keri: Petro, ne Andrea mjinawe, Yakobo ne Yohane, Filipo ne Bartolomayo, 15Matayo ne Toma, Yakobo mwana Alfayo ne Simioni eitangwa Zelote, 16Yuda mwana Yakobo ne Yuda Iskarioti, niye eokie mrenge.
17Akasea hamwe navo, akaimuka hantu hena kiindi, hamwe na varateri vakwe vajinki, na mavungano mabaha a vantu vefuma Yudea hose na Yerusalemu, na mbaimbai ya bahari ya Tiro na Sidoni; vezie kumsikija na kubanjwa mawaji avo; 18na vala verishijwe vwasi ni mpepo mbivi, vakabanjwa. 19Na mavungano ose vekienda kumkunta, ambu heye hekifuma nzinya yebanja vose.
Varela vwedi na varela vwasi
(Mat. 5:1-12)
20Akavusha meso akwe akavarereha varateri vakwe, akati,
“Varela vwedi ni unywi mwe vakiva, ambu vufumwa vwa Mrungu ni vwenyu.
21Varela vwedi ni unywi mwena nza iki, ambu muneighuta.
Varela vwedi ni unywi, mweia iki, ambu muneseka.
22“Varela vwedi ni unywi, vantu vekimuvihiwa na kutana na unywi, na kumuteta uvivi, na kubera izina lenyu sa kintu kivivi he vuntu vwa Mwana wa Mntu. 23Uo msi izihirwani na kujinkajinka, ambu rereha, kitumulilo chenyu uko wanga ni kibaha; ambu huvo nivwo vuntu vavava vavo vevaketie varoti.
24“Mira vwasi vwenyu unywi mwena mari, ambu mwakenja kuvona kutujwa kwenyu.
25Vwasi vwenyu unywi mweighute iki, ambu munesikia nza.
Vwasi vwenyu unywi mweseka iki, ambu munewela na kuia.
26Vwasi vwenyu mwekinekazwa ni vantu vose, ambu vavava vavo vevaketie varoti va mongo vintu sa ivyo.
Kuvakunda vanzo
(Mat. 5:38-48)
27“Mira unywi mwesikia nimutio, Vakundeni vanzo venyu, vaketieni chedi vala vemuvihiwa, 28vala vemurara vainkeni lutelwedi; vala vemuketia vivivi vasembieni. 29Ula ekubugha isaa imwe, mgharushije na ili lingi; ula ekughumba ijoho lako, neri usimsuje nkanzu. 30Ula ekutanja, umunke, na ula ekughumba vintu vyako, neri usiende iti akuhunduie. 31Sa vuntu mweenda vantu vamuketie, na unywi mrevaketieni huvo. 32Ambu mwekivakunda vala vemukundie unywi, muvonyesha vwedi ani? Ambu na vabanu verakunda vala vevakundie. 33Kana unywi mwekivaketia vyedi vala vemuketia vyedi, muvonyesha vwedi ani? Ambu na vabanu veraketa huvo huvo. 34Mwekihisha vantu rando, kangi mwekiarira kuinkwa kintu nivo, muvonyesha vwedi ani? Hata vabanu navo vekunda kuambalwa ni vabanu vaghenji vavo, nesa vanahunduiwe wa. 35Mira vakundeni vanzo venyu, rongani vyedi, na kuambalwa mwekisaarira kuihwa, niho kitumulilo chenyu cheneoka kibaha, na unywi muneoka vana va Ula eho uko wanga, ambu ye ni wedi, he vala vesivika mvera na vavivi.
Kulaha vaghenji
(Mat. 7:1-5)
36“Heicho, keteni mbonea, sa vuntu Vava wenyu ena mbonea. 37Musilahe, na unywi temukalahwe; musishaghe, na unywi temukashaghwe; shighieni, na unywi muneshighiwa. 38Inkijani, na unywi muneinkwa; ngero yeizue na kuchintwa na kukushwakushwa na mwitiko, niyo vantu venemuvikia he maghanza enyu, ambu ngero ila mweringanyija, niyo mweneringanyijwa.”
39Akavavwira na kisoma, “Ngea ituntu eidima kurongorira ituntu? Tevekagwe he ikongo vose veri? 40Mrechejwa temvecha mcheji wakwe, mira mntu ula ekoloshe eringana na mcheji wakwe. 41Heicho, hanini werereha kasanu keho he iziso la mndughu wako, na mghamba weho he iziso lako we mwenye, tuurereha? 42Kana uneidima ze kumti mndughu wako, ‘Mndughu wangu, cheki ning’ole kasanu keho he iziso lako, nawe wesirereha mghamba weho he iziso lako we mwenye? We mlung’ong’o, rongang’ola uo mghamba weho he iziso lako we mwenye, niho weneidima kuvona nezo na king’ola ako kasani keho he iziso la mndughu wako.
43Ambu tehena, mti wedi wegera ntunda mbivi, neri mti mvivi wegera ntunda jedi; 44ambu kila mti umanyika he ntunda jawo; ambu, nkuu tejitundwa he mivwa, neri vantu tevetunda zabibu he mishewa. 45Mntu wedi, he ndungu yedi ya ngoro yakwe efunya vila e vyedi, na mntu mvivi, he ndungu mbivi ya ngoro yakwe efunya vila e vivivi; ambu he momo wa mntu hefuma vila vyeizue he ngoro yakwe.
Kusikia na kuronga
(Mat. 7:24-27)
46“Hanini mweniitanga, ‘Mfumwa, Mfumwa,’ mira mwesironga vila neteta? 47Kila mntu eza hangu na kusikia viteto vyangu, na kuronga vwo, ninemuvonya vuntu eikee. 48Efwanane na mntu ejenga nyumba, akafora kivanza kikasea nezo na si, akajenga msingi wanga hena mrarabwe. Hekisea beria, mpombe ikasea ila nyumba na nguju, isiidime kuikusha; ambu yejengiwe nezo. 49Mira ula esikia neri esironga vwo, efwanane na mntu ejengie nyumba wanga he msau, hesina msingi, mpombe ikasea na nguju, hala indi ikagwa; na migwire ya ila nyumba ikaoka mibaha.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.